1. Yohanes 3:16
" Ai songon on do holong ni roha ni Debata di portibi on, pola do Anakna na sasada i dilehon, asa unang mago ganup na porsea di Ibana, asa hangoluan na salelenglelengna di ibana."
2. Roma 8:28
" Alai taboto do, saluhutna do manumpak tu na denggan di angka na marholong ni roha di Debata, angka na jinouna sian tahina hian."
3. Mazmur 46:1
" Ende sian angka anak ni si Kora."
4. Keluaran 14:14
" Jahowa do marporang humongkop hamu, asal hohom hamu."
5. Yesaya 41:10
" Unang ho mabiar, ai ahu do donganmu! Unang biahaton ho, ai ahu do Debatam:
Ahu margogoihon ho huhut mangurupi ho, huhut maniopi ho marhitehite siamun ni hatigoranku.”
6. Mazmur 34:18
" Mangangguhi do angka partigor, gabe ditangihon Jahowa do, jala dipalua nasida sian hagogotannasida sudena."
7. 2 Timotius 1:7
" Ai dilehon Debata do tu hita tondi hagogoon, tondi haholongon, tondi pangarajaion diri, ndada tondi hatahuton."
8. Filipi 4:19
" Alai gohan ni Debatangku do nasa na ringkot di hamu, hombar tu hamoraonna i di hasangapon i, di bagasan Kristus Jesus!."
9. Yesaya 43:2
" Ai molo dibolus ho aek, donganmu do ahu, manang ditaripari ho angka batang aek, ndang umbanganna ho. Tung sura pe mardalan ho di bagasan api, ndang mosokkononna ho, jala ndang gor ho bahenon ni dila ni api."
10. 2 Korintus 1:20
" Ai manang piga bagabaga ni Debata, gabe olo do di bagasan Ibana jala marhitehite Ibana do amen, bahen hasangapon ni Debata marhitehite hami."
11. Mazmur 23:1
" Jahowa do Siparmahan ahu, ndang tagamon hurangan ahu."
12. Mazmur 27:1
" Jahowa do panondangingku dohot hatuaonku, tung ise ma habiaranku? Jahowa do partanobatoan ni ngolungku, tung mida ise ma ahu biahaton?."
13. 1 Korintus 10:13
" Holan pangunjunan na patut di jolma do naung mangonai tu hamu. Haposan do Debata, ndang loasonna hamu unjunan lobi sian gogomuna; Ibana na parohon pangunjunan i, laos Ibana do mambahen hapateanna, asa tartaon hamu."
14. 2 Petrus 3:9
" Ndang dipagele Tuhan i bagabaga i, songon na nidok ni roha ni na deba; alai lambas do rohana mida hamu, ai dipangido rohana, naeng unang ma nian mago agia ise, naeng ma tahe saluhutna sahat tu hamubaon ni roha."
15. Mazmur 91:11
" Ai dohononna do angka surusuruanna taringot tu ho, asa dijaga ho di angka dalanmu sudena."
16. Roma 8:38-39
" Ai gomos do ditiop rohangku: Ndang tarbahen sirang hita sian holong ni roha ni Debata, na di bagasan Kristus Jesus Tuhanta i: Manang bahenon ni hamatean manang hangoluan, nang bahenon ni angka surusuruan nang angka harajaon, nang na masa nuaeng, nang na masa sogot, nang angka hagogoon pe,manang bahenon ni na di ginjang nang na di toru, ro di nasa na tinompa pe."
17. Mazmur 121:7-8
" Sai jagaon ni Jahowa do ho sian nasa parmaraan, sai jagaonna do tondim. Sai jagaon ni Jahowa do ho laho ruar dohot laho bongot, olat ni on ro di salelenglelengna."
18. Yeremia 29:11
" Ai nunga tangkas huboto sangkap angka na husangkapi taringot tu hamu, ninna Jahowa, sangkap hasonangan do tahe ndada tu hamagoan, asa ahu mangalehon tu hamu ujung na hinalungunhonmuna."
19. Ibrani 13:5
" Unang ma marholong ni roha di hepeng pangalahomuna; hasabamhon hamu ma na adong! Ibana sandiri do mandok: "Sandok na so tadingkononku do ho; sandok na so pasombuonku do ho!."
20. Mazmur 34:19
" Donok do Jahowa di angka na bojok marroha, jala ditumpahi do angka na pogos tondi.."
21. Mazmur 51:10
" Sai patubegehon ma tu ahu hasonangan dohot las ni roha, asa marolopolop holiholi, angka naung ginopuanmu."
22. Mazmur 37:4
" Jala halomohon Jahowa, jadi lehononna ma tu ho pinangido ni roham."
23. Yesaya 40:31
" Alai angka na marhaposan tu Jahowa maruli hagogoon mardapotdapot, gabe marhabong ni lali laho manaek. Marlojongi nasida ndang olo loja, mardalani nasida ndang olo mandate."
24. Roma 10:9
" Ai malua ma ho, molo diparhatopot pamanganmi Tuhan Jesus i, huhut dihaporseai roham, naung dipahehe Debata Ibana sian angka na mate."
25. Mazmur 139:14
" Mandok mauliate ma ahu tu Ho ala ni surung ni pambahenmu di ahu, na sumurung do angka jadijadianmu, jala tangkas situtu do i ditanda rohangku."
26. Yesaya 53:5
" Hape ala ni pangalaosinta ibana tartullang, binahen ni hajahatonta ibana mabugang.
Ampe tu ibana pinsangpinsang parhitean ni hasonanganta, jala binahen ni bugangna malum itahilala.."
27. Filipi 4:13
" Saluhutna do tarpatupa ahu marhitehite Ibana, na margogoihon ahu!."
28. 1 Petrus 5:7
" Tinggangkon hamu ma nasa na hinolsohon ni rohamuna tu Ibana, ai disarihon do hamu!."
29. Mazmur 103:3
" Ibana do manesa dosam sudena, Ibana pamalum angka sahitmu sudena."
30. 1 Korintus 16:14
" Di bagasan haholongon ma tulus sasudena di hamu."
