Lampiran 1
Data Teks Markobar pada Tradisi Pasahat Boru pada Perkawinan Adat Angkola
A. Pembukaan.
1. Orang kaya : Assalamualaikum Warahmatullahiwabarakatuh. Santabi sampulu di sidang na mulia on. Antong songoni do da, baen madung di son dipajuguk payakan ni si
godang ni roha, songoni kaoum sisolkot, tarlobi suhut, bagian ama dohot ama,
hatobangon dohot harajaon. Laing marguru do hami manyapai, dituturi hami nian,
naso mamboto. Botimada.
2. Harajaon : Antong jadi boti ma da orang kaya. Muda dung di son sude payakan ni si godang ni roha, songoni si dokkon hata, nada salah be diangkatma hasaya tu pantar
tonga on. Botimada.
B. Hata (kata-kata atau nasihat/pesan) dari keluarga pengantin wanita kepada kedua pengantin menurut giliran berbicara.
I. Barisan kaum wanita.
1. Suhut/inanta soripada (umak) : Assalamualaikum warahmatullahi wabarakatuh. Puji syukur hita panjatkon tu Tuhanta, songoni shalawat salam tu nabi Rasulullah
nadipainte-painte syafaatna di yaumil akhir on. Diama tong dalanna marlugut hita di
bagasan bagason. Baen ho inang langka matobang tu kampung marancar. Antong jadi
boti mada inang, baen na giot kehe maho langka matobang, manopotkon sitopotonmu.
Ho inang na danak dope, malo-malo ho mamasukkon diri, dohot mambuat roha ni
namborumu. Ulang hami inang mambege naso tupa. On pe antong inang, tobang
rohamu da inang. Na lolotan dohot au do ho da inang da. Tobang rohamu inang,
malo-malo ho mambuat roha ni namborumu dohot koumta sude di kampung marancar. On pe
malo-malo ho maroban boruku on bere marmasyarakat dohot maragama. Ulang lupa
sumbayang.
Dison tarpayak dijolomu piramanuk na dihobolan, songoni salin-salinmu tu
usaho, songoni pinggan panganan dohot lage, anso malo ho inang manduruk koum.
On pe antong bere, u pasahat ma di ho on bere. On pe antong bere, goar na do on na
madung sikolah tapi anggo rohana na danakan do on. On pe antong inang, adong
indon natarpayak dijolo mu on, indahan tungkus, muda na dao tondi mu inang salama
na on, mulak ma tondi tu badan. Songoni ma indon adong indon pira manuk si tolu tolu,
songoni muse adong indon sian au dohot tulang dohot udamu indahan pasae robu. On
pe antong inang tobang rohamu, langka maho tu kampung marancar. Onpe inang
anggo mangkatahon on, nada lalu rohangku be, baen dison do raja, songoni
namora-mora, halahi do ma pasahat on tu tondi dohot badanmu, saima sahat ni hata sian au.
Usudahi dohot salam, wassalamualaikum warahmatullahi wabarakatuh.
2. Kahanggi suhut : Assalamualaikum warahmatullahi wabarakatuh. Puji syukur tu hadirat ni Allah. Au pe inang nangge malo au makkobar. On pe antong inang,
malo-malo ho mambuat roha ni namborumu da inang. Ulang lupa da inang maragama.
Songoni barang ni boru giot marbagas na madung tarpayak dijolomu on. Barang on,
na tarpake ni hamu sude do on, ditarimo tondi dohot badanmu. Lahanna do sian ho,
anggo mamakena sude sarombongan sian kampung marancar. Malo-malo manuturina,
mangobanna marmasyarakat. Pamatangna do nagodang on, anggo rohana nadanakan
dope on. Ulang nian mambege barita naso pade hami on, barita na denggan ma nian.
Madung lalu ho naron tu kampung marancar. Songoni ayahta dohot umakta
sehat-sehat ma. Tarsaima hobarku. Adong dope dison anakboru, songoni mora nami, dohot
hatobangan. Kusudahi ma hataku on dohot salam. Wassalamualaikum warahmatullahi
wabarakatuh.
3. Anak boru : Assalamualaikum warahmatullahi wabarakatuh. Puji syukur hita tu Tuhanta. Antong jadi songoni mada maen, au pe laing pe na mangihutkon hata ni eda i
koumta an. Jago ho ulang jabat maila moranta di son, mambege baritamu. Onpe maen,
ingotko sude hata ni koumta on. Dison tarpayak di jolomu, indahan sibonang manita,
tanda godang ni roha ni koum ta i do on. Songoni abit dohot parkokas dapur,
namangajari ho do maen on, anso malo markoum marsisolkot. Anggo au maen, nada
malo au marhata. Tarsaima sian au. Tu kaomta i ma hita pasahat. Usudahi dohot
salam. Wassalamualaikum warahmatullahi wabarakatuh.
4. Mora : Assalamualaikum warahmatullahi wabarakatuh. Parjolo hita panjatkon puji dohot syukur tu Tuhanta. Au pe marsantabi tu sude koum sisolkot. Songoni mada bere,
baen na giot langka matobangmu, antong sude pangalaho dipatobang ma. Najolo bisa
dope menjeng-menjeng di jolo ni si matobangmu. Anggo on bere, usaho doma
pikironmu anso adong diho, ringgas ho bere marusaho. Malo-malo ho markoum. Ingot
ma ho bere hata ni guru. On sude na tarpayak di jolo mu on, upa-upa ni tondi on, tanda
ni holong dohot godang ni roha do on. Nada malo au bere mangkatahon. Saima jolo
sahat ni hata sian au. Usudahi ma dohot salam. Wassalamualaikum warahmatullahi
wabarakatuh.
5. Ompung : Assalamualaikum warahmatullahi wabarakatuh. Parjolo hita mangucap syukur ima tu Tuhanta. Diama antong, baen na marlugut hita di bagasan on, nada lain
lao ni pahompu langka matobang tu kampung marancar. Antong tobang rohamu,
malo-malo ho mambuat roha ni namborumu, edamu, koumta sian kampung marancar. Baen
na adong antong indon indahan na tarpayak di jolomu. Pangupa-upa tondimunu.
Mulak ma tondi tu badan. Pala na madung antong, mudah-mudahan pagogo tondi
dohot badan munu ma on. On pe antong malo-malo maho mangajari pahompu ku on.
Manjadi rumah tangga na diridhai Tuhanta ma nian. Malo marmasyarakat songoni
maribadah. On pe adong indon indahan tungkus pasae robu sian koumta. Saima da
6. Hatobangon : Assalamualaikum warahmatullahi wabarakatuh. Puji syukur hita tu Tuhanta. Au parjolo marsantabi tu sude koum di paradatan on. Taradop hamu na juguk
di juluan, boru ni namarboru, parumaen ni na marparumaen, babere namarbabere.
Baen hamu nagiot langka matobang ma, antong patobang hamu ma parange dohot
pangalaho, ulang be dioban parroha di habujingon dohot parroha di haposoon. Ingot
do tu na markoum tarlobi di dalihan na tolu. Dison tarpayak di jolo munu ihan, sayur,
indahan, barang dapur, namangajari do on di hamu. On pe sai ma da hata sian au.
Usudahi ma dohot salam. Assalamualaikum warahmatullahi wabarakatuh.
II. Barisan kaum lelaki.
1. Suhut bolon (ayah) : Assalamualaikum warahmatullahi wabarakatuh. Parjolo hita panjatkon puji dohot syukur tu Allah. Maradu tu hatobangon, harajaon, songoni alim
ulama na ro di bagasan on. Ima di manyogot ni ari on ima di haroro munu, hamu sude
sarombongan sian kampung Marancar hami sambut do dohot sajegesna. Lalu hamu
antong di son, dipasahat hamu di hami imana siobanon munu, silua. Mangiut rasoki ni
hatobangon do dohot harajaon. Adong pe di potang ni ari on, ma dipajuguk do hamu di
juluan.
Adat ni ompunta sian na jolo, dibaen ho na giot langkama, manurut adat
angkon dipatobang ma sude pangalaho. On pe inang, madung adong na tarpayak di
jolo munu ima rasoki, mambutongi hamu mangan. Di tarimo tondi dohot badan munu
on inang. On ma da inang, tanda ni godang ni roha. Dungi antong inang, na giot kehe
ma hamu langka matobang tu kampung marancar mandapotkon namborumu. Dungi
bere, na tarpayak di jolo munu on, ditarimo tondi dohot badan munu on,
mudah-mudahan diberkahi Allah pernikahan namu on, marrasoki-rasoki hamu on dung lalu
hamu di pangarantoan. Dungi inang, tobang rohamu, boto maho perintah ni Tuhan.
Boto maho sanga aha hukumna sanga aha, nangge songon bujing-bujing be ho, holong
rohamu tu namborumu. Tu babere nagiot oban on mu ma boru nami on, holong rohamu
tu boru nami on. Apalagi na giot oban on mu tu pangarantoan. Rap
Dison tarpayak di jolomu, pira manuk na dihobolan, anso hobol tondi dohot
badanmu na marjuang mambina rumah tanggamu. Songoni abit salin-salinmu tu usaho,
dohot pinggan panganan, anso malo ho inang marusaho, dohot manduruk dongan
koum sisolkot. Dumngi inang, ulang ho lupa sude di hata ni koum ta i. Tarsaima hata
sian au. Usudahi dohot salam, wassalamualaikum warahmatullahi wabarakatuh.
2. Kahanggi : Assalamualaikum warahmatullahi wabarakatuh. Puji syukur tu Allah. Biama antong aso markumpul hita di bagasan on. Ima harani langka ni inang langka
matobang tu kampung Marancar. Hope antong inang, malo ho mambuat roha ni
namborumu. Ho pe antong bere, hamu do bere sapangadongan. Adong pe na tarpayak
di jolo munu on, giot lehenon ma hamu mangan on, ditarimo tondi dohot badan namu
on. On pe indahan tungkus sian hami, uwakmu dohot umakmu, ditarimo tondi dohot
badan munu on. Dipaingot uwak di ho i inang, tobang rohamu. Ulang lupa malaksana
on suru ni Tuhan i. On pe bere, ajar-ajari inang nami on. Na danakan dope rohanion.
Saimai do hataku, harana adong dope kahanggiku namanambahi hata on. Usudahi
dohot salam. Wassalamualaikum warahmatullahi wabarakatuh.
3. Anak boru : Assalamualaikum warahmatullahi wabarakatuh. Puji syukur hita panjatkon tu Tuhanta. Dison maen dohot anak, dipajuguk hamu di juluan, na
mangadopkon pangupa tondi dohot badan. Dison mada ari pangabisan, parenjengan tu
simatobang, ulang lupa hata sian koum sasudena. On pe maen, di ari na sadari on,
dison mada hami patidahon godang ni roha mangupa-upa tondi dohot badan munu,
anso salamat hamu na mambina rumah tangga. Tarpayak di jolo munu indahan dohot
parkokas dapur songoni salin-salinmu, baen godang ni roha ni koum sisolkotta.
Malo-malo hamu mamasukkon dirimu tu koumta an. Baen dison dope koum sisolkot. Halahi
ma da pasahat on tu tondi dohot badanmu. Wassalam.
upa-upa ni tondi dohot badan, anso salamat tu ginjang ni ari. Ro hamu bere tu
bagasnami, anso hami patidahon si godang ni roha nami di hamu. On pe bere, muda
malo hamu mamasukkon diri tu koum ta on, mararti madung dohot ma hami
diparmasukkon hamu, anso denggan parkouman i. Antong sai ma da bere sahat ni hata
sian au. Wassalam.
5. Ompung : Assalamualaikum warahmatullahi wabarakatuh. Parjolo au panjatkon syukur tu Tuhanta. Au ompung, madung matobang. Nada malo au be mangkobar,
madung lupa. Jadi on pe ompung madung adong sada tanggungjawab, sada isteri.
Satahi saoloan kamu, martondi tu cinta on ate, matinggal habujingan, matinggal
haposoan. Songon di ende i do on. Muda hita di Angkola on idokkon ama-ama. Asi
idokkon ama-ama, orang tua niba ama niba, sarupo dohot tulang niba do i. Songoni
namboru niba sarupo dohot umak niba do i. Ulang dibeda-bedaon antara tulang dohot
ayah niba, antara namboru dohot umak niba. Angkon disamaon do i, rap orang tua
niba do i ate. Mudah-mudahan pangidoan tu Allah, copat mardangka abara munu,
mampunyai katurunan. Mudah-mudahan nian si suan bulu ma adong jagar-jagar munu.
Apalagi ulang hamu disarak mangolu, disarak tumbilang ma. Maksudna, disarak
tumbilang ma, na tar undurkon, samenit pe inda tar aha. Jadi ompung sude na
hata-hata, tuntunan ma i. Amalkon hamu ma i ate. Na pade do sude ompung on. Hami pe
yakin dan percaya tu bayo i. Songoni pe tu pahompuku, ulang hamu mangirim na bau
ompung. Inda humayak dohot umakmu na maila i. Sude do sa Silandit on, hona mai,
hatobangon, harajaon, alim ulama, orang kaya apalagi ompu i sian bagas godang. On
pe sai ma da ompung hobarku. Usudahi dohot salam. Wassalamualaikum
warahmatullahi wabarakatuh.
6. Harajaon : Assalamualaikum warahmatullahi wabarakatuh. Puji syukur hita panjatkon tu Tuhanta. Marsantabi au parjolo tu sude koum di paradatan on. Hamu na
juguk di juluan na disurduan burangir,i ma boru ni namarboru, parumaen ni na
marparumaen, babere namarbabere. Di ari na sadari on, hamu na giot langka
dua, antong patobang hamu ma parange dohot pangalaho. Ingot hamu ma tu na
markoum tarlobi di dalihan na tolu. Dipatanda on dioban on marmasyarakat, apalagi
maragama, ulang lupa mangarejoon kewajiban. Tarsongon iba na mardongan do i
oppung, dibaen sms tu sia diingot ia iba. Tu Tuhan pe songoni do on. Muda dikarejoon
suru Nia, iba pe diingot Ia. Jadi muda adong pe rasoki dapot iba saotik tapi borkat,
dapot iba bahat rasoki tapi inda borkat. Gonan ma na saotik i, borkat ate. Tu hamu pe
ina-ina, ajar-ajari hamu pahompu nami on. Pamatangna do na godang, anggo
pengetahuan ni on tentang berumah tangga napedo adong on. Tu ompung halak lahi,
madung adong sada tanggung jawabmu, sada isteri, ulang adong pertengkaran. Dison
tarpayak di jolo munu, sira, songoni horbo, namangajari do on di hamu, anso gogo
hamu na marusaho. Songoni in don barang dapur. Dungi taringot do tu na markoum
tarlobi di dalihan na tolu, ingot hamu : elek markahanggi, holong marboru, hormat
marmora. On pe sai ma da hata sian au. Usudahi ma dohot salam. Horas! Horas!
Horas!
C. Penutup.
Bou (namboru) dari pihak keluarga pengantin lelaki : Assalamualaikum warahmatullahi wabarakatuh. Puji syukur hita panjatkon tu Allah na malehen
kesehatan dohot kesempatan di hita sadarion. Diama di hari ro nami sian kampung
Marancar manyogoti tu silandit on. Dung lalu hami di slanditon. Hami pangido na giot
nami, martoruk ni abara do rupa sude hatobangon di Silandit on. Di hari sabtu
manyogot hami ro giot mulak ma hami di hari sabtu potang na i, matartobus pangidoan
nami i, ma dapot hami na diroha nami i. Dungi muse masalose adat dohot ibadatna.
Martarimokasih hami tu sude hatobangon dohot eda nami i. Dungi adong pe
natarpayak dijolo ni parumaen on dohot anak nami indahan tungkus. Mudah-mudahan
ditarimo tondi dohot badan namu. Dungi adong muse tarpayak barang ni boru
marbagas, adong buse indahan pasae robu, hami tarimo ma on. Muda lalu pe hami tu
kampung Marancar hami paboa pe. Usudahi ma dohot salam. Assalamualaikum
Lampiran 2
Pedoman Wawancara dengan Informan
Berikut ini adalah daftar pertanyaan terkait tradisi pasahat boru pada perkawinan adat Angkola di Padangsidimpuan.
1. Apakah masyarakat Padangsidimpuan etnik Angkola masih menggunakan tradisi pasahat boru pada perkawinan adat?
2. Apakah falsafah dibuatnya acara pasahat boru pada perkawinan adat? Jika tidak dibuat, apakah ada dampak terhadap pengantin maupun keluarga?
3. Apakah upacara perkawinan adat harus dilaksanakan selama tujuh hari? Jika dilakukan hanya satu hari, dapatkah disebut juga upacara adat?
4. Apa sajakah rangkaian acara pada pasahat boru?
5. Mengapa masyarakat sekarang cenderung melaksanakan upacara perkawinan dalam satu hari saja? Faktor-faktor apa yang menjadi penyebabnya?
6. Apakah fungsi dan makna markobar pada pasahat boru? Mengapa dilakukan markobar? Jika tidak dilakukan, apakah salah dalam pandangan masyarakat?
7. Apakah fungsi dan makna mangupa pada pasahat boru? Mengapa dilakukan mangupa? Jika tidak dilakukan, apakah ada dampak negatif terhadap diri
pengantin?
8. Dalam markobar biasanya ada giliran berbicara. Apakah giliran tersebut sudah ditentukan oleh adat harus demikian?
Lampiran 3
Daftar Informan
1. Nama : Ch. Sutan Tinggibarani Perkasa Alam Siregar (informan kunci)
Umur : 82 tahun Agama : Islam Pekerjaan : Wiraswasta
Alamat : Desa Kayu Ombun Kec. Padangsidimpuan Utara
2. Nama : Nasir Siregar Umur : 65 tahun Agama : Islam Pekerjaan : Pedagang
Alamat : Desa Silandit Kec. Padangsidimpuan Selatan
3. Nama : Pamusuk Harahap Umur : 60 tahun
Agama : Islam Pekerjaan : Dosen
Alamat : Desa Sadabuan Kec. Padangsidimpuan Utara
4. Nama : Aminah Siregar Umur : 73 tahun
Agama : Islam Pekerjaan : Petani
Alamat : Desa Silandit Kec. Padangsidimpuan Selatan
5. Nama : Bonar Harahap Umur : 60 tahun Agama : Islam Pekerjaan : Petani
6. Nama : Ade Irma Suryani Dalimunthe
(Penerjemah data penelitian, dari bahasa Angkola ke bahasa Indonesia)
Umur : 45 tahun Agama : Islam Pekerjaan : Guru
