УДК 664.002.35
САЛАУАТТЫ ТАМАҚТАНУ ТАҒАМДАРДЫН ӨНДІРУДЕГІ ТҮЙЕ ЕТІН ПАЙДАЛАНУ
Кенжибекова А.Н., магистрант, Мақанғали Қ.Қ., докторант, Таева А.М., т.ғ.к., профессор, Ұзаков Я.М., ҚР ҰҒА академигі, т.ғ.д., профессор.
E-mail: [email protected], [email protected], [email protected], uzakm @ mail . ru
Түйе шаруашылығы бойынша ғылыми-зерттеу жұмыстары тұңғыш рет КСРО-да сонау 1922 жылы өткізілді. 1980-1990-шы жылдары түйе етінің құрамы мен қасиеттерін ВНИИМП (Жалпыресейлік ет өнеркәсібінің ғылыми- зерттеу институты) белсенді зерттеумен айналысты. Негізгі түйе шаруашылығы (шамамен 50%) Қазақстанда орналасқанымен, көбінесе Түрікменнің бірөркешті түйелері зерттелінді [1].
Кеңес Одағы ыдырағаннан кейін шикізаттың осы түрінзерттеуге деген қызығушылық бәсеңдеді. Бірақ, қазіргі уақытта Қазақстан Республикасы табындық түйе шаруашылығының ірі орны болып табылады. Түйе шаруашылығының даму тұжырымдамасына сәйкес 2016 жылы 251 мың бас түйеге жету үшін және түйе ұшасы массасының өңдеу көлемі 9000 тонна болу үшін елімізде болжамдар бойынша түйенің жылдық өсімі 7,2%-ға өсуі қажет [2]. Аталған тұжырымдарды есепке алып, сонымен қатар, Қазақстан Республикасы Кеден одағының мүшесі екенін ескере отырып, түйе етін ет өнімдерін өндіруде сиыр етінің баламасы ретінде қолдануға болатынын аңғаруға болады.
Қазақстан түйенің екі түрі Camelidae (Camelusbactrianus, Camelusdromedarius) және олардың будандары өмір сүретін елдердің бірі болып табылады. Қазақстандағы түйе етін өндірудің экономикалық тиімділігі туралы деректер есептелмеген, дегенмен әлемдік масштабта тиімділігі мен пайдалылығы дәлелденген.Түйе тек әлеуметтік немесе мәдениеттік көрсеткіш қана емес, сонымен қатар, белсенді дамып бара жатқан мал шаруашылығының толыққанды қатысушысына айналды. Соңғы бірнеше жылда Таяу Шығыста түйе етіне деген сұраныс айтарлықтай өсті.Ғылыми зерттеулер көрсеткіштері бойынша, бірөркешті түйенің еті майсыз, құрамында холестерині аз.
Түйе шаруашылығымен айналысатын аудандардан тыс жерде түйе еті аз қолданылады, бірақ, бұл мал шаруашылығының саласы ұлттық мәдениеттің бөлігі болып саналатын өңірлерде, түйе еті маңызды тамақтану өнімі болып саналады. Балғын немесе тұздалған түйе етінен әр түрлі ұлттық тағамдар әзірленеді. Түйе етті жануар ретінде жақсы бордақылайды. Еттің сойылған ұшадан шығымы 50—60 % құрайды [3], солай бола тұра жекелеген жағдайларда ересек бактрианның мүшеленген ұшасы 620 кг-ға дейін жетеді, бірақ ұрғашы мен жас төлдер ұшасының салмағы әлдеқайда аз.
Түйелербұлшық еттерінің жақсы дамығаны белгілі. Түйе ұшасындағы ет және сүйек арақатынасы 3,3–3,7:1 шамасында ауытқиды, бұл олардың толық етті екендігін дәлелдейді [4]. Түйе етінде ірі қара мал етімен салыстырғанда
дәнекер тіні шамамен екі есе көп, бұл түйенің өмірдегі физикалық белсенділігінің көптілігімен түсіндіріледі.
Түйе еті қарқынды қызыл түске ие.Бұлшық ет талшықтары қалың, дөрекі, ал арқалықтар қарқынды дамыған дәнекер ұлпасыменжабылған[5].
Пісірілген түйенің еті қатты, сіңірлі, тәтті дәмі бар. Майы ақ, тығыз, бірақ, ірі қара мал майына қарағанда жұмсақ. Май терінің астында, әсіресе өркешінде жиналады. Майды ерітіп, аспаздықта қолданады, түйе кеңінен таралған елдерде бұл май қой және сиыр майынан артық бағаланады [6].
Түйе еті тағамдылық құндылығы мен дәмділік қасиеттерінің жағынан сиыр етінен кем түспейді, жас, әрі жақсы бордақыланған түйе ұшалары ең құнды болып саналады [7].
Зерттеу нәтижелері
В.М Горбатов атындағы ВНИИМП-та (Жалпыресейлік ет өнеркәсібінің ғылыми-зерттеу институтытында) түйе етінің физика-химиялық көрсеткіштері, тағамдық және биологиялық құндылығы бойынша ғылыми-зерттеулер жүргізілді. Түйе етінің ет шикізатының басқа түрлерімен салыстырғандағы химиялық құрамы мен энергетикалық құндылығы 1 кестеде көрсетілген.
Кесте 1 – Химиялық құрамы мен энергетикалыққұндылығы
Еттің түрі Массалық үлесі, % Энергетикалық
құндылығы 100г тағамда,
ккал Ылғалдылық,
%
Май,% Ақуыз,
%
Күл,%
Түйе еті 71,75 6,3 20,9 0,94 140,3
Сиыр еті 73,2 3,8 22,1 0,9 122,6
Ет шикізаты химиялық құрамының талдауы түйе етіне ақуыздың көп мөлшері және майлылығының төмен болуы тән екенін анықтады. Түйе етінің ақуыздары толық құнды, маңызды, сонымен қатар, теңгерімді аминқышқылдардың толық жиынтығын қамтиды.
Кесте 2–Түйе етінің дәруменді құрамы
Дәрумендер Құрамындағы дәрумен мөлшері , мг/100г
Түйе еті Сиыр еті
Е 0,82 0,62
B1 (тиамин) 0,11 0,08
B2(рибофлавин) 0,14 0,17
B3(РР) (ниацин, никотин қышқылы) 3,30 3,54
B5(пантотенқышқылы) 0,55 0,50
B6(пиридоксин) 0,31 0,33
B9(фолий қышқылы) 0,01 0,007
B12(цианокобаламин) 0,003 0,003
B7(Н, биотин) 0,003 0,003
А 0,05 0
D 0,002 0,001
Нәтижелерді талдау
Жоғарыда берілген кесте бойынша түйе етінің құрамында дәрумендердің көптеген түрі – А, Е, РР және В тобының дәрумендерінің айтарлықтай көлемі бар екені көрсетілген.
Түйе етінің аспаздық құндылықтары жайында ұзақ әңгімелесуге болады.
Едәуір қатарлы тамақ өнеркәсібінің өнімдері тиімді экспорттық тауарға айналуы мүмкін деп санайтын адамдардың бірі, түйе өсіретін Орталық Аустралия ассоцициясының төрағасы, Питер Сидел түйе еті туралы былай дейді: «Бұл генетикалық жағынан таза және денсаулыққа пайдалы тағам».
Сонымен қатар, түйе еті сиыр етіне қарағанда фосфордың айтарлықтай көлемін - 216-234 мг% қамтиды; темір, кальций және магнийдің көлемі бойынша түйе еті сиыр етімен қатарлас.
Қорытынды
Алынған нәтижелер түйе етін денсаулыққа пайдалы азық-түлік өндірудегі шұжық өнімдері және ет консервілерінің шикізаты ретінде пайдаланудың мүмкіндігін ғана емес, сондай-ақ болашағы зор екенін дәлелдейді. Мұндай өндірістерді ұйымдастыру халықты дәстүрлі және үйреншікті тамақпен қамтамасыз етіп, мал санын арттыру және мал шаруашылығын дамыту жолында жақсы ынталандыру ретінде қызмет ететін болады.
ҚОЛДАНЫЛҒАН ӘДЕБИЕТ
1. Химический состав мяса / А. Б. Лисицын, И. М. Чернуха, Т. Г. Кузнецова, О. Н. Орлова, В. С. Мкртичян // Москва. – ВНИИМП, 2011.
2. И снова о верблюжатине: исследование нутриентного состава / Я. М.
Узаков, И. М. Чернуха//Мясная индустрия,-№12,2014.
3. Разработка технологии полуфабрикатов из верблюжьего мяса на основе комплексного изучения его пищевой ценности /Илюхина В. П.//
диссертация авторефераты. – М. 1989.
4. 2.Y.M. Uzakov, Mira S. Serikkaisai, Dessislava B. Vlahova-Vangelova, 1Stefan G. Dragoev, Effect of Dry Goji Berry and Pumpkin Powder on Quality of
Cooked and Smoked Beef with Reduced Nitrite Content, Advance Journal of Food Science and Technology, 877-883 б, шілде 2014 .
5. A.A. Bulambaeva, Y.M.Uzakov, D.B. Vlahova-Vangelova, S.G. Dragoev, D.K.
Balev. Development of New Functional Cooked Sauseges by Addition of Goji Berry and Pumpkin Powder, American Journal of Food Technology, №9 2014.
БазаТомсонрейтерс, 180-189 б.
6. Узаков Я.М., Соловьев А.Ю.,Байболова Л.К., Жаксылыкова А.Н.Разработка технологии функциональных мясных продуктов. Журнал Мясная индустрия, Москва 2010. - №3, 51-52 б.
7. С.М. Терентьев. Верблюдоводство. - Москва «Колос», 1975- 224 б.
