Bebuka
Assalamualakum wr wb
Sedaya puji kula aturaken dumateng gusti ingkang murbeng dumadi, ingkang maringi kesarasan dumateng kula sahingga saget ngrampungaken buku menika, mboten kesupan kula aturakan selawat serta salam ingkang kunjuk dumaten junjungan rosulullah SAW ingkang kita tengga syafaatipun ing yaumil kiyamah.
Buku “Namung Mata kang Wicara”menika kempalan geguritan ingkang wosipun dipunpendet saking paweruhi panyerat . Saking terbitipun buku menika kula nyuwun atur panuwun dumateng :
1. Allah SWT 2. Bapak lan ibu
3. Ibu Prembayun inggih menika Dosen pengampu 4. Kanca-kancaku kang aweh semangat
Buku menika uga saget dipun sebat uneg-unegku ingkang kula sontakken wonten geguritan
Wassalamualaikum wr wb Semarang, 27Juni 2012 Usman Hanafi Daftar Isi 1. Bebuka i 2. daftar isi ii 3. Pahlawan Saiki 1
4. Iki dudu kaca benggala 2
5. Rasa 3
6. Nduwenane Bocah Lanang 4
7. Nata Ati 5
8. Ora bisa di waca 6
9. Dudu Ajaran 7 10. Pajek 8 11. Ati-ati 9 12. Demokrasi 10 13. Kudhung 11 14. Antri Lucu 13 15. Cidra 14 16. Kesengsem 16 17. Metamorposis Rembug 17
18. Bener lan Salah 18
19. Korupsi 19
20. Biografi 21
Pahlawan Saiki
Luh, kringet padha netesi, kesele awak sing lagi gebuki Semangat, mung bisa angalahi
Jiwa patriotisme kang lagi di uji
Tetep, madhep njaga konsentrasi, para atlet,kang lagi mbelani Mibere gendera nagara kang kita tresnani
Yen wis umur naging ora diajeni
Apa meneh disumbang , sing genah waeora diwangsuli Iki mung awujud dihormati
Iki dudu godhong jati, dudu kemangi mung godhong mahoni kang ora bisa diduwiti, anangiing kanggoku mung butuh diijoli
Iki dudu kaca benggala Bening ora banyu Atos ora watu Kotak alus dudu kayu Malah dadeake geguyu Iki apa....
Jare biyungku.... kaca
Ing jaman saiki, negara wis meh pecah Aku mung jaluk kaliyan pamerintah Sifat kaca bisa dadi petuah
Bisa kanggo ngilo, trasparan uga indah Negara sing dak senengi ora bubrah
Iki dudu kaca benggala, kang duwe kasekten Mung iki kudu diwiwiti
Awet saiki
Rasa
Banyu netes ngenani ati sing lagi mbesengut
Temetes mili ana ing plataran lambe sing lagi mencep Bledek gumlegar ngenani pangrungu
Pangrungu kang madep marang ati kang pada metutut Tak pancal pedalku iki , ben ra okeh banyu sing pingin demek awakku
Tekan pangiyup kang tansah nerima Pegele badan amarga polah ing gawe Lan katon tangan kang awe-awe Kaya gegodongan kang keterak bayu Kang biyasa dak undang “Ibu”
Atis, anyep, adem pada leren ana ing badan Karepe wedi karo udan
Tak arep-arep ... aku mlebu ing angeting raga.... Ing panggonan kang gawe ayemme rasa
Nduwenane Bocah Lanang Iki barang apa
Barang cilik ndadekke perkara Marai metu eleke ukara Wes cetha katulis marai lelara Lha kok malah pada mara Nginiki sing goblok sapa
Jarene nek ora dilakoni ndadeke sepa Lha apa ora mikir, sing nang andengmu beka Dadi wong kuwi ya sing peka
Woooo dasar rokok
Ndadiake wong podo pekok Marai wong bengak-bengok Sing nang cedak kupinge kopok Doookkk... kodoookkkk
Nata Ati
Mlaku ing dalan kang saya ngadoh Ngoyak barang kang ra weruh Keterak angin kan pada playon Di antem lirikane srengenge Kukuhing ati mantep ing dalane
Sang saya suwe indahe sang saya katon Raketing ing memitran
Netepake suku mandeg ing pepanggihan Ing panggonan kang asri
Ngudi ilmu, kanggo sangu ing tuwan Ing pucuking kota semarang
Ing kampusku, kampus konservasi
Ora bisa di waca Suara kang ngaung
gugah ati kang lagi mendung sumpek, judeg pikiran mubeng suara mau ngrasa ngundang gawa ati ing plataran kang padhang ing sisih kiwa , setan gawa plang kang unine
“ thenguk-thenguk, anteng, lan meneng” Adzan mbengok, ngakon mara pasujudan Tentrem adem ayem
Ing kana pancen gawe ati tentrem Jubul aku suwe wis ora bener
Dudu Ajaran Saiki jaman edan
Yan ra edan ora keduman
Une-unen kuwi guyonan apa tenanan Sing mesthi ora iklan
Urip kuwi kudu cekatan, ana ing gawean Iki dudu dolanan
Manungsa aja mung ngetokke kaapikan Sing ala di umpetke , wedi yen konangan Sandang, pangan uga papan aja dadi kautaman Sing, katon mung kerakusan
Sing jane di utamakke kuwi akure tetanggan Iki dudu wejangan
Lan dudu pengarepan apa meneh ajaran
Iki mung omongan, manungsa kang ora weruhan Tapi nduweni rasa kang diwujudake gremengan
Pajek
Tahun mbentahun Kabeh pada ngetoake Duwit sitik kanggo ngijoli
Lemah, motor, mobil kang arupa upeti Pancen , duwit samono ora sepira
Kanggone wong kang kuwasa, lha kanggone wong kang rekasa Mara rene mara rana
Utang rene utang rana Iku mung kanggo mbayari
Yen wis tekan nduwr kok padha dikorupsi Aduh... apa ngene iki kelakuane negara iki Apa-apa mbalik ana ing korupsi
Ati-ati
Barangku-barangmu
Duwekmu-duwekku, saiki jamanmu Kabeh kuwi pancen panduwenmu
Ananging apa yakin nak kuwi mung panduwenmu Barang iki tipis tapi medeni
Lenture ngyakini
Iki dudu mbedeki, apa maneh ngapusi Lha kok pada wedi
Lambe kuwipancen duwekmu Kuwi uga bisa dadi bencanamu Kari pintere kowe milih dalanmu Akeh pada rusak saka iku Gawe kahanan kang orsa akur Kaya anak panah ing busur
Kang waspada nembak manuk kang mabur
Demokrasi
Demokrasi, demokrasi ohhhh demokrasi Saiki kuwe ana ing ngendi
Demokrasi kang sejati
Dudu demokrasi kang ngobral janji Semana, kue di gemborake
Lan ngalahake cara monarki Saiki seng katon mung jenenge iki carane sapa..
cara sing gawe bingunge negara
insyiyur, presiden wis lali iku apa, apa meneh mahasiswa pancen, lambe kuwi panggonan sing kerep ngapusi beda karo kang ana ing jero ati
apa pancen wis padha ora duwe ati
demokrasi- demokrasi gawe ruwete negara iki
9 10
00 0
Kudung
Kemlebat bandamu,nutupi sutraning alam Putih resik panutup ira
Bening, genahke mata kang lagi mandang Ana kembang kang mekar ing dhuwurmu
Sedep, arum, gandane ngundang mahkluk kang cerewet Iki mung awujud kudung
Kudung –kudung ... apa kanggomu Gawe ayu?
Nutupi panas? Apa nutupi kaalanan?
Wolak walike jaman, kudung kanggo pantesan Jarene supaya kembar karo kancane
Aduh- aduh ana meneh ngang gone yen pas pengajian Beda meneh yen gombale klawus, moh nganggo Salah kaprah
Kanggone kuwi nutupi aurat Ora mung ben nambahi ayu
Kuwi mung bonus Astagfirullahhaladzim...
11
Antri Lucu Hahaha wkwkwk Apike negara iki Kabeh pada antri BBM,BLT uga LPJ
Bangga aku lahir ing negara iki
Nganti- nganti korupsi kuwi yo pada antri Bar kasus iku, ngaleh kasus iki
Gayus, nazarudin, bar kuwi angie Hahaha wkwkwk
Bangga meneh aku lahir ing negara iki Rakyate pada rukun
Kabeh-kabeh bareng Yen ora bareng ora gelem
Kaya koruptor, kena siji kancane daijaki hihihihi
Cidra
Gluduk ana ati
Angin kang seger uga ana ing ati Ana apa sing tak rasake saiki
Rasa seneng lan wedi, nyampur dai siji Pingin taktokke, tapi apa sing ditokke Indahing donya dadi siji
Kuwi ana ing awakmu Tak waniake nulis surat Tak tujuake marang awakmu Tak selehake ing meja kelasmu
Tak arep-arep balesanmu ngnti ra isa turu Awan iki aku pas-pasan
Lambemu mesem, ngiyasi rupa ayu panduwenmu Bali sekolah aku mlayu, mara ing mejamu
Salembar kertas ana ing kana Tak waca alon-alon
“aku pingin kuwe dadi kancaku,dudu pacarmu, senengku beda karo awakmu”
Kesengsem
Gegodongan miber-miber ngundang Srengenge nginceng, ana ing sawaliki mega Kembang –kembang pada mekar
Tawon padha-nyebut-nyebut Ratuning penggalih mudhun Kinawal widodari, lan prajurit
Ati iki miber-miber, weruh kang kaya mangkana Eseme pait madu, gawe bombong
Lanangan kabehpadha kesengsem Rasa iki pengin nduweni
Nanging piye, godhong wis ana tawon
Metamorposis Rembug
Masalah, perkara kuwi bumbuning urip Nangip urip ora kangga golek perkara Musyawarah carane wang jawa Kanggo ngrampungke perkara Cara iki diadopsi ing negara Iki beda , wis beda
Olehe nerapke ing negara
Kudune golek dalan liya, malah golek masalah liya Seneng rembukan mung golek kesalahan liyan Ngolah lathi, kaya kembang melati
Ngetoake rupa kaya arjuna Jebul ati kaya buta
Bener lan Salah Elek apik Bener salah Anyar amoh Resik rusah
Kabeh kuwi ana sifate Tapi kok di kembarke , Malah ana sing di wolak walik Sing elek diapik-apike
Sing apik dielek-elekke
Bener di salahke , salah dibenerke Wong bener di gorohake
Jaman akhir polahe lucu-lucu Dipanggonke ora marang panggone Pengene negara maju, sing genah wae Negara tentrem ayem
Ngimpi wae, yen sifat ngono mau diterus-teruske
Korupsi
Jas panganggone, merek terkenal jalukane
Apik banget tumpakane, lha piye moh yen ora miliyar regane Sebribit ambune , wangi ganda perfume
Kuwi mau saka ngendi duwite Saiki lagi musime
Para manungsa kang ngunggulake jabatane Sing kaentuk saka duwite
Arupa nyuap uga ditindake kae mau ska ngendi jebule “Wong cilek”
Sapa meneh sing sengsara Kuwi ha’e sapa
Sing nang ngisor mung bisa nampa Apa wae nakale sing nduwe kuwasa Dil-adil maz adil… saiki kue nang endi Iki ana sing wigati
Ana sing nyokoti Negara kang lagi nutupi
Nutupi apa..?
Nutupi polahe korupsi Korupsi, korupsi
Gawe terkenale negeri iki
Biografi
USMAN HANAFI lair ing Mojokulon, Banjarejo, Blora, 22 Agustus 1993.
Namatake SD ing SDN 1 Banjarejo, banjur lulus saking Mts Khozinatul Ulum Blora. SMA ditamatake ing MA Negeri Blora. Nglanjutake sekolah ing Universitas Negeri Semarang tekan saiki.
Awit saka SD wes kerep melu Organisasi. Ing SD yaiku Dokter kecil, lanjeng ing SMP melu OSIS, diteruske ing SMA melu IPNU. Ing Unnes melu Kridamadu UKM Keseniyan Jawa lan Hima Bahasa lan Sastra Jawa Unnes.
