KEMENTERIAN PENDIDIKAN MALAYSIA SUKATAN PELAJARAN KURIKULUM BERSEPADU SEKOLAH MENENGAH BAHASA IBAN

(1)

KEMENTERIAN PENDIDIKAN MALAYSIA

SUKATAN PELAJARAN KURIKULUM BERSEPADU

SEKOLAH MENENGAH

BAHASA IBAN

Pusat Perkembangan Kurikulum Kementerian Pendidikan Malaysia

(2)

(3)

3

RUKUN NEGARA

BAHAWASANYA negara kita Malaysia mendukung cita- cita hendak mencapai perpaduan yang lebih erat di kalangan seluruh masyarakatnya; memelihara satu cara hidup demokratik; mencipta masyarakat yang adil di mana kemakmuran negara akan dapat dinikmati bersama secara adil dan saksama; menjamin satu cara yang liberal terhadap tradisi-tradisi kebudayaan yang kaya dan berbagai-bagai corak; membina satu masyarakat prograsif yang akan menggunakan sains dan teknologi moden;

MAKA KAMI, rakyat Malaysia, berikrar akan menumpukan seluruh tenaga dan usaha kami untuk mencapai cita-cita tersebut berdasarkan atas prinsip- prinsip berikut:-

KEPERCAYAAN KEPADA TUHAN

KESETIAAN KEPADA RAJA DAN NEGARA KELUHURAN PERLEMBAGAAN

KEDAULATAN UNDANG-UNDANG

KESOPANAN DAN KESUSILAAN

(4)

FALSAFAH PENDIDIKAN KEBANGSAAN

“Pendidikan di Malaysia adalah suatu usaha berterusan

ke arah lebih memperkembangkan potensi individu

secara menyeluruh dan bersepadu untuk melahirkan

insan yang seimbang dan harmonis dari segi intelek,

rohani, emosi dan jasmani, berdasarkan kepercayaan

dan kepatuhan kepada Tuhan. Usaha ini adalah

bertujuan untuk mewujudkan warganegara Malaysia

yang berilmu pengetahuan, berketrampilan, berakhlak

mulia, bertanggungjawab dan berkeupayaan mencapai

kesejahteraan diri serta memberi sumbangan terhadap

keharmonian dan kemakmuran keluarga, masyarakat

dan negara.”

(5)

KATA PENGANTAR

Kurikulum persekolahan kebangsaan mendukung hasrat mulia negara bagi menyediakan pendidikan bertaraf dunia kepada generasi masa kini dan akan datang. Penyemakan kurikulum bertujuan memantapkan Akta Pendidikan, memenuhi semangat Falsafah Pendidikan Kebangsaan, dan menyediakan murid menghadapi cabaran pendidikan pada abad 21.

Kurikulum yang disemak semula memberi penekanan kepada nilai murni dan semangat patriotik bagi menyedarkan murid akan peranan dan tanggungjawab mereka sebagai warganegara maju dan masyarakat berilmu. Murid dididik untuk berfikir, berilmu pengetahuan luas, bertataetika tinggi, bijaksana, serta dapat menggunakan teknologi maklumat dan komunikasi secara berkesan. Diharapkan kurikulum ini dapat melahirkan murid yang berkeyakinan dan tabah mengatasi segala rintangan dan cabaran dalam kehidupan.

Sukatan Pelajaran Bahasa Iban Sekolah Menengah merupakan salah satu mata pelajaran bahasa etnik Malaysia seperti yang diperuntukkan dalam tafsiran Akta Pendidikan Negara. Mata pelajaran ini bertujuan melahirkan murid yang dapat berkomunikasi dengan berkesan untuk menghasilkan budaya dan warisan Iban di Sarawak.

Kementerian Pendidikan merakamkan penghargaan dan ucapan terima kasih kepada setiap individu dan institusi atas sumbangan kepakaran, masa, dan tenaga sehingga terhasilnya sukatan pelajaran ini.

(DATUK ABDUL RAFIE BIN MAHAT) Ketua Pengarah Pendidikan Malaysia Kementerian Pendidikan Malaysia

(6)

JAKU PEMUKA

Bahasa Iban bisi disediaka nyadi siti ari mata pelajar di peringkat sekula sekondari baka ti disebut dalam Akta Pendidikan 1996. Kurikulum Jaku sekula sekondari tu endang sambung ari kurikulum Bahasa Iban sekula primari. Kurikulum tu beniat deka nambahka pengelandik nembiak ba pengawa nguasa Bahasa Iban awakka nyadi lebih manah agi ari ti udah dikuasa sida di sekula primari nyerimbai ti betuju dikena ngerembaika potensi nembiak ari segi intelek, emosi, pengarap enggau selangkuh tubuh ti nadai penimpang.

Nitihka batang niat ati, isi turai pelajar Bahasa Iban tu nyeremin jalai ngena Bahasa Iban dalam menua tu, ukai semina dalam raban bansa Iban tang mega nyerangkung bansa bukai ti rindu belajarka Bahasa Iban. Kurikulum Bahasa Iban mega ngemeratka pengawa nempa ngaga, ngambuh nyepuh nembiak ngambika sida nemu taluk sereta angkun ke menua enggau rindu ke tanah ai diri empu kelimpah ari ti ngembuan pengerindu diau begulai sejalai sereta bekunsi tuju pengidup enggau mayuh pupu raban bansa di Malaysia. Nambahka nya, pengelandik ngulihka mayuh macham penemu, penyedar tentang pemanah ulah, penyikar ningkatka daya bepikir, pengelandik ngibun pengelikun idup tauka nyaga emosi diri, pengelandik berunding enggau orang bukai sereta pengelandik jalai ngena teknologi penerang enggau komunikasi mega diberi perati enggau luas.

Turai pelajar Bahasa Iban mega meri ruang ti lantang ngagai mayuh chara enggau gaya belajar, pengerindu enggau pengeregas ti bebida-bida di antara nembiak enggau pengeregas ti bebida-bida di antara nembiak siku-siku.

(7)

Aktiviti kokurikulum ke bekaul enggau pelajar Bahasa Iban sereta dipejalaika di luar kelas endang diperansang dikena negapka penemu nembiak nguasa pekara ti dirintaika dalam turai pelajar tu.

JULUK

Juluk Kurikulum Bahasa Iban sekula sekondari nya dikena nempa ngaga, ngambuh nyepuh nembiak ngambika sida ulih bekomunikasi dikena napi ungkup diri dalam bidang berinteraksi maya begulai sejalai enggau orang bukai, meretika idea enggau penerang ti didinga tauka dibacha, sedarka pemanah jaku ti dikena dalam mayuh macham asil tulis ari mayuh macham genre, sereta mega mantaika idea enggau asai ati ngena Bahasa Iban ke standard sambil ti neruska waris budaya bansa Iban.

OBJEKTIF

Ba pengujung pengawa ngajar enggau belajarka Bahasa Iban di sekula sekondari, nembiak disadang nemu:

i. nampil orang dalam interaksi sosial ari berandau enggau besaraka runding tauka ngena chara betulis dikena ngepun sereta negapka kaul sereta;

ii. bejalaika sebengkah-sebengkah pengawa; meretika isi mayuh macham kereban ti didinga enggau dibacha;

iii. mending, macha lalu meri respons ngagai kereban tulis tradisi enggau moden;

iv. mantaika idea enggau runding ngena jalai bejaku enggau betulis;

Sukatan Pelajaran Bahasa Iban KBSM

(8)

v. belemati lalu nemu nitihka nilai pemanah, sikap positif, semengat patriotik enggau sayauka menua diri; enggau vi. neruska waris budaya bansa Iban sesingkang enggau

pemansang mayuh pupu raban bansa di Malaysia.

ORGANISASI KURIKULUM

Kurikulum Bahasa Iban sekula sekondari ditusun bepelasarka Jalai Ngena Jaku. Jalai Ngena Jaku tu diterangka sereta dikumbai Asil Pengawa Belajar. Asil Pengawa Belajar tu beteraska Pengelandik Jaku, iya nya mending, bejaku, macha enggau nulis ti disengkaumka enggau atur dalam Sistem Jaku, lalu disukung elemen Pengisi Kurikulum.

Penerang Asil Pengawa Belajar nya ditusun nitihka guna jaku dalam pendiau ti bendar raban bansa Iban besehari-sehari dalam konteks raban bansa Malaysia.

Guna Jaku

Guna Bahasa Iban lebih agi ngemeratka bidang guna jaku ti dikena berinterkasi enggau begulai sejalai, pemeretika idea enggau penerang ti didinga enggau dibacha sereta penyedar ke pemanah jaku. Guna jaku ti dikena berinteraksi enggau begulai sejalai nya bekaul enggau pengulih nembiak ngepunka, ngemeran sereta negapka kaul enggau orang bukai.

Guna jaku dikena meretika idea enggau penerang ti didinga enggau dibacha nya bekaul enggau pengulih nembiak ngulihka, mereti sereta mantaika baru penerang, isi enggau idea.

Guna jaku ti bekaul enggau pemanah jaku nya bekaul enggau pengulih nembiak belematika genre jerita tauka sastera, mansutka idea sereta asai ati enggau kreatif. Tiap-tiap bidang

(9)

guna jaku tu ngembuan asil pengawa belajar ti patut ditemu nembiak ti ngujungka nembiak nemu bekomunikasi ngena Bahasa Iban kelimpah ari neruska waris budaya bansa bansa Iban ti nyeremin pengidup bansa Iban dalam konteks raban bansa Malaysia.

Pengelandik Jaku

Pengelandik Jaku nya nyadi teras ke kurikulum Bahasa Iban.

Iya nyengkaum pengelandik mending, bejaku, macha enggau nulis. Kaul jaul sida dalam guna jaku ngujungka nembiak ulih nyara sereta lalu muntis pengelandik jaku nya dikena napi guna maya berinteraksi enggau maya begulai sejalai, pemereti ke idea enggau penerang ti didinga enggau dibaca, enggau penyedar ke pemanah jaku.

Pengelandik Mending

Pengelandik mending nya bekaul enggau pengelandik nembiak mending enggau penuh perati kelimpah ari mereti lalu ngelala isi ti beguna, bebandingka kelikuh ti bebida-bida dalam mayuh macham kereban ti dikena ngajar enggau belajar.

Pengelandik Bejaku

Pengelandik bejaku nya bekaul enggau pengulih nembiak ngena Bahasa Iban ti betul sereta standard lebuh becherita, mantaika runding diri, nerangka asai ati diri sereta nanya enggau terang, betusun, enda lebih-lebih, kelimpah ari ti dikena nyeridi peneleba bejaku ti alus, nemu bebasa sereta beradat.

(10)

Pengelandik Macha

Pengelandik macha nya bekaul enggau pengulih nembiak nguasa mayuh macham teknik macha, begunaka mayuh macham kereban penyanding, ngambika sida sikar mereti, pandai nyara, belemati sereta muntis tauka ngaga analisis pasal kereban ti dibacha.

Pengelandik Nulis

Pengelandik nulis nya bekaul enggau pengulih nembiak nulis enggau chukup penyikar baka ngena pengaya jaku tauka istilah ti betul sereta standard, jaku lanchar lalu ayat, gramatis. Pekara ti ditulis bisi tema enggau isu ti terang, runding ti lurus sereta menyana, format ti betul enggau genre ti patut. Nambahka nya nembiak mega ulih ngemetul sereta nusun karang, enggau mayuh macham penerang betulis.

Asil Pengawa Belajar

Asil Pengawa Belajar nya penerang ti disara ari objektif kurikulum jaku. Penerang asil pengawa belajar nya penunjuk tauka kelai ti terang pasal pekara ke ulih temu nembiak.

Ketegal nya, asil pengawa belajar begunaka rapat ti ngemeratka gaya nembiak belajar. Ari nya, asil pengawa belajar ulih mantu pengajar milih isi, chara ngajar enggau penatai kereban ngajar sereta prosedur ngajar ti relevan sereta bisa tauka efektif.

Nambahka nya asil pengawa ngajar mega ulih mantu ba pengawa nyukat enggau nguji pengulih nembiak.

(11)

Sistem Jaku

Sistem Jaku nyengkaum jalai jaku, pengaya leka jaku, sistem sepil, sebut enggau intonasi, pengenap tesa, enggau sempama.

Pengisi Kurikulum

Pengisi Kurikulum nyengkaum elemen-elemen ti bejantilka pemansang ti pemadu baru dalam bidang pelajar, iya nya penemu pasal rampa menua nembiak, waris budaya enggau atur sosiobudaya, pengelandik benilai tambah baka pengelandik bepikir, pengelandik teknologi penerang enggau komunikasi, pengelandik belajar chara belajar, pengelandik ninjau arus maya dudi enggau pemintar mayuh chabang.

Semua elemen tu ulih guna nembiak dalam dunya pengidup ti bendar. Kelimpah ari nya, pelajar pasal nilai tauka ajar manah, pengerinduka menua enggau penaluk tauka patriotisme diberi perati berat setipak enggau juluk menua ti deka ngemansangka raban bansa madani tauka raban bansa ti nadai penimpang.

ASIL PENGAWA BELAJAR

Asil Pengawa Belajar Bahasa Iban meri perati berat ngagai pengelandik jaku, iya nya pengelandik mending, bejaku, macha enggau nulis. Asil Pengawa Belajar ti patut diulihka nya dalam bidang guna jaku ti dikena berinteraksi enggau begulai sejalai, pemereti ke idea enggau penerang ti didinga enggau dibacha sereta penyedar ke pemanah jaku baka ti diterangka nangkanka tu:

(12)

1.0 Asil Pengawa Belajar Dikena Berinteraksi Enggau Begulai Sejalai

Bidang guna jaku dikena berinteraksi enggau begulai sejalai nya meri perati berat ngagai pengulih nembiak ngepun sereta negapka kaul ari ti bekunsi asai ati, idea enggau penemu dikena berinterkasi lebuh bejalaika sebengkah-sebengkah pengawa. Pekara tu nyengkaum pengelandik berinteraksi, berandau, bejurai enggau berunding.

1.1 Berinteraksi

1.1.1 Bekomunikasi ngena chara berandau enggau betulis ngena jaku ti engkeman dikena bekelala, mansutka asai ati enggau bekunsi peneleba.

1.1.2 Berandau enggau orang bukai lalu nemu mantaika runding diri enggau betusun.

1.1.3 Ngenataika peminta enggau patut lalu nemu nimbal peminta orang bukai ngena jaku ti engkeman sereta ngayanka gaya perangai ti ngenyenangka ati.

1.2 Berandau enggau Bejurai

1.2.1 Mereti sereta nemu ngasuh, meri penerang enggau padah ti terang.

1.2.2 Berandau lebuh ngelanggur sebengkah- sebengkah pengawa sereta nuliska isi pekara ti beguna lalu ngerembaika idea ngagai orang bukai.

(13)

1.2.3 Bejuraika sebengkah-sebengkah pekara enggau orang bukai dikena ngulihka pemutus penemu.

1.3 Berunding

1.3.1 Berunding enggau chara tebuka enggau penuh pengarap ke diri empu ngena jaku ti alus sereta betusun.

1.3.2 Berunding dikena ngulihka pemutus pasal sebengkah-sebengkah pekara ngena jaku ti bebasa, betusun sereta nunjukka perangai ti tebuka.

1.3.3 Ngaga timbang penemu enggau gaya ti positif, rasional sereta nemu besambi-ambi, udah nya lalu ngaga pemutus runding ti ulih terima kedua-dua piak.

2.0 Asil Pengawa Belajar Dikena Meretika Idea Enggau Penerang Ti Didinga Enggau Dibacha

Bidang guna jaku ti dikena meretika idea enggau penerang ti didinga enggau dibacha meri perati berat ngagai pengulih nembiak ngulihka penemu, meretika penerang, isi enggau idea lalu ulih mantaikan iya baru.

2.1 Bulih penerang ari mayuh macham penatai ti didinga enggau dibacha

2.1.1 Mending dikena ngulihka penerang sambil nuliska isi pekara ti beguna.

(14)

2.1.2 Macha sereta ngiga sanding penemu dikena ngulihka penerang sereta nuliska penerang nya.

2.2 Meretika penerang, isi enggau idea ari mayuh penatai ti didinga enggau dibacha

2.2.1 Ngena gambar lukis, lukis kasar enggau kar minda.

2.2.2 Ngaga simpul runding pasal penerang ti udah digumpul lalu dibuntis tauka dianalisis.

2.3 Ngenataika baru penerang, isi enggau idea ari mayuh macham penatai ti didinga enggau dibacha

2.3.1 Meri penerang ngena jalai bejaku enggau betulis ngena jaku ti terang sereta betusun ari mayuh macham penatai.

2.3.2 Becherita baru ngena jalai bejaku enggau betulis ngena jaku ti alus, manah dibacha sereta betusun.

2.3.3 Ngaga ripot ngena chara bejaku enggau betulis ti engkeman ngena jaku ti terang sereta betusun.

3.0 Asil Pengawa Belajar Bekaul Enggau

Penyedar Ke Pemanah Jaku

(15)

Bidang guna jaku ti bekaul enggau penyedar ke pemanah jaku meri perati berat ngagai pengulih nembiak belematika pemanah asil tulis mayuh macham genre. Nembiak mega patut mereti, nguasa pengelandik sereta ngasilka kereban tulis ti kreatif kelimpah ari ti meri respons diri empu ngagai sebengkah-sebengkah asil betulis.

3.1. Mereti enggau Belematika Asil Tulis

3.1.1 Mereti sereta belematika asil tulis mayuh macham genre, lalu meri respons diri empu tauka mantaika runding diri pasal asil tulis nya.

3.1.2 Nelusur tauka nyebut leka main lalu madahka gaya enggau bansa leka main nya.

3.1.3 Ngerintaika tauka madahka reti ti nyata enggau iya ti besilup di dalam sebengkah-sebengkah leka main.

3.2 Ngasilka Kereban Betulis Tauka Karang

3.2.1 Ngasilka karang tauka leka main enggau

chukup perambu, nitihka atur ti betul,kemas enggau ngena jaku ti engkeman, manah dibacha sereta ngerinduka ati.

3.2.2 Mantaika isi ke bebatang, tulin sereta ngaga langkar pekara ti deka ditulis.

3.2.3 Ngaga baris leka main ti kemas sereta manah dibacha.

3.2.4 Ngemetulka, ngelurus sereta ngaluska karang ti udah ditulis.

(16)

SISTEM JAKU

Sistem Jaku meri perati berat ngagai pengawa ngajar enggau belajarka jalai jaku, pengaya jaku, sistem sepil, sebut enggau intonasi, pengenap tesa, enggau jaku sempama. Penerang ngelansa ke semua pekara nya tadi, nya baka tu:

1.0 Jalai Jaku

Jalai Jaku patut dijadika pelasar ke pemintar bejaku lalu diajar enggau chukup perambu dalam konteks, dikena nentuka pemetul jalai bejaku. Isi jalai jaku nya bisi dua bengkah, iya nya morfologi enggau sintaksis. Taja baka nya, sistem sepil, sebut enggau intonasi patut mega diberi perati dalam pengelandik bejaku:

1.1 Morfologi

1.1.1 Tukuh jaku:

a. jaku tunggal b. jaku gaga c. jaku turu d. jaku tandu 1.1.2 Raban jaku:

a. jaku nama b. jaku pengawa c. jaku adjektif d. jaku tugas

(17)

1.1.3 Proses ngaga leka jaku:

a. ngena chara nambah b. ngena chara betandu c. ngena chara beturu

1.2 Sintaksis

a. Jalai ngaga ayat ti dipenyadi ari subjek enggau predikat sereta atur nusun iya.

b. Bansa ayat, iya nya ayat penerang, ayat tanya, ayat perintah enggau ayat tekenyit.

c. Konsep ayat aktif enggau ayat pasif.

d. Tusun ayat, iya nya ayat biasa enggau tunsang.

e. Struktur ayat enggau proses ngaga ayat:

i. ayat tunggal ii. ayat turu

f. Mayuh bansa ayat turu, iya nya ayat turu berakit, ayat turu selit enggau ayat turu champur.

g. Aspek tanda bacha.

2.0 Pengaya Leka Jaku

Pengaya leka jaku nyengkaum leka jaku rama enggau leka jaku ti dikena nyebut sebengkah-sebengkah pekara enggau konsep tauka disebut istilah. Pengelandik nguasa leka jaku tu

(18)

iya nya kerembai ari pengelandik ti udah dikuasa nembiak dalam sekula primari. Pengaya leka jaku patut ditambah sereta dikerembaika ngambika iya sesingkang enggau pemansang penemu nembiak dalam bidang mata pelajar ba peringkat sekula sekondari.

3.0 Sistem Sepil

Sistem sepil ti dikena nya belalauka Sistem Sepil Bahasa Iban,

“Atur Sepil Bahasa Iban” ti dikeluarka Yayasan Kebudayaan Dayak Sarawak 1995.

4.0 Sebut Enggau Intonasi

Sebut enggau intonasi diajar ngambika nembiak ulih nyebut leka jaku enggau betul sereta meretika intonasi enggau jeda tauka penggal sebut. Pengelandik ti diajar nya pengelandik ngelala sereta bebidaka mayuh macham aspek dalam sebut enggau intonasi ngambika nembiak ulih ngenataika sesebengkah reti enggau engkeman.

Intonasi ayat Bahasa Iban ti patut diajar nya nitihka tusun ayat ti baka tu:

a. ayat penerang rama b. ayat tanya

c. ayat perintah d. ayat tunsang e. ayat pasif

5.0 Pengenap Tesa

Jalai ngena pengenap tesa maya bejaku enggau lebuh nulis ngena Bahasa Iban nya pekara ti beguna. Pengulih nembiak nguasa aspek tu iya nya sambung ari pengelandik ti udah

(19)

dipelajarka nembiak di sekula primari. Pengelandik nembiak nguasa pengenap tesa patut ditambah sereta dikerembaika ngambika iya sesingkang enggau pemansang penemu nembiak dalam bidang mata pelajar di peringkat sekulah sekondari.

6.0 Jaku Sempama

Jaku Sempama ti nyengkaum jaku silup, jaku sema, jaku kelaung, jaku pesan tuai, jaku peransang enggau bungai jaku patut diajar dalam pelajar Bahasa Iban. Lebuh milih jaku sempama ti patut diajar, pekara ti patut dikingatka nya falsafah, gaya pendiau enggau nilai manah semua raban bansa di Malaysia.

PENGISI KURIKULUM

Pengisi kurikulum Bahasa Iban meri perati berat ngagai pengawa ngambi kereban ngajar ari mayuh bidang penemu enggau disiplin. Pengisi Kurikulum betuju dikena ngukuhka pengawa ngajar enggau belajarka Bahasa Iban ti setipak enggau pemansang kemaya hari tu.

1.0 Penemu Pasal Rampa Menua Nembiak

Penemu pasal rampa menua nembiak ti patut dipilih dikena ngerembaika sebengkah-sebengkah pengelandik nya nyengkaum bidang disiplin baka sains, geografi, penemu pasal rampa menua enggau ti bukai. Kelimpah ari nya penemu ti nyengkaum mayuh macham isu ti nyadi kemaya hari tu mega tau dipilih.

2.0 Aspek Waris Budaya Enggau Atur Sosiobudaya

(20)

Aspek waris budaya ti patut dijadika kereban ngajar Bahasa Iban nya nyengkaum atur sosiobudaya baka pengalus basa lebuh bejaku, laras jaku, sempama, leka main enggau jerita rayat. Aspek waris budaya tu mega nyengkaum nilai murni tauka ajar manah, adat basa enggau norma sosial baka ke bisi dipasukka dalam “Tusun Tunggu Iban” ti nyereminka pengaya sereta pemanah kaul budaya mayuh pupu raban bansa di Malaysia.

3.0 Pengelandik Benilai Tambah

Kurikulum Bahasa Iban tu meri ruang endur berat senario dunya kemaya hari tu, global, serantau enggau raban bansa di sebengkah-sebengkah endur. Pemansang tu nagih nembiak nguasa mayuh macham pengelandik enggau peneleba ti ulih dalam kelas dikena napi guna dalam situasi pengidup ba dunya ti amat.

3.1 Pengelandik Bepikir

Pengelandik bepikir diajar ngagai nembiak ngena chara tanya saut sereta ngena aktiviti ti meransang nembiak bepikir kritis enggau kreatif dalam pengawa mending, bejaku, macha, nulis enggau meda.

Pengelandik bepikir beguna dalam pengidup besehari- sehari enggau maya nembiak nyau kereja jemah ila ari segi penyikar ngeluruska penanggul sereta ngaga pemutus penemu.

3.2 Pengelandik Ngena Teknologi Penerang enggau Komunikasi

Ba jeman teknologi penerang enggau komunikasi, nembiak patut ulih nguna komputer dikena

(21)

bekomunikasi baka bekirumka enggau beterimaka e- mel, begunaka aplikasi pengisi komputer lebuh bejalaika kereja besehari-sehari sereta ngulihka penerang ti ditemu dalam internet.

3.3 Pengelandik Belajar Chara Belajar

Pengelandik belajar chara belajar tu dikena nanam pengerindu sereta pengeriri tauka pengian belajar seumur idup. Ari ti nguasa pengelandik tu, nembiak ulih terus nambahka penemu sida sepemanjai umur sereta pintar ngambi peluang dikena napi pengidup ba dunya ti enda ngetu berubah.

3.4 Pansik Tinjau Arus Maya Dudi

Pansik tinjau arus maya dudi tu siti rapat pengawa belajar dikena nentuka nembiak sedar ke sebengkah- sebengkah isu tauka penanggul ti nyadi ba maya lalu, jam ke diatu enggau maya dudi. Reti nya nembiak ulih nyangka, ngadang kebuah, merambu sereta ngatur langkah dikena napi pekara ti berubah ngambika sida tau bulih penguntung ti pemadu mayuh tauka maksimum.

3.5 Pemintar Mayuh Chabang

Pemintar mayuh chabang nyengkaum pengelandik linguistik, logik matematik, muzik, kinestetik, ruang, interpersonal, intrapersonal enggau naturalis. Pengajar patut nyediaka gaya ngajar ti patut sereta setipak enggau pengerindu enggau pengulih nembiak ngambika pengawa ngajar enggau belajarka jaku tau bisa tauka efektif. Abis