LITURGI KEBAKTIN NATAL DIAKONIA
KLASIS MEDAN DELITUA
TAHUN 2016
Thema : “Geluh si erpalasken keleng ate Kristus (Bdk. Efesus 5:2)
Sub Tema :- Arah perayaan Natal Diakonia enda , ngajuk kita tetap nehken kekelengen bagi keleng ate Kristus sinuduhken buah kiniteken simeramis ibas geluhta
- ………… ( banci ikembangken ibas runggun- runggun )
P e r s i k a p e n
P e r s i k a p e n
1.
1. Ngaturken Petugas Kebaktian Natal ras Ngaturken siikut ibas barisen Prosesi bagepe sinagani lilin Natal
2.
2. Kata Pengalo-ngalo arah Panitia Natal
3.
3. Rende KEE 114:1,3 “Sendah Jumpa Kita Wari Raya E”
1) Sendah jumpa kita wari raya e, peringeten tubuh Tuhan Yesus e. Nusur ndahi kita manusia e, keriahen kap e.
Ermulia me Tuhanta, E’ si puji me gelarNa. Perdamen ib’re Dibata, Tuhan Yesus kap e.
3) Sembah kami man baNa si tubuh e, Kam si mba dame ku pertibi e. Bengket min ku tendi ukur kami e, DameNdu o, Yesus.
Ermulia me Tuhanta, E’ si puji me gelarNa Perdamen ib’re Dibata, Tuhan Yesus kap
4.
4. Ertoto
5.
5. Kata Penaruh
Tergejab ibas kita, tuhu mbelin lias ras keleng ate Dibata , ibas ndalani wari-wari si ibereken Dibata man banta. Melala perbeben – perbeben geluh sihadapi tapi seh genduari kita tetap ndatken gegeh ibas Dibata nari.
Natal Diakonia enda pe tole mpersingeti kita gelah pusuhta e tetap idemi alu kekelengen Kristus si mpengasup kita mempersembahken geluhta sebage persembahen si merim i lebe-lebe Dibata ras ngelayani Tuhan alu semangat kekelengen Kristus, seh maka kita kerina jadi pelaku kekelengen Kristus si tuhu -tuhu man kerina manusia.
Mari dage sipesikap pusuhta, sibengketi dage Kebaktin Natal Diakonia enda alu dem pengataken bujur ras puji – pujin nta man Tuhan.
6. Rende SEE 215:1-3 (Perp. Tedis; Barisen Prosesi Bengket kubas ingan Kebaktin)
1) M’riah ukurta ibas wari sendah enda ban enggo tubuh Yesus Raja si Mulia Jurus’lamatta si nebusi dosanta, si jadi dalan rembak ras Dibata
Refr: Iyah dage O teman sisikapkenlah min InganNa bas pusuhta, sembah Ia dage Marilah sipuji Tuhan si tubuh e
2) Kek’lengen Tuhan enggo reh ku doni enda Lias ateNa ernanam ibas pusuhta Alu kerehen anakNa cidahkenNa Kristus Tuhanta si njayami g’luhta Refr:... 3) Ola min aru ola gulut p’rukurenta adina enggo reh Ia ku doni enda
Ia kap ndube jadi pematang g’luhta masap me k’rina keg’luten ukurta Refr:...
Kebaktin
Kebaktin
1.
1. Votum – Salam – Introitus
L : Kebaktin Natal Diakonia enda, ibenaken ibas gelar Dibata Bapa si erkeleng ate, ibas gelar AnakNa Yesus Kristus si ncidahken keleng ateNa ras ibas Kesah Si Badia sinampati ngaloken ras ndalanken keleng ateNa.
Perkuah ate ras dame ibas Dibata Bapa, ras ibas Tuhan Yesus Kristus nari, ras i bas kerembaken Kesah si Badia ras kam krina gelah . Amin
P : A…min, A…min, A…min. (iendeken)
L :O kam sikukelengi, sikeleng kelengenlah kita, sebab kekelengen e rehna ibas Dibata nari kap. Kalak sierkeleng ate, anak Dibata kap ia janah itandaina Dibata (1 Yoh.4:7)
2.
2. Rende KEE 281 : 1,2,3
1) Kekelengen Yesus kempak manusia, desken Dibata engkelengi Ia KekelengenNa malerkap man banta ,adi sipakelah pedahNa
Refr : Min sikeleng-kelengen kita krina, bagi pedahken Yesus bas Pustaka Sebabna kai sipindo bas gelarNa, ibre Dibata man banta
2) Ngasamken kesah nggit me kepe Ia, gelah terkelin kita manusia Dage dalanken si ni pedahkenNa, kempak temanta ise gia....ref...
2) Bas paksa kita nehken kekelengen, ola min siban ceda kempak teman Erban mehuli ola rahan-ahan,lah kedamen jujurken Tuhan....Ref...
3.
L : Ibas kita ngerayaken Natal Diakonia enda, kita pe ipersingeti tole guna tetap ngelakoken perentah Tuhan Yesus si jadi perentah simbelin dingen penting. Mari dagi sibelasken.
P : ”Kelengilah Tuhan Dibatandu asa ukurndu, asa tendindu,, dingen asa gegehndu lit. L : Enda me perentah si mbelinna dingen sipentingna. Si peduaken bali ras si ndai eme:
P : Kelengilah temanndu manusia bagi kam engkelengi dirindu.
L : Kerina Undang-undang agama si ibereken Musa ras nabi-nabi erpalasken duana perentah enda ndai kap. Emaka Kekelengen harus tetap sicidahken ibas geluhta.
4. KEE. 381:1-2
1) Sura-sura Yesus bangku ersinalsal tetap Nggeluh bujur ras mehuli si ngena ateNa Ersinalsal terang em sinisuraken Yesus Ersinalsal terang ku tetap ersinalsal
2) Sura-sura Yesus Kristus nandangi geluhku Mpehaga turang senina sisampat-sampaten Ersinalsal terang em sinisuraken Yesus Ersinalsal terang ku tetap ersinalsal
5.
5. Koor/Vg/…
6.
6. Responsoria : Pengakun Dosa ( kinilangasupen ndalanken kekelengen alu sempurna)Responsoria : Pengakun Dosa ( kinilangasupen ndalanken kekelengen alu sempurna)
L : O Kam sikukelengi, kekelengen e rehna ibas Dibata nari kap. Kalak sierkeleng ate, anak Dibata kap ia janah itandaina Dibata.
P : O Tuhan mekatep kami kurang nggejapken keleng ateNdu e sierbahanca kami rusur mengandalken diri kami saja ibas ndalani kegeluhen enda. Alemi kami Tuhan.
L : Dibata enggo ncidahken kekelengenNa man banta alu nuruh AnakNa si Tonggal ku doni enda, gelah kita ngaloken keselamaten situhu tuhu.
P : Ngaku kami kerna kelepaken kami. Rusur kami la makeken kekelengenNdu guna ngkelengi sapih-sapih kami manusia. Emaka sampatiNdu kami rusur ibas kinilangasupen kami nehken kekelengen nandangi teman kami manusia ras isi doni enda.
L : Dibata merentahken kita erbahan bujur ras adil, mulahi kalak tertipu ibas penipuna nari, ula tindih dingen ula erbahan sila mehuli nandangi kalak pertandang, anak melumang ras diberu mbalu-mbalu, ula amburken dareh kalak si la ersalah. P : O Tuhan, pengasup kami sebage anak-anakNdu gelah kami la hanya mperdiateken
keperlun kami saja seh maka kami maun-maun lupa maka kami pe harus ncidahken keleng ate man kalak sideban, bagi si ikatakenNdu : ” Kai si ibahanndu man sekalak si musilna i bas seninangKu enda, eme si tuhuna perbahanenndu man bangKu.”
7. Rende : KEE No. 292:1,2,3. MANUSIA NGGO ERDOSA
Pusuh labo lit damena , Di sirang ras Dibata Begiken pendiloNa, Ikutkenlah kataNa Geluh pelimbaruiNa, Rembak kita ras Ia
2. Megati meganjang ukur, Nogan nimbak kataNa Piah dungna latih rukur, Di sirang ras Dibata Begikenlah pendiloNa, Malang erlajar baNa Di mberat pe bas geluhta, menahang di ras Ia 3. Di kita la mediate, Man teman ras jabunta Ija pe la malem ate, Disirang ras Dibata Begikenlah PendiloNa, Usih perbahanenNa Sampati turang senina, Dame senang ukurta.
8.
8. Koor/Vg/..Koor/Vg/..
9.
9. Pengalemi Dosa (Perp. Tedis)
L : “Enda me kekelengen e; labo kita si enggo engkelengi Dibata, tapi Ia nge singkelengi kita. Emaka isuruhNa AnakNa ku doni enda gelah arah Ia kita iperdameken ras Dibata alu ngalemi dosa-dosanta. Sabab bage pengkelengi Dibata doni enda, emaka iberekenNa AnakNa si Tonggal, gelah ola bene ise pe si tek man baNa, tapi gelah dat keluhen si thu-tuhu si la erkeri-kerin.” (bnd. I Joh. 4:10; Joh. 3:16)
10. Rende KEE No 423: 1-3 KAM NEBUSI AKU TUHAN
1) Kam nebusi aku Tuhan, Kam si mpeteneng tendiku Tendi si ndube tertaban, tegundu kuadepenNdu Malem kal ateku Bapa, ban keleng ateNdu Kupuji gelarNdu Bapa, mulia gelarNdu
Tegundulah aku Tuhan ibas pusuhku Kam ringan petetapNdu aku Tuhan, lah dosa talu me kuban.
2) Kam ngelemi aku Tuhan, Kam si mpepalem pusuhku Pusuh si megati nogan, mbaru perbahan kelengNdu Malem kal ateku Bapa, ban keleng ateNdu
Kupuji gelarNdu Bapa, mulia gelarNdu
Tegundulah aku Tuhan ibas pusuhku Kam ringan petetapNdu aku Tuhan, lah dosa talu me kuban. 3) Kam ngaloken aku Tuhan, Kam si mpekena ukurku
Ukur si nimbak Kam TUhan, alokenNdu ibas tanNdu Malem kal ateku Bapa, ban keleng ateNdu
Kupuji gelarNdu Bapa, mulia gelarNdu
Tegundulah aku Tuhan ibas pusuhku Kam ringan petetapNdu aku Tuhan, lah dosa talu me kuban.
11.
12.
12. Nagani Lilin Natal (Perp. Tedis)
L : “Bangsa si nggeluh ibas kegelapen enggo ngidah sinalsal si erkinar. Kalak si ringan ibas awih-awih kematen enggo isalsali terang si harhar. Enggo iberekenNdu keriahen si mbelin O Tuhan, malem ateNa ibahanNdu”
Marilah dage sisagani lilin Natal sebage tanda maka terang e nggo reh ku tengah-tengah geluhta, ersinalsal terang Tuhan ibas pusuhta dingen nggit kita maba terang Tuhan ibas geluhta.
Rende KEE 135:1-3
1. Berngi e nggo kepe Yesus reh ku doni e Nusurlah ngangkut dosanta me kin Jadi kap musil lah sangap pagin Asa si tek Tuhan e, Asa si tek Tuhan e 2 Anak e, bujur pe singena me aku e. KiniulinNdu tadingken Kam kap
Bengket ku doni ;ah trang si gelap, Aku daramenNdu e, aku daramenNdu e 3 Berngi e nggo kepe Tuhan reh ku doni e. padan Dibata teridah tetap.
KinikelengenNa banta me kap. Tuhan si puji gelah, Tuhan si puji gelah
13.
13. Khotbah (ibenaken ras iakhiri alu ertoto) (Perp. Kundul)
( banci pilih salah sada : Filipi 2:1-11, / 1 Tesalonika 4:9-12,/ Matius 25 : 31-46,/ Efesus 5:1-5)( banci pilih salah sada : Filipi 2:1-11, / 1 Tesalonika 4:9-12,/ Matius 25 : 31-46,/ Efesus 5:1-5)
14.
14. Pengakun Kiniteken (Perp. Tedis)
15.
15. Koor/VG (Perp. Kundul)
16.
16. Persembahen
a. Kata Dibata kerna persembahen
“Emaka bengket ia kubas, idahna Anak ndai ras Maria nandeNa, jenari erjimpuh ia nembah Anak e. Ibuatna erta-erta siibabana e, jenari ipersembahkenna man Anak si mbaru tubuh e, erta-erta siipersembahkenna eme: emas, kumenen ras mur”. (Matius 2:11)
b. Rende KEE 136:1-3
1) Kam k’rina si tek mari surak janah puji Pedas min kerina ku Betlehem Nehenlah anak tubuh man Tuahta Mari kita nembah, mari kita nembah, Mari kita nembah man Raja
2) O Raja mulia sinjujurken krina La mela Kam kundul ibas ampun Kam me Dibata mula-mula nari Mari kita nembah, mari kita nembah, Mari kita nembah man Raja
3) Kam k’rina malekat pujilah man Tuhan Ersurak, ersurak man baNalah. Puji Dibata I surga, I doni Mari kita nembah, mari kita nembah,
Mari kita nembah man Raja
c. Pertoton Persembahen ras syafaat
17.
17. Responsoria : Tekat guna ndalanken kekelengen (Erdiakonia) (Perp. Tedis)
L : Senina ras Turang ibas Tuhanta Yesus Kristus, enggo siidah bage mbelinna
kekelengen Tuhan e man banta, emaka uga tekadta kenca kita ernatal Diakonia enda P : Malem ate kami Tuhan, Aku pe tetaplah pegegehiNdu guna ndalanken kekelengen
L : Tuhan Yesus mindoken man banta guna ilakoken : ” asum melihe Aku ibrendu man Aku, asum muas Aku ibrendu minem, asum tandang Aku idilondu kesilang ku rumahndu, asum manjang-anjang Aku iuisindu, asum sakit Aku iadep-adepndu, janah asum Aku ibas penjara idahindu.
P : Inget kami pedahNdu e Tuhan ras pe tek kami kataNdu maka : ”Kai siibahanndu man sekalak si musilna i bas seninangKu enda, eme situhuna perbahanenndu man bangKu. Janah mulai genduari maka tetap idalanken kami kekelengen e man teman kami manusia sebage tanda keleng ate kami man baNdu.
L : Tetaplah dalanken kekelengen (erdiakonia) ibas geluhndu seh maka tetap teridah kam kerina enggeluh si erpalasken keleng ate Kristus ibas katawari paksa pe ras ibas paksa siugapana pe, seh maka biak kekelenen e menggo jadi biak ta selaku anak anak Dibata.
.
18.
18. Rende PEE No. 317
1.Sipuji Tuhan arah geluhta, siinget tetap ngaruhNa banta Ban kleng ateNa nebusi kita, terkelin kita si tek baNa
2. Segedang gluhta inget Dibata, bas krina paksa ngaraplah baNa
rembak ras Ia, erban si erguna ula erleja
3. Reh pendungina wari-warinta, lit kap paksana reh me Tuhanta I pepulungna kerina jelma, Kita sistia malem ateta
19.
19. Pertoton Tuhan
20.
20. Pemasu-masun
L : Sialoken pasu-pasu ibas Tuhan nari : Lias ate Tuhan Yesus Kristus ras kam kerina gelah. Amin.
P : A...min, A...min, A...min.
21.
21. Pertoton Penutup, perpulungen sisalam-salamen.
Perayaan Natal
Perayaan Natal
1 .
1 . U c a p a n S e l a m a t N a t a l , U c a p a n S e l a m a t N a t a l , 2 .
2 . S n a c kS n a c k 3 .
