Assalamualaikum Wr.Wb
Langkong dimen se pertama ngireng areng sareng amojhi sokkor da’ ka Allah SWT, sadhaja limpahan nikmat, taufik, sareng hidayah epon. Sholawat tor salam mogha teptep eyatoraghinah da’ baginda Nabi Rosulullah SAW, seka’dimma beliau ampon abhakta kaula sareng panjhenengan jhugan dari alam jahiliyah da’ ka alam se kejhembaran paso samangken paneka.
Edhelem papanghian saat samangken ka’ dinto bhadhan kaule bedhi nyampe’aghiye tentang peringatan maulid nabi Muhammad SAW, seka’dhimma, Nabi Muhammad SAW lahir teppak eyareh senin robiul awal tahun geje sekak dimmah beberreh kanjheng Nabi dhak bumi kak dinto sanget enantos sareng sadheje mahlo torjugen sadhaja malaikat se ampon anantos karena bekal bedhe seorang pemimpin, se bhakal ge jee kajemberan katentraman ben kajumamberan e muka bumi ka’ dinto beberre kanjeng nabi ka’ dinto kabbhi senneng saengha sakabbinah mahlok bersholawat dhak ka nabi Muhammad malaikat maus sholawat, hewan bersholawat, tumbuhan bersholawat sadhajanah maus sholawat parmilah dhari ka’ dinto para bapak bhan ebu tor tantretan sadhaje ngireng bedhen kaule sadhaja minangka umate nabi Muhammad jek gek pegek asokkor dhak Allah SWT se ampon dhadhi umatha nabi Muhammad SAW, jek gek pegek maus sholawat kaangguy ngamali manfaat epon kanjheng nabi Muhammad SAW.
Bapak ebu tor sadhaja tantretan se bahdan kaule amulje agi saat samangken se penting dhe’ bheden kaule sadhaje benni coma ngemodi sejarah beberreh kanjeng nabi Muhammad SAW meloloh tape sepaleng penting enggi paneka ka’ dinto Uswatun hasanah Rosululloh sepaleng parloh kaangguy e contoh monggut bedhen kaule sadhaja menangka ummat epon sopaje bhadan kaule kak dinto salamet fiddunya wal akhirot.
Bapak tor ebu se bhadan kaule molja’aghi parlo ekageli ejeman kemajuan teknologi semakin pesat ahlak generasi muda sajen biadab sekak dimmah ummat islam tor jugen umat islam ampon loppah se ekalakoneh bender otabeh sala, dhedi ngireng lebet peringatan maulid ka’ dintokaule sadheje sadar abelih ka jelen se loros abelih ka jelen se e ridho’I Allah SWT. Kalaban mengharap ghenjeren dari Allah tor ngsrep syafaat epon Rosululloh SAW. Amien . . . Amien ya robal Alamin.
Sakak dinto pamator bhadan kaule, korang ban langkongah tormanabi badha pamator se korang sondhuk dhak pangghalian panjenenengan sadhaja nyo’on saporah se sebung bhetes epon tor bhadan kaule mator sakalangkong parhate’enah epon
Assalamualaikum wr.wb Bismillahirrahmanirrahim
Ashaduallailahaillahlah waashaduanna muhammaderrasulullah. Ammaba’du. Para rabu se moljha,
Ngawalli pamator ngereng ngatore apoji sokkor da’ guste Allah se maha Agung se ampon apareng pan saponapan nikmat se ampon teba dha’ badhan kaule sareng sampeyan sadhaja, saenggha badhan kaula bisa aghin pangghin epasemuan/ tempat ka’dinto dhalem kabadhaan samporna tor jember.
Badhan kaula e saat samangken badhi ajharbaaghi settong risalah se daddhi palanggeran sadhajha umat islam saantoro jhaghat otaba epon sadhunnya, engghi ka’dinto bulan muhaaram.
Bulan Muharram ka’dinto nokel dari pan saponapan ka dhaddhian se akadhiyah 1. Jhajharbaepon N. Nuh a.s kadhadhiyan epon ebulan Muharram
2. Jhajharbaepon N. Musa a.s kadhadhiyan epon ebulan Muharram 3. Jhajharbaepon N. Ibrahim a.s kadhadhiyan epon ebulan Muharram 4. Jhajharbaepon N. Isa a.s kadhadhiyan epon ebulan Muharram
5. Tor epajarna’ pole se akadhia riwayat epon guste kaule Nabi Muhammad saw, seepakon hijrah sareng guste Allah swt jhugan e bulan Muharram leres etanggal settong.
Emalem tanggal settong e bulan Muharram aropaaghi settong mu’jizat se eparengaghi da’ guste Nabi Muhammad saw se epasalamet dari ancaman oreng-oreng kafir. Karana ampon kasokanna guste Allah swt, nabi Muhammad saw epasalamet eparjhalanan e bakto malem dari kotta mekkah, istirahat e pan saponapan tempat, nerrosaghi parjhalanan epon kantos tandhuk dha’ settong kotta engghi kadhinto kota al-munawarrah se samangken esebbhut kota Madina dalem parjhalanan, korang langkong 10 are.
Para rabu semoljha
Bulan Muharram arte epon bulan se epasocce sareng guste Allah. Kantos dhimin mula bulan Muharram dhaddhi palanggheran da’ sadhajha ummat islam saantoro jhghat, se akadhiya etongan bulan Muharram konglangkong ummat islam se badha enaghara Indonesia, lalampan ummat Islam oreng Madhura otabha oreng jhabha, manabi leres e bulan Muharram ta’ co'ba ngaghungaghi tor mabadha salmeddhan tajhin sora, mabadha hiburan emalem tangghal settong, utama epon mabadha parnyo’onan. Namong ta’ cokop coma adat otabe tradisi bisaos, tape ghi’ badha se lebhi utama egghi ka’dinto ngalampaaghi apasa mulae tangghal 1 kantos tangghal 10 e bulan Muharram.
Bulan Muharram otabe bulan hijriah aropaaaghi taonna oreng islam sadhunnya ekabidhi dari hijrah epon Nabi Muhammad saw. Mela dari kadinto sabegian oreng islam ta’ ngangghui pedoman taon Masehi.
Akherepon, malar mogha bulan Muharram ka’dinto tetepbha daddhiyah taon islam se e ridhai sareng Allah swt, kantos akher zaman.
Saka’dinto jhajharbaan bulan Muharram dari badhan kaula. Manabi badha totor basa se ampon edhabhuaghi badhan kaula, se ta’ neggha’ totor basa Madura otabha ondeghan basa Madura badhan kaula nyo’onna sapora .
Akher pamator
