Bahan Jamita
EV. Sepanya 1:7+12-18 EP. 1 Tessalonika 5:1-11
Parade ma Ngolum dohot dirim laho manomunomu ari Ni Tuhan i Patujolo
Panurirang Sepania ima panurirang na targoar panurirang istana, siala ibana keturunan ni raja ima raja Hizkia. Ibana manurirang dimasa pemerintahan Yosia. Dibagasan tingki i posisi Assyur naeng hancur jala na naeng mangarajai ima Babel. Jadi konteks ni jamita on ima ditingki nasida naeng masuk tu habuangan Babel. Jolma dibagasan tingki i nunga mangalehon rohana tu Assyur jala nasida marsomba tu Baal. Jala godang diulahon angka na so adil, ulaon na jat sian horong ni pamarenta tu rakyat. Lapatan ni goar sepania ima “Debata manabunihon/Tuhan Menyembunyikan)
Sipahusorhusorhon
Ayat 7: Donok ma Tu Debata Siala Donok nama ari ni Jahowa
Ulaon na so denggang ido gabe dihasomalhon angka jolma dibagasan tingki i, nasida mulak muse marsomba tu baal jala mangalehon roha dohot pingkiranna tu baal. Ndang dirohahon nasida be parugamaon tu Debata jala sipalessem do sudena dibahen nasida. Ari ni Jahowa ima gombaran naeng ro nama Tuhan i laho pasiaphon jolma i di bagasan ngolu ni jolma i. Dison nunga dibahen Jahowa sada pelean sipotongan ima na manggombarhon na Debata do paulihon pelean jala sian Debata do pelean na denggan ndang pelean na dilehon halak Israel ditingki i na holan sipalessem sambing. Jala didok nunga diparbadia i halak na piniona ima manggombarhon nunga adong jolma na dipillit Debata ima angka jolma na mian dibagasan Debata. Ditongatonga bangso na mangulahon angka na jat i tong do adong angka na so mangulahon na jat jala torus marsomba tu Debata.
Ayat 12-13: Debata sandiri do ro manopot jolma i di ari ni Jahowa i
Dison ro do Jahowa manopot bagas ni angka parjahati jala manopot jolma na nalom roha dituaknasida. Jala jolma dibagasan tingki i barani do mandok ndang adong na denggan dohot na jat bahenonni Jahowa dison hira so dipanghilala na so adong Jahowa marlapatan di bagasan ngolu nasida. Alai dibagasan ari ni Jahowa i disima annon dipanghilala nasida sude angka hamoraan nasida salpu do, dohot jabu na dipauli nasida ndang diinganannasida jala ndang diinumnasida nama anggur na disuannasida. Jadi ari hasusahan do ari ni Jahowa diangka na mangulahon angka na sodenggan.
Ayat 14-18: jorbut do ari ni Jahowa i jala ndang boi digarar marhite hamoraon na adong dihita.
Gambaran ari ni Jahowa mansai borat do jala dibagasan tingki i didok si sepania disi ma annon mangangguk bobar ulubalang, siala ari pangarimasan, hagogotan, pardangolan, partabanon, hamagoan, jala ari haholomon namarimpotimpot. Jala langit ni Debata tarbuka jala parsarunean dohot suraksurak manahopi jala hasusahan nama di jolma i jala mardalan nasida song halak na ma pitung. Jala ndang boi tagarar sudena i marhite arta, sere, perak jala dipasuda Debata do tanoon. Marhite turpuk jamitai ima gombaran na naeng diadopi bangsa Israel siala uaon nasal dibahen nasida jala ari ni tuhan i didapot nasida ima na tarbuang nasida di Babel.
Dibagasan ngolunta jotjot do tahilala ndang adong Debata ditongatonganta sialani jotjot do ta ulahon angka nasala jala godang do hita bangga dibahen hahurangan dohot hasalahanta i. Dison didok tu hita naeng ro ari ni Jahowa alai na porlu ta boto ia ari ni Jahowa ndang boi diboto manang ise ala songon panangko borngin do haroroNa. Alai na ingkon ro do ari ni Jahowa i sialani dipasingot tu hita ganup marsadasada ala jorbut do ari ni Jahowa i jadi tapadengganma haporseaonta, parsaoranta, keluargata, doht parkarejoanta. Molo disukhun tu hita angka na dia nanaeng ta dapot di ngolunta pasti hita mangido angka nadenggan alai ro ma angka naso denggan ra dibagasan pingkiranta jahat do Tuhan i, hulului nama tuhan naasing na boi pasonanghon ahu. Sialani godang hita paduahon Tuhan i dingolunta. Porlu ta boto angka nauli na denggan do dipasahat Debata tu hita jala molo ro so denggan dingolunta tontu taberengma di ngolunta aha nasala na tulahon unang pintor hatophatop hita manadinghon Debata. Jala dungkun ro hasonangan tu hita, hita lupa tu Debata malahan ro tu rohanta songon dia asa hot hasonangan dohot huaso i di hita jadi tatinggalhon Debata laho do hita mangalului na asing songon na diulahon halak Isarel i ima mangihuthon assyur manomba baal. Jadi ise do na sala disi, Tuhanta manang hita???? Jadi paima ro ari ni Tuhan i taparade ma dirinta dibagasan haporseahon di ngolunta, jala taingotma ndang dihita portibion jala salpu do sude angka naadong dihita sogot baik arta, sere, perak, jabu, sawit, jabatan, jala ndang boi tadok tu Debata godang do Tuhan artahu,serehu, perakhu, jabuhu,tanohu, jabatanhu ima hulehon tu Ho, ndang dijalo Debata i siala naung tusi torus roham,pingkiranmu, dohot haporseaonmu. Sialani mulak ma hita tu Debata tabahenma angka nadipasahat Debata i di hita gabe taulas ni roha tu adopan ni Debata jala asa hita do na didok si Sepania na pinioanai na dipillit Debata. Jala naung dipasahat Debata pelean sipotongan tu hita ima diriNa marhite Tuhan Jesus na manobus hita asa hita na dipillit Debata. Alani Parade dirim jala pangke tingkim dohot denggan unang pintori naeng di ho portibion ala pajonok ma dirim tu Debata.
Bahan Jamita sian Pdt. Rukun Hutagalung, S.Th khusus tu St.Danson Marbun, S,P
