(1)
LITURGI KEBAKTIN MINGGU 17 KENCA TRINITAS MINGGU NOTOKEN SERAYAAN II
26 September 2021 jam 09.00 Wib_Bahasa Karo A. PERSIKAPEN
Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen
... Musik ...
B. KEBAKTIN
1. Kata Pengalo-ngalo ras Momo.
Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga ngikuti kebaktin i bas GBKP Bekasi subuk i Gereja bage pe live streaming, ikataken kami mejuah-juah.
Kehadirenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan bage pe rencana pelayanen gerejanta ku bas wari-wari si reh enda. Iogeken kami sijadi perubahen ras penekanen (Ngogeken Momo).
2. Kata Penaruh
Kekelengen ni Tuhan, Minggu enda igelari Minggu Notoken Serayan. Ija i bas Minggu enda kita iajuk guna ngidah sura-sura Dibata nandangi kita arah pendahin KesahNa erkelangken Serayan si arah lebenta, gelah kita tetap ergiah-giah i bas ngelai Dibata, subuk kita selaku Serayan ntah pe perpulungen. Alu bage arah kebaktin enda banci njemba kita gelah tetap nggit ngelai Dibata alu penemani KesahNa.
Erkata Lonceng Perp.Tedis
Rende : KEE No. 244 : 1, 3 NUSUR MIN O KESAH TUHAN 1.
.
Nusur min o Kesah Tuhan 2. T’rang Badia ras Penuduh Bengket ku pusuh e Dalin kegeluhen e Maka Kata si ni suan Ajar kami maka mubuh Turah ras erbuah pe Kami arah Kam kepe Kam ibas Dibata nari ‘Lah ersada ras Dibata Kepkeplah ukur ku min Maka aku tutus e
Pasu-pasu pendahin Rembak min ras Kristus pe Maka aku genduari Seh me dungna lanai lata Ndaram tuah si tetap Haleluya ‘lah pujin Alu ate si telap Asa lalap baNdu min
(2)
3. Votum – Salam...
L : Kebaktin enda lit i bas gelar Dibata Bapa si nepa langit ras doni, i bas gelar AnakNa Jesus Kristus si jadi juru selamatta, ras i bas gelar Kesah si Badia si nemani dingen ngkawali serayanNa si arah lebe.
Perkuah ate ras dame i bas Dibata Bapa, ras i bas Jesus Kristus nari, i bas kerembaken Kesah si Badia, ras kita (kam) kerina gelah. Amin.
P : A...min A....min A....min (Iendeken)
4. Berita Kerna Perbahanen Ras Sura-Sura Dibata (Invocatio) ...
L : “Mindo aku man BaNdu pasu-pasulah kesusurenku maka terus ia ermeriah ukur i bas KiniulinNdu. O TUHAN, Kam nggo masu-masu ia emaka pasu- PasuNdu e tetap tading i bas ia rasa lalap.”(1 Kronika 17 : 27)
Erpalasken Kata Dibata enda, si puji IA alu radu ras kita ngendeke : KEE No.215 : 1, 3 LIAS ATE NI TUHANTA 1. Lias ate ni Tuhanta, e lalap man pujin
Ras pe kebenarenNa, pebelinlah madin Ku eteh peratenNa,ras dosa labo singgur ‘Nggo tetap jujurenNa,
si labo banci luntur E desken batu mamak, enteguh labo mugur Bagem’ kepeken Kam, ‘nggo tetap ibas bujur
3. Kam kap penundalenku, Kam pematangku kin ‘Ban b’linna kuasaNdu, meparas man pujin Tambah kekelengenNdu, si seh man kami enda
Em jadi tahan turu,aminna ukur nera Kelewet gia imbangku,
Dibata kap njagasa
Kailah kebiarenku, ‘di aku sampatiNa 5. Kinilangasupen Manusia I bas Ndalanken Pedah Dibata.... Perp.Kundul (Paduan Suara / Song Leader ngendeken Lagu "Ulih Latih Si Merdang")
Cukup menda kapen latih na ndube Akap serayan si arah lebe
Subuk pandita ras guru agama Si maba brita si meriah
Man guna bangsa nta
Sair menda kendit nggo i siar na Sair menda deleng nggo i nangkihna
Mentasi kerangen rimba raya panas na maler Iluh mambur e itahanken na..
Labo kap sia sia bekas latih na ndube Erbuah kapen sini i erdangken na ndube Amin metenggiring taneh perjuman e Meramis buah na ban Tuhan mupuk sa..
Dage ola aru ate ta Amin kitik rarasen gia
Dibata kap teman ta ras penalementa
(3) Angin meter...udan meder...
tengah berngi si gelap
R’dalan sisada...labo kutera..sabab itehna..
Tuhan teman na...
Seh kal tuhu latih na Seh kal tuhu serana...
Cukup tuhu berat na..
Dalan siarah lebe nta
Pasu2 o Tuhan..
Ras kawali o Bapa Pasu pasu dage GBKP Pasu2 o Tuhan..
Ras kawali o Bapa Pasu pasu dage GBKP Pasu pasu dage GBKP
L : Kekelengen ni Tuhan, kita enggo ipilih Tuhan jadi sikerajangenNa. Tanggungjababta eme mpebadiaken GelarNa, subuk selaku perpulungenNa bagepe serayan, i bas kerina dampar kegeluhenta. Marilah kita bengket kubas paksa teneng, guna ngukurken ketutusen ateta i bas ngikutken pendiloNa.
(Paksa Teneng)
L : Selaku serayan Dibata, kuga nge ketutusen ateta i bas ndahiken pendilo Dibata?
Serayaan : Ngaku kami Tuhan, selaku serayanNdu, megati lenga kami ndahiken pendiloNdu asa gegeh, asa ukur ras asa tendi kami i bas ngaturken gerejaNdu. O Tuhan, alemi dingen pegegehilah kami jadi serayanNdu.
Nora/Naras : Selaku keluarga serayan, kami pe megati kurang tutus ertoto kerna dahin gerejaNdu, kurang tutus natang serayanNdu i bas pertoton, gelah mehuli perdalinen gerejaNdu i bas doni enda.
L : Selaku perpulungen Tuhan, enggo nge kita tutus ndahiken pendilo Dibata, dingen natang dahin serayan Tuhan i bas pertotonta?
P : Ngaku kami o Tuhan, kami pe megati lupa notoken dahin gerejandu, bage pe jabu SerayanNdu, gelah paguh ia ndalanken dahin gerejaNdu. O Tuhan, alemi lah kami.
L : Guna tole kita nggejapken kinilangasupenta selaku Serayan bage pe perpulungen si enggo ipilih Dibata, ras kita rende ibas:
(4) 1. O Tuhanku o, Dibatangku
Rusur aku nimbak pedahNdu Nggo meluat k’rina geluhku Labo dame banna pusuhku
2. O Tuhanku o, Dibatangku Kutungtungken ukurku baNdu Ras mekuah ateNdu aku Sasapkenlah salah dosangku
6. Pergegeh Ibas Ndalanken Pedah Dibata...
L : Selaku persuruhen Dibata, aku nehken kataNa man banta (ndu) kerina kita (kam) si nggejab salah dingen lepakta (ndu). Nina Dibata:
“Ngena ateku man kalak si tutus; kubere ia tading i bas rumahku. Kalak si geluhna la erpandangen, kubere ia ngelai aku”
Sikataken bujur man Dibata, rende kita i bas :
KEE No.304 : 3, 5 O TUHANKU O, DIBATANGKU
3. O Tuhanku o, Dibatangku Kuikutken pedah-pedahNdu Ras pembarken kinirajaNdu Janah tetap jadi saksiNdu
5. O Tuhanku o, Dibatangku Kam kap lalap penalemenku Ras kupuji tetap gelarNdu I bas gedang-gedang geluhku
7. Nehken Lagu Pujin : IIA1_Perani... Perp.Kundul
8. Kata Dibata.
a. Ngoge Kata Dibata Bagin Si Pemena : Kolose 4 : 2-6 (Tunggal)
L : Ketuahen kalak si megiken Kata Dibata, dingen si makekenca i bas geluhna si tep-tep wari, Haleluya.
P : Haleluya... Haleluya ... Haleluya ... (Iendeken)
b. Khotbah (ibenaken ras idungi alu pertoton) : Masmur 20 : 2-10 (Antiponal) “Iperdiateken Dibata Pemindondu.”
KEE No.304 : 1, 2 O TUHANKU O, DIBATANGKU
(5)
9. Pengakun Kiniteken... Perp.Tedis
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal Tuhanta, si jadi arah kesah Si Badia, tubuh idur singuda-nguda nari si so keliamen, tergelar si Maria, si ngenanami kiniseran sangana pemerintahen Pontius Pilatus nipakuken ku kayu persilang, mate, jenari i kuburken nusur ku doni kematen, petelu wariken enggo keke ibas si mate nari, nangkih ku Surga, perkundulNa arah kemuhen Dibata Bapa si la ersibar kuasaNa, jenari reh me IA pagi ngeranaken si nggeluh ras si enggo mate.
Aku tek man kesah si Badia janah lit sada Gereja si Badia, persadan kalak si Badia, pengalemi dosa, kinikeken kula, kegeluhen si rasa lalap.
Amin.
10. Pelantikan Pengurus Permata Sektor...
11. Persembahen ...
L : Turang ras senina i bas Jesus Kristus, mari sisehken persembahennta i bas wari Minggu enda, sipersembahken dage si mehulina. Gelah arah persembahen enda kita enggo ikut muat bagin i bas dahin Ersada, Ersaksi ras Ngelai. Kata Dibata si jadi palas i bas kita ngendesken persembahenta ibuat i bas Roma 12:1b, niNa :
“Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku mahluk si rukur." (Roma 12 : 1-2).
Janahta ngendesken persembahen, rende kita i bas :
KEE No. 315 : 1, 2 SIMPAR TUHU PEMERENDU 1. Simpar tuhu pemereNdu
JujurkenNdu kap man bangku Ermengkah kal me ukurku La ‘ku lupa lias ateNdu., Reff: AlokenNdu o, Tuhanku Persembahen anakNdu Usekenlah pasu-pasu Peteguhi perpulungenNdu
2. Benih si isuan kami E pe kap i bas Kam nari KuasaNdu mahanca turah KuasaNdu mahanca erbuah
Pertoton Persembahen ras Syafaat
12. Perpadanen Man Dibata...Perp.Tedis L : Dibata la pernah nadingken anakNa si setia
(6) Serayan+
Keluarga
: Erpadan kami Tuhan, i bas ndahiken dahinNdu, Kam saja nge jadi penggurun kami i bas ngelai Kam. Lanai kami nggit talu ibahan sura–sura kami.
P : Kami pe erpadan Tuhan, ngergaken dingen notoken SerayanNdu, gelah arah ia pe kami ngidah peratenNdu.
Terpujilah Kam Tuhan arah kegeluhen kami. Amin.
L : I bas kita mpeteguhi perpadanen man Dibata, mari si puji Tuhan alu ngendeken :
13. Pertoton Tuhan...
O Bapa kami si ni Surga.
GelarNdu ipebadia min; reh min KinirajanNdu;
sehlah min peratenNdu, i bas doni enda bagi ni Surga.
Bereken min man kami nakan cukup i bas wari si sendah enda.
Alemi min salah kami bagi nialemi kami salah kalak kempak kami.
Ola min kami ibaba Kam kubas percuban, tapi olangilah kami idur si ilat nari.
Sabap Kam kap si mada Kinirajan, ras Kuasa, ras Kemulian si ndekah-ndekahna.
Amin.
14. Pengutusen ras Pasu-pasu Dibata...
L : Senina ras turang, bengketilah kegeluhenta (ndu) si tep-tep wari. Gelah tetap kita (kam) ngasup natang-natang dahin serayan Tuhan, emaka alokenlah pemasu-masun idur Dibata nari :
“Perkuah ate Tuhan Jesus Kristus, kekelengen Dibata ras kerembaken Kesah si Badia ras kita (kam) kerina gelah.” Amin.
P : A....min A...min A...min (Iendeken)
KEE No.312 : 1, 2 PERMAKANI K’RINA BIRI-BIRINGKU 1. Permakani k’rina biri-biringku
Bagem pedah Tuhan man bantak’rina Emaka serayan itangkuhkenNa
Gelah bas nehken pedahNa la leja-leja.
Reff : Keleng kal tuhu ate Tuhan rarasenNa
Kerina serayanNdu pe ikawaliNa Kerina pe ikut
numpak-numpaksa
2. Jagailah dirindu ras rarasenNdu Bage pe k’rina kalak si ‘ndeskenNa Enggo itebusiNa alu darehNa
Keleng ateNa kap si ngkelinigeluhta.