(1)
LITURGI KEBAKTIN MINGGU 14 KENCA TRINITAS MINGGU PERDAMEN
05 September 2021 jam 09.00 Wib_Bahasa Karo A. PERSIKAPEN
Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen
... Musik ...
B. KEBAKTIN
1. Kata Pengalo-ngalo ras Momo.
Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga ngikuti kebaktin i bas GBKP Bekasi subuk i Gereja bage pe live streaming, ikataken kami mejuah-juah.
Kehadirenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan bage pe rencana pelayanen gerejanta ku bas wari-wari si reh enda. Iogeken kami sijadi perubahen ras penekanen (Ngogeken Momo).
2. Kata Penaruh
Kekelengen ni Tuhan, Minggu enda i gelari Minggu Perdamen, ngingetken kita kerna perbahanen Jesus Kristus si mereken diriNa, mate i kayu persilang guna mperdameken kita ras Dibata erkiteken dosa-dosanta. Arah enda me dalanna maka kita erdame ras Dibata. Selaku kalak si enggo iperdameken ras Dibata maka kita pe maba dame ku sekelewetta. Emaka si permuliakenlah Tuhan si maba dame e.
Erkata Lonceng Perp.Tedis
Rende : KEE No. 448 : 1, 2 PUJILAH TUHAN I RUMAH SI BADIA 1.
.
Pujilah Tuhan si badia 2. Pujilah Tuhan si badia I rumahNa si dem kemulian Si kundul i kursi kemuliaan KuasaNa i doni ras i surge Ibas ingan si megajangna PerbahanenNa simbisa Malekat pe muji Tuhan Reff : Ku puji kam o Dibatangku
Ku puji kam bas geluhku Alu sora si megang Rende ku puji Tuhan Surak haleluya
(2)
3. Votum – Salam...
L : I bas gelar Dibata Bapa si erngena ate nandangi perdamen, i bas gelar Jesus Kristus si mperdameken manusia ras Dibata, ras i bas gelar Kesah si Badia sinampati kita (kam) erdame ras temannta (ndu) manusia.
Perkuah ate ras dame i bas Dibata Bapa, ras i bas Jesus Kristus nari, i bas kerembaken Kesah si Badia, ras kita (kam) kerina gelah. Amin.
P : A...min A....min A....min (Iendeken)
4. Berita Kerna Perbahanen Ras Sura-Sura Dibata (Invocatio) ...
L : “Malem ate tuhu-tuhu iakap kalak si erbahan perdamen; sabap iakui Dibata me ia AnakNa.”(Matius 5 : 9)
Erpalasken Kata Dibata enda, si puji IA alu radu ras kita ngendeke : KEE No.209 : 1, 2 PERPULUNGEN ERSADALAH 1. Perpulungen ersadalah,
Ngikutken PedahNa.
Bas kiniteken tetaplah, Man Tuhan Dibata.
Bas si mehuli ayaklah, Sisampat-sampaten.
Bage kap pedah Dibata, Sikeleng-kelengen.
2. Gereja Kristen sikaplah, Ersada paguhlah.
Ersada ukur min i bas, Dibata Bapanta.
Peturah kiniteken pe, Ras dame k’rinalah.
Ras sikeleng-kelengenlah, Ngikutken Tuhanta.
5. Pengataken Bujur Man Dibata Si Jadi Ulu Kedamen... Perp.Kundul L : Marilah kita muji Dibata, erkiteken keleng ate ras kiniulinNa si jadi ulu
kedamen i bas doni enda, nintalah i bas ukurta :
O Tuhan Dibata, Bapa sierkeleng ate man kami, terpujilah gelarNdu sabab mbelin kiniulinNdu maler man kami. ItepaNdu doni enda alu serta, dem alu kiniulin, janah kerina tinepaNdu nggeluh alu dame. O Tuhan Jesus, ipuji kami Kam, sabab Kam enggo maba perdamen ku doni enda. O Kesah si Badia, kataken kami bujur sabab enggo iajari ras ipengasupNdu kami erdame. Terpujilah Kam seh rasa lalap, Amin.
(3) 2. Kam benana kegeluhen
Kam si mahan ukur t’rang Kam si jadi persuruhen Maka kerajan menang Maka perpulungen kari
Tutus ngikut Yesus kap Janah IA peserap Ibas dosa doni nari Jadi dungna me bage Bagi Kam badia pe
6. Kecibal Geluh Manusia Iadep-Adepen Dibata...
L : Jesus Kristus enggo mperdameken kita ras Dibata arah pengorbanenNa i kayu persilang. Gelah kita pe nggeluh erdame ras temanta manusia. Adi sigargari isi pusuhta, kuga nge kininggitenta erkorban i bas ndalanken perdamen?
P : O Tuhan, ngaku kami maka metahat denga akap kami erkorban ndalanken perdamen, seh maka kegeluhen kami la jumpa kejuah-juahen.
O Tuhan alemilah kami.
(Paksa Teneng)
L : Guna mpebagesi pengakunta, mari siendeken :
KEE No.377 : 1, 2 KUAKUKEN ME DOSANGKU
1. Kuakuken me dosangku I lebe Tuhan
Megati aku lalar bas kegeluhenku Keleng atendu pengarapenku
I teruh perkuahNdu malem me pusuhku Keleng atendu pengarapenku
I teruh perkuahNdu malem me pusuhku
2. Erlebuh aku baNdu O Yesus Tuhanku
Alemi min o Bapa salah ras lepakku Keleng ateNdu pengarapenku
Tedeh ‘teku ngidah belinna perkuahNdu Keleng ateNdu pengarapenku
Tedeh ‘teku ngidah belinna perkuahNdu 7. Berita Pengalemi Dosa………..…… Perp.Tedis
L : La meriah iakap Dibata anakNa bene i bas dosa. Tapi meriah kal ateNa ngidah sekalak anakNa si jera dingen robah i bas dosa-dosana nari.
Emaka selaku persuruhen Dibata, aku nehken KataNa man banta (ndu) kerina kita (kam) si enggo ngakuken dosanta (ndu), niNa :
“Bagi dauhna Timur i Barat nari, bage me ipedauhNa dosa-dosanta i bas kita nari. Bagi keleng ate bapa man anak-anakna, bage kal me pengkelengi Dibata kalak si erkemalangen man baNa.” (Masmur 103:12-13)
Sikataken bujur man Dibata alu ras kita rende :
KEE No.151 : 2 NUSUR MIN O KESAH TUHAN
(4)
I bas keriahenta (ndu) erkiteken dosanta (ndu) enggo ialemi, si puji dage Tuhan arah:
a.
KEE No.391 : 1, 3 ANEM DOSANGKU MEKELAT MEGARA
1. Anem dosangku mekelat megara IsalihkenNdu me jadi mbentar Kam kap erbanca geluh meherga Kugejap tuhu kelengNdu simper
Reff : Tendingku ersurak janah nembah Kupakeken me pedah
Kam kap Dibata Bapa Si Perkuah Bas kep-kepenNdu min aku gelah
3. Sedekah aku nggeluh ibas terang Ukur meriah pusuh pe salang Baban si mberat jadi menahang B’reNdu pengapul dame ras senang
8 . Nehken Lagu Pujin : PJJ Pasar Rebo... Perp.Kundul
9. Kata Dibata.
a. Ngoge Kata Dibata Bagin Si Pemena : 2 Raja-raja 20 : 12-19 (Responsoria) L : Ketuahen kalak si megiken Kata Dibata, dingen si makekenca i bas
geluhna si tep-tep wari, Haleluya.
P : Haleluya... Haleluya ... Haleluya ... (Iendeken)
b. Khotbah (ibenaken ras idungi alu pertoton) :2 korintus 13 : 10-13 (Tunggal) “Ersada Arih Ras Erdamelah.”
10. Pengakun Kiniteken... Perp.Tedis
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal Tuhanta, si jadi arah kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerintahen Pontius Pilatus nipakuken ku kayu persilang, mate, jenari i kuburken nusur ku doni kematen, petelu wariken enggo keke ibas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me IA pagi ngeranaken si nggeluh ras si enggo mate.
Aku tek man kesah si Badia janah lit sada Gereja si Badia, persadan kalak si Badia, pengalemi dosa, kinikeken kula, kegeluhen si rasa lalap.
Amin.
11. Lakon Aloken...
(5)
12. Persembahen ...
L : Turang ras senina seh me paksa man banta (ndu) guna ngendesken persembahen pengataken bujur man Dibata, perbahanen Dibata si jadi palas man banta (ndu) guna ngataken bujur, nina i bas Epesus 2:14 :
“Sabap Kristus e kap si ndameken kita, alu njadiken si dua pihak e jadi sada. Kristus jine alu dareh dagingNa enggo ngeruntuhken tembok si nirangken bangsa-bangsa e dingen si erbahanca ia tetap ermusuhen.”
Tupung sisehken persembahenta, Mari ras kita rende i bas :
KEE No. 343 : 1, 2 PASU-PASU BAS TUHAN NARI 1. Pasu-pasu bas Tuhan nari,
gejapken kami tep-tep wari, bas paksa-paksa geluh kami.
Kam me tetap si ngkawali pasu-pasu bas Tuhan nari, jadi pergegeh tendi kami guna ndalani wari-wari.
si rehna bas Kam Tuhan nari Reff:Pasu-pasu dage o Tuhan, Persembahen kami anakNdu.
Labo kapen enda metunggung, Persembahen si nggo pepulung, ajariNdu pe kami gelah min, tetap ngasup mere man Tuhan
2. Buaten lit kami o Bapa, gejapken kami Kam empuna, tanda ukur kami meriah, endesken kami baNdu Bapa.
Persembahen enda o Bapa, desken bunga ncole merimna, persembahen ateNdu ngena, bagelah akapNdu o Bapa.
Pertoton Persembahen ras Syafaat
13. Perpadanen Nggeluh I bas Perdamen...Perp.Tedis L : Dibata enggo mereken perdamen man banta (ndu), enda me si jadi tugas
ras tanggungjababta (ndu) selaku anak si enggo iperdameken Dibata ras diriNa.
P : Aku erpadan Tuhan, ngergaken perdamen si enggo kualoken i bas Kam nari.
L : Dibata ndilo kita (kam) maba perdamen ku kerina temanta (ndu) manusia.
P : Aku erpadan nggit erdame ras temanku manusia janah tetap ngelakoken si mehuli gelah teridah perdamen i tengah-tengah kegeluhen.
(6)
L : Ibas kita mpeteguhi perpadanenta (ndu), ras kita rende :
KEE No.165 : 1, 2 BAS IA NGENCA LIT KEPE 1. Bas Ia ngenca lit kepe,
Kek’lengen si mbelin.
Yesus tersilang seh mate, Lah aku terkelin.
Reff : Tetap ukurku tek aku baNa Keleng ateNa mbelin kuasaNa Ia njagasa geluhku k’rina Malemna di ras Ia.
2. Man baNa ernalem dage, Begiken KataNa.
Di meriah tah gulut pe, Tetap temaniNa.
14. Pertoton Tuhan...
O Bapa kami si ni Surga.
GelarNdu ipebadia min; reh min KinirajanNdu;
sehlah min peratenNdu, i bas doni enda bagi ni Surga.
Bereken min man kami nakan cukup i bas wari si sendah enda.
Alemi min salah kami bagi nialemi kami salah kalak kempak kami.
Ola min kami ibaba Kam kubas percuban, tapi olangilah kami idur si ilat nari.
Sabap Kam kap si mada Kinirajan, ras Kuasa, ras Kemulian si ndekah-ndekahna.
Amin.
15. Pengutusen ras Pasu-pasu Dibata...
L : Berkatlah kita (kam) ndalani kegeluhenta (ndu), cidahkenlah perdamen e ku tengah-tengah doni enda, gelah doni enda banci nggeluh i bas dame, alokenlah pasu-pasu idur Dibata nari :
“Dibata si mada perkuah ate, si enggo nenahken kita (kam) ku kemulianNa si rasa lalap i bas Kristus, njadiken kita (kam) serta, tetap, megegeh dingen paguh. IA nge si mada kuasa seh rasa lalap.” Amin.
(1 Petrus 5:10-11)
P : A....min A...min A...min (Iendeken)
