Bahan Rujukan akan Lambar Palajaran Pambelum tuntang Pelayanan

(1)

3-9 SEPTEMBER

PANATAU BARA FIRMAN HATALLA YOHA- NES 1-2

”Yesus Manampa Mujizat je Pangkasulak”

(Yohanes 2:1-3) Due andau limbah te tege pesta kawin intu lewu Kana hong Galilea, tuntang indu Yesus tege intu hete.²Yesus tuntang kare murid ayu irawei kea akan pesta te.³ Me- tuh anggur jadi lepah, indu Yesus hamauh denga, ”Anggur ewen lepah.”

(Yohanes 2:4-11) Tapi Yesus tumbah, ”Umai, narai urusan itah? Hindai sampai katika akangku.” ⁵ Tapi indu Yesus hamauh dengan kare pelayan, ”Lalus narai bewei je inyuhu akan ketun.” ⁶ Hong hete tege jahawen balanai je inatap uka mamparasih arep sasuai hadat uluh Yehudi. Gagenep balanai te ulih inamean due atawa telu takaran danum. ⁷ Yesus hamauh dengan ewen, ”Nyuang kare balanai te hapan danum.” Maka ewen manyuang’ah sampai kun- tep.⁸Palus Yesus hamauh dengan ewen, ”Nah, imbit isut danum te akan pamimpin pesta.”

Ewen mimbit danum te akan pamimpin pesta. ⁹ Metuh pamimpin pesta mihup danum je iubah manjadi anggur. (Iye dia katawan bara kueh anggur te, baya uluh je manyuang danum te ih je katawa.) Maka pamimpin pesta te mantehau panganten hatue, ¹⁰ palus hamauh denga, ”Bahut, uluh labih helu manyarungan anggur je paling bahalap, tuntang metuh uluh jadi nampara babusau, harun manyarungan anggur je biasa. Tapi ikau sampai tuh ming- kes anggur je paling bahalap!” ¹¹ Jite mujizat pangkasulak je ilalus Yesus. iye malalus jite intu Kana hong Galilea. Iye mamparahan kahain ayu mahalau tanda te. Maka kare murid ayu baiman denga.

Mangali Permata Rohani

(Yohanes 1:1) Hong tampara Pirman te tege,

tuntang Pirman te haya-hayak Hatalla, tuntang Pirman iete hatalla.

Keterangan je beken nwtsty akan Yoh 1:1 Pirman: Atawa ”Logos”. Hong bahasa Yunani, ho logos. Galar je ihapan hong hetuh ihapan kea hong Yoh 1:14 tuntang Pang 19:13. Yohanes mamparahan uluh je patut manarima galar tuh iete Yesus. Galar tuh inenga akan Yesus katahin iye manjadi malekat sahindai dumah akan bumi, katahin pelayanan ayu sebagai kalunen je sem- purna hong bumi, tuntang limbah iangkat akan sorga. Yesus te Juru Bicara uka manyampai peteh tuntang patunjuk bara Pancipta akan kare malekat tuntang kalunen. Jadi, tame akal uka bapikir amun sahindai pandumah Yesus akan bumi, Yehowa bapander dengan kalunen mahalau Pir- man, iete malekat juru bicara Ayu.—Gen 16:7-11;

22:11; 31:11; Eks 3:2-5; Hak 2:1-4; 6:11, 12; 13:3.

haya-hayak: Rima, ”hong baun”. Hong ayat tuh, kata Yunani pros mamparahan hubungan je ran- tep. Jite kea mamparahan amun Pirman tuntang Hatalla je bujur te due pribadi je dia sama.

Pirman iete hatalla: Atawa ”Pirman iete pribadi kilau hatalla”. Auh Yohanes tuh manjelas tahiu ciri-ciri bara ”Pirman” (Hong bahasa Yu- nani, ho logos; payah keterangan je beken akan Pirman hong ayat tuh), iete, Yesus Kristus. Pir- man inyewut ”hatalla; pribadi je kilau hatalla”

awi mahalau Anak tambakas tuh Hatalla mancip- ta taluh handiai. Are penerjemah rajin mahapan istilah ”Pirman iete Hatalla”, manyama iye dengan Hatalla je Pangkahai. Tapi, tege alasan bahalap mbuhen Yohanes dia manyama ”Pirman”

te dengan Hatalla Je Pangkahai. Je sulak, kare ayat hong bagian tampara tuntang salanjut’ah sama-sama manjelas amun ”Pirman” tuh ”haya- hayak Hatalla”. Limbah te, kata Yunani the·os

lembut telu kali hong ayat 1 tuntang 2. Hong bagian pangkasulak tuntang katelu, kata the·os tuh mahapan kata sandang. Tapi hong bagian kadue, kata tuh dia mahapan kata sandang.

Bahan Rujukan akan Lambar Palajaran Pambelum

tuntang Pelayanan

(2)

Are ahli satuju the·os je inyewut Yohanes hong bagian pangkasulak tuntang katelu dia sama dengan je kadue. Amun the·os mahapan kata sandang, jite rima Hatalla Je Pangkahai. Tapi, sasuai dengan tata bahasa Yunani, amun ja- tun kata sandang, the·os ihapan uka manjelas ciri-ciri ”Pirman”. Jadi, kare Alkitab hong bahasa Inggris, Prancis, tuntang Jerman, manerjemah kata tuh sama kilau Terjemahan Dunia Baru, je mamaksud amun ”Pirman” tuh ”hatalla; atawa pribadi je kilau hatalla”. Jituh indukung awi terjemahan Injil Yohanes jaman huran hong dialek Sahid tuntang Bohairah bahasa Koptik, je mungkin inampa abad telu tuntang epat M. Huang terjemahan tuh kata the·os je pangkasulak tun- tang kadue hong Yoh 1:1 inerjemah dia sama.

Due terjemahan te mansanan kare ciri ”Pir- man”, je sama kilau Hatalla tapi dia manyama iye dengan Bapa, Hatalla Je Pangkahai. Kol 2:9 kea bahubungan dengan ayat tuh je mansanan

”salepah tampan bitin Hatalla melai huang Kris- tus”. Tuntang manumun 2Ptr 1:4, ahli waris je haya-hayak Kristus ”manarima sipat kahatalla”.

Hong terjemahan Septuaginta, kata Yunani the- os bahut sama dengan kata Ibrani el tuntang

elo·him, je inerjemah manjadi ”Hatalla”. Riman dasar kata tuh ”Je Pangkahai; Je Perkasa”. Kata Ibrani tuh ihapan uka manyewut Hatalla pangkahai, hatalla beken, tuntang kalunen. (Payah keterangan je beken akan Yoh 10:34.) Dengan manyewut Pirman tuh ”hatalla” atawa ”je perkasa”, jite sasuai dengan nubuat hong Yes 9:5, je hamauh amun Mesias akan inyewut ”Hatalla Je Kuasa” (beken ”Hatalla Je Mahakuasa”) tuntang iye akan manjadi ”Bapa Katatahi” akan uluh je tege hak istimewa uka belum haya-hayak iye.

Bapa ayu, Yehowa je ”jaton tikas kuasa” pasti malalus’ah.—Yes 9:7.

(Yohanes 1:29) ”Andau jewu limbah te, metuh manampayah Yesus dumah, Yohanes hamauh,

”Mite, iye Anak Tabirin Hatalla je manganan dosan dunia!

Keterangan je beken nwtsty akan Yoh 1:29

Anak Tabirin Hatalla: Limbah Yesus imbaptis tuntang haluli limbah inggoda Setan, Yohanes Pampandui manyewut iye ”Anak Tabirin Hatal- la”. Jituh baya lembut hong ayat tuh tuntang Yoh 1:36. (Payah Lamp. A7.) Yesus puna cocok inyama dengan anak tabiri. Hong Alkitab, tabiri ihapan uka manjadi parapah manewus dosa tuntang uka tau manukep Hatalla hindai. Jituh lambang parapah je akan inenga Yesus metuh iye manyarah pambelum ayu je sampurna uka manewus kalunen. Istilah ”Anak Tabirin Hatalla”

mungkin induan bara pire-pire kajadian je incatat hong Kare Kitab je iilham. Yohanes Pampandui kasene tutu dengan Kare Kitab Ibrani, awi te iye manyewut tahiu ije atawa pire-pire kajadian.

Suntu, Abraham je manenga parapah tabiri je hatue tuntang balang manenga anak’ah Isak (Gen 22:13), anak tabiri Paska je inyambalih hong Mi- sir uka mambebas uluh Israel bara perbudakan (Eks 12:1-13), atawa anak tabiri je hatue manjadi parapah intu mesbeh Hatalla hong Yerusalem genep hanjewu tuntang halemei (Eks 29:38-42).

Yohanes mungkin mingat nubuat Yesaya, iete uluh je inyewut Yehowa ”rewar-Ku” akan manjadi ”anak tabiri je iimbit akan eka manyambalih”.

(Yes 52:13; 53:5, 7, 11) Metuh Rasul Paulus ma- nulis surat je pangkasulak akan uluh Korintus, iye manyewut Yesus ”tabirin Paska ain itah”. (1Kor 5:7) Rasul Petrus bapander tahiu ”taloh je paham barega; iete bitin Kristus kabuat, je jari iluput kilau parapah tabiri”. (1Ptr 1:19) Tuntang hong buku Pangarinah, labih bara 25 kali Yesus je ina- ra inyewut secara lambang sebagai ”anak Tabiri”.

—Pire-pire suntu iete: Pang 5:8; 6:1; 7:9; 12:11;

13:8; 14:1; 15:3; 17:14; 19:7; 21:9; 22:1.

Pambasaan Alkitab

(Yohanes 1:1-18) Hong sola-solake, helo bara kalunen injadian, Auh te jari aton. Auh te aton hinje Hatalla tuntang auh te sama dengan Ha- talla.²Bara solake Ie hinje Hatalla³ Kare taloh handiai injadian mahalau Ie, tuntang bara kare taloh handiai je aton, ije mahin jaton je jari injadian dia mahalau Ie. ⁴ Auh te asal pambelom, tuntang pambelom te manenga kalawa

(3)

akan olon. ⁵ Kalawa te manyingah huang kakaput, tuntang kakaput dia olih mambelepe.

6Maka dumah oloh je inyoho Hatalla, Yohanes arae. ⁷ Ie dumah mambarita tahiu kalawa te, mangat oloh samandiai percaya. ⁸ Ie kabuat beken kalawa te, ie baya mambarita bewei.

9Jete kalawa toto je mampalawa oloh samandiai, dumah akan kalunen.¹⁰Auh te aton hong kalunen, kalunen injadian mahalau Ie, tapi kalunen dia mangasene Ie. ¹¹ Ie dumah akan lewun Ayue kabuat tapi bangsa Ayue dia manarima Ie. ¹² Tapi kare oloh je manarima Ie tuntang percaya dengan Ie, ewen te mandino hak manjadi anak Hatalla,¹³je inakan dia bara olon, basa pambelom je taheta te bara Hatalla asale.¹⁴Auh te jari manjadi olon, Ie melai hong marak itah, tuntang itah jari mite kahain Aie.

Kahai te inarima kilau anak tunggal Bapa. Ma- halau Ie itah mite Hatalla tuntang mite sintan Aie dengan itah. ¹⁵Yohanes dumah kilau saksi Ayue, ie mambarita: ”Jetoh Ie je insanang-Ku:

Ie kareh dumah rahian bara aku, tapi Ie labih hai bara aku, basa helo bara aku aton, Ie jari aton.” ¹⁶ Ie kontep asi; jaton tikase, Ie mam- berkat itah.¹⁷ Hukum Tuhan inarima itah bara Moses. Tapi asi tuntang kaketep Hatalla im- parahan mahalau Yesus Kristus. ¹⁸ Jaton oloh je puji mite Hatalla, beken bara anak tunggal Bapa, tuntang heret toto Dengae je sama dengan Bapa. Ie je mamparahan Bapa akan itah.

10-16 SEPTEMBER

”Yesus Mangabar akan Ije Biti Bawi Samaria”

(Yohanes 4:6, 7) Intu hete tege sumur Yakob.

Yesus heka tutu awi jalana, awi te iye munduk hong sumur. Metuh te kira-kira jam 12 bentok andau. ⁷ Limbah te, ije biti bawi Samaria dumah uka masip danum. Yesus hamauh denga,

”Tau aku balaku danum?”

Keterangan je beken nwtsty akan Yoh 4:6

heka tutu: Baya hong eka tuh Alkitab mansanan amun Yesus ”heka tutu”. Jite kira-kira jam 12.00 bentuk andau, tuntang bara hanjewu Yesus manampa jalanan bara Lembah Yordan hong Yudea mangguang Sikhar hong Samaria, tuntang iye musti mananjung mandai akan ngambu kira-kira 900m atawa labih.—Yoh 4:3-5; payah Lamp. A7.

(Yohanes 4:21-24) Yesus hamauh denga,

”Percaya ih dengangku, sinde katika kareh ketun dia akan manyembah Hatalla hong bukit tuh atawa hong Yerusalem. ²² Ketun dia mangasene eweh je inyembah ketun. Ikei mangasene je inyembah ikei, awi kasalamat inampara dengan uluh Yehudi. ²³ Aluh kalute, sinde katika kareh, mahin wayah tuh, kare panyembah je sejati akan manyembah Bapa dengan pandohop kuasa barasih tuntang sasuai dengan katutu, awi Bapa puna manggau kare uluh je handak manyembah Iye kilau te.

24 Hatalla te Roh, tuntang uluh je handak manyembah Iye musti manyembah Iye dengan pandohop kuasa barasih tuntang sasuai dengan katutu.”

(Yohanes 4:39-41) Are uluh Samaria bara kota te baiman dengan Yesus awi uluh bawi te manenga kesaksian dengan hamauh, ”Iye mansanan akangku uras je puji ilalusku.” ⁴⁰ Maka katika hasundau dengan Yesus kare uluh Sa- maria te balaku Iye melai haya-hayak ewen, Iye melai hong kanih katahin due andau. ⁴¹ Hasil-

’ah, tege labih are hindai hindai je baiman awi auh kutak’ah,

(Yohanes 3:29) Panganten bawi te ain pa- nganten hatue. Tapi sobat panganten hatue te hanjak tutu metuh mendeng hong tukep panganten hatue tuntang mahining auh kutak’ah.

Kalute kea dengangku, aku buju-bujur hanjak.

Keterangan je beken nwtsty akan Yoh 3:29 sobat panganten hatue: Hong jaman Alkitab, kawal panganten hatue manjadi wakil resmi tuntang tege peran penting hong pesta kawin. Iye

(4)

akan mimbit panganten bawi tuntang hatue haya-hayak. Hong andau pangawin, rombongan panganten bawi dumah akan human panganten hatue atawa human bapa uka malalus pesta pangawin. Katahin pesta tuh, sobat panganten hatue akan hanjak metuh mahining auh kutak panganten hatue je bapander dengan panganten bawi, awi sobat’ah akan mangkeme amun iye bahasil malalus tugas’ah. Yohanes Pampandui manyama arep’ah kilau ”sobat panganten hatue”.

Huang hal tuh, Yesus malambang panganten hatue tuntang kare murid’ah manjadi bagian bara kelompok je malambang panganten bawi. Kanjera Yohanes Pampandui manyiap jalan akan Mesias, iye mimbit kare anggota pangkasulak je malambang ”panganten bawi” akan Yesus Kristus. (Yoh 1:29, 35; 2Kor 11:2; Ep 5:22-27; Pang 21:2, 9)

”Sobat panganten hatue” bahasil malalus tugas-

’ah manyiap jalan; Awi te, iye dia hindai manjadi tokoh utama. Tahiu hal te, Yohanes mambanding arep’ah dengan Yesus, ”Ie te musti sasar mambatang, tuntang aku sasar dia mambatang.”—Yoh 3:30.

(Yohanes 4:10) Yesus tumbah, ”Amun ikau ka- tawan panengan bara Hatalla tuntang eweh je balaku mihup dengam, ikau pasti akan balaku danum denga, tuntang iye akan manenga akam danum pambelum.”

Keterangan je beken nwtsty akan Yoh 4:10 danum pambelum: Istilah asli bahasa Yunani akan kata tuh ihapan uka mamaksud danum je mahasur, batang danum, atawa danum je mahasur langsung bara batang danum. Jituh beda dengan danum hong sumur. Hong Lew 14:5, istilah asli bahasa Ibrani akan ”tahasak danum”

rima ”danum pambelum”. Hong Yer 2:13 tuntang 17:13, Yehowa inyama kilau ”tahasak [atawa,

”sumber”] bara danum pambelum”. Jituh danum kiasan je manenga pambelum. Metuh bapander dengan uluh bawi Samaria te, Yesus mahapan istilah ”danum pambelum” secara kiasan, tapi mungkin uluh bawi te sulak’ah maanggap auh Yesus te secara harfiah.—Yoh 4:11; payah keterangan je beken akan Yoh 4:14.

(Yohanes 4:1-15) Kare oloh Parisi mahining je Yesus mandino tuntang mampandoi labih are murid bara Yohanes. ² (Sapunae Yesus kabuat dia mampandoi malengkan kare murid Ayue bewei.) ³ Katika Yesus katawan kare oloh Parisi jari mahining tahiu hal te, Ie haguet bara Yuda haluli akan Galilea. ⁴ Hong panjalanan Ayue te Ie musti mahalau Samaria. ⁵ Maka Yesus sampai intu ije lewu hong Samaria je bagare Sikhar, dia kejau bara petak je horan inenga Yakob akan anake Yosep. ⁶ Intu hete aton sumur Ya- kob. Yesus heka toto tagal panjalanae, awi te Ie mondok intu saran sumur. Metoh te kurang labih pukul duewalas bentok andau. ⁷ Tun- tang kare murid Yesus jari haguet akan lewu mangat mamili panginan. Limbah te tinai ije biti bawin oloh Samaria dumah masip danum.

Yesus hamauh dengae, ”Bu, tau Aku balaku danum?” ⁸ (4:7) ⁹ Bawin Samaria te tombah,

”Tuan oloh Yehudi, aku oloh Samaria; mbuhen Tuan balaku danum dengangku?” (Basa kare oloh Yehudi jaton kajentae dengan oloh Sa- maria.) ¹⁰ Yesus tombah, ”Jaka ikau katawan panengan Hatalla tuntang eweh je balaku danum ihop dengam, pasti ikau kabuat je balaku danum ihop Dengae, tuntang Ie akan manenga akam danum pambelom.” ¹¹ Koan oloh bawi te, ”Ain Tuan jaton timba, tuntang sumur toh handalem toto. Bara kueh Tuan mandino danum pambelom? ¹² Yakob, tato hiang ikei, manenga sumur toh akan ikei. Ie kabuat masip danum ihop bara hetoh; kalote kea kare anak jariae tuntang kare meto je imbelome. En Tuan manyangka Tuan labih hai bara Yakob?”

13 ”Oloh je mihop danum toh kareh teah belaie tinai,” koan Yesus, ¹⁴ ”tapi oloh je mihop danum je inenga-Ku te, dia tau teah belaie tinai sampai katatahie. Karana danum je inenga-Ku te kareh manjadi tahasak danum huang arepe je mamancar balua tuntang manenga akae pambelom je bujur tuntang katatahie.” ¹⁵Koan oloh bawi te, ”Tuan, tenga akangku danum te,

(5)

mangat aku dia teah belaiku tinai; tuntang dia usah haluli akan hetoh mangat masip danum.”

SEPTEMBER 17-23

“Maumba Yesus dengan Motif je Bujur”

(Yohanes 6:9-11) ”Hetuh atun anak uluh je tege lime roti barli tuntang due kungan lauk kurik. Tapi narai rima akan uluh je are tuh?”

10 Yesus hamauh, ”Nyuhu kare uluh te munduk.” Hong eka te tege are uru, ewen munduk hong hete. Hong marak ewen, tege kira-kira 5.000 hatue.¹¹Yesus manduan roti te, tuntang limbah manyewut sukur, iye mambagi roti akan ewen. Iye malalus hal je sama dengan kare lauk kurik te, tuntang ewen kuman sampai besuh tutu.

Keterangan je beken nwtsty akan Yoh 6:10 ewen munduk hong hete. Hong marak ewen, tege kira-kira 5.000 hatue: Baya Mateus je mancatat amun tege ”kare uluh bawi tuntang anak kurik” metuh mangesah mujizat tuh. (Mat 14:21) Mungkin uras uluh je impakanan awi mujizat tuh tege labih bara 15.000 biti.

(Yohanes 6:14) Metuh are uluh manampa- yah kare tanda je ilalus’ah, ewen hamauh, ”Iye puna tutu Nabi je injanji dumah akan dunia.”

(Yohanes 6:24) Metuh ewen manampayah Ye- sus tuntang kare murid’ah jatun hong hete, ewen lumpat akan kare jukung te tuntang haguet akan Kapernaum manggau Yesus.

Keterangan je beken nwtsty akan Yoh 6:14 Nabi: Are uluh Yehudi hong abad pangkasulak M mentai nabi kilau Moses je inyewut Deu 18:15, 18, uka manjadi Mesias. Huang konteks tuh istilah dumah akan dunia mungkin mamaksud pandumah Mesias je jadi ientai. Baya Yohanes je mancatat kajadian je ingesah hong ayat tuh.

(Yohanes 6:25-27) Metuh hasundau Yesus

hong hila dimpah tasik, ewen hamauh ”Rabi, pea Rabi sampai hong hetuh?” ²⁶ Yesus tumbah, ”Aku tutu-tutu mansanan akan ketun, ketun manggau aku beken awi ketun manampayah mujizat, tapi awi ketun jadi kuman roti sampai besuh. ²⁷Ela bagawi akan panginan je tau babasi. Keleh bagawi akan panginan je mahasil pambelum katatahi, je akan inenga Anak ulun akan ketun. Awi Bapa, iete Hatalla kabuat, jadi maandak materai Ayu aka uka mamparahan amun Bapa sanang denga.”

(Yohanes 6:54) Eweh bewei je kuman isingku tuntang mihup dahangku akan mandinu pambelum katatahi, tuntang aku akan mampisik iye hong andau pangkalepah.

(Yohanes 6:60) Awi mahining kutak ayu, are murid’ah hamauh, ”Auh ajar tuh dia ulih inarima. Eweh je handak mahining hal te?”

(Yohanes 6:66-69) Jituh manampa are murid-

’ah haluli malalus kare hal je ilalus ewen bihin tuntang tende maumba iye.⁶⁷Jadi Yesus misek dengan 12 rasul ayu, ”En ketun handak malihi aku kea?” ⁶⁸ Simon Petrus tumbah, ”Tuan, ikei musti manalih eweh? Auh kutak Tuan mahasil pambelum katatahi. ⁶⁹ Ikei jadi percaya tuntang katawan amun Tuan te Je Barasih bara Hatalla.”

Keterangan je beken nwtsty akan Yoh 6:27, 54 panginan je tau babasi . . . panginan je mahasil pambelum katatahi: Yesus katawan alasan pire- pire uluh je bakawal denga tuntang murid’ah awi ewen handak manggau keuntungan materi. Pa- nginan jasmani tau manampa uluh tatap belum, tapi ”panginan” bara Pirman Hatalla tau manampa uluh belum katatahi. Yesus manyuhu are uluh uka bagawi akan ”panginan je mahasil pambelum katatahi”, iete dengan bausaha saulih’ah uka memenuhi kebutuhan rohani ewen tuntang mamparahan iman bara narai je ilajar ewen.—Mat 4:4;

5:3; Yoh 6:28-39.

kuman isingku tuntang mihup dahangku: Kon- teks ayat tuh secara kiasan mamparahan amun

(6)

kuman tuntang mihup rima baiman dengan Ye- sus Kristus. (Yoh 6:35, 40) Yesus bapander kilau tuh nyelu 32 M, jadi iye dia bapander tahiu Pa- nginan Hamalem Tuan, je haru iajar’ah ije nyelu limbah te. Iye bapander kilau tuh sahindai ”An- dau Pesta Paska Yehudi” (Yoh 6:4), mangat kare uluh je mahining’ah impingat hindai tahiu pesta je handak ilalus. Ewen kea impingat hindai tahiu dahan anak tabiri je penting tutu awi jite ma- nyalamat pambelum uluh Israel hong alem ewen malihi Misir (Eks 12:24-27). Yesus mamparahan amun dahan ayu kea tege peran penting mangat kare murid’ah tau mandinu pambelum katatahi.

(Yohanes 6:44) Ije biti mahin jatun uluh tau dumah manalih aku amun dia inarik awi Bapa je mautus aku, tuntang aku akan mampisik uluh te hong andau pangkalepah.

Keterangan je beken nwtsty akan Yoh 6:44 inarik: Aluh kata Yunani akan ”manarik” ihapan uka manyewut gawi manjijit jala lauk (Yoh 21:6, 11), jite beken rima Hatalla mamaksa uluh. Rima je beken akan kata kerja tuh iete ”marawei”, tuntang auh Yesus te mungkin inyadur bara Yer 31:3, metuh Yehowa bapander dengan ungkup ayu jaman huran, ”Sampai katatahie Aku tetep mamparahan je Aku harajur sinta ikau.” (Septua- ginta mahapan kata kerja Yunani je sama hong ayat tuh.) Yoh 12:32 mamparahan hal je sama kea, Yesus manarik uras macam uluh manalih iye.

Alkitab mamparahan amun Yehowa manenga kalunen kabebas. Uras uluh tau mintih en handak manempu Iye atawa dia. (Deu 30:19, 20) Hatalla dengan sinta manarik uluh je bujur atei manalih Iye. (Mas 11:5; Sew 21:2; Gaw 13:48) Yehowa malalus’ah mahalau peteh bara Alkitab tuntang kuasa barasih Ayu. Nubuat Yes 54:13, je inyewut kea hong Yoh 6:45, inggenep akan uluh je inarik awi Bapa.—Payah kea Yoh 6:65.

(Yohanes 6:64) Tapi hong marak ketun tege je dia percaya.” Bara tampara, Yesus katawan eweh bewei je dia percaya tuntang eweh je akan makhianat iye.

Keterangan je beken nwtsty akan Yoh 6:64 Yesus katawan . . . eweh je akan makhianat iye: Yesus sapuna mamaksud Yudas Iskariot. Ye- sus balakudoa dengan Bapa ije ale-alem sahindai mintih 12 rasul. (Luk 6:12-16) Sulak’ah Yudas baiman dengan Hatalla. Tapi bara nubuat hong Kitab Ibrani, Yesus katawan amun kawal tukep ayu je akan makhianat iye. (Mas 41:9; 109:8; Yoh 13:18, 19) Metuh Yudas nampara hubah manjadi papa, Yesus je tau mambasa atei tuntang pikiran langsung katawan hal te. (Mat 9:4) Hatalla sapuna tau langsung katawan eweh kawal tukep Yesus je akan bakhianat. Tapi jite hakalawan dengan kare sipat Hatalla. Tuntang, amun Yesus bapikir Yudas akan manjatu, jite sama kilau hal papa je ilalus’ah jadi iatur.

Bara tampara: Jituh dia mamaksud katika Yudas lahir atawa iintih manjadi rasul. Jituh inampara limbah Yesus balakudoa ije ale-alem. (Luk 6:12- 16) Jite rima Yudas nampara dia jujur tuntang Yesus langsung manantuani jite. (Yoh 2:24, 25;

Pang 1:1; 2:23; payah kea keterangan je beken akan Yoh 6:70; 13:11.) Jituh kea mamparahan amun Yudas malalus kare gawi huang kaadaan sadar tuntang jadi irencana, beken awi atei’ah je salenga hubah. Riman kata ”tampara” (bahasa Yunani, ar·khe) hong Kare Kitab Yunani Kris- ten dia sama, tapi sasuai dengan konteks ayat.

Suntu, hong 2Ptr 3:4, kata ”bara metoh [atawa, tampara]” rima metuh tamparan Hatalla man- cipta. Tapi, hong are kemunculan beken riman kata te dia sama. Suntu, Petrus mansanan amun kuasa barasih muhun akan uluh beken Yehudi

”sama kilau je manjadi buah itah bihin huang tamparae”. (Gaw 11:15) Petrus dia bapander tahiu katika iye lahir atawa intehau manjadi rasul.

Kabalika, iye bapander tahiu andau Pentakos- ta 33 M., iete, ”huang tamparae” kuasa barasih inenga akan tujuan khusus. (Gaw 2:1-4) Suntu beken kilen ampi konteks tuh bapangaruh dengan riman kata ”tampara” tege hong Luk 1:2;

Yoh 15:27; tuntang 1Yoh 2:7.

(Yohanes 6:41-59) Kare oloh Yehudi nampara

(7)

bakotok dengan Yesus, awi Ie hamauh: ”Aku toh rote je mohon bara sorga.”⁴²Ewen hamauh, ”En dia Ie toh Yesus, anak Yosep? Ikei kasene indu- bapae! Kilen ampie Ie tau hamauh Ie mohon bara sorga?” ⁴³ Palus Yesus hamauh dengan ewen, ”Ela bakotok. ⁴⁴ Ije biti mahin jaton oloh tau dumah manalih Aku, amon Bapa je manyoho Aku, dia mimbit ie manalih Aku; tuntang ewen je dumah, kareh impisik hong Andau Kia- mat.⁴⁵Huang surat kare Nabi tarasurat kalotoh,

’Kakare oloh kareh iajar awi Hatalla.’ Jadi oloh samandiai je mahining Bapa tuntang mandino ajar bara Ie, dumah manalih Aku.⁴⁶Jete dia tau irima kilau oloh jari puji mite Bapa. Baya Ie je dumah bara Bapa, Ie te je jari mite Bapa. ⁴⁷ Keleh keton katawan: Oloh je percaya, madino pambelom je bujur tuntang katatahie. ⁴⁸ Aku toh rote je manenga pambelom. ⁴⁹ Tato hiang keton kuman manhu hong padang pasir tuntang ewen matei kea.⁵⁰ Tapi dia kalote dengan rote je mohon bara sorga; oloh je kuman rote te dia akan matei. ⁵¹ Aku toh rote je mohon bara sorga;

rote je manenga pambelom. Oloh je kuman rote toh akan belom katatahie. Rote je inenga-Ku akan pambelom olon hong kalunen, jete ising- Ku.” ⁵² Mahining jete kare oloh Yehudi hakaridu sama arepe. ”Kilen ampie oloh toh tau manenga isie akan itah mangat kumae?” koan ewen.⁵³Pa- lus Yesus hamauh dengan ewen, ”Percaya ih:

Amon keton dia kuman isin Anak Olon tuntang mihop dahae, keton kareh dia toto-toto belom.

54 Oloh je kuman ising-Ku tuntang mihop dahang-Ku mandino pambelom je bujur tuntang katatahie tuntang Aku mampisik ie hong Andau Kiamat.⁵⁵Basa ising-Ku puna panginan, tuntang dahang-Ku te puna taloh ihop.⁵⁶Oloh je kuman ising-Ku tuntang mihop dahang-Ku, tetep hinje dengang-Ku, tuntang Aku hinje ie.⁵⁷Bapa je belom te, manyoho Aku tuntang Aku mahin belom awi Bapa. Kalote kea oloh je kuman ising-Ku kareh belom awi-Ku.⁵⁸Jetoh Ie rote je mohon bara sorga: dia ie rote kilau je kinan awi tato hiang keton. Basa limbah kuman rote jete, ewen matei kea. Tapi oloh je kuman rote jetoh kareh belom sampai katatahie.” ⁵⁹ Taloh samandiai te

isanan awi Yesus katika Ie majar hong huma sombayang intu Kapernaum.

SEPTEMBER 24-30

”Yesus Manara Bapa”

(Yohanes 7:15-18) Kare uluh Yehudi hengan tuntang hamauh, ”Kilen ampi uluh tuh tau katawan tahiu Surat Barasih padahal iye dia puji balajar hong sakula agama?” ¹⁶ Limbah te Ye- sus tumbah, ”Je iajarku beken ajaran ayungku kabuat tapi ajaran Ayu je mautus aku. ¹⁷ Uluh je handak malalus kahandak Hatalla akan katawan en ajaran tuh dumah bara Hatalla atawa bara pikirangku kabuat. ¹⁸ Eweh bewei je bapander bara pikira kabuat handak manara arep kabuat. Tapi eweh bewei je bausaha manara je mautus iye, uluh te bapander bujur, tuntang ja- tunti tanjaru huang arep’ah.

(Yohanes 7:28, 29) Kanjera majar hong bait Yesus hamauh, ”Ketun kasene aku, tuntang ketun katawan bara kueh aku dumah. Aku dumah beken awi kahandakku kabuat. Iye je mautus aku buju-bujur tege, tuntang ketun mangasene Iye. ²⁹ Aku mangasene Iye, awi aku dumah uka manjadi wakil-Ai, tuntang Iye mautus aku.”

(Yohanes 8:29) Iye je mautus aku tege hayak dengangku. Iye dia malihi aku kabuat, awi aku halajur malalus kare hal je manyanang Iye.”

(Yohanes 7:8-10) Haguet ih kabuat ketun akan pesta te. Aku dia haguet awi hindai katika akang-Ku.” ⁹ Limbah mansanan jite akan ewen, iye tatap melai hong Galilea. ¹⁰ Metuh kare andi jadi haguet mangguang pesta te, iye haguet akan hete kea, dia inampayah uluh tapi suni-suni.

(Yohanes 8:12) Yesus hamauh hindai dengan ewen, ”Aku tuh kalawa dunia. Eweh bewei je

(8)

umba aku dia akan mananjung huang kakaput, tapi akan mandinu kalawa pambelum.”

Keterangan je beken nwtsty akan Yoh 8:12 kalawa dunia: Paribasa je ihapan Yesus uka malambang arep’ah mungkin uka mampingat hindai kare uluh je mahining’ah tahiu epat sumbu mi- nyak je hai hong Halaman Kaum Wanita, je inutung metuh Andau Pesta Tingkap Dawen, atawa Tabernakel. (Yoh 7:2; payah Lamp. B11.) Kalawa sumbu te tau manarang sampai eka je kejau. Beken bara te, istilah ”kalawa dunia” bahubungan dengan auh Yesaya je manubuat amun

”kalawa je paha-pahai” akan inampayah awi

”bangsa je hong kakaput”. Yesaya kea mansanan amun hamba Yehowa akan manjadi ”kalawan kare bangsa”. (Yes 9:1, 2; 42:1, 6; 49:6) Hong Hotbah intu Bukit, Yesus kea mahapan paribasa je sama metuh bapander dengan kare murid’ah,

”Keton tuh kalawan kalunen.” (Mat 5:14) Istilah

”kalawa dunia” (bahasa Yunani kata ”dunia” iete kosmos rima kalunen hong hapus dunia) cocok dengan auh Yesaya je mansanan amun Mesias akan manjadi ”kalawan kare bangsa”. Hong Gaw 13:46, 47, Paulus tuntang Barnabas mamparahan amun nubuat hong Yes 49:6 manyuhu uras murid Kristus uka tarus manjadi kalawa akan kare bangsa. Pelayanan Yesus tuntang kare murid’ah mampalawa uluh secara rohani tuntang mambebas ewen bara perbudakan agama palsu.

(Yohanes 8:31-47) Limbah te tinai Yesus ha- mauh dengan kare oloh Yehudi je jari percaya dengae, ”Amon keton belom manumon auh ajar-Ku, keton toto-toto murid-Ku,³² maka keton akan mangasene Hatalla je toto, tuntang tagal te keton kareh mardeka.” ³³ ”Ikei toh turonan Abraham,” koan ewen. ”Hindai puji ikei jadi jipen eweh bewei! En riman auh Aim manyewut, ’Keton kareh mardeka’?” ³⁴”Puna toto auh-Ku toh,” koan Yesus dengan ewen. ”Oloh je mawi dosa, ie te jipen dosa. ³⁵ Tuntang ije biti jipen jaton dinon eka je tetep huang keluarga, tapi anak mandino eka sampai katatahie

huang keluarga.³⁶ Tagal te, amon Anak te ma- mardeka keton maka keton toto-toto mardeka.

37 Puna Aku katawan keton toh turonan Abra- ham. Tapi keton handak mampatei Aku awi keton dia maku manarima auh ajar-Ku.³⁸Taloh je gitang-Ku intu Bapa-Ku, jete kea je insanang-Ku. Tapi keton malalus taloh je iajar bapa keton akan keton.” ³⁹ Ewen tombah, ”Bapa ikei Abraham.” ”Paribasa keton puna toto anak Abraham,” koan Yesus, ”pasti keton malalus taloh je ilalus awi Abraham. ⁴⁰ Aku manyampai akan keton katoto je ihining-Ku bara Hatal- la. Tapi keton handak mampatei Aku. Abraham dia mawie kilau te! ⁴¹ Keton malalus kare taloh je ilalus awi bapa keton kabuat.” Koan ewen tombah, ”Ikei toh dia ie anak sarau. Bapa ikei baya ije bewei, iete Hatalla kabuat.” ⁴² Palus Yesus hamauh dengan ewen, ”Jaka Hatalla te Bapa keton, keton kareh sinta Aku, awi Aku dumah bara Hatalla. Aku dumah dia mahapan kahandak-Ku kabuat, tapi Ie je manyoho Aku.⁴³En sababe keton dia harati taloh je isa- nang-Ku? Awi keton dia mahining auh ajar-Ku.

44 Setan te bapa keton, tuntang keton handak manumon kahandak bapa keton. Bara solake setan te puna pamuno. Ie dia puji omba huang katoto, awi huang ie jaton katoto. Amon ie ma- nanjaro jete patut ih akae, basa sipat ayue puna jari kalote. Ie pananjaro tuntang asal kakare tanjaro. ⁴⁵ Tapi Aku toh mansanan katoto, tuntang tagal te kea keton dia percaya dengang-Ku. ⁴⁶ Eweh bara keton je tau mam- buktie je huang Aku toh aton dosa? Amon Aku mansanan katoto, mbuhen keton dia percaya dengang-Ku?⁴⁷Oloh je asale bara Hatalla, mahining auh Hatalla. Tapi keton dia bara Hatalla, jete sababe keton dia maku mahining.”