……… Mihing dinmun zahtakkai theih nading Topa’ geelna omkhin hi. Mi-khat in nang tungah hong leibat ciangin, hong lohding hun a tunciang – zahtakna lianpi pia lecin na hizo diam? Ama’ huang sungah lutin sutgawp kei in. A pualam pan ngak ding a, amah hong paikhia in kipiasak ding ci hi. Thuhilhkikna 24:12, 13 in, mizawngpa in “kilemna’ng” in apuansilh lai hong koihleh zong, zan ciangin ama’ puan mah silhsak kikding cihi.
Mundangte in zong mizawng simmawh ding abaih mahmahte in, na hong sepsak ciangin hihding dan hong hilh hi. Tuate nenniamna pen Pasian’ maiah mawhna hi a, a dahhuai ahi hi. Israel in, khialhna, milimbiakna, git-lohna leh mawhna tawh a kidim leitungah, thumaan tawh kalsuan ding leh teci pangding a siangtho mite hi uh a; a thanembel mite leh a namtawmbel minamte tungah hoihna dikna lak ding uhhi. Tua ahihkeileh amau teci panna in amawkna hiding hi.
James 1:27–2:11 simin. James laikhak sungah, Thuhilhkikna sung Topa’n amite kiang a genthu a lengkiksak bang omhiam? James in mizawngte simmawhna a genthu leh Thukham Sawm a kizopna kician bangpeuh omhiam?
……… Thukham Sawm sungah, mihaute in mizawngte a simmawhna a tangkawk pahna cihbang, thukham laimal sungmahmah panin, upnanei akici mite, thukhamzui akici mite in, mizawng mi cimawhte a bawlsiatna cihbang ompah tuanlo hi. Eimah i ki it zahin vengte zong itding cihin, Pasian’ thu-kham lianpen hipahlel a, James hunlai ahi a, Moses in Gam Siangtho gamgi ah Israel mite kiangah a genlai ahi zongin, tuhun mahmah ahi zongin tulai
thuman ahi hi.
Ei Seventh-day Adventistte in, thukham citak takin zui i hihteh, Thuhilhkikna leh James kammalte i awlmawhteei hiam? James thupiak-te simkhin hang a, thukham zuih ding upna in, mizawng mi cimawhthupiak-te huhnopna koibangin hong thahatsak thei hiam?
Friday October 29 NGAIHSUTBEH DING: Hun hoih pen laitak, David leh Solomon maan
laitak, Israel mite in Pasian’ thupha a nak saan mahmah laitak nangawnin, mizawng, cimawh thanem, pampaihte a simmawh zenzen uh pen ngaihsut haksa mahmah hi.
“Note in mizawngte tuancil in
A anneih khempeuh laksak nahih manun, tua suangseek inn na lamuh hangun,
Tua suang inn sungah na tengkha kei ding uh a; Lenggui lo hoih na neihuh hangun,
A lenggahzu na dawnkha kei ding uhhi. Na khialhna tampite leh na mawhna tampite a vekin ka thei khin hi:
Thumaan mite gimsakin, sumgolh na la uh a; Thukhen zumah mizawngte’ thu
a maanin na khenkei uhhi.” Amos 5:11, 12. “Topa in upate leh,
Ama’mi uliante tawh thukhen dingin kipan a: ‘Lengguilo a netumte note nahi uhhi;
Mizawngte’na akisutte note innsungah omhi.’ “ Isa. 3:14.
KIKUPDING DOTNATE:
1. Israel in amaute Egypt ah “peemta” ahih lamuh phawk dinga, amau peemta ahihlai vua amau tungah kibawl ding adeih bangun, amau laka peemta, mizawng pampaihte bawl ding cihthu ahi hi. Hih thuman in, Zeisu’ sisan hangin mawhna pan hong suahtaksak-na lungdamthu tawh koibangin kizomthei ding hiam? Zeisu in eite ading hong hihsak thute leh, mite tungah i hihdan adiak in thanemte tungah i gamtatnate koibangin kizom hiam?
2. Ngaihsun in. Nipi maan tanghang ei, sihna thu amaan thei hang, sapi thu zong telhang. Hoih mah hi. Eite laka thanemte nengniam in, thumaan thukhen ding hunin, i dinmun hoih takin lenkip zo kei
leng, bang i ci mawk ding hiam? Thumaan a theite i hi phadiak a, tua i thumaan awlmawhlo in, Pasian hong ngetna awlmawhlo in koibangin omthei ding ihi hiam? Tua in eite a ding a lauhuai thaang koibangin hithei hiam?
3. Eima’ upna in “mihing thuneihna” (human rights) i telcian nadingin koibangin hong panpih thei ding hiam?
LESSON 6 *October 30–November 5 TUA ZAH A LIAN BANG MINAM OM HIAM?
SABBATH NITAKLAM: October 30
Tukalsung Simding: Thu. 4:1–9, Mate 15:1–9, Gam. 25:1–15,1 Cor.
10:13, Thu. 4:32–35, Mate 5:13–16.
KAMNGAH: “Tuni-in note kong hilh thute bangin thukham leh ngeina kip maan anei minam lian koi-ah om ahi hiam?”
Thuhilhkikna 4:8.
Thuhilhkikna akhenlian masa thumteng pen tangthubu vive hi a,
mipite in amau hihnasa khempeuh phawkkiksak nuam hi. Chapter lina a tuntoh ciangin, tangthu lampan sermon lamah pai kik hi. Thu piangteng peuh mawk sutsut hi lo a; a deihna bulpi bel, Pasian vangliatna leh lainatna in mipi lakah nasem gige a, amaute a pheng vakvak uhhang, Topa in amaute tawh a thuciamna lemkip nginget hi.
Chapter lina in Hebrew laimal we‘attah kici, “Tua ciangin, tu in” cihna ahi hi. Amau’ tangthu piangte en phakik uh a, Pasian in hihciang dong hong tun ahihmanin, “tu in ”Pasian sawlna bangin hihna (Thuhilhkik 10:12) tawh dawng ding cihi.
“Tu in” a cihkhit ciangin hong paikik pen “shama” hi leuleu a, thun-getna “Shema” kipatna ah kizang a, “za” “ngai” ai’hke’h “mang” cihna hi a, Thuhillhkikna sungah tamveipi kisut hi.
Tua chapter kipatna ah: Tu in, Israel aw, Keimah in note ading Kong hihsaksa bangin, a nuai a teng nazui ding uhhi . . .
Sunday October 31 BEHLAPLO, KHIAMLO
Thuhilhkina 4:1, 2 simin. Topa in ama’ “thupiak leh thukhenna” te tawh kisai bang vauna pia a, tua a vaunate hangin amau ading bang thupi omhiam? (Thu. 12:32 zong sim in).
……… Topa in ama’ “thupiak leh thukhenna” mang dingin sawl a, behlaplo ding zong khiamlo ding cihi. Banghang maw? Banghangin mihing in Pasian thukham khelnuam pahpah hiam?
Athu theimah hang e, maw.
“Satan in tawltheilo tawlngalo in vantung pan kipan tuciangdong mah Pasian’ thukham khel dingin hanciam ngitnget hi. A pukma vantung pek panin, Pasian’ thukham in thumaanzo taktaklo ahihmanin puahphat kullai ding acihcih tengmah leitungin a up dingin gengen lai hi. Christian pawlpi a tamzawtham in, kam apauloh uhhang, amau lungsimpuak ngiat tawh tua thu-khial pen sanguh hi”—Ellen G. White, Selected Messages, Book 2, p. 107.
Tanglai Israel mite’ tangthu na ngaihsut ciangin, amau buaina pen, Pasian’ thukhamte a zuihlohna leh zuihding sepding pawlkhat khiam lailai bekthamlo, thukham sungmah ah a omsa pawl khatte pen a zuihdan ding ngeina tampitak, thukham sungah a omhetlo pipi behlap neunau uh a, tuate in palsatna lamah amau paikhialsak zawsop hi.
Mate 15:1–9 sim in. Moses in Israel mite a hilhhilh thute lakah