BIMBINGEN PA MAMRE GBKP TAHUN 2015 TANGGAL 21 JUNI – 27 JUNI 2015
TANGGAL 02 AGUSTUS – 08 AGUSTUS 2015 Pelopor peningkaten ekonomi masyarakat
39
ibid, Hal 96
88
BIMBINGEN PA MAMRE GBKP TAHUN 2015
TANGGAL 02 AGUSTUS – 08 AGUSTUS 2015 Pelopor peningkaten ekonomi masyarakat Ogen : Lukas 16:1-9
Tema : Makeken Talenta Nampati Kalak Sideban
Tujun : - Mamre meteh talentana sibanci ipakeken guna nampati kalak bagi bendahara sicerdik
- Mamre jadi pelopor peningkaten ekonomi masyarakat
1. Adi ercakap-cakap ntah pe erbahan sada seminar kerna ekonomi ntah pe peningkaten ekonomi masyarakat, la banci lang lit 2 hal si ertolakbelakang si jadi tantangennta eme sipemena, sada dampar bangsanta Indonesia eme negara si cukup strategis ntah penting erkiteken kinibayakenna (Sumber Daya Alam yang tidak terbatas) tapi sipeduaken, ibas dampar si deban eme realita kegeluhen masyarakat Indonesia si lit ibas kemusilen (kemiskinan dan pengganguran). Alu kata sideban kekayaan sumber daya alam la berbanding lurus ku kesejateraan masyarakat Indonesia. Tentu enda erbage-bage penyebabna tapi ibas paksa enda percakapenta ntah diskusinta sifokusken ku partisipasita selaku kalak sierkiniteken guna nampati kalak sideban janah pe banci sada usihen ntah pe pelopor guna peningkaten ekonomi masyarakat. Arah pengertinna ekonomi eme aturan rumah tangga ntah pe managemen rumah tangga ibas ngelitken (produksi), ndalanken (distribusi) bagepe makeken (konsumsi) jasa ntah pe barang. Ibas telu hal enda lit sada hal si cukup penting eme kerna sumber daya manusia si erkualitas. Erkualitas ertina kreatif janah pentar ibas erdahin (SDM) guna ngembangken sumber daya alam (SDA) si lit guna kegeluhenna bagepe kalak sideban. Enda me si jadi pokok percakapennta ibas bahan PA Mamre sekale enda
II. Tafsiran
Lukas 16:1-9 enda eme anding-andingen pengajaren Jesus kerna erti jadi ajar-ajar sangana ibas perdalanen ku Yerusalem. Lit 3 bagin kerna anding-andingen Tuhan Jesus kerna bendahara enda eme:
a. sipemena eme kerna pengadun man sekalak tuan tanah kerna bendaharana si la jujur ntah pe korupsi (menghamburan milik tuannya). Ibas cakap aslina kata “menghamburkan” seri ras kata “memboroskan”. Perbahanen bendaharana enda erbahanca tuanna rugi janah enda ieteh tuanna. Emaka isuruh tuanna maka bendarahana enda erbahan perkiraan kerna pendahinna (ayat 1-3)
b. sipeduaken, eme kerna cara siibahan bendahara si korupsi enda kerna masalah sinialakenna sebab ipengadi tuanna. Bendahara enda rukur nandangi dirina kerna kai nge ibahanna gelah tetap erdalan kegeluhenna sebab ncangkul pe la ia ngasup janah mindo-mindo pe la i ngasup. Kedungenna datna cara gelah tetap ia nggeluh janah lit kalak si ngaloken ia bas rumahna. Emaka idilona kerina si erutang man tuanna eme si rutang 200 jadi 100 ras si rutang 300 isuratkenna jadi 250. Cara siibahan bendahara enda tuhu-tuhu “cerdik” sebab enggo isampatina peridon tuanna alu pengharapen maka pagi ia isampati kenca ipengadi tuanna. Alu bage bendahara enda makeken kinibayaken tuanna guna dirina (menyelamatkan dirina). Ibas paksa sie pengurangen utang eme sada tindaken mekuah ate (murah hati) si maba kinihamaten nandangi tuanna. Jadi cara siibahan bendahara enda erbahanca mehamat tuanna. Emaka tuanna pe mujiken kai siibahan bendaharana e (ayat 4-8a)
c. sipeteluken, eme kerna pengertin anding-andingen enda, khususna kerna bendahara si cerdik. Cakap “cerdik” reh ibas cakap Junani eme “phronesis”ertina sada kengasupen guna muat sada tindaken si tepat ibas situasi ntah pe kondisi sinialaken (kemampuan untuk mengambil tindakan yang TEPAT untuk kondisi dan situasi yang dihadapi). Ibas situasi sinialakenna bendahara enda tuhu-tuhu cerdik janah ndatken pujin ibas tuanna. Kerna anding-anding bendahara korupsi enda tapi cerdik enda, Jesus mereken sada persinget nandangi ajar-ajarNa eme kengasupen lako cerdik ibas makeken erta doni guna ndatken teman man bana amin gia erta doni enda la nai lit tapi kam ialoken me ibas ingan si rasa lalap. Alu bage cerdik ertina pemaken erta doni enda alu ertanggungjawab sebab ia erguna. Sekali nari penekanen Jesus eme perbahanen cerdik siibahan bendahara. III. Pengkenaina
Pengembangan ekonomi janah gereja (Mamre) banci jadi pelopor la banci ipisahken ibas pengembangan ras peningkaten sumber daya manusiana. Erpalasken bahan PA Mamrenta sendah maka arus lit pengembangan bagepe peningkaten dirinta, khususna selaku Mamre. Tentuna enda rehna ibas kesadarenna maka lit talenta ibereken Dibata ibas dirina janah lit tanggungjawab maka arus talenta e ikembangkenna. Anding-andingen kerna bendahara si cerdik mereken sada semangat kerna kengasupen erbahan sada tindaken si tepat ibas kegeluhenta. Bendahara enda erbahan sada tindaken si tepat janah datken pujin ibas tuanna. Sue ras percakapennta kerna ekonomi maka Mamre iarapken ngasup erbahan sada tindaken si tepat guna peningkaten ekonomi ibas jabu janah pe banci jadi pelopor guna sie. Persoalen ekonomi genduari enda jadi sada tantangen ibas pelayanen gereja. Lit persoalen kemiskinan, pengangguren, rsd,
90
ertolakbelakang tentuna ras kinibayaken (sumber daya alam) si lit ibas bangsanta, Indonesia bagepe Tanah Karo. Sekali nari melala penyebabna tapi enda la erbahansa kita pesimis. Mari Mamre GBKP sikembangken daerahta, khususna kekayaan-kekayaan si lit ibas kutanta/daerahta si banci ikembangkan, la ngenca guna dirinta, gereja tapi pe sekelewetta. Jadilah pelopor-polopor ekonomi Mamre.
IV. Diskusi ras Aksi (RTL)
2. lit sada persinget nandangi ajar-ajar arah Tuhan Jesus kerna perbahanen bendahara si cerdik enda, ...cerdik kel ia, sebab cerdiken kap anak-anak doni enda ibas urusenna asangken anak-anak terang (Lukas 16:8). Jelasken !
2. tentuna kegeluhen manusia la terpisahken ibas tantangen ekonomi khususna ibas jabu. Daftarken tantangen-tantangen ekonomi si lit ibas kutannta janah kai banci sibahan/ tindaken si tepat (solusi)
2. aksi siilakoken eme seminar pengembangen ras peningkaten ekonomi masyarakat . Tentukan waktu ras ingan pelaksanaan seminar enda (RTL: Rencana Tindak Lanjut)
Ende-enden : KEE 181: 1; KEE 174: 1,3; KEE 209: 1,5; PEE 43 : 1,4; PEE 45 : 1,3 Daftar Bacaan
1. Kaum Muda Harapan Bangsa, DEPERA PGI, 2013
2. “Ekonomi” dalam id. wikipedia.org pada tanggal15 September 2014 3. Pandangan-pandangan Dasar Calvinisme, Momentum: 2012
Pdt. Samuel J. Sibero, STh 081361628227
BIMBINGEN PA MAMRE GBKP TAHUN 2015
TANGGAL 09 – 15 AGUSTUS 2015 (PERAWATEN INVENTARIS GEREJA) Pelopor menegakkan kebenaren (kejujuran)
Tema : Mamre si benar ras adil Ogen : Kuan-kuanen 21:3, Esekiel 45:9
Tujun : - Gelah mamre meteh tanggung jawabna mperjuangken kebenaren ras keadilen
- Gelah mamre ngasup jadi pelopor si emperjuangken kebenaren ras keadilen
I. Penaruh
Benar ras adil mesera kal jumpaisa bas paksa genduari. Si dua enda bagi barang si langka si mesera datkenca. Tatap ku kenjulu terjadi ketidakadilan, tatap ku kenjahe terjadi ketidakbenaran, i japape megati usur terbegi tegakkan kebenaran, tegakkan keadilen,e berarti maka kebenaren ras keadilen paksana gundari geduk alias bengkok.Enda me gundari tantangan man banta, uga maka keadilen ras kebenaren enda banci di nikmati kerina kalangen labo kalangen tertentu saja ngenca menikmatisa.
II. Tafsiran
Ogen bas Kuan-kuaenen 21:3 i singetken kerna hal si menyenangken Tuhan,jelas i suratken maka erbahan si adil ras benar kepeken menyenangken Tuhan.Senang akap Dibata adi manusia erbahan adil dingen benar. Rikutken arah pengertiin adil secara sederhana adi ikataken adil lit i je tidak memihak ntah pe sama hak. Lit pepatah ngatakenca :’jika anda ingin di perlakukan adil, maka berlaku adillah terhadap sesama, dan jika anda ingan ada ketentraman tegakkanlah keadilan”,. Pepatah e nuduhkenca maka seh kal pentingna adi erbahan keadilan. Jhon Rawls bas bukuna A theory of Justice i katakenna maka keadilan sebagai sebuah kejujuran.Jadi arah enda si idah kepeken maka palasna guna erbahan keadilen ntahsa pe kebenaran arus lit kejujuren. Tanpa kejujuran bagi si mesera sitek guna erbahan keadilan.
Teks renungennta bas Esekiel enda i singetken Tuhan man Penguasa-penguasa gelah olanai i sega-sega ras nindes bangsa Tuhan, tapi arus ndalanken si mehuli dingen bujur. Adi si nehen teks renungen enda Ezekiel 45:9-17 e nuriken kerna sura-sura Dibata erbahan sada restorasi (ditata kembali) restorasi enda merupaken konsep Tuhan alu bage maka bertitik tolak ku bas perintah Tuhan.Segelah seh restorasi enda pertama-tama pemimpin arus metehsa konsep keadilan yang seadil-adinya dan kebenaran yang sebenar-benarnya. Adi la i
92
dalanken keadilan yang seadil-adilnya dan kebenaran yang sebenar-benarnya maka labo mungkin terjadi perubahan (restorasi). La banci lang penguasa arus nggit erbahan keadilan ras kebenaren. Konsep Efa si arus iukur menurut homer nuduhken maka keadilen enda haruslah i palasken pada standar tertinggi labo si terendah, Seterusna pe Ezekiel nuratkenca kerna syikal si i pake eme syikal bait Allah labo syikal raja ntah pe syikal umum, ertina maka hukum manusia harus tunduk man hukum Dibata.
III. Pengkenaina
Zaman genduari enda tempa-tempa keadilen ras kebenraen banci i tukur, bahkan keadilen ras kebenaran la menyentuh kubas kalangan atas tapi sangat menyentuh kubas kalangan bawah. Piga-piga waktu si lepas pernah si begi bas tv maka sekalak nini-nini i buatna biji coklat si ergana labo piga kal tapi arus i hukum masuk penjara tapi adi nangko sen negara miliaran rupiah banci ka terbebas arah jerat hukum nari. Lanai bo adil ras benar adi bage kin modelna.Adi semboyanna semua sama di mata hukum tapi kinatana sangat berbeda sekali.
Mamre i tuntut gelah banci min jadi pelopor guna erbahan adil ras benar, tapi si ekerina banc ii dalanken adina erpalasken kejujuren nina Jhon Rawls. Terkadang bas keluarganta pe banci kita la adil, man anak si nguda bereken jajan lebih man anak si ntengah ntah si ntua la lebih bereken jajanna.
Aminna mesera erbahan adil dan benar marilah mamre berupaya guna jadi pelopor erbahan adil ras benar, sebab enda me si ngena ate Tuhan labo persembahen nina.
IV. Penungkunen
1. Uga akapndu kira-kira nanamna erbahan la adil ras la benar ?
2. Kai nge ndia hambaten-hambaten ibas erbahan keadilen ras kebenaren? Ende-Enden : PEE No. 9; PEE No. 97; PEE No. 119; KEE No. 183
Pdt. Paskaria Imanuel Perangin-angin, MSi 085228820052
BIMBINGEN PA MAMRE GBKP TAHUN 2015
TANGGAL 16 - 22 AGUSTUS 2015 (HUT RI 70 TAHUN) (MUPEL = Musyawarah Pelayanan Mamre GBKP). Ogen : Lukas 22 : 24 – 27 ; 1 Korinti 12 : 27 – 31a
Tema : Kinierbagen Kalak Sierkiniteken
Tujun : - Gelah Mamre meteh maka kinierbagen eme pemere Dibata
- Gelah Mamre meteh maka MUPEL eme ingan arih-arih dingen mpersadaken Kerina pemere Dibata si lit ibas Mamre
I. Penaruh
Mamre merupaken salah sada kategorial ibas GBKP siberperan penting bas pelaksanaan Tri Tugas Gereja eme : bersaksi, bersekutu, dan melayani ibas keluarga, gereja ras masyarakat. Ibas keluarga, gereja ras masyarakat peranen Mamre perlu terus itingkatken bas kualitas bagepe kuantitasna.
La sigejab nggo ka seh paksana Mamre ngelakoken Musyawarah Pelayanen (MUPEL) Mamre GBKP si ilaksanaken kita lima tahun sekali. Mupel enda ihadiri kerina Badan Pengurus Pusat Mamre GBKP, telu kalak utusen Pengurus Mamre Klasis ras dua kalak utusen Pengurus Mamre Runggun. Dahin Mupel eme mengevaluasi pelaksanaan dahin sienggo ilakoken, menyusun program kerja bagepe pemilihen Badan Pengurus Pusat Mamre GBKP. Enda me Mupel sipelimaken sekaligus perayaan ulang tahun Mamre si pe 20 ken. Kenca Mupel tingkat sinodal ilakoken, terusken ka ku tingkat klasis bagepe runggun.
II. Isi
Rasul Paulus ibas perenungenna nggunaken Kula Kristus nggambarken hubungen antara kiniersadan ibas kinierbagen. Paulus nuriken kinierbagen ibas kulanta, aminna pe melala ringring tapi sada nge kula. Ibas 1 Korinti 12 : 27 – 31a ituriken maka kita me kerina kula Kristus janah sekalak-sekalak kita ringringNa. Bagi ringring bas sada kula kerina ringring e lit gunana. La banci sada ringring ergan akapna ia asa ringring sideban, perlun akapna ia asangken ringring sideban. Masing-masing ringring lit fungsina/gunana bage me pe kita bas organisasi Mamre masing-masing pengurus lit tugasna, masing-masing pengurus lit gunana. Aku min bas jabaten ena nina, sementara ia bas jabatenna ei maka pas, erkiteken je kin talentana. Talenta enda reh usurna sipakeken reh berkembangna. Kerina ei pemere Dibata. Erbage-bage pemere tapi sada nge simerekensa, erbage-bage dahin si man dahin tapi sada nge Dibata simada dahin e. La situalen tapi harmoni
94
sada ras sidebanna seh maka la terjadi bagi ajar –ajar kerna ise simbelinna ibas ia. Ise atena jadi pemimpin arus jadi suruh suruhen, si nggit ngelai (Lukas 22 : 24 – 27) Tema : Kinierbagen Kalak Sierkiniteken. Maun-maun kinierbagen ras perbedaan ianggap kalak sebagai pembatas tah pe penghalang. Enterem jelma riahen akapna nggeluh ras si bali ras ia bagepe sepaham ras ia. Sikap sibagenda merupaken sikap eksklusif (la terbuka) ibas litna perbedaan bahken cenderung diskriminasi (erban kelompok-kelompok si membedaken ia ras kalak sideban) ras meganjang ukurna. Situhuna sikap sibagenda salah ibas pandangen kekristenen ras pustaka sibadia, sebab kesaksin pustaka sibadia encidahken maka Dibata ngergai ras njadiken kinierbagen. Dibata enggo njadiken kinierbagen kalak sierkiniteken guna tujun simehuli, saling mengisi, saling melengkapi, saling membutuhken, saling menghargai sada ras sidebanna. Perbedaan labo hal sinegatip, tapi perbedaan ncidahken kuga Dibata erkeleng ate ibas kerina kinierbagen tinepana. Gereja me ingan ija tiap kalak siberbeda/sierbage-bage ndai nembah Dibata siseri/sisada. Adi gereja pe lanai ngasup mpersadaken kinierbagen ndai, gereja siarusna ndameken pe enggo man damenken, gereja ei nggo perlu rukur (introspeksi diri).
Aminna pe kita berbeda sada ras sidebanna namun erkiteken tujunta sada nge eme guna mpermuliaken Dibata, labo pemuliaken dirinta maka labo aturna ndekah kita sitahanen, bersitegang leher mempertahanken pendapatta, tah pe kebenarenta ibas kita arih-arih/runggu muat simehuli. Reh pentarna Mamre reh menukahna min muat sada keputusen. Kalak sipentar ngasup ia ngidah talenta temanna, ngasup ngergaisa ras ngasup ngaloken temanna kuga ka litna. Pemere-pemere Dibata sienggo aloken kita sipakekenlah ei guna pelayanenta, guna ngelai sebab guna sie me kita iutus Dibata ku doni enda.
Situhuna kinierbagen eme pemere Dibata nandangi tinepana guna njadiken sierdahinna sue ras kelebihen ras kekurangen masing-masing Perbedaan merga, asal, kebiasan, budaya, latar belakang sosial, latar belakang pendidiken, buaten lit, tipe kepribadian, talenta/potensi rsd, sipasti kerina kita tinepa Dibata, kerina enda jadi kebayaken ibas ngelai Tuhan emaka aminna pe melala kinierbagen ibas perpulungen, ibas organisasi Mamre tapi persadan kalak sitek tah pe sebagai kula ni Kristus merupaken pendilo nandangi kita kerina. Dibata enggo mereken karunia-karunia rohani man banta guna melayani ras nampati. Tanpa karunia enda la mungkin kita banci melayani Dibata alu tutus melalui jemaatna. III. Pengkenaina
Mupel Mamre eme ingan arih-arih, ingan runggu kuga gelah Mamre GBKP reh ulina 5 tahun kedepan enda. Kuga kinierbagen kalak sierkiniteken ndai
arih-arih/runggu dingen mpersadaken kerina pemere Dibata si lit ibas ia bagepe gelah Mamre belang belang GBKP banci memilih pengurus ibas kerina tingkatenna sue ras peraten Dibata. Kita ipake Dibata milih sierdahinna, arus erkemalangen man baNa. Ibas memilih pengurus sierdahin ngaturken Mamre lima tahun kedepan, Mamre sierbage-bage ndai mari sipelajari, sitandai lebe rekam jejakna, pemetehna, lagu langkahna ras spiritualitasna.
Ibas pemilihen pengurus Mamre melala motivasi Mamre gelahna banci min jadi pengurus. Motivasi merupaken hal sipenting ibas mencapai keberhasilen erkiteken lit ije pendorong guna ndahiken dahin. Kininggiten saja la bias ibas ngaloken dahin tanpa pemahanan sijelas tentang kai siman dahinken ras kuga ndahikensa. Labo banci merhat-merhat bage saja. Adi dahin sikitik pe labo tutus kuga banci dahin simbelin idahiken alu mehuli. Hasil kerja tentu itentuken arah motivasina ras kemampunna bagepe nempatken kalak sitepat ibas posisi sitepat (the right person in the right place) seh maka potensi/talenta silit bas ia pe banci berkembang maksimal.
IV. DISKUSI
1. Kinierbagen kalak sierkiniteken eme pemere Dibata, kerina saling melengkapi, saling mengisi, saling menghargai. Engkai maka lit denga siidah ibas arih-arih/runggu enda sulit ndatken kesepakaten ? Ngasup nge kita ngaloken temanta aminna la gia bagi ukurta ?
2. Ibas kinierbagen kalak sierkiniteken khususna Mamre, kuga nge menurutndu ibas kita milih pengurus, kai nge kira-kira syarat si banci ban kita gelah Mamre enda reh majuna 5 tahun ku depan enda ?
3. Kai nge tekadta adi enggo sieteh kinierbagen kalak sierkiniteken enda eme pemere Dibata ?
V. USULEN LAGU
PEE NO 43 :1;KEE NO 209 : 4,5;PEE NO 60 :1,2;PEE NO 85 :1,2;KEE NO 212 :1, 5 Pt. Ir. Mulia Barus, MSi