ရွေးကောက်ပွဲစနစ် ဒီဇိုင်း
ရွေးကောက်ပွဲစနစ် ဒီဇိုင်း
နိုင်ငံတကာ IDEA လက်စွဲစာအုပ်သစ်
အင်ဒရူး ရေးနိုးလ်စ် ဘင်ရယ်လီ အင်ဒရူး အဲလစ်
ပါဝင်ရေးသားသူများ ဂျို့စ်အန်တိုနီယိုချီဘတ် ကာရင်ကောက်စ် ဒွန်းလီရှန် ဂျော်ဂန်အာ့ခ်လစ် မိုက်ကယ်လ် ဂေါ်လဂ္ဂါ အဲလင်ဟစ်ကင် ကားလို့စ်ဟင်နျူးစ် ယူဂျင်း ဟက်စကီး စတီးနာ လာစရွတ် ဗီဂျေး ပတ္တီဒါ
လက်စွဲစာစဉ်များ
နိုင်ငံတကာ IDEA အဖွဲ့အစည်းမှ ထုတ်ဝေသည့် လက်စွဲစာစဉ်များ၌ ဒီမိုကရက်တစ် အဖွဲ့အစည်းများ၊ လုပ်ငန်းစဉ် များနှင့် ပတ်သက်သည့် အယူအဆနှင့် သတင်းအချက်အလက်များ၊ နှိုင်းယှဉ် လေ့လာမှုများကို ရှာဖွေတင်ပြလေ့ရှိပါသည်။ မူလအားဖြင့် ယင်းလက်စွဲစာစဉ်များကို မူဝါဒ ချမှတ်သူများ၊ နိုင်ငံရေးသမားများ၊ အရပ်ဘက် လူ့အဖွဲ့အစည်းများတွင် ပါဝင်လှုပ်ရှားသူများနှင့် သက်ဆိုင်ရာနယ်ပယ်တွင် လက်တွေ့ကျင့်သုံး ဆောင်ရွက်သူများအတွက် ရည်ရွယ်ပါသည်။ သို့သော် ယင်းစာစဉ်များသည် ပညာသင်ကြားရေး နယ်ပယ်နှင့် ဒီမိုကရေစီ အရေး ကူညီပေးနေသည့် အဖွဲ့အစည်းများနှင့် အခြား အဖွဲ့အစည်းများအတွက်ပါ အကျိုးရှိစေ ပါလိမ့်မည်။
နိုင်ငံတကာ IDEA အဖွဲ့၏ စာစဉ်များသည် သီးသန့်နိုင်ငံ့ အကျိုးစီးပွား(သို့) နိုင်ငံရေးအကျိုး စီးပွားတို့ပေါ်တွင် မှီခိုနေ ခြင်းမရှိပါ။ ဤစာစဉ်တွင် ဖော်ပြထားသည့် ထင်မြင်ယူဆချက်များသည် နိုင်ငံတကာ IDEA အဖွဲ့၏အယူအဆများကို သော်လည်းကောင်း (သို့) IDEA ကောင်စီဝင်များ (သို့) ဘုတ်အဖွဲ့ဝင်များ၏ အယူအဆများကိုသော်လည်းကောင်း၊ အကြွင်းမဲ့ကိုယ်စားပြုသည်ဟု မဆိုနိုင်ပါ။ ဤစာစဉ်တွင် ဖော်ပြထားသည့် လမ်းစဉ်မြေပုံသည် အဖွဲ့အစည်းအနေဖြင့် မည်သည့် တိုင်းပြည်ဒေသအသီးသီး၏ တရားရေးအခြေအနေကို အဆုံးအဖြတ်ပေးရန် မဟုတ်သည့်အပြင် ဂုဏ်ဖော် ချီးကျူးရန်လည်း မဟုတ်ပါ။ ထို့ပြင် မည်သည့်တိုင်းပြည်ဒေသအသီးသီး၏ ပုံစံ အရွယ်အစား နှင့် တည်ရှိမှုကမျှ ဤအဖွဲ့ အစည်း၏ နိုင်ငံရေးအယူအဆကို ထင်ဟပ်စေလိမ့်မည် မဟုတ်ပါ။ အကြောင်းအရာ ရှင်းလင်းပြတ်သားမှုရှိရန်အတွက်သာ အဆိုပါ လမ်းစဉ်မြေပုံကို ထည့်သွင်းရခြင်း ဖြစ်ပေသည်။
© ဒီမိုကရေစီနှင့် ရွေးကောက်ပွဲ အကူအညီပေးရေး နိုင်ငံတကာအဖွဲ့အစည်း (၂၀၀၅)
ထပ်မံပုံနှိပ်ထုတ်ဝေသည့် ခုနှစ် ၂၀၀၈
ဤစာစဉ် အားလုံးကိုသော်လည်းကောင်း တစ်စိတ်တစ်ပိုင်းသော်လည်းကောင်း၊ ဘာသာပြန်ဆိုရန် (သို့) ကူးယူရန် ခွင့်ပြုချက်တောင်းခံလိုပါက အောက်ပါလိပ်စာအတိုင်း တောင်းခံနိုင်ပါသည်။
သတင်းအချက်အလက်ဌာန၊ နိုင်ငံတကာ IDEA အဖွဲ့ ။ SE-10334 စကော့ဟုမ်းမြို့၊ ဆွီဒင်။ နိုင်ငံတကာ IDEA အဖွဲ့အနေဖြင့် ၎င်းတို့ကြိုးပမ်းအားထုတ်မှုဖြစ်သည့် ဤစာစဉ်ပြန့်ပွားရေးကို လိုလားသည့်အပြင် ယင်းစာစဉ်အား ပွားယူရန် ခွင့်ပြုချက်တောင်းခံလာပါကလည်း
အဆောတလျင် တုံ့ပြန်မှုပေးသွားမည် ဖြစ်သည်။
ဂရပ်ဖစ်ဒီဇိုင်း - မန်းဂတ်စ် အက်မာ မျက်နှာဖုံးပန်းချီ - ပရက်ဆင် ဘစ်လ်၊ ပုံနှိပ်ထုတ်ဝေသူ - သွန်းနဒီ ပုံနှိပ်တိုက်
ဥယျောဇဉ်
အပြည်ပြည်ဆိုင်ရာ လူ့အခွင့်အရေး ကြေညာစာတမ်းတွင် “လူတိုင်းသည် ၎င်းနေထိုင်ရာ တိုင်းပြည်၏ အုပ်ချုပ်ရေးကဏ္ဍတွင် တိုက်ရိုက်သော်လည်းကောင်း၊ သို့မဟုတ် ရွေးကောက်တင်မြှောက်ထားသည့် ကိုယ်စားလှယ်များမှတဆင့်သော်လည်းကောင်း ပါဝင်ဆောင်ရွက်ခွင့် ရှိပါသည်” ဟု ဖော်ပြထားသည်။ ထို့ကြောင့် ကမ္ဘာ့ကုလသမဂ္ဂမှ ၎င်းတည်ထောင်ချိန် ၁၉၄၅ ခုနှစ်မှ စတင်၍ ရွေးကောက်ပွဲ အကူအညီပေးရေးကဏ္ဍတွင် အစဉ်တစိုက် ကူညီ ဆောင်ရွက်ပေးခဲ့ပြီး ဒီမိုကရေစီ စည်းမျဉ်းများနှင့် နိုင်ငံရေး ရပိုင်ခွင့်များ အခြေခိုင်မာ တိုးတက်စေရန်အတွက် ကြိုးပမ်းပေးခဲ့ပါသည်။ ရွေးကောက်ပွဲများနှင့် ပတ်သက်၍ ကုလသမဂ္ဂ၏ ဆောင်ရွက်မှုများသည် အများအားဖြင့် ငြိမ်းချမ်းမှု ထိန်းသိမ်းရေးနှင့် ငြိမ်းချမ်းမှု တည်ဆောက်ရေး ဟူသော ယနေ့ခေတ် ထွန်းကားကျယ်ပြန့်နေသည့် လုပ်ငန်းစဉ်များနှင့် အများဆုံး ဆက်နွယ်မှုရှိခဲ့ပြီး သာဓကအားဖြင့် ကမ္ဘောဒီးယား၊ အယ်လ်ဆာဗဒေါ၊ မွန်ဇမ်ဘစ်ခ်စသည့် နိုင်ငံများအပြင် မကြာမီက ကူညီပေးခဲ့သော အာဖဂ္ဂန်နစ္စတန်နိုင်ငံနှင့် အီရတ်နိုင်ငံတို့ကို ကြည့်နိုင်ပါသည်။ သို့သော် အဆိုပါ ကြိုးပမ်းချက်များသည် လက်ရှိနိုင်ငံပေါင်း ၅၀ ကျော်၏ ရွေးကောက်ပွဲ ဖြစ်စဉ်များတွင် ရွေးကောက်ပွဲ အကူအညီပေးရေး ဆောင်ရွက်ချက်များ လုပ်ကိုင်နေသော ကုလသမဂ္ဂ၏ ထင်သာမြင်သာ အရှိဆုံး အပိုင်းမျှသာ ဖြစ်သည်။
ယင်းရွေးကောက်ပွဲ ဖြစ်စဉ်များတွင် အင်မတန် အရေးတကြီး လိုအပ်သည့်အရာမှာ ရွေးကောက်ပွဲ စနစ်တစ်ခု၏ ဒီဇိုင်းပုံစံဖြစ်သည်။ ယင်းကို ပိုမိုကျယ်ပြန့်သည့် အကြောင်းအရာများဖြစ်သည့် ဖွဲ့စည်းပုံ အခြေခံဥပဒေ ဒီဇိုင်း နှင့် အဖွဲ့အစည်း ဒီဇိုင်း ပုံစံများမှ သီးသန့်ခွဲထုတ်စဉ်းစား၍ မဖြစ်နိုင်ပါ။ ထိုသို့ ရွေးကောက်ပွဲ စနစ်တစ်ခုအတွက် ဒီဇိုင်းပုံစံ ရေးဆွဲခြင်းသည် အခြားကျယ်ပြန့်သည့် နယ်ပယ်များ ဖြစ်သော ပဋိပက္ခ စီမံဖြေရှင်းခြင်း၊ ကျား၊မရေးရာ တင်ပြဆွေးနွေးခြင်း နှင့် နိုင်ငံရေးပါတီ စနစ်များ ဖွံ့ဖြိုးတိုးတက်ရေး ဆောင်ရွက်ခြင်းစသည့် အရေးကိစ္စများနည်းတူ အရေးပါ အရာရောက်သည်သာ ဖြစ်သည်။ ထို့ပြင် ပီပြင်စွာ ရေးဆွဲအသုံးပြုပါက ရွေးကောက်ပွဲစနစ်ပုံစံသည် နိုင်ငံရေးပြောင်းလဲမှုကို အရှိန်အဟုန် မြှင့်ပေးနိုင်ခြင်း၊ ပြည်သူများပါဝင်လာမှုကို တွန်းအားပေးနိုင်ခြင်းနှင့် ပြည်သူအများ၏ လိုလား တောင့်တမှုများအား ကျင်လည်စွာ ကိုင်တွယ်ဖြေရှင်းပေးနိုင်သည့် တရားဝင် ကိုယ်စားလှယ်များ ထွက်ပေါ်စေလာနိုင်ခြင်းစသည့် အကျိုးတရားများ ရရှိစေနိုင်ပါသည်။ အကယ်၍ ပြီးစလွယ် ရေးဆွဲ ဆောင်ရွက်ခဲ့လျှင်မှု ဒီမိုကရေစီ တိုးတက်မှုဖြစ်စဉ်ကို တိမ်းချော်သွားစေနိုင်သည့်အပြင် နိုင်ငံရေး တည်ငြိမ်မှုကိုပါ ပျက်ယွင်းသွားစေနိုင်ပါသည်။
ရှိစေရန်အတွက် သာမက အနာဂတ်တွင် ရွေးကောက်ပွဲ ရည်ရွယ်ချက်များ ပြောင်းလဲလာသည့် နှင့်အမျှ သဘောထား ခံယူချက်နှင့် လုပ်နည်းလုပ်ဟန်များ ပြောင်းလဲလာမည်ကို အဆင်ပြေစေနိုင်စေရန် အတွက်ပါ ရေးဆွဲထားရပါမည်။ ဤသို့ ရွေးကောက်ပွဲစနစ် ရေးဆွဲမှုကို မူတည်၍ တည်ငြိမ် ခိုင်မာမှုရှိသည့် ဒီမိုကရေစီစနစ် ဖွံ့ဖြိုးလာစေနိုင်သကဲ့သို့ ဒီမိုကရေစီခရီးစဉ်တွင် အဓိက အတားအဆီး တစ်ခုလည်း ဖြစ်နေတတ်ပါသည်။
ဤလက်စွဲစာအုပ်သစ်ကို နိုင်ငံတကာ IDEA အဖွဲ့မှ တာဝန်ယူ ထုတ်ဝေလိုက်သည့်အတွက် ကျွန်တော့်အနေဖြင့် ဝမ်းမြောက်ဝမ်းသာ ကြိုဆိုအပ်ပါသည်။ ဤစာအုပ်တွင် ရွေးကောက်ပွဲစနစ်များနှင့် ၎င်း၏ နောက်ဆက်တွဲ အကြောင်း အရာများနှင့် ပတ်သက်သည့် ရှုပ်ထွေးသည့် အယူအဆများကို နားလည်လွယ်သည့် အရေးအသားဖြင့် တင်ပြထားပါသည်။ ဒီမိုကရေစီ အသွင်ကူးပြောင်းခြင်းနှင့် ပြုပြင်ပြောင်းလဲရေး ဖြစ်စဉ်အတွက် အရေးပါသည့် အကြောင်းအရာများနှင့် ပတ်သက်၍ လက်တွေ့အသုံးချနိုင်သည့် နည်းလမ်းများကို ဤစာအုပ်တွင် ဖော်ပြထားပါသည်။ အရေးအသား ရှင်းလင်းပြတ်သား၍ ကမ္ဘာ့ရေးရာများကို အနီးစပ်ဆုံး တင်ပြထားနိုင်ပြီး တည်ငြိမ် ခိုင်မာသည့် ဒီမိုကရေစီ စနစ်များ ဖွံ့ဖြိုးတိုးတက်စေရေး ကြိုးပမ်းမှုတွင် အုတ်တစ်ချပ် သဲတစ်ပွင့် ဖြစ်စေနိုင်ပါလိမ့်မည်။ ကမ္ဘာအနှံ့ ရွေးကောက်ပွဲစနစ်များ လက်တွေ့ကျင့်သုံး ဆောင်ရွက်နေကြသူများ အလွယ်တကူ ဖတ်ရှု လေ့လာနိုင်ရန် အတွက်လည်း ကျယ်ကျယ် ပြန့်ပြန့် ထုတ်ဝေသွားသင့်ပါသည်။
ကာရီနာ ပါရယ်လီ
နိဒါန်း
ရွေးကောက်ပွဲစနစ်များအား အကျယ်တဝင့် စတင်လေ့လာခဲ့သည့် မောရစ်ဒျူဗာဂါ မှစ၍ ရေတွက်သော် ယခုဆိုလျှင် နှစ်ပေါင်း ၅၀ တိုင်ခဲ့ပြီ။ သို့သော် တကယ့် နိုင်ငံရေးလောကတွင်မူ နှစ်ပေါင်းများစွာ ကြာသည့်တိုင် ယင်းလေ့လာမှု၏ အကျိုးသက်ရောက်မှုသည် အကန့်အသတ်ဖြင့်သာ ရှိနေခဲ့လေသည်။ နိုင်ငံရေး သိပ္ပံပညာရှင်များနှင့် ရွေးကောက်ပွဲ မူဘောင် ရေးဆွဲသူများသည် အများအားဖြင့် အချင်းချင်း ဆက်စပ်လေ့ မရှိကြဘဲ စစ်အေးကာလ ကမ္ဘာ့ဒေသအသီးသီး၌ အဖွဲ့အစည်းဆိုင်ရာ ပြောင်းလဲမှု နယ်ပယ် တွင်လည်း ကန့်သတ်မှုများ ရှိနေခဲ့ပေသည်။
၁၉၉၀ နောက်ပိုင်း ရွေးကောက်ပွဲစနစ်များတွင် ပြုပြင်ဆန်းသစ်မှုများ အုံနှင့်ကျင်းနှင့် ပေါ်ပေါက်ခဲ့ပြီး ဒီမိုကရေစီ ပေါ်ဦးစနိုင်ငံများဖြစ်သည့် အာဖရိက၊ အာရှ၊ အရှေ့ဥရောပ၊ လက်တင်အမေရိကနှင့် ယခင် ဆိုဗီယက်ယူနီယံနိုင်ငံ တို့သည် ၎င်းတို့၏ နိုင်ငံရေးနှင့် ရွေးကောက်ပွဲစနစ်များအား ပြုပြင်ပြောင်းလဲခဲ့ကြပြီး ရနိုင်သမျှ လုပ်ထုံးလုပ်နည်းနှင့် အတွေ့အကြုံများအား ရှာဖွေစုဆောင်းခဲ့ကြသည်။ ဤသို့ဖြင့် သတင်း အချက်အလက်နှင့် ရွေးကောက်ပွဲ အကူအညီပေးရေးအတွက် စတင်တည်ထောင်ခဲ့သည့် IDEA အဖွဲ့သည် ၎င်းတို့စုဆောင်းရရှိထားသည့် အတွေ့အကြုံများကို အခြေတည် ၍ ၁၉၉၇ ခုနှစ်တွင် နိုင်ငံတကာ IDEA အဖွဲ့၏ ရွေးကောက်ပွဲစနစ် ဒီဇိုင်းစာအုပ်ကို ထုတ်ဝေခဲ့ပါသည်။ ထိုအချိန်မှစ၍ ယင်းစာအုပ်အား လေ့လာအသုံးချသူ အမြောက်အမြားရှိခဲ့ပြီး ထောက်ခံအားပေးမှုများလည်း ရရှိခဲ့ပါသည်။ ထို့ပြင် ပြင်သစ်၊ စပိန်၊ အာရဗီနှင့် မြန်မာဘာသာသို့ အသီးသီးပြန်ဆို၍ IDEA ၏ ဝဘ်ဆိုဒ်တွင် ဖော်ပြခြင်း၊ စီဒီရွမ်ဖြင့် ဖြန့် ဝေခြင်းတို့ ပြုလုပ်ခဲ့ပါသည်။
ပထမအကြိမ် ထုတ်ဝေခဲ့သည့် အချိန်မှစ၍ အောင်မြင်မှုများ ရရှိခဲ့သော်လည်း ဤမျှနှင့် ရပ်တန့်မနေဘဲ ရွေးကောက်ပွဲ ဒီဇိုင်းများအား ဆက်လက်၍ ပြုပြင်ဆန်းသစ်မှုများ၊ တိုးတက်မှုများ ဖြစ်ပေါ်စေခဲ့ပါသည်။ နိုင်ငံ အတော်များများတွင်လည်း ၎င်းတို့၏စနစ်များကို ပြုပြင်ပြောင်းလဲခဲ့ပြီး ယင်းပြောင်းလဲမှုဖြစ်စဉ်များမှ သင်ခန်းစာ အမြောက်အများရရှိခဲ့ပါသည်။ အထူးအားဖြင့် ဒီမိုကရေစီစနစ်များကို စတင်ကျင့်သုံးစ နိုင်ငံများ၌ ရွေးကောက်ပွဲစနစ်များနှင့် ပါတီစနစ်များ၏ ဆက်နွယ်နေမှုကို ပိုမိုသိရှိလာပြီးလျှင် ပိုကျယ်ပြန့်သည့် ဒီမိုကရက်တစ် အဖွဲ့အစည်းများ၏ မူဘောင်များကိုလည်း ပို၍နားလည် သဘောပေါက်ခဲ့ပါသည်။ ကြိုတင်၍ ရှင်းလင်းစွာ ဝန်ခံမှုပြုရလျှင် ရွေးကောက်ပွဲစနစ် ပြောင်းလဲခြင်းသည် နည်းပညာကို သိနားလည်ရုံမျှ မဟုတ်ဘဲ ပြည်သူများ ကိုယ်တိုင်ပါဝင်သည့် အချေအတင် ဆွေးနွေးမှုများ၊ အများသဘောဆန္ဒကို အလေးထား တည်ဆောက်ပေးခြင်းများ ပါဝင်သည့် နိုင်ငံရေးဖြစ်စဉ်တစ်ခု ဖြစ်ပါသည်။ ရွေးကောက်ပွဲစနစ် ဒီဇိုင်းဟူသည် ပဋိပက္ခများ ဖြေရှင်းရာတွင် အလွန်အရေးပါသည့်အရာ တစ်ခုဖြစ်ပြီး စဉ်ဆက်မပြတ် ခိုင်မာဖွံ့ဖြိုးနေသည့် ဒီမိုကရေစီ အခြေခံအုတ်မြစ်အား အခိုင်အမာ ချမှတ်နိုင်ရန် အထောက်အကူပြုပါလိမ့်မည်။
အကြောင်းအရာများကို ခေတ်နှင့်အညီ မွမ်းမံထားပါသည်။ ထို့ပြင် ရွေးကောက်ပွဲစနစ် ပြုပြင်ပြောင်းလဲခြင်း နှင့် ပတ်သက်သည့် အကြောင်းအရာသစ်များ၊ လေ့လာမှုအသစ်များနှင့် ကိုယ်စားပြုမှု အရည်အသွေး၊ ပဋိပက္ခများဖြေရှင်းပြီး နောက်ဆက်တွဲအခြေအနေများနှင့် တိုက်ရိုက်ဒီမိုကရေစီ လုပ်နည်းလုပ်ဟန်များကို အသုံးပြုခြင်းတို့ ပါဝင်သည်။ ထို့ပြင် ကမ္ဘာအနှံ့အသုံးပြုနေသည့် ရွေးကောက်ပွဲစနစ်အား မြေပုံများ၊ အချပ်ပိုများနှင့် စာရင်းဇယားများပြုလုပ်၍ ပြန်လည်သုံးသပ်ပြထားပါသည်။ ဤစာအုပ်သည် ဒီမိုကရေစီ တည်ဆောက်ရေးဖြစ်စဉ်အတွက် တက်ကြွပါဝင်သူများအား အကူအညီပေးနိုင်မည့် အသုံးတည့်သည့် အရာတစ်ခု ဖြစ်လိမ့်ဟု ကျွန်ုပ်တို့အနေဖြင့်မျှော်လင့်ပါသည်။ ဤစာအုပ်၏ အယူအဆ သုံးသပ်ချက်များ နှင့် ပတ်သက်၍ ဝေဖန်အကြံပြုချက်များကိုလည်း ဖိတ်ခေါ်အပ်ပါသည်။
ကာရင်ဖော့ဂ်
မာတိကာ
စနစ်ရောများ (Mixed Systems) ... ၄၂ အချိုးကျကိုယ်စားပြုစနစ်များ (Proportional Representation Systems)... ၈၇ အချိုးကျကိုယ်စားပြုစနစ်ဆိုသည်မှာ ... ၈၇ စာရင်းလိုက်အချိုးကျကိုယ်စားပြုစနစ် (List Proportional Representation) ... ၉၁ လွှဲပြောင်း၍ရသောတစ်မဲတည်းပေးစနစ် (Single Transferable Vote) ... ၁၀၉ အချိုးကျကိုယ်စားပြုစနစ်နှင့် ဆက်စပ်သောအကြောင်းအရာများ ... ၁၁၉
မဲဆန္ဒနယ်ပမာဏ (District Magnitude) ၁၁၉
ထောက်ခံမဲအနိမ့်ဆုံးအဆင့်သတ်မှတ်ချက် (Threshold) ၁၂၈ စာရင်းဖွင့်၊ စာရင်းပိတ်နှင့် အလွတ်စာရင်းများ (Open၊ Closed and Free Lists) ၁၂၉ သီးခြားဆောင်ရွက်၍အကျိုးတူပူးပေါင်းခြင်း (Apparentement) ၁၄၀ စနစ်ရောများ (Mixed Systems) ... ၁၄၁
ရောနှောထားသော ကိုယ်စားလှယ်အချိုးကျစနစ် (Mixed Member Proportional) ... ၁၄၁ ပူးတွဲစင်ပြိုင်စနစ်များ (Parallel Systems) ... ၁၆၂ အခြားသောစနစ်များ (Other Systems) ... ၁၇၆
၎။ရွေးကောက်ပွဲစနစ်များ၊ ပြဋ္ဌာန်းချက်ဆိုင်ရာ ဘောင်ကန့်သတ်ချက်များနှင့် အုပ်ချုပ်ပုံ ၂၀၁
သမ္မတတစ်ဦးရွေးကောက်တင်မြှောက်ခြင်း ... ၂၀၂ ပထမရသူ အနိုင်အကုန်ယူစနစ် (First Past The Post) ... ၂၀၃ နှစ်ကျော့ပြန်စနစ် (Two-Round System) ... ၂၀၅ ကြိုက်နှစ်သက်မှုဦးစားပေး ဆန္ဒမဲပေးစနစ် (Preferential Voting) ... ၂၀၈ ဖြန့်ကျက်ရေးလိုအပ်ချက်များ (Distribution Repuirements) ... ၂၁၀ အထက်လွှတ်တော်ကိုရွေးကောက်တင်မြှောက်ခြင်း ... ၂၁၁ အုပ်ချုပ်ပုံ အလွှာအဆင့်ဆင့် ... ၂၁၃ နိုင်ငံတော်အထက်ရှိအဖွဲ့အစည်းများကိုရွေးကောက်တင်မြှောက်ခြင်း ... ၂၁၃ ပြည်ထောင်စုအဆင့် သို့မဟုတ် ပြည်နယ်အဆင့်လွှတ်တော်များရွေးကောက်တင်မြှောက်ခြင်းနှင့် ... ကိုယ်ပိုင် တရားစီရင်ခွင့်များ ... ၂၂၁ ဒေသန္တရအာဏာပိုင်အဖွဲ့အစည်းများရွေးကောက်တင်မြှောက်ခြင်း ... ၂၂၁ ရွေးကောက်ပွဲစနစ်များနှင့် နိုင်ငံရေးပါတီများ ... ၂၂၉ တိုက်ရိုက်ဒီမိုကရေစီလုပ်ထုံးလုပ်နည်းများ ... ၂၃၁
၅။ကုန်ကျစရိတ်နှင့်စီမံအုပ်ချုပ်ရေးဆိုင်ရာအကျိုးသက်ရောက်နေမှုများ ...၂၃၃
၆။ ရွေးကောက်တင်မြှောက်စနစ် ပုံစံရေးဆွဲသူများအတွက်အကြံပြုချက် ...၂၄၁
ဇယားနှင့်ရုပ်ပုံများ
ဇယား ၁ - မကြာမီအတွင်းဖြစ်ပေါ်ခဲ့သော ရွေးကောက်ပွဲစနစ်ပြောင်းလဲမှုများ ... ၃၅ ဇယား ၂- နိုင်ငံတော်အဆင့်လွှတ်တော်များအတွက် ရွေးကောက်တင်မြှောက်ပုံ ...
စနစ်များ ... ၄၃ ဇယား ၃ - အမျိုးသားလွှတ်တော်အသီးသီးရှိ ရွေးကောက်ပွဲစနစ်များ၏
ဖြန့်ကျက် တည်ရှိမှု ... ၄၅ ဇယား ၄ - MMP စနစ်ကျင့်သုံးသည့်နိုင်ငံများ ... ၁၄၂ ဇယား ၅ - ပူးတွဲစင်ပြိုင်စနစ်ကျင့်သုံးသည့်နိုင်ငံများ ... ၁၇၅ ဇယား ၆ - အချိုးကျကိုယ်စားပြုစနစ်၏ မူကွဲများ ... ၁၈၅ ဇယား ၇ - အဓိကရွေးကောက်ပွဲစနစ် ၅ ခု နှင့် ၎င်းတို့၏
အားသာချက်၊ အားနည်းချက်များ ...၁၈၇-၁၈၉ ဇယား ၈ - ရွေးကောက်တင်မြှောက်ပုံစနစ် ၁၂ ခု၏ ကုန်ကျစရိတ်နှင့် စီမံအုပ်ချုပ်ရေး
သက်ရောက်မှု အလားအလာများ ... ၂၃၇ ပုံ - ၁ ရွေးကောက်ပွဲစနစ်၏ မျိုးနွယ်များ ... ၄၀ ပုံ - ၂ ရွေးကောက်ပွဲစနစ်မျိုးနွယ်များနှင့် နိုင်ငံများ၏အရေအတွက် ... ၄၆ ဖြစ်ရပ်လေ့လာမှုများ
အိန္ဒိယ ...၅၅ ပါလက်စတိုင်း ... ၆၅ ပါပူဝါ နယူးဂီနီ ... ၇၃ ကာဂျစ္စတန် ... ၈၁ တောင်အာဖရိက ... ၉၅ အင်ဒိုနီးရှား ...၁၀၁ အိုင်ယာလန်ပြည်သူ့ သမ္မတနိုင်ငံ ... ၁၁၁ ချီလီ ...၁၂၀ ဘရာဇီး ...၁၃၃ လီဆော်သို ...၁၄၃ မက္ကဆီကို ...၁၅၀ နယူးဇီလန် ...၁၅၆ ထိုင်းနိုင်ငံ ...၁၆၄ ဆီနီဂေါ ...၁၇၀ ဂျပန် ...၁၇၈ ဥရောပပါလီမန် ...၂၁၅ တရုတ်ပြည် ...၂၂၃
နောက်ဆက်တွဲများ
(က) လွတ်လပ်ရေးရပြီးဖြစ်သည့်နိုင်ငံများနှင့် အခြားဆက်စပ်ဒေသပေါင်း ၂၁၃ ခု၏ ရွေးကောက်ပွဲ စနစ်များ (၂၀၀၄) ... ၂၅၀ (ခ) ခက်ဆစ်ဝေါဟာရများ ... ၂၆၃ (ဂ) ထပ်မံဖတ်ရှုရန်အညွှန်း ... ၂၇၆ (ဃ) ဆန္ဒမဲများအားအမတ်နေရာများအဖြစ်လွှဲပြောင်းရာတွင် ရွေးကောက်ပွဲစနစ်များ၏
ANC African National Congress AV Alternative Vote
BC Borda Count BV Block Vote
EMB Electoral management body FPTP First Past The Post
LV Limited Vote
List PR List Proportional Representation MMD Multi-member district
MMP Mixed Member Proportional MP Member of Parliament PBV Party Block Vote
PR Proportional Representation SMD Single-member district SNTV Single Non-Transferable Vote STV Single Transferable Vote TRS Two-Round System
၁
အခန်း(၁)
၁။ ခြုံငုံသုံးသပ်ချက်
မိတ်ဆက်
၁။ ရွေးကောက်ပွဲစနစ် ရွေးချယ်ခြင်းသည် မည်သည့် ဒီမိုကရေစီစနစ်အတွက်မဆို အဖွဲ့အစည်း ဆိုင်ရာ ဆုံးဖြတ်ချက်များအနက် အရေးအပါဆုံး အကြောင်းအရာတစ်ခု ဖြစ်သည်။ ရွေးကောက်ပွဲ စနစ်ရွေးချယ်မှုသည် သက်ဆိုင်ရာ နိုင်ငံ တစ်နိုင်ငံ၏ အနာဂတ်နိုင်ငံရေးဘဝပေါ်၌ လေးနက်သော အကျိုးသက်ရောက်မှု ရှိပါသည်။ ထို့ပြင် ထိုရွေးကောက်ပွဲ စနစ်များအား ရွေးချယ်မိပြီဆိုသည်နှင့် ယင်းစနစ်များမှ ရရှိသည့် မက်လုံးများကို အကြောင်းပြု၍ သက်ဆိုင်ရာ နိုင်ငံ၏ နိုင်ငံရေးအကျိုးစီးပွား အမြစ်တွယ်လာသည်နှင့်အမျှ ထိုစနစ်များသည်လည်း ရေရှည် တည်တံ့နေတတ်ပါသည်။ သို့သော်လည်း မကြာသေးသည့်ကာလများအတွင်း မျှော်မြင်ဉာဏ် ရှိရှိဖြင့် ရေးဆွဲထားသည့် ရွေးကောက်ပွဲစနစ်များ အသုံးတွင်ကျယ်လာသောအခါ၌ ယခင်က ထိုသို့ဂရုတစိုက်နှင့် နှိုင်းနှိုင်းဆဆ ရေးဆွဲထားသည့်စနစ်မျိုး ရှားပါးကြောင်း တွေ့ရှိလာကြ သည်။ အကြောင်းအမျိုးမျိုးကြောင့်သော်လည်းကောင်း၊ ခေတ်ရေစီး ကြောင်းအရသော်လည်းကောင်း၊ သမိုင်းကြောင်း အလှည့်အပြောင်း ကြောင့်သော်လည်းကောင်း၊ ကိုလိုနီစနစ်၏ အကျိုးသက်ရောက်မှုကြောင့်သော်လည်းကောင်း ရွေးကောက်ပွဲစနစ်များအား အမှတ်မထင် ရွေးချယ်ခဲ့ကြသည်သာ များလေသည်။ တစ်ခါတစ်ရံတွင်မူ သြဇာလွှမ်းမိုးမှုရှိသည့် အိမ်နီးချင်း နိုင်ငံများ၏ စနစ်မျိုးကိုပင် ရွေးချယ်တတ်ကြပါသည်။
ဤစာအုပ်အား အသုံးပြုပုံ
၇။ ဒီမိုကရေစီလောကတွင် ရွေးကောက်ပွဲစနစ်များ မည်ကဲ့သို့ လှုပ်ရှားအသက်ဝင်နေကြသည်ကို ဖော်ပြရန်အတွက် ရွေးကောက်တင်မြှောက်သည့်ပုံစံနှင့် ယင်း၏အကျိုးဆက်များ၏ အသေးစိတ် စိစစ်လေ့လာချက်ကို တင်ပြထားခြင်းဖြင့် ဤလက်စွဲစာအုပ်သည် အကျိုးတရားနှစ်ရပ်ကို ရရှိရန် ရည်ရွယ်ပါသည်။ ၎င်းတို့မှာ-
ရွေးကောက်ပွဲစနစ် ရွေးချယ် မှုနှင့် ပတ်သက်၍ နိုင်ငံရေးဆွေးနွေးမှုများ သာမက၊ လူထုဆွေးနွေးမှုများပါ ပေါ်ထွန်းလာစေရန်။
ဖွဲ့စည်းပုံ အခြေခံ ဥပဒေ ရေးဆွဲသူများ၊ နိုင်ငံရေးမူနှင့် ရွေးကောက်ပွဲဥပဒေများ ပြဋ္ဌာန်းရေးဆွဲသူများကို အသိဉာဏ်ကြွယ်ဝစေပြီး နိုင်ငံအတွက် အကျိုးများမည့် ရွေးကောက်ပွဲစနစ်တစ်ရပ်ကို အကျိုးဆက်များနှင့်တစ်ကွ သုံးသပ်သိရှိ ရွေးချယ်နိုင်စေရန်တို့ ဖြစ်သည်။ သို့မှသာ သက်ဆိုင်ရာ ရွေးကောက်တင်မြှောက်သည့် ပုံစံစနစ် ရွေးချယ်မှုကြောင့် ဖြစ်ပေါ်လာနိုင်မည့် တည်ငြိ်မ်မှုကို ပျက်ပြားစေသော အကျိုးသက်ရောက်မှုများကို ရှောင်ရှားနိုင်မည် ဖြစ်သည်။
၈။ ဤစာအုပ်တွင် ရွေးကောက်ပွဲစနစ်ဟူသည် စင်စစ်ဘယ်အရာဖြစ်သည်၊ ဘယ်အရာ မဖြစ်သည်၊ နိုင်ငံတစ်နိုင်ငံ၏ နိုင်ငံရေးအရ အောင်မြင်မှုနှင့် တည်ငြိမ်မှုအတွက် ယင်းစနစ်သည် မည်မျှအရေးပါသည် ၊ ဟူသော ဆွေးနွေးခန်းဖြင့် စတင်ထားပါသည်။ ထို့နောက် အောက်တွင်ဖော်ပြမည့် အပိုဒ် (၂၇-၄၅) မှစတင်၍ မည်သည့် လူ့အဖွဲ့အစည်းအတွက်မဆို အကောင်းဆုံးဖြစ်စေမည့် ရွေးကောက်တင်မြှောက်ပုံစနစ်ကို ရွေးချယ်ဆုံးဖြတ်ရာတွင် အသုံးပြုရမည့် စံနမူနာ (၁၀) ချက်ကို တင်ပြမည်ဖြစ်ပြီး ပြန်လည်သုံးသပ်ခြင်း၊ ပြောင်းလဲခြင်းတို့နှင့် စပ်ဆိုင်သည့် ကိစ္စရပ်များကို ဆွေးနွေးတင်ပြသွားပါမည်။ ဤအခြေခံဘောင်ကို ချမှတ်ပြီးပါက အခန်း (၂) နှင့် (၃) တို့တွင် စနစ်အမျိုးမျိုးနှင့် ယင်း တို့၏ ဖြစ်နိုင်ချေရှိသော အကျိုးဆက်များကို ဖော်ပြပါမည်။ သမိုင်းအကြောင်း အတွေ့အကြုံနှင့် ပညာရှင်များ၏ ရေးသားချက်များကိုမှီ၍ ယင်းစနစ်အသီးသီး၏ အားသာချက်၊ အားနည်းချက်များကိုပါ ထုတ်နှုတ်တင်ပြသွားမည် ဖြစ် သည်။
၉။ ယနေ့ လက်ရှိအသုံးပြုနေကြသည့် ရွေးကောက်တင်မြှောက်ပုံစနစ် ရာပေါင်းများစွာရှိပြီး ပုံစံအသီးသီး၌ မူကွဲပေါင်း များစွာရှိသော်လည်း လွယ်ကူရှင်းလင်းစေရန် အလို့ဌာ အမျိုးအနွယ်သုံးခုသာ ခွဲခြားဖော်ပြထားပါသည်။ ယင်းတို့မှာ
-ဗဟု/အများစု ကိုယ်စားပြုစနစ်၊ -အချိုးကျစနစ်နှင့်
-စနစ်ရော တို့ဖြစ်ကြသည်။
ဤအမျိုးအနွယ်ကြီးသုံးခုကို အောက် ဖော်ပြပါ မူကွဲ (၉) ခုနှင့်အဖြစ် ထပ်မံခွဲခြားဖော်ပြထားပါသည်။ ယင်းတို့မှာ ဗဟု/အများစု ကိုယ်စားပြုစနစ်များ ဖြစ်ကြသော-
အနိုင်ရသူ အကုန်ယူစနစ် (FPTP)၊ လျှို့ဝှက်မဲ စနစ်(BV)၊
ရွေးကောက်တင်မြှောက်ပုံစံ စနစ်များ၏ အရေးပါမှု
၁၅။ နိုင်ငံရေး အဖွဲ့အစည်းများသည် ဒီမိုကရေစီ ကျင့်သုံးသောနိုင်ငံများရှိ နိုင်ငံရေးယှဉ်ပြိုင်မှု စည်းမျဉ်းများကို ပုံသွင်းလေ့ရှိသည်။ ကောင်းသည်ဖြစ်စေ၊ ဆိုးသည်ဖြစ်စေ၊ ကြိုးကိုင်ခြယ်လှယ်၍ အလွယ်ဆုံး နိုင်ငံရေးဖွဲ့စည်းမှုမှာ ရွေး ကောက်တင်မြှောက်ပုံစံ စနစ်ဖြစ်သည်ဟု အငြင်းပွားလေ့ရှိပါသည်။ အဘယ့်ကြောင့်ဆိုသော် အထွေထွေ ရွေးကောက်ပွဲ၌ ဆုံးဖြတ်မဲများကို ဥပဒေပြုအာဏာပိုင်အဖွဲ့၏ ကိုယ်စားလှယ်နေရာများအဖြစ်သို့ ကူးပြောင်းပေးရာတွင် ရွေး ကောက်တင်မြှောက်ပုံ စနစ်သည် မည်သူက ရွေးချယ်တင်မြှောက်ခံရမည်၊ မည်သည့် ပါတီက အာဏာရမည်စသည် တို့ကို ထိရောက်စွာ အဆုံးအဖြတ် ပေးနိုင်စွမ်းရှိသောကြောင့် ဖြစ်သည်။ နိုင်ငံတစ်နိုင်ငံ၏ နိုင်ငံရေးမူဝါဒကဏ္ဍ အတော်များများအား ဖွဲ့စည်းပုံ အခြေခံဥပဒေတွင် သတ်မှတ်ပြဌာန်းပြီးဖြစ်သဖြင့် ပြန်လည်ပြင်ဆင်ဖြည့်စွက်ရန် ခက်ခဲ လေ့ ရှိပါသည်။ ရွေးကောက်တင်မြှောက်သည့် စနစ်ပြောင်းလဲမှုလုပ်သည့် အခါမျိုးတွင်သာ ဥပဒေအသစ် ရေးဆွဲ ပြဌာန်းခြင်းကို ပြုလုပ်တတ်ပါသည်။
၁၆။ ဆန္ဒမဲပေးသူများမှ ဆန္ဒမဲများ အညီအမျှပေးသည့်အပြင် ပါတီတိုင်းအတွက် ရရှိသည့်ဆန္ဒမဲ အရေအတွက် တူညီမှုရှိနေစေကာမှု ရွေးကောက်ပွဲစနစ်တစ်ခုသည် ညွန့်ပေါင်းအစိုးရတစ်ရပ် သို့မဟုတ် အမတ်ဦးရေ အနည်းစုသာ ပါဝင်သည့်အစိုးရ (လူနည်းစုအစိုးရ)ကို ဖြစ်ပေါ်စေနိုင်ပါသည်။ အခြားစနစ်တစ်ရပ်အောက်တွင်မူ ပါတီတစ်ခုတည်းက အစိုးရဖြစ်သွားနိုင်သည့် ထိန်းချုပ်မှုမျိုးကို ဖြစ်ပေါ်စေနိုင်ပါသည်။ မတူညီသည့် ရွေးကောက်တင်မြှောက်ပုံ စနစ်နှစ်ခု ကြောင့် ဆန္ဒမဲများအား အမတ်နေရာများအဖြစ် ပြောင်းလဲယူရာတွင် မဲရလဒ်များကို သိသိသာသာ ကွာခြားမှုရှိစေကြောင်းကို နောက်ဆက်တွဲ -ဃ တွင် သက်သေ သာဓကများဖြင့် ဖော်ပြထားပါသည်။
ရွေးကောက်ပွဲစနစ်များနှင့် ပါတီစနစ်များ
သို့မဟုတ် ယင်းပါတီအဖွဲ့အစည်းများ ကိုယ်၌ကပင်လျှင် မျိုးနွယ်စုအရ နီးစပ်မှု သို့မဟုတ် သဘောထားအမြင် နီးစပ်မှုစသည့် ချည်နှောင်မှုမျိုးဖြင့် ၎င်းတို့ဘာသာ သဘောထားပျော့ပျောင်း လျက် ရပ်တည်နိုင်စေခြင်းတို့ကို ဖြစ်ပေါ်စေပါသည်။
ရွေးကောက်ပွဲစနစ်များနှင့် ပဋိပက္ခ ဖြေရှင်းမှု
၁၈။ ရွေးကောက်ပွဲစနစ်များသည် ပဋ္ဋိပက္ခများ ဖြေရှင်းရာတွင် အရေးပါသော ကဏ္ဍမှ ပါဝင်လျက်ရှိကြောင်းကို အဆိုပါ အကျိုးသက်ရောက်မှု အမျိုးမျိုးကြောင့်လည်း ထင်ရှားစေပါသည်။ လူ့အဖွဲ့အစည်းတစ်ခုအတွင်း သဘောထားတင်းမာမှုနှင့် ပဋိပက္ခများအား ပိုမိုဆိုးရွားလာစေရန် သို့မဟုတ် လျော့ပါးသက်သာစေရန် ရွေးကောက်ပွဲစနစ်များက စွမ်းဆောင်ပေးနိုင်ကြောင်း ထင်ရှားပါသည်။ အနေအထားတစ်ရပ်အရ လူနည်းစုအဖွဲ့အစည်းများ၏ ကိုယ်စားပြုမှုကို အလေးပေးသည့် စနစ်များနှင့် ခိုင်မာသည့် တစ်ပါတီအစိုးရကိုသာ အားပေးသည့်စနစ်များအကြား၌ တင်းမာမှုဟူသည် ရှိတတ်သည်သာ ဖြစ်သည်။ အခြားသော အနေအထားတစ်ရပ်တွင်လည်း အကယ်၍ရွေးကောက်တင်မြှောက်သည့် စနစ်တစ်ခုသည် မျှတမှုရှိသည်ဟု မယူဆရသည့်အခါ၊ ရေးဆွဲထားသည့် နိုင်ငံရေးမူတစ်ခုသည် အတိုက်အခံများအား နောင်လာမည့် ရွေးကောက်ပွဲတွင်လည်း ၎င်းတို့အနေဖြင့် အနိုင်ရမည့် အခွင့်အလမ်းရှိသည်ဟု မျှော်ခွင့်မရသည့် အခါမျိုး၌ ထိုသို့ ရှုံးနိမ့်ခံရဖူးသည် အတိုက်အခံများအား စနစ်ပြင်ပမှ ဒီမိုကရေစီနည်းမကျသည့် ထိပ်တိုက်ရင်ဆိုင် ဆောင်ရွက်ကြသူများဖြစ်လာစေပြီး တစ်ခါတစ်ရံ၌ အကြမ်းဖက်သော နည်းဗျူဟာများကိုပင် အသုံးပြုစေတတ်ကြပါ သည်။ ထို့ပြင် နောက်ဆုံးအချက်အနေဖြင့် ရွေးကောက်ပွဲစနစ် ရွေးချယ်မှုသည် ဆန္ဒမဲပေးခြင်းကိစ္စအား လွယ်ကူ အောင် သို့မဟုတ် ရှုပ်ထွေးအောင် အဆုံးအဖြတ်ပေးနိုင်သဖြင့် ယင်းစနစ်သည် ခံစားခွင့် နည်းပါးသည့်အုပ်စုများနှင့် လူနည်းစုများအပေါ်၌လည်း မလွှဲသာမရှောင်သာ အကျိုးသက်ရောက်မှုရှိစေမည်သာ ဖြစ်သည်။ ဤအချက်သည် လွန်စွာအရေးကြီးသည့်အပြင် အထူးသဖြင့် အတွေ့အကြုံမရှိသေးသည့် သို့မဟုတ် ပညာအခြေခံနည်းသေးသည့် မဲဆန္ဒရှင် အမြှောက်အများရှိနေသည့် လူ့အဖွဲ့အစည်းများတွင်လည်း အစဉ်သဖြင့် အရေးပါလှပါသည်။ (အခန်း - ၅- ကုန်ကျစရိတ်နှင့် စီမံအုပ်ချုပ်ရေးဆိုင်ရာ အကျိုးသက်ရောက်မှုများတွင် ရှုပါ။)
စိတ်ပိုင်းဆိုင်ရာနှင့် ရုပ်ပိုင်းဆိုင်ရာ အကျိုးသက်ရောက်မှုများ
၁၉။ ရွေးကောက်ပွဲစနစ်များကို ရုပ်ပိုင်ဆိုင်ရာအရရော စိတ်ပိုင်းဆိုင်ရာအရပါ အကျိုးသက်ရောက်မှုများ ရှိသည်ဟု အများအားဖြင့် ယူဆလေ့ရှိပါသည်။ မတူညီသော ရွေးကောက်ပွဲစနစ် အမျိုးမျိုးသည် ပါတီစနစ်အသီးသီးကို အားပေး အားမြှောက်ပြုနိုင်သဖြင့် ရုပ်ပိုင်းဆိုင်ရာ အကျိုးသက်ရောက်သည် သိသာပေါ်လွင်မှု အရှိဆုံး ဖြစ်နေတတ်ပါသည်။ ဗဟု/အများစု ကိုယ်စားပြုစနစ်များသည် ပါတီများ၏ အရေအတွက်အပေါ်တွင် ထိန်းကွပ်မှုရှိနေသော်လည်း အချိုးကျ ကိုယ်စားပြုစနစ်များတွင်မူ ပါတီအမြောက်အများ ကွဲပြားစွာတည်ရှိမှုကို ပို၍လက်ခံလိုက်လျောမှု ရှိတတ်ပါသည်။ ရွေးကောက်ပွဲစနစ်များ ၏ စိတ်ပိုင်းဆိုင်ရာအရ သက်ရောက်မှုသည် ယင်းရုပ်ပိုင်းဆိုင်ရာ သက်ရောက်မှုကို အားဖြည့်ပေးနေသကဲ့သို့ ဖြစ်နေပါသည်။ FPTP စနစ်၏ စည်းမျဉ်းများအရ ကိုယ်စားလှယ်တစ်ဦးတည်းသာ ရွေးချယ်မည့် မည်သည့် မဲဆန္ဒနယ်မှမဆို ကိုယ်စားလှယ်တစ်ဦးအတွက်သာ ဆန္ဒမဲပေးခွင့်ရှိသည့်အတွက် လူနည်းစု
ဖြစ်ပေါ်ခြင်းမရှိတော့သလားဆိုသည့် အချက်များပေါ်တွင် မူတည်နေပါသည်။ ထို့ပြင် အမှန်တကယ် အလေးအနက်ထားအပ်သည့် ပါတီအရေအတွက် မည်မျှရှိသည်ဆိုသည့် အချက်ပေါ်တွင်လည်း မူတည်နေပါသည်။ ဆိုလိုသည်မှာ သက်ဆိုင်ရာပါတီတစ်ခု၏ ထောက်ခံသူများသည် ပထဝီ ဒေသအရ တစ်စုတစ်စည်းတည်း တည်ရှိနေလား သို့မဟုတ် နေရာအနှံ့အပြား၌ ပျံ့နှံ့တည်ရှိနေသလားဟူသည့် အချက်ပေါ်တွင် မူတည်နေပါသည်။
ပို၍ကျယ်ပြန့်သည့် ဒီမိုကရက်တစ် မူဘောင်
၂၁။ ရွေးကောက်ပွဲစနစ်များအား သီးသန့်ခွဲခြား၍ ရှုမြင်ခြင်းမပြုရန်လည်း အရေးကြီးပါသည်။ ယင်းစနစ်များ၏ ဒီဇိုင်းပုံစံများနှင့် အကျိုးသက်ရောက်မှုများသည် ဖွဲ့စည်းပုံ အခြေခံဥပဒေ အတွင်း အပြင်နှစ်ရပ်လုံးရှိ အခြားအဖွဲ့အစည်း တည်ဆောက်ပုံများပေါ်တွင်လည်း လွန်စွာမှီခိုနေရပါသည်။ ရွေးကောက်ပွဲစနစ်များဟူသည် အချင်းအချင်း ချိတ်ဆက် ဖြစ်တည်လျက်ရှိသည် အစိုးရစနစ်များ အခွင့်အာဏာရရှိရေး စည်းမျဉ်းနှင့် အချက်အလက်များ၏ အုတ်တစ်ချပ်သဖွယ် ဖြစ်ပါသည်။ အောင်မြင်သော ရွေးကောက်ပွဲစနစ်ဟူသည် နိုင်ငံရေး အဖွဲ့အစည်းများ၏ မူဘောင်များအား အလုံးစုံ ခြုံငုံသုံးသပ်ပြီးမှသာ ထွက်ပေါ်လာမြဲဖြစ်သည်။ ထိုမူဘောင်၏ အစိတ်အပိုင်းတစ်ခုအား ပြောင်းလဲလိုက်ခြင်းသည် ယင်းကိုအသုံးပြုနေသည့် အခြားအဖွဲ့အစည်းများအား ထိန်းညှိမှုကို ဖြစ်စေပါလိမ့်မည်။
၂၂။ ဥပမာဆိုရလျှင် - ပါတီခေါင်းဆောင်များနှင့် အောက်ခြေရှိ တက်ကြွလှုပ်ရှားသူများအကြား ပဋိပက္ခ ပြေငြိမ်းရေးကို လွယ်ကူချောမွေ့စေရန် သို့မဟုတ် တွန်းအားပေးရန်အတွက် ရွေးချယ်ထားသည့် ရွေးကောက်ပွဲစနစ်သည် မည်သို့ ဆောင်ရွက်ပါသနည်း? ပါတီမှ ရွေးချယ်တင်မြှောက်ခံလိုက်ရသည့် ကိုယ်စားလှယ်များအပေါ်၌ ပါတီခေါင်းဆောင်များအနေဖြင့် မည်မျှအတိုင်းအတာအထိ ထိန်းချုပ် ထားနိုင်ပါသနည်း? ကိုယ်စားပြုဒီမိုကရေစီစနစ်၏ ပြဋ္ဌာန်းမှုများကို ဖြည့်ဆည်းပေးနိုင်မည့် ဆန္ဒ ခံယူပွဲများ၊ နိုင်ငံသားများ၏ ဥပဒေပြဋ္ဌာန်းခွင့် သို့မဟုတ် တိုက်ရိုက်ဒီမိုကရေစီစနစ်အတွက် ဖွဲ့စည်းပုံ အခြေခံဥပဒေဆိုင်ရာ ပြဋ္ဌာန်းချက်များရှိပါသလား? ပုံမှန်ရေးဆွဲပြဋ္ဌာန်းထား၍သော်လည်းကောင်း ယင်းဖွဲ့ စည်းပုံ အခြေခံဥပဒေတွင် ရွေးကောက်ပွဲစနစ်အတွက် သတ်မှတ်ထားသည့် အသေးစိတ် အချက်အလက်များ ပါရှိပါသလား?
ဆိုခဲ့ပြီးသော အချက်များသည် ရွေးကောက်ပွဲစနစ်တစ်ရပ် မည်မျှအခိုင်အမာ အမြစ်တွယ်နေပြီ သို့မဟုတ် ရွေးကောက်ခံကိုယ်စားလှယ် အများစုမှ ယင်းစနစ်ပြုပြင်ပြောင်းလဲရန် မည်မျှပွင့်လင်းမှုရှိသည် ဆိုသည်တို့ကို အဆုံး အဖြတ် ပေးပါလိမ့်မည်။(အပိုဒ် - ၄၉ တွင်ရှု)
၂၃။ ဤအကြောင်းအရာနှင့် ပတ်သက်၍ ပို၍အသေးစိတ် စဉ်းစားသင့်သော ကိစ္စနှစ်ရပ် ရှိပါသည်။ ပထမအချက်မှာ ဗဟိုချုပ်ကိုင်မှု ပမာဏဖြစ်သည်။ တိုင်းပြည်တစ်ပြည်သည် ကိုယ်ပိုင်ပြဋ္ဌာန်းခွင့်ကို ကျင့်သုံးသလား သို့မဟုတ် အဖွဲ့ အစည်းတစ်ခုတည်းက ချုပ်ကိုင်မှုကို ကျင့်သုံးသလား။ အကယ်၍ ကိုယ်ပိုင်ပြဋ္ဌာန်းခွင့်ကို ကျင့်သုံးပါကလည်း သီးခြားအဖွဲ့ငယ်များ၏ အခွင့်အာဏာရရှိမှုသည် ညီမျှမှု ရှိသလား။ သို့မဟုတ် မရှိဘူးလား။ ဒုတိယအချက်မှာ ပါလီမန်စနစ်နှင့် သမ္မတစနစ်ကြား ရွေးချယ်မှုဖြစ်သည်။ စနစ်နှစ်ခုလုံးသည် ၎င်းတို့အတွက် သက်ဆိုင်ရာ ထောက်ခံချက်များ ရရှိထား
ယင်းသမ္မတစနစ်ကို ကောင်းမွန်စွာ လည်ပတ်ဆောင်ရွက်နိုင်အောင် အထောက်အကူပေးနေသနည်းဟူ၍ ဖြစ်သည်။ လက်တင်အမေရိကနိုင်ငံ၏ အချို့အထောက်အထားများအရ သမ္မတစနစ်အတွက် ရေးဆွဲထားသည့် ဖွဲ့စည်းပုံ အခြေခံဥပဒေများရှိ၍ အစိတ်စိတ်အမွှာမွှာ ကွဲပြားနေသည့် ပါတီများရှိနေ သည့် နိုင်ငံများတွင် တည်ငြိမ်ခိုင်မာမှုဟူသည် ခက်ရာခဲဆစ်နိုင်လှပါသည်။ ထို့ပြင် အကယ်၍ သမ္မတရွေးကောက် တင်မြှောက်ပွဲစနစ်အား နှစ်ကြိမ်ထက်မက ကျင်းပမည်၊ ဥပဒေပြုစနစ်တွင်လည်း List PR စနစ်ကိုအသုံးပြုမည်၊ ရွေး ကောက်ပွဲများအားလည်း အညီအမျှ ကျင်းပခြင်းမရှိဆိုပါက အုပ်ချုပ်ရေးနှင့် ဥပဒေပြုရေးမဏ္ဍိုင်တို့တွင် တင်းမာမှုများ ဖြစ်ပေါ်လေ့ရှိပါသည်။ သို့သော်လည်း ရွေးကောက်တင်မြှောက်ထားသည့် သမ္မတအား အထောက်အပံ့ပြုနေသည့် ပါတီ သို့မဟုတ် ညွှန့်ပေါင်းအစိုးရအဖွဲ့တွင် ပကတိ အများစုမဟုတ်လျှင်တောင် ပမာဏအများစုရှိ ရွေးကောက်ခံလွှတ် တော်အမတ်များပါရှိနိုင်ရေးအတွက် ရွေးကောက်ပွဲစနစ်တစ်ခုအား ပြုပြင်အသုံးပြုရန်အတွက်မူ အထောက်အကူ ပေး နိုင်ကောင်းပါသည်။
၂၆။ သမ္မတရွေးချယ်ရန်အတွက် ဗဟုစနစ် အသုံးပြုရွေးကောက်ပွဲများ ကျင်းပခြင်းနှင့် သမ္မတနှင့် လွှတ်တော်ရွေး ကောက်ပွဲများအား တစ်ပြိုင်နက် ကျင်းပပေးခြင်းသည် အရေအတွက် နည်းပါး သော်လည်း အလားအလာ ပိုကောင်းသည့် အာဏာရရှိရေး ယှဉ်ပြိုင်သူများ ပေါ်ပေါက်စေမည့် ပါတီစနစ်ကိုသာ အာရုံစိုက်မိလာစေတတ်ပါသည်။ သို့သော် လူမျိုးပေါင်းစုံသော သို့မဟုတ် မျိုးနွယ်စုအရ ကွဲပြားမှုရှိနေသော နိုင်ငံတစ်နိုင်ငံတွင် မည်သည့်ပါတီတစ်ခုတစ်လေမျှ ပကတိအများစု ကို မရရှိစေသည့် ဗဟုစနစ်ကို အသုံးပြု၍ တိုက်ရိုက်ရွေးကောက်တင်မြှောက်ခံထားရသည့် အုပ်ချုပ်ရေး အကြီးအကဲတစ်ဖြစ်လဲ ရွေးကောက်ခံသမ္မတ၏ လက်အတွင်းသို့ အာဏာအလုံးစုံ ပေးအပ်ထားခြင်းသည် မလိုလားအပ်သော အန္တရာယ်များ ဖြစ်ပေါ်စေနိုင်ပါသည်။ ရလဒ်အနေဖြင့် ငြိမ်းချမ်းရေးဖြစ်စဉ်တစ်ခု အောင်မြင်ရေး အတွက် သို့မဟုတ် တရားဝင်မှုအတွက် အနှောင့်အယှက် ဖြစ်စေနိုင်ပါသည်။ အနိုင်ရ ကိုယ်စားလှယ်လောင်းတစ်ဦး အနေဖြင့် ပြည်လုံးကျွတ် အနိုင်ရမဲကို ရရှိရုံသာမက ဖက်ဒရယ်စနစ်တွင် ပါဝင်နေသည် ပြည်နယ်အနည်းငယ်မျှ၏ ဆန္ဒမဲများတွင်လည်း သိသာသော အတိုင်းအတာတစ်ခုအထိ အနိုင်ရရှိစေခြင်းဖြင့် သမ္မတရွေးကောက်ပွဲစနစ် တစ်ခုသည် ဖက်ဒရယ်စနစ်တစ်ခုအား လိုက်ဖက်ညီမှုရှိစေနိုင်သည်။ (အင်ဒိုနီးရှားနှင့် နိုင်ဂျီးရီးယား။ စာပိုဒ် ၁၈၇ - ၁၈၈ တွင်ရှု) .
ပုံစံရေးဆွဲရာတွင် စံထားသင့်သည့် အချက်များ
၂၇။ ရွေးကောက်တင်မြှောက်ပုံ စနစ်တစ်ရပ်ကို ရေးဆွဲတော့မည်ဆိုလျှင်၊ မည်သည့်အချက်များကို ရရှိလိုသည်၊ မည်သည့် အချက်များကို ရှောင်ရှားလိုသည်၊ ပို၍ကျယ်ပြန့်စွာဆိုရလျှင် မိမိ၏အစိုးရအဖွဲ့ နှင့် လွှတ်တော်ကို မည်သည့် ပုံစံမျိုးဖြစ်စေလိုသည် စသည်တို့ကို အနှစ်ချုပ်ထားသော စံထားသင့်သည့် အချက်များအား စာရင်းပြုစု၍ စတင်ခြင်းသည် အကောင်းဆုံးဖြစ်သည်။ အောက်တွင်ဖော်ပြမည့် စံထားသင့်သည့် အချက်များသည် ကဏ္ဍအတော်များများကို ခြုံငုံမိမည်ဖြစ်သော်လည်း စေ့စပ်ပြည့်စုံမည် မဟုတ်ချေ။ စာရှုသူအနေဖြင့် ကျိုးကြောင်းခိုင်လုံသော အချက်များစွာကို ထပ်မံဖြည့်စွက်လိုက ဖြည့်စွက်နိုင်ပါသည်။ လိုရင်းအချက်သာ ဖော်ပြထားသော စံနမူများသည် တစ်ခုနှင့်တစ်ခု
ထပ်ကောင်းထပ်နေမည်ဖြစ်သကဲ့သို့ ဆန့်ကျင်ကွဲလွဲမှုများလည်း ရှိနိုင်သည်။ ထိုသို့ဖြစ်ရခြင်းမှာ များစွာသော လိုအင်ဆန္ဒများနှင့် ရည်မှန်းချက်များ ယှဉ်လာသည့်အခါ အကောင်းဆုံး ဖြစ်အောင် အတိုးအလျော့၊ အပေးအယူလုပ်ရသော အဖွဲ့ အစည်းဆိုင်ရာ ပုံစံဒီဇိုင်း၏ သဘောသဘာဝကြောင့်သာ ဖြစ်ပါသည်။
ဥပမာအားဖြင့် တစ်စုံတစ်ယောက်သည် တသီးပုဂ္ဂလ ကိုယ်စားလှယ်လောင်းများ ပါဝင်အရွေးချယ် ခံနိုင်သည့် အခွင့်အလမ်းများကို ပေးစေလိုသကဲ့သို့ တပြိုင်တည်းမှာပင် ခိုင်မာတောင့်တင်းသော နိုင်ငံရေးပါတီများ ပေါ်ပေါက်လာမှုကို အားပေးလိုပေမည်။ သို့တည်းမဟုတ် မဲဆန္ဒရှင်များအတွက် ရွေးချယ်စရာ ကိုယ်စားလှယ်လောင်းနှင့် ပါတီအများအပြားကို ဖော်ပြပေးထားသည့် စနစ်မျိုးကို ရေးဆွဲထားသင့်သည်ဟု ယူဆကောင်းယူဆပေမည်။ သို့သော် ယင်းစနစ် မျိုးတွင် ရှုပ်ထွေးခက်ခဲသော မဲပြားသည် ပညာအခြေခံနည်းသော မဲဆန္ဒရှင်များအတွက် အခက်အခဲ တွေ့စေနိုင်မည် ဖြစ်သည်။ ရွေးကောက်တင်မြှောက်ပုံ စနစ်တစ်ရပ်ကို ရွေးချယ်ခြင်း (သို့) ပြုပြင်ပြောင်းလဲခြင်း၏ ပရိယာယ်မှာ မည်သို့ သော စံထားရမည့် အချက်များသည် အရေးအကြီးဆုံးဖြစ်သည်ကို ဦးစားပေးရွေးချယ်ပြီး နောက် မည်သည့် ရွေး ကောက်တင်မြှောက်နည်းစနစ်တစ်ခု (သို့မဟုတ်) စနစ်များကို ရရှိနိုင်ရန်အတွက် ယင်းစံများကို အမြင့်ဆုံး ဖြည့်ဆည်းပေးမည်ကို ဆုံးဖြတ်ရန် ဖြစ်သည်။
ကိုယ်စားပြုမှုရှိစေခြင်း
