TEKS PRANATACARA
PENGAJIAN DAN SILATURAHIM JAMA’AH IPHI CABANG JOGONALAN
Assalamu'alaikum Warahmatullahi Wabarakatuh.
Innalhamdalillaah, nahmaduhu wanasta’inuhu wanastaghfirruhu, wana’uudzubillahi min syuruuri anfusina wa min sayyiati a’maalina, may yahdihillahu falamudzillalah wa may yudlill fala haadiyalah, asyhadu alaailaaha illallaah wahdahu laa syariikalah wa asyhadu anna muhammadan
‘abduhu warasuuluh. Amma ba’d.
Ingkang satuhu kinurmatan Pelaksana IPHI Ranting Gondangan, saha Ingkang kawula hormati Pengurus Cabang IPHI Jogonalan.
Sumangga saderengipun kawula dherekaken ngunjuk raos puji syukur dhumateng Gusti Allah SWT, awit sih wilasa dalem gusti kita sedaya saged makempal wonten ing adicara Pengajian dan Silaturahim Jama’ah IPHI Cabang Jogonalan ing dinten menika Jumat Pahing, 14 Februari 2025.
Shalawat sarta salam, ugi tansah kaaturaken dening junjungan kita Nabi Agung Muhammad SAW, para garwa, putra, tuwin kulawarganipun, saengga benjing ing Yaumul Akhir mugi-mugi kita tansah pikantuk syafaatipun.
Jama’ah rahimakumullah. Kaparenga langkung rumiyin kula Ibu Hj. Uki, S.Psi., minangka pambiwara wonten ing adicara siyang menika.
Salajengipun kula badhe ngaturaken reroncening adicara ing siyang menika, 1. Pambuka & Talbiyah
2. Waosan Ayat Suci Al-Quran dening Bapak H. Suyono
3. Nyekar Indonesia Raya saha Mars IPHI dening Ibu Hj. Wulan, S.T.
4. Atur pangandikan saking: (1) Pelaksana IPHI Cab. Jogonalan, (2) Pengurus Cab. IPHI Jogonalan 5. Adicara inti kajian dening Bapak H. Sugiyanti, S.Ag.
6. Lain-lain 7. Panutup
Tumapak gatining adicara ing siyang menika, pambuka. Minangka pambukaning adicara, sumangga sareng-sareng kita bukak kanthi waosan ...
Adicara salajengipun inggih menika waosan ayat suci Al-Qur'an, wekdal kawula aturaken dhumateng Bapak H. Suyono
Adicara salajengipun inggih menika nyekaraken Indonesia Raya saha Mars IPHI ingkang badhe dipuntiti kaliyan Ibu Hj. Wulan, S.T.
Para rawuh rahimakumullah. Adicara salajengipun inggih menika atur pangandikan utawi sambutan saking (1) Pelaksana IPHI Cab. Jogonalan, (2) Pengurus Cab. IPHI Jogonalan. (wekdal kawula sumanggakaken)
Para rawuh rahimakumullah, adicara ingkang salajengipun inggih menika adicara inti kajian, wekdal kawula sumanggakaken dhumateng Penasehat IPHI Cabang Jogonalan, Bapak H.
Sugiyanto, S.Ag.
Saderengipun dipuntutup, bok bilih wonten pengumuman adicara sanes-sanesipun. Kawula sumanggakaken
Minangka panutuping adicara sumangga sareng-sareng ngunjuk raos puji syukur ing ngarsanipun Gusti Allah, kanthi waosan hamdallah sesarengan.
Para rawuh rahimakumullah, kawula ingkang dherekaken adicara saking purwa dumugi swasana bok bilih pinanggih atur saha patrap ingkang kirang mranani penggalih, kawula nyuwun agunging samudra pangaksami.
Wasana sugeng kondur, Wabilahi Taufiq Wal Hidayah, Wassalamu'alaikum Warahmatullahi Wabarakatuh.
