Erin Pebrianti, 2014
Tradisi Ngaseuk D i Kampung Adat Sinar Resmi D esa Sirnaresmi Kecamatan Cisolok Kabupaten Sukabumi Sebagai Bahan Pembelajaran Membaca Artikel D i SMA
Universitas Pendidikan Indonesia | repository.upi.edu | perpustakaan.upi.edu BAB V
KACINDEKAN JEUNG SARAN
5.1Kacindekan
Nilik kana hasil panalungtikan ngeunaan Tradisi Ngaseuk di Kampung Adat
Sinar Resmi Désa Siranaresmi Kacamatan Cisolok Kabupatén Sukabumi pikeun
Bahan Pangajaran Maca Artikel di SMA, bisa dicindekkeun yén tradisi ngaseuk
mangrupa salasahiji kabudayaan nu hirup kénéh di Tatar Sunda, pernahna di
Kampung Adat Sinar Resmi Désa Sirnaresmi Kacamatan Cisolok Kabupatén
Sukabumi. Tujuan diayakeun tradisi ngaseuk, nya éta pikeun ngébréhkeun rasa
hormat ka Sanghyang Asri Nyi Pohaci. Tradisi ngaseuk mangrupa tina tradisi
lisan anu diteruskeun ti generasi ka generasi nu lumangsung kalawan manjang.
Métode nu digunakeun dina ieu panalungtikan nya éta déskripsi pikeun
ngadéskripsikeun: (1) tradisi ngaseuk, (2) struktur tradisi ngaseuk, (3) larapna
hasil panalungtikan pikeun bahan pangajaran maca artikel di SMA.
Nurutkeun Asep Nugraha, ketua adat di Sinar Resmi, tradisi ngaseuk di
paré beukah (salamet pangjadian), salamet ngarawunan, negel/mipit,
82
Erin Pebrianti, 2014
Tradisi Ngaseuk D i Kampung Adat Sinar Resmi D esa Sirnaresmi Kecamatan Cisolok Kabupaten Sukabumi Sebagai Bahan Pembelajaran Membaca Artikel D i SMA
Universitas Pendidikan Indonesia | repository.upi.edu | perpustakaan.upi.edu
ngadiukkeun indung, salamet ngadiukkeun indung, nutu paré, nyangu, zakat,
jeung puncakna kagiatan tatanén nya éta sérén taun sukuran babarengan hasil
pertanian nu di pingpin ku ketua adat.
Dina hasil panalungtikan kapaluruh struktur dina tradisi ngaseuk nya éta: (1)
palaku, (2) pakakas, (3) kasenian, (4) busana, (5) sasajén (média), jeung (6)
kadaharan. Palaku dina tradisi ngaseuk nya éta sakabéh warga di kampung adat
Sinar Resmi (pengikut), dipingpin ku ketua adat, nya éta Abah Asep Nugraha.
Dina tradisi ngaseuk aya nu ngaseuk jeung anu ngabinihan; pakakas nu
digunakeun dina tradisi ngaseuk nya éta aseuk, arit, bedog, garpuh, pacul, koréd,
jeung étém; kasenian nu dipidangkeun dina tradisi ngaseuk ieu nya éta dogdog
lojor, anu pungsina pikeun mirig tradisi ngaseuk; papakéan nu digunakeun dina
tradisi ngaseuk pikeun ketua adat jeung jajaranana nya éta maké baju kamprét
jeung iket. Tapi, warga atawa anu miluan mah bébas;
sasajén nu sok digunakeun dina tradisi ngaseuk nya éta menyan jeung panglay.
Nurutkeun narasumber Abah Asep Nugraha ketua adat Sinar Resmi, menyan
jeung panglay ieu sabenerna salaku panghubung ka nu kagungan alam pikeun
ménta kasalametan, jeung kaberkahan; sarta kadaharan nu sok aya dina kagiatan
tradisi ngaseuk nya éta bubur sumsum, sangu kabuli, congcot, kuéh (dodol
hideung, dapros, kakacangan, kembang goyang, jeung wajit), jeung angeun.
Hasil panalungtikan ngeunan tradisi ngaseuk bisa dijadikeun bahan pangajaran
maca artikel di SMA. Ngeunaan hasil atawa henteuna bahan pangajaran maca
artikel, gumantung kana téhnik jeung métode nu dipaké ku guruna. Salian ti éta,
guru kudu ngaluyukeun bahan pangajaran jeung kamampuh siswana sorangan
83
Erin Pebrianti, 2014
Tradisi Ngaseuk D i Kampung Adat Sinar Resmi D esa Sirnaresmi Kecamatan Cisolok Kabupaten Sukabumi Sebagai Bahan Pembelajaran Membaca Artikel D i SMA
Universitas Pendidikan Indonesia | repository.upi.edu | perpustakaan.upi.edu 5.2 Saran
Tradisi ngaseuk téh salasahiji kabudayaan Sunda hususna nu aya di Kampung
Adat Sinar Resmi. Sangkan ieu tradisi teu tumpur, aya rékoméndasi pikeun guru
jeung pelajar (mahasiswa, jeung murid), sarta masarakat umum.
1) Saran pikeun Guru, Mahasiswa, jeung Murid
Ieu panalungtikan téh dipiharep bisa jadi bahan pangajaran budaya Sunda.
Hususna pikeun mahasiswa, loba kénéh anu acan kaguar tina ieu tradisi.
Kacida hadéna lamun seug ieu tradisi téh ditalungtik deui dina garapanana
anu leuwih husus, sangkan kaguar deui hal-hal séjén anu acan katalungtik.
2) Saran pikeun Masarakat Umum
Ieu panalungtikan dipiharep bisa jadi hiji sarana pikeun masarakat umum
mikawanoh leuwih jembar ngeunaan tradisi ngaseuk, minangka tradisi has
Sunda, anu antukna masarakat leuwih mikaresep, sarta terus ngamumulé
tradisi ngaseuk. Salian ti éta, masarakat dipiharep bisa leuwih ngamumulé
kabudayaan Sunda, hususna tradisi ngaseuk anu aya di Kampung Adat Sinar