Masria Umami

9. Masria Umami

P : Kalau di keluarga Memi masih kental ndak samo kebudayaan minangnyo? I : Masih ni, lumayan lah. Sabananyo Memi kurang tau lo lah kalau kebudayaan

minangnyo, soalnyo Memi samo mama kan pisah, dak sarumah do, ama apa tingganyo di Riau, memi samo uni yang di Sangka. Jadi mungkin kalau dibilang kebudayaan minang bana, rasonyo lah ado campuran dari unsure budaya Riau gitu ni, tapi masih minang juo, ama kan sakali sabulan pulang. P : Ama apa Memi apo karajonyo?

I : ngaja ni di Bangkinang, Muaro takus. P : Baa kok dak pindah ka Riau se Memi?

I : Soalnyo kan dulu waktu ketek Memi memang di Riau, sampai kelas 3 SD, kelas 4 pindah kasiko. Jadi samo uni, ini kelas 1 SMP, Memi kelas 4 SD lah tingga di rumah yang di kampuang.

P : Baa kok ndak ditaruiah an disitu ajo memi?

I : Mungkin faktor lingkungan, factor angko2, tu dari segi pornografinyo, dari segi kelayakan pendidikan disitu kurang, trus mungkin dari segi pergaulan urang-urang disitu baa, agak bebas, jadi ama menghindari itu, jadi di pindahan ka kampuang.

P : Di kampuang samo sia tingga? L : Samo uni baduo.

P : Dak ado keluarga yang lain?

I : Kalau keluarga kini tetanggaan, tetangga tu emang keluarga juo gitu. P : Di kampuang tu jo siam Memi paliang dakek?

I : samo mamak Memi, kakak mama ado 3 urang, cuma yang dakek sorangnyo, dulu tingga di Sangka, tapi memi lah SMA. Lah kelas 3 SMP. Nyo dulu rumahnyo lumayan jauah lah pindah nyo ka SawahLunto jadi hubuangannyo lewat telpon se lai nyo.

P : Sampai kini masih ado komunikasi? I : Masih.

P : Mamak Memi ado dak maagiah/maajaan tentang nilai-nilai minang?

I : Ado, misalnyo dulu acok la main ka rumahnyo, dulu rumahnyo dakek SD Memi, jadi main disitu. Jadi kalau misalnyo baa-baa yo mamak Memi lah yang maajaan memi.

P : Kalau persepsi memi tentang minang sendiri baa?

I : unik, soalnyo dari sadoalah suku-suku yang memi tau, cuma minang yang matrilineal, walaupun di satu sisi ayah berperan dalam adat, tapi peran mamak labiah gadang daripado peran ayah. Meskipun di sisi lain ayah tetap berperan penting dalam keluarga.

P : Kalau keinginan Memi sendiri untuak marantau dulu ado ndak?

I : sabananyo sih, keluarga tidak terlalu member batasan, terserah memi pengennyo dima.. jadi kalau masalah marantau, masalah pisah samo urang tuo lah dari lamo. Jadi dak ado masalah kalau pai marantau. Pengen bana kalua. Kalau awak Cuma di sekitar Sumbar. Awak tu jadi ndak bisa melihat dunia luar, mungkin kebudayaan orang lain beda, pengen caliak yang lain lah. Pengen cari pengalaman gitu.

P : Pas ado keinginan pai marantau ado bayangan dak ka pai kama?

I ; Mungkin kalau spesifikasinyo kama, dak bagitulah. Dulu awal-awalnyo pengen di lua Sumatera, Cuma kebetulan tasasek lo ka Medan, jadi masih di dalam Sumatera.

P : Baa caritonyo dulu memi bisa sampai ka USU ko?

I : (tertawa)…soalnyo dulu giko ni, ambiak UMB, cubo-cubo iseng se nyo, soalnyo kan dulu UMB dak adi di UNAND do, dulu pengen juo sih di UNAND, yang di jawa kayak UI atau di UNPAD la, cuma yang UI lah ambiak lulusnyo di USU gitu, ya jadi baa lai? Dek lulus disitu urang tuo pun, lah..lah lulus, alah ama itu se.

P : Ado tabayang dulu dek memi USU tu baa?

I : Dulu yo banyak juo bayangan nyo, USU yo berarti Medan, Medan identik dengan hal-hal uniknyo, cuma ya udahlah hadapi se lah, baa ka baa bisuak, wak caliak bisuak, mungki itu se nyo.

P : Sebelum memi miliah ka USU dulu ado pertimbangan lain ndak?

I : USU memang dak masuak List Memi doh, Unsyiah indak lo masuak list memi do, memi kan jawa dulu, memang pengennyo di lua Sumatera, Cuma waktu tu di UMB pilihannyo Cuma beberapa universitas yang agak dakek tu cuma USU. Ciek lai memang UI pengennyo, yaudahlah memang itu se dipiliah, alternatif lah di Unand, mungkin dek pangaruah kawan2 juo.

P : Keluarga memi dak ado disiko?

I : Keluarga dakek ndak ado do, yang keluarga alah tau Memi disiko baru tau itu keluarga. Itu pun keluarga jauah apa.

P : Masih acok komunikasi jo keluarga Memi tu? I : hmm, lumayan lah.

P : Pas Memi tibo disiko, ado perasaan kecewa Memi dak dating kasiko?

I : Ado, partamo kali dating. Dek dulu kan bimbel di Padang, Padang kan lumayan barasiah, tertata la kotanyo. Jadi partamo kali datang ka Medan, wah..kok jorok gitu kan, emang kumuah lah kesannyo, pas awal turun di Polonia tu, jalannyo distu ado yang balubang-lubang, mungkin dek ndak jalan kotanyo lo ka tampek ante kan, jadi rasonyo, eee…jorok banal ah. Tukang becak batebaran diam-dima, dak jaleh se do rasonyo tatanan kotanyo. Jadi agak ilfeel partamo kali nyo dan partamo kali masuak kampus pun kayak gitu. Dulu memi partamo masuak kampus F.Kep dak kayak gitu do, masih lumuik sado catnyo, masih banyak rimbo, jadi partamo kali datang kan, wah…kayak giko, sasek masuak ma, sadiah raso ati, patamo2nyo agak kecewa la, ndak sasuai jo apo yang dibayangkan.

P : Yang dibayangan Memi baa?

I : Mungkin karena USU kecek urang, yo rancak gitu lah kan, jadi setidaknyo dari segi bangunan mungkin oke, dari segi Medan, kota besar ma dan terbesar di Sumatera, pasti metropolitan giman gitu kan..ee, ternyata di luar dugaan. Ancak juo nagari wak lai.

P : Dulu partamo kali jo sia memi basosialisasi?

I : Dak punyo batasan memi basosialisasi do, nio samo sia tasarah, samo urang asli Medan, asli batak, atau urang minangnyo, mungkin dulu dek alun kenal komunitas minang partamo kalinyo jadi partamo kali kenalan samo urang Medan, samo urang batak asli ado juo. Jadi open-open jo nyo, dak bagitu mambatasi lah.

P : Ado shock ndak Memi samo urang-urang tu?

I : Shock banget, mungkin dari segi bahasa kan, di kampuang dak ado kato-kato “kau” do kan, ndak di pa”kau” an wak do, doisiko wak di pa”kau”an nyo kan, Kau orang batak? Jadi langsuang patah hati kan (merengut), jadi agak baa sih, bantuak ko bana urang batak kironyo ma, Cuma dek lah acok bana, jadi lah oke-oke se lai.

P : Bara lamo Memi mulai tabiaso kayak gitu? I : Sekitar sebulan duo bulanan lah.

P : Tapi dek gara-gara urang tu agak kasa gitu, masih ingin dak Memi berkomunikasi?

I : Masih, kan emang kalau semakin dakek wak samo urang tu kan semakin dakek wak tau budayanyo, setidaknyo tau lah wak budaya orang lain. Dak budaya awak se yang awak tau.

P : Kalau maraso jengkel gitu samo urang siko pernah ndak?

I : Kalau jengkel masalh mungkin indak, tapi mungkin lebih ke personal, kan sifatnyo ado yang beda-beda. Tapi secara umum indak sih, terkait ke masalah agama mungkin, kadang2 urang tu sedikit baa gitu.

P : Yang sedikit baa gitu tu apo?

I : Mungkin dulu partamo-tamo agak mengesalkan pas bulan puaso, kan bulan puaso partamo disiko, sudah lah lingkuangannyo ndak mandukuang, kalau dulu pas di kampuang sado kadai pasti tutuik. Kalau disiko kan indak, jadi urang itu pun seolah-olah lebih menggoda, urang itu malahan yang mambagi minuman, jus jus di muko kami, samo kawan2nyo, heboh bana, jadi agak tasingguang la kami yang puaso gitu, dak ado penghargaan samo skali do. P : Dari hal yang kayak gitu ado pembelaan dak dari memi?

I : Raso baa gitu yo, tolong lah dihargoi, kami sadang puaso, tolongalah salaing maharagoi la gitu kan. Soalnyo dulu di SMA ado juo yang noni kan, tapi saling menghargai la, ndak ado kayak-kayak giko do.

P : Setelah hal-jhal yang kayak gitu tu manjauah dak Memi?

I : Awal-awalnyo yo agak manjauah, kurang respek samo urang-urang tu, tapi mungkin dek lah ado pembauran, misalnyo ado pembagian kelompok, gabuang samo urang-urang tu kan, jadi mungkin ado beberapa orang personal yang sifatnyo kayak gitu, ya saling memahami se lai, jadi lah saling menghormati la.

P : Disiko kebanyakan urang ma?

I : Campua bana la sadonyo. Urang Minang pun banyak, mayoritas urang Batak sih.

P : Ba a kawan-kawan Memi tau kalau Memi urang Minang?

I : Hmmm…dulu patamo kali kenalkan, Memi samo Tiara lah patamo kali kenal, jadi dek lah bahaso Minang baduo kan, jadi ditanyoan “kamu orang mana?”, “orang Padang”. Jadi setelah itu tambahan kami rami memang di kelas tu yang urang Padang/urang minang la gitu, terakhir, Memi, Gina, Si Isil, tiara, ado Rina namonyo, ado anak yang keturunan Padang yang nyo ngarati baso Minang, cuma kami saling carito la gitu kan, jadi dek saking hebohnyo carito-carito baso Minang dan kakak-kakak kelas tu kan “Yang urang Minang yang ma?” gitu kan, bakumpua, maota-ota, jadi kayak gitu urang tu tau. Jadi dek kami heboh bana kan, jadi urang tu “Oo..orang Padang”.

P : Setelah urang-urang tu tau Memi dan kawan-kawan urang Padang, ba a tanggapan urang-urang tu?

I : Banyak yang nanyo “Eh…kalau orang Padang itu cowoknya dibeli ya?” banyak la yang tertarik samo kebudayaan awak, kebudayaan awak agak unik la, beda samokebudayaan lain. Jadi urang tu banyak yang nanyo-nanyo “Bahasa Padang nya ini apa? Oo..gitu ya….”, “Aku tengok l bahasa kalian, kalian ngomong-ngomong ya”, gitu-gitu lah urang tu. Kadang kami maota dicaliaknyo elok-elok tu. “Ntah apa-apa pun ngomongnya”.

P : Memi maraso PD ajao gitu yo jadinyo?

I : PD ba a, bangga lo lah gitu kan, secara emang itulah identitas wak urang Minang, kami samo kami samo urang Minang atau yang mungkin bisa babaso Minang dak pernah lah babahaso Indonesia gitu.

P : Kalau kawan-kawan di sekitar Memi yang mandanga itu ado yang maraso tasingguang dak/

I : Kalau tasingguang sih indak, tapi ado juo dek kami asik ngomong kan, “Aiiih…bahasa Indonesia aja napa, aku dak ngerti” keceknyo, ado juo yang gitu.

P : Pernah maraso ado perbedaan atau diskriminasi ndak? I : Dak sih, dak ado do.

P : Kalau dapek julukan-julukan dek Memi urang Minang gitu ado ndak?

I : Ado, dapek panggilan uni, tapi saketek urang yang kayak gitu, yang dakek ajo.

P : Pernah terjadi kesalah pahaman samo urang-urang siko? I : Ndak lo do.

P : Kalau di kosan memiurang-urang ma se?

I : Campua, ado urang Minang, ado urang Jawa ado urang Bataknyo. P : Banyak an yang ma?

I : Kalau di kosan yang kini urang Minang yang banyak, urang Batak pun banyak, urang Minangnyo sapatigo lah.

P : kalau di kosan Memi labiah banyak bagaua samo sia? I : Gabuang ajo sih.

P : Kalau di kampus?

I : Gabuang juo nyo. Memi samoan se sadonyo.

P : kalau perbedaan kebiasaan yang mencolok taraso dek Memi antaro urang Awak jo urang disiko?

I : apo yo, kurang memperhatikan lo la apo perbedaannyo, dek Memi pukul rata se sadonyo. Dak lo Nampak bana apo perbedaannyo paliangan kalo masalah gaya, soalnyo kalau urang Padang kalau menurut Memi ba a yo, awak lah yang paliang rancak, awak lah yang paliang apo, paliang banyak yang kayak-kayak gitu. Masalah fashion mungkin kan urang siko lebih cuek lah menurut Memi masalah style samo penampilan, ya suka-suka ajo lah gitu a. kalau urang Padang kan, menurut Memi ba awak yang paliang rancak ba a lah. Tapi kalau urang Padang disiko dak lo gitu-gitu bana Nampak dek Memi do, dek lah gabuang lo samo urang-urang tu, jadi lah mirip gitu lo lah. Itulah nan tacaliak dek Memi.

P : Kalau pas ospeknyo ado masalah ndak?

I : Nah….pas ospeknyo, alah wak patamo kali kasiko awak dibentak-bentak, dak biaso samo bahasonyo, dibentak-bentak dak jaleh, cari-cari kesalahan, trus dengan bahaso nyo yang “tunduk klen deek..” jadi raso makin kesal lah,sampai kini pun kalau caliak urang-urang tu yang pribadinyo kayak itu, jadi dak respek.

P : Maleh dak Memi bersosialisasi samo urang tu sudah tu?

I : maleh, dulu kan senior tu, sampai kini pun kalau basuo samo senior tu yang bentak-bentak awak tu, jadi ndak respek ajo lah caliak inyo kayak gitu. Mungkin waktu itu se nyo bantuak itu, tapi ntah lah tabaok-baok se sampai kini. Trauma la gitu istilahnyo.

P : salamo Memi disiko, identitas Memi disiko membantu Memi ndak?

I : Membantu sih, dalam banyak hal. Misalnyo, di kampus lah kan, kayak bagaian kemahasiswaan Memi kan yang ngurus-ngurus apo-apo itu, apak tu kan urang Minang, walaupun apak tu lahia disiko Cuma nyo ngarati bahaso Minang, jadi dakeklah samo apak tu. Jadi, kalau wak ado keperluan, lai lah nyo bantu-bantu. Tapi kami bahasa Indonesia se samo inyo. Trus di lain hal kalau wak balanjo-lanjo, “Urang Minang diak?” beko lai dilabiah-labiahan. P : Kalau samo urang-urang disiko?

I : Ndak ado sih, kalau nampak-nampaknyo bana ndak ado do. P : Kenal samo komunitas Minang disiko ba a carito nyo?

I : Waktu tu kawan samo sa Sangka, si Widya, kato Isil inyo masuak SNMPTN, tu otomatis disambuik samo IMIB. Nah..disambuik samo IMIB, Memi kan UMB, waktu tu emang telat ka rektorat, jadi dak tau Memi do, dek urang tu dikecek an nyo “Memi, ado urang Minang lo disiko, capek lah ngumpua wak, kayak gitu la patamo kalinyo.

P : Pas Memi tau ado komunitas Minang tu ba a?

I : Yo, sanang sih, dunsanak la rasonyo. Wak tingga jauah kan, wak tingga surang disiko, rasonyo jadi ado kawan-kawan yang bisa dibaok babagi lah. P : Kawan-kawan dakek Memi bara urang?

I : Kami batigo nyo, Memi, Tiara, ado Martha yang anak Medan. P : Kalau samo Martha ba a?

I : Yo dek lah dakek mungkin kan. Kalau pun dak sebudaya, tapi deknyo dulu tingga di Jambi, jadi kalau kami ngomong, nyo ngarati bahaso Minang gitu kan , jadi yo enjoy se, sanang se berbeagi samo nyo.

P : Sajauah ko Memi tingga disiko, apo perubahan yang taraso dek Memi?

I : Jadi labiah barani, lebih mandiri, dulu yang mungkin ado lah takuiknyo atau ba a, kini..ahh.. wak lah gadangnyo, dek seiring usia pun kan jadi lebih dewasa menyikapi hal-hal itu.

P : Di kampus Memi ikuik organisasi?

I : Ciek sih, FORKIS, urang musholla, relawan di BSMI, Cuma dak begitu aktif sih, kalau ado acara yo ikuik-ikuik berpartisipasilah itu, trus selain itu di IMIB.

P : Motivasi Memi ikuik-ikuik kegiatan di kampus tu apo?

I : Ba a yo, patamo tu kan yang Memi butuhkan pengalaman, banyak pengalaman, yo makin banyak lo lah pengetahuan kan yang dak wak dapek an di kuliah, trus semakin bayak relasi, semakin banyak yang wak kenal, semakin banyak lo wak tau karakter urang tu beda-beda.

10. Wahyu Eko Putra

P : Di keluarga wahyu masih kental ndak samo budaya minangnyo?

I : Kalau keluarga yang di kota mungkin lah agak puda lah budaya minangnyo, tapi keluarga yang di kampuang urang tuo masih kental.

P : Kampuang urang tuonyo dima?

I : Kalau apa di Palembayan, Agam. Kalau ibu di Muaro labuah, Solok Selatan. P : Acok pulang ka kampuang?

I : Sakali sataun, paliang ndak dalam sataun tu ado pai kasitu. P : Kalau yang tingga di Padang sia se?

I : Nenek dari ama, tu keluarga Wahyu, ama, apa, adiak-adiak 2 urang. P : Di rumah Wahyu masih pakai bahaso minang?

I : Masih,

P : Kalau di sekolah?

I : Kalau di SMP dulu dilarang bahasa daerah, SMP di pesantren Hamka, Padang Pariaman, kalau di SMA baru pakai bahaso minang. Sabananyo sih dilarang, tapi kami pakai bahaso minang juo.

P : Suku Wahyu apo?

I : Suku apa Chaniago, suku ama Panai ateh, suku urang Solok Selatan. P : Mamak wahyu ado?

I : Mamak? Adiak ama kan? P : Acok komunikasi samo mamak?

I : Acok, mamak yu 3 urang. Jadi acok komunikasi, yang surang di Solok Selatan, yang 2 urang lai di Padang.

P : Yang mamak Wahyu 2 urang tu ado ndak maagiah pembelajaran tentang budaya minang?

I : Kalau mamak yang di Padang tu kurang acok komunikasi, tapi yang di Solok Selatan nyo kan acok juo ka Padang, caliak nenek kan, jadi itulah yang acok maajan Wahyu tentang nilai-nilai kehidupan.

P : Kalau mamak yang di padang tu kok jarang?

I : Yang surang tu lah bakaluarga, yang surang lai lah bakarajo.

P : Dari mamak yu yang di Solok Selatan tu apo ajo sih yang diajaannyo?

I : Tentang bagaul samo urang, tentang raso jo pareso, tentang baa ma manajemen diri, baa caro batindak.

P : Panyampaiannyo kayak apo?

I : Misalnyo kadang sadang baduo di ateh onda, tu carito-carito, kalau di nagari urang mode-mode iko.

P : kalau sabalum kamari, lai mamak yu magiah samacam nasehat, gitu?

I : Lai, elok-elok se di nagari urang, di nagari urang tu kalau bisa cubo la dakek samo urang-urang minang disitu tu.

P : Trus, taunyo samo urang-urang minang disiko baa?

I : kan pas ado PMB tu, nan itu lah, diajak ngumpua-ngumpua jo urang minang, awalnyo pas patamo-tamo kuliah, maleh gabuang kan, dek sibuk kan, jadi dek alah agak-agak ado waktu luang stek baru baliak liak, sampai kini.

P : Baa dulu awalnyo Wahyu bisa miliah kuliah kamari?

I : Awalnyo pai ka Medan..patamonyo dulu..Medan ko piliahan kaduo, piliahan partamo UI, kaduo USU, katigo UNAND, karena memang dari dulu bosan di Sumbar. Sabananyo kan niaik yang paliang gadang tu pai ka Jawa, makonyo ambiak piliahan partamo tu di UI.

P : Miliah USU dulu baa? Ado keluarga yang disiko? I : Iyo, ado keluarga disiko, adiak kanduang apa, ante yo?

P : Pas awal-awal masuak kamari apo pandapek Wahyu tentang kota Medan? I : Pandapek yu tentang kota Medan, kalau kota Medan tu kan kota besar, jadi

tau lah kan,, baa kota besar tu, urang-urang disitu tu dak urang-urang batak se do, tapi ado juo urang-urang selain urang Batak. Tapi pas tibo di Medan, basobok jo urang batak saketekyo, kebanyakan urang Aceh atau urang Melayu, kalau di lingkungan Wahyu kini ko yo kebanyakan urang Melayu atau urang Aceh.

P : Kalau gambaran yu tentang urang-urang nyo baa?

I : Secara keseluruhan, sebelum pai kamari, danga-danga kecek urang, katonyo kareh, tapi alah carito-carito lo samo senior2 yang ado di Medan ko, tapi nyo pindah liak ka Padang, keceknyo yo di Medan tu kareh, trus ciek lai pergaulannyo terlalu bebas, jadi elok-elok se di Medan, kecek senior tu. Tapi lah pai kasiko, indak lo bantuak tu bana do, lingkuangannyo biaso-biaso se nyo.

P : Katiko awal-awal disiko, apo se yang buek wahyu takajuik disiko?

I : hmm, takajuiknyo caliak watak-watak urang disiko lah, yang bataknyo, misalnyo kalau di jalanan, urang-urang tu ndak amuah mangalah, masuak se taruih, dak amuah mangalah do, tu ciek lai,,pernah lo dulu kanai tipo dek

tukang becak, dak tau wak ongkosnyo waktu tu doh, wak agiah pitih 100 ribu, nyo baliak an 15 ribu, tu kaburnyo lai.

P : Dari ma?

I : Dari amplas, ka kamari, wak pacik an becaknyo, wak egangan, tapi kabur juo nyo, dek awak macik koper lo ciek.

P : Surang se Wahyu pai kamari?

I : Iyo, surang se, wak dak tantu ado urang-urang tu ado di kos doh, kalau tau kan wak panggia kawan kos tu. Baa lai, sajak tu sampai kini ndak pernah naiak becak lai do.

P : Kalau tentang makanan disiko baa?

I : aa.. iyo..makanan di medan partamo kali mancubo makanan di Medan, jauah bana beda rasonyo samo nasi yang di Padang..nasinyo agak-agak lengket, tapi kini lah tabiaso.

P : Makan di lua atau masak surang? I : Makan di kos, di masak an bu kos. P : Kalau sambanyo disiko baa?

I : Sambanyo samo-samo se nyo, nasinyo yang beda.