1. Kula wau inggih winding Sang Prabu lamun kelakona
Uprup angesi kardi
nyirnakaken sesuker Uprup ginanjar. 2. Utangipun tigang ewu limang atus
kang dadi ganjaran sampun dika anauri
sampun pasthi timbalane Sri Narendra. 3. Duk angrungu Uprup langkung sukanipun
alon wuwusira
yen mangkono Ki Ngabehi
wurungge nuwunaken Mbok Wisarsa. 4. Pan Sang Prabu wus dhawuh timbalanipun
sigra dennya kesah
sakedhap Uprup wus prapti
mbekta kanthong isi keton wolung dasa. 5. Malihipun bakal kalambi baludru
kalih balakira
ireng lan ijo satunggil
lan diwangga kuning rangkepane pisan. 6. Tembungipun lah puniki reyal satus
lan bakal rasukan puniki warni kekalih
urmat kula Ki Ngabehi marmg dika. 7. Yata manthuk trima kasih Tuwan Uprup
pisungsung andika nanging cacade puniki
boten keni dipun angge padintenan. 8. Sigra Uprup kesah sarwi manthuk-manthuk
tan adangu prapta sarwi ambopong pribadi
telung kayuh sembagi biru lan pethak. 9. Kang sekayuh bakale arupa mesru
daweg sampun susah lah puniki Ki Ngabehi
inggih badhe ingkang dadia padinani. 10. Pamit mantuk sira Ngabehi Pasliyun
sontenipun seba
ngandikan neng taman prapti
sampun katur satingkahe Uprup Beman 11. Sang Aprabu langkung suka miyarseku
dhemen si Wisarsa
nanging ta kang anglakoni
mbok nora rep iya alaki Walanda. 12. Sigra matur wau Ngabehi Pasliyun
nanging inggih datan siyos anuwun pawestri
sareng kula ndhawuhi timbalan Tuwan. 13. Utangipun kalilan boten anaur
dadia ganjaran punika suka tan sipi
mantun nuwun dhateng pun seleg Wisarsa. 14. Kula dipun urmati den umpuk-umpuk
sukak lepas utang pisungsunge sadayeki
wonten kalih atus pangaos sadaya. 15. Kuneng wau enjinge ing dinten Septu
sonten miyos watang sabubare watang nenggih
16. Be warseku mangsah paguting pakewuh bahyaning Narendra
anuju pareng pinasthi
sinengkalna Brama Astha Obahing Rat. 17. Purwanipun bramantyanira Jeng Ratu
duk ningali watang Jeng Ratu aneng sitinggil mulak ana Apanji Suradilaga.
18. Laminipun sinenggrangan duka dhawuh Sang Nata lir ingkang
nuruti marang kang rayi
dukanipun mring Panji Suradilaga.
19. Kadangipun pawestri kang dadi manggung winedalken lama
ratu pasang sangga runggi
mring kadange Apanji Suradilaga.
20. Nonton Septu kawenangan Kangjeng Ratu nilap pamacanan
Ratu Mas angandika ris
ngendi ana wong kaya Suradilaga. 21. Enak-enak denira suwiteng ratu
nora mantra-mantra seba ndadak animbangi
den palaur meng-ameng sasukanira. 22. Nora patut asesawah telung atus
lawan dadi abral prajurit jro den lurahi
piyangkuhe lir rajaputra Makasar. 23. Konduripun Ratu Kencana agupuh
ngrasuk prajuritan
dhuwung wasiyat sinandhing
24. Rawuhipun Sang Nata duk arsa cucul, kampuh sangking watang,
Ratu Mas pagut ing runtik,
aturipun mring kang raka Sri Narendra. 25. Kangmas Prabu kula langkung salang gumun,
ing karsa sampeyan, boten keni den gugoni,
timbalane kaya ujar pepasaran. 26. Kadya dudu raja Bali ing Kalungkung,
katarik ing duka, ing tegese dukaneki,
ing jethote marang kadange wanita. 27. Jamak ratu yen duwe karsa amundhut,
singa kinarsakna,
wong wadon sajroning puri,
pasthi kula saosken samangsa-mangsa. 28. Malihipun kula kang Gandawitarum,
sok angajak-aiak
Sang Nata duk amiyarsi,
ing ature kang garwa Ratu Kencana. 29. Pan kumepyur lir kapregok ngula dumung,
mangap meh nyembura, ilate katon kumitir,
sakelangkung pangkarage kang salira. 30. Sauripun maras-maras Sang Aprabu,
nyata bener sira,
nanging ta maklumireki,
agegampang marang wong arabi kadang. 31. Kangjeng Ratu yata malih aturipun,
malih kula nedha, inggih pejahe pun Saki,
dipun pejah inggih sadalu punika. 32. Dosanipun tan patut wong ngabdi ratu,
Saptu boten watang, pijer meng-ameng pribadi,
nonton Septu angiras ningali macan. 33. Angkuhipun kadya anak ratu Wangsul,
tur durung karuwan, kaprawiraning ajurit,
kaya kang wus tate ambedhah nagara.
34. Kumalungkung karyangkuh kelangkung-langkung, Sang Nata ngandika,
iku ngong durung miyarsi,
panjenengan para ratu kuna-kuna. 35. Karya lampus tan sumurup dosanipun,
wedi dhendhaning Hyang, kang garwa umatur malih,
inggih lamun boten nuruti paduka. 36. Kula nuwun ing wong ala patinipun
kula den bucala
sampun wontena jro puri,
Sri Narendra alon denira ngandika. 37. Yen mengkono sun turut karepireku,
Sang Nata gya medal, praptaning pandhapa aglis,
animbali prapteng ngarsa Jangkungpacar. 38. Lah den gupuh metuage sira Jangkung,
si Suradilaga,
kon dandan iya den aglis, lan adhine den gawaa den arikat. 39. Wengi iki sun metu sangking kadhatun,
wus medal sangking jro puri,
Sri Narendra gugup wedalira ngetan. 40. Rewangipun mung panakawan tetelu,
kang alit satunggal
kang ageng amung kekalih
banon wetan sigra den pasangi andha.
41. Gupuh-gupuh Sang Nata wus prapteng luhur, supe tan lancingan
panakawan ingkang alit
kinen nyambut saruwale Jangkung pacar 42. Jangkung suwung wus dangu denira metu,
kasusu Sang Nata
melorot wus prapteng jawi
aneng ngandhap Sang Nata pasang cawetan 43. Kyai Jangkung mempis-mempis wuwusipun
Heh Apanji enggal timbalan nusul Sang Aji atetanya Apanji Suradilaga.
44. Lurah Jangkung dhateng pundi Sang Aprabu Jangkung megap-megap
napase kecer neng margi
wau ngetan angonc'ati sangking pura. 45. Den agupuh gawanen arinireki
mring loji badhenya den aenggal den anteni
geger usreg wismane Suradilaga.
46. Kang sinambiit kang cinandhak-candhak luput dyan wonten susulan
panakawan andhawuhi
dipun enggal Sang Nata mundhut lancingan. 47. Kedhunglumbu angantosi Sang Aprabu
wau ing jro pura
Ratu Kencana sru runtik
wus angrasuk ing wau kaprajuritan. 48. Dhuwungipun nyuriga tinarik sampun
Kyai Bojiparang
Ki Urubjingga winangking
ngiras kestul Ki Kancaka Rupakinca. 49. Akelangkung herga benting malang-migung
mbebujung Sang Nata undhake pawarta jawi
lir pinusus gegere Suradilagan.
50. Sigra wau nusul aneng Kedhunglumbu wus panggih seksana
Sang Nata enget ing galih
wedana kang akemit Sasradiningrat. 51. Sang Aprabu gugup Heh balia Jangkung
marang ing jro pura iya wedana kang kemit
bebisika marang si Sasradiningrat. 52. Konen tambuh aja idhep aja weruh
lamun tinakonan ingsun iki marang loji
Ki Pasliyun konen tutur Kakangemas. 53. Lamun ingsun wus metu teka kadhatun
wurung sun merana kang perak bae mring loji
XIX. DURMA
1. Prapteng pura Jangkungpacar wus apanggya lan wadana kang kemit
sigra dhinawuhan Raden Sasradiningrat
lan Ki Jangkung ngutus malih mring panakawan
ndhawuhi Ki Ngabehi.
2. Kang timbalan maringa Mangkunagaran dhawuhingsun turpeksi
kalamun Sang Nata wus mijil sangking pura badhe akarsa mring loji sigra lampahnya
panggih wus den dhawuhi.
3. Lajengira Ngabehi Pasliyun prapta panggih Sang Adipati
sampun dhinawuhan Pangran Mangkunagara sigra lir gumrubyug prapti prajuritira
neng palataran baris.
4. Sigra ngutus Dipati Mangkunagara mring dasih andombani
mring ari narendra mesat carakanira sinareng lawan duta Ji kang kawuwusa wau sajroning puri.
5. Kangjeng Ratu Kencana panyananira kang Raka Sri Bupati
marang Suradilaga ngendi enggone mateni baya ing taman
cethi mariksa aglis.
6. Prapteng taman gusis tan ana manungsa kantun rare lit-alit
gya wangsul cengkelak Ni Mbok cethi Berambang prapta umatur wotsari Gusti ing taman
mamring tan wonten jalmi.
7. Duk miyarsa Ratu Mas langkung bramantya grit sasmita rereg ing
jlog tedhak sakala marang ing palataran sarwi angliga Ki Boji Ki Urubjingga
curiga kang cinangking.
8. Pistulira Ki Kincaka Rupakinca sumampir pundhak kering cindhe jo lancingan abajo kesting abang bentinge kenanga wilis udheng jumputan bangun tulak tinepi.
9. Pasemone lir garwa Sang Girinata bieg Sang Hyang Durga Dewi duk sanget krodhanya tedhak arsa anigas marang Prabu Maispati Aijunasasra
prang wana Sriwedari.
sampun dangu amamring gumyur ing tyasira asru dennya ngandika ya Si Jangkung ana ngendi ujarku apa
gustine den ubungi.
11. Golekana ing kono gedhong kang wetan ingubres tan kapanggih
gedhong binalengkrah ratu asru ngandika katemua ya si Dhengklik sun ungkrak-ungkrak wadhuke mring Ki Beji.
12. Yen ajana si Jangkung pan ora napa tingkahe Kangmas iki
lan si Tutuskajang iku sok thuk-anthukan mengkone adhine iki si Jangkungpacar iku setan bagejil
13. Pariksanen wismane Suradilaga manawa Kakang Aji
iya aneng kana
nora wurung sun langgar arok campuh rebut pati
singa tiwasa
ciyum tanah sekali.
14. Nembah mesat sigra mbok cethi praptanya Suradilagan sepi
tan ana manungsa wangsul prapta ing pura wotsari matur yen gusis
Ratu duk amiyarsi.
15. Sangking bingung angamun-amun dukanya gumrubyug jroning puri
pinungseng ngulatan tan lyan Ki Jangkungpacar pan dereng medal ing jawi Ki Jangkungpacar
momor wedana kemit.
16. Neng jodhange Rahaden Tumenggung Sasrang ampingan wakul njengking
kungkulan tumpengnya ndhepes neng pojok jodhang pan dereng kongsi binukti sangu wedana
selak geger jro puri.
17. Wiratmaka matur ing wadananira boten eca puniki
lurah Jangkungpacar mbok tinitik konangan pasthi mulari bilai tanpa kukupan inggih kabeh puniki.
18. Angandika Tumenggung Sasradiningrat Jangkung ngaliha aglis
manawa pinaran ewuh sesauringwang dadi mesakke sireki yen konangana pasthi yen den jejuwir. 19. Setrajaya eteren parenahena
pojok lor wetan kecik ing lalaren kana