PARTORDING NI PARMINGGUON
MINGGU SEPTUAGESIMA
70 ARI ANDORANG SO HAHEHEON
Ev. 1 Korint 8 : 1 - 13 Ep. 5 Musa 18 : 15 - 20
TOPIK :
SO TUNG GABE PARTUKTUHAN MARADOPHON ANGKA DONGAN
HURIA KRISTEN BATAK PROTESTAN
1. Marende BE HKBP No. 559 : 1 - 3 “DEBATA NA SONGKAL” BL 559
Debata na songkal Sitolu sada, di sogot ni ari hupuji goarMi Debata na songkal siparasiroha Sitolu sada na badia i
Debata na songkal surusuruanMu saluhut marsomba pasahat tumpalMi Angka na badia ro tu adopanMu mamujimuji salelengna i.
( Jongjong ruas )
Debata na songkal na so tarida nasa na mardosa ndang tau marnida.
Ho na sun badia na so hatudosan sun hinagogo sun sangap do Ho.
02. VOTUM – INTROITUS – TANGIANG :
U : Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Porbadia na tumompa langit dohot tano on. Amen. Songon on didok Tuhan Jesus: Ro ma hamu tu Ahu, hamu angka na loja jala na sorat, Hupasonang pe hamu. Buat hamu ma augangKu augangKu tu hamu, guruhon hamu ma sian Ahu, ai na lambok do Ahu jala na serep marroha, asa dapotan paradianan hasonangan tondimuna. Haleluya!
H : (Mangendehon): Haleluya, Haleluya, Haleluya!
U : Martangiang ma hita ! Ale Tuhan Debata, Amanami na di banua ginjang! Asi ma rohaM di hami halak na gale on. Diida Ho, na gogo do musunami, sai talu do hami tu Ho. Dibahen i hupangido hami tu Ho:
Sai pargogoi jala pamonang ma hami maralohon musu i marhitehite panaonon ni Anak haholongan ni rohaM, Tuhan Jesus Kristus.. Amen.
(hundul ma hita) 03. Marende BE HKBP No. 403 : 1 - 2 “POS ROHANGKU DI
TUHANHU” Bl. 402
Pos rohangku di Tuhanku, ndang tarbaen tarhirim au On do tongtong tangiangku: Tu lambungMu au patau Lobi pos do rohangki, sai patulusonnai boanonNa au tu si.
Huhilala ganup ari paniopNa di au on.
Sai tong dipasarisari, naeng badia rohangkon.
Naeng lam tu tinggilna i pinggol partondionhi lao mambaen lomoNa i.
04. PATIK: I - X
U : Tangihon hamu (Tatangihon) ma Patik ni Debata di mingguta sadari on, i ma Patik pa I - X hon:
Patik Parjolo: Ahu do Jahowa Debatam, ninna Debatanta.
Ndang jadi marangkup Ahu bahenonmu Debatam.
Patik Paduahon: Ndang jadi ganaonmu jala ndang jadi sumanonmu manang aha na di banuaginjang dohot na di banua tonga on, ro di na di bagasan aek na di toru ni tano, ianggo tung gabe sisombaon manang sioloan.
Patik Patoluhon: Ndang jadi dohonon Goar ni Debata, ianggo so ture dalanna, ai hona uhumNa do sogot angka na marsineang diGoarNa.
Patik Paopathon: Ingot hamu ma pabadiahon ari Minggu i! Di na onom ari ma ula hamu nasa siulaonmu, alai anggo ari papituhon i, ari paradianan ni Jahowa Debatam do i. Ndang jadi ho mangula anggo di na sadari i, manang anakmu pe manang borum, manang naposom lahilahi, manang naposom boruboru, ro di pinahanmu ro di pangisi ni huta ni halak pe na mangebati hutam. Ai di na onom ari do ditompa Debata langit dohot tano dohot laut dohot nasa isina; dung i maradian do Ibana di ari papituhon i. Dibahen i do umbahen na dipasupasu Debata Jahowa ari paradiananNa i jala diparbadiai.
Patik Palimahon: Ingkon pasangaponmu do natorasmu, asa martua ho jala leleng mangolu di tano na nilehon ni Jahowa Debatam di ho.
Patik Paonomhon: Unang ho mamunu!
Patik Papituhon: Unang ho mangalangkup!
Patik Paualuhon: Unang ho manangko!
Patik Pasiahon: Unang ho olo manghatindanghon hata na so tutu maralohon dongan jolma.
Patik Pasampuluhon: Ndang jadi haliangan ni roham bagas ni donganmu, ndang jadi haliangan ni roham dongan saripe ni donganmu, manang naposona baoa manang naposona boruboru manang lombuna manang hodana, manang dia pe ugasan ni donganmu.
Beha do pandok ni Debata taringot tu Patik na Sampului?
Ondo: Ahu do Jahowa Debatam, ninna Debatanta. Pargogo naso hatudosan jala parrimas, Siluluhon dosa ni amaama tu pinomparna ro di sundut patoluhon, ro di sundut paopathon, pinompar ni angka na sogo roha di Ahu; alai asi do rohangKu di angka na marriburibu, angka na marholong ni roha di Ahu, na so mangalaosi PatikHi.
I do sahatna, Antong rap mangido gogo ma hita sianTuhan Debata!
U+H: Ale Tuhan Debata, sai pargogoi ma hami mangulahon na hombar tu PatikMi. Amen.
05. Marende BE HKBP No. 688 : 1 – 2 “TUHAN” BL. 688
Tuhan jotjot do marsak donganhi ala na sala pambahenanhi Hatangku, langka nang parulanhi, jora ma au.
(Jongjong)
Panghulinghi pe tupa so une, mambaen jut roha ni donganhu pe Pingkiran, hata na hurang ture, jora ma au.
06. MANOPOTI DOSA:
U : Tatopoti ma dosanta di adopan ni Debata, martangiang ma hita : Ale Amanami jala Debatanami, na di banua ginjang, Pargogo na so hatudosan! Pardengganbasa do Ho, jala ro di salelengnilelengna do asi ni rohaM. Sai marpamuati ma rohaM di hajahatonnami, jala sai unang be ingot angka dosanami, ai jotjot do hami mardosa maradophon Ho, jala jotjot do husungguli hami rimasMu marhite sian pangalaosionnami, di hataM, Ale Tuhan Jahowa, sai unang paingotingot pangalaosionnami, unang alang asi ni rohaM, sai urupi ma hami, Ho ale Tuhan Debata hatuaonnami, palua hami, jala sesa dosanami, ala ni AnakMu Tuhan Jesus Kristus, Tuhannami. Amen.
Bagabaga ni Debata taringot tu hasesaan ni dosanta : Parasi roha jala pardengganbasa do Jahowa, lambat tarrimas jala Parasiroha godang.
Ndang dibahen tu hita hombar tu angka dosanta, jala ndang dibaloshon tu hita hombar tu angka hajahatonta. Songon asi ni roha ni amaama mida angka anakna, asi ni roha ni Jahowa di angka na manghabiari Ibana!. Hasangapon ma di Debata na di ginjang!
H : Amen. (Hundul) 07. Marende BE HKBP No. 140 : 1 - 2 “GIRGIR MA HAMU” BL 141
Girgir ma hamu manogu sude na hum na begu manjua dope Di hata ni Jesus na sangap tongtong
SangkapNa patulus di portibi on.
Ndang jadi hamu mabiar ale, sai pangke burju gogoM sasude Nang hehe sibolis mamolgak hamu
Sai tatap ma Jesus pargogo tutu.
08. E P I S T E L : 5 MUSA 18 : 15 - 20
U : Tangihon hamu (Tatangihon) ma hata ni Debata di Minggunta sadari on, i ma na tarsurat di 5 MUSA 18 : 15 – 20. “Panurirang sada, songon ahu on patindangon ni Jahowa, Debatam sian tongatongami, sian angka hahaanggim; Ibana tama tangihononmuna.
H : Hombar tu saluhut naung pinangido ni roham sian Jahowa Debatam di Horeb, uju di ari parluhutan i, nimmu do: Ndang be tarpabegebege ahu soara ni Jahowa, Debatangku, jala ndang be tarpaidaida ahu api na bolon on, asa unang mate ahu.”
U : Dung i ro ma hata ni Jahowa tu ahu: “Denggan do hata na nidoknasida i.”
H : Ahu ma tutu patindanghon sogot di nasida sada panurirang sian tongatonga ni hahaangginasida i, songon ho, jala Ahu mangalehon angka hatangKu tu bagasan pamanganna, gabe hatahononna tu nasida saluhut na Hutonahon i tu ibana.
U : Jadi manang ise na so olo tumangihon hatangKi, angka sihatahononna di bagasan goarHu, ingkon Ahu mangaluluhonsa tu Ibana.”
H : “Alai tung sura adong, sada panurirang na paginjang rohana manghatahon sada hata di bagasan goarHu, so Ahu mandokhon hatahononna, manang panurirang na manghatai marhite sian goar ni angka debata sileban, ingkon marutang hosa panurirang sisongon i.
U : I do sahatna. Martua do angka na tumangihon Hata ni Debata jala na umpeopsa. Amen.
09. Marende BE HKBP No. 820 : 1 + 3 “PANGKE MA TINGKIM” Bl.
820
Pangke ma tingkim na sian Tuhanmu ai tung hatop laho salpu do i Dia ma arta na hot dingolumu holong na polin na manongtong i Ai ndang adong na hot di atas tano on nasa na uli lao salpu do i
Holong ni roha na hot na manongtong holan di Jesus do boi jumpang i.
(Ruas Jongjong)
Halojaonmu diboto Tuhanta, sian Ibana ro balos nii Holong na ias na sinaburhonmu sai gotilonmu parbue nii Ai ndang adong na hot di atas tano on nasa na uli lao salpu do i
Holong ni roha na hot na manongtong holan di Jesus do boi jumpang i.
10. MANGHATINDANGHON HAPORSEAON :
U : Tahatindangkon ma haporseaonta i, songon na hinatindanghon ni donganta sahaporseaon di sandok portibi on. Rap ma hita mandok!
H : Ahu porsea di Debata Jahowa….. (hundul)
11. TINGTING
12. Marende BE HKBP No. 30 : 1 ---“JESUS LEHON HATORANGAN”
BL 135 (Pelean Ia, Ib)
Jesus lehon hatorangan hapistaran mangantusi hataMi Lehon mata na marnida dohot roha na umboto dalanMi Asa tongtong maradophon bohiMi mardalan hami Asa digomgomi TondiMi ma hami.
Ganup ari ma ajari hami na di haotoon i dope
Asa lam porsea hami Ho sambing do hangoluannami i Lam lumeleng lam pasolhot tu rohaM ma rohanami Hombar tu hataM ma pangalahonami.
... musik ...
Sai martua ma nasida na mambahen Jesus haposanna i Aut tung sura olo hita Jesus i baen parsigantunganta i Ale Jesus sai patogu hami na di parporangan
Asa dapot di ujungna hamonangan
Sai tangihon ale Tuhan molo martangiang hami be tu Ho
Pasupasu marlobian lehononMu tu na ro manopot Ho Sai dongani nama hami asa hot di parpadanan
Mian hami sahat ro tu hasonangan.
13. JAMITA: 1 Korint 8 : 1 - 13
14. Marende BE HKBP No.185 : 1 ---“HOLAN SADA DEBATANTA”
BL 85 (Pelean II)
Holan sada Debatanta na manompa sasude Na tarida di matanta nang na so tarida pe Tanda ma ruhutna i, unang lilu rohami.
Ndang marmula Debatanta nang ujungNa pe ndang ro Ndang tarida di matanta ai rupaNa Tondi do
Holan mata ni roham tau mananda Debatam.
... musik ...
Diingani Debatanta parluhutan i sude Diingani nang rohanta digomgomi sasude Nang hagogoonNa i, ndang marhatudosan i.
Na bonar do Debatanta jala na badia pe Na sun pistar Debatanta pangoluhon sasude Pos ni roha situtu Debatanta na burju.
... musik ...
Sai na sintong do hataNa na tinonahonNa i Atik pe asi rohaNaq ndang paubaonNa i Sai oloi ma i sude asa sonang ho muse.
15. TANGIANG PELEAN :
U : Tatangianghon ma peleanta. Ale Debata, Amanami na di banua ginjang,! Ho do haroroan ni saluhut silehonlehon na denggan dohot nasa ulibasa na mauliutus. Hupasahat hami ma sian na nilehonMi tu hami, peleannami tu Ho. Sai jalo ma i gabe uap na hushus di joloM.
Pasupasu ma i jala ramoti asa huparhaseang hami pelean on, patimbulhon harajaonMu di tongatonga ni HuriaM dohot di portibi on.
Buhai ma roha nami marhitehite TondiM, asa lam hutanda hami godang ni silehonlehonMi tu hami, asa lam girgir hami mandok mauliate tu Ho, marhitehite Jesus Kristus Tuhannami. Amen.
H : (Mangendehon) BE HKBP No. 204 : 2 “Ndang Tadingkononhu Ho”BL. 73
Nasa nanilehonMi, tondi ro di pamatanghu Hosa dohot gogongki, ro di saluhut artanghu Hupasahat i tu Ho, na so unsatonhu do.
U : Ale Amanami na di banuaginjang! Sai pinarbadia ma GoarMu! Sai ro ma harajaonMu! Sai saut ma lomo ni rohaM di banua tonga on songon na di banua ginjang! Lehon ma tu hami sadari on hangoluan siapari!
Sesa ma dosanami songon panesanami di dosa ni dongan na mardosa tu hami! Unang hami togihon tu pangunjunan! Palua ma hami sian pangago!
H : (Mangendehon): BE HKBP No. 841 “AI HO DO NAMPUNA HARAJAON”
Ai Ho do nampuna harajaon, dohot hagogoon Ro di hasangapon, saleleng ni leleng na, Amen.
U : Tangiang Pasupasu
H : (Mangendehon) Amen, Amen, Amen.
