Suci Nurul Qori’ah, 2015
PUPUJIANNU AYA DI PONDOK PASANTRÉN AL-BAROKAH BANDUNG PIKEUN BAHAN PANGAJARAN NGAREGEPKEUN DI SMP KELAS VII
Universitas Pendidikan Indonesia | \.upi.edu perpustakaan.upi.edu
BAB V
KACINDEKAN JEUNG SARAN
1.1 Kacindekan
Pupujian mangrupa salah sahiji karya sastra Sunda nu miboga ajén-inajén luhur. Pupujian mangrupa salah sahiji karya sastra Sunda anu geus kaitung langka dihaleuangkeun boh dipadésaan komo dipakotaan, tapi di salah sahiji wewengkon Kota Bandung masih kénéh kaitung hirup. Ieu panalungtikan ngagunakeun Métode kualitatif nya éta étnografi-deskriptif. Tina hasil panalungtikan, kapanggih dua buku, hiji catetan jeung dua lambaran anu jumlahna 50 téks pupujian ti opat narasumber.
Unsur sémiotik anu dianalisis mangrupa unsur ikon, indéks jeung simbol nurutkeun tiori
Budiman. Aya sapuluh judul Pupujian nu dianalisis unsur sémiotikna nya éta “ Du’a Bulan
Rajab (DBR), Du’a pikeun Guru (DpG), Du’a Réngsé Ngaji/Ngaderes (DRNg), Éling-éling
nu Sok Solat (É2nS2), Ilahilastu Lilfirdausi Ahla (ILA), Kalimah Toyyibah (KT), Man
Taroka (MT), Ma’rifat ka Alloh jeung Rosululloh (MkAjR), Niat Ngaos/Tolab Élmu (NNg),
Pancakaki Nabi (PN).Tina sapuluh pupujian, kapanggih unsur ikon imagis jeung metaforis; unsur indeks zat, réngkak paripolah, kecap gaganti jalma, gejala fisik, jeung aktualisasi kecap panunjuk; sarta unsur simbol katut interprétasina.
Eusi téks pupujian nu dianalisis nurutkeun tiori Yus Rusyana nya éta aya genep golongan, nya éta: 1) muji kaagungan Gusti Alloh; 2) solawat ka Kangjeng Nabi; 3) ngadu’a
jeung tobat ka Gusti Alloh; 4) ménta pitulung ka Gusti Alloh jeung sapa’at ka Kangjeng Nabi
Muhammad Saw.; 5) naséhat pikeun ngajalankeun ibadah jeung amal soléh sarta ngajauhan ma’siat; jeung 6) ajaran ngeunaan agama, upamana kaimanan, rukun islam, fikir, akhlak, tarikh (riwayat), jeung tafsir Qur’an.
Kontéks nu kapanggih nya éta aya tatacara (posisi diuk). Anapon posisi diuk ngan aya
dua; (1) nyanghareup ka guru jeung (2) ngangabuleud (leter O);waktu, Ba’da Subuh, Waktu
Suci Nurul Qori’ah, 2015
PUPUJIANNU AYA DI PONDOK PASANTRÉN AL-BAROKAH BANDUNG PIKEUN BAHAN PANGAJARAN NGAREGEPKEUN DI SMP KELAS VII
Universitas Pendidikan Indonesia | \.upi.edu perpustakaan.upi.edu
Hasil panalungtikan Pupujian di Pondok Pasantrén Al-Barokah Bandung, bisa dijadikeun bahan pangajaran ngaregepkeun di SMP kelas VII saluyu jeung kriteria bahan ajar sarta luyu jeung SKKD tingkat SMP/MTs Kelas VII.
1.2 Saran
Ku ayana panalungtikan kana karya sastra Sunda wangun pupujian tangtuna miboga mangpaat anu kacida pentingna. Dumasar éta hal, aya sababaraha saran anu perlu ditepikeun pikeun nambihan pangaweruh dina kahirupan. Dumasar kana éta hal, aya sababaraha saran anu perlu ditepikeun.
1) Pikeun Guru
Pikeun guru pangajaran Basa Sunda, dina milih bahan pangajaran pikeun ditepikeun ka
siswa kudu variatif. Guru kudu bisa motékar pikeun mekarkeun bahan pangajaran
sangkan teu pikabosenenun. Bahan pangajaran anu rék ditepikeun leuwih hadé saupama aya conto nyata, sangkan siswa leuwih gampang maham jeung apal kana karya kasusastraan katut kabudayaan Sunda anu aya disabudeureunana.
2) Pikeun Siswa
Pikeun siswa, hususna siswa SMP kelas VII anu aya pangajaran pupujian sakuduna wanoh jeung maham matéri pupujian. Ku kituna perlu aya tarékah pikeun néangan jeung neuleuman informasi atawa référénsi ngeunaan pupujian, sangkan ajén-inajén pupujian anu diajarkeun di sakola bisa kacangking ku siswa.
3) Pikeun Panalungtikan Satuluyna
Ieu panalungtikan dipuseurkeun kana analisis sémiotik, téks, jeung kontéks pupujian nu aya di Pondok Pasantrén Al-Barokah Bandung. Ku kituna, perlu dilakukeun panalungtikan nu leuwih nyosok jero, lain ukur kajian sémiotik, téks, jeung kontéks hungkul, tapi bisa ditalungtik ogé unsur wirahma lagu (bahar) pupujian nepika ngawujud rupa-rupa wirahma tiap pupujian. Bakal leuwih hadé ogé saupama bisa nyieun média anu
leuwih relevan pikeun média pangajaran di sakola anu matak ngahudang karep siswa