http://rimpu-cili.blogspot.com/2011/08/menge
nal-dan-memahami-karya-sastra.html
Aina tambari teka si doro tambora Aina sinci di mai kai ba suncu Warampa hidi di sia kaimu hido Warampa nanga di matampu nangi Wa'usi wara nia aina ngena nai Lo'o ra langga wi'i paki ra lingga Piti ro masa aina wi'i kamosu
Teda kaipu tini ade lampa matani Pori para kapatu'ta paindede mada ti pata tantu
Palasi itade maloa tantu pala tunti patu
Patuta ma hebade wa'ura kone hebo bune haba
Rawaa mu lahabiba
Na ipi ku pata ku dou makapatu ake
Ama moa nunggi maseke ne'e nangga
Ama wihu sambina'e maseke ne'e ni'u
Ndaiku ama hima rupe mane'e kalili eropa
Nontapa doro tambora nde'i ne'e kaiku tambari
Nontapa moti paman sam nda'i da eda kaiku bune simpa sai.
Konepa ncai karumbu matanta kasapa katenteku
Pahu ipi ne'e ku tana'o tunti ro baca
Teka doro ro moti wati loa mu daro rero mada
Nontapa Teka doro Tambora ndei ne'e kaimu tambari
Konepa liwa moti Paman Sam Ta'edaku bune sumpa sai
Pahu siba na'e na cita2 ro ne'e de Teka doro ro londo sori wati loamu suru
Kone tapa ba afi makalea ka ngemo mpa
Nggara iwa ro lenga wati wa'u ku lingi kai
Wati karenda ku dawara piti ro masa
Pahu ipi ne'e ku ngupa ilimu ma na'e
Wati wa'u ku ngena nai natu'u mpara niaku
Nggara ba lingga ra pohu de kamoda weaku mpa pahuna Ba pitima sato'I wati loa nde'I dengga kai tu'u
Waraja iman dei sarumbu nde'I ma kanira ncai saramba na
Samena na ra poke de pahala na aina paki
De pala katandi kaipo poko na aiba ngahamu pekena
Samadapo sarumbu nde'I ma made Ngahapo ma halal walaupun ngupa ngaha ma da hela
Weha weapu intina, sara'ana nggahi ra nuntu...
"Diambil dari berbagai sumber" KAREKU KANDEI, oleh Adi Lazz Rhall.
wura nawaura mbolo
sampuru lima nai kaina wura langi maraso dana watidu sarusa ringaku eli kareku kandei rawi sampela siwa matutu fare di salaja doho kaboro kabate sampela lempo cua tonggu angi dou di ne'e mawunga tutu fare na'e tala ra bila di ru'u satando
dana mbojo macaru taroa kareku kandei, kareku karuku
kareku kandei ma ou wali sampela lempo kaboro kabate kareku kandei makaruku sara'a sampela siwe mone dikaruku mena cou mabade raka kai mode
kareku kandeiku ngarana rawi rangina
dambe to'i mampa'a sadopa ama ra ina, ompu ra wa'i doho kaboro disalaja mbenco aina cua paki rawi rangina dana mbojo macaru taroa
Oleh Nabil Agus M Hilangnya budaya dan
karakteristik Dou Mbojo (Orang
Mori ara rasa mboto dou ma rese mori marese ndenta labo kura raso mboto ma kariki aka kapala desa jamana ake
wunga wara ne’e maci eli bune oi ni’u
bupati nawa’ura mbora gara-gara mai mbere
na wa’ura dula ulu mada watidu loana ila
mpoi nawa, pangka bupati mbuipu di putu.
dana mbojo na wa’ura mbeja dana ma ntika, ncaina wa’ur ntuku nteko
pana kalana howi mbeca lino oi diwu moro watidu loa mura ma da kani rimpu na mpoi ncihi
rompa
mboto ma kani jilba mboto mone ma laba
wi’i paki baca karo’a ba kadese kani ma sare’a
roo hampa wangga unda mone dei mawingga
rojo ra santabe na wa’ura mai kai ba ncao ra ntuba
nari si ruku golo wari di makaraka aina nggahim iha eli, sama mpa rahomu made ulu
siwe ra mone watidu ca’una borena mina
ngoa ra tei dei taho kai
kade’e kai deri mbotopu rewo daro na’e si loko nangi ora ama boha ma leke
magari ma leke wunga sekena mbowo lako
magari ma leke koko ra ka keke ana muda jamana ake
wati wara ma sambea ba kadese rewo tambua
sodi si ilimu agama peso weki fiko di wiku
siwe ma gaga mpoi ma lampa gega siwe ma ntika mpoi ma kariki aka kadope pipo sateka ncai papa rongga dei wombo rengge wati bae rangu runggu
mone mbuda wati si loana eda na paresa si Honda ede siwe handa na paresa si isi kado ede siwe kadi ti taho diweha siwe ma kamboto suwu
mone ma tupa edeku dei tipe ma caha sambea wati anda ra mbou
ma taho rawi wati ka mboto rawa wungasi dei riha wati mboto uri ra raho
ngoa ka nari naha anda nara ngoa ka alu ulupu rai la ele wati wa’u di nggahi ngge’e pa pangehe
wa’usi hori co’o na mboto di ma ce’i
oha jago, uwi laka ra oha leke wati wara ma ca’u deme ra dama ba ngge’e di kota na’e na wa’u mpoi ni’i
ese ruku ti kasi ade ina ro ama di karaka
siwe ma taho siwe ma daloa eli katuha
siwe ma tupa ma raso wati maki kau ra tapa
ma bonto sarumbu dei ru’u mone saramba
edeku di ne’e ba dou mone ma na’e
Pesan untuk Kedua Orangtua
Ina ro ama katenggopu iman ngupa ngaha ma taho ra baca mu al-fatiha
ka cahapu sambea ne’esi arujiki ma mbua
ngupa mu ma bareka mada ma sakola roci ku raka
Mada ma sakola ka dua ka tolu kali mada ma sarjana ma weli wea dana
do ta jena
kone ku pangka M.Pd ngge’epa lao tei kani sapeda
mada ka dahu na ese si nggahi mada ka fi’i nawa ita doho ma fa’a wara si ncara rawiku makancaru ka doho epa ka raho kangampu ipi ina ro ama naha tuara umu watidu tenggo ngupa ngaha di tonggu
edi ra rima na wa’ura rome kanggihi kanari-nari sura wara uta mbeca di noro
nggahi kalembo ade mpa ndi loaku lambe
ngoa ra eli dei da loa ku ili
ma ka midi asa ma ka sana na susa ma ka midi ade di ana ra da eda
Catatan : ... ... ... ... ... ... ... ... ... ... ... ... ... ... ... ... ... ... ... ...
Catatan : ... ... ... ... ... ... ... ... ... ... ... ... ... ... ... ... ... ... ... ...
