BAHAN SERMON AMBILAN 19 FEBRUARI 2023 Teks : 2 Petrus 1 : 16-21
Topik : Jesus do Raja na marmulia PARLOBEINI
Minggu Estomihi artini aima ‘sai Ham ma na gabe batar-batarhu’ (pslm. 18:3. Jes 26:4).
Anggo jahowa ma tongon na bahen batar-batar bani goluh on, tontu pori roh pe paruntolon janah gok pe hamaholon na idompakhon hita, naboi do in italuhon hita (Filp. 4:13). Refleksi goluh na sisonin do naniarapkon jumpah bani panjalo ni surat 2 Petrus on. Petrus doma berusaha laho pasari goluh partonduyon ni kuria in, tapi sai adong do tong ajaran palsu na laho mangagou pakon pakahouhon kuria in dengan tujuan laho parsedahon ampa mangagou. On aima horjani nabi sipakulah-kulah. Sedo na sintong horja ni sidea, tapi gok kebohongan pakon tipu-tipu do.
Marhiteihon ni ambilan on, iarapkon boi mangolat ajaran-ajaran sesat na semakin gencar na laho pasedahon kuria in. Sebagian ajaran na sihol parsedahon kuria aima marhitei naihatahon sidea na lang sintong Jesus selaku suruhan ni Naibata. Dob ai isobut sidea do homa paboa na lang sintong roh jesus paduahalihon songon na dob i patorang Petrus hubani kuria in, I hatahon do bahwasani ajaran-ajaran ai lang pewahyuan humbani Naibata melainkan buatan manusia.
Halani doma i pakahou kuria in, roh ma Petrus laho ‘buka suara’ laho menjawab ajaran na i padas nabi sipakulah-kulah ai. Ai ma na I surathon bani 2 Petrus on na laho menyangkal tuduhan nokkan ai naija ihatahon Petrus do homa pasal pengalamanni sebagai saksi mata bani peristiwa
“transfigurasi” Jesus (Petrus. Jakobus, Yohanes Mat 17:1) sebagai peristiwa na melambangkan parousia (Yunani: kehadiran, kedatangan, atau kunjungan resmi) artinya kedatangan Kristus yang kedua kali ke bumi.
HATORANGANNI
Usih songon goran ni Petrus na bani hata Gorik mararti “batu gingging”, sonai ma ia
‘pakkar’ ibagas na laho memberantas atappe padearhon ajaran na pakahouhon ai. Bani bona ni ambilan on isobut Petrus do sonon 'ai seng turi-turian na piningkiran ni halak na pentar urikhon hanami, sanggah ipabotohkon hanami bani nasiam hagogohon ampa parroh ni Tuhan Jesus Kristus, tapi ididah mata nami sandiri do hasangaponNi (ay. 16). Jadi Petrus patugahkon paboa na adong dua alat bukti bani, aima naididah pakon na ialamini sanggah bani peristiwa
transfigurasi Yesus, mubah ma rupaNi ampa hiouNi ididah susianni (Mat. 17:2) aima gabe bukti ni hasangaponNi na masa i dolok namapansing, naija nini sahalak bapak gereja Origenes, bapa gereja ai, peristiwa on masa, i dolok Tabor na i Galilea.
Ketika ai ma Petrus mambogei sora na mangkatahon ‘ondo anakHu haholongan ni uhurHu, marosuh do uhurHu Bani’. Marhitei in hape ternyata Petrus lang pitah mambaritahon barita naibaritahon halak hubani, tapi pengalaman pribadi, ai do naihatahonni, ai tangkas do ididah janah itangarni Bani bahasa Indonesia lambin tangkas do use pernyataan ni Petrus in, halani ijai isobut do ia gabe 'saksi mata', pengalaman ni i dolog na mapansing ai, mambahen ia roh toguhni. Gabe nini do use bani ayat 19 ai, ‘jadi lambin totap ma hata panjahaion in bannanmi, anjaha dear ma marsijoloman nasiam hujin songon bani sada lampu na marsinalsal ibagas ianan na golap paima siang ari, anjaha poltak bintang buha siang in ibagas uhur nasiam’.
Ipatotap uhur ni Petrus naige kuria in halani kuasa hagogohon ni Tuhan. Petrus dihut narhatongonkon paboa aha nahinatahonni ampa naipadasni lang bertentangan pakon na hinatahon pakon naniajarhon nabi-nabi. Halani ai ipangindohon Petrus do hubani kuria, ase hataNi Tuhan na ipadasni sonai homa hasaksian ni nabi-nabi na parlobei maningon ma ijolom kuria in songon sada ‘lampu’.
Halani pardalanan i dunia on tanpa hata ni Tuhan na gabe ‘lampu’, usih ma ai songon na mardalan bai na golap. Halani ai, riap hita pakon parpsalmen mangkatahon 'hataMu do rigapan bani naheihu anjaha panondang bani dalanku' (Ps. 119:105). Anjaha marhitei hata ni Tuhan na manondangi pargoluhanta, lang urah be hita taruyun atap sonaha pe pangoppot ronsi parombus ni logou ajaran na roh manunsahi hita. Dong do kata bijak na mangkatahon sonon ‘kecelakaan na hotop terjadi sedo bani dalan na marlubang-lubang atap ‘jalan rusak’, tapi bani dalan na mulus ampa lemes do’. Sintong do ai! Halani ai totap ma hita sadar bani serangan fajar' nabinahen ni parpodah na pakahouhon in. Ai mawat-awat do sibolis sipangagou in songon singa na maraum laho manorihi 'tambul' siboluronni (1 Ptr. 5:8).
Dob ai ipatorang Petrus do homa marhitei ayat 20 in, nini *seng jumpah hatorangan ni sagala panjahaion na tarsurat, anggo humbani uhur ni jolma do. Das hubani ayat 21 ihatahon do homa pahara na hampir sarupa pakon ayat 20 in, nini ‘ai seng ongga humbani rosuh ni jolma harohan ni panjahaion, tapi binobahon ni Tonduy Na Pansing do’. Aha do panjahaion? Dos nani on pakon na nisobut ni jolma prediksi? Balosni lang! Panjahaion atap nubuat, anggo on pasti.
Tapi anggo prediksi ni jolma do, on lang dong na pasti. Domu hujin hape anggo panjahaion lang porlu be on sisangsihonon, halani anggo igoran ma panjahaion, na humbani Naibata do ai. Ase domu hujin, sobutonta ma homa, ai sedo Tuhan na ra ingkar janji Ia, tapi sebalikni, Ia pasti tepati janjiNi. Usih hubani doding rohani ai ‘janjiMu s'perti fajar pagi hari, yang tiada pernah terlambat bersinar’. Ganup naipadankon Naibata pasti do saud. Nini do homa bani buku Jesaya ai, ia hata ni Naibata seng ongga gagal (Jes. 55:11).
PANGUJUNGINI
Marsaksi aima sada horja na sasintong ni gabe tugas ni ganup halak na porsaya. Marhitei hasaksian in ma hita mambaritahon horja haluahon nabinoan ni Naibata ibagas Jesus Kristus.
Tapi dingat hita, pori pe domma marsaksi ampa manjalo hasaksian hita, lang marhiteihonni in mintor soh sipangagou in laho mangagou hita kuriaNi. Ibagas pardalanan ni goluh ni halak na porsaya in pe roh do tong sibolis pangagou in laho mambondut hita.
Halani ai, gara ma tong hatani Tuhan ‘lampu’ ni goluhta in, bahkan gok minak homa bahenonta suluhta in, aima gambaran kesiapanta mandompakhon bagei ni na masa das hubani hatiha on. Pori pe lang ongga ialami hita songon nanialaman ni Petrus aima pasal tranfigurasi ai, iidahni hasangapon ni Tuhan Jesus, hamalaskon hita ma aha naisobut Tuhan Jesus ijia hubani Tomas susianNi ai ronsi hubanta kuriaNi nuan na mangkatahon ‘martuah ma na porsaya, age lang mangidah’ ( Joh. 20:29b). Tenger ma uhurta, riap pakon hita do Tuhan in, ai Immanuel do goranNi, artini Tuhan na marmulia in do hasomanta. Dong kata bijak na mangkatahon sonon
‘jangan fokus pada gunung atau raksasa masalah maupun persoalanmu, tetapi fokuslah kepada Allah yang lebih besar dari segala persoalan dan masalahmu’.
