I te 17 ō Poutūterangi te tau 1918 i te pūaha o te Awa o Whangaehu te whānau Rātana e hī ika ana, ka mau i te whatu o Rātana te wai e pukepuke mai ana i te tai
Whārangi| 32 moana. He maha ngā ngaru nui i te taetae mai ki uta. Ka pakaru mai ngā ngaru ki tai, tere hoki atu te wai ki te moana. He pēnei rawa te whiu o te wai. Ka pakaru mai ko tētehi ngaru nui, ka mahue mai he tohorā, heoi, i mate wheke. Ka pakaru mai anō ko tētehi ngaru, ka mahue mai anō ko tētehi tohorā, he manawa kiore i tōna taenga atu ki uta. Ka haere a Rātana kia kite i te tohorā, ka kōhimihimu ki tōna taringa, mea rawa ake he merekara, ka piki te ora ki runga i a ia. E ai ki ngā mahara o te tamāhine a Rātana.
My father was overcome by the spirit and spoke to the spirit of the whale, saying he had the power of life and that Satans power was at an end. At this point the tail began to move and life restored and a large wave like the first one carried it out. As the whale left, Ratana said, Take my name to the four corners of the world, the time will come when you are called back to the takutai Moana o Whangaehu, it will be then that my work will be complete. (Newman, Ratana the prophet, p. 31)
Whai muri mai i ēnei pānga i muia te tātahi ki te ika. E ai ki a Rātana he tohu tēnei i whakataeritehia ki tērā o te whakaaro karaitiana me te kōrero “Fishers of men.” I whakataerite hoki ia i tēnei pānga ki te ārahitanga mai o ngā tohorā i ngā waka mai i Hawaiki ki Aotearoa, ko te whakaaro o Rātana, mā ngā tohorā ia e āwhina ki te ārahi i te iwi ki ngā whakaakoranga a te Atua. He maha hoki ngā momo wā i pāngia a Rātana e te wairua, heoi, ko tēnei pea te tuatahi. Ko ia i ārahi i te iwi, ko te Atua i ārahi i a ia, ahakoa pēwhea nei te huarahi o te whakapā o te Atua ki a ia, mōhio tonu a Rātana ki te kura huna o ēnei pānga, me ngā mahi me whakatutuki e ia.
Mai i ēnei pānga wairua, i kite te iwi i te mana wairua me te mana whakapono ki roto i a Rātana. Whai muri tata mai i ēnei pānga i kitea ko Rātana hei māngai, ā, koia te ingoa i utaina ki runga i a ia. I rata te iwi ki a Rātana mai i taua wā tonu i Whangaehu, ā, ka whānau mai ko te whakapono Rātana.
Whārangi| 33 4.2.2 Te whakapono
I, Ihoa, have heard the cry of the, this is the reason why i have come to you, the Māori people, to be footstool upon the earth. Go forth and unite the Māori people under me. Ihoa, heal them in all their imfirmities, in the name of the Father, the Son, the Holy Spirit the Faithful Angels. – T. W. Ratana. (Newman, Ratana the prophet, 2009, p. 30)
Whānau mai te whakaaro o tēnei kaupapa, āe, i ngā āhuatanga o runga, heoi, mai anō hoki i ngā pēhitanga i runga i te iwi Māori i ngā rau tau tekau mā rua. Whai muri mai i te pakanga tuatahi o te ao, i pāngia a Rātana e te wairua, mai i tēnei pānga i whakarata mai te iwi ki a ia. Ahakoa ko te iwi kē te hunga i aruaru i a Rātana, i mōhio hoki a Rātana kāore he mana nui ake i te whakapono (Henderson, 1972). Nō reira i whakakotahi ia i te iwi i raro i te whakapono karaitiana, i raro hoki i āna mahi whakaora i te tangata.
E rua ngā kaupapa matua o te whakapono nei ko te ture wairua me te ture tangata. Ko te ture wairua ko te tūāpapa o ngā whakaakoranga a te māngai, ko ngā kaupapa o te paipera tapu me te whakatinanatanga o ēnei kaupapa, ko ngā kauwhau, ko ngā iriiri, ko te whakaora i te tangata, ko te whakapono, ā, neke atu. Ko te ture tangata ko ngā ture Piri Wiri Tua “Physical Laws” he rōpū e aru atu ana i ngā whāinga ture hei whakakaha i te mana Māori, ko te Tiriti o Waitangi, te mana motuhake, te whakahokinga mai o ngā whenua raupatu, te rangatiratanga o te iwi, ā, he aha noa atu (Henderson, 1972).
Ka kite a Rātana i te hunga pūmau ki a ia ka whakatūhia he pā. He hāpori, he whare, he pā i whakatūhia e whakahiapo ana i ngā āhuatanga katoa o te hāhi Rātana. O ngā whare katoa ko te temepare te whare matua, ko tēnei te tūrangawaewae o te whakapono Rātana.
4.2.3 Te temapara
I te tuarima o Paenga-whāwhā i te tekau mā tahi karaka i te ata i tīmataria te kōpata o te ua i te pā o Rātana, i whakamōhio atu a Rātana i a rātou, i waenganui rātou i tētehi pānga wairua. Ko tēnei te rā i tapa a Rātana i te ingoa o te temepara i
Whārangi| 34 raro i ngā ingoa o te Atua, te tama, te wairua tapu, ngā anahera pono me ngā māngai (Te Haahi Ratana, 2012).
I te 23 o Haratua i huri para a Rātana i te onepū tuatahi ki reira tū tonu ai te temepara i ēnei rā. Ahakoa ko marangai me ua te huarere o te rā, i ngana tonu ngā mōrehu ki te whakatutuki i ā rātou mahi. Ko ngā tāngata i āwhina ki te whakatū i tēnei whare karakia, i mahia mai i roto i te hiahia o te ngākau ki te āwhina. Ko te nuinga hoki o ngā moni i kohia mō te hoko i ngā rauemi mō te whare nei, he mea i ahu mai i ngā pūkoro a ngā mōrehu, a ngā tāngata i hiahia ki te āwhina (Te Haahi Ratana, 2012).
He wāhi tēnei i haere te tangata ki te rapu māramatanga i roto i ngā kupu me ngā ōhākī a te Atua. Ko te temepara nei i tū hei whare whakaora i te tangata, i noho hei whare kōrero mō te nuinga o ngā kauwhau a te māngai, i noho hoki hei whare whakarongo ki ngā matemate o te wā. Ko te whare nei i whakarākeitia ki ngā tohu o te Atua, kia mōhio ai te iwi he aha rā tērā e tareatia ana ki tua o te ārai (Te Haahi Ratana, 2012).
Whai muri mai i te whakatutukitanga o te pā me te temepara, ka tīmata a Rātana ki te whai i ngā mahi tōrangapū.