ANALISIS KASALAHAN ÉJAHAN DINA KARANGAN DÉSKRIPSI
SISWA KELAS XII MAN JONGGOL
TAUN AJARAN 2012/2013
SKRIPSI
Diajukeun pikeun Nyumponan Salah Sahiji Sarat pikeun Ngahontal Gelar Sarjana Pendidikan Program Studi Jurusan Pendidikan Bahasa Daerah
ku
SYLVI FAUZIAH R
NIM 0903868
JURUSAN PENDIDIKAN BAHASA DAERAH
FAKULTAS PENDIDIKAN BAHASA DAN SENI
UNIVERSITAS PENDIDIKAN INDONESIA
BANDUNG
Sylvi Fauziah Rhohmah,2013
ANALISIS KASALAHAN ÉJAHAN DINA KARANGAN DÉSKRIPSI SISWA KELAS XII MAN JONGGOL TAUN AJARAN 2012/2013
Universitas Pendidikan Indonesia | repository.upi.edu | perpustakaan.upi.edu i
No. 536/ FPBS/ 0251/ 2013 ANALISIS KASALAHAN ÉJAHAN DINA KARANGAN DÉSKRIPSI
SISWA KELAS XII MAN JONGGOL
TAUN AJARAN 2012/2013 *)
Sylvi Fauziah R **)
ABSTRAK
Skripsi ini berjudul “Analisis Kasalahan Ejahan dina Karangan
Deskripsi Murid Kelas XII MAN Jonggol Taun Ajaran 2012/2013”.
Penelitian ini bertujuan untuk mendeskripsikan kesalahan ejahan pada karangan
deskripsi siswa kelas XII MAN Jonggol.
Metode yang digunakan dalam penelitian ini adalah metode deskriptif,
semua data diuraikan. Teknik pengumpulan data menggunakan teknik tes,
sedangkan teknik pengolahan data menggunakan teknik analisis kesalahan
berbahasa. Sumber data dari penelitian ini adalah karangan siswa kelas XII MAN
Jonggol yang dipilih secara acak dengan jumlah 37 siswa.
Dari hasil analisis data diketahui, bahwa murid kelas XII MAN Jonggol
tahun ajar 2012/2013 melakukan kesalahan – kesalahan dalam membuat karangan
deskripsi. Kesalahan- kesalahan tersebut meliputi (1) kesalahan pemakaian huruf
309 kesalahan, (2) kesalahan penulisan huruf 183 kesalahan, (3) kesalahan
menuliskan kata 121 kesalahan, (4) kesalahan menuliskan unsur serapan 7
kesalahan, jeung (5) kesalahan dalam penggunaan tanda baca 108 kesalahan. Dari
kesalahan – kesalahan tersebut diatas, kesalahan pemakaian huruflah yang paling
banyak terjadi.
Sylvi Fauziah Rhohmah,2013
ANALISIS KASALAHAN ÉJAHAN DINA KARANGAN DÉSKRIPSI SISWA KELAS XII MAN JONGGOL TAUN AJARAN 2012/2013
Universitas Pendidikan Indonesia | repository.upi.edu | perpustakaan.upi.edu
v
DAPTAR EUSI
ABSTRAK ... i
PANGJAJAP ... ii
CATUR PANUHUN ... iii
DAPTAR EUSI ... v
DAPTAR TABEL ... viii
DAPTAR BAGAN ... ix
DAPTAR SINGGETAN ... x
DAPTAR LAMPIRAN ... xi
BAB I BUBUKA 1.1. Kasang Tukang Masalah... 1
1.2. Watesan Masalah jeung Rumusan Masalah ... 3
1.2.1.Watesan Masalah ... 3
1.2.2.Rumusan Masalah ... 3
1.3. Tujuan Panalungtikan ... 4
1.3.1.Tujuan Umum ... 4
1.3.2.Tujuan Husus ... 4
1.4. Mangpaat Panalungtikan ... 4
1.4.1.Mangpaat Tioritis ... 4
1.4.2.Mangpaat Praktis ... 4
1.5. Raraga Tulisan ... 5
BAB II KARANGAN DÉSKRIPSI JEUNG ANALISIS KASLAHAN BASA 2.1. Tiori Nulis ... 6
2.1.1. Wangenan Nulis ... 6
2.1.2. Watesan Nulis ... 7
2.1.4. Tujuan Nulis ... 8
2.1.5. Sipat Tulisan ... 9
2.1.6. Wangun Tulisan ... 10
2.2. Karangan Déskripsi ... 11
2.2.1. Ciri-ciri Karangan Déskripsi ... 12
2.2.2. Rupa-rupa Karangan Déskripsi ... 13
2.2.3. Léngkah- léngkah Nulis Karangan Déskripsi ... .. 14
2.2.4. Faktor-faktor Pangrojong ... 14
2.3. Éjahan Basa Sunda ... 16
2.3.1. Palanggeran Éjahan ... 16
2.4. Tiori Analisis Kasalahan ... 48
2.4.1. Analisis Kasalahan ... 48
2.4.2. Kasalahan Basa ... 49
BAB III MÉTODOLOGI PANALUNGTIKAN 3.1. Lokasi jeung Subjék Panalungtikan ... 51
3.2. Desain Panalungtikan ... 51
3.3. Métode Panalungtikan ... 52
3.4. Définisi Operasional... 53
3.5. Instrumén Panalungtikan ... 53
3.6. Téhnik Ngumpulkeun Data ... 54
3.6.1. Téhnik Tés ... 54
3.6.2. Léngkah-léngkah Ngolah Data ... 55
3.7. Téhnik Ngolah Data ... 56
3.8. Analisis Data ... 56
BAB IV ANALISIS DATA KASALAHAN ÉJAHAN 4.1. Data Kasalahan Éjahan ... 57
Sylvi Fauziah Rhohmah,2013
ANALISIS KASALAHAN ÉJAHAN DINA KARANGAN DÉSKRIPSI SISWA KELAS XII MAN JONGGOL TAUN AJARAN 2012/2013
Universitas Pendidikan Indonesia | repository.upi.edu | perpustakaan.upi.edu
4.1.2 Kasalahan Nuliskeun Aksara ... 84
a. Kasalahan Nuliskeun Aksara Gedé ... 84
b. Kasalahan NuliskeunAksara Condong ... 116
4.1.3. Kasalahan Nuliskeun Kecap ... 118
a. Nuliskeun Kecap Asal ... 118
b. Nuliskeun Kecap Rundayan ... 120
c. Kecap Rajékan ... 128
d. Gabungan Kecap ... 130
e. Nuliskeun Kecap Sulur ... 132
f. Nuliskeun Kecap Pangantét ... 133
4.1.4. Kasalahan Nuliskeun Unsur Serepan ... 141
4.1.5. Kasalahan Ngalarapkeun Tanda Baca... 144
a. Kasalahan Ngalarapkeun Tanda Baca Titik ... 144
b. Kasalahan Ngalarapkeun Tanda Baca Koma ... 152
c. Kasalahan Ngalarapkeun Tanda Baca Geret ... 162
d. Kasalahan Ngalarapkeun Tanda Baca Pananya ... 164
4.2. Kacindekan tina Hasil Analisis Data... 166
BAB V KACINDEKAN JEUNG SARAN 5.1. Kacindekan ... 174
5.2. Saran ... 175
BAB I
BUBUKA
1.1. Kasang Tukang
Basa nyaéta alat anu dipaké ku manusa pikeun ngedalkeun eusi haténa,
diwangun ku réntétan sora anu geus ditangtukeun éntép seureuhna ku masarakat
nu maké éta basa (Wirakususmah& Djajawiguna, 1969:5 dina Sudaryat, 2004:5) .
Dina prosés pangajaran, basa mangrupa pakakas pikeun ngatik sarta
ngarahkeun murid. Sagala élmu pangaweruh anu ditepikeun ku guru ka murid
ngagunakeun basa. Ku basa, manusa bisa ngébréhkeun sagala kahayang, ide,
pikiran jeung rasa.
Basa panganteur anu digunakeun dina pangajaran basa Sunda di daérah
Jonggol téh umumna maké dua basa, nu kahiji basa Indonesia nu kaduana basa
Sunda. Basa Indonesia anu digunakeun biasana basa budak ayeuna anu teu kauger
ku aturan-aturan atawa kaédah tata basa anu hadé, sedengkeun basa Sunda anu
digunakeun biasana basa loma jeung teu lemes teuing. Salian ti éta, aya ogé anu
ngagunakeun basa campuran antara basa Sunda jeung basa Indonesia anu ahirna
éta basa jadi basa kamalayon.
Salian ti masalah éksternal, aya oge masalah internal ti diri siswana
sorangan. Siswa jaman kiwari leuwih reueus ngagunakeun basa deungeun
tinimbang jeung basa daérahna sorangan dina ieu hal basa Sunda, maranéhna
nganggap yén basa Sunda téh basa kampugan anu ukur digunakeun ku panyatur ti
kampung, kitu ogé dina pangajaran basa Sunda, basa Sunda geus dianggap teu
penting pikeun élmu pangaweruh maranéhannana lantaran di jaman modern
saperti kieu pakakas-pakakas téhnologi henteu ngagunakeun basa daérah tapi basa
Inggris, nu matak unggal aya pangajaran basa Sunda barudak téh haré-haré kana
éta pangajaran anu ditepikeun ku guru.
Sylvi Fauziah Rhohmah,2013
ANALISIS KASALAHAN ÉJAHAN DINA KARANGAN DÉSKRIPSI SISWA KELAS XII MAN JONGGOL TAUN AJARAN 2012/2013
Universitas Pendidikan Indonesia | repository.upi.edu | perpustakaan.upi.edu
salian ti éta, ieu hal ditandeuskeun deui ngaliwatan seminar politik bahasa
nasional, ngeunaan fungsi sarta pancén tina basa daérah anu ngawengku: 1) basa
daérah mangrupa lambang kareueus daérah, 2) basa daérah mangrupa lambang
idéntitas daérah, 3) mangrupa pakakas gaul di lingkungan kulawarga jeung
masarakat, 4) basa panganteur di sakola dasar dina tingkat munggaran pikeun
ngalancarkeun pangajaran basa Indonésia jeung pangajaran séjénna, 5) basa
daérah mangrupa basa pangrojong basa nasional, jeung 6) pangrojong jeung
pamekar kabudayaan nasional (Sudaryat, 2003:25).
Tina Perda No.5 Taun 2003 jeung tina hasil seminar politik nasional ogé
geus kagambar yén basa daérah téh lain basa kampungan tapi mangrupa lambang
kareueus daérah jeung réa-réa deui.
Masalah-masalah anu geus dipedar di luhur ngabalukarkeun siswa di
Jonggol, teu wanoh kana undak-usuk basa Sunda jeung kaédah éjahan basa Sunda
nu hadé tur merenah, nu matak nu nulis ngarasa perlu nalungtik ieu pasualan
sabab kasalahan makéna basa anu dilakukeun ku paramurid hususna kelas XII
bisa ngabalukarkeun kasalahan anu hésé dioméan ngabatu (foziled). Ku kituna,
saacan éta kasalahan téh diropéa, tinangtu maranéhanana kudu nyaho kana
kasalahanna sorangan tur kudu bisa ngoméanana. Kitu deui ka parasiswa kelas
XII MAN Jonggol anu téréh lulus, asa piraku lamun maranéhna geus lulus teu
bisa maké basa Sunda nu hadé tur merenah.
Sabenerna, pedaran ngeunaan kasalahan éjahan basa Sunda geus loba nu
nalungtik, panalungtikan anu geus aya di antarana: Analisis Kasalahan Ejahan
dina Karangan Deskripsi Siswa Kelas III SMU Pasundan I Bandung taun ajar
2004/2005 (Rosita: 2005), Analisis Kasalahan Basa dina Loka Tarjamah
Otomatis Basa Indonesia- Basa Sunda (Rohani, Anita: 2008), Analisis Kasalahan
Ejahan dina Karangan Eksposisi Siswa Kelas VIII SMP N Ciwidey Kabupaten
Bandung (Pujaningrat, Resti Kirana,2009), Analisis Kasalahan Ejahan Nulis
Surat Pribadi Siswa Kelas VII SMP N 2 Situraja Kabupaten Sumedang (Soihati,
Indonesia-Sunda Siswa Kelas X SMA Kartika Siliwangi 2 Bandung Dumasar kana
Taksonomi (Revalina, juliya Sandra: 2011). Tapi, analisis kasalahan éjahan ka
parasiswa anu aya di daérah Jonggol hususna parasiswa MAN Jonggol can aya nu
nalungtik. Ku kituna, ieu panalungtikan nu judulna Analisis Kasalahan Éjahan
dina Karangan Déskripsi Siswa Kelas XII MAN Jonggol Taun Ajaran 2012/2013
perlu dilaksanakeun sangkan bisa méré élmu pangaweruh tambahan pikeun
parasiswa di Jonggol utamana siswa di MAN Jonggol.
1.2. Idéntifikasi jeung Rumusan Masalah
1.2.1. Watesan Masalah
Ieu panalungtikan téh udagannana pikeun nganalisis kasalahan éjahan
siswa kelas XII MAN Jonggol. Sangkan ieu panalungtikan henteu lega teuing
ambahanana, panulis ngawatesanan ieu masalah ku cara medar jenis kasalahan
éjahan dina wangun karangan déskripsi anu ngawengku kasalahan makéna aksara
jeung nuliskeun aksara, kasalahan nuliskeun kecap, kasalahan nuliskeun unsur
serepan jeung kasalahan dina ngalarapkeun tanda baca.
1.2.2 Rumusan Masalah
Dumasar kana watesan masalah anu dipedar di luhur, anu jadi galur
masalah baris dirumuskeun dina wangun pananya saperti ieu di handap.
1. Kumaha tipe kasalahan éjahan nu aya dina karangan deskripsi siswa kelas XII
MAN Jonggol dina makéna aksara?
2. Kumaha tipe kasalahan éjahan nu aya dina karangan deskripsi siswa kelas XII
MAN Jonggol dina nuliskeun aksara?
3. Kumaha tipe kasalahan éjahan nu aya dina karangan deskripsi siswa kelas XII
MAN Jonggol dina nuliskeun kecap?
4. Kumaha tipe kasalahan éjahan nu aya dina karangan deskripsi siswa kelas XII
Sylvi Fauziah Rhohmah,2013
ANALISIS KASALAHAN ÉJAHAN DINA KARANGAN DÉSKRIPSI SISWA KELAS XII MAN JONGGOL TAUN AJARAN 2012/2013
Universitas Pendidikan Indonesia | repository.upi.edu | perpustakaan.upi.edu
5. Kumaha tipe kasalahan éjahan nu aya dina karangan deskripsi siswa kelas XII
MAN Jonggol dina ngalarapkeun tanda baca?
1.3. Tujuan Panalungtikan
1.3.1. Tujuan Umum
Tujuan umum ieu panalungtikan nya éta pikeun mikanyaho kasalahan
éjahan anu dilakukeun ku siswa kelas XII MAN Jonggol dina karangan deskripsi.
1.3.2. Tujuan Husus
Tujuan husus dina ieu panalungtikan pikeun ngadéskripsikeun kasalahan
éjahan anu ngawengku kasalahan makéna aksara, kasalahan nuliskeun aksara,
kasalahan nuliskeun kecap, kasalahan nuliskeun unsur serepan jeung kasalahan
ngalarapkeun tanda baca.
1.4. Mangpaat Panalungtikan
1.4.1. Mangpaat Tioritis
Mangpaat tioritis tina ieu panalungtikan nyaéta:
a. Pikeun ngajembaran pangaweruh ngeunaan éjahan basa sunda anu luyu jeung
kaédah palanggeran éjahan.
b. Pikeun méré élmu pangaweruh sangkan bisa maké aksara, nuliskeun aksara,
nuliskeun kecap, nuliskeun unsur serepan, jeung ngalarapkeun tanda baca
kalawan bener.
1.4.2. Mangpaat Praktis
Salian ti mangpaat tioritis aya ogé mangpaat praktis tina ieu panalungtikan
nya éta:
a. Guru mikanyaho rupa-rupa kasalahan éjahan dina karangan déskripsi anu
dilakukeun ku parasiswa kelas XII MAN Jonggol.
b. Guru miboga patokan meunteun dina karangan siswa sangkan siswa bisa
nulis leuwih hadé.
2) Mangpaat pikeun siswa
a. Bisa ngajembaran pangaweruh siswa dina nyieun karangan déskripsi.
b. Pikeun méré gambaran ka siswa ngeunaan tipe kasalahan éjahan.
c. Pikeun nyangking informasi naon waé anu kaasup kana kasalahan éjahan téh.
d. Pikeun mikanyaho kamampuh dirina dina nyieun karangan déskripsi.
e. Mangrupa latihan sarta motivasi keur siswa sangkan bisa leuwih hadé dina
nyieun tulisan boh fiktif atawa nonfiktif.
1.5. Raraga Tulisan
Sabada data panalungtikan diolah, hasilna baris disusun kalawan puguh
éntép seureuhna dina wangun skripsi.
Dina bab I, 1) kasang tukang masalah; 2) watesan jeung rumusan
masalah; 3) tujuan panalungtikan, nyaéta aya tujuan umum jeung tujuan husus; 4)
mangpaat panalungtikan anu ngawengku mangpaat praktis jeung mangpaat
tioritis; 5) raraga tulisan.
Dina bab II, 1) téori nulis anu ngawengku wangenan nulis, watesan nulis,
fungsi nulis, tujuan nulis, sipat tulisan, jeung wangun tulisan; 2) karangan
déskripsi anu ngawengku ciri-ciri karangan déskripsi, rupa-rupa karangan
déskripsi, léngkah-léngkah nulis karangan déskripsi, jeung faktor pangrojong
nulis karangan déskripsi; 3) éjahan basa Sunda; 4) tiori analisis kasalahan anu
ngawengku basa lulugu, analisis kasalahan, kasalahan basa; 5) anggapan dasar .
Dina bab III, 1) lokasi jeung subjék panalungtikan; 2) desain
panalungtikan; 3) métode panalungtikan; 4) définisi operasional; 5) instrumén
Sylvi Fauziah Rhohmah,2013
ANALISIS KASALAHAN ÉJAHAN DINA KARANGAN DÉSKRIPSI SISWA KELAS XII MAN JONGGOL TAUN AJARAN 2012/2013
Universitas Pendidikan Indonesia | repository.upi.edu | perpustakaan.upi.edu
Dina bab IV, 1) data kasalahan; 2) makéna aksara; 3) nuliskeun aksara; 4)
nuliskeun kecap; 5) cara nulis unsur serepan; 6) tanda baca,.
BAB III
MÉTODOLOGI PANALUNGTIKAN
3.1. Lokasi jeung Subjék Panalungtikan
Lokasi panalungtikan dilaksanakeun di MAN Jonggol Kabupatén Bogor
sedengkeun subjék panalungtikanna nyaéta siswa kelas XII. Dina Ngumpulkeun
sumber data, panalungtik ngagunakeun téhnik sampel, anu hartina nyaéta subjék
dina ieu panalungtikan mangrupa sabagian atawa wawakil tina jumlah populasi
(Arikunto, 2010:174).
Sampel anu dipilih dina ieu panalungtikan nyaéta sampel acak (randomized),
disebut kitu lantaran dina nyokot sampel panalungtik miboga anggapan yén
sakabéh subjék téh sarua, ku kituna panalungtik méré hak anu sarua ka unggal
subjék sangkan boga kasempetan pikeun dipilih jadi sampel. Jumlah sakabéh
siswa kelas XII di MAN Jonggol aya 250 siswa sedengkeun anu dijadikeun
sampel dina ieu panalungtikan nyaéta 15% tina jumlah siswa nyaéta 37 siswa.
3.2. Desain Panalungtikan
Desain panalungtikan nyaéta sakabéh prosés anu digunakeun dina rarancang
jeung “pelaksanaan” panalungtikan nepi ka sakabéh pertanyaan nu aya bisa
dijawab.
Aya sababaraha léngkah dina ieu panalungtikan nyaéta: 1) niténan buku
ngeunaan éjahan, 2) nangtukeun masalah panalungtikan, 3) nangtukeun sumber
data, 4) nangtukeun métode panalungtikan, 5) nangtukeun jeung nyusun
instrumén, 6) ngumpulkeun data, 7) nganalisis data, 8) nyindekkeun hasil
panalungtikan, 9) nyusun laporan. Sangkan leuwih jéntré bisa dititénan tina
Sylvi Fauziah Rhohmah,2013
ANALISIS KASALAHAN ÉJAHAN DINA KARANGAN DÉSKRIPSI SISWA KELAS XII MAN JONGGOL TAUN AJARAN 2012/2013
Universitas Pendidikan Indonesia | repository.upi.edu | perpustakaan.upi.edu Bagan 3.2
Desain Panalungtikan
3.3. Métode Panalungtikan
Métode panalungtikan nyaéta cara anu digunakeun ku panalungtik dina
ngumpulkeun data panalungtikanana (Arikunto, 2010:203). Métode anu
digunakeun dina ieu panalungtikan téh métode déskriptif, anu tujuanana pikeun Niténan buku ngeunaan kasalahan éjahan
Nangtukeun masalah panalungtikan
Nangtukeun sumber data
Nangtukeun métode panalungtikan
Nangtukeun jeung nyusun instrumén
Ngumpulkeun data
Nganalisis data
Nyindekkeun hasil panalungtikan
ngadéskripsikeun kasalahan-kasalahan anu dilakukeun ku parasiswa kelas XII
MAN Jonggol dina pamakéan éjahan basa sunda dina wangun karangan déskripsi.
Aya sababaraha alesan pangna ngagunakeun métode déskriptif anu dijerona
ngawengku:
1) Masalah anu ditalungtik lumangsung dina mangsa kiwari, kasalahan
ngalarapkeun éjahan dina karangan déskripsi siswa kelas XII MAN Jonggol.
2) Panalungtikan anu dilaksanakeun sipatna ngadéskripsikeun tipe kasalahan
dina ngalarapkeun éjahan Basa Sunda.
3) Data ieu panalungtikan téh dikumpulkeun, diklasifikasikeun, jeung
ditafsirkeun.
3.4. Définisi Operasional
Sangkan henteu nimbulkeun rupa-rupa tapsiran kana ieu panalungtikan,
perlu aya définisi nu aya dina judul ngeunaan kekecapan anu dipaké, bisa
dititénan saperti ieu di handap.
1) Analisis kasalahan nyaéta mangrupa hiji prosedur gawé nu biasa digunakeun
ku panalungtik jeung ku guru basa kalawan léngkah-léngkahna: ngumpulkeun
sampel, ngaidéntifikasi kasalahan anu aya dina sampel, nétélakeun kasalahan,
nglasifikasikeun kasalahan anu aya dina sampel dumasar kana
sabab-musababna, nu pamungkas nyaéta ngaévaluasi atawa méré ajén kana
tingkatan éta kasalahan” (Ellis, 1986:296 dina Tarigan& Tarigan, 2011:61).
Kasalahan anu ditalungtik dina ieu panalungtikan nyaéta kasalahan éjahan
dina karangan déskripsi siswa kelas XII MAN Jonggol.
2) Éjahan téh nyaéta aturan, kaédah, palanggeran nuliskeun kecap-kecap salah
sahiji basa (Tamsyah, 1998:540 dina Setiawan, 2006:21).
3) Karangan Déskripsi nyaéta tulisan anu mangrupa ébréhan pikiran jeung rasa
pangarangna anu manrupa dadaran atawa ébréhan kagiatan indra (panempo,
pangrungu, pangrasa, panyabak, jeung pangambeu) minangka hasil
Sylvi Fauziah Rhohmah,2013
ANALISIS KASALAHAN ÉJAHAN DINA KARANGAN DÉSKRIPSI SISWA KELAS XII MAN JONGGOL TAUN AJARAN 2012/2013
Universitas Pendidikan Indonesia | repository.upi.edu | perpustakaan.upi.edu 3.5. Instrumén Panalungtikan
Nurutkeun Arikunto (2010:203), instrumén panalungtikan téh nyaéta pakakas
atawa pasilitas anu digunakeun ku panalungtik dina ngumpulkeun data sangkan
pagawéanana leuwih gampang jeung hasilna leuwih hadé. Instrumén
panalungtikan dina ngumpulkeun ieu data nyaéta diolah ngagunakeun kartu data.
Instrumén ngumpulkeun data anu mangrupa tés bisa dititénan saperti ieu di
handap.
Conto Kartu Data
Kode: ...
Wangun anu salah:...
...
Kuduna: ...
...
Tipe Kasalahan: ...
...
Catetan:
3.6. Téhnik Ngumpulkeun Data
3.6.1. Téhnik Tés
Téhnik tés digunakeun pikeun ngukur kamampuh dasar jeung préstasi hiji
nyaéta ku cara méré tugas ngarang ka siswa MAN Jonggol. Ku cara kitu
panalungtik bisa ngukur tingkat kasalahan anu dilakukeun ku siswa kelas XII
MAN Jonggol dina nyieun karangan déskripsi kalawan ngagunakeun aturan
éjahan basa sunda anu bener.
Data anu dikumpulkeun ngagunakeun téhnik tés tadi, bisa dititénan saperti
ieu di handap.
3.6.2. Léngkah-léngkah Ngolah Data
Léngkah-léngkah dina ngumpulkeun data dina ieu panalungtikan bisa
dititénan saperti ieu di handap:
1. maca hasil karangan murid kalawan gemet,
2. nganomeran unggal jajar,
3. nandaan unggal kasalahan sarta ngasupkeun kana kartu data, TÉS NYIEUN KARANGAN DÉSKRIPSI
Jieun hiji karangan anu sarat-saratna saperti ieu di handap!
1. Warna karangan: karangan déskripsi
2. Téma karangan: objék wisata anu aya di Kabupatén Bogor
3. Panjang karangan: minimal 3 paragraf
4. Pigawé kalawan ngagunakeun palanggeran éjahan!
5. Waktu: 1 jam pelajaran
6. Komponén anu dipeunteun: éjahan
Sylvi Fauziah Rhohmah,2013
ANALISIS KASALAHAN ÉJAHAN DINA KARANGAN DÉSKRIPSI SISWA KELAS XII MAN JONGGOL TAUN AJARAN 2012/2013
Universitas Pendidikan Indonesia | repository.upi.edu | perpustakaan.upi.edu
4. misah-misahkeun data kasalahan dumasar kana klasifikasina, nyaéta
kasalahan makéna aksara, nuliskeun aksara, kasalahan nuliskeun
kecap, kasalahan nuliskeun unsur serepan, jeung kasalahan
ngagunakeun tanda baca,
5. ngadéskripsikeun data hasil panalungtikan,
6. merséntasikeun kasalahan makéna éjahan
7. nyieun kacindekan hasil panalungtikan.
3.7. Téhnik ngolah data
Téhnik anu digunakeun dina ieu panalungtikan nyaéta téhnik analisis
kesalahan berbahasa (Tarigan, 2011:123). Ieu téhnik téh mangrupa téhnik anu
poko dina ngolah data. Nyaéta mangrupa métode gawé dina maluruh
kasalahan-kasalahan tulisan murid kalawan ngagunakeun prosedur nu tangtu.
Prakprakanana conto nganalisis data bisa dititénan dina conto analisis data
ieu di handap.
Data kasalahan téh diteundeun dina kartu data, anu tuluy dibéré kode. Dina
éta kode téh dieusian ku nomer urut siswa, nomor lambar, jeung nomer padalisan,
contona:
Salah sahiji tempat wisata anu endah di bogor nyaeta Taman Buah
Mekarsari. (3:I, 1-2)
Hartina éta kasalahan téh aya dina karangan siswa nomer 3, lambar ka-1,
padalisan 1 nepi ka 2.
Dina éta data téh mibanda opat kasalahan nyaéta:
1) Salah nuliskeun gabungan kecap salah sahiji (3:I, 1).
2) Salah ngalarapkeun aksara vokal e dina kecap endah jeung kecap nyaeta
(3:I, 1).
3) Salah dina nuliskeun aksara gedé dina ngaran kota (3:I, 2)
Gabungan kecap salah sahiji dina kecap kuduna ditulis ngahiji, wangun
tulisan anu benerna nyaéta salahsahiji.
Salah ngalarapkeun vokal e dina kecap endah jeung nyaeta, wangun anu
bener kuduna maké vokal é jadi éta kecap ditulisna éndah jeung nyaéta.
Kasalahan anu ka-3, henteu nuliskeun aksara gedé dina ngaran kota anu aya
dina kecap di bogor anu kuduna ditulis di Bogor.
Jadi wangun anu bener tina data di luhur nyaéta salahsahiji tempat wisata
Sylvi Fauziah Rhohmah,2013
ANALISIS KASALAHAN ÉJAHAN DINA KARANGAN DÉSKRIPSI SISWA KELAS XII MAN JONGGOL TAUN AJARAN 2012/2013
Universitas Pendidikan Indonesia | repository.upi.edu | perpustakaan.upi.edu 174
BAB V
KACINDEKAN JEUNG SARAN
5.1. Kacindekan
Ieu panalungtikan téh ngadéskripsikeun kasalahan éjahan dina nulis
karangan déskripsi siswa kelas XII MAN Jonggol taun ajaran 2012/2013. Tina
hasil panalungtikan anu geus dilaksanakeun, tétéla kapanggih yén masih loba
kénéh siswa anu ngalakukeun kasalahan éjahan dina nulis karangan déskripsi. Éta
kasalahan téh ngawengku:
1. kasalahan makéna aksara,
2. kasalahan nuliskeun aksara,
3. kasalahan nuliskeun kecap,
4. kasalahan nuliskeun unsur serepan, jeung
5. kasalahan makéna tanda baca.
Jumlah kasalahan éjahan dina karangan déskripsi siswa kelas XII MAN
Jonggol aya 728 data kasalahan, anu ngawengku:
1. kasalahan dina makéna aksara anu kapanggih nyaéta kasalahan makéna
vokal, aya 309 data kasalahan atawa 42,45%,
2. kasalahan nuliskeun aksara aya 183 data kasalahan atawa 25,14%, anu
ngawengku: (1) kasalahan nuliskeun aksara gedé aya 182 data kasalahan
atawa 25%, jeung (2) kasalahan nuliskeun aksara condong aya 1 data
kasalahan atawa 0,14%.
3. kasalahan nuliskeun kecap aya 121 data kasalahan atawa 16,62%, anu
ngawengku: (1) kasalahan nuliskeun kecap asal aya 9 data kasalahan
atawa 1,24% , (2) kasalahan nuliskeun kecap rundayan aya 48 data
kasalahan atawa 6,59%, (3) kasalahan nuliskeun kecap rajékan aya 7
data kasalahan atawa 0,96%%, (4) kasalahan nuliskeun gabungan kecap
aya 7 atawa 0,96%, (5) kasalahan nuliskeun kecap sulur aya 1 atawa
4. Kasalahan nuliskeun unsur serepan aya 7 data kasalahan atawa 0,96%,
5. kasalahan dina ngalarapkeun tanda baca aya 108 data kasalahan atawa
14,84%, anu ngawengku: (1) kasalahan ngalarapkeun tanda baca titik
aya 49 kasalahan atawa 6,73%, (2) kasalahan ngalarapkeun tanda baca
koma aya 52 kasalahan atawa 7,14%, (3) kasalahan maké tanda geret
aya 4 kasalahan atawa 0,55%, (4) kasalalahan ngalarapkeun tada
kekenteng aya 2 data kasalahan atawa 0,27%, jeung (5) kasalahan
ngalarapkeun tanda tanya aya 1 data kasalahan atawa 0,14%
Tina 37 data siswa, tétéla bisa dicindekkeun yén 30 siswa dianggap mampuh
lantaran nileyna geus leuwih ti standar kelulusan nyaéta 6,29, sedengkeun 7 siswa
séjénna dianggap can mampuh lantaran nileyna kurang ti standar kelulusan.
5.2. Saran
Dumasar kana jumlah kasalahan siswa dina ieu panalungtikan ngeunaan
éjahan, kasalahan anu pangloba dilakukeun ku siswa téh nyaéta kasalahan dina
makéna aksara dina nuliskeun hurup vokal é ku e jeung hurup vokal eu ku e.
Parasiswa masih kénéh loba anu patukeur dina makéna éta vokal. Éta hal bisa jadi
cecekelan pikeun guru basa Sunda sangkan leuwih jero deui dina ngajéntrékeun
pangajaran ngeunaan éjahan basa Sunda utamana ngeunaan kasalahan éjahan anu
aya dina karangan siswa kelas XII MAN Jonggol taun ajaran 2012/2013.
Ieu panalungtikan dipiharep bisa méré informasi ngeunaan kasalahan éjahan
anu masih kénéh dilakukeun ku siswa kelas XII MAN Jonggol, anu saterusna
mudah-mudahan ieu panalungtikan téh bisa dimangpaatkeun pikeun pangajaran
katatabasaan, palanggeran éjahan, jeung pangajaran nulis.
Mudah-mudahan ieu panalungtikan téh janten conto yén saenyana éjahan
téh mangrupa hal anu penting dina nyusun sagala rupa tulisan.
Tina hasil panalungtikan nu geus dilaksanakeun tétéla loba kénéh siswa anu
salah dina maké éjahan basa Sunda. Ku kituna, pangajaran ngeunaan éjahan kudu
Sylvi Fauziah Rhohmah,2013
ANALISIS KASALAHAN ÉJAHAN DINA KARANGAN DÉSKRIPSI SISWA KELAS XII MAN JONGGOL TAUN AJARAN 2012/2013
Universitas Pendidikan Indonesia | repository.upi.edu | perpustakaan.upi.edu
hadé tur merenah anu saluyu jeung palanggeran éjahan basa Sunda dina nyieun
Daptar Pustaka
Arikunto, Suharsimi. (2010). Prosedur Penelitian Suatu Pendekatan Praktek
(Edisi Revisi). Jakarta: Rineka Cipta.
Finoza, Lamuddin. (2004). Komposisi Bahasa Indonesia. Jakarta: Insan Mulia.
Jurusan Pendidikan Bahasa Daerah FPBS UPI Bandung. (2008). Palanggeran
Éjahan Basa Sunda (Édisi Révisi). Bandung: Sonagar Press.
Keraf, gorys. (1982). Eksposisi dan Deskripsi. Ende-Flores: Nusa Indah.
Kosasih, E. (2011). Ketatabahasaan dan Kesusastraan untuk SMA/MA& SMK.
Bandung: Yrama Widya.
Lembaga Basa jeung Sastra Sunda. (1985). Kamus Umum Basa Sunda. Bandung:
Taraté
Nurjanah, Nunuy. (1990). Dasar-dasar Tiori Nulis. Diktat.
Prawirasumantri, Abud. Spk. (2007). Kamekaran, Adegan, jeung Kandaga Kecap
Basa Sunda. Bandung: Geger Sunten.
Salmun, M.A. (1963). Kandaga Kasusatraan. Bandung: Ganaco.
Semi, M. Atar. (2003). Menulis Efektif. Padang: Angkasa Raya.
Setiawan, Hardi. (2006). Kasalahan Ejahan Dina Karangan Argumentasi Murid
Kelas 3 Sma Pasundan Hiji Bandung Taun Ajar 2005/2006. Bandung: Jurusan
Pendidikan Bahasa Daerah.
Sudaryat, Yayat. (2004). Élmuning Basa (Edisi Revisi). Bandung: Walatra
Sudaryat, Yayat. (2005). Kamus Istilah Élmuning Basa Sunda. Bandung: Geger
Sylvi Fauziah Rhohmah,2013
ANALISIS KASALAHAN ÉJAHAN DINA KARANGAN DÉSKRIPSI SISWA KELAS XII MAN JONGGOL TAUN AJARAN 2012/2013
Universitas Pendidikan Indonesia | repository.upi.edu | perpustakaan.upi.edu
Sudaryat, Yayat. Spk. (2007). Tata Basa Sunda Kiwari. Bandung: Yrama Widya.
Sudaryat, Yayat. (2010). Ulikan Wacana Basa Sunda. Bandung: Geger Sunten.
Sudaryat, Yayat. (2010). Ulikan Semantik Sunda. Bandung: Geger Sunten.
Tarigan, Henry Guntur. (2008). Menulis Sebagai Suatu Keterampilan Berbahasa.
Bandung: Angkasa.
Tarigan, Henry Guntur & Djago Tarigan. (2011). Pengajaran Analisis Kesalahan
Berbahasa (Edisi Revisi). Bandung: Angkasa.
Universitas Pendidikan Indonesia. (2012). Pedoman Penulisan Karya Ilmiah.