0
TATA IBADAH MINGGU BAPA GKPS
TAHUN 2016
MINGGU, 06 NOPEMBER 2016
TEMA : Ibohali Manghobaskon Horja na Madear (2 Tim. 3:17)
SUBTHEMA :Bohali ma Kuria in bani Ruhut-ruhut Horja na Madear ase Atur, Banjei, Marbanggal Ibagas Haporsayaon, Pangarapan ampa Holong na Humbani Kristus Jesus Raja ni Gareja in (Kol. 2:19; Ep. 4:16; Mat. 25: 24-28)
I. PERSIAPAN
• Saat teduh pribadi
• Barisan Prosesi masuk hu Gareja (Sipangidangi, Pimpinan Majelis Jemaat, Pengurus Seksi Bapa Jemaat/Resort)
Singers mandodingkon Haleluya No. 417: 1, 2+4 “Marhata Giring-Giring”
Marhata giring-giring bapa, mandilo roh marminggu. Sai ulang hita tading bapa, bai ontangan ni Jesus Ai in do arta sijengesan, na gok malas ni uhur Naima tongon eta mada tapang hita marminggu Dear ma ham marhobas Inang ase borhat sonari Ria pakon niombah inang on mada panorangni Odor lao hu Gareja inang tapang hita sonari Naima tongon eta mada tapang hita marminggu Sirsir ma hita on haganup, tangihon ma ambilan. Manjalo malas uhurta rup, pasu-pasu ni Tuhan. Manopa paruhuran talup, lao mangirikhon Tuhan. Naima tongon! Eta ma da! Tapang hita marminggu.
• Salam Pamungkah
P. Ipestahon hita do sadari on Minggu Pesta Seksi Bapa GKPS pa 21 taunkon. Bani panorang on iparatah do use hubanta sonaha hajongjongan pakon peranan ni bapa i keluarga, kuria sonai age masyarakat.
K. Sai ipargogohi Tuhan Naibata ma ham, bapa.
P. Bapa aima malim i tongah-tongah ni keluarga na mambobai keluarga hubani harosuh ni Naibata; bani ruhut-ruhut horja na madear ase goluhta on atur janah banjei.
K. Sai ipargogohi Tuhan Jesus Kristus ma ham, bapa.
P. Naibata do na mandilo janah na manotapkon bapa gabe parugas Bani. Ia do homa na mambohali janah mampargogohi
haganup Bapa GKPS ase marbanggal ibagas haporsayaon, pangarapan ampa holong.
K. Sai ipargogohi Tonduy Napansing ma ham, bapa.
II. IBADAH
1. Votum –Introitus –Tonggo
P. Riap ma hita jongjong!
Ibagas goran ni Naibata Bapa, pakon Tuhan Jesus Kristus ampa Tonduy Napansing, Sitompa langit pakon tanoh on. Amen. Ise do na boi tangkog hu dolog ni Jahowa? Ise do na boi jongjong bani iananNi na pansing in? Partangan na borsih ampa paruhur na pitah, halak na so mandompakkon tonduyni bani na so margagan, ampa halak na so ra marbija laho manipu. Ia ma na manjalo pasu-pasu humbani Jahowa pakon hapintoron humbani Naibata na paluahkonsi. Haleluya, Haleluya, Haleluya
K. (mandodingkon) Haleluya, Haleluya, Haleluya P. Martonggo ma hita
Ham Tuhan Naibata, Paridop ni uhur na tarsulur. Tarima kasih ma sombahnami hu Bamu halani ipatalup Ham do hanami roh nuan on marsombah hu lobei-Mu. Tonduy-Mu Na Pansing in ma na mampargogohi hanami laho mamuji janah pasangapkon goran-Mu bani panorang on anjaha sai pargogohi Ham ma hanami laho mandalankon harosuh ni uhur-Mu sadokah goluhnami i tanoh on, marhitei Jesus Kristus Sipaluah hanami. Amen.
2. Mandoding Haleluya No. 406: 1-3 “Hatahononta Diatei Tupa ma”
Hatahononta diatei tupa ma, ai Negaranta tanoh na lambut Laut bolag dologni pe ratah, talun jenges ampar do haganup, In haganupan pasu-pasu-Ni, simada kuasa Tuhan Naibata, In haganupan pasu-pasu-Ni , simada kuasa Tuhan Naibata.
Sanggah poltak mataniari in, martitialas bai sogodni in,
Morum mangerbang bunga-bunga in, irandu doding ni bossala in In haganupan pasu-pasu-Ni, simada kuasa Tuhan Naibata,
In haganupan pasu-pasu-Ni , simada kuasa Tuhan Naibata.
Tanoh na gombur musim pe dear, torsa ganupan mambahen jagar Jenges idahon damei do ijin, in ma tanohta hatubuhan in
In haganupan pasu-pasu-Ni, simada kuasa Tuhan Naibata, In haganupan pasu-pasu-Ni , simada kuasa Tuhan Naibata.
3. Hasasapan ni Dousa
P. Riap ma hita jongjong!
Martonggo ma hita mansopotkon dousanta hubani Tuhan Naibata. Ham Tuhan Naibata Bapanami, maidop ma uhur-Mu bannami, romban hubani dear ni layak-Mu, sasap Ham ma panlanggaronnami romban hubani bueini idop ni uhur-Mu. Mangahap do hanami bani panlanggaronnami anjaha tongtong do sonson i lobeinami dousanami. Ipabangkit Ham do hanami laho manaksihon Ham bani goluhnami marhitei hajongjongannami i tongah-tongah ni keluarga, kuria sonai age bai masyarakat laho manghobaskon horja na madear. Tapi hurang ope pambahenannami bani tugas pakon tanggungjawabnami domu hubani hajongjongannami bei. Ham, Tuhan idop ma uhurmu bannami.
K. (mandodingkon Haleluya No. 356:1) Hita ganupan pardousa roh ma bai Tuhanta in. Daroh-Ni in do manasap ganupan dousanta in. Roh ma podas hita ganup, ai bai Tuhanta sirsir do ganup. Sai ipaima do hita, pasonangon-Ni ganup.
P. Nini si Johannes Pandidi do pasal Jesus, “Anggo Ia, patut do lambin banggal, tapi ahu lambin etek ma.” Gati do lang tarjadi on bani goluhnami halani gatinan do hanami pabanggalhon dirinami i tongah-tongah ni keluarga, kuria sonai age masyarakat. Gatinan do hanami patugahkon pambahenan, hagogohon sonai age sinadongannami dompak hasoman
marimbang pambahenan-Mu bani goluhnami hansi pe ibotoh hanami bahasa haganup goluhnami na humBamu do in. Ham, Tuhan idop ma uhurmu bannami.
K. (mandodingkon Halelya No. 353:4) Tarsor ho mardousa ibaen uhurmin, sai ulang nunuti, tundalhon ma in. Dompakhon Tuhanmu, margogoh do in, manasap dousamu, pamalumhon in.
P. Iauhon hanami do bahasa na pinilih-Mu do hanami on laho mangirikhon Ham. Sai urupi Ham ma hanami ale Tuhan agepe hurang ope pambahenami, ase goluh i rumahtangga, kuria sonai age masyarakat boi lambin atur, banjei janah marbanggal ibagas haporsayaon, pangarapan ampa holong na humbani Anak-Mu, Jesus Kristus Raja ni Gareja in. Ham, Tuhan idop ma uhurmu bannami.
K. (mandodingkon Haleluya No. 238:6) Mangirikkon Ham,
Tuhanku sai malas do uhurhin; Sai totap ma in padanku! Amen, saud ma Hata in!
P. Tangar hita ma hata ni Naibata bagah-bagah pasal hasasapan ni dousanta. Anggo isopothon hita dousanta, hatengeran ni uhur anjaha bonar do Ia manasap dousanta, ampa paborsih hita humbani haganup hagedukon. Hasangapon ma bani Naibata i babou!
P+K. Amen
4. Mandoding Haleluya No. 149: 1-2 “Ham Sipagoluh Au”
Ham Sipagoluh au parayak Ham au on. Sai ulang Ham mandaoh humbagas uhurhon.
Roh Sipagoluh roh tongon, baen Ham au Anak-Mu tongon Bani daroh-Mu usah au, putih songon bunga ma au Putih tongon, putih tongon,
bani daroh-Mu usah au, putih songon bunga ma au. Gogoh ni daroh in, patorang bangku on
Tonduy pargoluh in, manogu au tongtong
Roh Sipagoluh roh tongon, baen Ham au anak-Mu tongon
Bani daroh-Mu usah au, putih songon bunga ma au Putih tongon, putih tongon
Bani daroh-Mu usah au, putih songon bunga ma au
5. Manaksihon Hata Haporsayaon (Sarupa model A)
P. Riap ma hita jongjong!
Saksihon hita ma haporsayaonta in songon na sinaksihon ni haganup halak na porsaya bani sab tanoh on.
P+J. Ahu porsaya bani Naibata Bapa…. Amen
6. Acara Khusus
Koor Seksi Bapa
Mambasa Puisi
Ungkapan Bahasa Hati Bapak (Dibaca Kaum Bapak)
Kulalui hari-hari ini selangkah demi selangkah Demi harapan yang lebih dari hari-hari kemarin
Aku ingin setiap yang kugapai memberi arti
Membuat senyuman, melahirkan canda dan tawa lalu ada sejuta bahagia
yang terpancar di wajah ini Dong do tong ham i lambungku
Mampargogohi au
Memberikan dukungan semangat Menghilangkan lelah di pundakku ini
Meski itu adalah tanggung jawabku Aku tak berharap lebih
Memintamu selalu ada di sampingku Menyambutku ketika aku pulang
Hingga lelah itupun hilang dan anakku berlari memelukku “Ma.., Bapakku sudah pulang.”
Bapak yang begitu dekat, mengasihi, membantu menjaga dan menjadi teladan buat mereka
Bapa na dohor, mangkaholongi, mangurupi, mangkopkop janah gabe sitiruan
(Dibaca Kaum Ibu)
Ketika kulalui hari-hari ini juga bersamamu Baik suka maupun duka
Kita jalani bersama-sama
Kadang kita bertengkar, saat membicarakan rencana keluarga, masa depan anak bahkan membicarakan keinginan kita sendiri
Tetapi ketika aku mengingat firman Tuhan saat kita diberkati menjadi pasangan suami istri Di saat itulah aku mengesampingkan amarah dan egoku
Aku menyadari bahwa kamulah bagian hidupku temanku untuk menata layani rumah tangga kita
“Harga tumang do ham bangku”
Begitu berartinya dirimu yang selalu ada buatku Bapa… ianan pangaduanku do ham Na mambere pangarusion, mambere panorang,
na patubuhkon holong
Memberi kehangatan serta perlindungan Hingga aku begitu berarti bagimu
gabe harga ma au i lobeimu Dan ketika aku melihatmu
Aku bisa bercanda, tertawa dalam kebahagiaan
Aku begitu mengagumimu dan mengasihimu mangkaholongi ham janah patunggungkon ham
(Dibaca Kaum Pemuda/anak)
Waktu yang terus berjalan Mengajari dan memberi arti setiap hari
Meski lelah dan tak pernah menyerah Ketika aku datang mengadu,
bermanja di depanmu
Selalu ada sambutanmu, pelukan hangatmu Mambahen harga tumang au i lobeimu
Setiap rangkulanmu, ajaranmu membuat aku kagum dan bangga padamu
Bapa… anggo hupardiatei bohimu dong do ijai hatunggungonmu Membuat aku bersyukur kepada Tuhan
Menghadirkanmu untukku
(Dibaca Kaum Bapak)
Ya Tuhan, terima kasih anugerah-Mu Na mampargogohi au
Memberi aku kekuatan, memberi aku umur panjang Na gabe sitiruon, mangkaholongi
melindungi orang-orang yang kukasihi Di setiap langkah hidupku
Pitah huba-Mu ma au marondos. Amen!
(Pinasirsirni Bapa Satria Aman Purba, S.s, S.Pd)
Mambasa Tonah Pimpinan Pusat GKPS Mandodingkon MARS BAPA GKPS Tonggo Pangapition
7. Mandoding Haleluya No. 128: 1-4 “O Jesus na Pagoluh au”
O Jesus na Pagoluh au, Anak ni Naibata. Holong atei-Mu togu au, ondos bai Naibata. Tongon sonang do uhurhin mardingat layak-Mu;
Ai Ham do hagoluhankin bani parmatei-Mu. Anggo domma manosal au halani dousakin, iipuk daroh-Mu do au anggo hudingat in. Ibuat Ham do horungkin papuho uhurhon, na sonang au halani in, bai hasombuhonkon.
8. Ambilan: Lukas 20: 27-38
9. Galangan (Sesuai pakon Agenda Model A)
P. Paima ipatumpu hita galanganta, tangar hita ma lobei hata ni Naibata na gabe onjolan banta laho manggalang, ai ma na tarsurat bani:
1 Kronika 29: 14. “Ai ise ma ahu, anjaha aha ma bangsakin, ase
boi hanami margugu humbani nionjar ni uhur sonin? Ai marharorohan humBamu do ganup, anjaha na humbani tanganMu in do na binerenami in Bamu”.
Sonari patumpu hita ma galanganta!
10.Tonggo Panutup/ Pangutusan/Pasu-pasu( Sesuai pakon Agenda )
