Kara Leitor,
Ho satisfasaun bo’ot mak ha’u fo boas vindas ba site ofisial kona‐ba Reuniaun Praseiru Dezenvolvimentu Timor‐Leste 2009 (TLDPM). Tema ba tinan ida ne’e mak “Adeus Konflitu, Bemvindu Dezenvolvimentu”, fraze ida ke ami, IV Governu Konstituisional Timor‐Leste, fiar katak aprezenta barak ba komunidade nasaun no sidadaun Timor‐Leste hotu, ami nia empeñu atu asegura ita nia sidadaun, nasaun dame no prospera ida.
TLDPM hanesan konferénsia anual ida ho prezensa Governu Timor‐Leste no Parseiru Dezenvolvimentu mak hala’o iha Timor‐Leste ne’ebé konvoka atu refleta kona‐ba susesu no dezafiu dezenvolvimentu uluk nian no, aumesmu tempu konsidera hametin stratejia no aliñamentu kona‐ba inisiativa dezenvolvimentu nian maka sei implementa iha Timor‐Leste. TLDPM bolu metin kona‐ba krensa konsagradu iha Deklarasaun Paris kona‐ba efikásia ba apoiu ne’ebé nia konstrusaun efikaz‐liu no abranjente parseria entre Governu no parseiru dezenvolvimentu maka sei kontribui ba impaktu bo’ot ida ba hamenus ki’iak no, konsekuentamente, garante futuru ida ne’ebé pozitivu‐liu ba povu Timor‐ Leste.
Desde Dezembru 2002, TLDPM buka ba sertu fim tau importánsia ba dezenvolvimentu hodi hametin parserias entre doador bilaterias no multilaterais no fundamentais seluk ba dezenvolvimentu husi parte interesadu, inklui sosiedade sivil, mak opera iha nasaun ne’e. Iha 2009 sosiedade sivil dala ida tan hetan enkorajamentu atu partisipa no transmite sira nia esperiénsia unika kona‐ba dezenvolvimentu. Partisipante sira rona lian maka reprezenta objetivu juventude sira nian, universidade sira nian no ba dahuluk, husi setór privadu, lian ida maka laiha duvidas hodi hametin tan halo nu’usá ekonomia Timor‐ Leste kontinua metin no haburas.
Hanesan ne’e, ho espiritu ba transparénsia, Governu Timor‐Leste pretende disponilizar dokumentasaun barak kona‐ba reuniaun ida ne’e bainhira bele. Iha site ida ne’e, ita bele hetan diskursu, aprezentasaun, press release no dokumentu ofisial seluk no publikasaun emitida husi Governu no partisipante seluk iha lead‐up no durante reuniaun ida ne’e.
Ha’u hakarak hato’o ha’u nia sinseru agradesimentu ba ema hotu ne’ebé asiste reuniaun Parseiru Dezenvolvimentu foin dadauk ne’e, la’os deit ba sira nia partisipasaun , maibé ba sira nia perseveransa – partilla husi sira nia empeñu no determinasaun hodi garante mehi no esperansa sidadaun nian ba nasaun ida ne’e, bele realiza.
Obrigadu.