Wira Oka Kurnia, 2016
MODÉL PANGAJARAN MULTILITERASI PIKEUN NGARONJATKEUN KAMAMPUH NULIS KARANGAN ÉKSPOSISI
Universitas Pendidikan Indonesia | repository.upi.edu | perpustakaan.upi.edu 81
BAB V
KACINDEKAN, IMPLIKASI, JEUNG SARAN
5.1 Kacindekan
Dumasar kana hasil panalungtikan, analisis, jeung pedaraan kamampuh
nulis karangan éksposisi ngagunakeun modél pangajaran multiliterasi ka siswa
kelas VII-K SMPN 45 Bandung taun ajaran 2015/2016, bisa dicindekkeun ieu di
handap.
1) Kamampuh nulis karangan éksposisi siswa kelas VII-K SMPN 45 Bandung
taun ajaran 2015/2016 saméméh ngagunakeun pangajaran multiliterasi kaasup
teu nyugemakeun. 100% tina 40 siswa nu dijadikeun sampel meunang
peunteun <75, nu hartina asup kana katégori can mampuh. Hasil rata-rata
pretest nya éta 50,83.
2) Kamampuh nulis karangan éksposisi siswa kelas VII-K SMPN 45 Bandung
taun ajaran 2015/2016 saenggeus ngagunakeun modél pangajaran multiliterasi
kaasup nyugemakeun. 97,5% atawa 39 urang tina 40 siswa nu dijadikeun
sampel meunang peunteun ≥75, nu hartina asup kana katégori mampuh. Hasil
rata-rata pretest nya éta 81,05.
3) Ngaronjatna kamampuh nulis karangan éksposisi siswa kelas VII-K SMPN 45
Bandung taun ajaran 2015/2016 saenggeus ngagunakeun modél pangajaran
multiliterasi bisa katitén tina babandingan hasil pretest jeung protest siswa
ngaronjat tina 50,83% jadi 81,05%. Hartina gedéna pangaruh modél
pangajaran multiliterasi dina ngaronjatkeun kamampuh nulis karangan
éksposisi téh nya éta 30,23%.
4) kamampuh nulis karangan éksposisi siswa kelas VII-K SMPN 45 Bandung
taun ajaran 2015/2016 ngaronjat kalayan signifikan. Hasil uji béda dua
rata-rata nuduhkeun yén titung > ttabél nya éta 27,72 > 2,46, hartina hipotésis kerja
82
Wira Oka Kurnia, 2016
MODÉL PANGAJARAN MULTILITERASI PIKEUN NGARONJATKEUN KAMAMPUH NULIS KARANGAN ÉKSPOSISI
Universitas Pendidikan Indonesia | repository.upi.edu | perpustakaan.upi.edu
Dumasar kana hasil panalungtikan, bisa dicindekkeun yén aya béda anu
signifikan antara kamampuh nulis karangan éksposisi sisa kelas VII-C SMPN 45
Bandung taun ajaran 2015/2016 saméméh jeung saenggeus ngagunakeun modél
pangajaran multiliterasi.
5.2 Implikasi
Saenggeus pangajaran nulis karangan éksposisi ngagunakeun modél
pangajaran multiliterasi dilarapkeun, siswa kelas VII-K SMPN 45 Bandung taun
ajaran 2015/2016 leuwih:
1) Kritis jeung aktif dina ngébréhkeun kamandangna ngeunaan hiji pasualan di
hareupeun kelas;
2) Leuwih sistematis dina ngébréhkeun ideu jeung gagasan ngaliwatan tulisan
utamana dina nulis karangan éksposisi;
3) Parigel dina mekarkeun eusi karangan.
4) Nambahan kandaga kecap basa Sunda sarta merenah dina ngalarapkeun kana
kalimah; jeung
5) Maham kana éjahan basa Sunda, sarta parigel ngawasa jeung ngalarapkeun
kalimah sangkan jadi beungkeutan paragraf nu merenah.
5.3 Saran
Dumasar kana hasil panalungtikan ngeunaan kamampuh nulis karangan
éksposisi siswa kelas VII-K SMPN 45 Bandung taun ajaran 2015/2016,
panalungtik moboga saran anu dijéntrékeun ieu di handap.
1) Hasil panalungtikan anu geus dilaksanakeun nuduhkeun yén modél pangajaran
multiliterasi bisa ngaronjatekeun kamampuh nulis karangan éksposisi. Ku
kituna, ieu modél téh bisa jadi bahan alternatif pikeun guru dina pangajaran
nulis karangan éksposisi, ogé pikeun ngaronjatkeun kompeténsi pangajaran
83
Wira Oka Kurnia, 2016
MODÉL PANGAJARAN MULTILITERASI PIKEUN NGARONJATKEUN KAMAMPUH NULIS KARANGAN ÉKSPOSISI
Universitas Pendidikan Indonesia | repository.upi.edu | perpustakaan.upi.edu
2) Pangajaran multiliterasi, saupama rék dilarapkeun dina pangajaran aya
sababaraha anu kudu dititénan, diantarana: a) siswa kudu geus diajar heula
saméméhna, b) bahan pangajaran kudu pareatif (buku, majalah, koran jrrd.), c)
lingkungan sakola boh di jero boh di luar kelas, kudu ngarojong kana sagala
kagiatan diajar. Sabab, pangajaran multitliterasi ngajarkeun siswa sangkan
kritis kana sagala kayaan nu aya disabudeureunna, d) léngkah-léngkah modél
pangajaran multiliterasi kudu dilarapkeun ku siswa kalawan ngaruntuy, e)
leuwih asak dina ngararancang pangajaran.
3) Modél pangajaran multiliterasi ogé luyu upama dilarapkeun dina kontéks
kurikulum 2013. Tapi can kapanggih panalungtikan nu ngalarapkeun modél
pangajaran multiliterasi dina salasahiji pangajaran Basa Sunda berbasis
