Acara Partangiangan STM Dos ni roha Juli 2023
Topik : “Pujima Jahowa Ale Asi ni Roha Na”
I. Persiapan II. Ibadah
A. Marende B. E. No.557 : 1 - 2 Dao Dumenggan
1. Dao dumenggan, asi ni rohaM. Dao ummarga sian ngolungkon.
Sai pujionku ma Ho Tuhanku, Dao ummarga, asi ni rohaM 2. Ala goarMu ro do au tu Ho, Herbang tanganhu, lao mamuji Ho,
Dao ummarga sian ngolungku, Dao dumenggan asi ni rohaM.
B. Votum – Introitus (L: Liturgis R: Ruas)
L : Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia, na tumompa langit dohot tano on., Amen.
Kristus Jesus do naung gabe hapistaran sian debata tu hita, gabe hatigoran dohot haluaon. HALELUYA.
Martangiang Ma hita! Ale Tuhan Debata, Amanami, sai togu-togu jala rajai ma rohanami marhite-hite TondiMi, asa olo hami manangihon dohot manjalo HataM. Sai pahot ma HataM dibagasan rohanami, asa imbaru jala lam badia rohanami. Sai urupi ma, asa lam marhaposan hami tu AnakMu Tuhan Jesus Kristus, asa jumpang hami hangoluan saleleng-lelengna. Amen
C. Marende B. E. No. 467 : 1 - 2 Asi Ni Roham Hupuji 1. Asi ni rohaM hupuji ala Ho manobus au.
Dipaias Ho rohangku, gabe soranganMu au.
IngananMu rohanami, TondiMi manggohi i.
Pangke dohot ngolunami gabe ulaulaMi.
2. Sai ramoti ma rohangku, asa boi gohanMu au.
Sai mabaor ma pasupasu, nang marhite sian au IngananMu rohanami, TondiMi manggohi i.
Pangke dohot ngolunami gabe ulaulaMi..
D. Tangiang Sian Na Ro E. Epistel : 5 Musa 7 : 9 – 12
L : Dibahen i tama ingkon botoonmu, Jahowa do Debatam, Ibana do Debata na sintong jala na bonar, na pasintong padan dohot asi ni roha tu halak, angka na mangkaholongi Ibana dohot tu angka na mangaradoti tonana, pola marriburibu sundut.
R : Ibana huhut marlulu tu halak angka na mangkagigihon Ibana, marsibalik tahe bohina sandiri, asa agoonna; ndang maralangalang rohana mamaloshon jalojalo hajahaton ni halak na mangkagigihon Ibana.
L : Antong radoti hamu ma angka tona, aturan dohot uhum, angka na hutonahon tu ho sadarion, asa ulahononmu angka i.
R : Jadi molo tung ditangihon hamu angka uhumon, diparangehon jala diulahon hamu angka i, jadi pasintongon ni Jahowa, Debatam ma tu ho padan dohot asi ni roha, naung niuarihonna tu ompumu.
L : I do sahat na, "Martua do ganup halak na tumangihon hata ni Debata jala naumpeopsa“.
R : Amen
F. Marende B. E. No. 518 : 1 - 2 Marsinondang Dibaen 1. Marsinondang dibaen Jesus asi ni rohana i,
Jala hita do disuru, asa ta paboa i.
Tapagalak palitonta, tapatiur dalan i, Ai torop dope na lilu, sai hatop ma mulak i.
2. Nang au on na dao najolo, di na holom lilu au, Alai sondang ni Tuhanku do mamboan mulak au Tapagalak palitonta, tapatiur dalan i,
Ai torop dope na lilu, sai hatop ma mulak i G. Tangiang sian Parjabu
H. Marende B. E. No. 672 : 1 - 2 Tung Godang Situtu
1. Tung godang situtu ulaonmu antong. Dipasahat Tuhanta tu ho Ndang adong be tingkim marnalemba tahe
Ngolumi bahen tiruan tongtong
Sai patupa ma i ala ni Tuhan i. So mangkirim balosna tu ho Debata do marnida na niulami. Manang na adong parbue ni i
2. Ai lambok do soara ni Tuhanta i. Ro ma ho las ma nang rohami Sai taingot tongtong hata ni Tuhan i. Mangarahon jolma tu Tuhan i Sai patupa ma i ala ni Tuhan i. So mangkirim balosna tu ho
Debata do marnida na niulami. Manang na adong parbue ni i I. Jamita :
J. Marende B. E. No. 691 : 1 + 4 + 6 (Papungu Sosial) 1. Hupasahat ma tu Jesus saluhutna ngolungki
Roha nang pambaenanku saluhutna tingkingki Hupasahat ma tu Jesus saluhutna diringki Hupasahat ma tu Jesus saluhutna ngolungki 2. Pangkeonku ma tanganku, mangula lomoNa i
Langka nang simanjojakku mangihuthon Tuhanki Hupasahat ma tu Jesus saluhutna diringki
Hupasahat ma tu Jesus saluhutna ngolungki
3. Nang pamereng ni matangku, Mandompakkon Jesus i Soara ni pamanganku, mamuji goarNa i
Hupasahat ma tu Jesus saluhutna diringki Hupasahat ma tu Jesus saluhutna ngolungki
