1. Barang éling Jaka Bergola ngarumpan Ardanaya geus caringcing
Dirontok ku buta
Ardanaya nyingcét nyepak Naya genggong muru deui Buta malikan
Ka Naya Genggong nampiling
2. Naya Genggong tibalik nangkarak bengkang Ku buta tuluy diirik
Muru Ardanaya
Geus landus buta ngajewang Ardanaya geus kacangking Ku Patih buta
Ngagurinjal tiba usik
3. Nu digégél Naya Genggong gegeroan Jaka Mursada ningali ka kulon ka wetan Ningalian lawan perang
Anu lumpat gila ku keris Teu kuat perang
Nu lumpat gila ku keris
Radén Bagus ngarérét ka badegana
4. Dikeukeuweuk ku buta ku buta patih Genggong Ardanaya
Dicekélan pageuh pisan Pun genggong digégél ngunci Jaka Mursada
Narajang jeung ngagém keris
Leungeun sukuna dikeris Parotong sukuna
Buta lepat gugulingan Patihna Ratu Pawéstri Baruntung buta
Gugulingan rék lapor patih Kacaturkeun Ratu di Pulo Salaka 6. Sang Ratu Tata Dewi
Mariksa ku emban Naon embank rarameuan Sada béndé éta nitir Ramé nu surak
Kawan anu perang jurit
7. Emban matur nun sumuhun duka agan Simkuring teu nguping warti
Kinten nu ngaronda
Agan patih ngepung bangsat Moal enya nu perang jurit Piunjuk emban
Bareng keur kitu jol patih
Kaget ningali sang Dewi Ngagerem ngandika Patih bareng ngadeuheus Dawuh aeh na kitu patih Patih doraka
Atawa kunaon patih
9. Patih matur nun gusti abdi téh tiwas Jisim abdi perang jurit
Asal naang satria
Digjaya punjuling papak Numawi ruksak sim abdi Kawon juritan
Karék juritan
Karék nyebut jaka patih
10. Lajeung baé paéh patih Jaka Bergola Reup genek putrid ningali
Barina susumbar Aéh satria ngalalana Teu nyahoeun aing sakti Satria mana
11. Kebat saged sang Ratna Dewi Komala Sakedap Sang Narpati
Lungsur ti bumina Bari nyaur ka baladna Jol dating balad ipri Di awang-awang Ratu istri ngagung deui
12. Geus ngalayang ti luhur nilik ka handap Den Mursada katingali
Sang Ratna Komala Ngahayukeun ka baladna Geus riab balad ipri Jaka Mursada
Ngagem keris metu geni
13. Pada mundur ipri teu wani nyorang Semu ajrih ningal keris
Matur ka Ratuna
Abdi henteu wantu nyerang Ratna Komala ngalahir
Éta satria
Rék dibongohan ku sing
14. Rék digebrag lamun kuateun gagah Kitu lahirna sang Dewi
Barina ngalayang
Tuluy ngagegel Mursada Jaka Mursada teu eling Labuh ngalungsar Ratna Komala ngalahir
15. Ari pokna satria téh tei pira Karék digeblas ku aing Sia kokosodan
Mun enya sia téh gagah Jung geura hudang deui Jeung aing lawan Kitu sahur Ratna Dewi
16. Ardanaya Naya Genggong muru kangjeng Serta pada creurik
Ari pokna duh agan Sing eling ka Nabi Hidir Wasiat eyang
Raden Bagus enggeus lilir
17. Ngalayang nampiling deui Rden Kapidara
Ngomong deui badegana Aeh agan jeung masing eling Ka tuang eyang
Cengkat bari narik keris
18. Ratna Dewi ningali keris seber manah Sang Putri ngabat ka bumi
Raden Bagus ngadek
Ratna Dewi nyandak pedang Pedang kangkang besi kuning Bareng dék angkat
Sumping putrid Gentrasari
19. Deuk dicekel rakana Ratu Komala Bari nyaur Gentrasari
Kuring mun kitu mah Kuring baé mangga pedang Kitu sahur Gentrasari Ratna Komala
Gumujéng ngalahir masi
XXII. PUPUH DANGDANGGULA
1. Naha kitu kasahuran rai
Bét megatan jeung ménta dipedang Bela kawas ka caroge
Ku Aceuk arék dibunuh Ku sabab karengeng teuing Gentrasari ngawalonan Ah Ceuk ulah kitu
Dipedang kami hamo teurak Sabab itu ngagem keris matu geni Disorang aceuk cilaka
2. Enya benar sinatria sisip Anu…. Éta sisip ti heula Éta ngabeyoan baé
Sareng nyarios kapungkur Basa nyarioskeun ngimpi Aceuk palay uninga Éta putra Erum
Jenengan Jaka Mursada Anu bade éta téh salaji rai Maksadna neangan tamba
3. Tapi aceuk pihatur simkuring Kitu soteh lain ngagigila Pedah salaki kuring téh Upami akang dibunuh Geus tangtu aceuk balahi Sabab akang ngagem jimat Itu margi duhung
Pedang kangkam hamo teurak Sabab duhung wasiat ti Nabi Hidir Éta Ratu ning pakarang
4. Balad aceuk sakabeh ipri Teu wani neutaya sanes ti éta Da lamun akang téh lengoh Ku balad basa dikepung
Sok sageuy henteu kacangking Sanajan nu gagah rongkah Da teu bisa ngapung Tangtu beunang dirageman Éta kitu sareng simkuring salaki Tur ka aceuk sareng raka
5. Eta kitu pihatur simkuring
Henteu tega ka aceuk ka engkang Ratna Komala ngawalon
Aéh rai karah kitu Kutan téh rakana rai Naha tu henteu nyarita Lamun nyana kitu
Nya iyeu ari ayeunan mah
Aceuk terang kangen ka caroge nyai Leuwih cocog aceuk manah
6. Atuh geuwat urang téh Nyai tuang raka haturanan lenggah Napsuna mah negur baé Miwarang cacawis saur Sinareng masang cikopi
Sina lenggah tuang raka Aceu kudu ma’lum Kajeun rék malik ngaula Ieu aceu gerwa anu sepuh Nyai Nu anom gerwa cikalna
7. Kitu sahur rai Natadewi Gentrasari pihatur sumangga Aceuk gerwa anu anom Rai gerwa anu sepuh Gentrasari barina seuri Ngawalon Ratna Komala Bari nyawel susu
Geuwat geura haturanan
Tuang raka Gentrasari males nyiwit Ocon semu anu silih gonjak
8. Gentrasari gumujeng jeung indit Raden Bagus rawuh badegana Ardanaya Naya Genggong Raden henteu lepat duhung Ari jebul Gentrasari
Kuat ngasupkun duhung Aéh haturan nuhun Ari kakara nepangan
Na ka mana walon putri Gentrasari Kuring ningal lampah engkang
9. Enggal baé engkang kedah linggih Ratupasrah salamahan seja
Bade nyanggakeun karaton Jiwa ragana sakujur
Sumeja rék malik ngabdi Radén bagus enggal angkat Bus asup
Nanging aya panuhun Kedah dipihukum
Ayeuna dipinggir lenggah
Enggal pisan kedah kairing ku abdi Raden Bagus lajeng angkat
10. Sup ka bumi Raden Bagus calik Geus satata jeung Ratna Komala Gentrasari calik mendo
Ratna Komala munjung Sareng barina ngalahir
Kuring hatur pertobat Wireh culangung Kurang budi lancing
Henteu nyentak ka caroge Gentrasai Gumujeng Jaka Mursada
11. Gentrasari mendo jeung ngalahir Ka rakana simkuring ayeuna Ku aceuk mudu dileler Neda titinggal karuhun Kuring aceuk neda waris Sabab tunggal ibu rama Henteu misah ibu
Sanajan sagede muncang
12. Banda kolot misti duakeun sareng abdi Nu ngaran Tirta Bulayah
Kudu baé kuring dipaparin
Pikeun engkang landing nu teu damang Sakitu nu diteda téh
Ratna Komala ngawangsul Nya bener sukur
Kahayang aceu kumaha
Kapan terang ku raka lamun dikawin Ulaban Tirta Bulayah
13. Cacak éta raka mundut Nyai Nya sumangga bét mundut Nyai Sabada aceuk mangga baé Kapan kitu nya panuhun Pihatur Sang Gentrasari Ayeuna sumangga engkang Jisimkuring wayuh
Jeung Aceuk Ratna Komala Tapi aceuk kumaha parentah rai Kana sagala aturan
14. Sabab aceuk guru nu pandeuri Eta kitu raden enggal nikah Geus henteu panjang carios Ratna Komala dicanduk Rawuh rai Gentrasari
Ku Rden Jaka Mursada Sareng Nyai Ratu
Geus nyerenkeun pangjenengan Sabaladna sadyang geus sami ngabdi Ka Raden Jaka Mursada
15. Pada seba sabaladna ipri Sakabéh jin seba ka ratuna Dumeh kagungan caroge Sadayana sami taluk Jin ipri geus pada ngabdi Ratna Komala ngandika Engkang mangga pundut Perkawis Tirta Bulayah
Kanu tunggu ngaran Kumbara Kumbari Buta anu tunggu jimat
16. Tempatna téh dikubéng ku beusi Jero gunung engkang ti nagara Lalampahan tilu poé
Ari kuring anu mundut Hamo mikeun buta Kombari
Kuring geus henteu kawasa Geus henteu jeneng ratu Ratna Komala ngadoja
Pang kituna Jaka Mursada ngalahir Nya ku manéh baé engkang
Raden Bagus geus lungsur ti bumi Enggal angkat rawuh badegana Ardanaya Naya Genggong
17. Kocapkeun éta nu tunggu Buta Kombara Kombari Henteu pisan diwartosan Wantu jero gunung Yén ratuna carogean
Raden Bagus harita ka dinya sumping Ku buta dua dipecat