76
Nisa, 2016
MODÉL GROUP INVESTIGATION PIKEUN NGARONJATKEUN KAMAMPUH NULIS LAPORAN
Universitas Pendidikan Indonesia | repository.upi.edu| perpustakaan.upi.edu
BAB V
KACINDEKAN, IMPLIKASI, JEUNG SARAN
5.1 Kacindekan
Dumasar kana hasil panalungtikan, analisis, jeung pedaran, kamampuh nulis laporan ngagunakeun modél pangajaran group investigation ka siswa kelas VIII-6 SMP Negeri 43 Bandung taun ajaran 2015/2016, bisa dicindekkeun ieu di handap. 1) Kamampuh nulis laporan siswa kelas VIII-6 SMP Negeri 43 Bandung taun ajaran 2015/2016 saméméh ngagunakeun modél group investigation kurang nyugemakeun. Hasil pretest nulis laporan siswa miboga peunteun rata-rata 54,4, hartina siswa can mampuh nulis laporan. Ditilik tina kritéria peunteun nulis laporan anu ngawengku lima aspék, nyaéta: a) kamampuh nulis laporan aspék eusi miboga peunteun rata-rata 15,98 anu kaasup kategori kurang-alus, b) kamampuh nulis laporan aspék organisasi miboga peunteun rata-rata 10,77 anu kaasup kategori sedeng-cukup, c) kamampuh nulis laporan aspék diksi miboga peunteun rata-rata 10,7 ampir kaasup kategori sedeng-cukup, d) kamampuh nulis laporan aspék makéna basa miboga peunteun rata-rata 13,97 anu kaasup kategori sedeng-cukup, jeung e) kamampuh nulis laporan aspék mékanik miboga peunteun rata-rata 2,98 anu kaasup kategori sedeng-cukup. 2) Kamampuh nulis laporan siswa kelas VIII-6 SMP Negeri 43 Bandung taun
77
Nisa, 2016
MODÉL GROUP INVESTIGATION PIKEUN NGARONJATKEUN KAMAMPUH NULIS LAPORAN
Universitas Pendidikan Indonesia | repository.upi.edu| perpustakaan.upi.edu
3) Analisis béda signifikansi kamampuh nulis laporan siswa kelas VIII-6 SMP Negeri 43 Bandung taun ajaran 2015/2016 saméméh jeung sabada ngagunakeun modél group investigation bisa katitén tina hasil babanding pretest jeung posttest anu nuduhkeun yén hasil rata-rata pretest jeung posttest siswa ngaronjat tina 54,4 jadi 75,98. Hartina gedé pangaruh modél pangajaran group investigation dina ngaronjatkeun kamampuh nulis laporan nyaéta 21,58. Ditilik tina kritéria peunteun nulis laporan anu ngawengku lima aspék, nyaéta: a) kamampuh nulis laporan siswa dina aspék eusi nuduhkeun béda anu signifikan, hasil pretest miboga peunteun rata-rata 15,98 sabada posttest peunteun rata-ratana jadi 20,72, hartina modél group investigation gedé pangaruhna pikeun ngaronjatkeun nulis laporan dina aspék eusi nyaéta 4,74 , b) kamampuh nulis laporan siswa dina aspék organisasi nuduhkeun béda anu signifikan, hasil pretest miboga peunteun rata-rata 10,77 sabada posttest peunteun rata-ratana jadi 16, hartina modél group investigation gedé pangaruhna pikeun ngaronjatkeun kamampuh nulis laporan dina aspék organisasi nyaéta 5,23, c) kamampuh nulis laporan siswa dina aspék diksi nuduhkeun béda anu signifikan, hasil pretest miboga peunteun rata-rata 10,7sabada posttest peunteun rata-ratana jadi 16,05, hartina modél group investigation gedé pangaruhna pikeun ngaronjatkeun nulis laporan dina aspék diksi nyaéta 5,35, d) kamampuh nulis laporan siswa dina aspék makéna basa nuduhkeun béda anu signifikan, hasil pretest miboga peunteun rata-rata 13,97 sabada posttest peunteun rata-ratana jadi 19,67, hartina modél group investigation gedé pangaruhna pikeun ngaronjatkeun nulis laporan dina aspék makéna basa nyaéta 5,7, e) kamampuh nulis laporan siswa dina aspék mékanik nuduhkeun béda anu signifikan, hasil pretest miboga peunteun rata-rata 2,98 sabada posttest peunteun rata-rata-rata-ratana jadi 3,55, hartina modél group investigation gedé pangaruhna pikeun ngaronjatkeun nulis laporan dina aspék mékanik nyaéta 0,57.
Hasil uji hipotésis ogé nuduhkeun yén titung > ttabel, nyaéta 14,39 > 2,46 hartina
hipotésis alternatif (Ha) ditarima jeung hipotésis nol (Ho) ditolak. Ku kituna bisa
78
Nisa, 2016
MODÉL GROUP INVESTIGATION PIKEUN NGARONJATKEUN KAMAMPUH NULIS LAPORAN
Universitas Pendidikan Indonesia | repository.upi.edu| perpustakaan.upi.edu
Negeri 43 Bandung taun ajaran 2015/2016 saméméh jeung sabada ngagunakeun modél group investigation.
5.2 Implikasi
Tina kacindekan anu geus dipedar di luhur ngeunaan hasil ieu panalungtikan, modél pangajaran group investigation méré pangaruh positif atawa implikasi dina kamampuh nulis laporan. Sangkan leuwih jéntré, ieu di handap ditétélakeun implikasi tina ieu panalungtikan.
1) Siswa miboga tanggung jawab anu gedé dina ngerjakeun pancén, ieu hal katitén nalika siswa néangan sumber pikeun ngaréngsékeun pancén.
2) Siswa jadi kréatif jeung mandiri dina ngerjakeun pancén.
3) Siswa jadi miboga rasa percaya diri dina ngébréhkeun sawanganna nalika prosés invéstigasi/gawé kelompok.
4) Siswa jadi parigel dina mekarkeun karangan, léngkep dina organisasi, bisa milih kecap anu mérénah, jeung maham kana éjahan basa Sunda.
5.3 Saran
Ieu di handap dijéntrékeun sababaraha saran, dumasar kana hasil panalungtikan ngeunaan kamampuh nulis laporan ngagunakeun modél pangajaran group investigation ka siswa kelas VIII-6 SMP Negeri 43 Bandung taun ajaran 2015/2016.
1) Tina hasil panalungtikan anu geus dilaksanakeun némbongkeun yén modél pangajaran group investigation bisa ngaronjatkeun kamampuh nulis laporan siswa, ku kituna ieu modél bisa jadi alternatif pikeun guru dina pangajaran nulis, hususna dina nulis laporan.