Paulus pung Surat par Titus Kata-Kata Partama
11 Titus, kasi balajar samua yang beta su bilang ni par orang-orang, tagal Allah su kasi unju Antua pung hati bae par samua orang biar samua
orang di dunya bisa salamat. 12 Antua pung hati bae yang biking sampe katong kasi tinggal katong pung kajahatang deng hidop seng iko dunya pung mau lai. Mala jamang sakarang ni, katong musti bawa diri bae-bae, jaga iko Antua, deng biking Allah pung hati sanang. 13 Katong musti hidop bagitu waktu ada tunggu hari yang nanti biking katong pung hati paleng sanang. Katong parcaya Yesus Kristus nanti bale kombali deng sinar paleng tarang manyala koliling Antua. Antua tu, Allah yang basar deng yang Kasi Salamat Manusia. 14 Yesus su kasi Antua pung diri mati di kayo salib par kasi salamat katong dari samua kajahatang. Antua mati la hapus katong pung dosa-dosa biar katong jadi Antua pung orang-orang yang suka biking apapa yang bae.
15 Titus, kasi balajar samua ni par orang-orang. Pake Tuhan pung kuasa par kasi nasehat deng tagor orang-orang yang seng iko Tuhan pung ajarang. Jang kasi biar satu orang lai anggap enteng ale.
Orang Kresten pung cara hidop
3
1 Titus e, kasi inga jamaat-jamaat tarus biar dong taru hormat deng dengar-dengarang par pemerinta deng orang-orang yang pung kuasa. Dong jua musti siap par biking apa sa yang bae. 2 Bilang dong jang bikingb 3:11b Ada yang bilang ayat ini pung arti ‘Ale tau, orang yang macang bagitu tu su kasi tinggal ajarang yang batul. Dia kasi sala dia pung diri sandiri deng dia pung dosa-dosa sandiri’.
busu orang pung nama deng jang baku bakalai. Labe bae dong salalu hidop manis-manis deng samua orang.
3 Dolo katong jua balong parcaya Tuhan. Katong seng tau apapa soal Tuhan pung mau jadi katong seng iko akang. Orang-orang parlente katong. Katong hidop iko katong pung mau sandiri deng seng bisa barenti biking sagala macang kajahatang yang katong sanang biking. Katong jahat par orang-orang, hidop culas, deng laeng binci laeng. 4 Biar kata bagitu, Allah yang Kasi Salamat Katong kasi unju Antua pung hati bae deng rasa sayang par katong. 5 Antua kasi salamat katong. Antua kasi salamat katong bukang tagal katong su biking apapa yang batul, mar tagal Antua pung hati bae. Allah kasi salamat katong deng cara Antua hapus katong pung dosa-dosa
samua deng Antua pung Roh roba katong pung hidop jadi baru. 6 Allah kasi Antua pung Roh par katong biar Antua karja kuat-kuat dalang katong pung hidop, tagal apa yang Yesus Kristus, Orang yang Kasi Salamat Katong su biking. 7 Allah kasi Antua pung Roh biar deng Antua pung hati bae, Antua bilang kalo katong ni seng ada dosa. Jadi katong parcaya kalo katong ada hak par hidop tarus-tarus deng Antua. 8 Apa yang beta bilang ni batul, jadi ale bisa parcaya akang. Beta mau ale sunggu-sunggu kasi nasehat soal ini par orang-orang yang su parcaya Allah biar dong labe sunggu-sunggu lai biking apapa yang bae. Nasehat ni, akang bae deng barguna par samua orang. 9 Mar Titus, jang pastiu deng orang-orang yang suka bicara apapa yang biking orang baku malawang. Jang pastiu lai deng orang-orang yang carita-carita soal moyang-moyang pung anana cucu. Ale jua jang baku malawang deng orang-orang soal orang Yahudi pung atorang-atorang. Barang, samua itu tu seng barguna deng seng bawa untung par sapa sa. 10 Kalo ada orang yang kasi balajar ajarang yang seng batul par biking jamaat baku malawang sampe dong tabage-bage, ale musti tagor orang tu satu dua kali. Mar kalo dia masi biking macang bagitu tarus, ale jang batamang deng dia lai. 11 Ale tau, orang yang macang bagitu tu su kasi tinggal ajarang yang batul. Dia pung dosa-dosa kasi unju par orang laeng kalo dia tu memang jahat. b
Paulus tutu dia pung surat
12 Titus e, beta nanti suru Artemas ka Tikikus datang par ale. Pas satu dari dong dua datang, ale capat-capat iko beta di kota Nikopolis. Datang
c 3:15 Katong di sini ni, Paulus deng orang-orang Kresten.
iko beta do tagal beta mau tinggal di kota tu sampe abis musing ujang. 13 Beta minta ale tolong Senas deng Apolos lai. Tolong kasi siap apapa yang dong dua parlu waktu dong dua mau pi biar dong dua seng kurang apapa. Senas tu, orang yang pintar soal hukum. 14 Tarus, orang Kresten laeng di pulo Kreta musti karja karas lai par biking apapa yang bae deng tolong orang yang batul-batul ada parlu. Kalo dong su biking macang bagitu, dong pung hidop tu seng parcuma.
15 Titus, samua basudara yang iko Yesus yang ada sama-sama deng beta di sini kiring salam par ale. Beta minta ale tolong kiring katong c pung salam lai par basudara-basudara yang iko Yesus di situ yang sayang katong.
Beta minta biar Tuhan kasi berkat basar par kamong samua. Hormat dari beta,
Paulus
Paulus kasi salam
1
1 Par Pilemon yang beta deng Timotius sayang deng yang karja par Yesus Kristus macang deng katong.Salam dari beta, Paulus, yang ada maso bui tagal karja par Yesus Kristus, deng salam lai dari katong a pung sudara Timotius. 2 Katong dua kiring salam lai par Apia, orang yang katong su anggap macang katong pung sudara parampuang sandiri. Salam lai par Arkipus, yang barani sama deng katong par kasi tau Allah pung Kabar Bae macang deng tantara