e.r. JABANIAH
PUISI PERPISAHAN PRAMUKA 2019
Pangjajap Penutupan
Hiliwir angin pasisian Marengan rasa nu aya
Jangjang peuting geus ngalingkup
Nyimbutan hate urang sewang-sewangan Anu ayeuna babareungan
Ngariung ngahuap lingkung
Sajatina di sakola...
Mangsa geuneup taun gulangkeup Hirup kumbuh sauyunan
Silih asih,silih asah,silih asuh
Rupaning kagiatan nu kungsi dilakonan Diantarana pikeun kasatriaan
Ngambah kamandirian Pramuka dijadikeun harepan
Kemping nu pernah di ayakeun Persami nu kungsi di sungsi Kiwari bakal kapeugat Ku lajuning kahirupan.
Nyerenkeun Andik ka Orang Tua
Pembina
Baheula mangsa na kandungan
Dua bulan herang,tilu bulan kukumalenggang Opat bulan ngawujud,Salapan bulan medal Dirawu dipangku na kanyaah sepuh
Bihari mangsa pang inditan Lengkah-lengkah leutik marengan Da puguh aya nu bakal ecag tina aisan Tina pangrumrum indung nu nyusuan
Kamari mangsa amanat tiban ka atikan Lain wungkul pangaweruh talaran Kudu ngabina saujratna, sakabehna Sangkan budak pinanggih jeung dirina
Tina lengkah kana lengkah Kasatriaan diwejang Kawiraan dilakonan
Pikeun ngawangun karakter atikan
Kiwari...
Satutas lengkah-lengah marengan Waktu wanci tomper keur pamiangan Pucuk-pucuk pamiangan nembongan Kawates ku wanci panungtungan
Wanci ieu nyanggakeun Ka ibu, rama atikan
Di mangsa panutupan kapramukaan Nyanggakeun kasadayana....
e.r. JABANIAH
Budak Lalaki
Peuting ayeuna...!!!
Ieu peuting mawa tangara panungtungan Dina kagiatan-kagiatan
Di SD nu ku urang dipikaheman
Peuting ayeuna ... !!!
Mawa harewos kanu rek mios Kaurang-urang nu bakal paturay
Dina kagiatan kagiatan anu saperti kieu
Kuring rek nanya?
Kadiri pribadi, pikeun aranjeun babaturan...!! Ti saha urang bisa panghiap
Unggah ungguh kasopanan
Tangtu bakal satuju..
Eta kabeh ...ngan ti guru-guru urang Nu kungsi ngalatih diri
Nu kungsi mere kaheman
Kuring nyaksi ti mimiti kelas hiji Nepi kapeuting panungtungan Urang mo bisa nanaon
Tong nyapirakeun kasadaya pangatik
Peuting ieu urang anteur
Paninengan pikeun urang sarerea Ka aranjena nu ngareka pangabisa Urang ayeuna unjukan...
Unjukan kasadayana...
Ka guru nu ngawuwuh elmu.. Ka sakola ....
Tempat nyiar pangabisa Kuring rek indit... Ayeuna bakal miang.
Budak awewe
Peuting ieu hate bet rehe Aya lirih ku kapiati Nyungsi diri nu sayakti Kasurung kutungtung wanci
Bapa... ibu.... Abdi seja amitan
Tina kagiatan kapramukaan Kagiatan di atikan urang
Panungtungan... Ku ngagayuhna waktu Teu tiasa muterkeun wanci
Kahoyong mah sasarengan salalawasna Tapi dalah dikumaha
Abdi sadaya bakal miang Nyorang jugjugan
Hapunten ... Bapa.... ibu...
Abdi nampi sagala kasatriaan Hasil Atikan ti sadayana
Pami lampah nyandang leupat Hapunten kana datna sifat Da puguh apanan atah Sewu beebndu laksa duduka
Pamitan abdi rek miang Sapu nyere pegat simpay Mugia jadi panyepret Ka hate anu keur rehe
Pileuleuyan ...pileuleuyan.. Abdi miang naratas jugjugan Pido’a ti sadayana
Mugi cita-cita tinekanan
