1. Radén nitah tonggong lauk Badéga Patih rarigil
Aringgis reugreug di tengah Lauk Minayu ngomong deui Aéh Paman masing percaya Kan geger nyekel sing tarik
2. Jaka Mursada seug nyaur Na da sesah Paman geuning Geu tumpak gendek nu dua Lauk geus ka tengah deui Ngocépat lauk geus lumpat Tarikna lir Kapal Api
3. Radén Bagus nu ti payun Ardanaya liweuh risi
Muntang pageuh ka Juragan Ari Naya Genggong deui Nyekelan ka Ardanaya Peureum beunta kawas itik
Tarik batan mimis bedil Ngocépat lir Kuda lumpat Munggah angina ngiliwir Nyorang arang-arang nyimpang Nembag lambak ombak cai
5. Parental ningali Gunung Jaka Mursada ngalahir Minayu ieu Pulo na Lauk wangsul lain Gusti Lar deui Pulo kaliwat Manggih deui Pulo hiji
6. Mariksa deui Dén Bagus Walon lauk lain Gusti Nagara Pulo Salaka Ti Erum kalangkung tebih Lalampahan Tilu Bulan Kahalangan Tujuh Nagri
7. Pulo na éta sakitu
Tebih Pulo Salaka Kahalangan Pulo deui Ari Pulo nu kaliwat Keeling mandera manjét
8. Ari anu loba Gunung Nya éta Pulo manjét Ari Pulo Salaka manah Éta loba Gunung deui Lauk ngomong bari lumpat Henteu eureun beurang peuting
9. Gancangna iwak Minayu Ka Pulo Salaka tepi Lalampahan Tilu Bulan Ngan dijieun Tilu peuting Lauk pok deui haturan Mangga ayeuna mah Gusti
10. Abdi eureun Gusti lumpat Tina tonggong jisim Abdi Nya ieu Pulo Salaka
Mangga geura ka Nagari Jaka Mursada ngandika Atuh eureun téh ka sisi
11. Sigeukeun iwak Minayu Keur eureun di sisi cai Kocapkeun Pulo Salaka Anu kagungan Nagari Ratna Kombali nimbalan Ka Jaka Bergola Patih
12. Ari Dapu Ratu aya Coba ayeuna Ki Patih Mudu ideran Nagara Saantero pék ku misi Bisi aya kuma onam Jalma anu arék maling
13. Boh bisi aya nu ngamuk Nu matak kudu kumisi Béjana aya jalma
Éta Patih lamun enya Cekel baé ku Ki Patih
14. Mun enya aya nu kitu Éta pitnah ka Kami
Duméh Kami Ratu Bikang Jeung deui ayeuna Patih Nu matak mudu dironda Bisi aya anu gering
15. Ka Kami menta jajamu Moal kungsi mula meuli Eujeung éta kudu Ujang Mudu mindeng ronda
Patih saya nu sok maling uang Nya éta kénéh nu nyangking
16. Ari anu nomer Satu Teu dironda ku Patih Nya éta Tirta Bulayah Éta larangan Kami Mun lunta lantu kadinya
Jalma dihukum geus pasti
17. Kajeun uang samiliun Upama aya nu maling Jeung euweuh éta mah jimat Nu kemit sing ati-ati
Buta kombari kombara Ulah talobéh nu kemit
18. Kitu dawuh Ratu nu Ayu Patih matur mangga Gusti Patih indit seug ka luar Ti bumi Ratu Pawetri Patih kebat ka paséban
19. Hareugeuh Patih ngadawuh Nimbalan ka Pangkat leutik Aéh sakabéh pangkat-pangkat Ayeuna timbalan Gusti Sakabéh mudu ngaronda Ider sakudeuweung Nagari
20. Lamun aya nu ngalantung Tangtu aya nu rék maling Tango barogod talian Sanggakeun misti ka Nagri Jeung mawa balad gagaman Ponggawa sami caricing
21. Jeung ronda nu tungtung gardu Ku usar jeung perjurit
Saban parapatan cagak Kudu pada ati-ati
Dén patih cangkar ngaronda Diiring ku Pangkat leutik
22. Sigag anu tunggu gardu Radén Bagus catur deui Nu ti cai hanjat ka darat Rapuh badégana deui Naya Genggong Ardanaya Ti pungkeureunana ngiring
XX. Pupuh Pangkur
1. Jaka Mursada geus bacat Mendak jalan disapu lenang Sisi jalan rantuy Manggu Buahna hideung arasak
Naya Genggong jeung Ardanaya pungkur Pada ngomong euleuh buah
Itu geus arasak teuing
2. Naha bet heunteu di ala
Urang dieu mah tayohna heunteu bareuki Atawa darusun kitu
Teu nyaho dibuah ngeunah
Pok Naya Genggong urang ala Aka hayu Matak nyeuri beuteung boa
Ardanaya mipit hiji
3. Pok Ki Naya Genggong nyempad
Tah Aka mah kapan nyarék geuning mipit Ki Ardanaya ngawangsul
Mangkaha ngala hiji mah
Mipit deui bari sungutna sambutut Naya Genggong mah nyengkata
Geus heunteu tatapasini
4. Di luhur enyoh ngakanan
Wani inggoy dititah ku anu kemit Naya Genggong henteu turun Anu kemit ngahaokan
Pokna saha éta wani kitu Naya Genggong pok ngajawab Nu ngala Manggu tadi aing
5. Naha dicarék ku sia
Naya Genggong turun bari sungut emih Aing mah néangan Manuk
Biwir bari disusutan
Pokna sia bet nuding teu pupuguh Aing ngaliwat mah enya
Nunjuk-nunjuk anu kemit
6. Nu kemit rosa nyarékan Urang mana sia Pati cilimit Anu tunggu bijil napsu Ngancunan yeuh urang mana
Wani-wani ngala sorangan Sang Ratu Naya Genggong ngaléléwéan
Ngajogét bari ngirindil
7. Anu kemit ngagoroan
Ka baturna pada kagaét kabéh nu kemit Baturna geus pada muru
Ki Naya Genggong iyatna
Ardanaya cingogo jeung Radén Bagus Teu pisan rajeg manahna
Burubul nu kemit ngusir
8. Marawa cagal jeung Tumbak
Lima puluh sawaréh mawa gegendir Eujeung Naya Genggong tepung Gawéna keur jogédan
Eujeung Emih heunteu kandeug nyatu Manggu Anu kemit pada nanya
Aéh urang mana silaing
Éta weuteuh sotéh éstuning rarangan Gusti Enya kula ngala Manggu
Itu piwarang ku Agan
Agan déwék éta putra raja Erum Nu matak kadieu datang
Nyiar tambaan gering
10. Nu ngaran Tirta Bulayah Éta kitu nya déwék nu ngiring Na sialaing hayang Manggu Nu Lima puluh ngajawab Ieu jalma nu Tilu hayang hirup Bet rék mawa jimat Raja Maling Manggu gé dipeuncit
11. Nahan ngaku Pun Raja
Tapi ayeuna dihampura ku Kami Ka Nagara ulah asup
Eunggeus tangtu dibabandan Éta kitu ceuk jalma nu Lima puluh Jaka Mursada ngandika
12. Bét aing rék dibabandan
Coba karép ku sakabéh awak aing Bon kakara lima puluh
Geura sok tambah salaksa
Henteu gimir kitu saur ratu Radén Bagus Ari carék Ardanaya
Geus montong juragan aing
13. Ieu baé badegana
Coba tangkep lamun beunang téh nya leuwih Carék badegana kitu
Buncelik anu mégatan
Montong meunang digigila tangkép batur Geus memang égol bangsat mah
Nya lancing nya kumawani
14. Nu rék nangkép ngudar tambah Ardanaya nyerang jébrod nampiling Keur guyur nu lima puluh
Ting jaropak unggal garduh pada muru Ku Naya Genggong dilawan
Nu nampiling tarik teuing
15. Ari nampiling ku kenca
Sakur anu katampiling utah getih Jul jol nu ngaronda tepung Jeung patih Jaka Berkala
Seug ngandika ngahareugeuh kadi maung Aeh satria urang mana
Torojogkeun tanpa wani
16. Manéh asup ka nagara
Patih buta sertakumalayu ngalahit Bésar ati urang bagus
Tidak takut sama gua
Orang mana lekas goré buka mulut Lékas pacalang ambil tambang Ini orang mu mencuri
17. Jaka Mursada ngandika
Lain lantung tambuh laku Lumayan aya pangarah
Mun teu nyaho nya aing putra Raja Erum Nya ngaran Jaka Mursada
Rék nyiar tamba nu géring
18. Nu ngaran tirta Bulayah Anu boga bejana Ratu pawasir Ari kula rék cacaluk
Mikeun teu mikeun rék ménta Éta kitu Jaka Bergola nu keur napsu Ngomong bari ngajajagang
Hag sia beuweung ku aing Ponggawa para gegeman
19. Coba cekél ieu satria mencuri Bét rék ménta jimat Ratu Patih sakitu saurna
Radén Bagus ku gegeman geus diképung Sét mésat duhung pusaka
20. Lajeung diamuk gegeman
Patulayah nu paeh patumpang tindih Kesis métu géni hurung
Nu ka hiji paeh lima
Radén Bagus pangamukna enggeus liwung Balad patih ampi béak
Patih maju gadag-gidig
21. Dilawan ku Ardanaya
Bareng tepung digebah ku buta patih Ardanaya tipecat jhauh
Buringas barina hudang
Ardanaya tambah napsuna nyuruntul Ki Naya Genggong narajang
Ka buta géplék nampiling
22. Jaka Bergola malikan
Dating deui Ardanaya bék nampiling Patih malik tuluy maju
Naya Genggong jol ti tukang
Dikadék patih teu teurak Dipindo dibulak-balik
23. Ki Ardanaya narajang
Gep ditewak ku Jaka Bergola patih Dibalangkeun henteu jauh
Cengkat deui Ardanaya
Langkung napsu Jaka Bergola ditumbuk Geus ngahuleng patih buta
Punduran henteu éling