ARTIKEL DIPELAJAR KENA: 2-29 OGOS 2021 JUN 2021

(1)

J U N 2 0 2 1

ARTIKEL DIPELAJAR KENA:

2-29 OGOS 2021

(2)

SERABAN besai orang datai ngagai Jerusalem. Sida datai ari mayuh bengkah menua lalu bisi bansa jaku diri empu.

Utai ti ngalitka ati nyadi ba hari nya. Sekeda orang Judah ulih bejaku ngena bansa jaku orang ke datai nya. Ketegal nya, sida ke datai ari menua bukai tekenyit ati maya ninga orang Judah bejaku ngena jaku bansa sida. Tang sida mega alit ati ninga utai ke dipadah orang Judah sereta rasul Peter. Sida sedar sida ulih diselamatka enti sida arapka Je- sus. Lebuh sida ninga nya, ati sida balat ditegu lalu sida nanya: “Nama utai ti patut dikereja kami?” Peter nyaut sida:

“Nesal ati ke dosa kita, genap iku kita, lalu dibaptisa.”

—SKR. 2:37, 38.

2 Utai ke nyadi pengudah nya amat ngalitka ati. Kira 3,000 iku orang dibaptisa ba hari nya, lalu nyadi murid Je- sus. Nya meh pun pengawa nginjil ke diasuh Jesus kereja bala murid iya. Pengawa tu agi dipejalaika nyentukka diatu. Kemayaharitu, kitai begunaka mayuh awak kena nulung pemelajar Bup Kudus dibaptisa. Pengawa ngaga murid enda senang. Nya alai, kitai deka bejuraika chara kitai ulih nulung pemelajar Bup Kudus dibaptisa.

NULUNG PEMELAJAR NUAN NITIHKA UTAI KE DIPELAJAR IYA

3 Sebedau dibaptisa, pemelajar patut nitihka utai ti udah diajar Bup Kudus. (Bacha Matthew 28:19, 20.) Lebuh pe-

1. Murid Jesus ngasuh seraban besai orang ngereja nama?

2. Nama deka dipejuraika kitai dalam artikel tu? (Peda gambar ba mua majalah.)

3. Nitihka Matthew 28:19, 20, nama patut dikereja pemelajar kitai ngambika ulih ngaga pemansang lalu dibaptisa?

ARTIKEL

DIPELAJAR 22

Nulung Pemelajar Bup Kudus Nuan Dibaptisa

“Nesal ati ke dosa kita, genap iku kita, lalu dibaptisa.”

—SKR. 2:38.

LAGU 72

Madahka Pemendar Perintah Petara

DALAM ARTIKEL TU Artikel tu deka meresa chara Jesus nulung orang nyadi murid lalu baka ni kitai ulih nunda teladan iya. Kitai mega deka berandauka chara ulih ngena bup baru Idup enggau Lantang Belama Iya! Bup tu digaga kena nulung pemelajar kitai ngaga pemansang lalu dibaptisa.

(3)

melajar nitihka utai ti udah dipelajar iya, iya baka “orang siku ke pintar” ba sempama Jesus. Iya numbak lubang ti dalam kena nirika rumah iya ba atas batu. (Mat. 7:

24, 25; Luk. 6:47, 48) Baka ni kitai ulih nulung pemelajar nitihka utai ti udah dipelajar iya? Aram kitai berandauka tiga iti pekara ti ulih digaga kitai.

4 Nulung pemelajar nuan netapka juluk ati. Nama kebuah? Peratika sempama tu.

Enti nuan bejalai jauh, nuan engka sangkai ba sekeda endur. Enggau nya, nuan ngasaika pejalai nuan enda kelalu jauh. Sama mega, enti pemelajar netapka juluk ati ti ulih dijapai iya dalam timpuh ti pandak, tu ulih nulung iya sedar iya ulih nyapai juluk ati dibaptisa. Kena kutak “Uji Tu” dalam

4. Baka ni nuan ulih nulung pemelajar nuan terus ngaga pemansang ngambika dibaptisa? (Peda mega kutak “Tu- lung Pemelajar Nuan Netapka Juluk Ati lalu Nyapai Iya.”)

bup Idup enggau Lantang Belama Iya! ngam- bika ulih nulung pemelajar nuan netapka juluk ati. Ba pengujung tiap iti pelajar, ke- randauka baka ni juluk ati iya bisi kaul enggau utai ke udah dipelajar iya. Enti nuan deka pemelajar nuan nyapai juluk ati ti bukai, nuan ulih nulis nya ba “Utai Bukai.” Se- ruran ngena begian tu kena meresa juluk ati pemelajar nuan ke ulih dijapai iya dalam timpuh ti pandak sereta ke begunaka mayuh awak.

5 Nulung pemelajar nuan ngaga ubah da- lam pengidup. (Bacha Mark 10:17-22.) Jesus nemu, enda senang ba lelaki ke kaya nya nyual semua utai ti dikemisi iya.

(Mrk. 10:23) Tang, Jesus ngasuh iya ngaga ubah ti besai tu dalam pengidup iya.

Nama kebuah? Laban Jesus rinduka iya.

5. Nitihka Mark 10:17-22, Jesus ngasuh lelaki ti kaya nya ngereja nama, lalu nama kebuah?

1. Berandauka juluk ati ti ulih ditetapka iya 2. Tulung iya nemu utai ke patut digaga ngambika

ulih nyapai juluk ati nya

3. Suah muji iya maya iya ngaga pemansang

Tulung Pemelajar Nuan Netapka Juluk Ati lalu Nyapai Iya

(4)

Kekadang, kitai engka enda meransang pemelajar kitai nitihka utai ti udah dipelajar iya laban kitai ngumbai iya bedau bese- dia ngaga ubah. Kingatka, orang begunaka awak kena ngelengkaka pengidup ti lama lalu ngerasukka ulah ti baru. (Kol. 3:9, 10) Tang tumu agi nuan berandau enggau pemelajar nuan, jampat agi iya ulih ngaga ubah. Enggau tu, nuan nunjukka diri ibuhka iya.—Mas. 141:5; J-lam. 27:17.

6 Kitai enda tau enda nanya runding pemelajar kitai pasal sesiti pekara. Tu deka nulung kitai nemu utai ke ditemu iya enggau utai ke dipechayaka iya. Enti kitai suah ngereja nya, kitai deka senang agi berandau pasal topik ti tusah diterima iya. Bup Idup enggau Lantang Belama Iya! bisi mayuh tanya ke baka tu. Ambika chunto, ba pelajar 04 bisi tanya: “Ba runding nuan, nama asai ati Jehovah lebuh nuan ngena nama Iya?” Lalu ba pelajar 09: “Nama utai ke deka disampika nuan?” Terubah iya, pemelajar nuan engka tusah deka nyaut tanya ke baka tu. Tang nuan ulih nulung iya ngena ayat Bup Kudus tauka gambar ke bisi ba bup nya berundingka tanya nya.

7 Lebuh pemelajar nuan nemu utai ke patut digaga iya, kena meh peneleba bala menyadi bukai meransang iya ngereja nya.

Ambika chunto, enti pemelajar nuan tusah deka datai gempuru, nuan ulih nun- jukka video Jehovah Ibuhka Aku ba begian

“Aram Belajar” pelajar 14. Mayuh pelajar ba bup Idup enggau Lantang Belama Iya! bisi ngembuan peneleba ba begian “Belajar Ma-

6. Nama kebuah kitai patut nanya runding pemelajar Bup Kudus kitai?

7. Baka ni kitai ulih ngena peneleba bala menyadi enggau manah?

yuh Agi” tauka “Aram Belajar.”1 Tang nuan patut bejimat ngambika enda mandingka pemelajar nuan enggau orang bukai. Seliah- ka ari nyebut, “Enti iya ulih ngereja nya, nuan pan ulih.” Awakka iya empu sedar pasal utai ke patut digaga iya. Tang berandauka utai ti nulung orang ba video nya nitihka ajar Bup Kudus. Engka nuan ulih nyebut ayat Bup Kudus tauka utai ke digaga iya.

Nuan mega ulih nerangka, baka ni Jehovah udah nulung orang nya.

8 Nulung pemelajar nuan rinduka Jeho- vah. Baka ni? Giga peluang madahka kualiti Jehovah ngagai pemelajar nuan. Tulung meh pemelajar nuan mereti Jehovah nya Petara ti gaga ati, ke nyukung orang ke rinduka Iya. (1 Tim. 1:11; Heb. 11:6) Terangka ngagai pemelajar pasal penguntung ke diulih enti iya nitihka utai ke dipelajar iya.

Lalu padahka, tu meh bukti pengerindu Je- hovah ke iya. (Isa. 48:17, 18) Majak dalam pengerindu pemelajar nuan ke Jeho- vah, majak agi iya keran deka ngaga ubah dalam pengidup iya.—1 Jhn. 5:3.

MAI PEMELAJAR NUAN BEKELALA ENGGAU BALA MENYADI KRISTIAN

9 Enti pemelajar deka ngaga pemansang lalu dibaptisa, iya enda tau enda ngelengkaka sekeda utai. Baka lelaki ti kaya ti disebut ba pun tadi, sekeda pemelajar engka patut ngelengkaka utai ti dikemisi sida.

1 Nuan mega ulih ngiga peneleba ke bukai ba (1) Bup Dikena Saksi-Saksi Jehovah Ngiga Pansik di baruh topik “Bup Kudus,”

udah nya “Penguntung,” lalu “ ‘Bup Kudus Ngubah Pengidup’

(Siri Menara Jaga)” tauka (2) ba media JW Library^˙di baruh topik “Interbiu enggau Pengalaman.”

8. Baka ni kitai ulih nulung pemelajar rinduka Jehovah?

9. Bepelasarka Mark 10:29, 30, nama ulih nulung seseiku orang ngelengkaka sekeda utai ngambika ulih dibaptisa?

(5)

5

Enti kereja sida ngelaban prinsip Bup Ku- dus, sida engka patut ngiga kereja bukai.

Pia mega, sida engka patut ninggalka bala bakih ti enda rinduka Jehovah. Ke bukai engka ditinggalka diri sebilik ke enda rinduka Saksi-Saksi Jehovah. Jesus nemu sekeda orang engka tusah deka ngelengkaka utai tu. Tang Jesus besemaya, orang ke nitihka iya deka diberekat enggau ruang bilik ti bepengerindu. (Bacha Mark 10:29, 30.) Baka ni nuan ulih nulung pemelajar nuan ngulihka berekat tu?

10 Bebakih enggau pemelajar nuan. Siti utai ti beguna iya nya nunjukka pengibuh ngagai pemelajar nuan. Nama kebuah? Pe- ratika utai ke dipadah Manuel, ari Mexico.

Lebuh iya ngenang maya iya agi belajarka Bup Kudus, iya madah: “Tiap kali sebedau belajar, pengajar aku deka nanya rita aku.

Iya ngasuh aku berasai nyamai lalu aku ulih

10. Nama ulih dipelajarka nuan ari peneleba Manuel?

bejaku pasal sebarang utai. Aku ulih ngasaika iya amat ibuhka aku.”

11 Beri awak begulai enggau pemelajar nuan, baka Jesus meri awak begulai enggau bala murid iya. (Jhn. 3:22) Enti pemelajar nuan benung ngaga ubah ba pengidup iya, nuan ulih mai iya datai ke rumah ngi- rup kupi, makai begulai tauka meda Beri- ta JW. Iya tentu berasai beterima kasih lebuh nuan mai iya maya diri sebilik enggau bala bakih ngintu hari besai. Maya nya iya engka berasai sunyi. Ku Kazibwe ke diau ba Uganda, “Lebuh begulai enggau pengajar aku, aku mega ulih belajar mayuh pasal Je- hovah. Aku ulih meda pengibuh Jehovah ke bala nembiak Iya enggau pengaga ati sida. Aku deka pengidup ke baka nya.”

12 Mai penginjil bukai enggau nuan ngajar.

11. Nama penguntung ke diulih pemelajar enti sida begulai enggau kitai?

12. Nama kebuah kitai patut mai penginjil ti enda sama belajarka Bup Kudus enggau kitai?

Lebuh nuan mai penginjil ti enda sama belajar enggau nuan, pemelajar nuan deka senang agi datai begempuru

(Peda genteran 12)

(6)

Kitai engka berasai nyamai agi ngajar kediri tauka mai penginjil ti sama enggau kitai. Taja pia, pemelajar kitai deka bulih penguntung, enti kitai mai penginjil ti enda sama belajar enggau kitai. Dmitrii ke diau ba Moldova madahka: “Tiap iku penginjil ke dibai pengajar aku nerangka ajar Bup Kudus enggau chara ti bebida. Tu nulung aku meda bisi mayuh macham chara ulih nitihka utai ti dipelajar aku. Lebuh aku datai begempuru keterubah kali, aku enda entu berasai malu laban aku udah betemu enggau mayuh bala menyadi.”

13 Nulung pemelajar nuan datai begempu- ru. Nama kebuah? Laban Jehovah mesan nembiak Iya datai begempuru. Tu sebagi ari sembah kitai. (Heb. 10:24, 25) Nambah- ka nya, bala menyadi Kristian kitai baka diri sebilik. Maya kitai datai begempuru, tu baka kitai makai begulai enggau bala menyadi kitai. Enti kitai nulung pemelajar kitai datai begempuru, kitai nulung iya ngereja utai ti beguna bendar ngambika iya ulih dibaptisa. Tang iya engka tusah deka berengkah datai begempuru. Baka ni bup Idup enggau Lantang Belama Iya!ulih nulung pemelajar mutarka penanggul nya?

14 Kena meh pelajar 10 ba bup Idup enggau Lantang Belama Iya! kena meransang pemelajar nuan datai begempuru. Sebedau bup tu dikeluarka, sekeda penginjil diasuh nguji pelajar tu enggau pemelajar sida.

Sida madah pelajar 10 tu mujur mai pemelajar sida datai begempuru. Taja pia, kitai enda ibuh nganti nyentukka pelajar 10

13. Nama kebuah kitai patut nulung pemelajar kitai datai begempuru?

14. Baka ni kitai ulih meransang pemelajar kitai datai begempuru?

kena mai pemelajar kitai datai begempuru.

Nuan ulih mai iya ari pun pelajar lalu terus ngereja nya. Kingatka, tiap iku pemelajar napi penanggul ti bebida. Nya alai, uji nemu penanggul iya lalu meri bantu ti ngena. Anang asa ati enti iya bedau datai begempuru, terus sabar lalu suah mai iya begempuru.

NULUNG PEMELAJAR NUAN MUTARKA ASAI ATI TI TAKUT

15 Kala nuan berasai takut deka nyadi seiku ari Saksi-Saksi Jehovah? Nuan engka ngasaika diri enda ulih nginjil ngagai orang tauka berasai takut disakal diri sebilik tauka bala bakih. Enti pia, nuan ulih meretika asai ati pemelajar nuan. Jesus madah sekeda orang deka berasai takut. Tang, Jesus ngasuh bala murid iya anang ngelakka asai takut nagang sida ari nyembah Jehovah.

(Mat. 10:16, 17, 27, 28) Baka ni Jesus nulung murid iya mutarka asai ati ti takut?

Lalu baka ni nuan ulih nunda teladan iya?

16 Terus ngelatih pemelajar nuan bekun- sika utai ti udah dipelajar iya. Murid Je- sus engka berasai takut lebuh sida diasuh Jesus nginjil. Tang Jesus nulung sida enggau madahka dini alai sida patut nginjil lalu nama pesan ke patut dibai sida. (Mat. 10:

5-7) Baka ni nuan ulih nunda Jesus? Tu- lung meh pemelajar nuan nemu dini iya ulih nginjil. Ambika chunto, nuan ulih nanya iya sapa ke ditemu iya begunaka pemendar Bup Kudus. Udah nya, ajar iya chara deka bekunsika pemendar ngagai orang bukai.

Nuan ulih belatih enggau iya ngena begian

15. Nama utai ke engka ditakutka pemelajar kitai?

16. Baka ni nuan ulih ngelatih pemelajar nuan bekunsika utai ti udah dipelajar iya?

(7)

“Bisi Orang Madah” enggau “Orang Engka Nanya” ba bup Idup enggau Lantang Belama Iya!Tulung pemelajar nuan ngena Bup Ku- dus meri saut ti mudah sereta bebasa.

17 Nulung pemelajar nuan arapka Jeho- vah. Jesus madah ngagai bala murid iya, Jehovah deka nulung sida laban Jeho- vah rinduka sida. (Bacha Matthew 10:19, 20, 29-31.) Padah ngagai pemelajar nuan, Jehovah mega deka nulung iya. Enti pemelajar nuan bisi juluk ati, nuan ulih besampi pasal nya enggau iya. Tu deka nulung iya bepanggai ba Jehovah. Franciszek ke diau ba Poland madahka: “Pengajar aku suah besampi pasal juluk ati aku. Maya aku meda chara Jehovah nyaut sampi iya, aku mega berengkah besampi. Aku ngasaika tulung ari Jehovah maya aku patut minta

17. Baka ni kitai ulih ngena Matthew 10:19, 20, 29-31 ngambika ulih nulung pemelajar kitai arapka Jehovah?

chuti ngambika ulih datai gempuru enggau konvensyen.”

18 Jehovah amat ibuhka pemelajar Bup Kudus kitai. Iya amat beterima kasihka pengawa pengajar Bup Kudus ke nulung orang datai semak ngagai Iya. Tu ngasuh Jehovah amat rinduka sida. (Isa. 52:7) Enti nuan nadai pemelajar Bup Kudus, nuan agi ulih enggau pengajar ke bukai ngajar pemelajar sida ngambika sida ulih ngaga pemansang lalu dibaptisa.

18. Nama asai ati Jehovah ngagai pengawa ke digaga pengajar Bup Kudus?

PENERANG PASAL GAMBAR Lambar 5: Seiku menyadi lelaki enggau bini iya, ngajar seiku lelaki ti biak. Ba maya bukai, menyadi lelaki ke bukai bisi enggau iya.

BAKA NI NUAN ULIH NULUNG PEMELAJAR NUAN . . .

˛ nitihka utai ti dipelajar iya? ˛ ngelala bala menyadi Kristian?

˛ mutarka asai ati ti takut?

LAGU 60 Selamatka meh Sida

(8)

KALA nuan berasai sunyi? Ba sekeda orang, asai ati ti sunyi nya enda lama. Ba orang bukai, sida engka terus berasai sunyi ba timpuh ti lama. Kitai engka berasai sunyi taja pan kitai dikelingi orang. Sekeda nya engka tusah deka ngiga bakih ba eklisia ti baru. Sekeda orang bisi kaul ti rapat enggau diri sebilik. Tang lebuh sida jauh ari diri sebilik, sida engka berasai sunyi. Bisi nya mega lelengauka orang ti dikesayauka sida ti udah nadai. Lalu sekeda orang Kristian, kelebih agi sida ke agi baru dalam pemendar, berasai kediri lebuh sida disakal tauka diperinsa diri sebilik enggau bala bakih ti enda arap.

2 Jehovah nemu semua utai pasal kitai. Iya nemu lebuh kitai berasai sunyi, lalu Iya deka nulung kitai mutarka asai ati nya. Baka ni Jehovah nulung kitai? Nama ulih digaga kitai lebuh kitai berasai sunyi? Lalu baka ni kitai ulih nulung orang bukai ba eklisia ke berasai sunyi? Aram meh kitai nyaut tanya tu.

JEHOVAH IBUHKA KITAI

3 Jehovah dekaka semua nembiak Iya gaga ati. Iya semak enggau tiap iku kitai, lalu Iya nemu lebuh kitai tusah ati tauka berasai asa. (Mas. 145:18, 19) Peratika baka ni Jeho- vah ibuhka nabi Elijah. Elijah diau ba maya ti tusah. Bala

1. Nama kebuah kekadang nembiak Jehovah berasai sunyi?

2. Nama tanya ke deka disaut kitai?

3. Baka ni Jehovah nunjukka Diri ibuhka Elijah?

ARTIKEL

DIPELAJAR 23

Jehovah Seruran enggau Nuan

‘Jehovah diau semak sida ke ngangauka Iya.’—MAS. 145:18.

LAGU 28

Nyadi Pangan Jehovah

DALAM ARTIKEL TU Kati nuan kadang-kadang berasai sunyi? Enti pia, nuan ulih andal Jehovah nemu asai ati nuan lalu Iya deka nulung nuan. Ba artikel tu, kitai deka berandau utai ke ulih digaga kena mutarka asai ati ti sunyi. Pia mega, kitai deka belajar chara kitai ulih meransang bala menyadi Kristian ke berasai sunyi.

(9)

penyembah Jehovah balat diperinsa, lalu orang ke bisi kuasa deka munuh Elijah.

(1 Raj. 19:1, 2) Pia mega, Elijah ngumbai semina iya aja nabi ti nyembah Jehovah. Nya engka ngasuh iya berasai balat agi asa ati.

(1 Raj. 19:10) Petara enggau jampat nulung Elijah. Jehovah nganjung melikat kena madahka Elijah enda kediri. Bisi mayuh orang Israel ke agi nyembah Jehovah enggau te- tap ati!—1 Raj. 19:5, 18.

4 Jehovah nemu lebuh kitai milih nyembah Iya, sekeda ari kitai deka ngelengkaka mayuh utai. Tu nyengkaum lenyau sukung ari diri sebilik sereta bala bakih ke enda nyembah Jehovah. Bisi sekali, rasul Peter nanya Jesus: ‘Kami udah ninggalka semua utai lalu nitihka nuan. Nama utai ulih kami?’ (Mat. 19:27) Peter engka nanya tu ketegal iya berasai irau. Jesus madahka sida deka bisi ruang bilik ti besai agi. (Ba- cha Mark 10:29, 30.) Lalu Jehovah, Apai kitai ti di serega, besemaya deka nulung

4. Baka ni Mark 10:29, 30 nunjukka Jehovah ibuhka nembiak Iya ke lenyau sukung ari diri sebilik tauka bala bakih?

orang ke nyembah Iya. (Mas. 9:10) Perati- ka sekeda chara ke ulih digaga nuan kena nerima tulung ari Jehovah ngambika ulih ngelaban asai ati ti sunyi.

NAMA ULIH DIGAGA NUAN?

5 Belematika pasal chara Jehovah udah nulung nuan. (Mas. 55:22) Lebuh nuan ngereja tu, nya deka nulung nuan nemu nuan enda kediri. Seiku menyadi indu ke benama Carol,1 ke seiku aja dalam pemendar madahka: “Lebuh aku belematika baka ni Jehovah udah nulung aku ba maya ti tusah, nya ngasuh aku enda berasai kediri.

Nya mega ngasuh aku andal, Jehovah seruran deka nulung aku.”

6 Pikirka baka ni Jehovah nulung bala me- nyadi Kristian ke berasai sunyi. (Bacha 1 Peter 5:9, 10.) Hiroshi, ke betaun-taun nyembah Jehovah kediri aja madahka:

1 Sekeda nama udah ditukar.

5. Nama penguntung enti kitai belematika chara Jeho- vah udah nulung kitai?

6. Baka ni 1 Peter 5:9, 10 meransang sida ke berasai sunyi?

Jehovah nganjung seiku melikat madahka Elijah enda kediri

(Peda genteran 3)

(10)

“Lebuh aku beratika bala menyadi Kristian, aku sedar tiap iku kitai bisi napi penanggul diri empu. Taja pia, sida agi enggau naka ulih nyembah Jehovah. Nya meransang kami ke kediri aja dalam pemendar ngambika ulih betan.”

7 Mengkang ngereja pengawa ti ulih ne- gapka pengarap. Tu nyengkaum madahka asai ati nuan ngagai Jehovah. (1 Pet. 5:7) Ambika chunto, lebuh seiku menyadi indu ke benama Maria mutuska deka nyembah Jehovah, iya berasai kediri laban sida sebilik enda nyembah Jehovah. Ku iya madahka: “Siti utai ti pemadu beguna ke nulung aku lebuh aku berasai sunyi, iya nya suah besampi ngagai Jehovah. Iya baka Apai aku, lalu aku suah besampi ngagai Iya nin-

7. Baka ni sampi nulung nuan?

ting hari, sereta madahka asai ati aku ngagai Iya.”

8 Suah meh macha Bup Kudus, lalu belematika cherita Bup Kudus ke nunjukka Je- hovah rinduka nuan. Bianca, suah ninga jaku ti enda meransang ari diri sebilik. Ku iya madah: “Aku macha sereta belematika cherita ba Bup Kudus. Aku mega macha cherita pengidup nembiak Jehovah ke napi penanggul ti sama baka aku. Tu amat nulung aku.” Sekeda menyadi Kristian ngingatka ayat Bup Kudus ti ulih ngelantangka ati, baka Masmur 27:10 enggau Isaiah 41:10. Ke bukai ningaka audio lebuh sida nyediaka utai ke diguna ba gempuru tauka macha Bup Kudus. Sida madahka nya nulung sida kurang agi berasai sunyi.

9 Enggau naka ulih datai begempuru.

Utai ke dipelajar nuan ba gempuru ulih meransang nuan, lalu nuan mega ulih ngelala bala menyadi Kristian. (Heb. 10:24, 25) Maria, ke disebut tadi, madahka: “Taja pan aku orang ti pemalu, aku mutuska deka enggau semua gempuru lalu meri saut. Nya nulung aku berasai semak enggau bala menyadi Kristian.”

10 Ngiga bakih ba eklisia. Nuan ulih ngiga bakih ba eklisia ke ulih diteladan nuan, enda ngira orang tuai tauka sida ke biak tauka ke datai ari bemacham bansa. Bup Kudus ngingatka kitai, “orang ke tuai bisi penemu-dalam.” (Jop 12:12, 13) Sida ke tuai ulih mega belajar ari sida ke biak.

David biak agi ari Jonatan, tang seduai iya bisi kaul ti amat rapat. (1 Sam. 18:1)

8. Baka ni macha Bup Kudus sereta belemati ulih nulung nuan?

9. Baka ni nuan bulih penguntung ari datai begempuru?

10. Nama kebuah ngiga bakih ba eklisia amat beguna?

Ningaka audio Bup Kudus enggau litaricha ulih nulung orang ke berasai sunyi (Peda genteran 8)

(11)

11

David enggau Jonatan nulung pangan diri nyembah Jehovah taja pan napi penanggul.

(1 Sam. 23:16-18) Irina, ti kediri aja ba pemendar madahka: “Bala menyadi Kristian ulih nyadi ruang bilik kitai. Jehovah ulih ngena sida lebuh kitai begunaka tulung.”

11 Ngiga bakih ti baru enda senang, kelebih agi enti nuan nya orang ke malu. Ratna, seiku menyadi indu ke pemalu belajarka pemendar taja pan disakal. Ku iya madah:

“Aku nemu aku begunaka tulung ari bala menyadi Kristian ba eklisia.” Nuan engka tusah deka madahka asai ati nuan ngagai orang, tang enti nuan ngereja nya sida ulih nyadi kaban rapat nuan. Kaban nuan deka meransang sereta nyukung nuan. Tang nuan patut ngasuh sida nemu ni maya nuan begunaka tulung ari sida.

12 Siti chara ti pemadu manah ngiga bakih iya nya lebuh begulai nginjil enggau bala menyadi Kristian. Carol, ke disebut sebedau tu madahka: “Aku bisi mayuh kaban ti manah ketegal suah nginjil enggau menyadi Kristian sereta ngereja pengawa teokra- tik ke bukai. Jehovah udah ngena sida nulung aku.” Nya alai, enggau naka ulih meh ngiga bakih ba eklisia. Jehovah ulih ngena sida nulung nuan lebuh nuan berasai sunyi.

—J-lam. 17:17.

NULUNG BALA MENYADI NGASAIKA DIRI BAKA RUANG BILIK KITAI

13 Semua kitai bisi tanggung pengawa ngambika eklisia bisi pemaik sereta penge-

11. Nama patut digaga nuan ngambika bisi kaul ti rapat enggau bala menyadi Kristian?

12. Baka ni pengawa nginjil nulung nuan ngiga bakih ti manah?

13. Nama tanggung pengawa bala menyadi Kristian?

rindu. Enggau tu, nadai orang deka berasai kediri tauka sunyi. (Jhn. 13:35) Utai ke digaga enggau utai ke disebut kitai ulih meransang orang! Peratika utai ti dipadah seiku menyadi Kristian indu: “Lebuh aku belajarka pemendar, bala menyadi Kristian nyadi ruang bilik aku. Aku tentu enda ulih nyadi seiku ari Saksi-Saksi Jehovah enti nadai tulung ari sida.” Nama ulih digaga nuan kena nulung menyadi Kristian ke kediri aja dalam pemendar berasai dikerinduka dalam eklisia?

14 Uji bebakih enggau orang ke baru da- tai.Enti bisi pemelajar Bup Kudus ke baru datai ngagai gempuru, menyadi Kristian ke baru pindah ngagai eklisia kitai, tauka orang ke baru dibaptisa, kitai deka nyam- but sida. (Rom. 15:7) Taja pia, kitai deka ngereja nya lebih agi. Kitai deka ngembuan kaul ti rapat enggau sida. Nya alai, kitai patut manah ati sereta nunjukka pengibuh kitai ngagai sida. Taja pan kitai deka nemu nama penanggul ke ditapi sida, tang kitai patut bejimat lebuh nanya tanya ngambika enda ngemaluka sida. Sekeda engka tusah deka madahka asai ati diri. Nya alai, anang meh mejal sida enti sida enggai bejaku.

Tang, kena meh tanya ke ulih mansutka asai ati sida lalu dinga meh enggau sabar lebuh sida nyaut nuan. Ambika chunto, nuan ulih nanya baka ni sida nemu pemendar.

15 Semua bala menyadi ulih mansang tegap ba pengarap, kelebih agi enti tuai gempuru enggau menyadi bukai ke tegap ba pengarap, ibuhka sida. Melissa, ke

14. Baka ni nuan ulih nyadi bakih sida ke baru datai?

15. Baka ni menyadi Kristian ke tegap ba pengarap ulih nulung menyadi bukai ba eklisia?

(12)

dibesaika indai iya dalam pemendar, madahka: “Aku amat beterima kasih ngagai menyadi Kristian lelaki ti baka apai aku.

Sida meri awak begulai enggau aku sereta ibuhka aku.” Mauricio, seiku menyadi lelaki berasai kediri lebuh pengajar iya ninggalka pemendar. Ku iya madahka: “Utai ke nulung aku iya nya, lebuh tuai gempuru ibuhka aku. Sida suah berandau enggau aku. Pia mega sida begulai nginjil enggau aku, bekunsika penemu ti berega ari Bup Kudus ke dipelajarka sida enggau aku, lalu indah besukan enggau aku.” Melissa enggau Mauricio diatu gawa penuh jam ke Je- hovah.

16 Nulung ngena mayuh macham chara.

(Gal. 6:10) Leo, gawa nyadi pengerintis se- berai tasik ba menua ti jauh ari sida sebilik. Ku iya madah: “Bisi sekali lebuh aku eksiden, aku berasai stres lebuh pulai ke rumah. Tang udah nya, sepasang laki bini mai aku makai begulai. Aku enda ingat utai ke diempa kami, tang aku ingat seduai iya

16-17. Nama ulih digaga kitai kena nulung orang bukai?

mendingka aku enggau sabar. Pengujung iya, aku berasai nyamai agi!”

17 Semua kitai rindu begulai enggau bala menyadi Kristian lalu berandau pasal cheramah ke didinga kitai, baka ba gempuru besai enggau konvensyen. Taja pia, Carol, ke disebut ba pun tadi madahka, “Aku berasai sunyi lebuh ba gempuru besai enggau konvensyen.” Nama kebuah Carol berasai baka nya? Ku iya agi, “Taja pan aku dikelingi mayuh bala menyadi Kristian, tang sida iya begulai enggau sida sebilik. Lebuh aku meda nya, aku berasai amat sunyi.” Ke bukai tusah deka datai ngagai konvensyen tauka gempuru besai pengudah kaling pengidup sida udah nadai. Kati nuan nemu menyadi ke napi penanggul baka tu? Enti bisi, ulih nuan mai iya datai begulai enggau kita sebilik lebuh bisi konvensyen enggau gempuru besai?

18 Meri awak begulai. Bai meh menyadi Kristian ke enda sama lebuh ngereja sesiti

18. Baka ni kitai nitihka jaku lalau ba 2 Korint 6:11-13 lebuh begulai enggau menyadi Kristian?

Kati nuan ngelala menyadi Kristian ke gaga ati enti nuan meri awak begulai enggau iya?

(Peda genteran 16-19)

(13)

utai, kelebih agi sida ke berasai sunyi. Kitai deka “nukangka ati” kitai ngagai sida. (Ba- cha 2 Korint 6:11-13.) “Kami berasai amat gaga ati lebuh bala menyadi Kristian mai kami datai ngagai rumah sida tauka bechuti begulai,” ku Melissa, ke disebut sebedau tu. Kati bisi menyadi ba eklisia nuan ke ulih dibai nuan begulai?

19 Ni maya menyadi Kristian berasai gaga ati enti kitai meri awak begulai enggau sida? Sekeda berasai kediri lebuh diri sebilik ke ukai Saksi ngintu pengerami. Sekeda agi engka berasai amat tusah ati, lebuh ngingatka hari orang ti dikesayau sida udah nadai. Lebuh kitai meri awak begulai enggau menyadi Kristian ke napi penanggul baka tu, kitai nunjukka diri “balat ibuhka”

sida.—Plp. 2:20.

19. Ni maya menyadi Kristian begunaka kitai?

20 Bisi mayuh kebuah kitai kekadang berasai sunyi. Tang kingatka, Jehovah nemu asai ati kitai. Iya suah ngena bala menyadi Kristian meri utai ke diguna kitai. (Bacha Matthew 12:48-50.) Lalu, kitai nunjukka ngagai Jehovah kitai beterima kasih lebuh kitai enggau naka ulih nulung bala menyadi Kristian. Enda ngira baka ni asai ati kitai, kitai enda kediri laban Jehovah seruran enggau kitai!

20. Baka ni jaku Jesus ba Matthew 12:48-50 ulih nulung kitai lebuh kitai berasai sunyi?

PENERANG PASAL GAMBAR Lambar 10: Seiku menyadi lelaki ke udah nadai agi kaling pengidup bulih penguntung ari ningaka audio ba laman web kitai. Lambar 12:

Seiku menyadi lelaki enggau anak indu iya ngabas lalu nunjukka pengerah jari ngagai menyadi ke tuai.

NAMA SAUT NUAN?

˛ Baka ni kitai nemu Jehovah ibuhka asai ati kitai?

˛ Nama ulih digaga kitai lebuh kitai berasai sunyi?

˛ Baka ni kitai ulih nulung menyadi Kristian ngambika sida berasai dikeibuhka?

LAGU 46 Terima Kasih Jehovah

(14)

ORANG KE NGASU bisi siti juluk ati, iya nya nangkap tauka munuh jelu ke ditangkap iya. Iya engka ngena bemacham bansa panjuk. (Jop 18:8-10) Baka ni orang ke ngasu manjuk jelu ngagai panjuk iya? Iya belajar pasal jelu nya. Kini ke penunga iya? Nama utai ti dikerinduka jelu nya? Lalu nama panjuk ti pemadu manah kena manjuk jelu nya? Sitan baka orang ke ngasu. Iya belajar pasal kitai. Iya beratika kini penunga kitai lalu utai ti dikerinduka kitai. Udah nya, iya ngaga panjuk ke ulih nangkap kitai enggau enda disadang. Tang, Bup Kudus madahka enti kitai ditangkap, kitai ulih ngelepaska diri ari panjuk nya. Bup Kudus mega ngajar kitai chara ulih nyeliahka diri ari panjuk nya.

2 Dua iti panjuk ti mujur dikena Sitan, iya nya penyumbung enggau pengamu.1 Sitan udah mujur ngena panjuk tu pengelama beribu taun. Iya baka orang ke nangkap burung ngena panjuk tauka pukat. (Jer. 5:26) Tang kitai ulih ngelepaska diri ari Sitan! Nama kebuah? Laban Jehovah udah madahka kitai chara ke dikena Sitan manjuk kitai.—2 Kor. 2:11.

3 Siti chara Jehovah nangkan kitai pasal penyumbung enggau pengamu iya nya madahka pasal utai ti udah nyadi ngagai sekeda ari nembiak Iya. Peratika, Sitan mega udah man-

1 PENERANG JAKU: Artikel tu deka berandauka pasal (1) penyumbung, iya nya lebuh seseiku orang ngasaika diri manah agi ari orang bukai, sereta (2)pengamu, iya nya pengangkun ke duit, kuasa, seks, enggau utai bukai.

1. Nama kebuah kitai ngumbai Sitan baka orang ke ngasu?

2. Nama dua iti panjuk ti dikena Sitan enggau mujur?

3. Nama kebuah Jehovah nentuka teladan pasal orang ke sumbung sereta amu ditulis ba Bup Kudus?

ARTIKEL

DIPELAJAR 24

Nuan Ulih Ngelepaska Diri Ari Panjuk Sitan!

“Ngelepaska diri ari panjuk Sitan.”—2 TIM. 2:26.

LAGU 36

Jaga meh Ati Kitai

DALAM ARTIKEL TU Sitan baka orang ti landik ngasu. Iya nguji manjuk kitai, enda ngira ni pengelama kitai nyembah Jehovah. Ba artikel tu, kitai deka belajar baka ni Sitan ngena penyumbung enggau pengamu

ngerusakka kaul kitai enggau Petara. Kitai mega deka belajar ari chunto orang ke dipanjuk penyumbung enggau pengamu, lalu meda baka ni kitai ulih nyeliahka diri ari panjuk tu.

(15)

juk sekeda ari orang ke udah lama nyembah Jehovah. Kati tu reti iya kitai enda ulih nyeliahka diri ari penyumbung enggau pengamu? Enda. Jehovah nentuka teladan tu ditulis ba Bup Kudus “kena ngajar kitai.”

(1 Kor. 10:11) Iya nemu kitai ulih belajar ari teladan ti enda manah tu, lalu nyeliahka diri tauka ngelepaska diri ari panjuk Sitan.

NAMA NYADI ENTI KITAI SUMBUNG?

4 Sitan deka kitai nyadi sumbung. Iya nemu enti kitai bisi penyumbung, kitai ulih nyadi baka iya lalu lenyau pengidup belama- lama iya. (J-lam. 16:18) Nya alai rasul Paul bisi nangkan, seseiku orang ulih “ngerigang- ka diri laban sumbung, lalu diukum baka Si- tan.” (1 Tim. 3:6, 7) Tu ulih nyadi ngagai sapa-sapa aja, enda ngira kitai baru ba pemendar tauka udah lama nyembah Jehovah.

5 Orang ke sumbung berundingka diri

4. Nama ulih nyadi enti kitai sumbung?

5. Nitihka Pengajar 7:16, 20, baka ni seseiku orang nunjukka diri sumbung?

empu. Sitan deka kitai berundingka diri empu ari berundingka Jehovah, kelebih agi lebuh kitai napi penanggul. Ambika chunto, kala nuan dituduh tauka orang enda lurus enggau nuan? Sitan deka nuan ringat enggau Jehovah tauka bala menyadi Kristian.

Iya deka nuan ngumbai, manah agi mutarka penanggul nya ngena chara diri empu, lalu enda ibuh nitihka iring Jehovah ke diberi nengah Bup Kudus.—Bacha Pengajar 7:

16, 20.

6 Peratika peneleba seiku menyadi indu ari Netherlands. Iya pedis ati enggau pengelemi menyadi bukai. Iya mutuska enggai agi begulai enggau sida. Ku iya madah, “Aku berasai amat sunyi lalu enda ulih ngampunka sida. Aku madah ngagai laki aku, kami duai patut pindah ngagai eklisia bukai.” Udah nya, iya meda program Berita JW kena Mac 2016. Program nya meri sekeda chara ngambika ulih nerima pengelemi orang

6. Nama ulih dipelajarka nuan ari peneleba seiku menyadi indu ari Netherlands?

Dua iti panjuk ti pemadu mujur dikena Sitan nya penyumbung enggau pengamu

(Peda genteran 2)

15

(16)

bukai. Menyadi indu tu madah: “Aku nyau sedar aku patut baruh ati lalu berundingka penyalah diri empu, ari ke deka ngubah bala menyadi ba eklisia. Program tu nulung aku beberat agi ke Jehovah enggau hak Iya me- rintah.” Nama ulih dipelajarka nuan? Lebuh nuan napi penanggul, terus meh ngembuan runding Jehovah. Pinta tulung ari Iya ngambika nuan ulih meda bala menyadi baka Iya meda sida. Apai nuan di serega meda penyalah nembiak Iya. Taja pia, Iya sedia ngampun sida. Jehovah mega deka nuan ngereja utai ti sama.—1 Jhn. 4:20.

7 Ketegal Raja Usiah ari menua Judah nyadi sumbung, iya enda mendingka jaku lalau ari orang bukai. Iya ngereja utai ke enda patut digaga iya. Usiah ulih ngereja mayuh utai enggau manah. Iya mujur ba perang, nirika nengeri, lalu bisi mayuh kebun. Ku Bup Kudus, ‘Petara merekatka iya.’ (2 Ban. 26:

3-7, 10) “Tang lebuh Usiah nyau udah kering, iya sumbung. Penyumbung iya ngu- jungka iya dibuai.” Jehovah udah meri atur semina bala imam ke ulih nunu menyan ba

7. Nama nyadi ngagai Raja Usiah?

Rumah Sembiang. Tang Raja Usiah ngereja utai ke enda patut dikereja iya. Iya tama ngagai Rumah Sembiang lalu nunu menyan. Je- hovah enda rindu enggau ulah nya lalu ngu- kum iya ngena penyakit lan. Ketegal nya, Usiah bisi penyakit lan nyentuk ngagai pemati iya.—2 Ban. 26:16-21.

8 Nama ulih dipelajarka kitai ari cherita Raja Usiah? Peratika teladan Jose. Iya´ orang bisnis ti mujur sereta tuai gempuru ti dipebasa. Iya meri cheramah ba gempuru besai sereta konvensyen. Indah tuai ti ngabas nanya penemu ari iya. Ku Jose,´

“Aku bepanggai ba penau enggau peneleba diri empu. Aku enda bepanggai ba Jeho- vah. Aku ngumbai diri kering. Nya alai, aku enda ningaka jaku lalau enggau jaku tangkan ari Jehovah.” Jose ngereja penyalah ti´ besai lalu dibuai ari gerempung. Tang diatu, iya udah diterima pulai baru. Ku iya madah:

“Jehovah udah ngajar aku, utai ti pemadu beguna nya ukai ngembuan penuduk, tang ngereja utai ke dipinta Iya.” Nya alai kingat-

8. Nitihka 1 Korint 4:6, 7, baka ni kitai ulih nyeliahka diri ari nyadi sumbung?

Kitai ulih belajar ari teladan ba Bup Kudus lalu nyeliahka tauka ngelepaska diri ari panjuk Sitan (Peda genteran 3)

(17)

17

ka, sebarang pengelandik tauka tanggung pengawa ke dikembuan kitai datai ari Jeho- vah. (Bacha 1 Korint 4:6, 7.) Enti kitai sum- bung, Jehovah badu agi ngena kitai.

NAMA NYADI ENTI KITAI AMU?

9 Lebuh kitai berundingka pasal pengamu, kitai tentu ingatka Sitan. Sitan seiku ari melikat Jehovah. Nya alai, iya tentu bisi mayuh tanggung pengawa ti spesial. Taja pia, iya enda puas ati. Iya inginka sembah ke enggi Jehovah aja. Sitan deka kitai nyadi baka iya.

Nya alai, iya deka kitai enda puas enggau utai ti dikemisika kitai. Keterubah kali iya ngereja nya lebuh iya bejaku enggau Awa.

Jehovah udah nyediaka mayuh pemakai ke Awa enggau laki iya. Seduai iya ulih makai buah “ari semua kayu dalam kebun” kelim- pah ari siti pun aja. (P-kal. 2:16) Taja pia, Si- tan deka Awa ngumbai iya patut makai buah ari pun kayu ke ditagang nya. Awa enda puas ati enggau utai ke dikemisi iya. Utai ke nyadi pengudah nya ngasuh iya bedosa lalu ngu- jungka pemati.—P-kal. 3:6, 19.

9. Nama digaga Sitan enggau Awa ketegal seduai iya bisi pengamu?

10 Jehovah meri David mayuh berekat, nyengkaum pengaya, penuduk raja sereta menang ba perang. David berasai beterima kasih lalu madahka pemeri Petara nya

“kelalu mayuh” deka dikenang. (Mas. 40:5) Taja pia, David kala enda puas ati enggau utai ke diberi Jehovah ngagai iya. Taja pan David bisi beberapa iku bini, iya inginka bini orang bukai. Indu nya benama Batse- ba lalu laki iya Uriah orang Iti. David be- leman enggau Batseba lalu Batseba betu- buh-bisi. Utai ti digaga David endang jai, tang utai ke digaga iya pengudah nya balat agi! Iya ngatur ngambika Uriah dibunuh.

(2 Sam. 11:2-15) Kati David ngumbai Je- hovah enda ulih meda penyalah iya? Taja pan David udah lama nyembah Jehovah, iya nyadi amu lalu tu ngasuh iya balat merin- sa. Udah nya, David ngaku penyalah diri lalu nesal ati. Iya tentu beterima kasih laban Jehovah deka ngampunka iya!—2 Sam. 12:

7-13.

11 Nama ulih dipelajarka kitai ari teladan

10. Baka ni pengamu manjuk Raja David?

11. Nitihka Epesus 5:3, 4, nama ulih nulung kitai ngelaban pengamu?

(18)

David? Kitai ulih ngelaban pengamu enti kitai mengkang beterima kasih ke utai ti udah diberi Jehovah ngagai kitai. (Bacha Epe- sus 5:3, 4.) Kitai enda tau enda puas ati eng- gau utai ti dikemisi kitai. Lebuh kitai berengkah belajar Bup Kudus enggau orang, kitai ulih ngajar sida belematika berekat ke udah diberi Jehovah ngagai sida. Udah nya, kitai ulih meransang sida meri terima kasih ngagai Jehovah. Enti sida ngereja nya ninting hari pengelama seminggu, tu reti iya sida udah besampika tujuh iti pekara ti bebida. (1 Tes. 5:18) Kati nuan ulih ngereja utai ti sama? Enti nuan belematika utai ke udah digaga Jehovah ke nuan, tu deka nulung nuan beterima kasih ngagai Iya. Lebuh nuan berasai beterima kasih, nuan deka puas ati lalu tu nulung nuan enda inginka utai ti enda dikemisika nuan.

12 Ketegal Judas Iskariot nyadi amu, iya ngereja utai ti jai lalu nyual Jesus. Tang sebedau tu, iya ukai orang ti jai. (Luk. 6:

13, 16) Jesus milih iya nyadi seiku ari rasul iya. Judas tentu bisi pengelandik lalu tau di- kearapka, laban iya diasuh ngemataka sarang duit. Jesus enggau bala rasul ke bukai ngena duit nya ba pengawa nginjil. Duit tu tau disemaka baka duit pemeri ke pengawa serata dunya kemayaharitu. Tang, nyau kela- ma Judas berengkah ngenchuri taja pan iya suah ninga jaku tangkan Jesus bekaul enggau pengamu. (Mrk. 7:22, 23; Luk. 11:39;

12:15) Judas enda mendingka jaku tangkan nya.

13 Ni maya pengamu Judas terang dipeda?

Bisi sekali, enda lama sebedau Jesus dibunuh, Jesus enggau bala murid iya, nyeng-

12. Nama digaga Judas Iskariot lebuh iya nyadi amu?

13. Ni maya pengamu Judas terang dipeda?

kaum Maria sereta Marta, dibai ngagai rumah Simon ke udah sakit lan. Maya sida benung makai, Maria angkat lalu nuang mi- nyak wangi ti mar ba pala Jesus. Judas enggau bala murid ke bukai berasai pedis ati. Bala murid ke bukai ngumbai duit nya tau dikena ba pengawa nginjil. Tang Judas pedis ati ketegal kebuah bukai. “Iya pen- churi” lalu deka ngenchuri duit ari sarang duit. Lalu ketegal Judas nyadi majak amu, iya nyual Jesus sama rega enggau seiku ulun.—Jhn. 12:2-6; Mat. 26:6-16; Luk. 22:

3-6.

14 Jesus ngingatka bala murid iya pemendar tu: ‘Kita enda ulih betuaika Petara eng- gau duit.’ (Bacha Luke 16:13.) Pemen- dar tu agi beguna kemayaharitu. Peratika baka ni sepasang laki-bini di Romania nitihka jaku lalau Jesus. Seduai iya dibai kereja ngagai menua ke kaya agi. Ku seduai iya:

“Kami duai bisi utang ti besai enggau bank.

Nya alai, terubah iya kami ngumbai kereja tu berekat ari Jehovah.” Tang kereja tu deka ngasuh seduai iya kurang agi awak nyem- bah Jehovah. Pengudah macha artikel “Per- tahankan Loyalitas dengan Kebulatan Hati”ba Menara Jaga15 Ogos 2008,1 seduai iya ngaga pemutus. Ku seduai iya agi: “Enti tuju kami duai deka gawa ba menua bukai ketegal deka ngulihka mayuh agi duit, tu reti iya kami enda ngenuluka kaul kami enggau Je- hovah. Tu tentu ulih ngasuh pengarap kami duai nyadi lemi.” Nya alai, seduai iya nulak kereja nya. Nama nyadi pengudah nya? Laki iya tetemuka kereja ba menua diri lalu gaji nya chukup ke belanja seduai iya. Ku bini

1 Menara Jaga tu bisi dalam jaku Indonesia.

14. Baka ni sepasang laki-bini nitihka jaku lalau ba Luke 16:13?

(19)

nya madah: “Jehovah seruran nulung nembiak Iya.” Laki-bini tu gaga ati laban seduai iya betuaika Jehovah ukai betuaika duit.

SELIAHKA DIRI ARI PANJUK SITAN

15 Nama patut digaga kitai enti kitai ngasaika diri udah nyadi sumbung tauka amu?

Kitai ulih ngaga ubah! Paul madahka, sida ke ditangkap Sitan ulih ngelepaska diri ari panjuk iya. (2 Tim. 2:26) Tu meh utai ke nyadi ba David. Iya mendingka jaku lalau Natan, nesal ati lalu ngemanahka baru kaul iya enggau Jehovah. Kingatka, Jehovah kering agi ari Sitan. Nya alai, enti kitai nerima tulung Jehovah, kitai ulih ngelepaska diri ari sebarang panjuk ke dikena Sitan.

16 Endang amat, manah agi enti kitai enda nyadi sumbung tauka amu. Kitai semina ulih ngereja nya enggau tulung ari Petara.

Taja pia, kitai anang ngumbai diri kering nyentukka kitai enda sekali-kali nyadi sumbung tauka amu! Indah nembiak Jehovah ke udah lama nyembah Iya pan ulih nyadi sum-

15. Nama kebuah kitai andal kitai ulih ngelepaska diri ari panjuk Sitan?

16. Nama ulih nulung kitai nyeliahka diri ari dipanjuk Si- tan?

bung tauka amu. Nya alai, besampi meh ngagai Jehovah ninting hari ngambika Iya ulih nulung nuan meresa runding enggau ulah nuan, sekalika nuan bisi penyumbung tauka pengamu. (Mas. 139:23, 24) Enggau bebendar meh kitai nyeliahka diri ari penyumbung enggau pengamu!

17 Sitan udah nyadi baka orang ke ngasu pengelama beribu taun. Taja pia, enda lama agi iya deka ditanchang lalu dipunaska.

(Pem. 20:1-3, 10) Kitai keran nganti maya nya. Sebedau hari nya datai, kitai patut bejimat enggau panjuk ke dikena Sitan. Eng- gau naka ulih nyeliahka diri ari penyumbung tauka pengamu. “Laban meh Sitan, lalu iya deka rari ari kita.”—Jas. 4:7.

17. Nama deka nyadi ngagai munsuh kitai Sitan enda lama agi?

PENERANG PASAL GAMBAR Lambar 15: Seiku menyadi lelaki enggau sumbung nulak jaku lalau ke diberi. Seiku menyadi indu bisi mayuh utai tang iya deka mayuh agi.

Lambar 16: Indah melikat Petara enggau Raja Usiah tau nyadi sumbung. Lambar 17: Ketegal pengamu, Awa makai buah ari pun kayu ke ditagang Jehovah, David be- leman enggau Batseba lalu Judas ngenchuri duit.

NAMA SAUT NUAN?

˛ Nama ulih dipelajarka kitai pasal penyumbung ari teladan Raja Usiah?

˛ Nama ulih dipelajarka kitai pasal pengamu ari teladan Raja David enggau Judas Iskariot?

˛ Nama kebuah kitai andal kitai ulih ngelepaska diri ari panjuk Sitan?

LAGU 127

‘Baka Ni Gaya Aku Patut Idup?’

(20)

JEHOVAH mai semua kitai datai semak ngagai Iya. (Jhn. 6:

44) Perundingka, lebuh Jehovah meresa bebiliun iku orang di dunya tu, Iya meda utai ti manah ba nuan, iya nya ati ti ulih rinduka Iya. (1 Ban. 28:9) Jehovah nemu semua utai pasal nuan, lalu Iya rinduka nuan. Endaka tu ngelantangka ati nuan?

2 Jehovah amat ibuhka nuan. Iya mega amat ibuhka bala menyadi Kristian nuan. Kena nulung kitai meretika utai tu, Jesus nyemaka Jehovah baka pengibun bedus. Enti seiku pengibun bedus bisi 100 iku bedus, lalu seiku bedus lenyau, nama deka digaga iya? Iya deka “ninggalka sida ke semilan puluh semilan iku ba bukit, lalu bejalai ngiga siku ti lenyau nya.” Lebuh pengibun bedus nya tetemuka bedus iya, iya enda nganu bedus nya tang iya deka gaga ati. Nama ulih dipelajarka kitai ari sempama tu? Tiap iku bedus amat berega ba Jehovah. Jesus madahka: “Baka nya meh Apai kita ti di serega enggai nejuka indah siku ari sida ke mit tu lenyau.”

—Mat. 18:12-14.

3 Kitai tentu enggai ngasuh bala menyadi kitai berasai asa ati. Dalam artikel tu, kitai deka nyaut dua tanya tu: Baka ni kitai ulih nyeliahka diri ari ngemediska ati orang bukai?

Nama patut digaga kitai enti orang ngemediska ati kitai? Se- bedau kitai nyaut tanya tu, kitai deka ngelala sapa “sida ke mit tu” ke dipadah ba Matthew bagi 18.

1. Nama utai ke udah digaga Jehovah ke tiap iku kitai?

2. Baka ni Jesus nulung kitai mereti pengibuh Jehovah ke tiap iku kitai?

3. Nama deka dikerandauka kitai dalam artikel tu?

ARTIKEL

DIPELAJAR 25

Anang Ngemediska Ati

“Sida ke Mit tu”

“Bejimat kita, enggai ke kita mechat sida ke mit tu.”—MAT. 18:10.

LAGU 113 Kitai Bisi Pemaik

DALAM ARTIKEL TU Ketegal kitai enda sempurna, kitai engka ngereja tauka nyebut utai ti ulih ngemediska ati bala menyadi Kristian. Nama patut digaga kitai enti utai tu nyadi? Kati nuan deka bebaik enggau menyadi Kristian? Kati nuan enggau jampat deka minta ampun? Tauka nuan ngumbai enti sida pedis ati, nya penanggul sida ukai nuan? Kati nuan jampat ringat enggau bala menyadi, lalu ngumbai nya sigi chara nuan lalu nuan enda ibuh berubah? Tauka nuan sedar tu pengelemi diri ke patut diubah?

(21)

SAPA “SIDA KE MIT TU”?

4 “Sida ke mit tu” murid Jesus. Enda ngira umur sida, sida “baka anak mit” laban sida deka diajar Jesus. (Mat. 18:3) Taja pan sida datai ari bemacham menua, bansa enggau pendiau, semua sida arapka Jesus lalu Jesus amat rinduka sida.—Mat. 18:6; Jhn. 1:12.

5 Semua “sida ke mit tu” amat berega ba Jehovah. Kena meretika asai ati Jehovah, pikirka asai ati kitai ngagai anak mit. Kitai amat ibuhka anak mit lalu deka nyaga sida laban sida enda kering, nadai peneleba, sereta nadai penemu-dalam baka orang ke besai tuai. Kitai tentu enda rindu meda orang bukai dikemediska, kelebih agi enti orang ngemediska anak mit. Tu deka ngasuh kitai balat pedis ati sereta ringat! Sama mega, Je- hovah deka nyaga kitai. Iya tentu pedis ati sereta ringat enti orang ngemediska nembiak Iya!—Isa. 63:9; Mrk. 9:42.

6 Nama kebuah bukai murid Jesus dikum- bai “sida ke mit”? Orang ba dunya ngeninggika orang ke kaya, tebilang, enggau bekua- sa. Tang, ukai semua murid Jesus ngembuan utai nya. Nya alai, orang ba dunya ngumbai sida “mit.” (Bacha 1 Korint 1:26-29.) Tang Jehovah enda ngumbai sida baka nya.

7 Jehovah rinduka semua nembiak Iya, enda ngira sida ke baru tauka sida ke udah lama ba dalam pemendar. Semua bala menyadi berega ba mata Jehovah. Nya kebuah sida mega patut berega ba mata kitai. La- ban kitai “seraban enggau pangan diri,” ki-

4. Sapa “sida ke mit tu”?

5. Nama asai ati Jehovah lebuh meda orang bukai ngemediska nembiak Iya?

6. Nitihka 1 Korint 1:26-29, nama runding orang ba dunya ngagai murid Jesus?

7. Jehovah deka kitai ngembuan asai ati baka ni ngagai bala menyadi?

tai patut rinduka semua bala menyadi, ukai sekeda aja. (Rom. 12:5) Kitai enggau naka ulih ibuhka sida enggau nyaga sida. Enti kitai bisi ngemediska ati menyadi Kristian, kitai anang ngaga diri empu enda nemu lalu ngumbai menyadi nya patut ngampunka kitai. Nama ke ngasuh sekeda menyadi Kris- tian pedis ati? Sekeda menyadi berasai baruh agi ari orang bukai ketegal chara sida dibesaika. Sekeda sida engka baru ba pemendar. Nya alai, sida enda nemu mutarka penanggul enggau bala menyadi. Enda ngira sapa ke pedis ati, kitai deka bebaik enggau sida. Nambahka nya mega, enti kitai suah jampat pedis ati, kitai patut ngaga ubah ba diri empu. Enti kitai ngaga ubah tu, kitai bulih pengaga ati sereta kaul ti manah enggau bala menyadi.

SERURAN NGUMBAI ORANG BUKAI PAMA AGI ARI KITAI

8 Nama kebuah Jesus bejaku pasal “sida ke mit tu”? Bala murid iya bisi nanya Jesus:

“Sapa orang ke pemadu besai dalam Perin- tah serega?” (Mat. 18:1) Maya jeman Je- sus, orang Judah ngemeratka penuduk sida.

Seiku orang ke mansik madah: “Ba maya nya, mayuh orang deka ngulihka basa sereta nyadi tebilang. Nya utai ti pemadu beguna ba pengidup sida.”

9 Jesus nemu mayuh orang Judah rindu bepekit tauka ngumbai diri manah agi ari orang bukai. Nya alai, bala murid Jesus patut bebendar ngubah runding sida empu. Ku Jesus madah ngagai bala murid iya: “Orang ke pemadu besai dalam bala kita enda tau enda nyadi baka orang ke pemadu biak, lalu orang ke nyadi kepala enda tau enda nyadi

8. Nama runding ti dikembuan murid Jesus?

9. Nama patut digaga murid Jesus?

21

(22)

orang ke mela.” (Luk. 22:26) Enti kitai baka orang ke “pemadu biak,” kitai deka ‘ngumbai orang bukai pama agi ari kitai.’ (Plp. 2:3) Majak kitai ngenuluka orang bukai, majak agi kitai enggai ngasuh orang pedis ati.

10 Semua menyadi Kristian kitai bisi pengelandik ti enda dikembuan kitai. Tu ulih di- meretika enti kitai beratika kualiti manah sida. Kitai patut beratika jaku lalau ke diberi Paul ngagai orang Kristian ba Korint. Ku iya madah: “Sapa ngumbai kita lain agi ari orang bukai? Nama utai ti dikemisi kita, ti ukai diberi ngagai kita? Nya alai, enti utai nya udah diberi ngagai kita, nama kebuah kita temegahka utai nya, baka ke ngumbai utai nya ukai pemeri ti diberi ngagai kita?”

(1 Kor. 4:7) Kitai patut bejimat ngambika kitai enda inginka orang ngeninggika kitai tauka ngumbai diri manah agi ari orang bukai. Ambika chunto, menyadi lelaki ke landik meri cheramah tauka menyadi indu ke landik ngepunka pengawa belajarka Bup Kudus patut ingat pengelandik sida nya datai ari Jehovah, lalu Jehovah ke patut nerima puji.

NGAMPUN “ENGGAU PENGABIS ATI”

11 Pengudah Jesus nangkan bala murid iya ngambika enda ngasuh orang pedis ati, iya meri sempama pasal raja enggau orang gaji iya. Bisi seiku orang gaji ke berutang mayuh enggau raja. Ketegal orang gaji nya enda te- bayarka utang diri, raja sanggup muai utang nya. Pengudah nya, orang gaji ke sama nya enggai muai utang ulun ti sama baka iya, ke berutang semina mimit aja ba iya. Ketegal nya, raja ngasuh orang gaji ke jai nya ditutup

10. Nama jaku lalau ke diberi Paul ke patut dititihka kitai?

11. Nama ulih dipelajarka kitai ari sempama Jesus pasal raja enggau orang gaji iya?

dalam rumah jil. Nama ulih dipelajarka kitai? Jesus madahka: ‘Baka nya meh Apai aku ti di serega deka ngereja ngagai genap iku kita, enti kita enda ngampun menyadi kita enggau pengabis ati kita.’—Mat. 18:21-35.

12 Ulah orang gaji nya ukai semina ngemediska diri empu tang mega orang bukai.

Terubah, iya jai sereta enda ngayanka pe- ngasih iya ngagai ulun ke baka iya empu.

Iya “nutup orang nya dalam rumah jil, datai ke orang nya udah mayar utang iya.” Ke- dua, iya ngasuh orang gaji ke bukai enda nyamai ati enggau utai ke digaga iya. “Le- buh orang gaji ti bukai meda nya, sida tusah amat ati.” Pia mega, ulah kitai bisi empas ngagai orang bukai. Enti seseiku orang ngereja penyalah ngagai kitai lalu kitai enggai ngampunka iya, nama deka nyadi? Terubah, kitai ngasuh iya tusah ati ketegal kitai enggai ngampunka iya. Lalu kitai engka enda ngayanka diri ibuh sereta rinduka iya. Kedua, kitai ngasuh bala menyadi Kristian berasai enda nyamai lebuh sida beratika kitai enda bebaik enggau seseiku orang.

13 Lebuh kitai ngampunka bala menyadi Kristian, kitai enggau orang bukai berasai nyamai agi. Tu meh utai ke nyadi ba seiku pengerintis ke benama Crystal.1 Iya pedis ati enggau seiku menyadi indu ba eklisia.

Ku Crystal: “Kekadang iya ngena jaku ti ka- sar lalu ati aku asai diachuk ngena lungga.

Aku indah enggai begulai nginjil enggau iya!

Aku berengkah lenyau pengeransing sereta pengaga ati.” Crystal ngasaika nadai sa- lah iya ringat enggau menyadi nya. Tang iya

1 Nama udah ditukar.

12. Nama empas iya enti kitai enggai ngampunka orang?

13. Nama ulih dipelajarka kitai ari peneleba seiku pengerintis?

(23)

23

enda terus pedis ati tauka ngemeratka asai ati iya empu. Iya enggau baruh ati nitih- ka jaku lalau ke bisi ba artikel “Ampunilah dengan Segenap Hati Saudara”ba Menara Jaga kena 15 Oktober 1999.1 Iya ngampunka menyadi indu nya. Ku iya: “Aku diatu sedar semua kitai benung bebendar ngaga ubah, lalu Jehovah sedia deka ngampunka kitai ninting hari. Pengudah nya aku berasai lantang agi.

Aku bulih pengaga ati baru.”

14 Kitai nemu kitai patut ngampun. Tang kitai engka tusah deka ngereja nya. Rasul Peter mega kekadang tusah deka ngampun.

(Bacha Matthew 18:21, 22.) Nama ulih nu- lung nuan? Keterubah, belematika baka ni Jehovah udah ngampunka nuan. (Mat. 18:

32, 33) Taja pan kitai enda layak nerima pe- ngampun ari Jehovah, tang Iya Empu ka

1 Majalah tu bisi dalam jaku Indonesia.

14. (a) Nitihka Matthew 18:21, 22, nama penanggul ke ditapi rasul Peter? (b) Nama ulih nulung kitai enti kitai napi penanggul ti sama?

ngampunka kitai. (Mas. 103:8-10) “Kitai mega patut rinduka pangan diri.” Nya alai, kitai enda ulih milih sekalika deka ngampun bala menyadi tauka enda. (1 Jhn. 4:

11) Kedua, belematika penguntung enti kitai ngampun. Kitai engka nulung orang ke udah ngereja penyalah ngagai kitai berasai gaga ati. Kitai mega ulih beserakup enggau bala menyadi, nyaga kaul kitai enggau Jehovah, sereta berasai lantang agi ati.

(2 Kor. 2:7; Kol. 3:14) Ketiga, besampi ngagai Jehovah. Anang ngelakka Sitan ngachau kaul nuan enggau bala menyadi Kristian.

(Eps. 4:26, 27) Kitai begunaka tulung Jeho- vah ngambika bisi pemaik dalam eklisia.

ANANG NGELAKKA SEBARANG UTAI NGELEMIKA PENGARAP NUAN

15 Baka ni enti kitai enda nyamai ati enggau ulah bala menyadi Kristian? Nama patut

15. Nitihka Kolosi 3:13, nama ulih digaga kitai enti kitai enda nyamai ati enggau ulah bala menyadi Kristian?

Kati nuan deka terus pedis ati tauka ngampun ari ati?

(Peda genteran 13-14)