• Tidak ada hasil yang ditemukan

KUMPULAN KHOTBAH JUM AH

N/A
N/A
Protected

Academic year: 2021

Membagikan "KUMPULAN KHOTBAH JUM AH"

Copied!
16
0
0

Teks penuh

(1)

KUMPULAN

KHOTBAH JUM’AH

VERSI

BAHASA JAWA

Karipta dening:

IMAM ROHANI

KEDIRI

(2)

PAMBUKA ATUR

Muqaddimah Arab

“Kawula nyuwun sih pitulunganipun Alloh SWT saking panggodanipun setan ingkang dipun laknat, lan kanthi anyebat asmanipun Alloh ingkang Maha welas asih, serta sedaya puji namung kagunganipun Alloh, inggih punika pangeran ing samudayanipun alam, saha kairimg panggoda mugi-mugi sholawat lan salam tansah kaluberaken dening Alloh dumateng junjungan kita Gusti Nabi Muhammad saw. serta dumateng sedaya keluarga, shohabat twin penderek penderekipun, sambung tuwuh tanpao pegot ngantos ing dinten qiyamat”.

Adhi dhasar raos kepingin bebinau soho njembaeaken wawasan sarto kepingin tumut- tumut anggiyaraken “ ukhuwah islamiyah” ingkang nuprihipun sageta kangge gegandholan anggen kita ngatah-ngatahaken ibadah maring Alloh, buku khutbah jum’ah menika kawulo anggit kanthi kawontenan ingkang sarwo cumpen saho sarwo peasojo.

Pangangitipun buku kumpulan khutbah jum’ah menika babar pisan mboten kasurung raos cubriyo, dupeh biso utawi keminter, ananging namung mligi saking raos kepingin biso saha nulat tindaipun para ulama,para kyai, sarta para mursid ingkang sampun paring pinten-pinten fatwa wonten ing pinten-pinten kitab,lan ingkang paling baku inggih namung”tholabul ilmi” ing pangajab mugi pikantuk taufiq ,inayah rohmat saha ridhanipun AllohSWT.

Pramila saking punika, kawula tansah ngantu-ngantu dhawahipun pitedah, saran saha kritik saking para ulama’, para kyai, para mursyid, sedoyo ingkang tundhonipun sageta njembaraken wawasan kawulo ingkang tasih cupet sarto kangge anyampurnaaken punika buku ing tembe wingking.

Wasana wonten klenta-klintunipun atur saha kladukipun ukara ingkang kirang ngresepakaen manah ing para maos sedaya mugi kersaha anglumantaraken ing sih samodra pangaksama. Lan mugi-mugi buku ingkang sanget prasaja menika sageta migunani dumateng kita sedaya, saha mugi-mugi Alloh SWT. nglimpahaken rahmat,taufiq saha hidayahipun. Aminnn.

Kediri, Romadlon 1422H.

Pangripta IMAM ROHANI

(3)

DAFTAR ISI

Halaman

1.Bab Taubat……… 2.Bab Sholat Jum’at………. 3.Bab Taqwa……… 4.Bab Islam……….. 5.BabBerlomba ing Kesahenan……… 6.Bab Anjagi Iiwa Raga Saking Dosa……… 7.Bab Cinta Alloh dan Rosulnya……….. 8.Bab Nuzulul Qur’an……….. 9.Bab Adzab Qubur……….. 10.Bab Wulan Muharam………. 11.Bab Kewajiban Orang Tua……… 12.Bab Adzabul Khomr………. 13.Bab Wulan Rojab……….. 14.Bab Fadhilah Wulan Sa’ban………. 15.Bab Wulan Romadhon………. 16.Bab Sholat Tarawih………. 17.Bab Aqiqoh……….. 18.Al-Qur’an Sebagai Petuinjuk……….. 19.Bab Fadhillah Kalimat Tasbih……… 20.Bab Kalimat Pitu……… 21.Bab Fadilah Kalimat Tauhid……….. 22.Bab Rahmat………. 23.Rukun Isalam……….. 24.Bab Khutbah Dua Setiap Jum’at……… 25.Bab Khutbah Idul Fitri……….. 26.Bab Khutbah Idl Adha……….. 27.Bab Khutbah Dua Idhul Fitri/Idhul Adha………..

(4)
(5)

BAB TAUBAT

Hadirin sidang jum’ah ingkang berbahagia, monggo ing saat-saat pinika kita tansah nambahi raos syukur kita dumateng Alloh SWT. ingkamg sanpun ndadosaken dumateng kita sebagai umatipun gusti Nabi Muhammad SAW. lan ahami islam.

Lan monggo kita tansah ningkataken raos taqwa dumateng Alloh SWT. sarana ngelampahi sedaya dawuhipun lan nebihi sdaya awisan-awisanipun,lan monggo nambahi taubat kita mumpung kita tasih gesang saha pintu taubat dereng dipun tutup.

Kranten gusti kanjeng Nabi Muhammad piyambak ingkang sakestu dipun reksa saking maksiat lan dipun ngapura dosanipun ingkang sampun lan ingkang dereng kemawon tansah nyuwun ngapuro utawi tasah istighfar wonten ing setiap dinten mboten kirang saking setunggalatus ambalan.

Mila saking punika kirang prayogi mbok bilih kita sebagai umatipun ingkang dereng tamtu maqom kita mboten ourun taubat wontwen ing setiap wekdal utawi setiap saat. Keranten saestunipun kita punik sering ngelampahi malsiat lan dosa ingkang mboten kita sengaja lan bahkan kita sengaja.

Keranten maksiat utawi dosa menika mboten perkawis ingkang ketingalan, kados dening nyolong, madon, minum, madat lan judi. Ananging maksiat punika katah sanget ingkang sifatipun sanget sirri. Utawi mboten ketawis, kados dene sifat hasut, riya’ ta’jub lan takabbur.

Mila saking puniko laku maksiat puniko mboten dipun lampahi tiyang tiyang ingkang mboten mangertos hukum, balik ingkang katah malah tiyang tiang ingkang mangertos hukum sering nglampahi maksiat ananging piyambakipun mboten keraos, kados dene merekayasa dalil soho memanipulasi dalil ingkang supados piyambakipun mboten terjerat kalian dali dalil kalawau.

Mila saking punika mangga kita enget kaliyan semboyanipun syaiton utawi iblis ingkang ungelipun mekaten:” Aku ngrusak menungso kanti maksiat kan dosa ananging manungso ngrusak marang aku kanti kalimah tauhid lan istighfar, tetapine aku ngrusak manungso kanti hawa nafsune sing akhire manungso iku mau ora kroso, lan manungso mau akhire duweni penyana yen awake oleh petunjuk lan sakteruse deweke ora gelem nyuwun pangapuro lan istighfar, kerono deweke rumangsa wus paling bener opo sing diucapake lan opo kang wus dilakoni sarto kang wus diamalake”.

(6)

Hadirin Rakhimakumullah, mila saking punika mangga kita sampun waleh waleh anggen kita istighfar utawi nyuwun pangapuro dumateng Allah S W T. sinahoso dosa kita puniko istilahipun sampun sundul langit sak kebake bumi, ananging pangapurone Allah puniko ngemot marang sekabehe langit l;an bumi. Lan ambok bilih kito sakestu taubat nyuwun pangapuro temtu taubat kito dipun trima dininng Allah SWT.

Keranten Allah SWT. sampun ndawuhaken lan sampun nulis wonten ing ‘arsy sekawan ewu tahun sakderengipun nitahaken makhluk ingkang dawuhipun mekaten :

“Lan saktemene ingsun iku dzat kang akeh olehe paring pangapuro marang wong kang gelem taubat lan wus iman lan ngamal sholeh “.

Lan wonten ing Al-Qur’anul Karim malih dhawuhipun Allah :

“Allah iku dzat kang nrima taubat sangka pira pira kawulane lan paring pangapura songko piro piro alane, lan Allah iku perso ing perkoro kang wus siro lskoni, lan Allah iku dzat ingkang ngijabahi ing wong wong kang wus pada iman lan ngamal sholeh”.

Saklajengipun menggah ahli hikmah: Sinten ingkang dipun paringi sekawan perkawis mangka mboten dipun cegah saking sekawan perkawis ugi:

1. Sinten kemawon ingkang dipun paringi puru doa ( berdo’a ) mongko piyambakipun mboten terhalang saking ijabah ( kasembadan panyuwunanipun ). Dawuhipun Allah wonten ing Al-Qur’anul Karim Surat Al- Mukmin ayat 60.

2. Sinten kemawon ingkang dipun paringi purun mahos istighfar utawi pangapuro,

mongko pinyambakipun saking maghfiroh(ampunan), Dawuh ipun Alloh wonten ing Al-Qur’an surat Nuh ayat 10:

3. Sinten kemawon ingkang dipun paringi purun utawi kerso syukur , mongko mboten

terhalang tambahe nikmat tumrap piambak ipun . Dawuh ipun Alloh wonten ing Al-Qur’an surat Ibrohim ayat 7:

4. Sinten kemawon ingkang remen taubat utawi nyuwun ngapuro mongko piyambak

ipun mboten terhalang sangking ijabah/ dipun sembadani do’a lan taubatipun . Dawuhipun Alloh wonten ing Al-Qur’an surat As-Syuro’ ayat 25:

(7)

Mila saking punika akhiripun monggo kita tansah mahos istighfar utawi nyuwun pangapura dumateng Alloh SWT. wonten ing setiap saat lan wonten pundi kemawon, sampun waleh-waleh lan anggen kita nnyuwun rohmatipun Alloh .

Akhiripun mugi-mugi kita sedoyo dening Alloh dipun dadosaken golonganipun tiang muttaqin, zahidin, lan shodiqin, lan mugi-mugi akhiripun kita dipun paringi husnul khotimah, Allohumma Amiin yaa robbal ‘alamiin.

(8)

BAB SHOLAT JUM’AT

Hadirin sidang jum’ah ingkang minulyo, monggo kita tansah muji syukur lan ningkataken taqwa kita dumateng Alloh SWT. dalamarti ngelampahi sedaya dawuh-dawuhipun lan nebihi sedoyo awisan-awisanipun, kados dene ngelampahi sholat jumat wonten ing saat puniko.

Keranten hal puniko jumbuh kaliyan dawuhipun Alloh SWT. wonten ing Al-Qur’anul Karim surat Jum’ah ayat : 9-10.

“Hai wong – wongkang wus podo iman nalikane wus den undang siro krono arahe sholat soko dino jum’at mongko cepet-cepet siro eling marang gusti Alloh ,lan ninggalo siro kabeh ing dol tinuku ,krono kang mengkono iku luwih bagus kedue siro kabeh lamun siro iku wong kang podo ngerti . Mongko tatkalane wus

rampung sholat ,mongko gumelaro siro kabeh ing ndalem bumi lan nupriho siro kabeh soko kanugrahane Alloh ,lan ilingo siro kabeh ing Alloh kelawan saakeh-akehe ,supoyo siro kabeh iku dadi wongkang podo bejo”.

Sak lajengipun punopo kito namung nglampahi sholat jum’at lan kito namung pikantok piwales / ganjaranipun anggen kito sholat jum’at?

(9)

Hadirin ingkang kaulo hormati ,saestunipun kathah sanget amalan –amalan utawi perbuatan ingkang kedah kito lampahi sakderengipun sholat jum’at lan katah sanget fadilah utawi ganjaranipun perbuatan puniko ,kados dhawuhipun gusti kanjeng Nabi Muhamad SAW,:

“Sinten tiyang ingkang adus/siram wonten ing dinten jum’at mongko den apuro saking piyambakipun pinten-pinten dosane .Lan nalikanipun mlampah/bidal dumateng panggenanipun sholat jum’at mongko gusti Alloh nyatet saben-saben sak-jangkaha ing ibadah rongpuluh tahun . Mongko tatkalane wong iku nglampahisholat jum’at mongko den ganjar kelawan amal rongatus tahun”.

Bahkan gusti kanjeng nabi pernah ngendiko:

“Sak temene anggonku sholat jum’at iku luwih ndemenake marang ingsun tinimbang haji sunat”.

Lan dipun ruwayataken malih wonten ing kitab durrotun nashikhin saking kitab Kangzul Akbar :

“Saktemene gusti Alloh nitahakemalaikat kang ngadek ono ngisore ‘aresy ,lan mlaikat iku anduweni patang puluhewu sungu ,saben saben sungu siji temeko sungu sijine iku pelakon sewu tahun , lan ingatasesungu siji iku ono patang puluhewu baris songko malaikat,lan ingndalem peraupane malaikat siji iku ono srengengene, lan ingatase pundake malaikat siji ono rsmbulane,lan ingatase dhadane malaikat siji ono piro-piro lintang . Mongko nalikane ono ing dino jum’at mongko malaikat mau sujud kerono arahe Allah ta’la, lan malaikat mau matur ingdalem sujude “Allahummaghfir liman sholaa sholatal jum’ati min ummati Muhammadin SAW”. Lan Allah njawab “Hei malaikat ingsun podo neksenono siro kabeh saktemene imgsun wus paring pangapuro marang wong kang sholat jum’at”.

(10)

Milo saking puniko mangga kito tansah nglampahi kewajiban sholat jum’at ingkang ageng sanget fadhilahipun selagine mboten wonten uzur ingkang sanget . Lan mangga kito ajak sederek sederek kito lan tetanggitetanggi kito ingkang dereng kerso nglampahi sholat juma’at. Keranten tiyang puniko menawi mboten nngkampahi sholat jum’at dawuhipun Nabi Muhammad :

“Sinten tiyang ingkang tinggal sholat juma’at kelawan tapo uzur mangko wajib sodaqoh sak dinar, mongko lamun ora nemu ( nduweni ) sakdinar mongko separone”.

“Lan sinten tiyang ingkang tinggal sholat jum’at laping telu kanti nuli nuli mongko ora ditompo persaksiane”.

Saklajengipun mangga kito sasreng sareng berdoa mugi mugi kito sedoyo dening Allah tansah dipun paringi taufiq, hidayah lan inayah, Allahumma amin yaa Robbal’alamin

(11)

BAB TAQWA

Hadirin rokhimakumulloh , ingkang tansah pikantuk kamulyan saking Alloh SWT. Monggo kito tansah muji sukur dumateng panjenenganipun ingkang sampun paring kamulyan kolowau.

Lan monggo kito tansah ningkataken taqwa dumateng Alloh SWT, sarono kanti ngelampahi sedoyo dawuh-dawuhipun lan nebihi sedoyo awisan-awisanipun.

Hadirin sidang jum’at ingkang tansah kaulo hormati, setiap khotbah jum’at puniko temtu wonten dawuh “Ittaquulloh” lan sakterusipun.

Keranten dawuh Ittaqulloh puniko memang dados rukunipun khotbah , inggih puniko wasiat taqwo. Sakpuniko monggo dawuh puniko ampun namung dipun dadosaken rukun kemawon, ananging monggo dawuh Ittaquulloh puniko kito muttola’ah, kito padosi tafsiripun punopo artosipun lan punopo kersanipun.

Hadirin rokhimakumulloh ingkang berbahagia, menggah sabagian ulama’ nafsiri bilih ingkang dipun kersaaken dawuh Ittaquulloh puniko berati kito kewajiban ngelampahi sedoyyo dawuhipun kados dene sholat ,zakat , poso ,lan lintu-lintunipun,lan kito wajib nebihi sedoyo awisan-awisanipun kados dene nyolong madon, ngapusi,lan koropsi,lan ugi kedah nebihi ma’siat ingkang bongso batin kados denesifat hasud , riya’ ngujub lan takabur.

Sak lajeng ipun mbok bilih wonten tiyang ingkangmboten ngelampahi dawuh utawi perintah bahkan malah ngelampahi perkawis ingkang dipun cegah berarti tiyang kolowau dereng taqwo ingkang kados dipun kersaaken wonten dawuh “Ittaquulloh ta’ala haqqo tuqootihi”.

(12)

Saklajengipun menggah ulama’ ahli arifin utawi sebagian ulama’ nafsiri bilih ingkang dipun kersaaken dawuh “Ittaquulloha haqqotuqotihi” inggih puniko taqwo ingkang sakestu-estunipun kanti zdikir utawi emut dumateng Alloh SWT kanti mboten pegot-pegot.Utawi anggenipun zdikir kolowahu kanti dipun sarengaken wonten ing setiap medal lan melbetipun nafas .Lan ahli arifin ngendiko malih bilih zdikir puniko ongkang paling utomo utawi paling sae inggih puniko zdikir ingkang kelawan tanpo wayah,utawi wekdal lan tanpo wilangan.Lan mbok bilih dipun wilangi ingggih puniko kedah kelawan kaping 24 400,keranten nafas kito puniko medal lan melbet ipun setiap dalu lan siang puniko laping 24 400.

Lan panjenenganipun gusti Rosulaloh SAW ugi ngendiko engkang artosipun : “ Luwih utomo-Utumone zdikir inggih puniko zdikir kang dibarengake kelawan melbu lan metune nafas “.

Poro hadirin rokhimakumulloh , estunipun tiyang engkang tansah zdikir utawi emut dateng alloh puniko piyambakipun mboten mungkin bade ngelampahi maksiat zdohir kados ingkang sampun kasebat ngajeng , lan ugi mboten bade ngelampahi maksiat kang bongso batin .

Lan ugi estunipun tiyang selalu zdikir dumateng Alloh puniko jaminanipun bade dipun emuti ugi deneng Alloh,kanti rohmatipun lan pangapuronipun lan bade dipun lebetaken suargo dening Alloh kanti sareng-sareng poro nabi lan poro walinipun . Milo saking puniko alloh dawuh wonten ing Al Qur’anul Karim :

“ He, eleng-eleng wong akeh kang wus podo iman podo elingo siro kabeh ing gusti alloh kelawan eling kang temenannan tur kang akeh “.

Saklajengipun monggo kito sareng-sareng berusaha lan dongo-dinongo mugi-mugi kito tansah dipun dadosaken golongan ipun tiyang-tiyang ingkang sami pikantuk rohmat lan nikmat ipun Alloh SWT,Allohumma Amin Yaa Robbal Aalamiin.

(13)

BAB ISLAM

Hadirin sidang jum’at ingkang kaulo hormati,monggo kito tansah muji syukur dumateng Alloh SWT ingkangsampun ndadosaken agami islamsebagai pedoman gesang kito. Milo saking puniko monggo muji syukur kelawan kito dohiraken kanti ngelampahi sedoyo dawuh lan nebihi sedoyo awisan.

Hadirin rokhimakumulloh ingkang berbahagia ,punopo kita kapurih syukur dumateng Alloh kanti wontenipun agami islam ?

Inggih karanten estunipun agami ingkang leres lan ingkang dipun akui dining Alloh puniko namung agami islam, dawuhipun Alloh wonten ing Al Qur’anul Karim “

Innaddina indalloih islam “.

Ananging kito kedah mangertosi bilih seastune agami islam utawi tiyang islam puniko wonten kalih golongan :

1. Golongan islam ingkang naqis(islam ingkang ma’no slamet)

2. Golongan islam ingkang kamil (islam ingkang ma’no pasrah)

Anapun Islam ingkang ma’no slamet inggih puniko golongan ipun para u’bad (abidin), para muhibin lan para muttaqin.

Lan anapun islam ingkang ma’no pasrah puniko golonganipun para solikhin para arifin para mu’minin haq para wali lan para nabi.

(14)

Saklajengipun kados pundi tiyang ingkang ingkang golonganipun ibad utawi abidin puniko ? inggihn puniko tiyang ingkang sampun nglampahi solat, zakat, pasa, haji bahkan sampun dados kiyai, ananging anggenipun ibadah utawi nglampahi kolowau piyambaikipuntansah ngajeng ngajeng ganjaran utawi piwales.

Lan anapun tiyang ingkang muhibin inggihpuniko yiyang tiyang ingkangsampun nglampahi ibadah ibadah kadosdene solat lan lintu lintunipun, ananging anggenipun ibadah kolowau dipun dasari keranten demen, lan mboten ngajeng ngakjeng ganjaran lan piyambakipun cecekelan dawuhipun Allah SWT:

“ Ngucapa sira Muhammad : “ Lamun ana sira kabeh iku demen ing Allah mangka siro kabeh pada manuto ing ingsun, mangko dadi sebabe demen sapa Allah marang siro kabeh, lan paring ngapuro sapa Allah marang siro kabeh ing piro piro doso niro “.

Lan anapun tiyang ingkang golongan mutaqin inggih puniko toyang tiyang ingkang sregeb ibadah lan nindakaken sedoyo perintahe Allah kanti nemen nemeni lan ngti ngati lan ngedohi kabeh kang den cegah deneng Allah yen kasi ora nindaake perintah lan ora ngedohi cegah deweke wedi banget marang siksane Allah, keranten deweke cecekelan dawuhipun Allah :

“ Hei, iling iling para menungso pada nyembaho siro kabeh ing pengeran iro, yoiku zat kang wus nitahake siro kabeh lan wong akeh sak durunge siro kabeh, supoyo siro kabeh iku dadi wong kang pada taqwa, mangka pada wediyo siro kabeh ing neroko lan kang utawi kang dadi urup iripe neroko yoiku para menungso lan watu, kang di cawisake marang wong wong pad kafir “.

Para hadirin rohimakumullah dene tiga tiga nipun golongan puniko ugi bade mlebet suargo, ananging wonten ing saklebetipun suargo ni’mat ipun namung terbatas, ananging sinahoso terbatas piyambakipun wonten ing saklrbete suargo bade dipun ladosi dening setunggalatus sekawan doso widodari tumrapipun tiyang jaler, lan setunggalatus sekawan doso widodoro tumrap tiyang estri. Ingkang setiyap widodari/ widodoro punikomngasto 1000 piring ingkang setiap piring setunggal wonten 1000 werno daharan, lan setiap[ setunggal werni daharan puniko ono 1000 rasa.

(15)

Ananging mbok bilih golongan para solikhion, arifin, mu’minin haq,para wli lan para nabi anggenipun wonten ing suargo keni’matanipun sanget katah lan mboten onten batasanipu n, keranten anggenipun ibadah puniko namung melulu lilahita’ala kelawan tanpo ngajeng ngajeng punopo nopo lan piyambakipun mangertos ibadah ingkang sejati lan sejatinipun ibadah . Lan piyambakipun mangertos ingkang dipun kersaken wonnten ing dawuh :

Saklajeng ipun monggo kito instropeksi diri wonten golongan ingkang pundi kito puniko. Wonten ing golongan ipun abidin, muhibin, mutaqin, utawi solikhin lan mu’minul haq utawi wali bahkan punopo nabi. Ananging mbok bilih kito sampun manggihi awak kito wonten ing salah setunggalipun kelompok utawi golongan, sinaoso kito sampun wonten ing tingkatan paling atas estu kito mboten pareng ngasoraken kelompok ingkang saklintunipun. Keranten estunipun tiyang puniko sinahoso sampun paling leres utawi paling sae mbok bilih nyalahaken utawi ngawonaken tiyang sanes berarti tiyang puniko ugi dereng leres lan dereng sae. Keranten estunipun drajat, tangkat , pangkat, sugih, mlarat, bejo, ciloko puniko sampun dipun tentoaken dening Allah SWT nalikonipun wonten ing alam mitsal. Ananging sakrehning kito dereng mangertos takdir utawi nasib kito, kito wajib berusaha sak katah katajipun lan sak sae saenipun. Lan monggo kito sareng sareng nyenyenyuwun dateng Allah SWT mugi mugi kito sedoyo dipun dadosaken tiyang tiyang ingkang wilujeng dunya lan akhirat. Lan mugi mugi sedoyo amal ibadah kito dening Allah dipun dadosaken amal ingkang manfaat fidunya wal akherat, lan ingkang akhiripun mugi mugi kita tansah pikantuk ridho lan rahmatipun Allah SWT . Amin.

(16)

Referensi

Dokumen terkait

Sanggahan dapat diberikan secara elektronik melalui aplikasi SPSE atau secara tertulis ditujukan Kepada Kelompok Kerja (Pokja) Konsultansi/ Konstruksi (PKK- I) Unit Layanan

semua dosen untuk melakukan kegiatan pengabdian kepada masyarakat. Terjalinyya koordinasi yang erat pengabdian masyarakat dari berbagai fakultas. Terbukanya kegiatan pengabdian

A., 2005, Analisis dan Perancangan Sistem Informasi dengan Metodologi Berorientasi Objek , Informatika,

Pada saat ini untuk mengukur gas yang dipakai sebagai bahan bakar dalam fuel cell diperlukan akurasi yang tinggi untuk mengukur gas yang bereaksi karena setiap jumlah gas

HONDA CIVIC 2.. Iklan Baris Iklan Baris Mobil Dijual HONDA HONDA CRV 2. Raden Saleh 18WX Jakarta Pusat HONDA CRV 2. Klt Asli BgsSkl SptBr Tgn1 Dp. 18Jt Man- dalaRaya No. Nego Lotec

Hasil SEM menunjukkan bakteri uji yang telah dipapar dengan tanaman uji diduga mengalami kerusakan pada membran atau bagian yang lebih dalam, sehingga sel bakteri menciut

Penyebab angina mikrovaskular masih belum diketahui secara pasti, namun tampaknya merupakan akibat dari buruknya fungsi pembuluh darah yang menyempit pada jantung, lengan, dan

Syukur Alhamdulillah penulis panjatkan kepada Allah Swt, karena rahmat-Nya laporan kerja praktek yang berjudul “ Analisis Sistem Pengarsipan Elektronik Infolahtadam