ACARA NATAL punguan stm Dos ni roha
perumahan purna griya mas dohot humaliangna
MINGGU, 02 DESEMBER 2023
T
h ema :
Hasangapon ma di Debata di ginjang, dame ma di tano on, di angka jolma halomoan i. (Lukas 2 :
14).
Sub T h ema :
Marhite Pesta Natalta on, ganup hita tarjou gabe anak ni Debata, halomoan ni Debata hita siboan
dame di ngolunta be.
1. PROSESI
2. Mandok Hata sian: 1. Ketua Panitia Natal 2. Natua-tua ni Punguan 1. PAMUHAI (U : Uluan R : Ruas)
U : Sadari on tama do hita mandok mauliate tu Tuhan Debata pardenggan basa i, ala asirohaNa mangaramoti hita sahat tu tingki on boi tarbahen hita marpungu patupahon Pesta Perayaan natal ni punguanta on. Sude nai alani holongNa tu hita na tinompaNa. Ala ni i hita pe tama do marsihaholongan sama hita di Pesta Natalta on, sian holong ni rohanami pasahathon dame ma tu hita saluhut
“Selamat Hari Natal” ma di hamu. Nang suang songoni di hita na pungu ditingki on, tabereng ma donganta na
disampingta be huhut marsijalangan ta dok ma “Selamat Hari Natal”. Antong tapuji Tuhanta merende ma hita :
2. Marende B.E. 585 : 1 “Somba ma Jahowa”
Somba ma Jahowa Debatanta, Amen Haleluya
Sigomgom langit tano on ro diisi na, Amen Haleluya Beta hita lao, marsinggang tu joloNa, Amen Haleluya Na songkal jala na badia do Jahowa, Amen Haleluya.
Reff : Endehon Amen Haleluya, Endehon Amen Haleluya, Endehon Amen Haleluya, Endehon Amen Haleluya } 2x
3. Ibadah
U : Patuginjang ma tohang muna, hamu ale angka harbangan, patuginjang ma hamu ale angka pintu sian na robi, asa bongot Raja ni hamuliaon i.
R :Ise ulaning Raja ni hamuliaon i? I ma Jahowa, na gogo jala ulubalang dihamusuon
U :Patuginjang ma tohang muna, hamu ale angka harbangan, jala patuginjang ma hamu, ale angka pintu sian na robi asa bongot Raja ni hamuliaon i.
R : Ise ulaning Ibana, Raja ni hamuliaon i? ima Jahowa Zebaot, Ibana do Raja ni hamuliaon i. Amen
U : Antong tapungka ma ulaonta on sadari on, marningot naung tubu Tuhan Jesus Kristus, gabe palua dihita saluhutna. Taparade ma roha dohot pingkiranta ai nunga ro Tuhan i tu portibion laho paluahon hita jolma pardosa.
Tapuji Tuhan ta jala tapangiar soaranta, Marende ma hita:
4. Marende B.E. No. 48 : 1-2 “Ria Ma Hita Sasude”
Ria ma hita sasude mamuji Debata girgir ma parendenta be, Ai i do na tama, Ai i do na tama (Jonjong)
Diungkap Debatanta i banuaginjang i, disuru do AnakNa i hangoluanta i hangoluanta i.
5. Votum Introitus
U :Marhite hite goar ni Debata Ama dohot goar ni Anak na Tuhan Jesus Kristus dohot goar ni Tondi Parbadia na tumompa langit dohot tano on. Amen. Nunga tubu di hita sada posoposo, dilehon tu hita sada Anak, pamper tu abaraNa do sogot harahaon jala bahenonna GoarNa.
R :Sipartahi halongangan, ulu balang ni Debata Ama saleleng ni leleng na, Raja ni hadameon.
U :Endehon hamu sada ende na imbaru di Jahowa endehon ma Jahowa ale sandok tano on.
R :Pajojor hamu ma ditongatonga ni angka sipele begu hamuliaonNa i, ditonga-tonga ni saluhut bangso halongangan angka na binahenNa i.
U:Marsomba ma hamu tu Jahowa marpahean na marhadohoan, angka hitir ma hamu maradophon Ibana, ale isi ni sandok tano on.
U+R : Haleluya
U :Martangiang ma hita, Ale Debata Ama na di Banua Ginjang, pujipujian, hasangapon dohot hamauliateon husombahon hami tu Ho, marningot silehonlehonMi na balga i tu hami jolma na dipardangolan on. Ima AnakMu, Jesus kristus na sinuruMi sian Banua ginjang ala ni hami Gabe na dangol do Ibana jala na pogos, pola tubu Ibana di bara ni Betlehem, asa mamora hami. Sai raja i jala togutogu hami marhitehite TondiM, asa lam huida hami godang ni holong ni rohaM na pinapatar ni AnakMi.
U+R : Amen.
6. Marende B.E. No. 57 : 1+3 “Nunga Jumpang Muse”
Nunga jumpang muse ari Pesta I, Hatutubu ni Tuhanta Jesus i. Tuat do Ibana sian surgo i Mebat tu hita on.
REFF: Hasangapon di Debata, dame,dame ma di jolma. Las ni roha ni Debata Hajolmaon muse.
Sombanami ma di Ho na tubu on, Ho siboan dame tu portibion. Sai pasaorhon ma tu rohanami on DameMi o Jesus.
REFF: Hasangapon di Debata, dame, dame ma di jolma.
Las ni roha ni Debata Hajolmaon muse.
7. Jamita
8. Marende B. E. No. 614 : 1+2 “Ro ma Ho tu au”
Ro ma Ho tu au O Jesus Tuhanki, Sian banua ginjang tu rohangki, Ro ma Ho tu au O Tuhan Sipalua i, Dame binoanMu ndang natarasam i, O Tuhanki.
Asi ma roham di au O Tuhanki, Sai jalo ma tangiang nang endengki. Songon si Maria ina na martua i, Baen nang au martua ala haroroMi, O Tuhanki
9. Liturgi : Anak Sekolah Minggu
10.Marende B. E. No. 565 : 2 “Las rohangku lao mamuji”
Sude jadijadianMu, laut, tano, langit i, Angka bintang dohot bulan nang mata ni ari i. Hauma, ladang, nang harangan, rura dohot dolok i, Saluhut na mangendehon sangap di Tuhanta i.
11.Liturgi I : Barita Panompaon Na di Portibion
12.Marende B. E. No. 162 : 1+3 “O Debata Mansai”
O Debata, mansai balga, huhut dokdok dosangku.
Na so adong di tano on, na tau haporusanku.
I pe tu Ho nama au ro, sai unang tulak ahu.
Paombun ma o Debata, rimasMu mida ahu.
13.Liturgi II : Barita Hadadabu ni jolma tu dosa
14.Marende B. E. No. 766 : 1 “Padan na uli” atau Vocal Group
Padan na uli “Ho ndang hulupahon”, Ndang pola mabiar au di ngolungki, Nang pe holom do dalan siboluson, Ro do hatiuron sian langit i.
Reff: Ho tung so huhalupahon, Audo manogihon Au do mangondihon, Ho tung so huhalupahon, Au do margogoihon pos ma rohami.
15.Liturgi III : Baga-baga Haroro si Palua i
16.Marende B. E. No. 54 : 1… “Sonang Ni Bornginna i”
Mangarade ma utusan pagalak lilin - Pengurus Harian - Utusan Ama - Panitia - Utusan Ina
Sonang ni bornginna i, uju ro Jesus i. Sonang modom do halak sude; Holan dua na dungo dope, mangingani AnakNa Jesus, Tuhantai.
Denggan ni bornginna i, uju ro Jesus i. Tu parmahan di Betlehem I, dipaboa na di surgo i. Nunga ro sipangolu, Jesus, Tuhanta i.
17.Liturgi IV : Kelahiran
18.Puisi
19.Marende B. E. No. 605 : 1 “Las ma roham”
Las ma roham Tuhanta ro, Gumomgom sasude, ungkap roham, Jangkon rajam, marende ma sude, Marende ma sude, marende, Marende ma sude.
20.Liturgi V : Poda dohot Martua
21.Vocal Solo dohot Vocal Grup
22.Tangiang Pangondianon
23.Marende B. E. No. 616: 1+3 “Uli na I diborngin na badia”
(Papungu Pelean)
Uli na i di borngin na badia, Humirdop-hirdop do bintang disi. Di borngin i do tubu Sipalua, di panggagatan di Betlehem i. Portibi on dangol gok haholomon, marnida sondang ni Tuhantai.
REFF : Ulina I, marende do suruan, di borngin I do tubu Kristus i, Di borngin I di tubu Kristus i.
Uli na i sude marlas nia roha, Ala naung songgop harajaonNa i. Huria I ria do ro marsomba, Mamuji Raja na sun sangap i. Ibana do panondang hangoluan, Namangalehon pangkirimon I.
REFF : Ulina I, marende do suruan, di borngin I do tubu Kristus i, Di borngin I di tubu Kristus i.
24.Parsuruon (Jonjong)
U : Hamu angka dongan, nunga ta pestahon Perayaan Natal di taon on, unang ma perayaan sambing i, alai gabe halak na polin marhaporseaon tu Debata ma hita marhite-hite Yesus Kristus Sipalua i.
R : Sai patau jala pargogoi ma hami marhaporseaon na polin tu Ho Tuhan Debata dibagasan Jesus Kristus Tuhan Sipalua hami.
U : Antong, binsan di lehon dope kesempatan mandalani ari- ari ni ngolunta, hangoluhon, marparange dohot gabe sitindangi Kristus Jesus ma hita di ngolu muna asa gabe anak ni Debata na sorang marhite-hite haporseaon na polin tu Jesus Kristus.
R : Sai patau ma hami Tuhan mangulahon i gabe anak halomoan jala siboan dame di ngolu nami be hombar tu lomo ni rohaM.
U+R : Amen
U : Tangiang Penutup + Tangiang Ale Amanami + Tangiang Pasu-pasu + Amen.. Amen.. Amen.. ( D iendehon) .
