Bahasa Batak Simalungun
2007
Psalmen
Hatuahon ni Halak Parpintor ampa Hamagouan ni Halak Parjahat
Martuah ma halak na so ra mangihutkon riah ni halak parjahat, na so ra jongjong bani dalan ni pardousa, anjaha na so ra hundul bani tumpuan ni halak siparrisai.
Tapi tah ni Jahowa do harosuh ni uhurni, sai tah-Ni ai do ipingkiri arian pakon borngin. Songon hayu do ia na sinuan i topi ni bah
mardalan, na marbuah bani musimni, bulungni pe seng ra melus, anjaha sagala hinorjahonni manjadi do.
Seng sonai anggo halak parjahat, tapi songon lapa-lapa hinabangkon ni logou do sidea. Halani ai seng tahan halak parjahat i lobei ni paruhuman, sonai homa pardousa ibagas humpulan ni halak parpintor.
Panrajaion ni Naibata ampa Mesias Siparmonang in
Mase sai oga-oga bangsa sipajuh begu-begu, anjaha na so marnidok ipingkiri bangsa-bangsa?
Jongjong do raja-raja ni tanoh on, anjaha manriah do na sangap-sangap, laho
mangimbang Jahowa pakon na mininakan-Ni.
“Rutuskon hita ma gari ni sidea, anjaha
ambukkon hita ma tali ni sidea hun banta.” Ipartatawai na marhotak i nagori atas ai do
sidea, anjaha mapas do Tuhan bani sidea. Lanjar marsahap ma Ia dompak sidea ibagas
ringis-Ni, anjaha isonggo sidea ibagas gila-Ni.
“Ahu do pabangkit rajang-Ku i Sion, dolog-Ku na ma pansing in.”
Patugahonku ma na dob notapkon ni Jahowa: Domma ihatahon Jahowa bangku, “Anak-Ku do ho, sadari on do ho Hutubuhkon!
Pindo ma hun Bangku, ase Hubere sagala
bangsa gabe tean-teanan bam, anjaha ujung ni tanoh on, ho simadasi.
Psalmen –
Ai pe, nasiam sagala raja, paruhurhon nasiam ma ai, sai ra ma nasiam paingaton, nasiam sagala panguhum ni tanoh on.
Balosi nasiam ma Jahowa marhasoman biar, anjaha summah nasiam ma nahei-Ni marhasoman hi r,
ase ulang roh ringis-Ni gabe magou nasiam i tongah dalan, ai urah do gajag ringis-Ni. Martuah do sagala na marhatengeran Bani.
Nalom ni Uhur bani Jahowa Ibagas Parmaraan
Psalm ni si Daud, sanggah maporus ia humbani anak ni si Absalom. ( - ) Ham Jahowa, bueini in imbangku, buei ni in na puho manlawan ahu.
( - ) Buei do na mangkatahon pasal ahu, “Seng dong be pangurupion bani humbani Naibata.”
( - ) Tapi Ham do Jahowa gantar bangku
inggot, hatunggungonku do Ham, sipadirgak ulungku.
( - ) Hupagogoh do sorangku mandilo Jahowa, gabe itangihon do ahu hun dolog-Ni na ma pansing in. Sela.
( - ) Hupa bal diringku lanjar tarpodom, tarpuho use, ai Jahowa do manatang ahu. ( - ) Seng mabiar ahu mangidah marribu-ribu
( - ) Jongjong ma Ham Jahowa, urupi ma ahu, Ham Naibatangku. Ai domma irosakkon Ham osang-osang ni imbangku, anjaha iropangi Ham ipon ni parjahat.
( - ) Bani Jahowa do haluahon, sai sogop ma pasu-pasu-Mu bani bangsa-Mu. Sela.
Mardamei Ibagas Jahowa
Bani pambobai koor. Marhasoman husapi. Psalm ni si Daud. ( - ) Anggo dilo-dilo ahu, balosi Ham ma ahu, Ham Naibata, Sipintori ahu. Domma ipalumbang Ham ahu ibagas hasosakanku, sai maidop ma uhur-Mu bangku anjaha tangihon Ham ma tonggongku.
( - ) Nasiam dalahi, sadiha dokah nari mapas uhur nasiam pasambor samborhon
hasangaponku, sadiha dokah nari
haholongan nasiam na so marguna anjaha pindahan nasiam ladung? Sela.
( - ) Botoh nasiam ma, domma ipilih Jahowa sada haholongan-Ni Bani. Itangihon Jahowa do anggo hudilo Ia.
Psalmen –
( - ) Galangkon ma galangan na sintong, anjaha ajamkon ma Jahowa.
( - ) Buei do na mangkatahon, “Ise ma na manumpakkon na madear banta?” Sondangkon Ham ma sinalsal ni bohi-Mu bennami, Ham Jahowa.
( - ) Bueinan do malas ni uhur ibere Ham hubagas uhurhu, marimbang malas ni uhur ni sidea sanggah pariama omei pakon pariama anggur na junah.
( - ) Ibagas damei hupa bal diringku lanjar sinok, ai Ham do hansa Jahowa na mambahen sonang ahu marianan.
Tonggo Sogod
Bani pambobai koor. Marhasoman tulila. Psalm ni si Daud. ( - ) Sai tangihon Ham ma hatangku, Ham Jahowa, anjaha pardiateihon Ham ma hoih-hoih ni uhurhu.
( - ) Tangihon Ham ma dilo-dilongku Ham Rajangku anjaha Naibatangku, ai hu Bamu do ahu martonggo.
( - ) Ham Jahowa, girah sogod do itangihon Ham sorangku, girah sogod do ahu marugas marayak Ham anjaha manatap-natap.
( - ) Ai sedo Naibata na mangkarosuhkon
( - ) Seng tahan sigijang uhur i lobei ni panonggor-Mu, sogam do uhur-Mu bani sagala sihorjahon hajahaton.
( - ) Iparseda Ham do sagala halak sisahapkon ladung, ihagigihon Ham do siduruskon daroh pakon panipu.
( - ) Tapi anggo ahu, halani banggal ni idop ni uhur-Mu, sai masukanku do rumah-Mu, manrogop do ahu dompak rumah-Mu na pansing in, marhasoman biar Bamu. ( - ) Ham Jahowa, togu Ham ma ahu ibagas
hapintoron-Mu, halani imbang-imbangku, pahornop Ham ma dalan-Mu i lobeihu. ( - ) Ai seng dong na sintong ibagas pamangan
ni sidea, na ilat do pingkiranni ibagas, songon tanoman na tanggak do tolonan ni sidea, ipalandit-landit do dilahni.
( - ) Salahkon Ham ma sidea, Ham Naibata, sai madabuh ma sidea halani tahi-tahi ni sidea, ambukkon Ham ma sidea halani buei ni panlanggaronni, ai dompak Ham do sidea manlawan.
Psalmen –
( - ) Ai Ham do Jahowa na mamasu-masu na pintor maruhur; iliotkon Ham do idop ni uhur-Mu hubani sidea songon gantar.
Tonggo bani Panorang Hasosakan
Bani pambobai koor. Marhasoman husapi. Domu hubani na paualuhkon. Psalm ni si Daud. ( - ) Ham Jahowa, ulang uhum Ham ahu ibagas ringis-Mu, ulang bogbog Ham ahu ibagas gila-Mu.
( - ) Maidop ma uhur-Mu bangku, Ham Jahowa, halani hagalekonku; pamalum Ham ma ahu Jahowa, ai hi r-hi r do holi-holingku.
( - ) Rusak tumang do tonduyhu ibagas, tapi Ham Jahowa, sadiha dokah nari do?
( - ) Marulak-ulakan ma uhur-Mu, Ham Jahowa, paluah Ham ma tonduyhu, sai paluah Ham ma ahu, halani idop ni uhur-Mu. ( - ) Halani bani hamatean seng dong halak na
mardingat Ham, i nagori toruh, ise ma na mamuji Ham?
( - ) Loja do huahap ibahen hoih-hoihku, siap borngin do bonsot podomanku hubahen, marhitei iluhku marbah do lamku
( - ) Solong do matangku halani pusok ni uhurhu, roh galekni do ai halani halak na manosak ahu.
( - ) Surut ma nasiam humbangku, sagala sihorjahon hajahaton, ai itangihon Jahowa do sora ni tangis-tangisku.
( - ) Domma itangihon Jahowa hoihku; ijalo Jahowa do tonggongku.
( - ) Sai tarbador anjaha tarsonggot tumang do sagala munsuhku; tarolos do sidea surut, tarmela sompong.
Mangindo Pamintorion ni Naibata
Doding adu-adu ni si Daud, nidodingkonni bani Jahowa, halani hata ni si Kus, marga Benjamin. ( - ) Ham Jahowa Naibatangku, hu Bamu do ahu marlingod, sai paluah Ham ma ahu humbani ganup na mangayak-ayak ahu, anjaha bansah ma bahen Ham ahu; ( - ) ase ulang iparsirak ahu songon
pambahenan ni singa, anjaha isarad seng dong na paluahkon.
( - ) Ham Jahowa Naibatangku, anggo hubahen on, anjaha ihorjahon tanganku na so
sintong,
Psalmen
ahu, anjaha huodoh-odoh na manosak ahu seng marhala,
( - ) sai ipardakdak munsuhku ma ahu ronsi dapot, iroja goluhku hu tanoh, anjaha igijigkon bani orbuk hasangaponku. Sela. ( - ) Jongjong ma Ham, Jahowa, ibagas
ringis-Mu, jongjong ma Ham mangimbang gila ni na manosak ahu, puho ma Ham mangurupi ahu, ai Ham do siparentahkon uhum.
( - ) Sai iinggo hulanan ni bangsa ma Ham, anjaha marparatas ma Ham i babou, i atas ni sidea.
( - ) Jahowa do na manguhum sagala
bangsa-bangsa. Luluhon Ham ma ahu Ham Jahowa, romban hubani hapintoronku, romban hubani habujuron na jumpah bangku.
( - ) Sai mangadi ma hajahaton ni parjahat; tapi sai pargogohi Ham ma halak parpintor! Ai Ham do siuji uhur pakon piah-piah, Ham Naibata parpintor.
( - ) Naibata do gantar bangku, sipaluah na pintor uhur.
( - ) Anggo seng ipaubah halak uhurni, asahonni ma podangni, pasangonni ma siorni laho manembak.
( - ) Dompakkononni ma hubani sinjata pamunuh, nahit ma panahni ibahen.
( - ) Tonggor ma, solat ma bani hagedukon, boratan rumah ma ia bani hamagouan, anjaha itubuhkon ladung.
( - ) Ihurak do godung anjaha bagas ibahen, tapi ia sandiri do madabuh hubagas godung na binahenni ai.
( - ) Hajahaton na binahenni mulak dabuh bani uluni, anjaha odoh-odohni mulak manipa tangkurakni.
( - ) Pujionku do Jahowa halani hapintoron-Ni, anjaha dodingkononku do goran-Ni Jahowa Si mbulan in.
Jolma na Galek in Gabe Tinompa Sisurungan
Bani pambobai koor. Domu hubani Gi t. Psalm ni si Daud. ( - ) Ham Jahowa, Tuhannami, sangapni in goran-Mu bani sab tanoh on, Ham do na mannahkon hamuliaon-Mu bani langit.
( - ) Humbani pamangan ni dakdanak pakon na inuman iadongkon Ham do hagogohon halani munsuh-Mu, laho pasipkon
Psalmen –
( - ) Anggo hukawahkon langit-Mu pakon horja ni jari-jari-Mu, bulan pakon sagala bintang na pinauli-Mu,
( - ) mintor aha ma nani jolma in ase pala ingaton-Mu ia, ampa anak ni manisia in ase ihargahon Ham ia?
( - ) Ijadihon Ham do ia o k toruhan humbani Naibata, anjaha isortalihon Ham do hubani hamuliaon pakon hatunggungon.
( - ) Ipabangkit Ham do ia mamarentah
jadi-jadian ni tangan-Mu, ipatunduk Ham do haganup hu toruh ni naheini:
( - ) biribiri pakon lombu haganup, ampa binatang harangan;
( - ) manuk-manuk na i awang-awang pakon dengke na i laut, haganup tene na manjulur i longkit-longkit ni laut.
( - ) Ham Jahowa Tuhannami, sangapni in goran-Mu bani sab tanoh on.
Panguhum pakon Sipaluah do Jahowa
( - ) Marmalas ni uhur anjaha marolob-olob do ahu Bamu, dodingkononku do goran-Mu, Ham Si mbulan in;
( - ) halani ai manginsurut do munsuhku, mangkajurgang anjaha bois i lobei-Mu. ( - ) Tongon, Ham do sipatorsa uhum ampa
paharangku, hundul bani hotak-Mu do Ham manguhumi, Ham panguhum na pintor. ( - ) Hona hata do ibahen Ham sipajuh
begu-begu, iagouhon Ham parjahat, anjaha isasap Ham do goran ni sidea sadokah ni dokahni.
( - ) Bois do munsuh in, marongrong lalab, maseda do sagala huta ibahen Ham, magou pardingat bani sidea.
( - ) Tapi, ia Jahowa totap do marparatas ronsi sadokah ni dokahni; ipajongjong do hotak-Ni laho manguhumi.
( - ) Ia do manguhum dunia on ibagas hapintoron, anjaha ipapintor uhum bani sagala bangsa sintong-sintong.
( - ) Ase Jahowa do batar-batar bani na hona dorun, anjaha batar-batar bani panorang hasosakan.
Psalmen
( - ) Dodingkon ma Jahowa, na marparatas i Sion, ambilankon ma pambahenan-Ni bani sagala bangsa;
( - ) ai Ia do siluluhon daroh, anjaha seng lupa Ia bani dilo-dilo ni halak na madoyuk. ( - ) Maidop ma uhur-Mu bangku, Ham
Jahowa, kawahkon Ham ma hadoyukonku halani na mandomdomi ahu; Ham do na mandokdok ahu humbani horbangan ni hamatean,
( - ) ase hubaritahon sagala puji-pujian Bamu bani horbangan ni boru Sion, anjaha marolob-olob ahu halani parpaluah-Mu. ( - ) Tarrobung do sipajuh begu-begu bani
godung na binahenni, anjaha sangkut naheini bani siding na naonni ponop. ( - ) Ipatandahon Jahowa do diri-Ni,
idalankon do uhum, marhitei pambahenan ni tangan-Ni tarsangkut parjahat. Higajon. Sela.
( - ) Sai turun do hu nagori toruh halak parjahat, haganup sipajuh begu-begu na mangkalupahon Naibata.
( - ) Jongjong ma Ham Jahowa, ase ulang sai mangenjeng jolma in, sai hona uhum ma sipajuh begu-begu i lobei-Mu.
( - ) Pasogop Ham ma songgot-songgot bani sidea, Ham Jahowa, ase iahapkon sipajuh begu-begu jolma do sidea. Sela!
Jahowa do Sipaluah Halak na Masombuh
Mase mandaoh-daoh Ham jongjong, ale Jahowa, marponop Ham bani panorang hasosakanku?
Halani enjeng ni parjahat, pusok do iahap na masombuh. Sai tardapot ma sidea bani hajahaton na niranggini ai.
Ai ihamogahkon parjahat do sura-sura ni uhurni, ipuji-ipuji untungni, anjaha iapasi Jahowa. Nini parjahat do marhasoman pangunsong ni igungni, “Seng anjai marlulu Ia, seng dong Naibata,” sonai do pingkiranni.
Manjadi do sagala langkahni tongtong; magijangtu do humbani uhuman-Mu; iunsongkon igungni dompak imbangni. Nini ibagas uhurni, “Seng anjai morot ahu,
seng anjai mangonai bangku hasunsahan marsundut-sundut.”
Psalmen
Sai manggompangi do ia bani huta-huta; bani ianan na ponop ibunuhi halak na so marpipot, matani mangkahapi halak na galek.
Marponop do ia manggompangi songon singa ibagas naporon, manggompangi ia laho manangkap halak na masombuh. Itangkap do halak na masombuh laho pamasukkonsi hubagas sidingni.
Ipaunduk do dirini mardalan, jadi dapot sisilonni na gogoh ai ma halak na galek. Nini ibagas uhurni, “Ihalupahon Naibata do ai,
iponopkon bohi-Ni, seng anjai idahon-Ni ai ronsi sadokah ni dokahni.”
Jongjong ma Ham Jahowa, ale Naibatangku, surdukkon Ham ma tangan-Mu, ulang ma lupa Ham bani halak na masombuh!
Mase ma mapas parjahat bani Naibata, anjaha nini ibagas uhurni, “Seng anjai luluhonon-Ni ai?”
ididah Ham do ai tene, itatap Ham do halojaon pakon hasunsahan laho manangani ai.
Bamu do marondos halak na galek, Ham do panolong bani halak na tading maetek. Ponggolhon Ham ma botohon ni halak parjahat
Jahowa do raja sadokah ni dokahni; magou do sipajuh begu-begu humbani tanoh-Ni.
Domma itangihon Ham Jahowa pangindoan ni uhur ni halak na masombuh, ipatotap Ham do uhur ni sidea, anjaha ipa ur Ham do pinggol-Mu,
laho pasintong uhum bani halak na tading maetek pakon na nidorun, ase ulang inunut jolma na i tanoh on mambibiari.
Jahowa do Parlingodan bani Halak Parpintor
Bani pambobai koor. Humbani si Daud. Marlingod bani Jahowa do ahu, mase ma ihatahon nasiam hu bangku, “Habang ma ho hu dolog songon manuk-manuk!”
Ai tonggor ma, domma isintak parjahat siorni, ipasang panahni bani talini, laho manembak ibagas na golap halak sipintor uhur.
Anggo maseda palas, aha ma boi ibahen halak parpintor?
Marianan do Jahowa ibagas rumah-Ni na pansing ai, i nagori atas do paratas ni Jahowa; manatap do panonggor-Ni, sai ipareksa pangkirdop ni mata-Ni do anak ni jolma in.
Psalmen –
Iudan-udan halak parjahat marhitei apuy pakon hirtah, logou na milas do parbagianan bani panginumanni.
Ai pintor do Jahowa anjaha ihaholongi do hapintoron; idahon ni halak parpintor do bohi-Ni.
Tonggo Mangindo Pangurupion Marimbang Halak Parjahat
Bani pambobai koor. Domu hubani na paualuhkon. Psalm ni si Daud. ( - ) Urupi Ham ma, ale Jahowa, ai seng dong be halak na daulat; lambin o k do halak na bujur uhur i tongah-tongah ni anak ni jolma. ( - ) Sai ladung do isahapkon samah sidea,
marbibir na landit anjaha mardua uhur do sidea marsahap.
( - ) Sai ijabir Jahowa ma sagala bibir na landit, pakon haganup dilah na toal marsahap, ( - ) na mangkatahon, “Monang do
hanami ibahen dilahnami, bibirnami do mangkasomani hanami, ise ma nani tuannami?”
( - ) Mangidah hasosakan ni halak na madoyuk pakon hoih ni halak na
( - ) Sagala hata ni Jahowa hata na sintong do ai, usih songon pirak na nilala ibagas balanga, anjaha ipapitah pitu hali.
( - ) Ham Jahowa, sai parorot Ham ma sidea, sai ondingi Ham ma hanami marimbang bangsa on ronsi sadokah ni dokahni. ( - ) Inggot marhujai-hujon do halak
parjahat, sanggah manomboh hajahaton i tongah-tongah ni anak ni jolma.
Uhur na Kawah-kawah bani Pangurupion ni Jahowa
Bani pambobai koor. Psalm ni si Daud. ( - ) Sadiha dokah nari, Ham Jahowa, halupahonon-Mu ahu lalab? Sadiha dokahnari ponopkonon-Mu bohi-Mu humbangku?
( - ) Sadiha dokah nari sai tong marpingkir uhurhu, sai sunsah uhurhu ibagas layur-layur ari? Sadiha dokah nari sai pagijang diri munsuhku dompak ahu?
( - ) Sai mangkawah ma Ham, balosi Ham ma ahu, Ham Jahowa, Naibatangku! Palihar Ham ma matangku, ase ulang lanjar matei modom ahu;
Psalmen –
( - a) Ia ahu, bani idop ni uhur-Mu do ahu marhatengeran, marolob-olob do uhurhu, mangidah haluahon na hun Bamu.
( - b) Mandoding ma ahu bani Jahowa halani pambahenan-Ni na madear bangku.
Haotoon ni Jolma na Marnalangkon Naibata
(Pausih: Psalm )
Bani pambobai koor. Humbani si Daud. Nini halak na oto do ibagas uhurni, “Seng dong Naibata.” Bajan anjaha sambor do pambahenan ni sidea, sahalak pe lang sibahen na madear.
Manatap-natap do Jahowa hun nagori atas, paidah-idah anak ni jolma laho mangidah atap dong do na maruhur, sipindahi Naibata. Haganup do sidea kahou, haganupan seng
margagan, sahalak pe lang sibahen na madear, sahalak pe lang dong.
Seng marpambotoh nani sagala halak sihorjahon na jahat, na mangankon
bangsang-Ku songon na mangan ru , anjaha na so ongga mardilo Jahowa?
Tapi maningon tarsonggot do sidea use, ai ihasomani Jahowa do ginompar ni halak parpintor.
Ah, sai roh ma haluahon bani Israel hun Sion! Anggo suang ma ibahen Jahowa bangsa-Ni, marolob-olob ma Jakob anjaha marmalas ni uhur Israel.
Ise do na Boi Dohor bani Naibata?
Psalm ni si Daud. Ham Jahowa, ise do na boi tondok bani lampolampo-Mu? Ise do na malo marianan bani dolog-Mu na pansing in?
Ai ma halak na so panurakon bani parlahouni, sidalankon hapintoron, halak siluarhon na pintor ibagas uhurni;
na so manrisai marhitei dilahni, na so
mangkorjahon na jahat dompak hasomanni, anjaha na so parohkon habadoron bani sinkutani;
na mangkagigihon halak na pinabali, tapi na pasangapkon halak na mangkabiari Jahowa, na so mosei ia humbani bijani age rugi ia marhitei ai;
Psalmen
Hatuahon ni Halak na Daulat
Miktam. Humbani si Daud. Parorot Ham ma ahu Naibata, ai marlingod hu Bamu do ahu.
Ningku do dompak Jahowa, “Ham do Tuhanku, seng dong na pasonangkon ahu sobali Ham.”
Halak na ma pansing na i nagori on, marmulia do sidea, marosuh uhur hubani sidea. Buei do sitaronon ni halak sisombah na legan,
tapi seng ra ahu dihut manggalangkon galangan daroh ni sidea ai, nai ma, gari goran ni sidea seng sobuton ni bibirhu. Jahowa do parbagianan bangku ampa
panginumanku; Ham do sitotapkon parbagiananku.
Tongon do tali sibar-sibar mangonai bangku bani ianan na madear, nai ma, dear tumang do parbagiananku.
Pujionku do Jahowa, na mamodahi ahu, age borngin iajari piah-piahku do ahu.
Tongtong do hubahen Jahowa i lobei ni
matangku; anggo i siamunku Ia, seng anjai jurgang ahu.
Ai seng anjai ondoskonon-Mu tonduyhu hu nagori toruh, anjaha seng paturuton-Mu halak na daulat Bamu mangidah hamarsikon.
Sai patugahon-Mu do bangku dalan hagoluhan; gok do malas ni uhur i lobei ni bohi-Mu, anjaha hatuahon do i siamun-Mu sadokah ni dokahni.
Tonggo ni Halak na Pinarburu na So Ingkat Marsalah
Tonggo ni si Daud. Tangihon Ham ma, alo Jahowa, hapintoronku. Tangihon Ham ma elek-elekku! Parimbagaskon Ham ma tonggongku, na luar humbani bibir na so manipu.
Humbani bohi-Mu roh pamintorion bangku, panonggor-Mu do mangidah na sintong. Anggo ipapangkei Ham uhurhu, ipareksa Ham
borngin, anggo iuji Ham ahu, seng anjai jumpah Ham hajahaton bangku; seng ongga tarlopus parsahapku.
Ia pasal parlahou ni jolma, domu hubani hata na luar hun pamangan-Mu, hujagai do diringku dompak pambahenan ni halak sipangodoh-odoh.
Psalmen
Sai Ham do hudilo, ai ibalosi Ham do ahu, ale Naibata. Paeleng Ham ma pinggol-Mu bangku, tangihon Ham ma hatangkon. Patuduhkon Ham ma idop ni uhur-Mu na gok
halongangan in, Ham, alo Sipaluah halak na marlingod bani tangan-Mu siamun dompak imbang ni sidea.
Ramotkon Ham ma ahu songon anak ni mata; ponopkon Ham ma ahu i toruh ni linggom ni habong-Mu,
dompak halak parjahat na sihol mangagou ahu, dompak munsuhku na manloulou ahu, Itutup sidea do uhurni, marhitei pamanganni
isahapkon hagijangon;
igompangi sidea do ahu, tarloulou do ahu nuan, sai ipardiateihon mata ni sidea do ahu laho mangompaskon ahu hu tanoh.
Usih do ia hubani singa na laho manoroh, songon anak ni singa na monggop bani ianan na ponop.
Jongjong ma Ham Jahowa, dompakkon Ham anjaha ompaskon Ham ma ia, paluah Ham ma goluhku humbani parjahat marhitei podang-Mu,
marhitei tangan-Mu, Ham Jahowa, humbani jolma, ai ma halak paruhur dunia sadokah ia manggoluh, na dob ginokan-Mu
marniombah, na boi martading-tadingan bani na i pudini.
Tapi anggo ahu marhitei hapintoron idahonku do bohi-Mu, hubosuri diringku sanggah na puho ahu bani rupa-Mu.
Doding Tarima Kasih ni Raja Daud halani Hamonanganni
Bani pambobai koor. Humbani juakjuak ni Jahowa, ai ma si Daud, na manluarhon hata ni doding on bani Jahowa, bani panorang ipaluah Jahowa ia humbani tangan ni
munsuhni pakon humbani tangan ni si Saul, ( - ) nini, “Holong tumang do uhurhu bamu Jahowa, hagogohonku.
( - ) Jahowa, dolog batu bangku, batar-batarhu, na paluahkon ahu, Naibatangku, batu gingging anjaha parlingodanku, gantarhu, tanduk haluahonku pakon benteng bangku.
( - ) “Pinuji ma Jahowa!” ningku mandilohon, ai ipaluah do ahu humbani munsuhku.
( - ) Iinggo gilumbang ni hamatean do ahu, anjaha bah hamatean manonggo ahu; ( - ) isangkut tali ni nagori toruh do ahu, siding ni hamatean tagang dompak ahu. ( - ) Ibagas hasosakankai hudilo ma Jahowa,
Psalmen
itangihon do sorangku humbani rumah-Ni, anjaha das do doruhkai hu pinggol-Ni. ( - ) Munjei anjaha dugur ma tanoh on,
onjolan ni dolog pe murdug ma, munjei halani ringis-Ni.
( - ) Maripul do mus humbani igung-Ni, haluar apuy na mangankon humbani pamangan-Ni, narnar na gara marjimbur hun Bani.
( - ) Iondun ma langit, turun ma Ia, lo r do i toruh ni nahei-Ni.
( - ) Mangajak herub do Ia, anjaha habang mayap-ayap bani habong ni logou.
( - ) Na golap do ibahen manrungkub-Si, lampolampo-Ni inggot ni bah na mamirong ampa hombun na hapal.
( - ) Humbani sinalsal na i lobei-Ni luar do hombun-Ni, ambolas pakon gara ni apuy. ( - ) Marhata ma longgur ibahen Jahowa i
langit, ipamaling Na Timbul in ma sora-Ni. ( - ) Isiorhon ma panah-Ni laho pamerap
sidea, ibahen do mardejep-dejep hilap laho mardakdak sidea.
( - ) Idurdurhon do tangan-Ni hun babou manangkap ahu, idokdok do ahu humbani bah banggal.
( - ) Ipaluah do ahu humbani munsuhku na gogoh, humbani halak na mandondoni ahu, sigogohan humbangku.
( - ) Idorab sidea do ahu bani ari hasunsahanku, tapi Jahowa do hatundalanku.
( - ) Itogu do ahu bani ianan na lumbang, ipaluah do ahu, ai marosuh do Ia bangku. ( - ) Ibahen Jahowa do hu bangku romban
hubani hapintoronku, romban hubani haborsihon ni tanganku ipasuang hu bangku,
( - ) ai huihutkon do dalan ni Jahowa, seng dong manjaha ahu, marbalik humbani Naibatangku.
( - ) Sai tong do i lobei ni matangku sagala aturan-Ni, anjaha seng hupadaoh tah-Ni humbangku.
( - ) Seng dong sihataon bangku i lobei-Ni, hujaga do diringku dompak hajahaton. ( - ) Halani ai ibalos Jahowa do hu bangku
romban hubani hapintoronku, romban hubani haborsihon ni tanganku i lobei-Ni. ( - ) Hubani na bujur uhur, bujur do Ham,
Psalmen
( - ) Bani halak paruhur na pansing ipa dak Ham do hapansingon-Mu, tapi marah do uhur-Mu dompak halak pargeduk.
( - ) Ipaluah Ham do bangsa na madoyuk, tapi ipatoruh Ham do mata na toal.
( - ) Ai Ham do, alo Jahowa, mambahen palitangku marsinalsal; Jahowa Naibatangku do palihar hagolapanku.
( - ) Marhasoman Ham tardorab ahu do hulanan ni bala, mangunsagahkon Naibatangku tarlumpat ahu do tembok. ( - ) Gokan dear do dalan ni Naibata, pitah
do hata ni Naibata, Ia do gantar ni ganup halak, na marlingod hu Bani.
( - ) Ai ise ma Naibata sobali Jahowa, ise batar-batarta sobali Naibatanta?
( - ) Naibata do na manggonditkon hagogohon bangku, anjaha ipatorsa do dalanku.
( - ) Ia do mambahen naheihu songon nahei ni ursa boru-boru, anjaha ipajongjong do ahu i atas buntu-buntu.
( - ) Ia do mangajari tanganku marmunsuh, gabe pandei tanganku manintak sior
tombaga.
( - ) Ibere Ham do bangku gantar ni
do ahu, anjaha halayakon-Mu pabanggal ahu.
( - ) Ipalumbang Ham do ianan
panlangkahanku, anjaha seng tarsimpok mata ni ari ni naheihu.
( - ) Hupardakdak do munsuhku ronsi dapot sidea, seng mulak ahu paima rasei sidea.
( - ) Huropuki do sidea, gabe seng tarbahensi be jongjong, radag do sidea i toruh ni naheihu.
( - ) Igonditkon Ham do bangku hagogohon laho marporang, ipatunduk Ham do
imbangku hu toruhku.
( - ) Ipaundur Ham do munsuhku i
lobeihu, anjaha siap do hubahen sagala na mandomdomi ahu.
( - ) Dilo-dilo sidea, tapi seng dong na paluahkon, hubani Jahowa homa, tapi seng itangihon sidea.
( - ) Jadi huluma ma sidea songon orbuk sihabangkonon ni logou, hulotlo ma sidea songon hubang i tongah dalan.
Psalmen –
( - ) ibogeihonsi pasal ahu, mintor itangihon do ahu, halak silegan pe tunduk do sidea papuji-puji ahu.
( - ) Mandatei do halak silegan, hi r-hi r do sidea luar humbani bentengni.
( - ) Manggoluh do Jahowa, sai tarpuji ma batar-batarhin, sai mbul ma Naibata ni hatuahonku,
( - ) Naibata sibere pambalason hu bangku, anjaha na patundukkon bangsa-bangsa bangku.
( - ) Na paluahkon ahu humbani munsuhku, nai ma, na pagijangkon ahu mangimbang sagala na manlawan ahu, na paluahkon ahu humbani halak sipangodoh-odoh.
( - ) Halani ai pujionku do Ham Jahowa i tongah-tongah ni sagala bangsa, anjaha dodingkononku do goran-Mu.
( - ) Ia do sibere hatuahon banggal bani raja-Ni, anjaha sibere idop ni uhur bani na mininakan-Ni, ai ma hubani si Daud ampa hubani ginomparni ronsi sadokah ni dokahni.”
Hamuliaon ni Naibata, na Pinatalar ni Panompaon-Ni pakon Titah-Ni
hamuliaon ni Naibata, anjaha hajangkajang mangambilankon pambahenan ni tangan-Ni. ( - ) Ari na sada patugahkon ai bani ari na
sada nari, borngin na sada padaskon ai bani borngin na sada nari;
( - ) seng marhasoman hata, seng
marhasoman sahap, anjaha seng tarbogei sorani,
( - ) age sonai torus do sorani bani sab tanoh on anjaha sahapni das hu ujung ni dunia on. Ijai ipauli do lampolampo bani mata ni ari, ( - ) na mandarat humbani kamarni songon
siparunjuk, anjaha na marolob-olob songon puanglima marayak sidalananni.
( - ) Poltak do ia humbani ujung ni langit na sada, anjaha mardalan das bani ujung ni na sada nari, aha pe lang na ponop humbani milasni.
( - ) Gokan dear do tah ni Jahowa, boi pahinsah uhur; sintong do hasaksian ni Jahowa; iparuhuri do na bulus uhur.
( - ) Pintor do tah ni Jahowa, boi pamalas uhur; pitah do tah ni Jahowa, ipalihar do pangidah.
Psalmen –
( - ) Harganan do ai ase omas, ase buei omas na pinapitah, tobunan do ai ase manisan ni lobah, humbani tobu-tobu ni huramah.
( - ) Juakjuak-Mu pe dapotan sipasingat do marhitei ai; dapotan upah banggal do halak na mangkorjahon ai.
( - ) Hakahouon -- ise ma na mangar hon ai? Paluah Ham ma ahu humbani salah na ponop!
( - ) Ramotkon Ham ma juakjuak-Mu
humbani gijang ni uhur, ase ulang irajai ahu, jadi seng be dong sihataon bangku, gabe borsih ma ahu humbani panlanggaron na banggal.
( - ) Sai harosuhkon Ham ma hata ni
pamanganku ampa pamingkir-mingkirion ni uhurhu, Ham Jahowa, batar-batarhu ampa sipaluah ahu.
Tonggo Mangapi Raja
Bani pambobai koor. Psalm ni si Daud. ( - ) Sai ibalosi Jahowa ma ham bani panorang hasosakan, goran ni Naibata ni si Jakob ma manramotkon ham!
( - ) Sai mardingat ma Ia bani galanganmu, anjaha sai iharosuhkon ma galangan situtungonmu. Sela.
( - ) Sai ibere ma hu bamu harosuh ni uhurmu, anjaha ipasaud ma sura-suramu, ( - ) ase marsurak-surak hanami halani
hamonanganmu, anjaha manaikkon mandera mangunsagahkon goran ni Naibatanta; sai ipasaud Tuhan ma sagala pangindoanmu.
( - ) Sonari pe hubotoh, paboa sai ipamonang Jahowa do na mininakan-Ni, sai ibalosi do ia humbani surga-Ni na pansing in, marhitei haluahon, na binahen ni tangan siamun-Ni na gogoh in.
( - ) Ia sidea gareta pakon huda do iunsagahkon, tapi anggo hita goran ni Jahowa Naibatanta do pangajamanta. ( - ) Rebad do sidea anjaha mangkatompas,
tapi anggo hita puho do use anjaha jongjong totap.
( - ) Ham Jahowa, urupi Ham ma raja in, balosi Ham ma hanami, sadihari dilo-dilo hanami Bamu.
Doding Tarima Kasih halani Hamonangan ni Raja
Psalmen
do raja in halani hagogohon-Mu, anjaha marolob-olob tumang do ia mangidah haluahon na hun Bamu.
( - ) Ibere Ham do hubani pinindo ni uhurni, anjaha seng itulak Ham pangindoan ni bibirni. Sela.
( - ) Ai ialo-alo Ham do ia marhasoman pasu-pasu na banggal, igotongkon Ham do bani sortali omas.
( - ) Ipindo do hagoluhan hun Bamu; ibere Ham do hu bani umur na ganjang ronsi sadokah ni dokahni.
( - ) Timbul do hasangaponni halani
pangurupion na hun Bamu, hatunggungon pakon hahormaton ibere Ham do hu bani. ( - ) Ibahen Ham do ia gabe pasu-pasu torus,
ipasabou Ham do ia marhitei malas ni uhur ni bohi-Mu.
( - ) Ai martenger ni uhur bani Jahowa do raja in, anjaha halani idop ni uhur ni Tang Si mbulan in, seng anjai rebeh ia.
( - ) Sai na jumpah tangan-Mu do munsuh-Mu; anjaha sai na jumpah tangan
siamun-Mu do na mandomdomi Ham. ( - ) Doskon pamurunan do sidea
( - ) Boiskonon-Mu do niombah ni sidea hun tanoh on, ginomparni hun tongah-tongah ni jolma manisia.
( - ) Anggo ipingkiri sidea na jahat dompak Ham, anggo iranggihon tahi-tahi seng anjai saud ai.
( - ) Sai na maporus do sidea bahenon-Mu; tembakon-Mu do bohi ni sidea marhitei sior-Mu.
( - ) Jongjong ma Ham, ale Jahowa, ibagas hagogohon-Mu, ase ipuji anjaha idodingkon hanami kuasa-Mu.
Ham Naibatangku, Mase Itadingkon Ham Ahu?
Bani pambobai koor. Inggouni: Balua
manlele siang. Psalm ni si Daud. ( - ) Ham Naibatangku, mase ma itadingkon Ham ahu, mandaoh Ham humbani elek-elekku pakon humbani sora ni doruh-doruhku?
( - ) Ham Naibatangku, dilo-dilo do ahu arian, tapi seng ibalosi Ham, borngin pe, tapi seng jumpah ahu hasonangan.
( - ) Tapi Ham do Na Pansing in, na marhotak i atas ni sipujion ni Israel.
Psalmen
( - ) Hu Bamu do sidea dilo-dilo, gabe maluah do sidea; porsaya do sidea Bamu, jadi seng tarbador sidea;
( - ) tapi anggo ahu goya mando, seng be jolma, siapason ni halak, sidorunon ni halak na mabuei.
( - ) Haganup na mangidah ahu pahiri-hiri ahu, ipambebeo do ahu anjaha iupir-upirhon uluni,
( - ) “Bani Jahowa ma ia marondos, ase ipaluah ia, anggo na marosuh do tongon Ia bani!”
( - ) Ham do na manogu ahu humbani partapaan, Ham do patenger uhurhu mangonsop bagod ni inang;
( - ) humbani partubuhku nari Ham do parondosanku, humbani partapaan nari Ham do Naibatangku.
( - ) Sai ulang ma mandaoh-daoh Ham humbangku, ai dohor do hasosakan, seng dong sipangurupi.
( - ) Buei do lombu jonggi manlio ahu, anjaha horbou ni Basan mangurup ahu. ( - ) Ipangangang bei do babahni dompak
( - ) Durus do ahu songon bah,
mangkasirang holi-holingku, uhurhu pe songon lilin do, malala ibagas diringku. ( - ) Horah do tolonanku songon
sanga-sanga, anjaha dilahku longkot do bani langit-langitku; bani orbuk ni hamatean do iparagei Ham ahu.
( - ) Ai ilio baliang do ahu, anjaha hulanan ni parjahat manginggo ahu, itobaki do tanganku pakon naheihu.
( - ) Boi do hubilangi haganup holi-holingku, pasombuhkon do sidea mangidah ahu.
( - ) Ibagi sidea do hiouhu, manjomput na sinurat do sidea pasal baju-bajungku.
( - ) Tapi Ham Jahowa, ulang ma Ham
mandaoh-daoh; Ham hagogohonku, oloskon Ham ma mangurupi ahu!
( - ) Sai paluah Ham ma hosahku humbani podang, tonduyhu na lungunan on humbani sisilon ni baliang.
( - ) Sai paluah Ham ma ahu humbani babah ni singa, anjaha bansah bahen Ham humbani tanduk ni horbou jalang.
( - ) Ambilankononku ma goran-Mu bani saninangku, pujionku ma Ham i tongah-tongah ni kuria in.
Psalmen
pasangap ma Ia, mabiar ma nasiam Bani, nasiam ginompar ni Israel.
( - ) Ai seng ongga ipahiri anjaha magigi Ia bani hadoyukon ni na madoyuk, anjaha seng ongga iponopkon bohi-Ni hu bani, itangihon do sanggah dilo-dilo Bani.
( - ) Hun Bamu do harohan ni puji-pujianku i tongah-tongah ni kuria na banggal in, galaronku ma bagah-bagahku i lobei ni sagala na mangkabiari-Si.
( - ) Sai na mangan anjaha maningon bosur do halak na masombuh; maningon mamuji-muji Jahowa do halak na mangindahi-Si. Sai hinsah do uhur ni sidea sadokah ni dokahni. ( - ) Dingaton ni sagala ujung ni tanoh on
ma ai anjaha mulak bani Jahowa; sagala bangsa sipajuh begu-begu maningon manrogop do i lobei-Ni.
( - ) Ai Jahowa do simada harajaon, anjaha Ia do na mamarentah sagala bangsa.
( - ) Nai ma, maningon marsombah do hu Bani sagala na sangap-sangap ni tanoh on, anjaha maningon do manrogop hu lobei-Ni sagala na dob tuad hubagas orbuk ampa halak na so manggoluh be tonduyni.
( - ) Ambilankonon do hapintoron-Ni bani sagala bangsa na laho tubuh ope, paboa Ia do na pasaudkonsi.
Jahowa Siparmahan Ahu
Psalm ni si Daud. Jahowa do siparmahan ahu, seng anjai hurangan ahu.
Ipatudu do ahu bani sampalan na mombur, anjaha itogu-togu do ahu hu bah
parsaranan.
Ipahisar do tonduyhu, itogu do ahu bani dalan hapintoron halani goran-Ni in.
Age pe mardalan ahu bani lombang bagas ni hagolapan, seng mabiar ahu, ai Ham do mangkasomani ahu; tungkot-Mu pakon simambu-Mu do na mangapohi ahu.
Ham do na mangidangi ahu i lobei ni munsuhku, iminaki Ham do ulungku anjaha sirnib do panginumanku.
Dear layak ampa idop ni uhur do mangirik-irik ahu sadokah goluhku; janah sihol do
marianan ahu i rumah ni Jahowa sadokah ni dokahni.
Parmasuk ni Raja ni Hamuliaon
Psalmen
Ai Ia do pajonamkonsi i atas ni laut, anjaha ipatotap do i atas ni bah mardalan.
Ise do na boi tangkog hu dolog ni Jahowa? Ise do na boi jongjong bani ianan-Ni na pansing in?
Partangan na borsih ampa paruhur na pitah, halak na so mandompakkon tonduyni bani na so margagan, ampa halak na so ra marbija laho manipu.
Ia ma na manjalo pasu-pasu humbani Jahowa pakon hapintoron humbani Naibata na paluahkonsi.
Ai ma sundut na sungkun-sungkun pasal Jahowa, na mangindahi bohi-Mu, Ham Naibata ni Jakob. Sela.
Pagijang ma ulunima, ale sagala horbangan, tarangkat ma hanima, ale labah na basaia, ase masuk raja ni hamuliaon.
Ise ma nani Raja ni hamuliaon in? In ma Jahowa, na Gogoh anjaha Puanglima, Jahowa
Puanglima i parporangan.
Ipagijang ma ulunima, ale sagala horbangan, tarangkat ma hanima, ale labah nabasaia, ase masuk raja ni hamuliaon in.
Pangindoan Pasal Hasasapan ni Dousa ampa Panramo on
Humbani si Daud. Hu Bamu do Jahowa, hudompakkon tonduyhu.
Ham Naibatangku, hu Bamu do ahu martenger ni uhur, ulang ma lopas Ham ahu tarbador, ulang ma marsurak-surak munsuhku
mangidah ahu.
Tongon, seng anjai tarbador sagala na marnalom ni uhur Bamu; tapi maningon tarbador do halak pangeluk na so ingkat marhala.
Ham Jahowa, pabotohkon Ham ma hu bangku dalan Mu, ajarhon Ham ma hu bangku lapang-Mu.
Sai togu Ham ma ahu ibagas hasintongan-Mu, ajari Ham ma ahu; ai Ham do Naibata ni hatuahonku, Ham do hupanalom ganup ari. Sai ingat Ham ma, ale Jahowa, sagala dear
ni layak-Mu pakon idop ni uhur-Mu, ai humbani nabasaia nari do in.
Sai ulang ma padingat-dingat Ham dousa haposoonku pakon panlanggaronku, sai ingat Ham ma ahu romban hubani idop ni uhur-Mu, halani dear ni layak-Mu, Ham Jahowa.
Layak anjaha bonar do Jahowa, halani ai
Psalmen
Itogu-togu do halak na madoyuk mardalan ibagas hasintongan, anjaha iajarhon do dalan-Ni bani halak na masombuh.
Sagala dalan ni Jahowa idop ni uhur do ai ampa hasintongan, bani halak na manramotkon padan-Ni pakon hasaksian-Ni.
Halani goran-Mu, Ham Jahowa, sasap Ham ma dousangku, ai banggal do in.
Ise do halak na mangkabiari Jahowa? Hubani do ajarhonon-Ni dalan sipilihon-Ni.
Tonduy-Ni marianan do bani hasonangan, anjaha ginomparni do manean tanoh on. Udung do uhur ni Jahowa bani na
mangkabiari-Si, ipabotohkon do padan-Ni bani sidea.
Sai mangkawah do matangku dompak Jahowa, ai Ia do paluahkon naheihu humbani siding. Dompakkon Ham ma ahu, maidop ma uhur-Mu
bangku, ai lungunan anjaha madoyuk do ahu.
Palumbang Ham ma ahu humbani hasosakan ni uhurhu, paluah Ham ma ahu humbani hasunsahanku.
Kawahkon Ham ma hadoyukonku pakon hangalutonku, sasap Ham ma haganup dousangku.
Ramotkon Ham ma tonduyhu anjaha paluah Ham ma ahu, ulang tarbador ahu, ai Bamu do ahu marlingod.
Sai hapansingon ampa hapintoron ma manramotkon ahu, ai Bamu do ahu marhatengeran.
Ham Naibata, sai paluah Ham ma Israel, humbani haganup hasosakanni.
Tonggo ni Halak na Daulat Ibagas Hasosakan
Humbani si Daud. Luluhon Ham ma ahu, Ham Jahowa, ai ibagas hadaulaton do ahu marparlahou; bani Jahowa do ahu marhatengeran, seng molei-olei ahu. Uji Ham ma ahu, ale Jahowa, anjaha suba
ma, pareksa Ham ma piah-piahku pakon pusu-pusungku.
Ai tongtong do i lobeihu idop ni uhur-Mu, anjaha romban hubani hasintongan-Mu do ahu marparlahou.
Seng ongga hundul ahu pakon siparladung, anjaha seng marsaor ahu pakon
sipakulah-kulah.
Psalmen –
Huburihi do tanganku tanda lang marsalah, anjaha huinggo do anjapanjap-Mu, Ham Jahowa,
laho pabogeihon sora puji-pujian, laho
mambaritahon haganup halongangan na binahen-Mu.
Ham Jahowa, huhaholongi do hajongjongan ni rumah-Mu, ianan hasogopan ni
hamuliaon-Mu.
Ulang ma masabkon Ham tonduyhu rap pakon pardousa, atap goluhku rap pakon siduruskon daroh,
ai ma halak na buei longkot hajahaton bani tangan ni sidea, anjaha gok sisip tanganni siamun.
Tapi anggo ahu, ibagas hadaulaton do
marparlahou, paluah Ham ma ahu, maidop ma uhur-Mu bangku.
Jongjong bani dalan hanopan do naheihu, sai pujionku do Jahowa ibagas sagala parhumpulan.
Sonang Ibagas Pandingdingi ni Naibata
Sanggah roh parjahat mandorab ahu laho mangankon dagingku, ai ma imbangku pakon munsuhku, jadi mangkatompas anjaha marrageian ma sidea.
Anggo roh bala mamorang ahu, seng mabiar uhurhu, age roh porang dompak ahu, sai tenger do uhurhu.
Sada do hupindo humbani Jahowa, ai do na hupindahi, ase boi ahu marianan i rumah ni Jahowa sadokah manggoluh ahu, laho paidah-idah hinajenges ni Jahowa, laho marsombah i rumah-Ni.
Ai iondingi do ahu ibagas lampolampo-Ni bani ari hamagouan; bani parponopan ibagas lampolampo-Ni ai, ipagijang do ahu hu atas dolog batu,
gabe mandirgak ma ulungku nuan i atas ni munsuhku na manginggo ahu; halani ai galangkononku ma galangan ibagas
lampolampo-Ni, ai ma galangan puji-pujian, mandoding anjaha mamuji-muji ma ahu bani Jahowa.
Tangihon Ham ma, ale Jahowa, sorangku na hudilohon on, maidop ma uhur-Mu bangku, anjaha balosi Ham ma ahu.
Psalmen –
Ulang ma ponopkon Ham bohi-Mu dompak ahu, ulang ma tulak Ham juakjuak-Mu ibagas ringis-Mu; Ham do pangurupingku, ulang ma pabali Ham ahu, anjaha ulang ma tadingkon Ham ahu, Ham Naibata ni hatuahonku.
Domma itadingkon bapa pakon inang ahu, tapi itampin Jahowa do ahu.
Ajarhon Ham ma bangku dalan-Mu, ale Jahowa, togu Ham ma ahu bani dalan hanopan halani imbang-imbangku.
Ulang ma ondoskon Ham ahu hubagas ringis ni munsuhku, ai jongjong do mangimbang ahu saksi parladung, sisompulhon hajahaton. Totap do hubotoh, sai idahonku do hinadear ni
Jahowa, i tanoh ni halak na manggoluh. Parhanalom ma Jahowa, pagomos anjaha
patoguh ma uhurmu. Nai ma, parhanalom ma Jahowa.
Naibata do Gantar Bangku
Humbani si Daud. Hu Bamu do ahu
dilo-dilo, ale Jahowa, dolog batungku; ulang sai sip Ham dompak ahu, ase ulang ahu doskon na manuruk tanoman, anggo sai sip Ham dompak ahu.
tanganku hubani ianan-Mu na pansing sahalian in.
Ulang ma sarad Ham ahu rap pakon halak parjahat ampa sihorjahon hagedukon, na basar marsahap dompak hasomanni, hape hajahaton do ibagas uhurni.
Balaskon Ham ma hubani sidea romban bani pambahenan ni sidea pakon domu hubani jahat ni ulahni; balaskon Ham ma romban hubani horja ni tangan ni sidea; paulak Ham ma bani sidea na hinorjahon ni sidea.
Ai seng parduli sidea bani pambahenan ni Jahowa, sonai homa horja ni tangan-Ni; parsedaon-Ni ma sidea anjaha seng be paulion-Ni.
Na puji ma Jahowa, ai domma itangihon sora ni elek-elekku.
Jahowa do gogohku pakon gantarhu; hu Bani do mangarap uhurhu gabe iurupi do ahu. Halani ai marolob-olob do uhurhu, anjaha hupuji ma Ia marhitei dodingku.
Jahowa do pargogoh bani bangsa-Ni, anjaha batar-batar hatuahon do Ia bani na mininakan-Ni.
Psalmen
Hamuliaon ni Jahowa Ibagas Longgur
Psalm ni si Daud. Bere nasiam ma bani Jahowa, nasiam parnagori atas, bere nasiam ma bani Jahowa hamuliaon pakon hagogohon.
Bere nasiam ma bani Jahowa hamuliaon ni goran-Ni; manrogop ma nasiam i lobei ni Jahowa marpakeian na ma pansing.
Sora ni Jahowa do i atas ni sagala bah, Naibata ni hamuliaon do parohkon longgur. Jahowa do i atas ni bah na bolag.
Gok hagogohon do sora ni Jahowa; gok do hajombuton bani sora ni Jahowa.
Sora ni Jahowa do mamonggolhon hayu ares; nai ma, Jahowa do na mamonggolhon hayu ares i Libanon.
Ibahen do sidea manlumpat-lumpat songon anak ni lombu, Libanon ampa Sirion songon anak ni horbou jalang.
Sora ni Jahowa do manjimburhon apuy.
Sora ni Jahowa do mambahen dugur halimisan, idugur Jahowa do halimisan Kades.
Marhotak do Jahowa i atas ni bah marbanggal, marhotak do Jahowa songon Raja sadokah ni dokahni.
Jahowa do mambere gogoh bani bangsa-Ni, Jahowa do mamasu-masu bangsa-Ni ibagas damei.
Doding Tarima Kasih halani Maluah
Psalm. Doding pamongkoton ni Rumah Panumbahan. Humbani si Daud. ( - ) Sihol do pa mbulonku Ham Jahowa, ai Ham do na mandokdok ahu humbani ianan na bagas, anjaha seng ipalopas Ham marmegah-megah munsuhku mangidah ahu.
( - ) Ham Jahowa, Naibatangku, hu Bamu do ahu dilo-dilo, jadi ipamalum Ham do ahu. ( - ) Ham Jahowa, domma ipanaik Ham
tonduyhu hun nagori toruh, domma
ipagoluh Ham use ahu, maluah humbani na manuruk tanoman.
( - ) Dodingkon nasiam ma Jahowa, nasiam hinaholongan-Ni, puji ma goran-Ni na pansing in!
Psalmen –
( - ) Tapi anggo ahu sanggah sonang ongga huhatahon, “Seng anjai targompang ahu.” ( - ) Ham Jahowa, marhitei dear layak-Mu
ipatotap Ham do ahu i atas ni dolog na toguh; hape ijin iponopkon Ham bohi-Mu mintor tarsonggot ahu.
( - ) Hu Bamu do ahu dilo-dilo, Ham Jahowa, hubani Naibatangku do ahu mangelek-elek. ( - ) Aha ma laba-Mu marhitei darohku,
anggo tuad ahu hu tanoman? Boi ma pujion ni orbuk Ham atap patugahonni habujuron-Mu?
( - ) Tangihon Ham ma Jahowa, maidop ma Ham bangku, Ham Jahowa, sai Ham ma pangurupi bangku!
( - ) Domma ipaubah Ham tangisku gabe tortor bangku. Domma itanggali Ham pusok ni uhurhu, anjaha igonditkon Ham do
bangku malas ni uhur,
( - ) ase mandoding-doding tonduyhu Bamu anjaha lang masip. Ham Jahowa, Naibatangku, sadokah ni dokahni do Ham pujionku.
Tonggo Ibagas Hasosakan
lalab bador; paluah Ham ma ahu marhitei hapintoron-Mu!
( - ) Paeleng Ham ma pinggol-Mu hu bangku, tarolos ma Ham paluahkon ahu. Ham ma bangku dolog-batu paronding-ondingan, gabe benteng na toguh laho paluahkon ahu; ( - ) ai Ham do tongon dolog batungku pakon
bentengku, halani goran-Mu iring-iring anjaha togu Ham ma ahu.
( - ) Sai paluah Ham ma ahu humbani siding, na ponop itaon halak laho manangkap ahu, ai Ham do haporusanku.
( - ) Hubagas tangan-Mu do huondoskon tonduyhu, ai domma itobus Ham ahu, ale Jahowa, Ham Naibata hatengeran ni uhur. ( - ) Ihagigihon Ham do na manombah
sisombahon na so margagan, tapi anggo ahu tenger do uhur hubani Jahowa.
( - ) Marolob-olob anjaha marmalas ni uhur do ahu bani idop ni uhur-Mu, ai ikawahkon Ham do hadoyukonku, anjaha ibotoh Ham do hasosakan ni tonduyhu.
( - ) Seng iondoskon Ham ahu hubagas tangan ni munsuh, ipajongjong Ham do nahei
hubani na lumbang.
( - ) Maidop ma uhurmu bangku, ale
Psalmen
uhur holok do matangku, galek do tonduyhu pakon pamatangku.
( - ) Bois do gogohku ibahen horu ni uhur, ampa ari-ari ni goluhku ibahen holsohku; surut do gogohku ibahen panlanggaronku, seng margolle be holi-holingku.
( - ) Parbileian do ahu i lobei ni na manosak ahu, ampa bani halak romban rumahku; tarsonggot do na mananda ahu, manimbil bei do na mangidah ahu i dalan.
( - ) Ihalupahon ahu songon halak na matei, marosak do ahu songon sanga-sanga.
( - ) Hubogei do husip-husip ni buei halak, “Habiaran inggot!” Rap manriah do sidea manguhurhon ahu, mambahen ranggian do sidea laho mambuat goluhku.
( - ) Tapi anggo ahu, Bamu do ahu
martenger ni uhur, ale Jahowa, ningku do, “Ham do Naibatangku.
( - ) Marguru Bamu do goluhku, paluah Ham ma ahu humbani tangan ni munsuhku pakon humbani na mangayak-ayak ahu. ( - ) Sondangkon Ham ma bohi-Mu bani
juakjuak-Mu, paluah Ham ma ahu marhitei idop ni uhur-Mu.
ma namin halak parjahat, anjaha masip tuad hu nagori toruh.
( - ) Sai sip ma sagala bibir parladung, na jungkat marsahap dompak halak parpintor, gok hatoalon ampa pangapasion.
( - ) Banggalni in dear ni layak-Mu, na pinasirsir bani halak na mangkabiari Ham, na binahen-Mu bani halak na martenger ni uhur Bamu, i lobei ni anak ni jolma.
( - ) Iondingi Ham do sidea marhitei
pangondingion ni bohi-Mu dompak tahi-tahi ni jolma, iponopkon Ham do sidea bani lampolampo dompak sorgang-sorgang ni dilah.
( - ) Napuji ma Jahowa, ai tarlobih do idop ni uhur-Ni bangku bani panorang hasosakan. ( - ) Tapi anggo ahu, hupingkir hinan
do ibagas biarhu: Domma tarbuang ahu humbani panonggor-Mu. Hape itangihon Ham do elek-elekku, sanggah dilo-dilo ahu Bamu.
Psalmen –
( - ) Sai margogoh anjaha totap ma uhur nasiam, sagala na marpangarapan bani Jahowa.”
Hatuahon ni Halak na dob Sinasap Dousani
Humbani si Daud. Doding podah. Martuah ma halak na dob sinasap panlanggaronni, na dob nirungkub dousani.
Martuah ma halak anggo seng ihira Jahowa bani hajahaton, anjaha seng dong
sipakulah-kulah ibagas tonduyni.
Ai sadokah huhasipkon dousangku, reong do holi-holingku ibahen tangisku ganup ari. Ai sai idondoni tangan-Mu do ahu arian pakon
borngin, jadi horah ma darohku songon pambahen ni milas ni logou ni ari. Sela. Hupabotohkon ma Bamu dousangku, anjaha
seng huponopkon hajahatonku, ningku do, “Sopotkononku ma panlanggaronku hubani Jahowa, jadi isasap Ham do utang ni dousangku.”
Halani ai martonggo ma hu Bamu sagala na daulat maruhur, sanggah adong ope panorang boi marjumpah; roh pe sompong bah marraja, seng anjai das ai hu bani. Ham do parlingodanku, iramotkon Ham do
Huajari anjaha hupodahi pe ho pasal dalan sidalananmu, huparmaloi anjaha iiring-iring pangkawahku pe ho.
Ulang ma nasiam songon huda atap halode na so maruhur, na so ra dohor bam anggo lang pinaksa ni tali pakon kokang.
Buei do siandungon ni parjahat, tapi barang ise na martenger ni uhur bani Jahowa, inggotkonon-Ni do bani idop ni uhur. Marmalas ni uhur anjaha marolob-olob
ma sagala parpintor ibagas Jahowa; marmegah-megah ma ganup paruhur na pintor.
Puji-pujian ampa Pambalosion bani Jahowa Sipanompa ampa Sipanrajai in
Marolob-olob ma nasiam halak parpintor ibagas Jahowa, patut do mamuji-muji paruhur na bujur.
Puji ma Jahowa marhasoman husapi, dodingkon nasiam ma Ia marhitei husapi sisapuluh tali. Dodingkon nasiam ma Bani doding na baru,
giut nasiam ma tali husapi marhasoman tarompit.
Psalmen
Holong do uhur-Ni bani hapintoron ampa uhum. Idop ni uhur ni Jahowa do manggoki tanoh on.
Marhitei hata ni Jahowa do ijadihon langit, anjaha marhitei hosah ni pamangan-Ni sagala bala-Ni.
Ipatumpu do bah ni laut songon bongbongan, ibahen do laut bolag ai markamar-kamar. Sai marhabiaran bani Jahowa ma ganup tanoh
on, anjaha gobir ma i lobei-Ni ganup sindunia on.
Ai marsahap Ia gabe jadi ma, ai mamarentah Ia gabe adong ma.
Jahowa do mansedahon riah ni bangsa parbegu, seng asi ibahen pingkiran ni bangsa-bangsa.
Tapi ranggian ni Jahowa totap do sadokah ni dokahni, pingkiran ni uhur-Ni pe marsundut-sundut do.
Martuah ma bangsa na mambahen Jahowa Naibatani, ai ma bangsa pinilih-Ni gabe parbagianan Bani.
Manatap-natap do Jahowa hun nagori atas, ikawahkon ganup anak ni jolma in.
Humbani ianan-Ni marparatas tonggor do Ia bani haganup na mangiankon tanoh on. Ia do na manjadihon uhur ni sidea, Ia
Seng monang raja marhitei buei ni bala, seng maluah puanglima marhitei surung ni gogoh.
Taroto do halak na mangajamkon gogoh ni huda, ai marhitei gogohni na buei ai seng boi ia paluahkon.
Tonggor ma, dompak na mangkabiari-Si do mata ni Jahowa, dompak halak na marpangarapan bani idop ni uhur-Ni, laho paluahkon tonduy ni sidea humbani
hamatean, anjaha laho pagoluhkon sidea bani musim lohei.
Marhatengeran bani Jahowa do tonduynami, Ia do pangurupi pakon gantar bennami. Ai marhiteihon-Si do malas uhurnami; ai
bani goran-Ni na pansing in do hanami marhatengeran.
Sai sorap ma, Ham Jahowa, idop ni uhur-Mu bennami, songon na niarapkonnami hun Bamu.
Iramotkon Tuhan do Siminik-Ni
Psalmen
( - ) Marhitei Jahowa do marmegah-megah tonduyhu, ibogei halak na madoyuk ma ai gabe malas ma uhurni.
( - ) Hasomani nasiam ma ahu pabanggalhon Jahowa, sai rap ma hita pa mbulhon
goran-Ni in.
( - ) Hupindahi do Jahowa, anjaha ibalosi do ahu; ipaluah do ahu humbani sagala habiaranku.
( - ) Mangkawah ma nasiam hu Bani, ase minar nasiam, gabe lang tarmela bohi nasiam.
( - ) Dilo-dilo do halak na masombuh on, itangihon Jahowa do ia, anjaha ipaluah do ia humbani haganup hasosakanni.
( - ) Marjaga do malekat ni Jahowa inggot bani na mangkabiari-Si, anjaha ipaluah do sidea.
( - ) Dai anjaha tonggor nasiam ma dear ni layak ni Jahowa, martuah ma halak na martenger ni uhur Bani.
( - ) Habiari nasiam ma Jahowa,
nasiam sagala na pansing, ai seng anjai marhahurangan sagala na mangkabiari-Si. ( - ) Anak ni singa hurangan do anjaha
( - ) Roh ma, nasiam anak, tangihon nasiam ma hatangku, ase huajarhon bani nasiam biar dompak Jahowa.
( - ) Ise halak na sihol mangkaholongi goluh on, na mangkarosuhkon mangidah ari na madear?
( - ) Jaga ma dilahmu dompak hajahaton, ampa bibirmu humbani hata pu.
( - ) Surut ma ho humbani na masambor, horjahon na madear, pindahi damei anjaha parayak ma ai.
( - ) Dompak halak parpintor do mata ni Jahowa, anjaha pinggol-Ni dompak dilo-dilo ni sidea.
( - ) Ilawan bohi ni Jahowa do sihorjahon na jahat, laho mamboiskon hun tanoh on pardingat ni sidea.
( - ) Anggo dilo-dilo halak parpintor, sai itangihon Jahowa do, anjaha ipaluah do sidea humbani haganup hasosakanni. ( - ) Dohor do Jahowa bani halak paruhur
na marosak, anjaha ipaluah partonduy na maropuk.
( - ) Buei pe sitaronon ni halak parpintor, tapi ipaluah Jahowa do ia humbani
haganupan ai.
Psalmen –
( - ) Sai hamatehonon ni parjahat do hajahaton, anjaha maningon marutang do na mandomdomi halak parpintor.
( - ) Jahowa do sitobus tonduy ni juakjuak-Ni, anjaha seng anjai marutang sagala na martenger ni uhur Bani.
Tonggo Mangindo Pangurupion humbani Munsuh
Humbani si Daud. Ham Tuhan, imbang Ham ma na mangimbang ahu, porang Ham ma na mamorang ahu.
Jolom Ham ma gantar etek pakon gantar bolon, jongjong ma Ham mangurupi ahu.
Ondamkon Ham ma tanja pakon tangkei dompak na mangayak ahu, hatahon Ham ma bani tonduyhu, “Ahu do sipaluah ho.” Bahen Ham ma maila anjaha tarbador na
manguhurhon hosahku, bahen Ham ma surut anjaha maila na manranggihon hamagouan dompak ahu.
Paturut Ham ma sidea songon lapa-lapa
niombus ni logou, anjaha malekat ni Jahowa ma mardakdak sidea.
Sai golap ma dalan ni sidea anjaha landit, anjaha malekat ni Jahowa ma marburu sidea.
Sai sogop ma bani hasedaon na so ingkat binotohni, siding na naonni na ponop ai ma manangkapsi, sai majomba ma ia hubagas godungni ai.
Tapi marolob-olob do tonduyhu ibagas
Jahowa, anjaha marmegah-megah halani pangurupi-Ni.
Haganup holi-holingku mangkatahon, “Ham Jahowa, ise ma na songon Ham, na paluahkon halak na madoyuk humbani halak sigogohkonni, halak na musil ampa na madorun humbani panrampok?”
Marrohan do saksi na jahat-jahat, isungkuni do ahu pasal na so hubotoh.
Na jahat do ibahen bangku balos ni na madear, tarpunjung do ahu halani ai.
Tapi anggo ahu, sanggah boritan sidea hinan, hupakei do pakeian pusok ni uhur, huarsik do diringku marhitei puasa, anjaha unduk do ahu martonggo,
songon dompak huan-kuanku ampa
saninangku sonai do hubahen pangabangku, marpakeian pusok ni uhur, unduk songon na mateian inang, sonai do unduk ahu.
Psalmen
ahu, anjaha seng marnamangadi sidea mangapasi ahu.
Seng maralang-alang sidea pahirihon ahu, ipangesnges do iponni dompak ahu. Ham Jahowa, piga dokah on do sai
paidah-idahon-Mu sonin? Paluah Ham ma
tonduyhu humbani siparaum, sonai homa hosahku humbani anak ni singa.
Sai pujionku do Ham i tongah-tongah ni Kuria na banggal, anjaha pasangaponku do Ham i tongah-tongah ni jolma na mabuei.
Sai ulang ma lopas Ham marmalas ni uhur imbangku, siparladung, mangidah ahu, na mangkasogamkon ahu na so ingkat marhala, na pahirdop-hirdop matani.
Ai seng dong damei isahapkon sidea, iranggi do panipuon dompak halak parsip i nagori in. Ipangangang sidea do babahni dompak
ahu, anjaha nini, “E, e, e, domma ididah matanami.”
Domma ididah Ham ai, Ham Tuhan, sai ulang ma Ham sip, sai ulang ma Ham mandaoh-daoh humbangku, ale Jahowa. Jongjong ma Ham anjaha roh ma Ham
mambela pakarangku, Ham Naibatangku anjaha Tuhanku!
Pintori Ham ma ahu romban hubani
ase ulang marmogah-mogah sidea mangidah ahu,
ase ulang ihatahon sidea ibagas uhurni, “E, e, domma das sura-surangku!” ase ulang ihatahon sidea, “Domma ibondut hanami ia!”
Sai maila anjaha tarbador ma sagala na mangkamalaskon hamagouanku. Sai
marhiou hailaon ampa habadoron ma halak na pajuntul-juntulhon dirini dompak ahu. Sai marolob-olob anjaha marmalas ni uhur ma
halak na mangkasiholi hapintoronku, sai tongtong ma ihatahon sidea, “Timbul do Jahowa, na mangkarosuhkon haluahon ni juakjuak-Ni.”
Sai patugah-tugahon ni dilahku do hapintoron-Mu, anjaha puji-pujian ma Bamu ganup ari.
Hapitungon ni Halak Pardousa ampa Hatuahon ni Parpintor
Bani pambobai koor. Humbani si Daud, juakjuak ni Naibata. ( - ) Marhusipi do dousa ibagas uhur ni parjahat; seng dong biar dompak Naibata bani parjahat.
Psalmen
( - ) Guak pakon ladung do hata-hata ni pamanganni; domma mangadi ia
mandalankon horja hasintongan ampa na madear.
( - ) Na jahat do hansa ipingkiri i podomanni, idompakkon do dalan na masambor; seng ihagigihon hajahaton.
( - ) Ham Jahowa, sundol do ronsi langit idop ni uhur-Mu, anjaha hasintongan-Mu das do bani hombun.
( - ) Songon dolog ni Naibata do toguh ni hapintoron-Mu, anjaha songon bah ni laut na so tarsibar do panguhum-Mu. Ham do sipaluah jolma pakon pinahan, ale Jahowa. ( - ) Man n ni in idop ni uhur-Mu Ham
Naibata, i linggom ni habong-Mu do marlingod anak ni jolma;
( - ) ibosuri sidea do dirini bani taboh-taboh ni rumah-Mu, ipainum Ham do sidea humbani bah harosuh-Mu,
( - ) ai i lambung-Mu do bah tubuh hagoluhan, ibagas haliharon-Mu ididah hanami haliharon.
( - ) Sai ulang ma mangonai bangku tunjang-tunjang ni sigijang uhur, sai ulang ma iusir tangan ni halak parjahat ahu. ( - ) Gobir anjaha mangkatompas do
sihorjahon hajahaton, ijombahon do sidea, anjaha seng tarbahensi be jongjong.
Lang Totap Hasonangan ni Parjahat
Humbani si Daud. Ulang ma ho marah dompak halak parjahat, anjaha ulang ma sogam uhurmu bani na mangkorjahon hagedukon;
ai doras do sidea melus songon poyon-poyon, anjaha hurleh songon tulmok na maratah. Martenger ni uhur bani Jahowa ma ho anjaha horjahon ma na madear. Iankon ma tanoh in, anjaha ramotkon habujuron.
Hamalaskon ma Jahowa, jadi bereon-Ni ma hubam harosuh ni uhurmu.
Ondoskon ma dalanmu bani Jahowa anjaha hatengerhon Ia, ase Ia patorsahon.
Jadi papoltakon-Ni ma hapintoronmu songon na lihar, anjaha habonaronmu songon tongah arian.
Psalmen
Ampogi ma ringis, tadingkon gila, ulang marsogam ni uhur, ai mambobai huhajahaton do hansa in.
Ai maningon masab do sihorjahon hajahaton, tapi halak na martenger ni uhur bani Jahowa do sitean tanoh on.
Tongkin nari gelah seng dong be parjahat in, anggo ipardiatei ho iananni, seng jumpah be ia;
tapi na lamlam maruhur do sitean tanoh in, anjaha hamalaskonon ni uhur ni sidea do hadameion na gok.
Sai martahi-tahi do parjahat dompak halak parpintor, anjaha ngesnges iponni ibahen dompaksi.
Tartawa do Jahowa mangidahsi, ai domma ididah paroh ni ajalni.
Isintak halak parjahat do podang anjaha ipasang siorni, laho manjombahon halak na madoyuk pakon na masombuh, laho manayat halak na bujur maruhur.
Hape podangni manobak pusu-pusuni sandiri, anjaha siorni mangkaponggol.
Rahanan do na o k, na dong bani halak parpintor, ase na marsulei-sulei bani halak parjahat,
Ibotoh Jahowa do ari ni halak na daulat, anjaha totap do sadokah ni dokahni siteanon ni sidea.
Seng anjai tarbador sidea sanggah roh hasosakan, anjaha bosuran do sidea bani musim lohei.
Tongon do, maningon magou do halak
parjahat, anjaha songon hajagaron ni ladang do munsuh ni Jahowa, masab do sidea songon mus.
Manraih do parjahat, tapi seng ipaulak; tapi paridop ni uhur anjaha pardear layak do halak parpintor.
Tongon do, halak na pinasu-pasu-Ni do
manean tanoh in, tapi halak na binuraan-Ni maningon magou do.
Jahowa do sibobai langkah ni dalahi, anjaha itumpak do dalan ni na hinarosuhkon-Ni. Targompang pe ia, seng lanjar gayap, ai Jahowa
do na manungkol tanganni.
Danak do ahu sapari, domma matua
sonari, tapi seng ongga huidah tartading halak parpintor, anjaha mangindo-indo sipanganon ginomparni.
Psalmen
Surut ma ho humbani na jahat, horjahon na madear, ase totap ho ronsi sadokah ni dokahni.
Ai holong do atei ni Jahowa bani uhum, anjaha seng itadingkon halak niidopan-Ni. Ramotkonon-Ni do sidea sadokah ni
dokahni, tapi ginompar ni halak parjahat maningon bois do.
Teanon ni halak parpintor do tanoh in, anjaha tongtong do sidea marianan ijin.
Mamodahkon hauhuron do pamangan ni halak parpintor, anjaha dilahni mangkatahon na sintong.
Iparimbagaskon do tah ni Naibatani ibagas uhurni, anjaha seng anjai tarlandit
langkahni.
Sai igompangi halak parjahat do halak parpintor, sihol do bunuhonni ia.
Tapi seng anjai bereon ni Jahowa ia hubagas tanganni, anjaha seng paturutonni ia hona uhum sanggah i paruhuman ia.
Ajamkon ma Jahowa anjaha ramotkon
dalan-Ni, jadi pa mbulon-Ni ma ho manean tanoh in, anjaha idahonmu ma parbois ni halak parjahat.
Ongga do huidah sada halak parjahat na
dob mamontas ahu use, hape seng dong be, hupindahi, hape seng dapot be.
Sai pardiatei ma habujuron anjaha horjahon na pintor, sai hadameion do dobni bani halak sisonai.
Tapi boiskonon-Ni do haganup halak sipangosei, anjaha siapkonon-Ni do ginompar ni halak parjahat.
Tapi humbani Jahowa do haluahon ni halak parpintor, Ia do parlingodan ni sidea sanggah hasosakan.
Jahowa do sipangurupi pakon na paluahkon sidea, Ia do na paluahkon sidea humbani tangan ni halak parjahat, ipabansah do sidea halani marlingod sidea Bani.
Tonggo Ibagas Naborit na Parah
(Pausih: Psalm )
Psalm ni si Daud. Bahen pardingatan. ( - ) Ham Jahowa, ulang ma pinsang Ham ahu ibagas ringis-Mu, ulang ma ajar Ham ahu ibagas gila-Mu!
( - ) ai mangkapan k do hu bangku
panah-Mu, anjaha idondoni tangan-Mu do ahu.
Psalmen
( - ) Ai isalpui dousangku do ulungku, anjaha songon pangodoh ni siboanon na borat do ai bangku.
( - ) Bau masik anjaha marnanah do ugahku, halani haotoonku.
( - ) Gundung mando ahu anjaha unduk mardalan, martudung-tudung do ahu mardalan ari-ari.
( - ) Ai milas do sab binongeihu, seng be dong na jorgit bani dagingku.
( - ) Mandatei anjaha marosak do huahap, morong-orong do ahu halani parborit ni pusu-pusungku.
( - ) Ham Jahowa, talar do i lobei-Mu sagala pangindoanku, anjaha hoih-hoihku pe seng ponop ai hun Bamu.
( - ) Sai mulbag-ulbag do pusu-pusungku, anjaha moru gogohku; haliharon ni mata pe seng dong be bangku.
( - ) Huan-huan pakon diha-dihangku
padaoh diri humbangku, anjaha sindohorhu mandaoh-daoh jongjong.
( - ) Na manguhurhon hosahku,
( - ) Tapi anggo ahu nengel mando, seng marpambogei, songon halak na longah do ahu, na so pabuha pamanganni.
( - ) Tongon, songon halak na so
marpambogei mando ahu, na so dong balos ibagas pamanganni.
( - ) Ibagas ai Ham do hupanalom, ale Jahowa; Ham ma na marbalos, ale Jahowa Naibatangku.
( - ) Nini uhurhu, “Gendo ulang marmalas ni uhur sidea mangidah ahu, ulang
mangenjeng sidea halani na tarlandit ai naheihu.”
( - ) Ai narus do ahu sihol targompang, anjaha sitarononku jonjon do i lobeihu. ( - ) Tongon, husopotkon do salahku,
anjaha huhoruhon do dousangku.
( - ) Tapi margogoh do na mamunsuhi ahu, anjaha buei do sidea na mandomdomi ahu seng marhala.
( - ) Ibalaskon sidea do na jahat balas ni na madear, anjaha ilawan ahu halani huporluhon na madear.
( - ) Ulang ma tadingkon Ham ahu, Ham Jahowa, ulang ma mandaoh-daoh Ham humbangku, Ham Naibatangku!
Psalmen
Tonggo Ibagas Paruntolon
Bani pambobai koor. Bani si Jedutun. Psalm ni si Daud. ( - ) Nini uhurhu, “Jagaonku ma parlahouhu, ase ulang
mardousa ahu marhitei dilahku; bahenonku do huntam bani pamanganku, sadokah jongjong halak parjahat i lobeihu.
( - ) Hupalongah do diringku, seng marsahap, sip do ahu age pasal na madear tapi lambin gunsang do pangahapanku;
( - ) lambin milas pusu-pusungku ibagas, lambin gara do huahap sanggah na marpingkir-pingkir ahu; jadi ningku ma marhitei dilahku,
( - ) ʻPatugah Ham ma, ale Jahowa, ajalhu bangku, pakon sibar-sibar ni ari-aringku, ase hubotoh na galek do ahu.ʼ
( - ) Tongon do, domma itotapkon Ham
ari-aringku piga-piga totap tumang, dokah ni umurhu hira na lang do i lobei-Mu; doskon sangombus hosah do hansa jolma in, age pe totap jongjong. Sela.
( - ) Sonari aha do sipaimaonku, Ham Tuhan? Hu Bamu do ahu martenger ni uhur.
( - ) Paluah Ham ma ahu humbani ganup panlanggaronku, ulang ma paturut Ham ahu ipahiri-hiri halak na oto.
( - ) Longah mando ahu, seng hubuha pamanganku, ai Ham do siaturhon ai. ( - ) Padaoh Ham ma lonsing-lonsing
humbangku, madamor do ahu ibahen pangodoh ni tangan-Mu.
( - ) Anggo iajar Ham jolma in marhitei pinsang-pinsang halani hasalahanni, gabe iparseda Ham do hinajengesni songon ginagat ni ngitngit; doskon sangombus hosah do hansa jolma in. Sela.
( - ) Sai tangihon Ham ma tonggongku, ale Jahowa, paeleng Ham ma pinggol-Mu bani doruh-doruhku, ulang ma sip Ham mangidah iluhku, ai partoloh do ahu i
lambung-Mu, anjaha panginsolat songon na lobeihu ganup.
( - ) Padaoh Ham ma pangkawah-Mu humbangku, ase suang ahu marmalas ni uhur, paima misir ahu, anjaha lang dong be.”
Tonggo Tarima Kasih ampa Pangindoan
Psalmen
do uhur hubani Jahowa; jadi ipaeleng do diri-Ni hu bangku, anjaha itangihon do dilo-dilongku.
( - ) Idokdok do ahu humbani godung hamagouan, humbani hubang na malhot; ipajongjong do naheihu hu atas ni dolog batu, ipatotap do langkahku.
( - ) Ibere do doding na bayu hubagas pamanganku, doding puji-pujian bani Naibatanta. Idahon ni buei halak ma ai, gabe mabiar anjaha martenger ni uhur bani Jahowa.
( - ) Martuah ma halak na mambahen Jahowa hatengeran ni uhurni, na so ra marbalik mangirikkon sigijang uhur, atap hubani sihorjahon ladung.
( - ) Buei do halongangan ampa ranggian-Mu, na dob binahen-Mu bennami, Ham Jahowa Naibatangku; seng adong na songon
Ham. Porini sihol ambilankononku atap baritahononku ai, seng targorani ibahen bueini.
( - ) Jadi ningku ma, “Tongon, roh ma ahu, bani buku na ginulung in do tarsurat pasal sibahenonku.”
( - ) Mangkorjahon rosuh-Mu ai do na huharosuhkon, Ham Naibatangku, anjaha ibagas uhurhu do tah-Mu.
( - ) Domma huambilankon hapintoron-Mu bani humpulan banggal, tongon, seng tutup bibirhu, Ham Jahowa, ibotoh Ham do ai. ( - ) Seng huponopkon hapintoron-Mu
ibagas uhurhu, hupatugah-tugah do habujuron-Mu pakon pangurupion-Mu, seng huporsou idop ni uhur-Mu pakon hasintongan-Mu bani humpulan banggal. ( - ) Ham Jahowa, sai ulang ma buat
Ham parontou ni uhur-Mu humbangku, dear layak-Mu pakon hasintongan-Mu ma manramotkon ahu tongtong.
( - ) Ai hasunsahan do na manlio ahu, seng tarbilangi bueini; domma idorab salahku ahu, gabe seng boi ahu marpangidah,
bueinan do ai ase jambulan ni ulungku, gabe jut ma uhurhu.
( - ) Sai ra ma Ham Jahowa, paluahkon ahu, oloskon Ham ma, Jahowa, mangurupi ahu. ( - ) Sai maila anjaha tarbador ma bahen
Psalmen –
surut ma hu pudi anjaha tarbador, sidea na mangkarosuhkon hamagouanku.
( - ) Sai hirjat-hirjaton ma sidea anjaha tarbador, sagala na manggorahon bangku, “Eee, eee!”
( - ) Sai marolob-olob anjaha marmegah-megah ma ibagas Ham, sagala na
mangindahi Ham; sai tongtong ma ihatahon sagala na mangkasiholi pangurupion-Mu, “Banggal do Jahowa!”
( - ) Madoyuk anjaha masombuh do ahu, tapi idingat Tuhan do ahu. Ham do pangurupi ampa sipaluah bangku; Ham Naibatangku, ulang ma padokah-dokah Ham.
Tonggo Mangindo Hajorgiton
Bani pambobai koor. Psalm ni si Daud. ( - ) Martuah ma halak na marpanatap bani halak na galek; bani panorang
hasosakan, sai paluahon ni Jahowa do ia. ( - ) Jahowa do na manramotkon ampa
na pagoluhkonsi, anjaha martuah do ia bahenon-Ni i tanoh on; seng anjai ondoskonon-Ni ia hu tangan ni munsuhni. ( - ) Jahowa do na manatangsi bani
( - ) Ningku do, “Ham Jahowa, maidop ma uhur-Mu bangku, pamalum Ham ma ahu, ai dompak Ham do ahu mardousa.”
( - ) Isahapkon imbangku do na jahat dompak ahu: Sadihari do ia matei, ase magou
goranni?
( - ) Anggo dong halak na manorih ahu, ladung do isahapkon; na sambor do ipatumpu-tumpu uhurni, anjaha i darat isahap-sahapkon ma ai.
( - ) Ganup na marsogam ni uhur bangku marhusip-husip pasal ahu, na jahat do ipingkir-pingkiri sidea dompak ahu.
( - ) Domma mangonai bani naborit na parah, anjaha ia, na bal- bal ai, seng anjai hehe be.
( - ) Gari huan-kuanku, hatengeran ni
uhurhu, na rap mangan pakon ahu, iangkat do naheini laho mantadahkon ahu.
( - ) Tapi Ham Jahowa, sai idop ma uhur-Mu bangku, pajongjong Ham ma ahu, ase
mambalas ahu bani sidea.
( - ) Marhitei on botohonku ma, paboa na marosuh do Ham bangku, anggo seng be marsurak-surak imbangku dompak ahu. ( - ) Anjaha ahu, ibagas hasintongankai,
Psalmen –
( - ) Napuji ma Jahowa, Naibata ni Israel, humbani na basaia ronsi sadokah ni dokahni. Amen, amen.
(Buku Paduahon: Psalm - )
Sihol ni Uhur bani Naibata ampa bani Rumah-Ni na Pansing ai
Bani pambobai koor. Doding podah humbani ginompar ni si Korah. ( - ) Songon pangkasiholi ni ursa bani bah mardalan, sonai do pangkasiholi ni tonduyhu Bamu, Ham Naibata.
( - ) Horahan do tonduyhu bani Naibata, bani Naibata na manggoluh in; an gan pe das ahu, ase huidah bohi ni Naibata?
( - ) Iluhku do sipanganon bangku arian pakon borngin, halani manipat ari do ipangkatahon halak bangku, “Ija do Naibatamu?”
( - ) Ai ma na sihol ingatonku anjaha
huuseihon uhurhu ibagas, ai ma na rap ai ahu pakon halak na mabuei marayak rumah ni Naibata, marhasoman sora olob-olob ampa puji-pujian pakon halak na laho marpesta.
ai sai na pujionku ope Ia, Sipaluah bangku anjaha Naibatangku!
( - ) Unduk do tonduyhu ibagas diringku, halani ai, sai huingat do Ham hun tanoh Jordan pakon hun pardologan Hermon, humbani Dolog Misar.
( - ) Marsiarahan do bah mardalan na manjadihon pardosong ni sampuran-Mu; ganup ombak pakon gilumbang-Mu manangkobi ahu.
( - ) Arian itongos Jahowa idop ni uhur-Ni, anjaha bornginni mandoding ma ahu Bani, sada tonggo bani Naibata ni hagoluhanku. ( - ) Ningku ma dompak Naibata, batu
ginggingku, “Mase ma lupa Ham bangku? Mase ma maningon martujung-tujung ahu mardalan halani odoh-odoh ni munsuhku?” ( - ) Songon na hona kam do holi-holingku,
ibahen na ipahiri-hiri imbangku ahu, ai manipat ari do ihatahon sidea bangku, “Ija do Naibatamu?”
Psalmen –
Sambat ni Psalm
Pintori Ham ma ahu, ale Naibata, patorsa Ham ma parkarangku marimbang bangsa na so daulat; paluah Ham ma ahu humbani halak panipu pakon pargeduk.
Ai Ham do Naibata parlingodanku, mase ma itulak Ham ahu? Mase ma maningon martujung-tujung ahu mardalan halani odoh-odoh ni munsuhku?
Tongos Ham ma haliharon-Mu ampa
hasintongan-Mu; ase itogu anjaha ibobai ahu bani dolog-Mu na pansing in ampa hubani ianan-Mu;
gabe boi das ahu hu anjapanjap ni Naibata, hubani Naibata ni hamegahonku, ase marolob-olob ahu anjaha hupuji Ham
marhitei husapi, Ham Jahowa Naibatangku! Mase ma sai unduk ho tonduyhu anjaha rusak
ibagas diringku? Arapkon ma Naibata, ai sai na pujionku ope Ia, Sipaluah bangku, anjaha Naibatangku.
Doding Tangis-tangis ni Bangsa na Hona Dorun
Bani pambobai koor. Doding podah
