ACARA PARTANGIANGAN BONA TAON & ULANG TAHUN PA - 38 TAON PUNGUAN PATAMBOR SEKTO X Jumat, 09 – 02 – 2024.
*********************************************************
Thema : “Endehon hamu ma hamuliaon ni Goar-Na,
marmulia bahen hamu puji-pujianNa”
Psalmen 66 :2 Sub. Thema : Siulahonon halak na porsea dohot na manandaangka pambahenan ni Debata.
--- I. Huhuasi : Ketua Panitia.: T. Manurung
1
. Ibadah : L ( Liturgis ) ; S ( Sude )
L : Selamat Taon Baru ma di hita saluhutna S : Selamat Taon Baru ma tutu di hita.L : Tama do hita mandok mauliate tu Tuhanta, disiala denggan ni basaNa, na manogunogu huhut patariparhon hita mamolus sada taon na buruk i taon 2023.
S : Mauliate ma tutu di Tuhan i, siala diramoti do hita nang pe tabolus godang angka na masa boi do hita taripar sahat tu taon na imbaru
on.
L : Pujiongku ma Jahowa sipatsipat ni ari, sai tong ma pujipujionhu dibagasan pamanganku.
S : Pinuji ma Debata jala marsangap ma goarNa.
L : Antong tapuji jala tapasangap ma Debata, dibasan roha mauliate
dohot las ni roha ma hita mangendehon dohot manghalashon asi dohot holongNa i.
S : (Mangendehon) BE No. 581 :1 + 3, “Sangap di Jahowa”
1. Sangap di Jahowa na sun timbul i, balga ni holongNa ndang tarasam i.
Dilehon AnakNa na sasada i, manobus hita jolma pardosa i.
Puji ma, Debata, ale manisia, las roham, lasroham somba ma Debata.
Dapothon Jahowa na sun timbul i, marhite AnakNa Tuhan Jesus i.
3. Balga situtu pambaenMi Debata, tung so hasuhatan holong ni rohaM.
Tu jolma pardosa asi rohaM. Diungkap Ho do dalan lao tu banuaM.
Puji ma, Debata, ale manisia, las roham, lasroham somba ma Debata.
Dapothon Jahowa na sun timbul i, marhite AnakNa Tuhan Jesus i.
2. Votum-Introitus-Tangiang
L : Marhitehitw goar ni Debata Ama, dohot goar ni AnakNa Tuhan Jesus Kristus, dohot gor ni Tondi Parbadia na tumompa langit dohot tano on, Amen.
S : Jahowa do panondang di ahu dohot hatuaonku, tung ise ma habiaranku.
L : Nang pe marhoronhoron parangan na manungkun ahu, ndang dihabiari rohangku.
S : Sada do naung hupangidohon tu Jahowa, sai ido hulului L : Naeng mian ahu di bagasan joro ni Jahowa saleleng mangolu ahu paidaida hinadenggan ni Jahowa dohot manghalomohonsa.
S : Haposi ma Jahowa, pagomos jala patogu roham, parhanalom Jahowa.
L : Sai mangaranapi do matangku dompak dolok, sian dia do ulaning ro pangurupion tu ahu ?
S : Sian Jahowa sitompa langit dohot tano on sambaing ro pangurupion ianggo tu ahu.
L : Haleluya ! Martangiang ma hita :…. Sian asi ni rohaM do umbahen na sahat hami tu taon na imbaru on. Ho do na mangaramoti hami dibagasan taon na salpu i. Sai asi ma roham, sai unang tulak hami nuaeng, sai dongani ma hami di taon na imbaru on. Pasupasu hami ro di angka ulaon na denggan. Na huula hami marhite goarMu. Alai gumodang pasupasuhon ma hataM na badia I tu rohanami, asa gabe na imbaru rohanami, asa tarpamasuk Ho hami tu banua ginjang di hasusuda ni bohalnami. Amen.
3. MANJAHA HATA NI DEBATA : PSALMEN 63 : 2 - 9 L : Ale Debata, Ho do Debatangku, sogot do manogotna i, dilului rohangku Ho, mauas do rohangku di Ho, dihalungunhon nang dagingku Ho di tano na dangaron dohot na uasan, soada aek. S : Songon i do panataphu tu Ho di bagasan bagas na badia i,
naeng marnida hagogoonmu dohot hamuliaonmu.
L : Ai denggan do asi ni roham sian hangoluan, sai pujion ni bibirhu ma Ho.
S : Sai songon i ma pamujingku di Ho saleleng ahu mangolu,
mangasahon goarmu paherbangonku ma tanganku tu ginjang.
L : Mahap ma disi tondingku, songon na mangan tabotabo dohot na talmis, jala las roha ni bibir ni pamanganku mamujimuji.
S : Molo sapala diingot rohangku Ho di atas podomanku, laos torus sabornginna i marhusari ahu taringot tu Ho.
L : Ai Ho do manjadi pangurupion di ahu, jala tarbahen ahu
marolopolop di linggom ni angka habongmu.
S : Sai lohot tu Ho do rohangku, sai ditiop tangamu siamun i do ahu.
L : I do sahatna. Martua do angka na tumangihon hata ni Debata jala na umpeopsa, Amen
4. Renungan Situasional : Debata marmudumudu ngolu ni porsea.
L : Ndang hasigatan anggo pambahenanMu ale Debata Jahowa, jala ndang habilangan nang angka jadijadianMu. Diloas Ho do angka na masa di tongatonga ni ngolunami las ni roha nang arsak pe. Sian na so tinagam ni roha, masa o parsorion di deba dongannami binahen ni i: lalo, halisungsung, dolok na mapultak, dohot angka bencana na marragam. O Debata Jahowa, sai Ho ma gabe Parmahan di angka panggulmiton ni ngolunami. Jahowa do Siparmahan ahu, ndang tagamon hurangan ahu. Dipatongon do ahu tu jampalan na lomak,
jala dipangolu do tondingku. S :
(Mangendehon )BE no.759:1-2;“Jahowa Siparmahan au-2” F=Do 1. Jahowa Siparmahan au, ndang hurang manang aha
Tongon dibaen na lomak i, pangolu tondingki.
2. Ditogu au tu na tio, aek hangoluan i.
Dibaen do tondingki sio, dihasonangan i.
L : Alai nang pe songoni na masa i, ingkon sai hatindanghononnami do Ho o Debata, di tingki ro hasusaan manang las ni roha pe i, na Ho do na pasabam dohot na mangapuli roha ni angka na porsea, asa tung patar huhilala hami pangondihonMi.
Alani, nang pe mardalan ahu di rura linggoman ni hamatean, ndang mabiar ahu, ai disondangi Ho do sude gabe sonang
mardalan ahu.
S : (Mangendehon ) BE no.759 :5;“Jahowa Siparmahan au-2” F=Do
5. Batahi dohot tungkotMi, do mangapuli au
Di dalan sidalananhi, Ho mandongani au.
L : Apuli,.. apuli ma ale Jahowa Zebaot, angka dongannami na marsitaonon, pangapulionMu tu bangsoM, bangso Israel i.
Sai tubu sampinur sungkat jala sigkat ni latong tubu ma bunga
na hushus.
S : Sai pasupasuhon ma tu dongannami na marsitaonon i, i ma TondiM, Tondi na sumurung i, Tondi Pangapuli tu nasida.
L : Sai ingot ma hami Tuhan ala ni denggan ni basam, asa unang mandele rohanami ala ni angka sitaonon na masa di sandok
ngolunami.
S : Amen.
5. Marende no. 658 : 1 ; “Tu Portibion na rundut” G=Do
1. Tu portibion na rundut, borhat ma ho.
Galak bahen palitomu,sai dungo ho.
Boan sondang tu na holom, mangurupi na mardangol I do Barita na Uli, ni Kristus i.
6. Tangiang Pangondianon :
7. Marende no. 720 : 1 ; “Naeng marsinondang di ngolungku” F=Do
1. Naeng marsinondang ngolungku, di igil Jesus i, Manang didia pe ahu, tongtong huingot i.
Tiur marsinondang, ido ni igil ni Jesus
Tongtong marsinondang, panondang do au tutu.
8. J A M I T A.
9. Marende no. 69 : 1 – 3 ; “Jesus sai urupi hami” (Pelean) C= Do
1. Jesus sai urupi hami, dohot di taon baru on.
Paimbaru gogonami, mangihuthon Ho tongtong Pasupasu ma muse, na porsea sasude
2. Pingkiranku ulaonku, tau pasangap Ho ma i.
Dungo manang modom ahu, Ho tongtong di lambungki Nang lao ruar masuk pe, Ho ma donganki muse.
---Musik--- 3. Taon parasinirohaon, baen diau sandok tano on
Lam pa hot ma hasesaan, ni dosangku di au on Holan Ho do Jesuski, ‘tuk pasaehon dosangki.
10. Parsuruon & Pasupasu ( P=Parjamita, S= Sude).
P : Debata Parasiroha jala par denggan basa i ma paborhathon hita lao marhobas ragam ni angka pangulaonta di taon 2024 on. Ndang tarula agia aha anggo so mandongan Ahu, ninna Tuhan i. Antong tapasangap ma Jahowa mardalan di jolonta, arian Ibana gabe ombun na marsijongjong manogihon hita di dalanta jala
marhitehite api na marsijongjong na manulu di dalan na holom, ai tarbahen hita mardalan di dalan hatigoran.
S : (Mangendehon) BE no.66:1+3; “Debata baen donganmi” As=Do 1. Debata baen donganmi, lao mangula ulaonmu
Baen Ibana haposanmu. Sai paserep rohami Debata baen donganmi, Debata baen donganmi 3. Debata baen donganmi, sai na saut do ulaonmu Sai na tulus do sangkapmu, jala sonang rohangki Debata bean donganmi, Debata baen donganmi
P : Ale Tuhan, sai baen ma ngoluku gabe siula na denggan S : Asa siboan Barita ba uli ahu tu angka haholomon dope
P : Ale Tuhan, sai baen ma ahu gabe parhobasMu na denggan S : Asa siboan dame ahu tu naso mardame
P : Ale Tuhan, sai baen ma ahu gabe parhobasMu na denggan
S : Asa siboan holong ahu tu naso masihaholongan P : Ale Tuhan, sai baen ma ahu gabe parhobasMu na denggan
S : Asa siboan apulapul ahu tu angka na mardangol dohot tu angka napogos
P : Tangiang Pelean/Ale Amanami/ Pasupasu S : (Mangendehon) Amen…Amen…Amen……
tpds/2/2024
II. Acara Ulang Tahun : M. Manurung
III. Marsipanganon : Sie. Konsumsi
IV. Mandok hata :
- BORU, HELA, BERE + IBABERE MANURUNG - Paniaran Manurung
- Manurung Siampudan - Manurung Sipitongah - Manurung Siahaan
- Laporan Keuangan/Aktifitas Punguan marhite Sosial duka /dht Las ni roha....
- Ketua Patambor Sektor X - Penasehat
V. Marsijalangan…..
Diuduti acara tortor & marende : M. Manurung
================================================
