Biar katong seng biking samua yang Antua su bilang par katong musti biking,

Paulus pung Surat Kadua par Timotius

13 Biar katong seng biking samua yang Antua su bilang par katong musti biking,

Antua tetap biking samua yang Antua su bilang Antua mau biking.

Antua pasti biking samua yang Antua su janji,

barang Antua seng bisa manyangkal Antua pung diri.”

Nasehat biar jang iko ajarang-ajarang yang seng batul

14 Timotius e, ale musti tarus kasi inga orang-orang parcaya soal samua yang beta su bilang par ale. Kasi nasehat dong bagini, ”Ingatang e! Allah tau soal samua yang kamong biking. Jadi, kamong jang baku malawang soal kata-kata pung arti. Barang, akang seng ada pung guna. Mala akang cuma biking orang-orang yang dengar tu seng parcaya Yesus lai.” 15 Karja sunggu-sunggu biar Allah bisa bilang kalo ale tu pantas karja par Antua. Ale musti jadi orang karja yang bae biar ale seng malu deng apa yang ale

su biking tu. Ale musti bilang apa yang batul kalo kasi balajar ajarang-ajarang yang batul dari Tuhan. 16 Jang iko campor deng orang-orang yang bicara apapa yang seng ada pung guna deng yang biking orang seng hidop taru hormat par Allah. Barang, samua tu nanti biking dong labe tamba jahat. 17Dong pung ajarang-ajarang yang seng batul tu, nanti orang carita akang tarus sampe akang biking ancor orang yang nanti dengar tu pung parcaya. Akang macang deng luka yang busu yang palang-palang makang kasi ancor orang pung badang. Dua orang yang macang bagitu tu, Himeneus deng Filetus. 18Dong dua ni su seng iko Allah pung ajarang yang batul lai. Dong kasi balajar orang-orang kalo Allah su kasi hidop kombali samua orang. Tagal ajarang tu sampe ada orang parcaya yang su seng parcaya ajarang soal Yesus Kristus lai. 19 Mar Allah pung orang-orang tarus parcaya Antua. Dong pung parcaya tu seng tagoyang sadiki lai macang deng fandasi ruma yang kuat. Di atas fandasi tu ada tulisang bagini, ”Tuhan kanal Antua pung orang-orang.” Ada tulisang yang bilang lai bagini, ”Sapa sa yang bilang kalo dia tu Tuhan pung orang, dia musti kasi tinggal dia pung kajahatang samua.”

20 Timotius, dalang ruma basar satu to bukang cuma ada barang-barang dari mas deng perak sa. Ada lai dari kayo deng tana liat. Barang-barang dari mas deng perak tu, orang-orang pake akang waktu acara-acara penting. Mar barang-barang dari kayo deng tana liat tu, orang-orang pake akang sabang hari. 21 Sapa yang batul-batul kasi tinggal dia pung kajahatang, Tuhan nanti pake dia par biking apapa yang bae. Dia sama deng barang-barang yang mahal yang orang-orang pake waktu acara-acara penting. Tuhan su pili dia par jadi Antua pung orang. Tuhan pake dia karja par Antua deng dia su siap biking apapa yang bae.

22Timotius, jaga diri bae-bae dari anana muda pung sagala macang napsu. Usaha hidop biking apapa yang batul, parcaya Tuhan Yesus tarus, baku sayang deng orang laeng, deng hidop dame deng orang-orang yang

d 3:1 Beta di sini Paulus.

e 3:8 Yanes deng Yambres pung nama seng ada dalang Janji Lama. Mar ada orang-orang yang pintar Alkitab yang bilang kalo Yanes deng Yambres ni orang-orang Mesir pung tukang-tukang sihir yang malawang Musa waktu dia mau kasi kaluar orang Israel dari negri Mesir. (Lia Kaluar dari Mesir 7:11)

sombayang par Tuhan deng hati barsi. 23 Jang iko campor deng orang-orang bodo yang ada baku malawang soal ajarang-ajarang yang seng ada pung guna. Ale su tau to, kalo samua tu cuma biking orang bakalai. 24 Orang yang karja par Tuhan seng bole bakalai. Mar dia musti hidop manis-manis deng samua orang. Dia jua musti sabar deng pintar kasi balajar orang. 25Dia musti tagor bae-bae orang-orang yang suka malawang dia. Sapa tau Tuhan nanti roba dong tu sampe dong kasi tinggal dong pung dosa-dosa la iko Tuhan pung ajarang yang batul. 26Deng cara bagini, sapa tau orang-orang tu nanti sadar kombali la bisa talapas dari setang pung bos macang deng binatang yang talapas dari dodeso. La setang pung bos tu seng bisa parenta dong iko dia pung mau lai.

Orang-orang pung kalakuang waktu dunya mau kiamat

3

1Timotius e, beta d mau ale tau kalo waktu dunya mau kiamat, orang-orang di dunya nanti hidop paleng susa deng sangsara. 2 Orang-orang nanti cuma pikir dong pung diri sandiri, mata kepeng, bicara mangarti, sombong, suka hojat orang, seng dengar-dengarang orang tatua, seng tau minta dangke, deng seng taru hormat par Allah lai. 3Dong nanti seng sayang orang laeng, seng mau kasi ampong orang pung sala, suka bicara yang seng batul-batul soal orang laeng, seng bisa tahang diri, suka siksa orang laeng, deng binci samua yang bae. 4 Dong jua nanti tajang muka balakang, paparipi biking apapa yang bodo mar seng pikir apa yang nanti jadi, suka angka-angka diri, deng labe suka iko dia pung mau dari Allah pung mau. 5Orang-orang lia dong tu rajing pi ibada, mar dong sandiri manyangkal Tuhan pung Roh pung kuasa yang bisa biking bae dong pung hidop. Orang-orang yang macang bagitu tu, jang batamang deng dong. 6 Barang dari dong ada yang maso ka orang-orang pung ruma deng akal busu. Dong pung mulu bakoco par buju parampuang-parampuang bodo. Parampuang-parampuang ni yang su biking dosa paleng banya deng yang hidop iko sagala macang napsu. 7Parampuang-parampuang ni tarus minta sapa sa par kasi balajar dong, mar dong seng parna mangarti ajarang yang batul soal Yesus Kristus. 8Ale masi inga carita soal Yanes deng Yambres e to? Dolo-dolo dong dua malawang Musa. Orang-orang

yang malawang ajarang yang batul soal Yesus Kristus, dong macang deng dong dua tu. Orang-orang yang malawang ajarang yang batul tu cuma pikir kajahatang deng Tuhan seng tarima dong tagal dong su seng parcaya apa yang batul lai. 9Mar dong tu nanti seng bisa parlente orang deng dong pung ajarang tarus. Barang, samua orang nanti tau dong pung bodo sama deng samua orang tau Yanes deng Yambres pung bodo lai.

Paulus pung nasehat

10 Mar Timotius, ale su tau batul-batul beta pung ajarang, beta pung hidop, deng apa yang beta mau biking. Ale jua tau bagemana beta parcaya Tuhan, sabar deng samua orang, sayang orang-orang, deng tahang hati dalang susa deng sangsara. 11Ale su tau kalo orang-orang siksa deng biking sangsara beta. Ale jua tau kalo beta dapa siksa banya paskali waktu beta ada di kota Antiokia, Ikonium, deng Listra. Mar Tuhan kasi salamat beta dari samua tu.

2 Timotius 3

f 3:14 Katong di sini ni, Paulus, Timotius pung mama, deng Timotius pung oma.

12 Memang batul paskali kalo sapa yang mau hidop iko Tuhan pung mau deng parcaya Yesus Kristus, orang-orang nanti siksa dia. 13Mar orang-orang jahat deng orang-orang-orang-orang tukang parlente nanti tamba kajahatang. Dong parlente orang deng orang bale parlente dong lai. 14Mar Timotius, ale musti parcaya tarus ajarang yang katong f su ajar par ale. Ale tau kalo akang batul to? Jadi, ale musti parcaya akang tarus tagal ale kanal sapa yang ajar akang par ale 15 deng tagal dari kacil lai ale su balajar Allah pung tulisang. Dari Allah pung tulisang tu, ale bisa mangarti kalo Allah kasi salamat ale tagal ale parcaya Yesus Kristus. 16 Samua yang ada di Allah pung tulisang tu datang dari Allah sandiri. Akang pung guna par kasi balajar orang, kasi unju apapa yang sala, roba kalakuang yang seng bae, deng ajar orang par hidop iko Tuhan pung mau. 17Jadi, Allah pung tulisang tu, akang pung guna biar orang-orang yang karja par Allah batul-batul siap par biking samua yang bae.

Karja par Tuhan bae-bae

4

1 Timotius e! Yesus Kristus nanti bale kombali ka dunya par hukum orang-orang yang hidop deng yang mati. Antua nanti bale par jadi Raja la parenta samua orang di dunya ni. Allah deng Yesus Kristus jadi saksi apa yang beta mau bilang ni. Beta parenta ale 2musti tarus kasi tau Allah pung Kabar Bae par orang-orang. Ale musti siap tarus par kasi tau akang, seng usa pikir dong mau dengar ka seng. Kalo ada yang biking ka parcaya apapa yang sala, ale musti kasi unju dong pung sala tu biar dong tau akang. Tagor dong jang biking bagitu deng kasi nasehat dong biar dong tarus biking apapa yang bae. Ale musti kasi balajar dong bae-bae deng musti sabar waktu biking samua tu. 3Barang, eso lusa nanti ada orang-orang yang seng mau tarima Allah pung ajarang yang batul lai. Mala dong tu cuma mau iko dong pung mau sandiri. Dong tu cari guru banya-banya yang kasi balajar apapa yang sadap di dong pung talinga sa. 4 Dong nanti tutu dong pung talinga dari ajarang yang batul soal Yesus Kristus. Dong cuma mau dengar carita-carita parlente dolo-dolo. 5 Mar Timotius, ale tu musti jaga ale pung diri tarus. Ale musti tahang hati deng parcaya Yesus tarus waktu susa deng sangsara. Kasi tau Allah pung Kabar Bae par orang-orang yang balong parna dengar akang deng biking samua karja yang Antua su kasi par ale.

6 Timotius e, beta bilang macang bagini par ale tagal beta pung hidop