LAMPIRAN 1: DATA PENELITIAN
Data I (Data Lisan 1)
HUHUASI DI GAREJA (HG)
Hata ni pandita di tingki na mamasumasu
(1) Na manukkun ma ahu nuaeng jumolo di ho, ale pangoli si…. olo do ho manghajongjongkon di jolo ni Debata, na umboto saluhut, dohot di jolo ni angka dongan na pungu dison na dipangido roham do si…. na niriritmon gabe donganmu saripe? (2) Olo do ho mangkaholongi ibana sian nasa roham dohot mangulahon sian nasa gogom, huhut marparangehon parange na badia rap dohot ibana; na olo do ho manganjuanju dohot hagaleonna, tung sura humurang parangena, jala naso tupa paulahonmu manang tadingkononmu ibana paima disirang hamatean hamu sogot?
(3) Molo naung sada roham mangoloi saluhutna i dokma : olo!
(4) Na manungkun ma ahu dohot di ho, ale inang si… niririt ni si… on bahen donganna saripe : na olo do ho mangjongjongkon di jolo ni Debata na umboto saluhut, dohot di jolo ni dongan na pungu dison na dipangido roham do si… on, gabe sinondukmu? (5) Olo do ho mangkaholongi ibana sian nasa roham dohot marpangalaho na ture maradophon ibana dohot marparangehon parange na badia , paboa halak Kristen ho; jala na so tupa mahilonong ho manang tadingkononmu ibana, paima disirang hamatean hamu sogot?
(6) Molo naung sada roham mangoloi saluhutna i, dok ma : olo!
(7) Antong masilehonon tangan siamun ma hamu paboa hot ni padanmuna : Naposo ni Debata do ahu, na mamboan HataNa tu hamu. (8) Marhitehite Goar ni Debata Ama, Anak dohot Tondi Parbadia do ahu mandok : Na pinadomu ni Debata ndang jadi sirangon ni jolma.
PATORTOR PARUMAEN (PP)
Huhuasi sian dongan tubu ni hasuhutan
▸ Baca selengkapnya: hata poda tu bere
(2)hahadolimu martangiang antong tu Amanta Debata anggiat nion pahompu on i ma paniaranta situbuhon anak ma i riris dohot boru torop donganna ma i nangnang saurmatua.
Alus ni hasuhuton
(10) Mauliate ma hahangdoli dohot di inanta soripada saluhutna. (11) On ma tutu na nidok na dos ni roha i di angka na marhamaranggi. (12) Saluhutna na sada ulaon do hita apala di ulaonta di bagasan sadari on. (13) Tung songondia nangkin las ni rohanta i saluhutna angka hahangdoli, ido sihamauliatehononta tu Amanta na martua Debata asa anggiat tu joloan on martua hita saluhutna pasupasuon ni Tuhan di angka na marhamaranggi, saurdot saserseran. (14) On ma tutu na didongkon na i angka hahadoli na tutu ma na masipasungkunsungkunan hita di ulaonta di angka ari naung salpu i, tongtong hita masijoujouan di angka ulaonta di bagasan sadari on. (15) Songon hami hahaanggidolimuna saluhutna dison, unang pintor mulak hita, na rap marulaon do hita. (16) Tongtong pasahatonnami do ulaon on tu hamu angka hahangdoli asa rap pasimpulhon hita tu hulahulanta anon. (17) Asa rap rippa hita dison mangadopi ulaon on di hamu hahaanggi dohot inanta soripada asa sonang sohariboriboan. (18) Di ulaonta di bagasan sadari on di hita angka na marhahamaranggi nunga tutu asa
siaek siurukuruk inna tu siallan aek toba
ulaonta di bagasan sadari on na metmet naso jadi marungutungut na magodang tongtong hita saluhutna marlas ni roha.
(19) I ma sipasahatonnami di hita angka na marhamaranggi dohot angka dainang dison inanta soripada. (20) Songon i ma hata nami bonani hasuhuton angka hahadoli. Mauliate ma.
Hata panimpuli sian dongan tubu
▸ Baca selengkapnya: mandok hata ulaon saur matua
(3)hita. (25) Naeng sude ma hita marroha jala marbisuk di angka ulaon i asa taboto ruhutruhut ni angka na mardongan tubu dohot na marboru dohot na marhulahula. (26) Dibagasan ombas on mansai las rohanami mambege soaramuna i nangpe tutu di ulaon on tongtong do hami mangihuthon, ndang na pintor mulak hami tongtong do donganannami hamu. (27) Jadi, las ma rohanami di soara muna i sai anggiat ma dipasupasu Debata di bagasan dame ulaonta sadari on asa anggiat boi marlasniroha hita di ulaonta sadari on pangalapan pasupasu. (28) Jadi di sudena i nunga las roha nami di angka hata pambaenanmuna i. (29) Jadi horas ma hita saluhutna di bagasan ombas on.
Hata sian boru ni hasuhuton
(30) Jongjong hami dison angka pargellengonmuna tangkas binoto ima na mamungka parbagason ima paramaanniba di bagasan ari on. (31) Sai anggiat ma tutu gabe keluarga na berbahagia paramaan dohot parinaankon tiruan ni angka donganna tu joloan ni ari on. (32) Mauliate godang do pasahatonnami ima tu simatua na poso, alai molo pe tu simatuanami naposo on na boi hupasahat hami angka raja ni hulahula, las ma roha ni badanmu las ma nang roha ni tondimu. (33) Songon i ma sidohononnami nuaeng pamoruonmu tu hamu raja ni hulahulanami. Mauliate.
Alus sian hasuhuton
(34) I do tangiangnami tu hamu angka raja ni pamoruonnami asa anggiat tu joloan on dos rohanta di angka na marhulamarboru i di angka na lao mangula nasa siulaonta. (35) Asa dohononnami ma angka raja ni boru di angka na uli na pinasahatmuna i, asa anggiat tu joloan on dapot hamuna angka na uli na denggan i asa anggiat dapot hita sada ni roha tu angka ari na mangihut. (36) Antong dohononnami ma songon manimpuli dohot hata na uli na denggan tu hamuna angka raja ni pamoruonnami
sahat solu sahat ma tinogu tu labuan
di saluhutna na pinasahatmu, di naniula ni tanganmuna saluhutna di hami angka hulahulamuna sahat ma hamu tu parhorasan saluhutna tu joloan on. Hata sian pandehata ni parboru
▸ Baca selengkapnya: mandok hata sian parboru
(4)hita marpungu di tongatonga ni alaman on i ma apala di jabumuna sibaganding tua na martua na marsangap sogomgom nasa tondi nasida. (38) On ma tingkina ari na uli ari na denggan naung tangkas ma antong taloloi, taudurhon anak dohot boru, i ma na manjalo pasupasu pardongansaripeon sian bagas joro ni Tuhanta marhite naposona. (39) Di bagasan ombas on ro do hami di hasasahat ni haroronami dohononnami amangboru,
sahat tubu ma sahat ampola
sahat ma hita maduma jala tumangkasan ma hita mamora.
(40) Asa horas ma hamu na mangalean tugandana ma hami na manjalo. (41) Molo pe humurang di angka huttihuttian ni angka nantulangmuna sai unang ma hurang pasupasu ni Amanta Debata di hita angka na marhulamarboru. (42) Songon i ma sahat ni haroronami na mandapothon hamu parhitean ni angka boras pir. Mauliate ma.
Alus sian pandehata ni paranak
(43) Angka nantulang dohot tulang na basa saluhutna, hami nunga jongjong dison saluhutna pargellengonmuna, masiadopadopan hita na marhulamarboru. (44) Tung adong angka tulang di angka penampilannami na hurang lobi marpanganju hamu tu hami angka pargellengonmuna, di na hurang lobi, asa lam huattusi hami mambaen sogot songondia ulaon na denggan maradophon hamuna.
Aek sidurian marbona di sitapongan,
Pir ma tutu tondinami saluhutna hami pargellengonmuna
lam martamba nang sinadongan.
Mauliate ma.
Alus ni pandehata ni parboru
(45) Mauliate ma raja ni amangboru. (46) Hubereng hami do di angka hasadaan ni rohamuna dohot di dos ni rohamuna saluhutna hamu siraja ni borunami, dipatupa hamu rongam marhitehon di angka bungabunga ni tangannami. (47) Tung las ma roha ni badan nang tondinami di na lao manjalo dohot na lao manapuhon annon. (48) Asa jumpa ma di hamuna songon nidok ni natuatua asa
asa jumpang di hamuna na niluluan dapot najinalahan.
Hata sian tulang sijalo tintin marangkup
(49) Di ari na uli on di ari na denggan on, di gongkonmu dohot di joujoumuna nunga be ro hami hulahulamuna dison. (50) I ma hami hulahula sijalo tintin marangkup sahat tu bona tulang, bona ni ari, paribanmuna, dohot angka ianakkonmuna. (51) Marsiala nang so sinungkun hamu angka amangboru nunga tung tangkas be binoto ima na mangalap pasupasu parbagason berenami suang songon i nang borunami sian bagas joro ni Tuhanta. (52) Sai anggiat ma dipasupasu Tuhanta bere nang borunami rumatangga na bahagia, rumatangga sitiruon tu joloan on.
Alus sian pandehata ni paranak
(53) Tung marlambok pusu do hamu angka tulang dohot nantulang dison mandapothon hami angka pargellengonmuna. (54) I ma tutu sangap ni da tulang i dohot di angka na marbere na marpinupus i. (55) Pangidoannami angka tulang, di angka parbue pir na binoan ni angka nantulang nangkin, songon na nidok ni situatua dohononnami asa
pir pongki bahulbahul pansalongan
mokmok ma hami tulang manganhon parbue pir na binoanmuna i laos jururjurur nang pansamotan di hami angka beremuna.
Alus sian tulang sijalo tintin marangkup
(56) Dipatarida hamu do holong ni rohamuna i na marhulahula i, tung tangkas do dipasahat hamu galangnami. (57) Sai anggiat ma dipatupa Tuhanta di hamuna songon singkat ni angka ari na salpu gabe na niulamuna, sinur na pinahanmuna, tuhorasna hamuna angka amangborunami, tupengpengna hamu saurmatua tu joloan on, tubuan anak na bisuk hamuna tu joloan on asa boi gabe pangalualuan. (58) Songon i ma dohononnami tu hamuna angka amangborunami. Manulang
Hata sian paranak
angka rajanami, tung i dope na boi tarpatupa hami. (62) Molo tung na mangkolit hami angka rajanami, sai lam tu godangna ma di hami angka pargellengonmuna asa songon na nidok ni situatua godang sibutongbutong inna otik sipir ni tondi. (63) Di na so sadia indahan na las dohot juhut na marsaudara na hupasahat hami, las ma roha ni badanmu las nang roha ni tondimuna. (64) Pinasuna i angka rajanami asa pamurnas tu daging saudara nang tu bohi, sipalomak imbulu sipasindak panaili.
Hata sian parboru
(65) Songon on ma sidohononnami tu hamu helanami dohot borunami, dison ro do hami pasahathon dengke na ganjang, dengke sigodang sisik na peak di indahan na las. (66) Sai anggiat nian marhitehite dengke na hupasahat hami tu hamu ba dapotan pasupasu hamu sian Tuhan i. (67) Anggiat tung songon pandok ni umpasa
assimun inna tubu di holbung dohot pege sangkarimpang manimbung hamu rap tu ginjang mangangkat rap tu toru.
(69) Songon i ma sidohononnami tu borunami dohot helanami. Hata sian tulang sijalo tintin marangkup
(68) Di ari na uli on, ari na denggan on di na manghalashon pesta, di na manjalo pasupasu parbagason hamu sian bagas joro ni Tuhanta marhite naposoNa i, las rohanami, marhite i hupatupa hami dison indahan na las. (69) Sai anggiat ma tutu di berekku nang di borukku las ma roha ni badanmu las roha ni tondimuna idohothon ma dalan tu panggabean di hamu. (70) Suang songon i nang dengke simudurudur dengke na ganjang dengke sahat di hamuna bere dohot boru, sai mudurudur ma hamuna tu dolok tu toruan sai marsada ni roha, sai tuganjangna ma umurmuna sahat pajumpa na niluluanmuna dapot na jinalahanmuna. (71) Songon i ma sidohononnami tu ho bere dohot ho boru.
Huhuasi sian parboru di na pasahathon tintin marangkup
pe so sadia las ma rohamuna manjalo, na paboahon si sada boru hita hahangdoli. (75) Songon i ma sidohononnami. Mauliate ma.
Alus sian tulang sijalo tintin marangkup
(76) Nunga tung las rohanami tutu di naung pinasahatmuna ima ringgit na marmata tuhor ni borunta i. (77) Las ma tutu roha ni badannami las roha ni tondinami, sai tu gabena ma angka borunta, gabe na parjolo gabean ma na parpudi. (78) Songon i ma sidohononnami.
MANGULOSI (M)
Hata sian parboru na pasahathon ulos Pansamot
(79) Mauliate ma di Tuhan i na mangalehon hita singkop marhahipason. (80) Las rohanami ito, nunga hujalo hami sinamot i, i ma di adat ni borunami. (81) Jadi alani i pasahatonnami ma tu ho saonari ulos pansamot. (82) Sai anggiat nian marhitehite ulos pansamot on laos sinur na pinahanmu gabe ma antong angka na niulam. (83) Asa dohonon ma ito songon pandok ni umpasa
andor hadungka inna togutogu ni lombu andor matiti ma antong togutogu ni horbo.
saurmatua ma ho ito di angka na patogutogu pahompu jala sahat ma ibotongku na marnini marnono.
Hata sian parboru di na mangulosi boru dohot helana
(84) I pe amang hela dohot ho boru, andorang so hupasahat hami hata na uli hata na denggan manang ulos na ganjang sitorop rambu tu hamu, jadi songon on ma hela dohot ho boru di na marlas ni roha hamuna dohot hami angka simatuamuna, dohot itonami natuatuamuna, hamu dohot angka bapakmuna dohot omakmuna, naung jinalomuna pasupasu pardongansaripeon sian bagas joro ni Tuhanta marhite naposoNa. (85) Di bagasan ombas on adong do lima sipasahatonku tu hamu. (86) Na parjolo pasahat ma dirimu tu Tuhanta, na paduahon somba ho bere marhulahula, na patoluhon elek hamu marboru, na paopathon manat mardongan tubu, na palimahon manat mardongan sahuta. (87) Lapatanna molo diulahon hamuna i, i ma patik na lima i, ingkon jaloonmu do holong ni roha ni Debata tu angka ari na mangihut.
(88) Mauliatema di hamu tondong nami marga… ala dilehon hamu do sada tingki tu hami na laho manghalashon pesta parkawinan ni pahompukkon. (89) Sai anggiat ma tutu dioloi Debata tangiang nami asa situbuhon anak riris on dohot boru torop. (90) Dison huboan hami do ulos, ulos sitorop rambu. (91) Anggo ulos on tarasom do anggo argana, alai anggo pangkorhonna sai manjangkon ma partondion ni pahompukkon. (92) Songon nidok ni umpasa ma dohonon bintang na rumiris dohot ombun sorop di dolok ni purbatua, anak pe riris di pahompukkon boru torop donganna ma i saurmatua. (93) Di jolo sieahan, di pudi sipaenteon, di tongatonga siluluan. (94) Asa songon nidok ni situatua ma dohononku
binsar ma mataniari sian habinsaran poltak mata ni bulan sian hasundutan tubu ma di hamuna anak partahi ulubalang dohot boru sihasudungan.
Hata sian pandehata ni paranak
(95) Di hamu saluhutna tulangnami dohot angka nantulangnami, nunga dipasahat hamu nangkin pasupasu marhite sian angka tangiangmuna dohot ulos na ganjang ulos na hapal sitorop rambu i. (96) Hapal ma tutu angka pangkorhonna di hami angka pargellengonmuna lobi sian ganjang ni ulos i ganjang ni umur nami angka na pinupusmuna, lobi sian torop ni ulos i torop ni pinomparnami pargellengonmuna. (97) Songon i ma sian hami beremuna. Mauliate ma.
Dialusi pangolian ma muse
(98) Di hamu angka borunami, adong do hata ni situatua na mandok sinuan bulu sibaen na las
sinuan partondongon tu hamu sibaen na horas.
(99) Ala ni i angka amangboru, ndang na manuan bulu be hamu anggo songon saonari, tangkas do parjabu suhut tangkasan do parjabu bona. (100) Molo hubereng do dibagasan tingki on ro na hupupus hami lao manombanomba hami, alani sibaenon asing majo alani sibaenon, i do na hudok angka amangboru mauliate godang ma ro hamu marsomba tu hami angka hulahulamu.
Hata sian tulang sijalo tintin marangkup
rambu, ulos na ganjang. (102) Asa anggiat dipasupasu Debata hamu marhitehon pangidoannami, asa tubuan laklak hamu tubuan singkoru tubuan anak tubuan boru tu joloan on. (103) On ma na hupangidohonhami tu Amanta Debata, tung pe songon i na boi tarpasahat hami las ma roha ni badanmu las nang roha ni tondimu. (104) Songon i ma dohononnami di bere nang boru pe.
Alus sian paranak
(105) Mauliate ma di hamu tulangnami, molo tung na songondia pe, dison ma lungunnami tu hamu raja ni hulahula, suang songon i ma nang sijalo tintin marangkup. (106) Las ma rohamuna di si asa songon hata ni situatua na mandok
pir ma pongki bahulbahul pansalongan
pir ma tondinami angka gellengmuna sai julujulu ma taho nang pansamotan.
Dipasimpul tulang sijalo tintin marangkup
(107) I ma tutu di hamu amangborunami, dipataridahon hamu do di sombamuna na marhulahula i. (108) Sada ma hamu angka na marhahamaranggi tumpahan ni amanta Debata, tongtong ma hamu masipaelekelekan. (109) Nunga mansai las rohanami. (110) Saluhut silehonlehonmunai ba tonggi ma i baenonnami tu pisang assim ma i tu sira, horas ma hamu angka borunami na pasahathon ba hipas ma hami na manjalo. (114) Ba songon i ma sidohononnami.
Data II (Data Lisan 2)
HUHUASI DI GAREJA (HG)
Hata ni pandita di tingki na mamasumasu
(115) Na manukkun ma ahu nuaeng jumolo di ho, ale pangoli si…. olo do ho manghajongjongkon di jolo ni Debata, na umboto saluhut, dohot di jolo ni angka dongan na pungu dison na dipangido roham do si…. na niriritmon gabe donganmu saripe? (116) Olo do ho mangkaholongi ibana sian nasa roham dohot mangulahon sian nasa gogom, huhut marparangehon parange na badia rap dohot ibana; na olo do ho manganjuanju dohot hagaleonna, tung sura humurang parangena, jala naso tupa paulahonmu manang tadingkononmu ibana paima disirang hamatean hamu sogot?
(118) Na manukkun ma ahu dohot di ho, ale inang si… niririt ni si… on bahen donganna saripe : na olo do ho mangjongjongkon di jolo ni Debata na umboto saluhut, dohot di jolo ni dongan na pungu dison na dipangido roham do si… on, gabe sinondukmu? (119) Olo do ho mangkaholongi ibana sian nasa roham dohot marpangalaho na ture maradophon ibana dohot marparangehon parange na badia , paboa halak Kristen ho; jala na so tupa mahilonong ho manang tadingkononmu ibana, paima disirang hamatean hamu sogot?
(120) Molo naung sada roham mangoloi saluhutna i, dok ma : olo!
(121) Antong masilehonon tangan siamun ma hamu paboa hot ni padanmuna : Naposo ni Debata do ahu, na mamboan HataNa tu hamu. (122) Marhitehite Goar ni Debata Ama, Anak dohot Tondi Parbadia do ahu mandok : Na pinadomu ni Debata ndang jadi sirangon ni jolma.
PATORTOR PARUMAEN (PP) Huhuasi sian dongan tubu
(123) Di hamu hasuhutonnami, di ombas on di haroronami apala di pesta silas ni roha, di na mamungka keluarga na imbaru anak dohot parumaen apala di ombas on sian bagas joro ni Tuhanta i, i ma silas ni rohanta. (124) Sai anggiat ma dipasupasu Tuhanta tu joloan ni ari on, dilehon Debata ma situbuan laklak situbuan singkoru, tubuan anak tubuan boru, i ma pangidoannami di hita na mardongan tubu di pestanta sadari on. (125) Di haroro nami di bagasan ombas on ima di na mamboan angka parbue pir dohot di angka silas ni roha songon na marmeme parumaen dohot anakkonnami, tung songon i pe na boi tarpasahat hami di bagasan pesta si las ni roha di tingki on, ba las ma rohamuna manjalo i da hasuhutonnami. Boti ma. (126) Asa
sahat ma solu ditogu tu bortean,
nunga ta pestahon keluarga na imbaru mamungka rumatangga na imbaru di bagasan ombas on jala na pasahathon sulangsulang nagok hita tu hulahulanta
sai asi ma roha ni Tuhanta leleng ma hita mangolu jala sahat ma tu parhorasan
Alus ni hasuhuton
dohot saluhutna di angka na marhahamaranggi mula ulaon, on do na sada ulaon. (130) Jadi di las ni rohanta i angka amang, angka hahangdoli dohot angka inang, dison hami anggidolimuna di sahasuhuton on naeng ro ma hami songon maniuk-niuk hamuna hahadolinami saluhutna dison dohot angka anggidolinta. (131) Songon i ma raja bolon sian hami anggidolimuna.
Huhuasi sian Pamoruon ni hasuhuton
(132) I ma tutu raja ni hulahula, sai martangiang ma hamuna di bagasan rohamuna anggiat dapotnami ampapaga na lomak di tano parserahan i tu joloan ni ari on. (133) Jadi dibagasan tingki on mauliate ma di Tuhanta pardenggan basa i na mangalean tingki di hita apala di bagasan sadari on, nunga mariaia tondinta jala marolopolop di pesta ni paramaannami on. (134) Tu angka ari na mangihut on songon hata ni inanta pandita i nangkin, tumibu ma paramaannami dililiti andorna angka tu ari na mangihut i. (135) Molo pe tung songon i na boi tarbaen hami tu hamu angka raja ni hulahula, ba las ma roha ni badanmu las roha ni tondimuna, mandok songon i ma hami pargellengonmuna raja ni hulahula. Mauliate.
Alus sian hasuhuton
(136) Sisada tortor do hita angka raja ni boru di ulaonta di bagasan sadari on. (137) Songon na nidokmuna nangkin di angka sijamaon ni tanganmuna di angka na manomba angka hulahulamuna saluhutna nunga tung balga dipasahat hamuna tu hami saluhutna angka hulahulamuna. (138) Sidohononnami tu hamu angka raja ni pamoruonnami, ditambai Tuhan ma di hamu di angka na niula ni tanganmu di ari sogot, dipasupasu Tuhan saluhutna. (139) Suang songon i ma nang angka pahompu nami saluhutna na di jolomuna nang na di parsingkolaan, nang na di tano pangarantoan tongtong dilehon Tuhan bisuk di nasida saluhutna asa boi dapot nasida pasupasu na uli na denggan i sian Amanta na martua Debata. Hata sian parboru
dalan tu huta tua ninna ingkon boluson do sihaporas burjudo hami saluhutna siraja ni hulahulamuna adong do hupatupa hami boras.
(142) Molo pe otik, boras siriburribur ma i boras sipir ni tondi. (143) Saluhut do ima di angka huttihuttian ni inanta dengke sahat, dengke horas dengke simudurudur, tu angka ari na mangihut jumpa ma rejekina ba mudurudur ma tondi ni anak dohot boru di anak dohot boru na manjalo pamasumasuon sadari on. Hata sian pandehata ni paranak
(144) I do tutu tulang hipas hamuna ro sian luatta mandapothon hami pargellengonmuna, dijoloani Tuhan pardalananmuna saluhutna tongtong hipas dibagasan las ni roha hita pajumpang di bagasan tingki on. (145) Nang hami saluhutna pamoruonmuna naeng dapotonmuna tongtong dibagasan hahipason angka raja ni tulang. (146) Martangiang ma hamu tu adopan ni Tuhanta asa tung boi ussangap hamu di angka ari sogot di angka ulaon na uli adopannami hamu angka rajanami. (147) Tung songon i pe na boi tarpasahat hami, las ma roha ni badanmuna lumobi ma nang partondionmuna. (148) Songon i ma angka tulang dohot nantulang hata sian hami pamoruonmuna di hasasahat ni sijamaon ni tangannami maradophon hamu hulahulanami. Boti ma angka tulang.
Alus ni pandehata ni parboru
(149) Mauliate ma raja ni amangboru. (150) Tu hamu saluhutna siraja ni amangborunami, laenami, nang ibotonami, asa jumpa ma di hamu songon nidok ni natuatua asa
naung sampulu pitu ninna juma ni sampulu ualu
hata pasupasu na sian Amanta Debata marhite hami siraja ni hulahulamuna tuat ma tu abaramuna, ampe tu sambubumuna ampuanmuna ma i tu tonga ni jabu.
Hata sian tulang sijalo tintin marangkup
(151) Di gongkonmu dohot di joujoumuna nunga be ro hami hulahulamuna dison, nunga tung tangkas be binoto ima na mangalap pasupasu parbagason berenami suang songon i nang borunami sian bagas joro ni Tuhanta. (152) Sai anggiat ma dioloi Tuhanta pangidoanta, asa tung pir tondimuna tu joloan on, tu horasna hamu. (153) Songon nidok ni natuatua ma dohononnami
pir ma tondimuna saluhutna jururjurur nang pansamotan.
(154) Songon i ma sipasahatonnami tu pamoruonnami. Alus sian pandehata ni paranak
(155) Mauliate ma hupasahat hami, sian hami pargellengonmuna saluhutna, asa tung tangkas do martangiang tu tonga ni bagasmuna manangiangkon hami saluhutna angka pargellengonmuna, asa lumobi sian i pasahatonnami tu angka ari sogot tu hamu raja ni parbonaannami. (156) Tung songon i pe angka raja ni tulang dohot nantulang na boi tarpasahat hami, las ma roha ni badanmu las nang roha ni tondimuna. (157) Di hami saluhutna angka na tinongos ni tondimuna on silonggo ti ma hami angka tulang.
Alus sian hulahula sijalo tintin marangkup
(158) Songon i pe amangboru, tangkas do pasahatonnami poda tu ibeberenami on dohot borunami. (159) Jadi marhitehon i, lehononnami ma meme na gok tu berenami dohot tu ibeberenami asa anggiat rumatangga na bahagia, rumatangga sitiruon nasida di tongatonga ni masyarakat nang di tongatonga ni bus.
(160) Dung sae hami marmeme bere dohot ibotonami apala di tingki on, tonggi ma i tu pisang assim ma i tu sira panganonmuna tu joloan on, ditambai Tuhan ma di hamuna angka silas ni roha, hagabeon, dohot parhorasan. (161) Tung songon i pe na tarbaen hami las ma roha ni badanmu las nang tondimu. (162) Songon i ma sidohononnami amangboru.
Manulang
Hata sian paranak
(163) Di ari na uli on, ari na denggan on, na manghalashon pesta di na manjalo pasupasu parbagason ianakkonta sian bagas joro ni Tuhanta marhite naposoNa i, marhite i hupatupa hami dison indahan na las dohot juhut na marsaudara. (164) Angka raja ni tulang dohot nantulang, tung songon on pe na boi tarpasahat hami saudara ni juhut, las ma roha ni badanmu las nang partondionmuna. (165) Songon na nidok ni situatua angka rajanami dohononnami tu tulang dohot nantulangnami asa
horas ma hami saluhut pamoruonmuna na pasahathon hipas ma hamu hulahulanami na manjalo.
Boti ma.
Hata sian parboru
(166) Di naung marlas ni roha hamuna di bagasan ombas on, idok natuatua sinalong inna bulung botik sinalong bulung ni siala, indahanna na saotik dengkena so sadia pala. (167) Nang pe so sadia dengke simudurudur on anggiat ma tu ari na mangihut mangudurhon tondi ni anak mangundurhon tondi ni boru di hamuna jumpa di tingkina. (168) Asa dohonon ma asa sititi sigompa golanggolang pangarahutna so sadia pe na tupa sai godang ma di angka pinasuna.
Hata sian tulang sijalo tintin marangkup
(169) Di tingki on, di na manjalo pasupasu parbagason hamu sian bagas joro ni Tuhanta marhite naposoNa i, marhite i hupatupa hami dison indahan na las. (170) Sai anggiat ma tutu di berekku nang di borukku las ma roha ni badanmu las roha ni tondimuna, suang songon i nang dengke simudurudur, sai mudurudur ma hamuna tu dolok tu toruan sai marsada ni roha tu joloan on. (171) Tung songon i pe bere dohot hamu ito na boi tarpasahat hami, ndang na mangholit hami, alai tung i dope na tarpatupa hami. (172) Songon i ma sidohononnami tu ho bere dohot ho boru.
Huhuasi sian parboru di na pasahathon tintin marangkup
(173) Tu hamuna hahangdolinami, ima tulang ni helanami, di bagasan ombas on hahangdoli, nunga tung godang hujalo hami sinamot ni borunta i, hupasahat hami tu hamuna mauli pe so sadia i hahangdoli, las ma rohamuna di angka na manjalosa na paboahon si sada boru hita hahangdoli. (174) Songon i ma sidohononnami. Boti ma.
Alus sian tulang sijalo tintin marangkup
dison marga …. (177) Songon i ma jolo sidohononnami tu hamuna, sai gabe ma hamu maranak marboru tu joloan on. (178) Songon nidok ni umpasa ma eme sitamba tua ma inna parlinggoman ni siborok, Amanta Debata do na martua horas ma hamu saluhutna diparorot.
MANGULOSI (M)
Hata sian parboru na mangulosi boru dohot helana
(179) I pe amang hela dohot ho boru, di na marlas ni roha hamuna dohot hami, naung jinalomuna pasupasu pardongansaripeon sian bagas joro ni Tuhanta marhite naposoNa, di bagasan ombas on hupasahat hami ma ulos na ganjang si torop rambu tu hamu. (180) Songon nidok ni situatua ma dohonon
Tubu ma bunga pancur, bunga pancur ni halasan, asa suksuk di hamu di angka pasupasu
ditambai Tuhanta di hamu angka parhorasan.
Hata sian dongan sahuta ni parboru
(181) Tu hamuna rajanami na hudapothon hami di bagasan parluatan on nang di hamuna bona suhut ima marga…, silehononnami tu hamuna na ro hami sian… ima marhitehon raja ni huta, natuatua ni huta, amanta kepala desa, alai serentak do hami dohot punguan ina na sian…. (182) On ma tanda dos ni rohanami angka inang dohot hamu angka rajanami, di haroronami ima marhitehon na mangalap pamasumasuon do anak dohot boru ni huria i. Dibahen i, tung songon i pe na boi hupatupa hami songon ulos na boi sian raja natuatua na sian luat… asa anggiat ma songon nidok ni natuatua ma dohononnami tu hamuna, hamuna anaknami nang borunami, di bagasan ombas on na manjalo pasupasu ma hamu sian Debata. (183) Antong songon nidok ni natuatua ma dohononnami tu hamuna
magendat inna angka nasa dibaen parbuena
horas ma amanta raja manggomgom nasa parripe na.
Hata sian pangolian
(186) Dison huboan hami do ulos, ulos sitorop rambu, songon nidok ni umpasa ma dohonon
bintang na rumiris dohot ombun sorop di dolok ni purbatua
anak pe riris di pahompukkon boru torop donganna ma i saurmatua.
Hata sian pandehata ni paranak
(187) Mauliate ma angka tulang dohot angka nantulang. (188) Tung songon dia pe dalan sombanami dohot sijamaon ni tangannami naung hupasahat hami angka rajanami tu hamuna, asa martangiang hamu tu Amanta na martua Debata asa boi songon siat pangidoanmuna di hami angka pargellengonmuna tu angka ari sogot. (189) I do na boi tarpasahat hami angka raja ni hulahula tu hamuna, martangiang ma hamu asa dapotan na uli na denggan hami saluhutna angka na pinupusmuna. (190) Songon i ma sian hami beremuna. Mauliate ma. Dialusi pangolian ma muse
(191) Di hamu angka borunami mauliate godang ma dohononnami tu hamuna asa anggiat dapot na niluluanmuna jumpang na jinalahanmuna tu angka ari na mangihut on. (192) Hata ni na tuatua dohononku amang angka amangboru
andor his ma I tu andor siporapora
dorgisdorgis ma hamu angka namboruku nang amangborukku jala saur mamora.
Hata sian tulang sijalo tintin marangkup
(193) Molo tapanghilalahon do denggan basa ni Debata di hita, di na marhasonangan hita i ma na manjalo pasupasu parbagason bere nang boru apala di tingki on tongtong do hamu didongani Tuhan jala diramoti. (194) Mahitehon i, di las ni rohanami angka amangboru di na mangolophon pesta pamasumasuon ni bere nang boru dohot na manggarar sulangsulang na gok angka tu hulahula, tung mansai las roha, marhitehon las ni roha nami i ro do hami angka hulahulamu di na pasahathon ulos sitorop rambu, ulos na ganjang, asa adong mangulosi badan dohot tondimuna. (195) Unang ma ida hamu sian ulos i bere, anggo ulos on tipis do, alai parhiteannami ma on mangidohon tu Amanta Debata mangidohon pasupasu na godang mambaen roha na las tu joloan on. (196) Songon i ma dohonon di bere nang borunami.
Alus sian paranak
(197) Di hamu Hulahulanami tulangnami tarlumobi sijalo tintin marangkup, nunga dipasahat hamu tutu angka ulos na ganjang ulos sitorop rambu, sai anggiat ma tutu mangalean ganjang ni umur tu torop na angka pinompar di hami angka beremuna. (198) Asa songon hata ni situatua na mandok
bagot na marhalto ma na tubu di robean;
sai horas ma hami na manjalo, sai lam martamba sinadongan di hamu na mangalean
Dipasimpul tulang sijalo tintin marangkup
(199) Sahat ma angka amangboru na lagu amangboru na basa. (200) Tanda do hamu siingot tona dohot ditiop poda, dipataridahon hamu do di sombamuna na marhulahula i, tung tangkas do hami disombasomba hamuna, hami angka hulahulamuna hamuna angka pamoruonnami. (201) Hami pe mandok mauliate ma tu Amanta Debata anggiat ma dioloi Tuhan tangiangnami hami angka hulahulamuna asa sada rohamuna songon daion aek unang mardua songon daion pola. (202) Ba songon i ma sidohononnami.
Data III (Data Tulis)
PANGANON SIBUHABUHAI (PS) Hata sian bagian paranak:
(203) “Rajanami, raja ni hula-hula, angka amanta raja dohot angka inanta soripada. (204) Tangan manomba ma dohot soara marhuhuasi di sipanganon na saotik na huboan hami on. (205) Ima da rajanami sipanganon sibuhabuhai ni pesta sadari on, asa buha parulian, panggabean dohot parhorasan di hita saluhutna. (206) Bosur ma hita mangan na godang, mokmok mangan na otik. (207) Bulung ni dapdap ma langkop, ia i ma jolo nuaeng na tarpatupa ba i ma taparhajop.
Sititi ma sihompa, golanggolang pangarahutna;
Tung so sadia pe nuaeng na hupatupa hami i, ba sai godang ma pinasuna. Boti ma.”
Hata pasupasu di na mangupa boru na muli
pangidoan nami mulai sadari on : sisada roha ma hamu, sisada tahi sisada oloan di saluhut siulaon dohot sibahenonmuna. (210) Ia dengke i, dengke saur do i sai songon i ma nang hamu nadua sai saur sarimatua; dengke simudurudur do i huhut, asa sai rap mudurudur ma hamu nian manuju tu na uli dohot na denggan tarlobilobi laho manuju inganan partangiangan manang na gareja pe i manang jabu na somal laho mangido pasupasu dohot gogo sian Tuhanta, asa Tuhanta i na mamimpin hamu di sude parngoluanmuna, dengke sitiotio do i huhut, sai anggiat ma tio songon aek sitiotio na di bagasan galas panginumanmuna i parngoluanmuna tu joloan on tumpahan ni Tuhanta Pardenggan basa i, jala dengke sahat do i huhut, sai sahat ma na uli na denggan tu hamu songon na pinarsinta ni rohanta, sai sahat hamu dohot tu panggabean dohot parhorasan tu joloansa on.
Dangka ni arirang peak di tonga onan;
Badanmuna sai unang olo sirang, tondimuna sai masigomgoman HUHUASI DI GAREJA (HG)
Hata sian wakil ni paranak :
(211) “Hamu angka na pinarsangapan, angka amanta raja dohot angka inanta soripada. Jongjong do ahu dison mandok hata songon wakil sian paranak. (212) Parjolo do hami mandok mauliate tu Amanta Debata na mandongani hita sahat tu ari on. (213) Nang tu hamu sude angka nahuparsangapi hami : raja ni dongan tubu, raja ni dongan sahuta, raja ni parboruon, raja ni aleale, tarlobilobi raja ni hulahula, dohononnami ma mauliate malambok pusu, siala haroro muna tu bagas na badia on mangadopi pamasumasuon ni anak dohot parumaennami. (214) Alai pangidoannami dope tu hamu, dung haruar hita anon sian bagas gareja on, sai marneang ni langka dope hamu rap udur dohot hami tu inganan parpestaan naung pinarade ni hula-hulanta di…..asa rap hita disi marsipanganon jala patupahon adat tu hulahulanta laos manjalo adat sian nasida. (215) Molo tung adong sian hita naso sahat dope tu nasida surat undangan nami ba laos hatangkon ma nuaeng na manjou dohot na manggokkon hamu. (216) Huulahi hami ma mandok mauliate godang. Boti ma.”
(217) “Songon wakil ni suhut parboru, jongjong do ahu nuaeng di jolomuna mandok hata mauliate parjolo tu Amanta Debata na mangalehon ari na uli on di hita, ai nunga saut jala sahat manjalo pasupasu boru dohot helanami. (218) Tu hamu angka na pinarsangapan raja ni dongan sabutuha, raja ni dongan sahuta, raja ni parboruon, raja ni aleale, tarlobilobi raja ni hulahula dohot angka amanta pangula ni huria dohonon nami ma mauliate godang, malambok pusu, siala na binahenmuna tu hami di bagasan ari on. (219) Ndang tarbalos hami i, jadi sai Tuhanta parasi roha i ma mamalos i marlipat ganda tu hamu sude na huparsangapi hami. Angkup ni i, songon naung pinaboa ni parboruonnami nangkin, nunga huparade hami sipanganon pesta pamasumasuon, inganan na di …. (220) Jala pangidoannami rap udur ma hita sian inganan on tu inganan parpestaan i, mangan indahan na las dohot minum aek sitiotio laos manjalo adat sian parboruonta huhut pasahat adat tu nasida mangihuthon hasomalanta. (221) Molo tung adong dope sian hita naso dapotan surat undangan dope sian hami, ba hatangkon ma na songon gongkon dohot jou-jou tu nasida. Mauliate ma jumolo hupasahat hami siala haroromuna tu pesta on.
Boti ma.”
PARDALAN NI PESTA UNJUK (PPU) Hata sian paranak:
(222) “Hamu raja ni hulahulanami, didok angka ompunta sijolo-jolo tubu: Butong mangan na godang mokmok mangan na otik, taringot di taragu na huboan hami i sai pamurnas mai tu pamatang, saudara tu bohimuna. (223) Tung otik pe nuaeng sipanganon i ndada holitnami i rajanami , alai tung sura pe holit, ba sai lam tu godangna ma di hami borumuna tu joloansa on, asa tarbahen hami dope patupa na tumabo jala na gumodang laho pasangap hamu akka hulahulanami. (224) Jadi songon hata ni umpasa ma dohononnami:
Sititi ma sihompa, golanggolang pangarahutna;
Tung so sadia pe nuaeng na hupatupa hami i, ba sai godang ma pinasuna. Boti ma.”
Huhuasi mangido tumpak
songon wakil ni hasuhuton paranak mandok hata saotik. (227) Jumolo ma hudok hami mauliate malambok pusu siala haroromuna tu pestanta on. (228) Hamu angka napinarsangapan, songon naung tangkas diantusi hamu mangihuthon adatta na uli i, ba tingkina ma nuaeng pasahathon sinamot tu hulahulanta. (229) Tangkas do huhut diboto hamu, ndang tarusung sahalak pandingdingan, laos songon i do nang na pasahat sinamot tu hulahula, na ingkon do pangidoon pangurupion sian tuturniba tarlobilobi boru, dongan sabutuha, dongan sahuta, aleale ro di sude na mangkaholongi iba. (230) Laos adong do pandohan ni angka ompunta sijolojolo tubu na mandok: Nang pitu gaja nilapa, molo so ada na mangido ba ndang adong na mala. (231) Dibahen i jongjong do au nuaeng dison songon wakil ni hasuhuton pasahat pangidoannami, tu hamu. (232) Patar do dohononnami tu hamu angka na pinarsangapan, tung hamu do na hupangasahon hami, umbahen na barani hami manjama ulaon on. (233) On pe hamu angka na pinarsangapan, angka amanta raja dohot inanta soripada, tarlobilobi hamu angka parboruonnami, tung hirim situtu do rohanami di buha ni rohamuna mangurupi hami. (234) Nuaeng pe ro ma hamu mamboan tumpakmuna, nunga rade hami manjalo. (235) Mauliate ma jumolo hupasahat hami tu hamu sudena.”
Hata hamauliateaon sian paranak tu angka silean tumpak
(236) “Hamu angka na pinarsangapan, angka amanta raja dohot angka inanta soripada, raja ni parboruon, raja ni dongan sabutuha, raja ni dongan sahuta, angka aleale ro di sude tutur na asing, tarlobilobi raja ni hulahulanami. (237) Mauliate malambok pusu ma dohononnami tu hamu saluhutna siala tumpakmuna na godang i. (238) Ndang na tarbalos hami i tu hamu angka na pinarsangapan, alai adong do Amanta Pardenggan basa na sumurung. (239) Sian Ibana sai na jaloonmuna do balos ni na denggan na binahenmuna tu hami marlipat ganda.
Bagot na marhalto ma na tubu di robean;
Horas ma hami manjalo tumpakmuna i, ba sai lam Martamba ma sinadongan di hamu na mangalean Boti ma.”
(240) “ Mangkatai ma hita raja ni anakkon. (241) Ba nunga dison pinggan sitio soara na hot di hundulanna, sai tio ma antong parnidaanta tu jolooan on, jala sai hot ma di hita pasupasu sian Amanta Debata.
(242) Peak di atasna napuran sirata bulung hasoloan ni boru ni raja ba sai rata ma antong di hita tu joloan on pansamotan dohot parhorasan. (243) Adong do huhut dison parbue santi, siriburribur, parbue sipir ni tondi anggiat ma antong sakti madingin, sakti matogu angka pomparanta, matorop maribur huhut matangkang manjuara.
(244) Laos adong do dison ringgit na marmata, tinongos ni negaranta, sipalas roha ni na torop dohot amanta raja. (245) Sai martamba ma antong ria dohot las ni roha di hita tu joloan on !
(246) Songon i muse peak di atasna juhut tanggotanggo na godang, i ma na songon simbol ni hatanggoon dohot tuhatoguon ni partuturanta dohot parrohaon na denggan di angka na marhula marboru di hita tu joloan on.
(247) Jadi amang raja ni boru, na manungkun ma hami jolo taringot di hata ni sipanganon. Parjolo dohononnami tu hamu :
Bagot na marhalto, na tubu di robean;
Sai horas ma hami na manjalo, ba sai lam martamba di hamu na mangalean.
(248) Ia nunga jagar hami bosur mangan indahan na las, jala jagar sagat marlompan juhut na tabo i, jala sombu minum tuak na tinahumuna i, ba :
Dia ma langkatna, dia unokna;
Dia ma hatana dia nidokna. Sibegeon ni pinggol peopon ni roha. Boti ma di raja ni boru.”
Alus sian pandehata ni paranak :
(249) “Horas ma jala gabe rajanami. (250) Sai haroan ma marharoan tu joloan on. (251) Taringot di sipanganon i Rajanami :
Sai pamurnas ma I tu pamatangmuna, saudara tu bohi; Sipasindak panaili, sipaneang holiholi.
pasangaphon hamu hulahulanami. (253) Jadi ianggo lapatan ni sipanganon i Rajanami, panggabean, parhorasan do.
Boti ma.”
Hata ni pandehata ni parboru :
(254) “Ba ianggo ido hape, ba sai asi ma roha ni Amanta Debata sai ditambai dope asi ni rohana dohot pasupasuna di hamu, tamba ni hagabeon dohot parhorasan naung adong.
Bona ni Aek Puli di dolok ni Sitapongan
Sai tubu ma di hamu angka na uli, lam martamba nang sinadongan.
(255) Alai amang raja ni boru, sai marangkup do na uli, mardongan do na denggan, jadi tangkas ma paboa hamu sibegeon ni pinggol sipeopon ni roha :
Ranting ni bulu duri, jait masijaotan;
Angkup ni hata na uli, dia ma na naeng taringotan. Boti ma da.”
Hata sian pandehata ni paranak :
(256) “Gabe ma hita jala horas rajanami! (257) Ido tutu rajanami, sai marangkup do na uli, mardongan do na denggan, jadi nuaeng pe paboaon ma tu hamu siangkupna songon na hundul sidonganan songon na mardalan. (258) Songon naung taboto Rajanami, nunga be dijangkon hamu anaknami gabe helamuna, jala nunga taadopi nangkin nasida manjalo pasu-pasu sian Tuhanta marhitehite naposona di bagas gareja. (259) Sai saut ma antong sahat pasu-pasu i tu nasida tumpahan ni Amanta Debata. (260) Jadi nuaeng pangidoannami Rajanami asa dohot ma hamu mamasumasu anak dohot parumaennami i laos dohot mamasumasu sude hami parboruonmuna, asa gabe jala horas huhut mamora tumpahan ni Amanta Pardenggan basa i.
(261) Angkup ni ianggo taringot tu adat dohot uhum na mangonai sinamot, ninna rohangku nunga sude i marreso dipatupa suhutnami, alai hudok pe songon i, molo tung adong dope na so beres ba rade do hami manggohisa; alai ianggo naung gok do sude ba pasupasu hamu ma hami sude jala paborhat hamu ma anak dohot parumaennami asa huboan hami tu hutanami. (262) Ba songon i ma da Rajanami hatanami.
Hata ni parboru mangalusi :
(263) “ Hamu raja ni borunami, ianggo pasupasu i sai na lehononnami do i tu hamu parboruonnami.
Aek na tio do hami, riongriong di pinggan pasu; Hulahula na basa do hami, na ringgas mamasumasu.
(264) Alai raja ni boru, andorang so huhatahon hami hata pasupasu tu hamu, tangkasannami dope jo tu suhutnami dison, manang na olat ni dia naung margarar dibahen hamu. (265) Ale ampara, beha nunga margarar sude parjambaran?
Di ujungna dipangido parboru ma jambar ni tulang ni hela na i. Dung dijalo i sian paranak, laos parboru ma pasahat i tu tulang ni hela i, jala didok ma : (266) Nunga saboru hita umbahen na ingkon pangigilhononhon jambarmu sian borunta on. (267) On pe ampara, nunga be hupangido jambarmu songon jambar ni parboru situtu, jala pasahatonku ma i nuaeng. (268) Las ma roham manjalo. (269) Tung otik pe i sai godang ma pinasuna. (270) Mamasumasu ma tondim manuai sahalam marhite tangiang tu Tuhanta Pardenggan basa i, asa sahat horas jala gabe borunta i.
Boti ma.”
Hata sian tulang ni hela dung dijalo jambar tintin marangkup
(271) “Mauliate ma ampara ala tangkas do hami dipangigilhon hamu. (272) Jadi nunga be tutu hujalo dison jambar tintin marangkup sian borunta i. (273) Tutu do songon na nidokmuna i nunga gabe saboru hita nuaeng. (274) Jala i do antong na satutuna, ai ido alana umbahen na didok angka ompunta sijolojolo tubu :
Hot pe jabu sai tong do i margulanggulang;
Tung sian dia pe mangalap boru bere i, sai hot doi boru ni tulang
(275) Nuaeng pe ampara, sai satahi saoloan ma hita huhut sauduran mangoloi borunta on : ia ho di jolo ba ahu dipudi, ia ahu dijolo ba ho dipudi. (276) Sai tibu ma antong gabe borunta on.
Tubu lata ni singkoru di dolok Purbatua;
Tibu ma nasida maranak marboru dongan nasida saurmatua (277) Nang hamu ampara :
Andor hadumpang ma togutogu ni lombu;
Horas ma hita. Boti ma.”
Hata ni raja parhata ni parboru
(278) “Hita saluhut bagian parboru, dongan sabutuha, boru, dongan sahuta dohot hulahulanami. (279) Andorang so hupangido hami jambar pangabis tu hulahula bona ni ari, masipaingotan hita jolo jambar tu ise dope na so tajouhon, ai manurut aturan ni adatta, molo nunga mardalan jambar pangabis habis ma pangigilon parjambaran.”
Hata ni sijalo jambar pangabis :
(280) “Songon panimpuli ni sude parjambaran ba nunga hujalo dison dibagasan las ni roha jambar pangabis. (281) Ba dohononku ma nuaeng hata pasupasu tu hamu raja ni parboruonnami.
Dengke salesale dengke ni siborotan;
Siangkup ni na gabe, sai ro ma pansamotan.
Sahat ma nasida leleng mangolu jala sahat tu panggabean. Boti ma.”
MANGULOSI (M)
Parjolo do dipasahat suhut parboru ulos pansamot tu ama ni helana didok ma hatana :
(282) “On ma da lae, ulos pansamot di hamu. (283) Sai dipargogoi Tuhanta ma hamu mangalului siapari dohot mangalului pansamotan. (284) Sai dapot ma antong songon hata ni umpasa :
Dolok ni Purbatua tondongkon ni Siborotan,
Sai saur ma hamu sarimatua, jala tiur nang pansamotan. Boti ma da, lae!”
Dipasahat suhut parboru ma muse ulos pargomgom tu natoras boru ni helana jala didok ma hatana:
(285) “On ma ito, ulos pargomgom di ibotongku gomgom ma parumaenmu. (286) Alai lambok ma ho ito mangajarajari parumaenmi, ai :
Andor halumpang, togutogu ni lombu; Mamboan tu onan gambiri;
Sai saurmatua ma ibotongku, pairingiring pahompu, Sahat tu na marnono dohot marnini.
Boti ma da, ito”
(287) “Songon on ma da amang, dohot ho inang!
(288) Ulos na ganjang ma on di hamu na suminatahon rap ganjang umurmuna jala rap hamu saurmatua.
(289) Ulos parhorasan ma on na umpinta tubu ni anak dohot boru di hamu.
(290) Ulos sibahen na las ma on di tingki ngali ni ari, sibahen na borgo di tingki las ni ari.
(291) Ulos simbol ni holong ni rohanami do on di hamu huhut ulos sitindangi na jonok do hami tongtong tu hamu marhitehite tangiangnami. (292) Sai dapot ma songon hata ni umpasa ni ompunta sijolojolo tubu :
Dangka ni arirang, na peak di tonga onan;
Badanmu ma na sora sirang, tondimuna masigomgoman.”
Dungi mangkuling ma raja parhata ni paranak :
(293)“Rajanami raja ni hulahulanami, molo tung adong dope sian hamu na marsangkap mangulosi anak dohot parumaennami, ba saonari ma pasahat hamu, asa sae na tu nasida jala boi maninggalhon inganan on.
Boti ma, mauliate.”
Hata sigabegabe dohot pasupasu sian tulang ni hela :
(294) “Ale bere dohot ho inang, tadok ma mauliate tu Amanta Debata ai nunga dapot di hamu sadari on na nidok ni umpasa :
Jumpang na niluluan, dapot na jinalahan;
I ma dongan sahaholongan, dohot dongan sapangkilalaan.
(295) Tu ho bere, on ma dohononku : Didok angka ompunta sijolojolo tubu : Hot pe jabu i, sai tong doi margulanggulang;
Sian dia pe mangalap boru bere i, sai tong do i boru ni tulang.
(296) On pe bere, ingot ma tu joloan on, borungku do on na nialapmon. (297) Jala tu ho pe inang dohononku ma : ingot ma tu joloan on, apala amangmu do ahu na dohot mangkaholongi ho. (298) Nuaeng pe pasahathonku ma pasu-pasu tu hamu :
Aek sihoruhoru tu sampuran Siguragura;
Rap leleng ma hamu mangolu, huhut rap saurmatua. Boti ma.”
(299) “Hamu raja ni parboruonnami, mangkatai ma hita. (300) Tadok ma mauliate tu Amanta Debata, ai didongani do hita di saluhut ulaonta sadari on. (301) Nunga sun mardalan sude angka adatadat sibahenonta sadari on. (302) Jadi nuaeng pe sauran ma i tutu. (303) Asa dohononnami ma tu hamu hata sigabegabe dohot hata pasupasu. (304) Jalo hamu ma.
Balintang ma pagabe, tumUndalhon sitadoan; Ingkon saut do angka ianakkonta I horas jala gabe, ai nunga denggan hita masiolooloan.
(305) Sai asi ma roha ni Tuhanta sai dibahen ma nasida gabe ripe na uli jala na denggan sibahen las ni rohanta jala sibahen pujipujian di Tuhanta Pardenggan basa i.
Bintang ma na rumiris tu ombun na sumorop; Anak pe dinasida sai riris, boru pe torop.
(306) Sahat ma na uli sahat na denggan dihamu sude parboruonnami. Boti ma.
(307) Hata sitambaan do i. (308) Jadi tar songon on ma di rohangku asa maratur. (309) Parjolo ma dongan sahuta manambai, dungi sada sian boru dohot bere, udut tusi ba sada ma sian hulahulanami, jala diujungi hasuhuton ma i.
Boti ma. (310) Ditambai dongan sahuta ma.” Hata sigabegabe sian dongan sahuta :
(311) “Na patut do hita parjolo mandok mauliate tu Tuhanta Pardenggan basa i na mandongani hita manipat sadari on. (312) Nunga tutu mardalan sude angka paradatan na patut bahenon ni paranak tu parboru, laos songon i na patut bahenon ni parboru tu paranak. (313) Nunga dapot songon nidok ni umpasa:
Aek Siurukuruk tu siallan Aek Toba;
Ndang adong be hita na marungutungut, nunga sude marlas ni roha.
(314) Pangidoan tu Tuhanta di hamu na dua pihak, unang be nian holan dibagasan sadari on hamu rap marlas ni roha, alai satorusna ma songon i. (315) Songon i ma dohot angka ianakkon i, sai gabe ripe halomoan ni rohanta ma nasida, tarlobilobi tahe na gabe halomoan ni roha ni Tuhanta.
Hata sigabegabe sian bagian boru dohot bere.
(316) “Ala nunga marujung sude paradatan sadari on, ba ampara nama dohononnami tu hamu bagian paranak, ai rap boru nama hita nuaeng di hulahulanta on. (317) Jadi di hamu amparaniba on ma dohononnami : suang do songon nidok ni angka amanta na parjolo nangkin, parjolo ma tasombahon hamauliateon tu Tuhanta Parasi roha na mamasumasu ulaonta sadari on, ai dilehon do di hita dame dohot roha na masipauneunean dohot hulahulanta. (318) Tu joloansa on pe antong sai mian ma dame i di hita dohot di angka hulahulanta. (319) Taringot di anakta dohot parumaenta, sai asi ma roha ni Tuhanta, sai na marrongkap ma nasida songon bagot marsibar songon ambalang, na mardomu ma nasida songon buhu tu ruas.
Tangki ma jala ualang, galinggang ma jala garege; Sai tubu ma di nasida angka anak partahi jala ulubalang, dohot angka boru parmas jala pareme.
Boti ma. Hatangki hata sitambaan.” Hata gabegabe sian hulahula :
(320) “Olo ma tutu, tambaannami ma hata sigabegabe dohot pasupasu di hamu parboruon ni borunmai. (321) Nang hami pe dohononnami do, parjolo ma hita mandok mauliate dohot pujipujian tu Tuhanta Parasi roha i, na mangalehon roha bisuk dohot holong di hamu nadua pihak manipat sadari on, gabe boi marujung ulaonta dibagasan dame dohot las ni roha. (322) Tu joloansa on pe sai tongtong ma mian dame dohot holong di hamu na marhula marboru, asa sai dapotan pasupasu hamu sian Amanta Pardenggan basa i. (323) Tu hamu raja ni boru dohononnami ma : nunga sahat be berenami gabe parumaenmuna, ba sai parumaen siboan tua ma i dohot las ni roha di hamu. (324) Sai tibu ma berenami :
Dangka ni hariara ma pinangaitaithon;
Sai tubu ma anak dohot boru, sitongka panahitnahiton. Boti ma. Dipaujung hasuhuton ma.”
Hata pasupasu panimpuli sian hasuhuton parboru :
i. (329) Sai marpanganju hamu huhut di ibana, nanget ajarajari hamu asa gabe parumaen silas ni rohamuna ibana. (330) Sai manumpak ma Amanta Debata di parsaripeon ni angka ianakkonta i, asa sihalomohonon ni Tuhanta nasida jala sibahen las ni rohanta saluhutna. (331) Songon i ma nang hita natorasnasida, tontong ma hita sai masiaminaminan songon lampak no gaol jala masitungkoltungkolan songon suhat di robean.
(332) Tu hamu lae dohot hamu ito dohononku ma : Andor halumpang togutogu ni lombu;
Sai saur ma hamu saurmatua pairingiring pahompu. (333) Taringot di angka ianakkonta :
Na hinunti hirang, marisi gadong sipapua;
Badan nasida ma na so olo sirang sahat ro din a saurmatua. (334) Tu hita saluhutna dohononku ma :
Siambora gukguk, rarak di atas amak;
Horas ma hita jala mamora apala luhut, sai torop ma boru Boti ma. I ma sahat ni hatanami. Ampu hamu ma.”
Raja parhata ni paranak paampuhon hata sigabegabe dohot hata pasupasu
tu hasuhuton :
(335) “Rajanami raja ni hulahulanami. (336) Manomba hami jolo dohot jarijari sampulu pasampulu sada simanjujung laho manjalo hata na uli hata na denggan tarlobilobi hata pasupasumuna rajanami. (337) Mauliate malambok pusu ma angka rajanami dohononnami saluhutna tu hamu. (338) Ampe ma i antong saluhutna di sambubunami tarlobi di hasuhutonnami dohot di anak nang parumaennami, tuak di abaranasida jala ampu diabingannasida.
Turtu ma ninna anduhur tio ma ninna lote;
Saluhut hatamuna na uli i tarlobilobi pasupasumuna, sai unang muba, unang mose.
(339) Sahali nari huulahi ma mandok mauliate angka rajanami di hamu saluhutna. (340) Sai Tuhanta Pardenggan basa i ma mambalos lagumuna na uli i marlipat ganda. Boti ma. (Dung i didompakkon ma bohina tu hasuhutonna jala didok) : (341) Nuaeng pe ampara, nunga ria angka hulahulanta mandok hata sigabegabe dohot hata pasupasu tu hita, ba diampu amparangku ma i sude. Boti ma.”
(342) “I ma tutu angka rajanami, raja ni hulahulanami, nunga marliat hamu mandok hata nauli hata na denggan songon i dohot hata pasupasu tu hami parboruonmuna, ba sai liat ma hami parboruonmuna gabe sai liat ma dohot horas laos songon i dohot hamu raja ni hulahulanami tumpahon ni Amanta Debata. (343) Sai ampe ma i antong sude di simanjujungnami tuak di abaranami, jala abing di ampuannami, tarlobilobi di helamuna dohot parumaennami.
Doding ni doding tu doding ni mandalasena;
Hata na uli dohot angka pasupasu i, sai unang muba unang sesa.
(344) Jala tu hamu hulahulanami pe dohononku do hata ni umpasa, alai ndada na laho mamasumasu hamu rajanami, ai hamu do silehon pasupasu di hami asa songon tangiangnami do on di hamu :
Andor has ma andor his tu andor Purbatua;
Sai horas ma hamu sude hulahulanami jala torkis, sai gabe jala saur matua.
LAMPIRAN 2: DATA INFORMAN
1. Nama : Parukkilon Sinaga Umur : 59 tahun
Pekerjaan : Petani Pendidikan : SMP Alamat : Hutajulu
2. Nama : Derita Sinaga Umur : 53 tahun Pekerjaan : Petani Pendidikan : SD Alamat : Hutajulu
3. Nama : Hiras Sihombing Umur : 62 tahun
