Indrayadi, 2014
Konsep laki-laki dalam leksikon tuturan palang pintu betawi di kampung setu babakan, dki jakarta(kajian antropolinguistik)
Universitas Pendidikan Indonesia | repository.upi.edu | perpustakaan.upi.edu
Teks Pantun Palang Pintu Betawi Sanggar Batavia
Permohonan izin pihak calon pengantin pria masuk kediaman pihak calon pengantin wanita
Rumeh gedong rumeh belande
Pagernye kawat tapi kekunci
Saye gak mau tau ini rombongan asalnye darimane
Yang jelas kalo liwat kampung sini kudu permisi
Makan sekuteng di pasar jumat
Beli dodol di kramat jati
Saye ama rombongan dateng dengan segale hormat
Mohon ditrime dengan seneng ati
Makan buah kenari
jangan ditelen ame biji-bijinye
Elu dateng kmari
Saye pengen tau ape hajatnye
Pegi kondangan berame-rame
Indrayadi, 2014
Konsep laki-laki dalam leksikon tuturan palang pintu betawi di kampung setu babakan, dki jakarta(kajian antropolinguistik)
Universitas Pendidikan Indonesia | repository.upi.edu | perpustakaan.upi.edu Kalo kagak hormat tapi rase reme
Kagak bakal saye ame rombongan dateng kmari
Pengajuan syarat dari pihak calon pengantin wanita kepada pihak calon pengantin pria
Jalan jalan ke kemayoran
Ati ati jalannye licin
Daripade abang ame rombongan gak ksampean
Mendingan kite berantemin
Biar baju kepalang basah
Kalo nasi udeh jadi bubur
Biar saye mati bekalang tenah
Tetep abang saye pukul mundur
Kude lumping dari tangerang
Jalan ke sawah nemu gang buntu
Siap siap pasang kuping yang terang
Jaware abang saye adepin atu atu
Buah duren tajem kulitnye
Indrayadi, 2014
Konsep laki-laki dalam leksikon tuturan palang pintu betawi di kampung setu babakan, dki jakarta(kajian antropolinguistik)
Universitas Pendidikan Indonesia | repository.upi.edu | perpustakaan.upi.edu Brapapun abang punye jaware
saye libasin atu atu
Ikan belut mati ditusuk
Dalem kuali kudu masaknye
Brubung saye punye palang pintu kagak diijinin masuk
Sebelom abang penuin syarat syaratnye
Pak lurah beli kelape
Buat disimpen di teras depan
Asal tau aje saye unjukkin para jaware
Biar diunjukkin nih anak buah saye punye maenan
Jawara Saling Menunjukkan Jurus
Maen lilin sambil makan sawi
Men lilin sambil brebah
Elu liat gue jaware betawi
Yang kalo kluarin kpelan monyet kebelah
Mulung badik gak kepalang
Dipoles tlunjung bawahnye rata
Indrayadi, 2014
Konsep laki-laki dalam leksikon tuturan palang pintu betawi di kampung setu babakan, dki jakarta(kajian antropolinguistik)
Universitas Pendidikan Indonesia | repository.upi.edu | perpustakaan.upi.edu Jangan ampe ini badik pindah ke biji mata
Tanggal tujuh bulan satu
Mancing peda dapet satu
Elu kalo bekelai jangan plaga plugu
Entar gue sungkurin ke setu
Tepung singkong tepung trigu
Diusir terbang ke awan
Elu disini jangan blagu
Kalo lagi panas kepaksa gue lawan
Kembang goyang kembang klape
Dimakan abis kagak besise
Elu jangan blagu ame temen gue
Entar gue kluarin maenan itu jaware udah kojor semue
Kali cilincing kali krukut
Indrayadi, 2014
Konsep laki-laki dalam leksikon tuturan palang pintu betawi di kampung setu babakan, dki jakarta(kajian antropolinguistik)
Universitas Pendidikan Indonesia | repository.upi.edu | perpustakaan.upi.edu Abang semue saye jamin pade takut
Nih saye kluarin buntelan kentut
Pu’un bringin pu’un kecambah
Tanem empat dalem sebidang
Abang ngomong terus entar mulutnye basah
Saye adepin maenan abang
Liatin saye nih anak menteng
Rumehnye atap atasnye loteng
Elu disini jangan pade petantang petenteng
Gue libas pake maenan entar mukenye pade mateng
Gambang kromong dari teluk naga
Dibawa ke batavia kagak pulang pulang
Elu itu jangan omong segede jala
Gue siap kluarin maenan dari kwitang
Pihak calon pengantin wanita minta dibawakan sike
Orang betawi emang kesohor tukang pukul
Indrayadi, 2014
Konsep laki-laki dalam leksikon tuturan palang pintu betawi di kampung setu babakan, dki jakarta(kajian antropolinguistik)
Universitas Pendidikan Indonesia | repository.upi.edu | perpustakaan.upi.edu Abang jangan arepin saye kalo bisenye Cuma mukul
Saye kepengen laki yang bise ngaji
Tumbuk ketan jadinye uli
Ulinye juge kudui ditapen
Betaun-taun anak kampung gue pinter ngaji
Lagu yang abang minta aye bawain
Pihak calon pengantin wanita memberi izin pihak calon pengantin pria masuk kediamannya
Buah mangge bukan sembarang mangge
Buahnye satu tulung petikin
Saye bangge bukan sembarang bangge
Mantu yang begini yang saye arep arepin
Informan
Nama : Taufik Abdullah
TTL : Depok, 4 Mei 1971
Pendidikan Terakhir : Madrasah Aliyah
Alamat : Jln. Tebet Barat Dalam III RT/01/03