Adat Iban 1993 Iban Version

(1)

(2)

(3)

(4)

PENERANG 1. Mula-Mula

Udah Undang-Undang Majlis Adat Istiadat di-kememndar ka dalam taun 1977, aum besai ka semua Temenggong enggau Pemanca Iban lalu dibuka di kapit kena bulan Tiga taun 1981. Dalam aum nya sida besetuju nusun Adat Iban di serata menua Sarawak berindik ari Tusun Tunggu Iban bagi Kertiga taun 1952 enggau Dayak Adat Law bagi Kedua 1963 ke ditulis A.J.N. Richards. Aum nya mega besetuju ka wang ukum awak ka iya setipak enggau ubah pemansang kemaya hari tu. Tang benda tunggu ngelanggar adat tuai tauka pemali enda ditiki. Nya-alai leka jako kena nusui adat enda tau enda diperesa lalu digaga sebaka dikena serata menua Sarawak. Pemesai ukum patut di-ubah lalu di-adu ka baru.

Dalam taun 1986, jurai besai lalu dibuka ba genap indu nengeri di serata menua Sarawak mansik penemu bansa Iban pasal ubah ti patut di-adu ka dalam Adat Iban. Asal adat tuai lalu disidi, tuku leka jaku kena ngikat adat lalu dipilih. Reti nya, ukai semina ngiga leka jaku ke tau dikena ngikat adat awak ka iya tepanggai ba reti undang-undang. Nya-alai mayuh genteran ba Tusun Tunggu ke dulu di-ubah lalu ditusun baru. Adat tuai ke menyana tang tinggal ba Tusun Tunggu ke dulu dipasuk ka magang. Adat ke bisi jauh bebida ari Batang Ai siti enggau Ai siti bisi di-tinggal – semina pun batang adat ke selalu dikena kitai semua di serata menua Sarawak enggau atur pechara ngena Adat Iban tu. Kaul undang-undang menua Sarawak enggau atur pechara ngena Adat Asal Iban silik dipansik sereta dipejurai ka semua tuai Iban.

2. Adat Asal Iban

Tuju guna Adat Iban nya kena nanggam pendiau enggau ulah begulai enggau diri sama diri awak ka mai penyelap, pengerai enggau pengelantang ka diri se-rumah. Ulah enggau pendiau ke manah nitih ka adat ukai semina nanggam diri sebansa enda belah tang mupuk matih pendiau ke menyana di mua Petara ngambi ka tau diau chelap lindap nguan menua. Enti bisi tekelanjur jari ngelanggar adat tuai nya ulah ke tau ngerumpang pemanah. Nya kebuah kitai enda tau enda tekala nya lalu ngatur adat, tauka ngaga piring enggau ading ngampun ngagai Petara. Nya-alai ngambi ka pendiau Iban tau kukuh begempung enggau diri sama diri lalu chelap-lindap lantang-senang nguan menua, adat enda tau enda di pegai enggau rat.

JABATAN KETUA MENTERI,

(MAJLIS ADAT ISTIADAT SARAWAK), TINGKAT 3,

BANGUNAN BINAMAS, JALAN PADUNGAN, 93100 KUCHING.

(5)

3. Adat Iban

Nyadi Adat Iban tu bepegai ba Native Courts Ordinance 1992 (No.9/92) sereta mega Native Customary Laws Ordinance 1955 (Chapter 51). Nya-alai sebarang saoa bejalai ka Adat Asal Iban enda tau enda ingat lalu berati ka Undang-Undang dua bengkah nya sereta mega enggau Undang-Undang bukai ke bisi ditulis.

4. Semua genteran dalam Adat Iban tu udah ditusun nitih ka ripih ke patut awak ka nyamai dikena urang ke macha. Ngambi ka chuntu: genteran adat pemali rumah lalu diripih ka batang adat pasal berumah. Bakanya mega pemali umai lalu entudi batang adat pasal berumah. Bakanya mega pemali umai lalu entudi ka batang adat pasal bumai.

5. Adat Iban ke ditusun dalam surat tu dibagi lapan. Bagi I alai ngerintai ka tuku leka jaku tauka genteran jaku.

6. Bagi II ngenang pasal adat berumah enggau pemali rumah. Ngaga rumah panjai nya pengawa ke besai ba bansa Iban. Lebuh sida niri ka rumah sida megai penyiru lalu nitih ka mayuh macham adat berumah. Sida mega arap ka bansa bukai lebuh nemuai ngagai rumah sida bebasa ka adat rumah panjai. Kenyau ari ngiga tanah alai berumah adat lalu beduduk, lalu tangga, lalau, tiang, temetung, perabung endang bisi adat, bisi semengat diri-empu magang dalam pengarap Iban. Nya-alai enti bisi tekelanjur kaki jari penti-pemali rumah panjai enda tau laun ngadu ka adat tauka geselan kena ngampun ngagai Petara sereta ngadu ka basa enggau mensia. 7. Bagi III ngenang pasal adat bumai-betaun sereta enggau pemali umai. Dalam pengarap Iban, tanah, kampung enggau babas endang meruan urang nguan, lalu bakanya mega umai enggau semua utai ditanam endang meruan semengat. Lebuh bumai-betaun Iban bepanggai ba Petara, ngiga burung, ngiga tenung. Nya-alai enti bisi tekelanjur kaki tekelanjur jari ngelanggar pemali umai, Iban lalu tekala nya ngadu ka adat tauka genselan takut ka menua kudi-bebali lalu utai ditanam enda nyadi. 8. Bagi IV ngenang pasal atur penyalah belaki-bebini. Adat ngayap menkang disimpan laban adat nya manah. Adat dikena indu enggau lelaki ke udah chukup umur di rumah panjai bekelala tauka neleba ka diri enggau pangan diri. Mayuh penemu mensia rebak kemaya tu ngambi pengawa ngayap nya enda manah laban sida saru ka tuju adat ngayap. Sagam penemu sida udah limpang ari asal tuju pengawa ngayap ke dulu kelia. Nya-alai adat ngayap dalam Adat Iban ke diatu udah di-ikat terit ka agi takut ke tuju pengawa ngayap limpang ari alan lalu salah kena. 9. Jadi belaki-bini salah serak tauka ngudi menua nya penyalah ke besai ba bansa Iban. Sebarang sapa ngudi menua ke besai, ukai semina enda tau jadi tang kena ukum lalu ditunggu sereta meri pelasi menua. Enti semina salah serak tau jadi tang kena tinggang adat lalu pemesai tau ke pengemit nitih ka penyauh serak.

(6)

10. Dalam Undang-Undang Tikah (Mariage and Divorce Act) ke di-ubah baru dalam taun 1976 nadai nagang urang asal menua Sarawak jadi belaki-bebini nitih ka adat asal. Nya-alai Iban di menua Sarawak tau jadi belaki-bebini nitih ke Undang-Undang nya sekalika nitih ke Adat Iban. Enti jadi belaki-bebini nitih ka Adat Iban seduai iya tau minta Surat Penerang ngena Form A ari Penghulu ke alai seduai beterang. Bakanya mega lebuh sarak seduai iya diberi surat ngena Form B. Surat dua bengkah tu kena nerang ka seduai iya amat udah jadi tauka udah sarak.

11. Atur sarak enggau belanja anak udah ditusun baru nitih ka pemansang pendiau kemaya hari tu. Anak ke enda nemu ulu-ili ketegal apai-indai udah terumpang ruang bilik patut disikap enggau belanja enggai ka sida merinsa lalu keberuran enda makai.

12. Kelimpah ari ngena Adat Iban, urang ke sarak tau mega minta belanja anak dalam Civil Court nitih ka ayat 335(1) dalam Criminal Procedure Code, Bagi 62 (dalam Undang-Undang Menua Sarawak ke di-ubah baru dalam taun 1948). Nyadi tuju undang-undang tu kena nyaga bini ke udah kena buai laki, anak ke udah kena tinggal, ari keberuran enda makai, (sekalika anak nya anak bendar tauka anak ampang). Tang anang enda ingat, kitai semina tau minta belanja nitih ka Undang-Undang tu ngagai Civil Court enti kitai nadai udah minta belanja ba Native Court. Reti nya enda tau minta dua kali.

13. Belaki-bebini nitih ka Adat Iban amat dikemendar, tang bansa Iban patut diperansang ngerijister pengawa belaki-bebini nitih ka Undang-Undang Tikah ke dikumbai Registration of Marriage Ordinance, 1952, No 53 taun 1952 (Federation of Malaya) ti udah dikena di menua Sarawak belabuh ari 1 haribulan Tiga taun 1982. Nyadi undang-undang tu nerima semua atur belaki-bebini ti di-kerja nitih ka Adat Asal Iban tau di-rejister nitih ka Undang-Undang tu, semina enda tau enti siku ari seduai melaki-bini nya megai pengarap Christian tauka pengarap Islam.

14. Bagi V ngenang pasal atur bebagi barang lebuh sarak, enggau lanting. Nyadi barang ke kena bagi nya di-kumbai barang lama, barang ulih begulai enggau asil ari pengawa pemansang. Reti barang lama nya barang ke ulih apin begulai lalu barang ulih begulai nya barang ke ulih sekumbang begulai melaki-bini. Nyadi semua asil tauka pemisi ti ulih ari pengawa pemansang bepuku ka barang lama nya dibagi bela entara diri sebilik.

15. Nyadi barang ke dikumbai lanting diatu nyengkaum pesaka baka kebun getah tauka tanah sekalika barang bukai ke berega. Ukai semina setawak, bebendai, tauka bedil baka kelia.

16. Bagi VI ngenang pasal adat mati enggau adat pendam. Nitih ka adat tuai Iban semua urang ke parai enda tau enda ditumbak ka ba tanah ke udah ditaga ka pendam.

(7)

Kebuah pia awak ka enda peneka ati endur numbak ka bangkai mensia. Sebarang sapa nebang kayu ninggang pendam tauka ngachau kubur sekalika ngangus tauka ngerusak pendam kena ukum sereta meri pelasi menua tauka genselan nitih ka pemesai penyalah. Nambah ka nya mayar pengerusak.

17. Bagi VII ngenang pasal adat be-iru anak umur 18 taun tauka biak ari nya. Nitih ka Adat Iban, dua bengkah jalai ngiru, Beterang tauka begawai be-iru-iru Anak. Udah putus pengawa be-iru-iru, Penghulu tau ngeluar ka surat Form C. Surat tu nunjuk ka pemendar pengawa nya udah di-atur. Anak iru sebaka enggau anak amat ba mua adat dalam pekara bebagi barang.

18. Bansa Iban, enti ulih, patut ngerijester anak iru nitih ka Undang-Undang ke dikumbai Adoption Ordinance (Chapter 91, Vol. 1 Undang-Undang Menua Sarawak ke dichelak dalam taun 1917 – 1972). Enti pengawa ke ngiru anak nya terumpang, Penghulu ti ngatur iya dalam Chief’s Court tau ngeluar ka Form D kena nanda iru nya udah terumpang.

19. Bagi VIII meri kuasa ngagai Tuai Rumah tauka Ketua Masyarakat sekalika Magistrate tau bechara ka dawa urang ngelanggar pemali tauka ngelaban adat Iban, enti adat pemali nya endang adat lama ke udah dikena Iban tang nadai dipasuk ka dalam Adat Iban tu, tau dibai ngagai Native Court ke bisi kuasa nerima dawa nya lalu tau ngukum tauka nunggu sekalika ngeletak bayar pengerusak ti patut nitih ka penyalah nya.

20. Nitih ka Native Courts Ordinance 1992, No. 9/92, Native Courts diatu bisi kuasa ngukum lalu tau ngeletak ukum jel. Nya-alai Adat Iban diatu ulih ngelebas bagi penyalah ke patut kena ukum lalu ni bagi iya ke kena tunggu.

21. Penyalah ngelaban Adat ke kena kitai ngintu pengelikun begulai enggau pangan diri, baka butang-betumbang, ngachau anak dara urang, ngerusak pendam nya kena ukum. Lalu benda ukum diletak ngena kati, ½ pikul tauka 1 pikul.

22. Penyalah ngelanggar Adat pemali tuai, baka adat pemali rumah tauka pemali umai, ngachau taba, ngeragai rumah, bira ba umai urang nya penyalah kena tunggu. Lalu benda tunggu diletak ngena Mungkul. Nyawa sigi Mungkul serega wang RM1. Reti “tunggu” tu jalai adat tuai kena ngemandam ka laya tauka pengachau. Dua bengkah tuju iya. Sebengkah tuju tunggu kena naluk ka ati mensia ke udah enda lantang ngagai pangan. Tu ditembu ka enggau benda mungkul, genselan tauka Pati Nyawa enti penyaru nya besai. Kedua kena ngampun ngagai Petara lalu minta sama gayu-guru, gerai nyamai. Nya kabuah benda mungkul bisi dikelapung enggau genselan tauka Pelasi Menua sereta enggau kering semengat. Tunggu tu ukai atur kena ngemedis tauka bejera ka mensia,

(8)

enda baka ukum. Tunggu tu kena ngajar mensia awak ka enda ngereja utai salah lalu nangi ka Petara.

23. Nyawa 1 kati serega engga wang RM1 lalu nyawa 1 pikul serega enggau wang RM100. Benda ukum di-atur tiga bagi: 10 kati serega enggau wang RM10, ½ pikul serega enggau wang RM50 lalu 1 pikul serega enggau wang RM100.

Jalai magi wang ukum tauka wang tunggu

24. Ngelamatu Tuai Rumah tauka Penghulu tau mumpung pala benda tang diatu atur tu enda dikena agi laban Tuai Rumah bisi nerima sagu-hati lalu Penghulu meruan gaji.

25. Native Court Ordinance, 1992, Section 19(b) meri kuasa ngagai Native Court tau ngatur wang ukum tauka wang tunggu, tauka sekeda ari wang timbang nya pulai ngagai urang ke menang bechara. Retinya wang ukum pulai ngagai perintah. Lalu benda tunggu pulai ngagai urang ke menang bechara. Lalu Pelasi Menua enggau Genselan pulai ngagai menua tauka rumah.

Jalai ngeletak ukum

26. Native Courts Ordinance, 1992, meri kuasa ngagai Native Court tau ngejel urang ke salah enti iya enda mayar wang ukum tauka enggai ngeluar ka wang bayar pengerusak. Court mega bisi kuasa nyual keresa tauka pesaka urang ke salah nya lalu mutung ari rega nya kena mayar ukum tauka bayar pengerusak ti udah dijatuh ka ba iya. Nyadi enti urang ke mangku pechara ba Native Court nya ukai Magistrate, lalu urang ke salah nya enggai mayar ukum lalu engggai nyua ka bayar pengerusak, ngena Section 18(2), urang ke mangku pechara nya tau mai pekara nya ngagai Magistrate lalu Magistrate bisi kuasa bejalai ka pemutus atur Native Court nya tadi. Penyalah ngelanggar Adat Iban ke kena rengkap Undang-Undang Perintah 27. Nitih ka Section 28(b) Native Courts Ordinance, 1992 nerang ka Native Court nadai kuasa bechara ka pekara enti penyalah nya udah kena kuasa Penal Code. 28. Nitih ka atur Law, enti penyalah ke dikereja urang nya ngelanggar dua/tiga macham Law, urang ke salah nya tau kena pechara lalu kena ukum nitih ka siti aja ari semua Law nya, tang iya enda tau kena pechara lalu di-ukum ngena Law bukai ketegal penyalah siti nya tadi.

29. Nya-alai lebuh ngubah tauka nusun Adat Iban, naka ulih ngelaun ka Adat ke beserak enggau Law Perintah. Nya-alai enti Adat Iban bisi beserak enggau kuasa ke kena pegai Penal Code tauka law bukai, leka jaku ba genteran nya terang bendar madah ka pechara nya patut dipechara ka dalam Criminal Court. Tang enti penyalah nya beguna ka Pelasi Menua tauka Genselan urang ke ngelanggar adat nya enda tau enda, tekala nya, nyua ka Pelasi Menua tauka Genselan apin iya kena pechara dalam Criminal Court

(9)

tauka ditemu salah tauka enda. Kebuah pia, laban kitai enda nemu pengelama Court mutar ka pechara nya baru iya putus. Nya-alai sekumbang takah pechara nya ke betagai, urang di rumah panjai bisi kena sakit ngenyit tauka parai mungkal – Adat Tungkal tauka Keresan enda tau enda bejalai.

30. Nitih ka Adat Iban, kitai ke enda tau laun ngeluar ka Pelasi Menua tauka meri Genselan ukai reti nya kitai udah ngaku diri salah tang kena ngampun ngagai Petara enggai ka dunya kudi bebali. Lalu kena ngemadam ka ati diri serumah, diri semenua ke udah kachau bilau awak ka sida enda naruh dengki lalu enda nyadi laya. Kena minta diri serumah gerai-nyamai, lantang-senang pulai baka selama.

31. Enti urang ke empu dawa nya udah mai pekara nya ngagai Polis tauka udah mai pekara nya ngagai Civil Court tauka Criminal Court, Native Court enda tau nerima dawa nya agi. Kebuah pia, takut ka dawa nya beserak lalu enggai ka urang nya kena ukum dua kali ketegal penyalah siti nya. Reti nya sekali kena ukum Native Court lalu sekali kena ukum ngena law ba Court bukai.

Ruj. Kami: 51/MA/CON/F/3(A) 29 Hari Bulan Lima, 1993

(10)

THE

SARAWAK GOVERNMENT GAZETTE

PART II

Published by Authority

Vol. XLVIII 29th May, 1993 No. 9

Swk, L.N. 18

UNDANG–UNDANG ADAT BANSA ASAL ORDER ADAT IBAN, 1993

(Digaga nitih ka genteran 3 enggau 5)

Nyadi Tusun Tunggu ti digaga taun 1952 dichelak Opis Perintah lalu dikeluar ka baru dalam Volume VII Adat Menua Sarawak taun 1958 (dikumbai kitai “Tusun Tunggu 1952”), Nya– alai nitih ka Order Tusun Tunggu (Bagi Ketiga), Order Tusun Tunggu (Bagi Ka–empat) enggau Order Tusun Tunggu (Bagi Kelima), Tusun Tunggu 1952 nya lalu dikemendar ka nyadi adat asal bansa Iban di seluruh pegai menua ke dikumbai rambau nya suba Bagi Ketiga, Bagi Ka–empat enggau Bagi Kelima):

Nya–alai Yang di–Pertua Negeri ari tuduh Majlis Mesyuarat Kerajaan Negeri besetuju, udah lepas berunding enggau kaban Temenggong sereta Tuai–Tuai Iban di serata menua Sarawak, ngelala tebal bendar runding bansa Iban deka ngubah Tusun Tunggu 1952 awak ka iya tau dikena semua Iban di serata menua Sarawak.

Nya–alai, DIATU, Yang di–Pertua Negeri ari tuduh Majlis Mesyuarat Kerajaan Negeri, ngena kuasa ti diagih ka dalam genteran 3 enggau 5 dalam Undang–Undang Adat Bansa Asal, udah ngeluar ka Order baka ke dirintai ka tu:–

Undang-Undang Menua Sarawak 1958 Vol. VII, p. 587-636. Undang-Undang Menua Sarawak 1958 Vol. VII, p. 583-585. (Bagi 51 Dichelak Baru 1972)

(11)

1. Order tu dikumbai Order Adat Iban, 1993, lalu belabuh dikena Satu Hari Bulan Enam, 1993.

2. (1) Adat Iban ke ditulis ngena jaku bansa Iban empu ti dipasuk ka ba First Schedule udah dipesetuju ka semua Temenggong enggau Tuai–Tuai Iban di menua Sarawak lalu udah dikemendar ka Yang–di–Pertua Negeri ari tuduh Majlis Mesyuarat Kerajaan Negeri.

(2) Nya–alai tu penerang Adat Iban ke disebut ba ayat (1). Adat nya nyadi ka Surat Adat Iban ke betul (lalu dikumbai “asal adat”) lau dikena semua Iban di serata menua Sarawak tauka bansa bukai ti kena pechara nitih ka Native Courts Ordinance, 1992, tauka Undang–Undang bukai ti bisi bekaul enggau adat Iban.

3. Salin asal Adat Iban dalam jaku English dipasuk ka dalam Second Schedule (dikumbai “asal salin”) iya tau mega dikena alai bepansik:

Tang enti bisi beserekang entara asal salin dalam jaku English enggau asal Adat Iban ke ditulis dalam jaku Iban – iya dalam jaku Iban nya dipeguna.

4. (1) Tukang penyelak Perintah Tauka Tukang Penyelak bukai, enti bisi pemendar ari State Secretary, tau nyelak lalu tau nyual Surat asal Adat Iban dalam jaku Iban empu tauka asal salin dalam jaku English ngagai urang mayuh. Lalu Surat Adat Iban nya enggau salin iya dalam jaku English dikumbai Adat bansa Iban di menua Sarawak ke bendar.

(2) Surat Asal Adat Iban ke ditulis dalam jaku Iban empu tauka asal salin dalam jaku English tau disadung ngagai urang mayuh, tauka Opis sekalika gerempung ti dikemendar ka State Secretary.

5. Nya–alai Order ke dirintai ka di baruh tu dipadam ka– (a) Order Tusun Tunggu (Bagi Ketiga);

(b) Order Tusun Tunggu (Bagi Ka–empat); (c) Order Tusun Tunggu (Bagi Kelima); enggau (d) Tusun Tunggu 1952 dalam jaku Dayak enggau salin iya dalam jaku English ti di–pasuk ka dalam Volume VII ke ditulis baru dalam Undang–Undang Menua Sarawak 1959. Nama enggau maya dikena.

Adat Iban ditulis baru.

Ordinance No. 9/92.

Snlin Adat Iban dalam jaku English.

Vol. VII, p. 583

Tukang Penyelak Perintah tauka Tukang Penyelak bukai tau nyelak copy Adat Iban.

Pemadam. Vol. VII, p. 583—584. Vol. VII, p. 584—585. Vol. VII, p. 587—636.

(12)

FIRST SCHEDULE (Article 2)

ADAT IBAN (DALAM JAKU IBAN) (Iban Verson)

RIPIH GENTERAN ADAT BAGI I

Genteran

1. Reti Leka Jaku

BAGI II

ADAT BERUMAH ENGGAU ADAT PINDAH NGAGAI RUMAH BARU TAUKA NGAGAI MENUA BUKAI SERETA ENGGAU PEMALI RUMAH ADAT BERUMAH

(Perkara kuasa Tuai Rumah)

2. Tuai Rumah tanggung mai anembiak baum. 3. Mungkir ka samaya. Chief’s Court)

4. Enda nyadi nampung.

5. Pemali ngachau taba tauka paung burung.

6. Pemali ngachau tanah udah dirembang alai berumah. 7. Pemali ngachau ramu.

8. Ngentak enda nitih ka ripih. 9. Ngentak enda nitih ka timpuh. 10. Nyabut tiang udah di-entak. 11. Ngentak enda dikebat. 12. Ngeragai rumah.

13. Enda nembu ka rumah nitih ka timpuh. 14. Payung rumah panjai.

15. Pampas tanah alai berumah. PEMALI RUMAH

(Pekara kuasa Tuai Rumah) 16. Ngaga dapur ba rumah baru.

17. Ngachau pemali tauka pantang urang pindah ngagai rumah baru. 18. Mindah ka keresa enti apin nyua genselan.

19. Mai perengka-keresa tang enda nyadipindah. 20. Ngangus ka dapur tauka para.

(13)

21. Chelap dapur. 22. Nyangkai gawai.

23. Berumah tauka belangkau mampul rumah panjai. 24. Mantap tangga.

25. Mantap tauka matak lalau. 26. Niki ka bangkai tauka sentubung.

27. Pemati temuai tauka kampar. (Tinggang Bangkai) 28. Kepit bangkai.

29. Pandang bangkai. 30. Betampung padah mati.

31. Berapi di pendai urang lebuh ngajung antu. 32. Mali naruh antu pala ba rumah urang. 33. Mali nyengkubang bilik urang.

34. Mali ngambi keresa di bilik urang. 35. Niki sadau urang enda madah.

36. Mali mai kibung enggau sengkar tauka rakup. 37. Nginjau rakup.

38. Pemali mumbus ka pantang manang belian.

39. Mali niki rumah lebuh indu beranak apin ada temuni. 40. (1) Terap tauka tepuruk ba ruai tauka bilik urang.

(2) Urang ti terap tauka tepuruk ngeransi. 41. (1) Mali belaya entara ruai urang.

(2) Belaya enggau diri sebilik tauka diri serumah. 42. Tangkin duku enda dibuka.

43. Mali ngirit utai niti rumah tauka jalai pendai. 44. (1) Mali malu tekalung ba rumah baru.

(2) Mali malu tekalung ba rumah lemai hari.

45. Mali nan perengka kena ngulih ka ikan ba tegeran tauka garis rumah urang. 46. Mantap sabang, pisang ayu, buluh ayu.

47. Ngena utai urang enda nginjau.

48. Niki buah diri empu semak rumah urang. 49. Enggai ngereja pengawa kunsi.

50. Enggai bepadah lebuh bisi penusah.

51. Naban ka perau tauka kereban dalam perau. 52. Tetemu ka tauka ngapung perau.

(14)

53. Ngelalai ka perau anyut. 54. Ngerampas utai urang. 55. (1) Mali nyumpah urang.

(2) Adat Selabat. 56. Belaya maya gawai.

57. Meransang ukui ngigit urang. 58. Mali nyakap (Mepat utai). 59. Adat pendai tauka pengkalan. 60. Mali najar kayu semak pendai urang. 61. Mali nyadap sikat pisang tauka tubu. 62. Mali nyelai pisang.

63. Mali ngachau piring urang.

64. Mali ngerusak pandung enggau perengka Gawai.

65. Ngerusak tauka ngachau rugan, sungkup, garung enggau perengka Gawai Antu.

66. Ngena perau enda nginjau mai bangkai. BAGI II

ADAT PINDAH NGAGAI RUMAH BARU TAUKA NGAGAI MENUA BUKAI (Pekara kuasa Chief's Court)

67. Enda tau berumah panjai kurang ari 10 pintu. 68. Pindah.

69. Mali ngelumpung perabung. 70. Mungkang ka bilik.

71. Mupur ka rumah. 72. Muru urang pindah.

73. Pindah ngagai pegai Penghulu bukai. BAGI III

PEMALI UMAI, PEMALI BUKAI, PEMALI ADAT ASAL TANG KENA PEGAI UNDANG -UNDANG PERINTAH PEMALI UMAI

(Pekara kuasa Tuai Rumah)

74. Mali ngachau paung burung ba umai urang. 75. Mali ngerusak tauka ngangus ka batu umai.

76. Temuda ke endur nemu pengaruh enda tau di pumai urang. 77. Mali najar kayu lebuh belaya ka entara.

(15)

79. Mali mantap tunggul ba tegalan. 80.. Mali makai pinang benung nugal. 81. Mali ngambi dambar.

82. Ngachau sengkenyang tauka padi patah sekalika padi paut. 83. Ngerusak chemai, samai tauka belayan padi.

84. Mali belaya ba umai urang.

85. Mali niki buah dir-empu tisi umai urang.

86. Mali nite tauka nengkalung kayu, beramu, ngambi rutan enggau randau ba tisi umai.

87. Mali ngambi utai ditanam ba umai urang. 88. Mali mantap utai ditanam ba umai urang.

89. Nan perengka ngena ngulih ka ikan ba tisi umai urang. 90. Mumbus ka pemali umai tauka ngachau tambai. 91. Mali neresa belayan padi.

92. Mali mantap nyeli benong ngetau. 93. Mali manggum utai bejalai nengah umai.

94. Mali mai bangkai, rangkah tauka antu pala nengah umai. 95. Mali mai bangkai jelu enda dibungkus.

96. Mali nebang kayu ninggang umai. 97. Mali beban lungun tisi umai.

98. Mali ngambi kayu kena berapi ba umai urang lebuh nganjung antu. 99. Mali mantap kayu ngempang jalai umai.

100. Mali bira ba umai urang. 101. Mali ngerusak tibang.

102. Adat bedua umai. (Basu Kaki)

103. Adat bedua padi, ubat padi tauka paung burung. (Basu Kaki) PEMALI UMAI

(Pekara kuasa Chief's Court)

104. Ngelanggar pemali tauka pantang Bebuling menua. 105. Adat Abi Besi.

106. Nunu enda chukup jaga enggau api. ADAT BUKAI

107. Mali ngambi jelu tauka burung ti ulih urang. 108. Mali ngambi ikan ti ulih urang.

109. Ngambi manyi tauka renyuan urang. 110. Mali ketawa ka urang.

(16)

111. Mali nebas tampun bubu tauka tampun ensenga urang. 112. Nan perengka dikena ngulih ka ikan ngempang jalai merau. 113. Mali nyakap urang.

114. Mali munuh tua urang.

115. Mali munuh ular sawa ngena perengka urang. 116. Ngambi tauka nyual antu pala.

(Pekara kuasa Chief's Court) 117. Mali ngaga tugung bula.

118. Nebang buah tauka kayu galau urang. 119. Ngumpul engkabang.

120. Mali nusui tauka nyadung berita bula. 121. Mali ngumbai urang bula.

122. Mai antu pala ari pelilih Menua siti. 123. Mai antu pala ari bagi Menua siti. 124. Mai antu pala masuk ngagai menua tu.

PENYALAH NGELANGGAR ADAT IBAN KENA PEGAI UNDANG-UNDANG PERINTAH

(Pekara kuasa Chief's Court) 125. Enda tau nan Peti.

126. Pati Nyawa.

127. Bayar pengerusak tubuh. 128. Ngangus ka rumah. 129. Ngudi hari enggau jelu. 130. (1) Ngudi hari.

(2) Betapik.

131. Enda tau bebini lebih ari siku.

BAGI IV

ADAT BELAKI-BEBINI (Pekara kuasa Tuai Rumah)

132. Ngayap.

133. Adat ngayap semina dipegai Iban sama Iban. 134. Nyalam ka bansa bukai ngayap.

135. Tuai Rumah enda beduli ka dawa.

(17)

137. Ngerusak utai lebuh ngayap. 138. Naban ka indu ngena jalai pejal. 139. Indu dara majak tauka nama ka diri. 140. Mungkir tunang.

141. Tunang enda nyadi enti sama enggai. 142. Ninding ngapa.

(Pekara kuasa Chief”s Court) 143. Naban ka indu dara.

144. Mali jadi (Ngudi Menua tauka Nujah Menua). 145. Diri petunggal sama serak tau jadi.

146. Jadi salah serak.

147. Jadi enggau isan bisi adat. 148. Melah pinang tauka Bebiau. 149. Jadi ngapa.

150. Belaki bansa bukai. SARAK

151. Sarak ti tau dikemendar ka Court Penghulu. (1) Sarak manis.

(2) Kena tinggal ka laki tauka bini. (3) Tegal gila tauka sakit lan. (4) Tegal kena jel.

(5) Tegal ngidap ka penyakit. (6) Sarak tegal butang. (7) Sarak tegal kebuah bukai. 152. Indu ngandung muai laki.

153. Anak ti dikandung enda bulih pemai. 154. Laki muai bini benung ngandung. 155. Tunggu Luya. 156. Sarak Belega 157. Tangga Pulai. 158. Surat Sarak. 159. Belanja Anak. 160. Bebagi Anak. 161. Pemai Anak.

(18)

BUTANG

(Pekara kuasa Chief’s Court) 163. Butang. 164 Beturut Butang. 165. Butang Besangkung. 166. Butang Ngambu. 167. Butang Ngeladang. 168. Butang Rangkai.

169. Ngemulu Antu (Butang Antu). 170. Butang Tinchin.

BERANGKAT

(Pekara kuasa Chief's Court) 171. Berangkat. 172. Berangkat Uduk. 173. Berangkat Ngeladang. 174. Berangkat Tinchin. 175. Berangkat Kandung. 176. Berangkat Antu. KANDUNG

177. Indu ngandung apin ngambu niki rumah urang. 178. Ngandung enda bulih ngambu.

179. (1) Kandung.

(2) Suah Ngandung. 180. Ngandung enda ngambu. 181. Ngandung enggai ngambu.

BAGI V

ADAT BEBAGI BARANG URANG SARAK ENGGAU LANTING 182. Bebagi reta urang sarak.

183. Lanting.

184. Barang urang balu. 185. Barang Punas. 186. Punas enda ngiru.

(19)

BAGI VI

ADAT PEMATI ENGGAU PEMALI PENDAM (Pekara kuas Chief’s Court)

187. Tanah pendam.

188. Nebang kayu di pendam. 189. Ngangus ka pendam.

190. Ngachaunperengka sebayan. 191. Nyengkubang bangkai.

192. Ngachau tauka ngambi baiya ari pendam. BAGI VII

ATUR NGIRU ANAK SERETA ENGGAU BEBAGI BARANG ENGGAU ANAK IRU 193. Ngiru nitih ka adat Iban.

194. Surat Iru.

195. Enda tau muru anak-iru. 196. Bebagi barang enggau anak-iru. 197. Munuh Surat Iru.

BAGI VIII

ADAT ASAL TUAI TI NADAI DIPASUK DALAM ADAT IBAN 1993 198. Pekara bukai. Sebarang penyalah tauka pekara ke ngelanggar adat Iban ke enda kena pasuk ka dalam Adat Iban 1993 tu, tau dibai ngagai Native Courts ke bisi kuasa bechara ka pekara nya.

APPENDIX

Bansa Form ke tau dikena bejalai ka Adat Iban di rintai dibaruh tu, dichelak lalu disadung ngagai semua Pelilih Menua awak ka dikena Ketua-Ketua Masyarakat di menua nya.

Form A — Surat Tikah Form B — Surat Sarak Form C — Surat Iru Form D — Munuh Surat Iru

(20)

ADAT IBAN 1993 BAGI I 1. Dalam ADAT IBAN tu

Reti “Abi Besi”, nya terubah pantap ngelabuh ka panggul berumpang kampung lalu ambu iya nadai urang tau ngalah. Tauka pantap ngelabuh ka panggul bumai temuda lalu panggul nya nadai urang tau ngerengkap tauka nyerak. Sekalika ngerampit tauka mindah ka entara umai ke udah disetuju - nya ngelanggar Adat Abi Besi.

Reti “Adat Basu Kaki”, nitih ka adat tuai, lebuh nginjau Penghulu, Tuai Rumah tauka tuai bukai bedua umai tauka magi barang ba bilik baka padi, pengaruh tauka sengkenyang sekalika barang bukai, urang ke di-injau nya enda tau enda diberi genselan manuk siku, kering semengat duku sebilah enggau kurung semengat, lalu sangkar tauka karung kerubung sigi panding tauka sigi alas. Pulai ka mata wang, RM2 tauka RM4. Dalam Adat Iban tu enda ngena panding tauka alas agi tang ngena Mungkul. Lalu jaku sangkar tauka karung kerubung pen enda agi dikena lalu mata wang nya dikumbnai benda adat tauka adat bebagi barang tauka bedua umai.

Reti “Anembiak”, nya semua urang ke kena pegai Tuai Rumah tauka Penghulu lalu patut ngasi sereta taluk ka atur sida.

Reti “Asi Pana”, nya asi chelum ditumpuk ka atas duku lalu di-empa tuai ulit tauka urang bukai ti di-injau makai pana. Pengelama makai pana tiga lemai tauka lima lemai sekalika tujuh lemai, nitih ka gaya urang ke parai. Lalu pengelama tungkun api nitih ka nya.

B

Reti “Baiya”, nya perengka ke diberi ngagai urang ke parai.

Reti “Balu”, nya urang ke parai bini tauka laki sekalika penti apin dikupas sekumbang tinggal laki tauka bini.

Reti “Bayar Pengerusak Tubuh”, nya duit dibayar ngagai urang ke udah bakal laban kitai ketegal kelanjur kaki kelanjur jari.

Reti “Bebanchak Babi”, nya atur munuh babi kena bebaik ka menua.

Reti Leka Jaku.

(21)

Reti “Bebiau (melaki-bini)”, nya atur miau indu enggau lelaki ngena manuk kena madah ngagai mensia seduai iya begulai melaki-bini sereta besampi ngagai Petara minta seduai beranak betelesak lalu betuah belimpah nguan menua. Pengawa bebiau tu tau semina dikereja ba mua Tuai Rumah enggau diri sebilik, nadai enggau pengerami baka Melah Pinang.

Reti “Bebuling Ka Menua”, nya pengawa diri semenua ngadu ka piring kena nuchi menua ke udah kudi bebali. Mensia sakit-lengit, utai ditanam enggai nyadi, padi enggai ulih, ikan, jelu mar digiga.

Reti “Bedara”, nya meri piring pinta tauka piring ampun ngagai Petara. Reti “Beduruk”, nya atur bebalas gawa enggau pangan.

Reti “Bekalih”, nya ngalih ka tanah awak ka menua enda kudi enda bebali. Tu atur dikena bejadi ka urang belaki-bebini salah serak, iya nya tiga nangga empat.

Reti “Belega”, nya beserara diri melaki-bini ketegal jai burung, jai mimpi dalam kandang nyundang pinang. Pengelama beserara nitih ka pekat.

Reti “Benda”, nya barang berega, tajau tauka adat basa sekalika adat ampun tauka adat tunggu.

Chuntu: benda tunggu, benda ukum, benda ampun, benda basa, benda rara, benda guchi, benda menaga.

Reti “Besapat”, nya atur adat dikena bejadi ka urang melaki-bini salah serak, iya nya dua nangga tiga.

Reti “Burung”, nya semua leman utai ti dikarap ka Iban tau madah ka tuku utai ti ka nyadi - nyengkaum burung, jelu, ular, indu utai enggau kayu sekalika punggu.

D

Reti “Diri-sebilik”, nya nyengkaum apai-indai, diri menjadi enggau aki-ini ke sepemakai dalam bilik nya.

G

Reti “Geliga”, nya jaku tangkan lebuh maya gawai tauka pengerami bukai enggai ka urang mayuh charut tauka belaya enggau pangan diri. Sebarang sapa ngelanggar

(22)

jaku tangkan kena tunggu nitih ka adat letak jaku geliga, lalu tau ditambah enggau tunggu dalam Adat Iban nitih ka pemesai penyalah.

Reti “Genselan”, nya adat diberi urang ke ngelanggar pemali tauka ngereja penyaru ngelaban adat asal. Genselan tu kena ngampun ngagai Petara enggau mensia awak ka nabar ka ulah ke enda manah.

I

Reti “Iban”, nya Dayak (Sea) baka ti diletak dalam Interpretation Ordinance Cap. 1 Vol. I of the Laws of Sarawak 1958.

Reti “Indu Padi”, nya sengkenyang ti ditanam ba umai lebuh maya nugal. Iya nerekun ngimpun padi ba umai.

Reti “Iya”, nya lelaki tauka indu. K

Reti “Kampar”, nya urang ari menua jauh tauka ai bukai lalu diau pereman nyemilik urang empu rumah.

Reti “Kepit Bangkai”, nya sepintu bilik kena kepit bangkai ari sepiak-sepiak. Reti “Keresan tauka Tungkal”, tuku jaku dua leka tu sebaka. Reti iya - hari kitai ngereja penyalah hari urang bebadi.

Chuntu 1:

Enti urang deka nampung berumah. Ramu udah nuntung lalu betagai enda ngentak, urang dalam rumah nya bisi bebadi tauka sakit ngenyit tauka telih enggai badu bedarah, urang ke empu ramu nya kena tinggang adat “Keresan tauka Tungkal”.

Chuntu 2:

Enti urang muai rumah. Genselan tauka tunggu enda disua nitih ka timpuh, lalu

urang dalam rumah nya bisi bebadi, iya ke muai rumah nya kena tinggang adat “keresan tauka Tungkal”.

Chuntu 3:

Enti indu nadai laki ngandung enda ngambu dalam timpuh ke patut, urang dalam rumah nya bisi bebadi, indu ke ngandung nya kena tinggang adat “Keresan tauka Tungkal”.

(23)

Reti “Ketua Masyarakat”, nya baka Penghulu, Pemanca enggau Temenggong ti dipadu ka Yang di-Pertua Negeri megai pengawa nitih ka atur Scheme Ketua Masyarakat (Government Circular Ref: 36/CMO/1532/1) tang circular tu tau di-ubah sebarang maya.

L

Reti. “Lanting”, nya keresa ke dipilih apai enggau indai kejang bebagi barang enggau diri sebilik. Seduai iya tau milih tajau, setawak, kebun, tanah, tauka sebarang

perengka ke berega. Barang tu di-empu sebarang urang ke ngibun lalu ngintu seduai sampai ka parai.

M

Reti “Malam tauka Malam Hari”, nya entara jam pukul enam lemai enggau pukul enam pagi.

Reti “Melah Pinang”, nya atur enggau pengerami bejadi ka urang melaki-bini. Sirap pinang lalu digaga lima tauka tujuh, lalu bakanya mega daun sirih, digulai engkelait tauka gambir sereta dichulit enggau kapu. Semua perengka pinang tu di-engkah ba baku tauka tabak sekalika sarang bukai, baka seluk. Dia kaban-belayan sereta enggau urang ke tuai berandau ka adat belaki-bebini sereta enggau atur seduai ke begulai. Pengerami tu dikereja ba rumah indu.

Udah atur enggau adat tembu dikerandau lalu disetuju ka ari sepiak-sepiak, pagi siti indu lalu dibai ngagai rumah lelaki. Jarang bendar pengawa Iban tembu enti enda dibiau enggau manuk. Nya-alai maya bebiau, indu lalu di-iring ngagai bilik lelaki, dia seduai di-atur duduk berimbai lalu digulu kaban-belayan enggau diri sebilik.

Urang ke miau nya urang ke tuai ti di-adang bidik lansik, betuah-belimpah. Lalu leka biau ngajih ka seduai betubuh lalu lantang senang ngidup ka diri. Biau tu meh penembu pengawa ngatur seduai jadi belaki-bebini.

Reti “Melasi Menua”, nya nuchi-meresi menua enggau piring genselan ketegal urang di menua nya bisi udah ngereja penyalah, baka jadi salah serak tauka penyalah bukai ke tau ngasuh menua kudi-bebali.

Reti “Mungkul”, nya sebengkah ari benda tunggu ke dikena ari jeman kelia. Suah iya dikumbai mukul tauka menukul, ni iya ke lanchat agi disebut. Semua tunggu dalam Adat Iban tu diletak ngena "Mungkul". Enti pulai ngagai mata wang, sigi mungkul nya RM1.

(24)

N

Reti “Ngambi Tebalu”, nya ngupas urang ke udah parai laki tauka bini ari penti-pemali balu. Lebuh kaban-belayan begelumu ngambi tebalu, dia pemesai adat lalu diletak nitih ka gaya iya ke parai, lalu berunding mega ka gaya iya ke ngintu diri balu. Pemesai Adat Tebalu enda tau kurang ari Mungkul 4 lalu enda ngelui Mungkul 60. Reti “Ngayap”, nya adat Iban lebuh bujang besulu malam enggau indu dara ba bilik indu.

Reti “Ngeragai”, nya neju ka rumah balang enda lekat kasau tauka atap.

Reti “Nujah Menua tauka Ngudi Menua”, nya ngereja pemali ke besai ti tau ngasuh menua kudi-bebali, baka ulah ke rindu ka urang ti mali enggau begulai, apai enggau anak, anak enggau ibu, betapik indu sama indu tauka ngayah ka diri enggau jelu.

Reti “Nyadap”, nya nyungkit leka tauka sikat pisang ari tandan lebuh pisang nya apin ditebang, tauka nyubak tubu lalu bekau iya nya ditambun enggau daun tauka rau. Reti nya pengawa belalai.

Reti “Nyelai”, nya nyimpung tandan pisang lebuh batang pisang agi bediri.

P

Reti “Padi Patah tauka Padi Paut”, nya padi ke digempung apin belabuh ngetau. Udah piring kemas, tiga pun padi, nitih ka tumpuk tugal lalu ditanchang siti di baruh lalu digempung ba pun tangkai enggau ubung mirah. Ari gerempung tu kitai ngambi 7 tauka 9 tangkai lalu ditanchang bai pulai.

Reti “Padi Pun”, nya semacham benih ke dipilih lalu ditanam nampung-menampung ba bilik nya. Lebuh maya nugal padi pun tu patut dulu agi ditugal ari padi bukai. Iya nyadi ka tuai padi ba umai. Enda tau dibagi enggau diri sebilik ke pechah ari bilik tuai, tauka enggau urang bukai. Semina benih padi sangking tau dibagi. Reti “Pandang Bangkai” ,nya lebih ari sepintu kena arung ka bangkai api sepiak-sepiak.

Reti “Pati Nyawa” , nya duit dibayar iya ke ngemarai ka urang ngagai apai-indai, bini tauka laki, anak tauka

(25)

kaban-belayan iya ti parai, ari ketegal saru enggau nadai penyimat tauka endang ati nganu urang ngena senapang, duku, sangkuh, bum, rachun tauka sebarang utai bukai.

Reti “Payung Rumah”, nya tanah puang enda kurang ari 20 depa ngelingi rumah panjai Iban, disukat ari tiang jempayan rumah besai.

Reti “Pelasi Menua”, nya adat dikena meresi-nuchi menua takut ka kudi-bebali ketegal udah bisi ngereja pemali tauka penyalah ke besai.

Reti “Pemai Anak”, nya perengka lama tauka wang ke diberi ngagai genap iku

anak ke enda nitih ka sebarang sapa apai tauka indai ke muai pangan.

Reti “Pemalu”, nya tunggu ketegal ngaga ulah tauka ngena jaku ke ngasuh ati urang malu.

Reti “Pemali”, nya pantang tauka tagang ngelanggar adat asal.

Reti “Peti”, nya sebengkah perengka kena ngulih ka jelu. Iya bisi tiang indu.

Dikebat ngagai puchuk tiang indu tu tiang mit siti dikumbai panga. Ujung panga nya diteranting sereta dikaul ka ngagai tiang mutan dua berintai ari sepiak jelan jalai jelu enggau tali. Ba ujung tali nya di tanchang ka tuil. Tuil nya lalu dipasuk ka ngagai engkerung randau malam tauka rutan letik ti udah dipasuk ka dulu ba tali nya tadi apin iya dikaul ngagai tiang mutan. Ba engkerung nya lalu ditanchang ka runut sereta diteranting ka meraka jelan tauka menasan jelu lalu ditanchang ka ba pun tiang indu. Lebuh jelu nengah jelan lalu tetempuh ka runut, tuil lalu teringkas ari engkerung, panga lalu mangka jelu enggau mata sia ke dikebat ka ba ujung iya.

Tuntun tu anak kayu mesai tunjuk, kira lebih setengah depa pemanjai di raut manah-manah. Ba tuntun nya bisi dikelai enggau tangkal peninggi sukat kena nyelinting abi jelu sebengkah-sebengkah. Nya peninggi sukat ba tuntun nya ga peninggi runut begantung ari tanah.

Reti. “Punas”, nya nadai anak. Enti urang melakibini nadai anak lalu parai enda ngiru - bilik nya mega dikumbai “bilik punas”. Urang tubuh sebatang, lelaki tauka mdu parai enda ngiru, barang iya mega dikumbai “Barang punas”.

S

Reti “Selabat”, nya penyalah nyumpah urang lebuh belaya. Enti urang ke disumpah nya lalu sakit tauka mati dalam kandang tujuh hari, urang ke nyumpah nya kena tinggang adat “Selabat”.

(26)

Reti “Sungkup”, nya rumah sebayan digaga lalu dianjung ngagai kubur urang ke parai lebuh maya merantu iya.

T

Reti “Tangga Pulai”, nya adat kena ngambi laki tauka bini jadi baru udah lepas beserara tauka sarak.

Reti “Tebalu”, nya adat kena ngupas urang ke udah parai bini tauka laki ari penti-pemali balu. Pemesai adat nitih ka gaya urang ke parai. Adat tebalu enda tau kurang ari Mungkul 4 lalu enda tau ngelui Mungkul 60.

Reti “Tebalu Mata”, nya adat urang ke balu enda tesimpul ka ulah diri sekumbang dalam kandang penti pemali, lalu tebalu iya tau di-ambi tumu agi. Lalu tau di-ambi abis ambi lengis, enda bekuku enda bebulu.

Reti “Tebalu Mansau” , nya adat urang ke likun pendiau ngintu penti-pemali lebuh balu, lalu iya tau dikupas lebuh timpuh balu abis tauka di-ambi maya Gawai Antu. Enti Tebalu Mansau mayuh agi adat nya ditinggal ka ba bilik urang ke balu, lalu sekeda dibagi tuai-tuai ke ngatur adat - kena nerang ka urang ke balu nya udah dikupas, udah diluas. Enti ambi maya Gawai adat semina disebut aja, semina di-untung ke enggau ai tuak.

Reti “Tegeran Ai tauka Garis” ,nya kandang batang ai tauka sungai ke kena jaga rumah sebuah-sebuah. Jaku kemaya hari tu dikumbai “Block” jaga rumah sebuah sebuah.

Reti “Tembawai rumah”, nya tapak ke udah endur berumah udah dibuai. Reti “Tembawai Dampa”, nya tapak ke udah endur ngaga rumah arau udah dibuai.

Reti “Tembawai Langkau”, nya tapak ke udah alai belangkau udah dibuai. Reti “Temuda”, nya tanah alai bumai.

Reti “Tinggang Bangkai”,nya rumah ke alai temuai tauka kampar parai. Reti “Tua”, nya penyuruh petara ti ngemata sereta nulung mensia.

Reti “Tuai Rumah”, nya tuai megai rumah panjai ke di-pilih anembiak dalam rumah nya.

(27)

Reti “Tunggu” tu jalai adat tuai kena ngemadam ka laya tauka pengachau. Dua bengkah tuju iya. Sebengkah tuju tunggu kena naluk ka ati mensia ke udah enda lantang ngagai pangan. Tu ditembu ka enggau benda mungkul, genselan tauka Pati Nyawa enti penyaru nya besai. Kedua kena ngampun ngagai Petara lalu minta sama gayu-guru gerai nyamai. Nya kebuah benda mungkul bisi dikelapung enggau genselan tauka Pelasi Menua sereta enggau kering semengat. Tunggu tu ukai atur kena ngemedis tauka bejera ka mensia, enda baka ukum. Tunggu tu kena ngajar mensia awak ka enda ngereja utai ke salah lalu nangi ka Petara.

Chuntu:

Mali bira ba umai urang, peda genteran 100 Adat Iban. Sapabira Sapa bira ba umai urang kena tunggu Mungkul 4, genselan manuk siku enggau kering semengat.

Tuju Mungkul 4 nya kena naluk ka ati urang ke empu umai ke udah malu laban ulah urang ke enda manah ke udah ngereja pemali nya. Lalu genselan manuk enggau kering semengat nya kena ngampun ngagai Petara padi Petara umai; sereta lalu kena ngering ka semengat seduai awak ka enda tulah laban pemali nya lalu sama gayu-guru, gerai-nyamai.

Reti “Tunggu Luya”, nya adat dibayar laki ke muai bini ti udah beranak siku tauka mayuh ari nya, tang anak seduai parai magang.

Reti “Tunggu Tinggal”, nya adat dikeluar ka iya ti muai bini tauka laki.

Reti “Tungkus Asi”, nya bekal perarau. Adat tu dikena beganti ka temuda entara

diri sekaban. Dulu kelia lebuh Iban agi bejarit pindah ngiga menua ngagai ai siti-siti,

kaban-belayan iya ke tinggal mayar tungkus bekal iya ke berimba nya suba, lalu temuda nya empu iya.

U

Reti “Ukum”, nya benda adat kena ngadu ke penyalah ngelaban Adat ke kena kitai ngintu pengelikun begulai enggau panggan diri, baka butang-betumbang, ngachau anak dara urang, ngerusak pendam enggau penyalah bukai ke besai baka nya.

Reti “Ulit”, nya (i) basa tauka adat maya ngintu penti-pemali ke bekaul enggau pemarai mensia. (ii) keresa enggau benda adat pemati ke disimpan dalam sarang lalu ditanggam sereta ditaruh tauka dikebat ba endur ke likun.

Reti “Utai Redak”, nya benda adat ke mit-mit, baka chapak, mangkuk tauka kebuk nyukup ka nyawa tunggu.

Y

(28)

BAGI II

ADAT BERUMAH ENGGAU ADAT PINDAH NGAGAI RUMAH BARU TAUKA NGAGAI MENUA BUKAI SERETA ENGGAU PEMALI RUMAH (Pekara Kuasa Tuai Rumah)

2. Apin berumah baru Tuai Rumah enda tau enda mai anembiak baum

ngambi ka bejural sereta lalu netap ka:

(a) tanah endur berumah,

(b) penyampau pintu ke deka enggau berumah baru, (c) ripih bilik, enggau

(d) sebarang pekara bukai ke bekaul enggau pengawa berumah.

(DAL RICHARDS BAGI V, SEC. 21(f), p. 69) (Pekara kuasa Chief’s Court)

3. (1) Sebarang sapa udah sanggup enggau berumah udah nya

mungkir ka semaya, lalu berumah kediri, kena ukum dua pikul sepintu. Sida enda tau enda begulai betampung baru.

(2) Tuai Rumah kena ukum empat pikul. (Kuasa Chief's Court)

(DAL RICHARDS BAGI V, SEC. 21(g), p . 69) (Pekara kuasa Tuai Rumah)

4. Sebarang sapa bula ka semaya deka nampung berumah, lebuh ramu udah nuntung, kena tunggu Mungkul 16 sereta meri adat genselan babi siku enggau kering semengat.

(DAL RICHARDS BAGI IIIB, SEC. 5, p . 56)

(TT IBAN BAGI IIB, SEC. 18, p. 5)

5. Sebarang sapa ngachau taba tauka paung burung ba tanah ke udah

dirembang endur berumah, kena tunggu Mungkul 8 sereta meri adat genselan manuk siku enggau kering semengat.

(DAL RICHARDS BAGI IIIB , SEC. 1, p . 56)

Tuai Rumah tanggung mai anembiak baum Mungkir ka semaya Enda nyadi nampung Pemali ngachau taba tauka paung burung.

(29)

6. Sebarang sapa ngachau tanah ke udah disedia ka endur berumah, kena tunggu Mungkul 8 sereta meri adat genselan manuk siku enggau kering semengat.

(DAL RICHARDS BAGI IIIB. SEC. 2. p. 56)

7. Sebarang sapa ngachau tiang tauka ramu ti udah nuntung, kena

tunggu Mungkul 8 sereta meri adat genselan manuk siku enggau kering semengat.

(DAL RICHARDS BAGI IIIB, SEC. 3, p. 56)

8. Sebarang sapa ngentak enda nitih ka ripih, kena tunggu Mungkul

16 sereta meri adat genselan babi siku, kering semengat enggau kurung semengat.

(DAL RICHARDS BAGI IIIB, SEC. 6 p. 56)

9. Sebarang sapa enda ngentak nitih ka timpuh sempekat aum,

kena tunggu Mungkul 16.

(TT IBAN BAGI VI, SEC. 32 p . 14)

10. Sebarang sapa nyabut tiang ke udah di-entak kena tunggu

Mungkul 16 lalu genap lubang tiang ditutup ngena pinggai, sereta meri adat genselan babi siku, kering semengat enggau kurung semengat.

(DAL RICHARDS BAGI IIIB. SEC. 7, p. 56)

11. Sebarang sapa udah ngentak lalu enda dikebat nitih ka

semaya, kena tunggu Mungkul 8 sereta meri adat genselan manuk siku, kering semengat enggau kurung semengat.

(DAL RICHARDS BAGI IIIB, SEC. 8, P. 56)

12. Sebarang sapa enda ngatap rumah udah kena tangkan tuai enggau jaku, kena tinggang adat pemali ngeragai rumah, tunggu Mungkul 8 sereta meri adat genselan manuk siku, kering semengat enggau kurung semengat.

Enti urang dalam rumah nya bisi bebadi tauka sakit ngenyit, iya kena Adat Tungkal tauka Keresan Mata Mungkul 16, genselan babi siku, kering semengat enggau kurung semengat. Enti urang nya parai iya kena tinggang Adat Tungkal Mansau tauka Keresan Mansau Mungkul 32, genselan babi siku sekali sepa, kering semengat enggau kurung semengat.

(TT IBAN BAGI IIB. SEC. 13, p. 4)

(DAL RICHARDS BAGI IIIB, SEC. 9, P. 56) Pemali ngacahau

tanah udah dirembang alai

Pemali ngachau ramu.

Ngentak enda nitih ka ripih.

Enda ngentak nitih ka timpuh.

Nyabut tiang udah di-entak.

Ngentak enda dikebat.

(30)

13. Sebarang sapa enda ngentak tauka enda nembu ka rumah Nitih

ke timpuh sempekat aum, kena tunggu Mungkul 16. Urang nya kena tangkan enggau jaku lalu diberi timpuh baru. Enti iya enda ngasi ka jaku tangkan Tuai Rumah, iya kena tunggu Mungkul 5 ka tiap-tiap kali Tuai Rumah nangkan iya enggau jaku.

(TT IBAN BAGI IV, SEC. 32(h), p. 14)

14. Tiap-tiap rumah Iban enda tau enda bisi payung rumah. Pemesai

payung enda tau kurang ari 20 depa ngelingi rumah panjai. Semua macham buah tauka getah enda tau ditanam dalam kandang payung rumah. (Sukat belabuh ari tiang jempayan rumah besai). Enti bisi buah tauka utai ditanam enda ditebang, ninggang rumah, lalu urang bisi bebadi, urang ke empu buah nya tanggung mayar utai ke rusak sereta ngeluar ka belanja kena urang ti bebadi nya berubat tauka mayar Pati Nyawa, enti urang ke bebadi nya parai.

(TT IBAN BAGI IV SEC. 32(j), p . 14) (DAL RICHARDS BAGI V, SEC. 2(i). p . 70)

15. Enti nadai tanah puang alai berumah tau mega berumah ba temuda tauka tanah pangan, amat ga urang ke empu tanah nya diberi chukup pampas. Pemesai pampas tanah tauka buah ke rusak nya nitih ka pekat.

(ADAT LAMA NADAl DALAM TT IBAN TAUKA DAL RICHARDS)

PEMALI RUMAH

16. Nitih ka adat Iban, apin pindah ngagai rumah baru entilang dapur

tau digaga dulu, tang apin tau di- isi enggau tanah enti apin pindah. Sebarang sapa ngelanggar adat tu kena tunggu Mungkul 8 sereta ngeluar ka adat genselan manuk siku enggau kering semengat.

(DAL RICHARDS BAGI IIIB, SEC. 27. p. 57)

17. Sebarang sapa ngachau pemali urang pindah ngagai rumah baru,

kena tunggu Mungkul 8 sereta kena tinggang adat genselan manuk siku, kering semengat enggau kurung semengat.

(DAL RICHARDS-BAGI IIIB, SEC. 14, p. 57)

Enda nembu ka rumah nitih ka timpuh. Payung Rumah Panjai Pampas tanah alai berumah Ngaga dapur ba rumah baru Ngachau pemali urang pindah ngagai rumah baru.

(31)

18. Sebarang sapa pindah lalu ngangkut keresa, apin nyua ka adat genselan kena tunggu Mungkul 8. Enti urang dalam rumah ke ditinggal nya bisi bebadi tauka sakit ngenyit, iya kena Adat Tungkal tauka Keresan baka ti diletak ba section 12.

(TT IBAN BAGI IIB, SEC. 15, p . 5)

(DAL RICHARDS BAGI IIIB, SEC. 36, p. 58)

19. Sebarang sapa udah mai perengka baka rakup, tempaut enggau kibung tauka barang keresa bukai, laban deka pindah nampung rumah urang bukai, tang enda nyadi kena tunggu Mungkul 16 sereta kena tinggang adat genselan babi siku, kering semengat enggau kurung semengat.

Enti urang dalam rumah nya bisi bebadi tauka sakit ngenyit lalu parai, iya kena tinggang adat Tungkal tauka Keresan baka ti diletak ba section 12.

(TT IBAN BAGI IIB, SEC. 9 & 10, p. 4) (DAL RICHARDS BAGI IIIB, SEC. 38, p. 58)

20. Sebarang sapa ngangus ka dapur tauka para, tikai sekalika kibung ari tegal kurang jaga enggau api, kena tunggu enda ngelui Mungkul 16 sereta ngeluar ka adat genselan manuk siku enggau kering semengat.

(TT IBAN BAGI IV, SEC. 9, p . 9)

(DAL RICHARDS BAGI IIIB, SEC. 26, p . 57)

21. Sebarang sapa enda nungkun ka api ba dapur, tauka manduk ka dapur sekali dalam 30 hari, kena tunggu Mungkul 4 sereta ngeluar ka adat genselan manuk siku enggau kering semengat.

(TT IBAN BAGI IIB, SEC. 5, p . 4)

22. Sebarang sapa nyangkai gawai ngagai rumah urang sebuah-sebuah lalu nyemilik urang ba rumah nya ngintu gawai, enda tau enda beterang ba Tuai Gawai lalu meri adat. Sebarang sapa enda beterang tauka enda meri adat kena tunggu Mungkul 4. Enti urang dalam rumah nay bisi bebadi tauka sakit ngenyit lalu parai, iya ke nyangkai Gawai nya kena tinggang Adat Tungkal tauka Keresan baka ke diletak ba section 12.

(DAL RICHARDS BAGI IIIB , SEC. 28 & 29, p . 58) Mindah ka keresa

enti apin nyua genselan.

Mai perengka keresa tang enda nyadi pindah.

Ngangus ka dapur tauka para.

Chelap dapur.

(32)

23. Nitih ka adat Iban enda tau berumah tauka belangkau mampul rumah panjai. Reti nya perabung rumah tauka langkau nya melintang perabung rumah panjai.

Sebarang sapa berumah tauka belangkau ngelanggar adat tu, kena tunggu Mungkul 16. Rumah tauka langkau nya enda tau enda direrak dalam kandang 30 hari. Enti enda direrak, tunggu ditambah ka Mungkul 5 tiap-tiap bulan se-empai langkau tauka rumah nya di-rubuh.

(ADAT LAMA NADAI DALAM TT IBAN TAUKA DAL RICHARDS)

24. Sebarang sapa mantap tauka narit sekalika muai tangga ari rumah tauka ari langkau urang, kena tunggu Mungkul 4, genselan manuk siku enggau kering semengat.

25. Sebarang sapa mantap tauka matak lalau ari rumah tauka ari langkau urang, kena tunggu Mungkul 4, genselan manuk siku enggau kering semengat.

(DAL RICHARDS BAGI IIIB , SEC. 21, p. 57)

26. Sebarang sapa niki ka bangkai tauka sentubung ka rumah meri adat genselan babi siku.

Note: Enti bangkai enggau sentubung niki sereta, genselan babi siku aja. Enti sentubung dudi niki ari bangkai, entara ka malam, genselan manuk dua (babi tuduh).

27. Enti temuai tauka kampar parai ba rumah Iban, sekalika bangkai iya disenggai ba rumah nya tauka di-ambi kaban-belayan iya pulai, sida meri adat pemali Mungkul 16, genselan babi siku, kering semengat besi sebujur enggau kurung semengat.

(TT IBAN BAGI IIB, 14 & 17, p. 5)

(DALRICHARDS BAGI IIIB, SEC. 46, p. 58)

28. Enti ruai kepit bangkai, bilik urang ti empu pemati ari sepiak-sepiak meri adat genselan manuk siku, kering semengat enggau kurung semengat.

(DAL RICHARDS BAGI IIIB , SEC. I, p . 56)

Berumah tauka belangkau mampul rumah panjai. Mantap tangga. Mantap tauka matak lalau. Niki ka bangkai tauka sentubung. Pemati temuai tauka kampar (Tinggang Bangkai). Kepit Bangkai.

(33)

29. Enti ruai pandang bangkai, bilik urang ti empu pemati ari setak-setak meri adat genselan manuk siku, kering semengat (unjur ka ba tempuan), kurung semengat enggau chapak dua singkap kebat ka ba tiang tengah ruai urang ke empu pemati. Mua chapak di-atur napak ngagai pangan.

30. Urang ke bepadah mati ari rumah urang ke parai enda tau niki ba rumah urang ke dipadah. Sebarang sapa ngelanggar adat tu, kena tunggu Mungkul 2. Tang enti urang rumah bukai nampung padah nadai pemali niki.

31. Sebarang sapa, lebuh ngajung antu berapi di pendai urang kena tunggu Mungkul 4 sereta meri adat genselan manuk siku enggau kering semengat.

(TT IBAN BAGI IIC, SEC. 7, p . 5)

(DAL RICHARDS BAGI IIIC, SEC. 24, p . 60)

32. Sebarang sapa naruh tauka mai antu pala ngagai rumah urang, enda dulu meri genselan, kena tunggu Mungkul 8 sereta meri adat genselan manuk siku enggau kering semengat.

33. Sebarang sapa nyenkubang tauka tama ngagai bilik urang lebuh urang empu bilik nadai dia, kena tunggu Mungkul 8.

34. Sebarang sapa ngambi keresa diri empu dalambilik urang, enti enda dulu madah ngagai urang empu bilik, kena tunggu Mungkul 4.

(TT IBAN BAGI IIB, SEC. II, p. 4)

35. Sebarang sapa niki sadau urang enda madah ngagai urang empu bilik, kena tunggu Mungkul 4.

(DAL RICHARDS BAGI IIIB, SEC. 19, p. 57) Pandang Bangkai. Betampung padah mati. Berapi di pendai urang lebuh nganjung antu.

Mali naruh antu pala ba rumah urang Mali nyengkubang bilik urang. Mali ngambi keresa di bilik urang.

Niki sadau urang enda madah.

(34)

36. Sebarang sapa mai kibung mengkang begulung enggau sengkar tauka mai rakup meraka ruai urang ti dulu ngentak tauka ruai Tuai Rumah tauka Tuai Burung ba rumah nya, kena tunggu Mungkul 8 sereta meri adat genselan manuk siku enggau kering semengat.

Enti rakup labuh ka baruh rumah enda tau enda genselan manuk siku kena ngambi iya pulai.

37. Sebarang sapa nginjau rakup ari rumah urang, enti enda dulu meri adat genselan, kena tunggu Mungkul 8, genselan manuk siku enggau kering semangat.

(DAL RICHARDS BAGI IIIB, SEC. II, p. 57)

38. Sebarang sapa mumbus ka pantang manang belian, kena tunggu Mungkul 4, genselan manuk siku, kering semengat enggau kurung semengat.

(TT IBAN BAGI IIB, SEC. 2 & 3, p. 4)

39. Sebarang sapa niki rumah urang lebuh indu beranak apin ada temuni, kena tunggu Mungkul 4, genselan manuk siku enggau Kering Semengat.

40. (1) Enti urang terap tauka tepuruk ba ruai tauka bilik ketegal enda manah intu, urang ke empu ruai tauka bilik nya kena tunggu Mungkul 8 sereta meri adat genselan manuk siku enggau kering semengat.

(2) Enti urang ti terap tauka tepuruk nya lalu ngeransi sereta ngerusak utai urang empu ruai tauka bilik ke endur iya bebadi, iya kena tunggu Mungkul 8. Nambah ka nya iya nganti semua utai ke rusak lalu meri adat genselan manuk siku enggau kering semengat.

41. (1) Sebarang sapa belaya besapa tauka meraka ruai urang, iya ke tanah salah kena tunggu Mungkul 8.

(2) Sebarang sapa belaya tauka ngamuk diri sebilik tauka diri serumah, iya ke tanah salah kena tunggu Mungkul 16.

Mali mai kibung engggau sengkar tauka rakup. Nginjau rakup. Pemali mumbus ka pantang manang belian.

Mali nikirumah lebuh indu beranak apin ada temuni.

Terap tauka tepuruk ba ruai tauka bilik urang.

Urang ti terap tauka tepuruk ngeransi.

Mali belaya entara ruai urang. Belaya enggau diri sebilik tauka diri serumah.

(35)

42. Lebuh temuai niki rumah panjai, tangkin duku enda tau enda dibuka ari punggung dulu baru duduk di ruai tauka tama ka bilik. Sebarang sapa ngelanggar adat tu, kena tunggu Mungkul 4.

43. Sebarang sapa ngirit utai, baka rutan tauka kayu niti rumah tauka niti jalai pendai, kena tunggu Mungkul 4 sereta kena tinggang adat genselan manuk siku enggau kering semengat.

44. (1) Sebarang sapa malu tekalung ba rumah baru (apin chukup dua taun tauka apin runggut kaki atap), kena tunggu Mungkul 4 sereta meri adat genselan manuk siku enggau kering semengat.

(2) Sebarang sapa malu tekalung ba rumah lebuh lemai hari kena tunggu Mungkul 4 sereta meri adat genselan manuk siku enggau kering semengat.

45. Sebarang sapa nan perengka kena ngulih ka ikan ari ulu

tauka ari ili pengkalan, kandang tegeran tauka garis rumah urang, nadai bulih pemendar ari Tuai Rumah menua nya, kena tunggu Mungkul 8.

(TT IBAN BAGI IIIB, SEC. 19, p. 5)

46. Sebarang sapa mantap sabang tauka pisang ayu sekalika

buluh ayu, kena tunggu Mungkul 4 sereta meri adat genselan manuk siku, kering semengat enggau kurung semengat.

47. Sebarang sapa ngena utai urang enda nginjau, kena tunggu

Mungkul 4.

48. Sebarang sapa enda madah, niki buah diri empu semak rumah

tauka umai urang, kena tunggu Mungkul 4. (TT IBAN BAGI 1A, SEC. 3, P.3)

(DAL RICHARDS BAGI IIIA, SEC. 8, P. 55) Tangkin duku

enda dibuka.

Mali ngirit utai niti rumah tauka jalai pendai. Mali malu tekabung ba rumah baru. Mali malu tekabung ba rumah lemai hari.

Mali nan perengka kena ngulih ka ikan ba tegeran tauka garis rumah urang.

Mantap sabang, pisang ayu, buluh ayu.

Ngena utai urang enda nginjau. Niki buah semak rumah orang

(36)

49. Sebarang sapa enggai ngereja pengawa kunsi rumah panjai

nitih ka sempekat tauka aum kena tunggu Mungkul 16. (TT IBAN BAGI I, SEC. 13, p. 2)

50. Sebarang sapa enggai di-asuh bepadah lebuh maya bisi

penusah sekalika maya pengawa berat, kena tunggu Mungkul 8. (ADAT LAMA NADAI DALAM TT IBAN TAUKA DAL RICHARDS)

51. Sebarang sapa naban ka perau tauka kereban kena merau,

baka sengayuh, suar tauka penimba, kena tunggu Mungkul 4. (DAL RICHARDS BAGI IIIC, SEC. 1. p. 59)

52. (1) Sebarang sapa tetemu ka perau anyut lalu ngapung iya, enda tau enda madah ngagai Tuai Rumah, awak ka mesan ka urang ti empu ngasuh iya ngambi. Urang ti empu perau patut meri pampas ngagai urang ti ngapung iya, enda kurang ari RM5 tauka lebih agi ari nya, enti perau nya bisi injin.

(2) Enti perau nya nadai temu urang empu, lalu nadai urang ngiga tauka ngambi dalam kandang dua bulan, perau nya tau dikena urang ti ngapung.

(3) Enti urang ti empu perau nya, lebuh udah kena pesan, lalu enda ngambi dalam kandang sebulan, nadai enggau kebuah ti patut, perau nya tau lalu di-empu urang ti ngapung.

(DAL RICHARDS BAGI IIIC, SEC. 1, p. 59)

53. Sebarang sapa ngelalai ka perau urang anyut, kena tunggu

Mungkul 8. Perau nya dipulai ngagai urang empu.

54. Sebarang sapa ngerampas lalu naban ka utai urang tegal deka

empu tauka tegal ngeransi, kena tunggu Mungkul 8. Utai ti dirampas dipulai ngagai urang empu tauka diganti enggau duit nitih ke rega iya.

(DAL RICHARDS BAGI IIIC, SEC. 19, p. 57, IIIC, SEC. 3, p.59) Enggai ngereja pengawa kunsi. Enggai bepadah lebuh bisi penusah. Naban ka perau tauka kereban dalam perau. Tetamutauka ngapung perau. Ngelalai ka perau anyut. Ngerampas utai urang.

(37)

55. (1) Sebarang sapa belaya nyumpah pangan kena tunggu Mungkul 8 sereta meri adat genselan manuk siku enggau kering semengat.

(2) Enti iya ti disumpah nya bebadi tauka sakit ngenyit dalam kandang tujuh hari, iya ti nyumpah nya kena tinggang Adat Selabat Mungkul 16, genselan babi siku enggau kering semengat.

(3) Enti urang nya mati, tunggu Mungkul 32 lalu genselan babi siku sekali sepa enggau kering semengat.

(TT IBAN BAGI III, SEC. 5, p. 6 & BAGI IV, SEC. 8, p. 9) (DAL RICHARDS BAGI IIIC, SEC. II. p. 59 & BAGI V, SEC. 23,p. 70)

56. Sebarang sapa belaya maya gawai kena tunggu nitih ka pemesai adat ke diletak maya begeliga tauka adat bukai dalam rumah panjai, nitih ke pemesai penyalah.

(DAL RICHARDS, BAGI IIIC, SEC. 22, p. 60)

57. Sebarang sapa meransang (ngechih) ukui ngagai tauka ngigit urang nadai enggau kebuah ti patut, kena tunggu Mungkul 4 sereta meri adat genselan manuk siku enggau kering semengat. Nambah ka nya mayar ungkus berubat.

58. Sebarang sapa ngeransi mepat utai urang tauka enggi diri empu, kena tunggu Mungkul 4, lalu mayar utai ti dipepat iya enti utai nya enggi urang bukai.

(DAL RICHARDS, BAGI IIIC, SEC. 13, p. 59)

59. Nitih ka adat Iban, enda tau nebang tauka najar kayu, tauka mungga batang, sekalika ngelancham suar ba pengkalan tauka pendai urang; lebih agi enti lacham suar nya ditunga ka ngagai rumah. Sebarang sapa ngelanggar adat tu kena tunggu Mungkul 4.

60. Sebarang sapa ngeransi najar kayu semak pendai tauka seberai pendai sekalika di jalai umai tauka semak rumah urang, kena tunggu Mungkul 4.

(TT IBAN BAGI IIC, SEC. 6, p. 59) Mali nyumpah urang. Adat Selabat. Belaya maya gawai. Meransang ukui ngigit urang. Mali nyakap (Mepat utai).

Adat Pendai tauka pengkalan.

Mali najar kayu semak pendai urang.

(38)

61. Sebarang sapa nyadap sikat pisang lebuh batang pisang apin ditebang tauka tubu lalu ditambun tauka tubu. enggau rau laban deka ngelalai ke bekau, kena tunggu Mungkul 4.

62. Sebarang sapa nyelai tangkai pisang kena tunggu Mungkul 4. (ADAT LAMA NADAI DALAM TT IBAN TAUKA DAL RICHARDS)

63. Sebarang sapa ngachau piring lebuh maya gawai tauka barang maya bukai, kena tunggu Mungkul 8 sereta meri adat genselan manuk siku enggau kering semengat.

(DAL RICHARDS BAGI IIIC, SEC. 21, p . 60)

64. Sebarang sapa ngerusak tauka ngachau pandung sekalika perengka bukai ti di-engkah ba pandung lebuh maya gawai, kena tunggu Mungkul 16 sereta meri adat genselan babi siku, lalu ngadu tauka nganti semua pengerusak.

65. Sebarang sapa ngerusak tauka ngachau rugan, sungkup, garung tauka perengka bukai ti dikena Gawai Antu, kena tunggu Mungkul 16 sereta meri adat genselan babi siku, lalu ngadu tauka nganti semua pengerusak.

66. Sebarang sapa enda nginjau ngena perau urang bukai mai bangkai, kena tunggu Mungkul 4 sereta meri adat genselan manuk siku enggau kering semengat. Enti nginjau semina meri genselan.

(DAL RICHARDS BAGI IIIC, SEC. 23, p . 60).

ADAT PINDAH NGAGAI RUMAH BARU TAUKA NGAGAI MENUA BUKAI

67. (1) Enda tau berumah panjai kurang ari 10 pintu enti nadai bulih pemendar ari Tuan District Officer. Sebarang sapa ngelanggar genteran adat tu kena ukum dua pikul sepintu-sepintu.

Mali nyadap sikat pisang tauka tubu.

Mali nyelai pisang.

Mali nganchau piring urang. Nyerusak pandung enggau perengka Gawai. Ngerusak tauka ngachau rugan, sungkup, garung enggau perengka Gawai Antu. Ngena Perau enda nginjau mai bangkai.

Enda tau berumah panjai kurang ari 10 pintu.

(39)

(2) Urang ke ngiring berumah nya kena ukum empat pikul lalu enda dikemendar ka nyadi Tuai Rumah.

(TT IBAN BAGI IV, SEC. 32(f), p. 14)

68. Sebarang sapa pindah ninggal ka rumah panjai nadai pemendar ari District Officer tauka Penghulu sekali ka Tuai Rumah, kena ukum dua pikul sepintu-sepintu, tunggu Mungkul 200 sepintu, genselan babi siku, kering semengat enggau kurung semengat. Tang enti urang nya pindah ari atur perintah tauka ari pekat enggau diri serumah, iya semina dipinta meri adat genselan.

Enti Tuai Rumah pindah nadai pemendar ari District Officer tauka PenghuIu, kena ukum tiga pikul lalu kena tunggu Mungkul 300 sereta meri adat genselan baka atur di atas.

(TT IBAN BAGI IV, SEC. 32(a)(b), p. 13) (DAL RICHARDS BAGI V, SEC. 21(b), p. 69)

69. Sebarang sapa pindah ari rumah panjai enda tau ngelumpung perabung sereta enda tau mai tauka ngambi pekekas rumah diri-empu enti rumah panjai nya apin direrak. Sebarang sapa ngelanggar adat tu kena ukum dua pikul, lalu kena tunggu Mungkul 200, genselan babi siku, kering semengat enggau kurung semengat.

(TT IBAN BAGI IV, SEC. 32(c) & (d), p. 13) (DAL RICHARDS BAGI V, SEC. 21(c), p. 69)

70. Sebarang sapa mungkang ka bilik kena tinggang adat genselan babi siku, kering semengat enggau kurung semengat. Iya enda tau enda ngintu bilik nya tauka ngiga urang diau dia. Enti iya enda tejaga tauka tegiga ka urang nguan bilik nya, kena ukum tengah dua pikul, lalu ngisi tunggu Mungkul 150.

71. Sebarang sapa mupur ka rumah kena ukum sepikuI, laiu kena tunggu Mungkul 100, sereta kena tinggang adat genselan babi siku, kering semengat enggau kurung semengat. Lalu genap lubang tiang ditutup ngena pinggai.

(TT IBAN BAGI, SEC. 32(d), p. 13)

(DAL RICHARDS BAGI V, SEC. 21(c), p. 69)

72. (1) Sebarang sapa muru urang pindah ari rumah panjai kena tunggu Mungkul 4. (Kuasa Tuai Rumah).

Pindah Mali ngelumpung Perabung Mungkang ka bilik. Mupur ka rumah. Muru urang pindah.