LITURGI TUTUP TAHUN 2021
BUKA TAHUN 2022
TEMA :” O TUHAN AJARI KAMI MELIGAI WARI-WARI (Bdk. Masmur 90 : 12 )
SUB TEMA : “KEPENTAREN SINIBEREKEN DIBATA, MPENGASUP JABU NGERGAKEN KEKELENGEN TUHAN
RAS TETAP UKUR NGALOKEN TAHUN SIMBARU”
A. PERSIKAPEN
- Adi simabai kebaktin Serayan Tuhan ( Pdt, Pt/ Dk) maka ibabai mulai pemena seh dung. Adi lang mulai nomor 3 seh pertoton Tuhan (*).
- Aturken Topik pertoton syafaat ras si ertugas B. KATA PENARUH (iaturken keluarga)
Senina ras turang ibas kekelengen Tuhan Jesus Kristus, ibas paksa enda enggo seh kita ku bas wari penghujung tahun enda. Ibas si e mari si gejabken uga Tuhan enggo naruhken kegeluhenta, subuk ibas la bagi ukurta ras si bagi ukurta, subuk ibas senang tah ibas susah gia, subuk ibas sehat entah sakit gia, Tuhan tetap si ngakwali ras si ngarak-ngarak kita seh kita itaruhkenna ku bas penghujung tahun 2021 enda.
Emaka ibas ateta nutup tahun enda tetaplah sipindo gegeh ibas Ia nari gelah tetap kita ras Ia ibas ndalani tahun si mbaru
Rende KEE No. 181: 1 - 2
1. Segedang-gedang geluhku Itemani penebus Labo kai pe si kurang Adi tanNa negu t’rus Dame surga lit ‘bas aku IusekenNa nagku Kegeluhen jadi senang Kai pe la lit si kurang Kegeluhen jadi senang Kai pe la lit si kurang 2. Segedang-gedang geluhku Kubentasi k’rina e
‘Di si mberat reh man bangku Ia penahangisa Labo pediatNa ndabuh Minter kal iangkatNa Lalap i jagaiNa aku Iban keleng ateNa
Lalap i jagaiNa aku Iban keleng ateNa
C. KEBAKTIN
1. Votum : Kebaktin Nutup Tahun 2021 ras mbuka tahun 2022 enda ibenaken ibas gelar Dibata Bapa AnakNa Yesus ras Kesah si Badia.
Salam : Perkuah ate ras dame ibas Dibata Bapa ras ibas Tuhan Kristus nari ibas kerembaken Kesah Sibadia ras kita (kam )kerina gelah Amin.
2. Invocatio : Tapi ngaloi Jesus, “Malemen tuhu-tuhu ate kalak si megiken Kata Dibata dingen ndalankenca” (Lukas 11:28).
3. Rende KEE 217: 1.2 (*)
1. Meriah kal ukurta mujikenca, Dibata Raja mbelin si mulia Peblinken min gelarNa si Badia, ban Ia ngerajaisa sinasana
Reff. Maka bujur me Dibata man pujin, nai-nai nari genduari seh pagin Ban tandaiNa kita krina si suin, sembah Ia me madin
2. Dagena mari pujilah Dibata, si inget min kerina pemereNa
Lah tetap ras megegeh pe tendinta, mehuli me jadina krajang jelma… Reff 4. Responsoria : Penemani Dibata
L : TUHAN kap sekawalndu, arah kemuhenndu kap Ia guna ngampang-ngampangi kam.
P : La kam bangger ipar-pari las matawari tupung suari, ntah pe erkiteken sinalsal bulan tupung berngi.
L : TUHAN kap sekawalndu i bas kerina mara nari, Ia kap si njagai geluhndu.
P : Ia kap si ngkawali perberkat ras permulihndu, genduari nari seh rasa lalap.
5. Rende KEE 305: 1
O Tuhan Kam me penampat I bas geluhku O Tuhan Kam me ci cionku bas aru ateku Angin meter, udan meder Kam me kubunku O Tuhan kam me ikutenku segedang geluhku 6. Renungen
7. Pengakun Kiniteken 8. Persembahen
a. Kata Dibata kerna persembahen 1 Kronika 29 : 14b Sabap kerina ialoken kami i bas Kam nari nge,
janah kami ngulihkenca ngenca man baNdu kai si enggo iberekenNdu man kami.
Tupung si sehken persembahenta ras kita Rende KEE 450:1-3
1. Endesken kami man baNdu, sada bagin pemereNdu Persembahen kami baNdu, gelah ialokenNdu
Reff.
Pasu-pasuNdu min gelah, sitading ibas kami Ajarindu dage kami, mre persembahen baNdu
2. Si pepulung persembahen, si endesken e man Tuhan Asa gegeh kengasupen, mari si persembahken Reff
3. Krina jine si aloken, erta ras pe kiniliten Sada bagin si ulihken, asa si nggo sikapken Reff
b. Ertoto kerna persembahen ras Syafaat 9. Rende KEE 191 : 1 – 4
1. Iban kelengNdu e Iban liasNdu e La aku bene Aku idilo Kam
Bas lias ateNdu Ku surga e
2. Bujur ningkami ka Man baNdu o, Bapa Si mulia Si mere dalan e
Arah anakNdu e Kusurga e
3. Bahanlah min tetap Kam kukelengi kap Rasa lalap Senang geluhku e
‘Di tanNdu negu pe Ku surga e 4. Tergejap me tuhu Penegu-neguNdu
Senang aku Mejuah-juah me Ras isi jabu pe LiasNdu nge
10. Nimai jam 00.00 (pergantian Tahun) keluarga ngaturken kerna kesan ras harapen itengah-tengah jabu janah banci iselengi ende-enden tah pe Pujian sideban
KENCA BENGKET KU TAHUN 2022 11. Rende KEE No 117:1 - 4
1. Nggo mentas tahun male e Kam me kupuji Tuhan e
Jaga kawali Kam tetap Tendingku ras dagingku kap
2. O, Yesus Kam Penebusku Keleng ateNdu man bangku
Tahun si mbaru enda pe Taruhken perpulungen e
3. Ras kami min kataNdu e Man tending ukur kami e Pedauh min k’rina dosa e Ras percuban si jahat e 4. Lias ateNdu o, Tuhan
B;re min kami ras teman Urasi kami k;rina min Alu Kesah Badia kin
12. Ertoto ngataken bujur erkiteken enggo bengket ku tahun 2022
13. Responsoria : Muji kiniulin Tuhan
Lit : Teptep wari ku kataken bujur man baNdu, dingen rasa lalap ateku Kam kupuji
Perp : Tuhan kap simeganjangna, e maka man baNalah pujin simeganjangna, la kap terukuri uga belinna kemulianNa.
Lit : Tuhan perkeleng dingen perkuah kap, la pedas Ia merawa, janah dem keleng ate sitetap.
Perp : Man ise pe mehuli Ia, janah keleng ateNa man kerina tinepaNa.
Lit : Tuhan tetap ibas kerina padanNa, janah kai sibahanNa mehuli kal kerina.
Perp : Kalak simesera isampatiNa, kalak siguling iteguNa
Bujur kap kerina perbahanen Tuhan, ibas kerina si ibahanNa, Ia dem perkuah ate.
Lit : IberekenNa keperlun kalak si erkemalangen man baNa, idengkehkenNa penderkuhna, jenari ikeliniNa
Perp : Pujilah Tuhan ! o tendingku, pujilah Tuhan L + P : Asa umur geluhku, ku puji ateku Tuhan, ateku
rende man Dibata asa dekahna aku nggeluh.
14. Rende KEE 212 : 1, 4, 5
1. Perkuah ate si mbelin Nemani geluhku I je me aku erdalin Teruh perkuahNdu 4. Perkuah ate si mbelin Simahan dame e
Bengketi pusuh kami min Lah kami senang je 5. Perkuah ate si nbelin Alokenlah dage
La lit jumpa si terulin Bas Yesus ngenca e 15. Pertoton Tuhan
16. Pemasu-masun
L : Dibata sumbul kemalemen ate elah si ncukupi keperlunta (ndu) guna ndalanken si sentudu ras peratenNa, janah DIbatalah erdahin ibas kita (kam)arah Yesus Kristus gelah kita (kam) arah Yesus Kristus gelah kita (kam) arah Yesus Kristus gelah kita(Kam) ngelakoken si ngena ateNa. Man Kristuslah kemulian seh ras lalap. Amin.
P : Amin...Amin....Amin.
BAHAN RENUNGEN
Tema : O Tuhan ajari kami meligai wari-wari Sub Tema : Arah kepentaren ras pemeteh
sinibereken Dibata mpengasup jabu ngukurken ras nggejabken kekelengen Tuhan
Bahan Kotbah : Masmur 90 : 9-12
Ibas kita ndalani kegeluhen i doni enda sedekah sada tahun enda, terlebih pengaruh pandemic covid-19 si lenga erngadi-ngadi, janah katawari e pe banci jadi ancamen si serius man banta. Ibas situasi dampak pandemic enda erbahan erbage-bage situasi si terjadi si bagi ukurta ras si la bagi ukurta. Apai nge si buen sinihadapi kita ? Si bagi ukurta entah si la bagi ukurta? Adi la isampati Dibata geluhta sedekah enda entah enggo me kita ngelabuh, stress tah pe banci ka enggo bene pengarapenta.
Ibas renungenta enda me si-isaksiken Pemasmur arah pertotonna man Dibata. Maka manusia la lit gegehna si sada i bas ndalani geluh enda. E maka Dibata me gegehna ras inganna cicio. Ibas ayat 9-12 i idah Musa gendek umur manusia erkiteken rawa Dibata desken sekali erkumesah saja ngenca. Enda nuduhken kefanaan manusia, la lit si bujur sada pe lang manusia nggo meluat, lalap man persingeti kerna lagu langkahna si la bujur e. Adi nai umur manusia banci seh ratusan tahun, enda si idah Musa sekitar 70an. Adi megegeh banci seh ku 80an.
Menurut ahli kejiwaan adi rusur kita kulcipen enda tanda gejala stress. Janah enda nuduhken berarti melala kesusahen si alaken kita. Ras kalak si nggit stress berarti la ietehna uga er-Dibata. Adi kita nggo stress maka e banci mempengaruhi kesehatenta bagepe seh ku pengaruh umurta reh gendekna.
Kesusahenndu eme ayam-ayam geluh sierbahanca umur si gendek e pedas keri. E maka marilah ola kita nggit kulcipen.
Ibas si e, maka pemasmur enda ertoto mindo penampat
gelahna Dibata mereken kepentaren man banta ibas meligai wari-wari geluh enda. Sebab sifat manusia si fana (La kekal) erbanca manusia la ngasup make wari-wari enda. Melala tantangen si ijumpai kita ibas jabu-jabunta, terlebih dampak ibas Pandemi covid-19 enda. Lit berdampak ku ekonomi, sosial, bagepe mental. Apaika ibas tahun simbaru enda pasti lit tantangen si ijumpai kita. Ntah e berhubungen ras kesehaten, ekonomi, perkembangan teknologi ras sidebanna.
Amin bage la kita mbiar sebab Dibata tetap nggit nemani kita jadi ampang-ampang geluhta terlebih-lebih jadi ampang- ampang perang ibas ngalaken imbangta si iblis. Pasti kita ngasup alu teneng dingen metenget ibas kita ngalaken kerina perbeben geluhta. Gendek gia umurta tapi gedang maknana (berkesan) i lebe-lebe Dibata sebab i bas geluhta si dalanken si ngena ate Dibata, eme guna mpermuliaken gelar Dibata. E maka adi jumpa kita si mesera ula kita leben kulcipen segelah ula kita nukah kolihen, tapi erpengendes kita man Tuhan dingen gelah ngasup kita erkepe-kepe. E tandana kalak Kristen arus ngasup ngukurken ras nggejapken keleng ate Dibata ibas kiniseran si man alanken. Selamat berjuang alu kiniteken mengketi Tahun Simbaru. Tuhan Simasu-masu.
Amin.
