LITURGI NATAL
WANITA GKPS 2013
Tema:Hita do saksi ni Kristus ( Lahoan ni Apostel 1:8)
Sub Tema : Ambilankon hita ma ambilan na madear bani sagala na tinompa ase jumpahan haluahon.
(Markus 16:15)
II. Kebaktian
1. Votum-Introitus-tonggo
P. Ibagas goran ni Naibata Bapa, pakon AnakNI Tuhan Jesus Kristus ampa parsaoran ni Tonduy Napansing sitompa langit pakon tanoh on
P+K: Amen
P. Banggal do Pambahenan ni Jahowa
J. Patut si dingaton ni sagala namangkarosuhkonSi P. Hamuliaon pakon hasangapon do pambahenan Ni K. Anjaha hapintoran ni totap do ronsi sadokah ni dokah ni
P. Ipajongjong do pardingatan bani halongangan Ni P. Haleluya
Martonggo ma hita..
2. Mandoding Haleluya no 41:1-2
3. Liturgi I Pamujion bani Tuhan sitompa haganup na itanoh on.
P : Jahowa do sitompa langit anjaha
napaherbangkonsi,napajonamkon tanoh on ampa sagala na tubuh hunjai, na mambere hosah bani halak namarianan ijai ampa Tonduy bani jolma namanggoluh ijai
1 : Puji ma hita ma Tuhan nadop manompa langit pakon tanoh on. Bani mungkah ni lumei ope tanoh on. Golap tumang, lang adong pangisi ni tanoh on kosong ope haganup. Tapi bani panorang ai pe domma markuasa Naibata laho pasirsirhon sagala naporlu itanoh on ase jenges, rapi, aman,janah damei .
do Hata in. Rap do in pakon Naibata bani mungkah ni. Haganup marhiteihonSi do ase adong, anjaha seng dong nadop dong in naso marhiteihon Si.
3 : Tarpuji ma ham Tuhan nadop adong Humbani mulani anjaha totap ronsi sadokah ni dokahni. Lang marbona anjaha lang marujung harajaonmu Tuhan.
4 : Puji hita ma Tuhan nadop manjadihon dunia on, dear tumang. Hata .“dear Tumang” onma na pas laho patugahkon pasal mulani mulani. Bibel ta manuratkon ,dear do haganup itompa Naibata.Lang adong ijai porang, sombong, subil, latei bani panorang ai. Haganup dear tumang ai pitah Naibata do mamarentah bani panorang ai. .
5.: Itompa Naibata ma nalihar ase boi margantih pakon na golap. Dop ai pe ase itompa nalegan in. Ase boi isusun domu bani porluni manurut Tuhan. Haganup i susun jenges tumang, ari margantih ari, minggu margantih minggu,bulan margantih bulan tahun margantih tahun, musim margantih musim.
6.: ( I dodingkon)
O Naibata nasangap namapansing sitompa langit pakon tanoh on
Anggo hudingat jadi jadioan mu ai isarihon ham do in tongtong Marolob olob au mamuji ham O Naibata sangap do Ham
Marolob olob au mamuji Ham o Naibata Sangap do Ham
8 : Ipuji Ipasangap hanami do Ham Tuhan, ai domma itompa Ham haganup jenges Tumang . Dop ikawahkon hanami nadop tinompa Mu in, buei tumang do tugas pakon tanggung jawab nami bani goluh on, anjaha ibotoh hanami ma tongon Bamu do hasangapon sadokah ni dokah ni
9 : Puji hita ma Tuhan nadop manompa jolma in usih songon rupaNi. Dalahi pakon Naboru do itompa sidea. Lang adong nahurang ni sidea bani mungkahni, domma ipasirsir ganup. Sadokah mardingat sidea bani Tuhan ijaima irawat sidea ganup natinompa pakon diri ni sidea. Tapi halani ibere do uhur jagonan humbani haganup natinompa in gabe ipakei sidea do in lang domu bani harusuh Tuhan. Dop ai ma lang damei anjaha sonang, be pargoluhon ni sidea. I parseda ma hayu bahen pakean ni sidea anjaha mementingkon dirini bei, mansalahkon halak ma sidea, lang adong sidea manobut kesalahan ni sendiri.. Aido mambahen ase maseda ma dunia on.
10 Haganup dear ni tinompa in lang homa tarsirang hita humbani keperdulian ta bani panorang on, Haganup anjaha totap do in dear anggo haganupan hita manramotkon pakon mangkargahon horja ni Tuhan bani goluh siganup ari . Ibere Naibata do banta kuasa laho manrajai anjaha ase manggargar bani ianan ni bei na tinompaNi in. Ase haganup do hita sipartanggung jawab bani hadearon ni natinompa ni Tuhan.
11 Ibere Naibata do bani jolma hak laho manguasai janah manrajai ganup natinompa Ni in. Kuasa ai do mambahen ganup natinompa in dear atap lang dear. Porlu dingat hita siholni uhur ni Tuhan Naibata ase ganup natinompa in dear tumang. Tapi anggo isalah gunahon hita do hak nadop ibere banta ai gabe hasedaon ma use bani ganup natinompa .
4. Mandoding Haleluya no 36.1+4+5
P : Goluh na madear lang sanggup be mambahen jolma in puas, lalap merasa hurang. Laho manggoki pangahap na hurang iusahahon jolma do bani panorang on marhitei bagei cara. Tongon marpala pala do ase cara namadear bani Tuhan, tapi usaha nasonai ai songon na lang manggoki hahurangan ai, halani ai dong ma pingkiran atap cara ahape asalma saut sura sura. Ahama na terjadi bani panorang jolma in madabuh bani dosa?
1 :Ganup ari ididah hita do pasal hamajuon ni jaman on, tehnologi semakin canggih, boi hatahonon, atap aha pe harosuh ni uhurta boi ma tarsungkupi. Marbalanja sonari on lang pala be laho hu toko domma adong tawaran antar di tempat, anggo daoh niombah ganup panorang martelepon atap marskypy. Martelpon marsididahan, lang pala sai siholan be. Tapi aha do pangkorhon ni ai? Tonggor hita ma haganup jolma mamorluhon dirini bei. Lang be perduli bani hasoman nalegan
2 :Na dear bani panorang on aima anggo boi gabe Sitangihonon, sonaha ase ihargai hasoman, ase ipuji, sonaha ase taridah hebat, napenting punya Kuasa, pangkorhon ni Egois. Halak na lang margogoh, na lang markuasa gabe jabolon ni namarkuasama. Na gogoh roh gogoh ni na galek lambin roh galekni.
3 :Nabayak lambin roh bayakni na miskin roh miskin ni do. Apatis namando. Sonaha sonaha, sonin sonin. Halani domma marayoh jolma sonari on manangar hata bagah bagahni jolma na lalap lang marujung, Namadear na iusahahon ni pamarentah sonarion ianggap ma sebagai dongeng
puho pe, mungkin do nani hita martahan anggo sonai situasi ai?
5 :Antigan do haganupan hamaholon on marujung. Halani rakus ni jolma, parohkon bencana alam na lang tarambati. Pagar alam domma maseda. Harangan lang be sanggup mandoding, laut pe lang pataridahkon hadameion, udara pe domma kotor bah be domma tercemar. Haganup domma maseda.
6 :Sonari on sihol do rapi, borsih. Tongon dear ma ai. Halani ai atap mamboli ahape domma ibungkus bani plastik, halani murah ni plastik ai gabe urah ma homa mangambukkon atap ija pe, dop ni sampah plastik ma merap. Ijuma, ikota, ibagas sungai pakon ipinggir bah pe domma gok Plastik 7 :Aturan langbe ihargai. Haganup domma menganggap
namadear. Menghalalkan haganup cara aima sada jalan pintas , budaya uhurhu bangku“ aima na hebat sipasingat pakon panisei lang be ihaporluhon haganupan domma maseda
8 Anggo hubasa Koran, pakon hu idah I televisi, hotop tumang do adong halak namarujung goluh halani ulahni jolma. Anjaha na hebatni pelaku lang daoh partuturan ni, atap ianan ni humbani si korban. Dong do halani merasa lang tarsaingi, “mase ia boi au lang”, Dong do ai halani perampokan, adong pemerkosaan, adong kecemburuan. Sipata rado tubuh ibagas uhur dearan ma aha pe lang nabotoh namasa ase boi bulus uhur laho marhorja. Tapi songon na lang tartarongkon homa anggo lang adong nabotoh aha ma naterjadi idunia on. Pangkorhon ni ai lang dong be keperdulian Majangin tumang ma namasa on.
6. Mandoding Haleluya no 38: 2-3
P. Hamagouan do rupei ni jolma na ibagas dousa. Tapi lang marosuh Naibata anggo magou jolma in ibagas dousani ai. Halani ai do ase Naibata sandiri roh hu tongah-tongah ni jolma marhitei janah ibagas Jesus Kristus, laho paluahkon jolma humbani hamateian hinorhon ni dousani. Hunjin taridah ma paboa marhitei idop ni uhurNi, ipasirsir do dalan haluahon banta.
1.:Tonggor ma, suruhonku ma suruhanku, ase ipasirsir dalan i lobeihu, jadi sompong ma roh Tuhan, na pinindahannima ai, marayak rumahni; suruhan ni parpadanan, na hinasiholhon nima ai, tonggor ma, na roh ma Ia, nini Jahowa Zebaot” (Maleakhi 3:1).
2.:Na roh ma panorangni, nini Jahowa, pasaudonNi ma ijai bagah-bagah na dob binahen bani ginompar ni Israel ampa bani ginompar ni Juda
3. :Marmalas ni uhur tumang ma hita, marolob-olob ma ho, ale ganup tanoh on tonggor ma, na roh ma Rajam ta in marayak hita; parpintor anjaha siparmonang do Ia. Toruh do uhurni (Sak. 9:9).
4.:Ai sonon do holong ni uhurni naibata bani dunia on pala do anak Ni nasasada in iberehon ase ulang magou ganup naporsaya Bani tapi ase hagoluhan nasadokah ni dokahni bani
5.:Anjaha Poltak ma anggo bannima, sagala namarhabiaran bani goranKu, mataniari ni hapintoran , marhasoman hamalumon itoruhni habongni, songon anakni lombu namanlumpat-lumpat humbagas harang. ( Maleaki 4.2 )
6.: Barah ma roh Tuhanta, jolom hita ma na dong banta, ulang dong namambuat sortalita
8.:Janji ni Tuhan do in bani ganup jolma anjaha lang ongga sonin tumang lang marguna in.. gabe hadearon ni jolma natinompa in tadingkon hita ma horja hagolapan masuki hita ma goluh haliharon na humbani Tuhan in.
9.Lang adong gunani manlawan hita ilobei ni Naibata, ai domma ipasir-sir ianan bani halaknaporsaya bani. Sadarion anggo itangar hita soraNi paunduk hita ma uhurta ase ulang lopus tumang pasu- pasu ni Tuhan humbanta
8. Mandoding Haleluya No 37 : 1 – 2
9. Liturgi IV Partubuh
P :Lang tarbialangi be dousa-dousa ni jolma idunia on. Golap ma pingkiran sonai homa paruhuran. Lang dong sada jolma pe na boi paluahkon diriNi humbani paruhuman ni dousa. Tapi Naibata parholong na tarsulur, Ia do napasirsirhon dalan bani jolma in ase maluah humbani uhum halani dousa. Ibere do Jesus Kristus AnakNi na sasada in laho manaron itongah-tongah ni dunia on, ase jumpahan hagoluhan na sadokahni-dokahni.
Ket : Dob ibasahon P hatorangan, masuk ma peserta na berperan bani liturgi on irik mandoding ma songleader.
a. Songleader mandodingkon :
Malam kudus dilangit bertaburan Bintang gemilau terang benderang Terpancar kini sinar pengharapan Janji Ilahi sekarang genap
Dan bangsa yang lelah beroleh harap Melihat Fajar kini merekah
Mari sujud dengar kidung Malaikat
Malam Kudus malam Kristus lahir 2x
c. Roh ma hunpudi sada malekat na manjaga Josep, Maria ampa bayi Jesus
d. Iirikon Parmahan na domma mandapot barita humbani Malekat sanggah iparmahanan sidea, lanjar marsombah ma ilobei Ni Maria, Josep ampa bayi Jesus
e. Halak Majus na mamboan siluah ni irik homa marsombah f. Dob ai jongjong ma haganupan pemeran liturgi partubuh on
lao mambere hasaksion.
Malekat :Isuruh Naibata do au laho padaskon barita malas Ni uhur bani dunia on. Roh do au bani si Maria ampa si Josep, halani sidea na ipilih Naibata gabe parhiteian laho pasaudkon sura-sura ni Naibata i tongah-tongah ni dunia on. Ia sidea na dua, sipambalosi do bani parentah ni Naibata. Maria :Au Maria, au ma naboru na tang marmalas ni uhur
halani ipangkei Naibata do ahu gabe Inang na manubuhkon Kristus Yesus. Tarsonggot do au sanggah manangar barita na iboan malekat ai hun surga. Halani hupingkiri, naha do tongon au sahalak anak boru na gok dousa manubuhkon Anakni Naibata, janah ahu pe lape marumah tangga? Tapi halani hubotoh anggo Naibata do na marsuruh ahu maningon do saud harosuhNi. Anjaha porsaya do au seng anjai tadingkononNi ahu laho mandalankon sura-sura Ni ai. Tarimakasih ma Bamu Ham Naibataku.
Parmahan :Parmahan do anggo hanami. Anggo humbani status sosial hanami on jolma na lang masuk bilangan . Halani na masombuh do hanami janah lang berpendidikan. Dorun do hanami itongah-tongah ni simbuei. Tapi hubannami do parlobei ipadas Naibata barita pasal partubuh ni Sipaluah. Longang, gobir, anjaha mabiar do hanami sanggah mandapotkon barita ai. Tapi malas do tongon uhur nami halani harga do hanami ilobei Ni Naibata. Hanami do use na ipangkei Naibata laho padaskon partubuhNi anakNi Jesus. Megah tumang uhur nami mandalankon parentah in. Diateitupa ma Bamu Raja nami, sai marmulia ma goranMu tongtong.
Majus :Bintang na marsinondang ai, ai do na iirikkon hanami. Daoh do pardalanan na ibontas hanami janah das ma hanami bani Raja ai. Iboan hanami siluah namaharga gabe galangan nami, malas tumang uhur nami boi pajumpah pakon Raja na gabe sipaluah jolma. Tongon domma tubuh sada Raja bani huta na etek-etek aima Betlehem. Marsangap, marmulia ma Ham Naibata, sonari ronsi sadokah-dokah ni.
Haganup :Hanami on aima saksi partubuh ni sipaluah. I baritahon hanami ma barita malas uhurhon hubani hita haganupan, ase hita pe dihut ma homa mambaritahon ambilan na madear on das huujungni tanoh on. Borngin on domma tubuh banta Juru Slamat, sipaluah ganupan jolma. Jalo hita ma parroh Ni hubagas dunia on, hubagas uhurta, ase marhasonangan ma goluhta. Amen.
10.Mandoding Haleluya no 421 : 1-3
11.Refleksi Natal
gereja pakon masyarakat. Halani ai dear itangar hita aha na gabe refleksi banta, marhiteihon Natal ta borngin on.
1. Borngin on domma tubuh Sipaluah bani uhurta, tapi ulang pitah tubuh ibagas uhur tumang Ia, tapi marbanggal janah marbuah ma namin holongNi ai ibagas pargoluhon ta. Haholongi hita ma Ia songon Ia mangkaholongi hita, haholongi hita ma keluarga ampa haganup hasoman idunia on marhitei holong na domma ijalo hita humbani.
2. Sadokah on, selaku inang hurang do hupardiateihon aha na gabe tanggung jawabku ilobei Ni Naibata. Martonggo do namin ahu, tapi pitah sanggah dong porlu hu, halani dong sura-suraku. Tapi dob honsi ibalosi Naibata tonggoku, lupa do au martarimakasih hu Bani. Halani ai, marhitei damei natal borngin on, sihol do au gabe inang na taat ilobei Ni Naibata. Na pongkut martonggo janah ringgas mandalankon podah Ni.
3. Mangidah kebutuhan pargoluhan na lambin meningkat, selaku inang gobir do au. Ai do na mambahen ase hugogohi do mangkorja ganup panorang. Tapi halani ai gabe hurang do holongku dompak keluarga. Lang hupardiateihon haganup niombah, ai do homa na akhirni mambahen patinggilan itongah-tongah keluarga nami. Tuhan, marhitei parroh Ni AnakMu on, sihol do au manadingkon pambahenanku na lepak in. Pangkei ma au mambagi panorangku. Ajari Ham janah pargogohi Ham ma au Tuhan. 4. Mardingat buei sitarononku, loja do angkulaku, pingkiranhu
pakon pingkiranku, maningon Bamu Ham sipaluah huondoskon horungku, ase lambin margogoh ahu”
5. Domdom, subil, ampa latei mangidah hasoman lang be hudalankon ai. Marpangabak na bayu ma tongtong ahu, halani ai do na iharosuhkon Naibata bani pargoluhanta. Homani lang adong untungni bangku anggo totap dong ai ibagas uhurhu, tapi sebalikni roh boratni pingkiranku. Domma tubuh Jesus ibagas uhurhu, gabe inang na gok holong ma au tongon.
6. Sonai ma banggal pambahenan Ni Naibata hubanta, aha ma sibahenonta? Sonaha do holong ampa perhatianta dommpak Gareja panorang on? Hita ma na maningon berjuang mempertahankan hajongjongan ni Gareja ta. Halani ai marhitei Natal on huharinggaskon ma mandihuti haganupan horja-horja na adong i Gereja. Ase lambin marmulia ma goranNi Naibata.
12.Mandoding Haleluya no 313 : 1- 3 13.Ambilan
14.Mandoding no 316 : 1- 2 ( Patumpu Galangan) 15.Tonggo panutup
