Minangkabau - Roh Jehovah Alkitab - Holy Spirit Scriptures
Matius 12:28 Tapi Ambo ko ma usie roh jahek jo kuwaso Roh Jehovah. Itu ba arati baraso Jehovah lah muloi mamarentah di tangah-tangah angku-
angku.
Matius 28:19 Dek karano itu, payilah kabake sagalo banso nan ado di muko bumi ko, jadikanlah inyo pangikuik Ambo. Mako pamandikanlah inyo tu, sambia manyabuik namo Bapak, sarato jo Anak, sarato jo Roh Jehovah.
Markus 1:10 Baitu Isa Almasih kaluwa dari batang ayie tu, Baliau manampak langik tabukak, sudah tu Roh Jehovah turun ka Baliau, bakcando buruang marpati.
Markus 13:11 Jikok angku-angku ditangkok, sudah tu dibawok ka
pangadielan, janlah cameh apo nan musti angku-angku katokan. Jikok lah tibo wakatunyo untuak mangecek, mako katokan sajolah apo nan di agiah tawu kabake angkau sakutiko itu. Dek karano kato-kato nan angku-angku katokan tu, indak kato-kato angkau sandiri tu doh, malainkan datang dari Roh Jehovah.
Lukas 2:26 Roh Jehovah lah mambaritawu kabake inyo, baraso inyo alun ka mati lai, sabalun inyo maliyek Rajo Panyalamaik nan dijanjikan dek Tuhan.
Lukas 4:1 Isa Almasih panuah jo kuwaso Roh Jehovah dikutiko Baliau
barangkek dari sungai Yordan. Roh Jehovah mamimpin Baliau ka padang gurun.
Lukas 4:18-21 "Roh Tuhan ado didiri Ambo, dek karano Baliau lah ma angkek Ambo untuak ka mangabakan Kaba Baiak kabake urang nan bansaik.
Baliau manyuruah Ambo untuak malewakan pambebasan kabake urang nan tatawan sarato mancegakkan urang nan buto; untuak malapehkan urang nan tasapik, 19 sarato mangabakan, baraso lah tibo masonyo Tuhan ka manyalamaikkan umaik-Nyo." 20 Isa Almasih mangguluang kitab tu baliak, sarato manyarahkannyo ka patugeh, sudah tu Baliau duduak.
Kasadonyo urang nan di dalam rumah ibadaik tu bi mancaliak kabake Baliau. 21 Baliau muloi babicaro kabake urang-urang tu, bakcando iko,
"Ayaik-ayaik Alkitab nan lah Ambo baco cako, di ari ko juwo, dikutiko angku-angku mandangakan, lah basuwoan tu kasadonyo."
Lukas 12:11,12 Jikok angku-angku dibawok ka rumah-rumah ibadaik, untuak ka disidangkan di adok-an pamarentah, atau panguwaso, janlah cameh, tantang baa caronyo angku-angku, untuak mambela diri, janlah ragu, tantang apo nan musti angku-angku katokan. 12 Dek karano sagalo kato- kato nan ka angku-angku katokan tu, sakutiko tu juwo ka di ajakan dek Roh Jehovah kabake angku-angku."
Yahya 7:38,39 Tantang parkaro urang nan picayo kabake Ambo, ado tatulih
dalam Alkitab: 'Dari dalam atinyo tu, ka ma ilie ilieran-ilieran ayie nan mambawok manusia kapado iduik.' " ( 39 Baliau babicaro tantang Roh Jehovah, nan ka ditarimo dek urang-urang nan lai picayo kabake Baliau.
Dikutiko itu, Roh Jehovah alun dibarikan lai; dek karano Baliau alun dimuliekan malalui kamatian-Nyo.)
Yahya 14:16,17 Ambo ka mintak kapado Bapak, mako Inyo ka mambarikan kabake angku-angku surang Panolong, nan ka manatap dalam diri angku- angku untuak salamo-lamonyo. 17 Inyo tu adolah Roh Jehovah, nan ka manyatokan kabanaran tantang Jehovah. Urang dunia indak ka bisa doh manarimo Inyo, dek karano urang tu indak maliyek, indak pulo tawu jo Inyo. Tapi nan angku-angku tawu jo Inyo, dek karano Inyo tingga manatap di diri angku-angku, lah basatu jo angku-angku.
Yahya 14:26 Tapi, Roh Jehovah, Panolong nan ka di utuih dek Bapak ateh namo Ambo tu, Baliau lah nan ka ma aja angku-angku tantang sagalo sasuatunyo, Baliau pulolah nan ka ma ingekkan kabake angku-angku kasadonyo, tantang apo nan lah Ambo ajakan kabake angku-angku.
Yahya 16:7,8 Tapi Ambo mangatokan nan bana kabake angku-angku: Labiah elok lai di angku-angku, jikok Ambo payi; dek karano, jikok Ambo indak payi, mako Roh Panolong nan Ambo katokan tu, indak ka datang doh kabake angku-angku. Tapi, jikok Ambo lah payi, mako Ambo ka ma utuih Roh Panolong tu kabake angku-angku. 8 Jikok Inyo lah tibo, mako Inyolah nan ka manyatokan kabake umaik mukaluak di dunia ko, tantang doso umaik tu manuruik kabanaran, sarato apo ukunan nan ka ditimpokan dek Jehovah.
Yahya 16:13-15 Tapi, jikok Roh Jehovah tu lah tibo, mako Inyo lah nan ka manyatokan kabanaran tantang Jehovah, mako angku-angku ka
dibimbiang-Nyo untuak mangatawui kasadonyo kabanaran. Inyo indak ka bakato dari diri-Nyo sandiri doh, tapi Inyo ka mangatokan apo nan lah Inyo danga, Inyo ka ma agiah tawu pulo kabake angku-angku, apo nan ka tajadi dimaso nan katibo. 14 Inyo ka mamuliekan Ambo, apo nan ditarimo-Nyo dari Ambo, mako itulah nan disampaikan-Nyo kabake angku-angku. 15 Apo sajo nan ado di Bapak, adolah miliak Ambo. Itulah sababnyo mangko Ambo mangatokan, baraso, apo nan disampaikan dek Roh kabake angku-angku, itu ditarimo-Nyo dari Ambo."
Yahya 20:21,22 Mako bakatolah Baliau sakali lai kabake pangikuik-Nyo tu,
"Assalamualaikum. Bakcando Bapak ma utuih Ambo, baitu pulolah Ambo ma utuih angku-angku." 22 Sudah tu, Isa Almasih ma ambuihkan angok- Nyo kabake pangikuik-Nyo, sambia bakato, "Tarimolah Roh Jehovah.
Rasul 1:2 sampai ka ari Baliau di angkek ka sarugo. Sabalun Baliau nayiak ka sarugo, jo kuwaso Roh Jehovah Baliau lah mambarikan pitunjuak-
pitunjuak, kabake rasul-rasul nan Baliau piliah.
Rasul 1:5 Dek karano, Nabi Yahya mampamandikan urang jo ayie, tapi, indak
ka lamo lai angku-angku ka dipamandikan jo Roh Jehovah."
Rasul 1:8 Tapi, angku-angku ka manarimo kuwaso, jikok Roh Jehovah lah turun ka diri angku-angku. Mako angku-angku ka manjadi utusan-utusan Ambo di Yerusalem, di wilayah Yudea, di Samaria, sampai ka ujuang bumi."
Rasul 2:1-4 Kutiko lah tibo ari Pentakosta, kasadonyo urang ba iman
bakumpua di satu tampaik. 2 Indak disangko-sangko tadangalah bunyi dari langik, nan samo jo bakcando bunyi limbubu nan mambuso. Rumah
tampaik urang-urang tu sadang bi duduak, lah panuah dek bunyi limbubu tu. 3 Urang-urang tu bi manampak bakcando lidah-lidah, saroman jo nyalo api, manjala kian kumari, sudah tu inggok ka urang tu surang-surang. 4 Kasadonyo urang tu dikuwasoi dek Roh Jehovah, inyo muloi bi mangecek jo babagai-bagai bahaso. Apo nan inyo sampaikan, sasuwai jo apo nan dikatokan dek Roh tu kabake inyo.
Rasul 2:17-19 Jehovah mangatokan, 'Isuak di akie jaman, Aden ka
mancurahkan Roh-Den, kabake sadonyo urang. Anak-anak angkau nan laki-laki, sarato jo anak-anak angkau nan padusi, ka ma agiah tawu kabake angkau, sagalo parkaro nan lah Den baritawu kabake inyo. Anak- anak mudo angkau, ka manampak sagalo parkaro, nan ka Den paliyekkan kabake inyo. Urang-urang angkau nan lah tuwo, ka bi barasiyan, iyolah rasiyan nan ka Den barikan kabake inyo. 18 Kabake pisuruah-pisuruah-Den pun -- biya laki-laki biyapun padusi -- ka Den curahkan Roh-Den di maso itu.
Inyo ka ma agiah tawu, sagalo parkaro nan ka Den agiah tawu kabake inyo. 19 Aden ka mampabuwek sasuatu nan ganjie di ateh langik, sarato jo parkaro-parkaro nan luwa biaso di bumi ko; ado darah sarato jo api, ado asok nan bagumpa-gumpa. (Yoel 2:28,29)
Rasul 2:33 Baliau di angkek ka tampaik nan sangaik tinggi, di agiah kakuwasoan dek Jehovah, Baliau manarimo Roh Jehovah nan lah
dijanjikan dek Bapak. Nan angku-angku danga, sarato jo nan angku-angku liyek kiniko, adolah Roh nan itu juwo, nan lah Baliau curahkan kabake kami.
Rasul 2:38 Petrus manjawab, "Batobaiklah dari doso angku-angku. Andaklah satiyok angku-angku dipamandikan ateh namo Isa Almasih, supayo doso angku-angku di ampuni. Mako angku-angku ka manarimo adiyah Roh Suci dari Jehovah.
Rasul 4:31 Sasudah urang-urang tu salasai badowa, ba oyaklah tampaik inyo bakumpua tu. Inyo kasadonyo dikuwasoi dek Roh Jehovah, mako
timbualah sumangaik nan barani untuak mangecek, tantang barito nan dari Jehovah.
Rasul 8:15-17 Kutiko si Petrus jo si Yahya tibo disinan, inyo badowa untuak urang-urang Samaria tu, supayo urang tu buliah mandapek Roh Jehovah, 16 alun surang juwo lai urang tu, nan lah dikuwasoi dek Roh Jehovah; dek
karano, inyo dipamandikan baru ateh namo Tuhan Isa Almasih sajo. 17 Dek karano itu, si Petrus jo si Yahya malatakkan tangannyo kabake urang- urang Samaria tu; mako turunlah Roh Jehovah kabake urang-urang tu.
Rasul 8:39 Kutiko inyo bi kaluwa dari ayie, Roh Jehovah manyemba si Filipus dari tampaik tu. Panjabaik tinggi dari Etiopia tu, indak manampak si
Filipus lai. Jo ati nan basukocito, panjabaik tinggi tu manaruihkan pajalanannyo. (1 Rajo 18:12)
Rasul 9:31 Mako kasadonyo jamaat di Yudea, di Galilea, sarato jo di Samaria manjadi aman. Ditolong dek Roh Jehovah, disaratoi raso takuik kapado Tuhan, mako jamaat-jamaat tu batambah kuwaik, sarato batambah banyak.
Rasul 10:44,45 Samantaro si Petrus sadang mangecek juwo lai, mako turunlah Roh Jehovah, manguwasoi kasadonyo urang nan sadang
mandangakan barito tu. 45 Urang-urang Yahudi nan lah picayo kabake Isa Almasih, nan lah manuruikkan si Petrus sajak dari Yope, kasadonyo bi tacangang maliyek, dek karano Jehovah mambarikan pulo Roh-Nyo, kabake urang-urang banso lain nan indak urang Yahudi.
Rasul 11:15 Dikutiko ambo muloi mangecek," bakcando itulah si Petrus manaruihkan curitonyo, "Roh Jehovah turun kabake urang-urang tu, bakcando nan tajadi di kito dulu.
Rasul 13:52 Pangikuik-pangikuik nan di Antiokhia sabana ba sukocito, inyo dikuwasoi dek Roh Jehovah.
Rasul 19:6 Dikutiko si Paulus malatakkan tangannyo kabake urang-urang tu, mako Roh Jehovah manguwasoi urang-urang tu, mako muloilah urang- urang tu mangecek jo bahaso-bahaso nan ganjie, sarato manyampaikan barito dari Jehovah.
Rasul 20:23 Nan ambo katawui hanyo lah, baraso di satiyok kota Roh Jehovah lah ma agiah tawu kabake ambo sacaro jaleh, baraso ambo ka masuak pinjaro, manangguangkan sansaro.
Roma 5:5 Harapan nan bakcando iko, indak ka mangacewakan kito, dek karano Jehovah lah ma isi ati kito jo kasiah-Nyo. Jehovah mangarajokan tu jo parantaroan Roh-Nyo, nan lah dibarikan kabake kito.
Roma 8:9 Tapi angku-angku indak iduik manuruik tabiyaik manusia doh.
Tantu angku-angku iduik manuruik Roh Jehovah, -- jikok iyo Roh Jehovah layi sabana-bana mamacik kamudi di diri angku-angku. Urang nan indak mampunyoi Roh Isa Almasih, ba arati inyo tu indaklah miliak Isa Almasih.
Roma 8:13-16 Dek karano, jikok angku-angku iduik mampaturuikkan tabiyaik manusia, mako angku-angku ka mati; tapi jikok angku-angku iduik jo Roh Jehovah, lah jaleh angku-angku ka ma antikan sagalo karajo angku-angku nan badoso, mako angku-angku ka iduik nan sabana iduik. 14 Urang-urang nan iduik dibimbiang dek Roh Jehovah, mako inyo adolah anak-anak
Jehovah. 15 Dek karano, Roh nan dibarikan dek Jehovah kabake angku-
angku, indaklah mampabuwek angku-angku manjadi budak doh, sainggo angku-angku iduik dalam katakuik-an. Tapi malah sabaliaknyo, Roh
Jehovah tu nan manjadikan angku-angku anak-anak Jehovah. Jo kuwaso Roh Jehovah tu kito basaru kapado Jehovah, "Oih Apak, oih Apak ambo!"
16 Roh Jehovah samo-samo jo roh kito manyatokan, baraso kito adolah anak-anak Jehovah.
Roma 8:26 Baitu pulo Roh Jehovah tibo manolong kito, jikok kito lamah. Dek karano kito indak tawu doh, baa samustinyo caro kito badowa; Roh tu sandirilah nan mangadap kapado Jehovah, jo raso nan sangaik taragak, untuak mamohon bagi kito, sainggo indak dapek lai dikatokan.
Roma 15:13 Jehovah adolah tampaik angku-angku baharok. Mudah-mudahan Baliau ma isi ati angku-angku jo sagalo sukocito, sarato jo aman santoso, dek karano angku-angku ba iman kabake Baliau, supayo jo kuwaso Roh Jehovah, angku-angku batambah yakin hanyo baharok kapado Jehovah.
Roma 15:19 nan disaratowi jo sagalo mukjizat, sarato jo parkaro-parkaro nan luwa biaso; kasadonyo tu dek karano kuwaik kuwaso Roh Jehovah. Injil tantang Isa Almasih lah ambo baritokan kabake sadonyo urang, muloi dari Yerusalem sampai ka Ilirikum.
1 Korintus 2:10-13 Tapi Jehovah lah manyatokannyo kabake kito, jo parantaroan Roh-Nyo. Roh Jehovah tu manyalidiak-i sagalo sasuatu, sampai kapado sagalo rancana Jehovah nan paliang tasambunyi. 11 Dek karano nan mangatawui isi ati urang, adolah roh urang tu sandiri, iyo indak? Baitu pulo tantang Jehovah. Nan mangatawui isi ati Jehovah, hanyolah Roh Jehovah sandiri! 12 Nan kito ko, indak dibari roh dunia doh, tapi kito dibari Roh nan dari Jehovah, supayo kito dapek mangatawui kasadonyo, tantang jo sagalo pambarian Jehovah kabake kito. 13 Dek karano itu, jikok kami manarangkan parkaro-parkaro tantang diri Jehovah, kabake urang-urang nan layi mampunyoi Roh Jehovah, mako kami
manarangkannyo indak manuruik kabijaksanoan manusia doh, tapi manuruik pangajaran nan dari Roh Jehovah.
1 Korintus 3:16 Layi tawukoh angku-angku, baraso angku-angku adolah Rumah Jehovah? Baraso Roh Jehovah tingga di dalam diri angku-angku?
1 Korintus 6:11 Babarapo urang di antaro angku-angku dawulu, mangarajokan nan saroman itu. Tapi nan kiniko angku-angku lah
dinyatokan barasiah dari doso. Angku-angku lah manjadi miliak Jehovah nan tasandiri. Angku-angku lah ba elok baliak jo Jehovah, dek karano angku-angku layi ba iman kapado Tuhan Isa Almasih, dek karano kuwaso Roh dari Jehovah kito.
1 Korintus 12:3 Angku-angku musti tawu andaknyo, baraso urang nan
dipimpin dek Roh Jehovah, indak ka bisa doh mangatokan, "Takutuaklah Isa!" Baitu pulo sabaliaknyo, indak surang juwo doh urang nan ka bisa mangatokan, "Isa Almasihlah Tuhan!" jikok urang tu indak dipimpin dek
Roh Jehovah.
2 Korintus 3:17 Nah, Tuhan nan dimukasuikkan disiko, adolah Roh. Jadi, dima ado Roh Tuhan, mako disinan ado pulo kamardekaan.
2 Korintus 13:14(13) Tuhan Isa Almasih ka mambarakaik-i angku-angku, Jehovah ka mangasiahi angku-angku, Roh Jehovah manyaratoi angku- angku kasadonyo! Salam aromaik dari kami, Paulus.
Galatia 4:6 Dek karano angku-angku adolah anak-anak Jehovah, Jehovah manyuruah Roh Anak-Nyo masuak ka dalam ati angku-angku, baitu pulo ka dalam ati ambo, iyolah Roh nan basaru, "Bapak, oih Bapak ambo."
Efesus 1:13,14 Angku-angku pun lah manjadi umaik Jehovah, disakutiko angku-angku mandanga firman dari Jehovah, iyolah Injil nan mambari kasalamatan kabake angku-angku. Dek karano angku-angku ba iman kapado Isa Almasih, mako Jehovah mambari tando miliak-Nyo kabake angku-angku, jo Roh-Nyo nan lah dijanjikan-Nyo. 14 Roh itulah nan jadi jaminan, baraso kito ka manarimo apo nan lah dijanjikan dek Jehovah kabake umaik-Nyo. Iko nan mambari kayakinan kabake kito, baraso Jehovah ka malapehkan umaik-Nyo. Tapujilah Jehovah dek karano kamuliaan-Nyo!
Efesus 2:18 Jo parantaroan Isa Almasih, kito kasadonyo -- biya urang Yahudi ataupun nan indak urang Yahudi -- dek Roh Jehovah nan Satu, kito dapek mandakek-i Jehovah Bapak.
Efesus 4:30 Janlah ma ibokan ati Roh Jehovah. Angku-angku lah dipatikan jo Roh Jehovah manjadi miliak Jehovah. Roh Jehovah tu pulo lah nan
marupokan jaminan, baraso Ari Panyalamatan ka tibo bagi angku-angku.
1 Tesalonika 4:8 Urang nan indak manarimo pangajaran ko, inyo bukan indak manarimo manusia, tapi inyo indak manarimo Jehovah, nan mambarikan Roh-Nyo nan suci, kabake angku-angku.
1 Tesalonika 5:19 Janlah dipadamkan Roh Jehovah.
2 Tesalonika 2:13 Oih sudaro-sudaro nan dikasiahi dek Tuhan! Kami musti tatap batarimo kasih kapado Jehovah, tantang diri angku-angku, dek karano dari samulo Jehovah lah mamiliah angku-angku untuak
disalamaikkan. Parkaro tu tajadi, dek karano apo nan lah dikarajokan dek Roh Jehovah kabake angku-angku, untuak manjadikan angku-angku umaik Jehovah nan suci, sarato, dek karano angku-angku picayo, kabake barito nan bana dari Jehovah. (1 Petrus 1:2)
Titus 3:5,6 Baliau manyalamaikkan kito, bukan dek karano kito lah mangarajokan sasuatu nan baiak doh, tapi dek karano Baliau sandiri maraso ibo kabake kito. Baliau manyalamaikkan kito malalui Roh Jehovah, nan mambari kito kalayieran baru, iduik baru, jo sacaro mambasuah kito. 6 Jehovah mancurahkan Roh-Nyo kabake kito, jo parantaroan Isa Almasih, Rajo Panyalamaik kito,
Ibrani 2:4 Disampiang itu, Jehovah sato manguwaikkan pangakuan urang-
urang tu, jo sacaro mambuwek sagalo macam mukjizat, sarato jo parkaro- parkaro nan luwa biaso, sarato mambagi-bagikan pambarian-pambarian dari Roh Jehovah, manuruik ka inginan-Nyo sandiri.
Ibrani 10:15 Tantang parkaro itu, Roh Jehovah mambarikan pulo pangakuan- Nyo kabake kito. Roh Jehovah bakato,
1 Petrus 1:1/2 Sudaro-sudaro umaik piliahan Jehovah, nan tasebar di
parantauan di daerah Pontus, Galatia, Kapadokia, Asia, sarato jo Bitinia!
Ambo, si Petrus, rasul Isa Almasih, ma arokkan mudah-mudahan Jehovah mambari barakaik, sarato jo aman santoso kabake angku-angku, sacaro balimpah-limpah. Angku-angku dipiliah manjadi umaik Jehovah, sasuwai jo rancana Jehovah Bapak. Sarato Roh Jehovah lah manjadikan angku-angku umaik nan suci, nan disangajokan untuak Jehovah, supayo angku-angku patuah kapado Isa Almasih, sarato disucikan dek darah Baliau.
2 Petrus 1:21 Dek karano, indak ado doh pasan dari Jehovah, nan dikabakan hanyo dek kamauan manusia. Tapi, Roh Jehovah nan manguwasoi urang untuak manyampaikan pasan dari Baliau tu.
1 Yahya 4:2 Bakcando ikolah caronyo, supayo angku-angku tawu, apokoh itu Roh Jehovah, atau indak: Urang nan ma akui, baraso Isa Almasih datang ka dunia, sabagai manusia, mako urang tu mampunyoi Roh nan datang dari Jehovah.
1 Yahya 5:7,8 Ado tigo sasi: 8 Roh Jehovah, ayie sarato jo darah -- katigo- tigonyo mambarikan pangakuan nan samo.
Yudas 1:20 Tapi, nan angku-angku, oih sudaro-sudaro ambo, bangunlah taruih iduik angkau, badasarkan iman angkau kapado Isa Almasih. Iman angkau tu sangaik suci. Samantaro itu badowalah jo kuwaso Roh Jehovah,
Exodus 35:31 Roh Jehovah, in wisdom, in understanding, and in knowledge, and in all manner of workmanship;
Angka 11:25 Roh Jehovah on Moses put on 70 elders who prophesied.
Ayub 33:4 The Roh Jehovah made me, and the Breath of the Almighty gave me life.
Yesaya 11:2 the Roh Tuhan shall rest upon Him, the Roh of wisdom and
understanding, the Roh of counsel and might, the Roh of knowledge and of the fear of the Tuhan;
Mikha 3:8 I am full of power by the Roh Tuhan, and of judgment, and of might, Zakharia 4:6 Not by might, nor by power, but by My Roh, saith the Tuhan of
hosts.
Pastor T. John Franklin
Church of Salvation, Healing, and Deliverance COS-HAD.org
