Yesu Woi Awn Gawgap Ai Sak Hkrung Nga Pra Masa
Ga Hpaw
I Kor 15:57 hta “Karai Kasang gaw Madu Yesu Hkrsitu a jaw e anhte hpe awng padang jaw nga ai” ngu ai lachyum hte Karai Kasang a chyeju hte si ai kaw na bai hkrung rawt wa lu ai lam hpe yubak mara a atsam, si hkrung si htan a palen kawn lawt lu ai ngu tsun da nga ai.
Sh.Kd 60:12 hta gaw “Karai Kasang anhte a hpang maga de tsap yang, anhte awng padang lu la na ga ai; shi gaw anhte a gumlau hpyen ni hpe shamyit kaw na ra ai” ngu masha a karum la ai lam kaman sha re; Karai Kasang karum la yang she gumlau hpyen hpe awng dang lu na, ru tsang ai hta na lawt lu na re ngu kamsham ai hte hpyi ai kyu hpyi ga rai nga ai.
Lahta na chyum daw lahkawng gaw Karai Kasang a daru magam hpung shingkang hte anhte lam shagu hta ( yubak mara a astam kaw na, si hkrung si htan a palen kaw na, gumlau hpyen kaw na, ru tsang ai hta na) awng dang lam lu la na ga ai ngu ai mungga rai nga ai. Dai rai yang, Karai Kasang gaw Yesu Hkristu a marang e kaning re ai awng padang jaw nga a ta? ngu ai the, dai awng padang hpe anhte gara hku lu la mai a ta? ngu ai hpe chyum masa hku htai la ra ga ai.
3.Ye su galaw ai magam bungli ni gaw (a) Yubak kap ai ni hpe hkye la ai (I Tim 1:15)
(b) Matsan mayan ni hpe kabu gara shi ga hkaw tsun na matu, Bawng dung ai ni hpe shalawt na matu, myi kyaw ai ni hpe myi mu shangun na matu, zingri zingrat hkrum ai ni hpe dat dat shangun na matu hte, Madu a sharawng awng ai shaning ni hpe hkaw tsun da na matu re. De a hpunda gaw, asak hkrung lu na hte nhpaw n-ya lu la na matu re (Yawhan 10:10). Nhpaw n-ya ngu ai gaw K.K a mungdan a nam chyim rai nga ai tsaw ra ai, tara rap ra ai, shanglawt shangun ai, ngwi pyaw simsa ai lam ni hte asak hkrung nga lu ai hpe tsun ai re.
III. Chyum Laika Hta Shaleng Dan Da Ai Gaw Gap Ai Lam Myu Lahkawng
Karai Kasang/Yesu hta gaw gap ai Mungkan lam hku gaw gap ai 1. N.N 6:1-22 ÜNoa Yehowa a man e
myi man pa ai. Dai aten na
shinggyim masha ni a arawn alai sat lawat n hkan ai. K.K matsun ai hte maren sanghpaw li gaw gap ai. Hpun kawa kaw na hkawt sanghpaw li shadawn shadang ma hkra K.K jaw ai. Lam magup hpe K.K matsun ai hku hkan galaw ai (ga shadawn N.N 7:16 Qsanghpaw li chyinghka K.K pat ya ai, N.N 8:17Q sanghpaw nna
1. N.N 11:1-11Ü Babela shara hta ga ningtsa ting e kajai gumhkawng ai mying lu la na matu mare hte lamu dep ai wahpang langchyi gaw gap ai hpe Karai Kasang, langai hte langai tinang a manang tsun ai ga n chye na mat hkra, shanhte a ga ni hpe shanut kau ya nna, ga ningtsa ting de shabra kau ya wu ai. (N.N 10:5Q hpe hti yu ga yang 'shaga ai ga hte abaw asang kaga ga' re ai masha ni
pru wa shangun ai). nga ai hpe tsun dan da ai). 2. Sh.K 1 Yehowa a tara hta awng nga ai, Shi
a tara hpe shani shana myit mang ai.
2. Sh.K 1 Tara n lang ai, Yubak kap ai, jahpoi ai
3. Mahte 7:24 ÜNta hpe lunghkurng ntsa e gap da ai hpaji rawng ai wa: Yesu a ga na nna hkan galaw ai. Dai marang htu nna, hka tung wa ai hte nbung bung wa nna, dai nta hpe ahtu ti mung, n kadawng lu ai.
3. Mahte 7:24Ü Nta hpe zai bru jang e gap da ai masha angawk wa: Yesu a ga na nna n hkan galaw ai. Dai marang htu nna, hka tung wa ai hte nbung bung wa nna, dai nta hpe wa ahtu wu ai rai nna, dai gaw kadawng daw mat ai. De a kadawng daw mat ai gaw nyawp rap rai nga ai.
4. Mahte 25:1-13 La nnan hpe hkap bawp la na pru sa ai shaloi tinang a pyengdin hte rau, tau ni hta sau mung lang ma ai (chyip chyip rai hkyen lajang nna ala ai)
Mahte 25:1-13 La nnan hpe hkap bawp la na pru sa ai shaloi tinang a pyengdin sha lang nna tinang a matu sau nlang ma ai (chyip chyip rai hkyen lajang nna ala ai lam n nga ai).
Karai Kasang gaw Madu Yesu Hkristu a jaw e jaw ai awng dang lam ni gaw: (1) Marai hkum hte seng nna lawt lu ai awng padang (personal liberation), (2) htung tara shadik ai makam masham kaw na lawt lu ai awng padang (liberation from religion), (3) Masha nga pra lam hte seng nna lawt lu ai awng padang (social liberation) ngu ai lam masum re.
I. Marai hkum hte seng nna lawt lu ai awng padang (personal liberation).
Yesu shinggyim gyim hkum hkrang dagraw let mungkan ga de du sa ai gaw, yubak a tsin yam kaw na lawt lu na matu rai nga ai. Dai yubak a tsin yam ngu ai gaw Adam a shut hpyit ai mara a majaw shinggyim masha ni yawng hta kap mat wa ai mara ( the original sin of Adam) hte, Karai Kasang a sharawng awng ai hku asak n hkrung ai sha shut ai yubak mara (actual sin) ni a gyit hkang da ai npu kaw asak hkrung nga ra ai lam rai nga ai.
Yesu Hkristu hpe kam hpa manoi manat let kam sham ai hku nna, yubak mara hpe raw dat kau ya ai chye ju, tsadan a gunglau ai lam hpe dang manga lu ai atsam hte, Karai Kasang sharawng awng ai lam hpe lata la nna hkan sa asak hkrung lu ai atsam ni la lu shangun nga ai. Dai gaw kam sham ai ni hpe Yesu Hkristu hte grau bung wa hkra matsun madun la ai, n’gun atsam jaw ai, gaw gap la ai lam rai nga ai. Anhte shinggyim masha ni gaw yubak mara a majaw, ndai dinghta mungkan masha ni hku asak hkrung na matu gaw hkum tsup gingdan tim, Karai Kasang a mungdan hte seng ai shinggyim masha ni tai na matu n hkum tsup mat sai, n gingdan mat sai. N hkum tsup mat sai shinggyim masha gaw, hkum tsup ai Karai Kasang a kasha bai tai wa lu na matu tinang hkrai n galai shai la lu nga ai. Karai Kasang gaw Madu Yesu Hkrsitu a jaw e anhte hpe jaw ai awng padang lam hku na she galai shai wa lu ga ai. Dai lam hku nna, Karai Kasang galai shai ya ai hpe hkam la ai hku nna sha, yubak mara a atsam, si hkrung si htan a palen kaw lawt lu ga ai. Dai majaw, Yawhan 5:24 hta “ Nye a ga madat nna ngai e shangun dat ai wa hpe kam
sham ai wa gaw htani htana asak lu la wu ai rai nna, tara daw dan ai kaw n du ai sha, si nga ai kaw nna hkrung nga ai de, kawt lai wa sai”ngu tsun da nga ai.
Yesu Hkristu gaw ru sai, lu su nga mai madang, makam masham n gin hka ai sha yawng hpe tsaw ra ai wa re. Shinggyim wuhpawng e yubak mara lu ai ngu masat ai n se n sa galaw ai num, kanghta ai ni, myu tsaw zealots ni, Samari ni, machyi makaw lam amyu myu hkrum sha nga ai ni yawng hpe shinggyim wuhpawng a shgrit kau ai, ginhka kau ai kaw na bai shalawt la nga ai. Manggang kap ai ni, machyi makaw hkrum ai ni, hkum hkrang ra rawng gawng kya ai ni hpe shamai shatsai ya ai sha n’ga, gyit hkang da ai, shinggyim madang n dep shangun ai, ginhka da hkrum ai lam yawng kaw na shalawt ya nga ai. Shinggyim masha shagu tinang hkum hpe tinang tengman jaw ang ai hku chye na shangun ai hte shanglawt lu ai wa zawn tinang a asak hkrung lam hpe tinang Karai Kasang a amying ningsang hta gaw gap lu ai ni tai wa shangun nga ai. Dai gaw tinang hkum tinang ningmu ningnan hte chye na la ai lam, karai sharawng awng ai asak hkrung lam ni hpe chye na la ai sha n’ga, tinang a asak hkrung lam hpe Yesu Hkristu hta gaw gap la lu ai lam rai nga ai.
Hkrang bung sum la hte hpan da hkrum ai re majaw Karai Kasang a man e shinggyim masha yawng gaw manu dan ai. Karai Kasang manu shadan ai hpe chye na nna, Karai a chyeju hpe myit dik let Krai Kasang sharawng awng ai hku asak hkrung yang awng dang ai asak hkrung lam hpe lu la na re. Yesu hte seng ai wa zawn, tinang a hkum shan myit mung, myit kayut ai hte marin marit ai hte nawng wudang hta jen da kau nna, Karai Kasang shareng shagrau tawn ai tinang a hkum hkrang hpe manu shadan let Yesu hte rau asak hkrung ai lam re. Dai gaw, Yesu jaw ya ai chyeju a marang e, tinang a tinggyeng myit hte, tigyeng akyu hpe sha machyu ai kaw na tinggyeng lu la na akyu nlawm ai sha, masha wa a akyu matu asak hkrung ai de (From selfishness to genuine love and other-centerness), tingnang hkum tinang sha shagrau shatsaw mayu ai myit kaw na, Karai Kasang a mying ningsang a matu asak hkrung ai de (from self-promotion to glorification oof God), ja gumhpraw arung arai ntsa hta sha machyu ai kaw na Karai Kasang a shaman chyeju npu kaw Karai Kasang hte rau asak hkrung ai de galai shai wa ai lu ai lam rai nga ai. Lam mi hku nga yang, mungkan asak hkrung lam a shimlam pahkm hte, myit mada shara hpe, shi a mungdan hte shi a dinghpring ai lam hpe shawng tam let lu la ai awng padang lam rai nga ai (Mt. 6:25-34).
Dai majaw, Yesu jaw ya nga ai marai hkum hte seng nna lawt lu ai awng padang lam gaw, Karai Kasang hte Karai Kasang a mungga hpe chye ai sha n rai, dai mungga hte maren asak hkrung lam ningnan hta asak hkrung ai lam rai nga ai. Kasa Pawlu gaw dai hpe “Hkristu hta e marai langai ngai rai nga ai teng yang gaw, shi gaw ningnan hpan da ai wa rai ngai; dingsa hte gaw lai mat wa sai, yu mu dai hte gaw ningnan tai wa sai” (II Kor 5:17) ngu asak hkrung lam yawng galai shai let wuhpawng hta asak hkrung ai hpe tsun dan nga ai. Shinggyim masha a asak hkrung lam hta wenyi hkye hkrang la hkrum ai lam sha n rai, Karai Kasang a hpung shingkang dan hkung na matu hkrung ai lam rai nga ai. Dai gaw, Yesu Hkristu hpe kam sham ai a marang e, Karai Kasang shaprat ya ai asak hkrung lam ningnan rai nga ai. Karai Kasang kaw nna shaprat ai wa kadai rai ti mung mungkan ga hpe dang kau lu ai (I Yawhan 5:4). Yubak ngarai kaw na lawt lu ai chyeju hkam la lu ai sha n rai, tsadan hte mungkan a marin marit lam, hkum shan myit kayut ai hte marin marit lam yawng hpe dang manga awng dang lu ai asak hkrung lam hpe Yesu jaw ya nga ai.
Yesu Hkristu gaw, htung shadik ai hpe sha, madung dat ai makam masham kaw na shalawt ya nga ai. Yuda ni a makam masham hta tinang a yubak mara a matu nawku htung kaw masat da ai hkungga ni nawng jau nna Karai Kasang a man hta shaprai la lu ai ngu kam ma ai. Yesu gaw Karai Kasang hpe kam sham ai hku nna sha mara raw dat ya ai chyeju hkam la lu na re ngu, shi nan hkungga hkum tai hkam kau let htung tara shadik ai makam masham kaw na lawt lu ai awng padang jaw ya nga ai.
Jep ai tara ni gaw yubak mara hpe madi madun ai lam sha rai nna, yubak mara kaw na n shalawt lu ai. Yuda ni gaw dinghpring ai lam hpe jep ai tara hkan shadik ai hku lu la mai ai ngu tsun sharin ma ai. Rai tim, dinghpring ai ngu ai gaw Karai Kasang sha jaw ya lu ai hte, masat ya lu ai lam re. Shinggyim masha yawng gaw yubak kap ai ni hkrai re ai majaw, ding hpring ai wa n nga ai, langai mi pyi n nga ai ngu Kasa Paawlu mung tsun sharin da nga ai (Roma 3:10). Dinghpring ai hpe kawsi hpang kara nga ai ni gaw a lu ma ai (Mt 5:6), dai ni gaw kam sham ai hte Karai Kasang sharawng awng ai hku asak hkrung mayu ai ni re majaw, Karai Kasang tsaw ra ai ni re ngu Yesu tsun sharin da nga ai. Dai majaw, Yesu gaw masha a tara shadik ai hte dinghpring shakut ai hku nna hkye hkrang la ai lam lu la na n rai, kam sham ai hte sha hkye hkrang la ai lam lu la mai ai ngu, jep ai tara a mayam tai ai kaw na lawt lu ai awng dang lam jaw nga ai re.
Mahte 23 hta, Yesu gaw Karai Kasang hta, nawku htung tara hpe grau ahkyak shatai ai, kaga ni hpe gaw tara shadik shatup shangun nna tinang nan gaw dai tara hpe n hkan ai, tinang galaw ai amu hpe masha ni mu nna shagrau na hte hkungga na hpe ra marin ai, shinggan shingni hku san seng shakut tim myit masin nsan seng ai, matsan dum chye ai hte kam sham ai lam hte hpe n hkan galaw ai, Karai Kasang a tengman ai mungga len shalai ai ni hpe zingri sat kau kau re ai lam ni galaw ai, dai aten na Yuda makam masham nignbaw ningla ni hpe asung arung ngu daru sharin nga ai. Yesu gaw makam masham ngu ai hpe shinggan shingni hku tara shadik ai, chyoi pra shakut ai hpe tsun ai n re; Karai Kasang a daru magam hpung shingkang hte tsaw ra myit hpe myit masin kata kaw na hkam la lu ai hte, dai hpe chyeju dum ai myit masin hte bai htang nna, Karai Kasang sharawng awng ai hku asak hkrung ai lam she re ngu tsun sharin da nga ai.
Tengman ai makam masham a shingni maka gaw, myi a matu myi, wa a matu wa matai bai htang ai hku dang la ai lam n rai; mai kaja ai hte n hkru n kaja ai hpe dang la ai lam she re. Myi a matu myi, wa a matu wa matai bai htang lu ai tara hkan ai gaw, yu maya shinggyim masha a myit masa lai rai nga ai. Yesu tsun ai gaw, dai zawn re ai myit masa lai gaw tinggyeng akyu hpe machyu ai myit masa re ai majaw, sum sing mungdan a kashu kasha tai na matu n hkum tsup nga ai. Tinang matai htang lu na ahkang nga tim n tai ai, tinggyeng akyu hpe n machyu ai, masha wa a mai kaja lam a matu myit ai myit masa ningja hte asak hkrung na matu Yesu tsun sharin ai re. Dai gaw, n hkru n kaja ai lam galaw ai wa tinang galaw shut ai lam hpe gaya dum nna, myit malai lu wa shangun mai ai lam mung rai nga ai. Ga shadawn, I Sam 24:17 hta Dawi, shi hpe sat na matu hkan gyam ai Shawlu hkaw hkam hpe sat kau na ahkang lu tim n sat ai. Dai lam hpe Shawlu chye ai shaloi Dawi hpe “nang mahtang ngai hta grau nit dai, ngai nang hpe nhkru ai hku galaw ti pyi, nang ngai hpe kaja ai hku htang nit dai” ngu gaya dum ai myit tsun ai re. Dai majaw Yesu gaw, tara hpe hkan shadik ai hku nna, matai htang ai hku n re ai sha, hpyen ai ni hpe tsaw ra ai, zingri zingrat ai ni a matu akyu hpyi ya ai hku nna, tsaw ra myit hte awng padang hkam la lu shangun nga ai (Mt 5: 38-41).
Dai ni mung, kam sham ai Hkristan nkau mi, nawku htung shadik ai hku, makam masham lam ni hta shang lawm gun hpai nga ma ai, dinghpring shakut nga ma ai. Rai tim, dai ni a asak hkrung lam hta Karai Kasang a mai kaja ai lam sakse n hkam la lu ai. Dai majaw, shaning na na wa hpung masha tai tim,
Yesu hta ningnan tai nna galai shai wa ai asak hkrung lam n lu la ai. Yesu madun lai wa sai kasi gaw, Karai Kasang hpe kam sham ai hte Shi a ga madat mara nna, asak hkrung ai lam re. Dai she tengman ai kam sham lam majing re. Dai hku asak hkrung ai hku nna, Yesu gaw nhpaw nya asak lu la shangun nga ai (Yawhan 10:10).
III. Masha nga pra lam hte seng nna lawt lu ai awng dang lam (social liberation)
Dai ni law law wa, Yesu Hkristu a shinggyim hkum hkrang dagraw ai hte wudang ntsa si hkam nna bai hkrung rawt ai hkye hkrang la lam gaw Adam a shut hpyit ai mara a majaw shinggyim masha ni yawng hta kap mat wa ai mara ( the original sin of Adam) kaw na hkye la ai lam re ngu sha tsun ma ai. Karai Kasang a sharawng awng ai hku asak n hkrung ai sha shut ai yubak mara (actual sin) kaw na mung hkye hkrang shaw la nga ai ngu ai hpe n tsun shalawm ai ni law law re.Yesu a sharin achyin ai lam hta yubak mara ngu ai gaw Karai Kasang hkrung shangun mayu ai asak hkrung lam hku n rai mat ai,(sh) asak n hkrung ai hpe ngu ai re. Dai majaw, Yesu a hkye hkrang la ai lam gaw, wenyi sha n rai, asak hkrung lam yawng hte seng nga ai. Dai rai nna, masu magaw, kaling kachyit, hkalem hkalau, roi rip dip sha, lachyen ginhka, n tara ai hku asak hkrung ai lam yawng mung Karai Kasang sharawng awng ai lam hte nhtan shai ai re majaw, yubak hte seng ai lam rai nga ai. Karai Kasang hpan da ai shinggyim masha ni hte n dai dinghta mungkan hpe Karai Kasang sharawng awng ai hku, tsaw ra myit hte n daw jau ai lam ni mung yubak mara rai nga ai.
Karai Kasang a hkik hkam kaba dik ai hkang da ai tara gaw” dai Madu na a Karai Kasang hpe, na a myit kraw lawang ma hkra hte, na a myit masin wenyi mahkra hte, na a myit mang mahkra hte, na n-gun lagaw mahkra hte, nang tsaw ra lu na n dai; na a htingbu wa hpe, na a hkum hte maren nang tsaw ra lu na ndai” (Mt. 22:34-40; Mk. 12:30-31; Lk 10:25-28) ngu ai rai nga ai. Yesu Hkristu hpe kam hpa manoi manat ai hte, Shi hte rau mungkan hpe htingbu wa hpe daw jau ai lam rai nga ai.Yesu htawn tsun ai hte gaw gap ai gaw sumsing mungdan (sh) Karai Kasang a mung dan rai nga ai. Karai Kasang a mungdan du wa magang ra ai myit malai lu mu (Mk 1:15) ngu nna, n dai mungkan hta nan myit malai ai hte sumsing mungdan a kashu kasha hku asak hkrung shangun nga ai. “Na mungdan du wa ru ga; lamu tang hta na a myit dik nga ai hte maren, ga ntsa e mung dik lit ga law”(Mt. 6:10) ngu nna n dai mungkan Karai Kasang myit dik ai shara tai wa na matu kyu hpyi ra ai ngu sharin ya ai re. Tinggyeng myit hpe
shagyawm kau nna htingbu wa a akyu a matu, shinggyim wuhpawng a akyu a matu grau asak hkrung ai lam re. “Dai madu a lam lajng da mu, shi a lam mason ni hpe shading mu: hkaraw hkamwam shagu kaput lu na rai nga ai, bum hte kawng shagu hpe daw kau lu na rai nga ai; magaw ai lam ni hpe shading lu na rai nga ai, machyawk marawk re ai lam ni hpe shara lu na rai nga ai; shaloi ahkrang ashan yawng gaw, Karai Kasang a hkye hkrang la ai lam mu lu na ra ai” (Lk 3:4-6) ngu nna hkalup sara Yaw Han Yesu gaw gap ai mungdan hte seng ai lam hpe tau hkrau htawn tsun lai wa sai re. Karai Kasang a mungdan gaw tsaw ra myit hte ningngai nga ai shara, tara rap ra ai hte ngwi pyaw simsa ai lam lu la nga ai shara (Love, peace and justice) rai nga ai. Dai majaw, Yubak kaw na hkye hkrang la ai gaw hkum ding dek hte seng ai zawn, shinggyim wuhpawng hte mung seng nga ai; sum sing mungdan gaw hkum dingdek hte seng ai zawn shinggyim wuhpawng hte mung seng nga ai.
Lk 4:18-19 hta matsan mayan ni kabu lu na matu, bawng dung ai ni lawt lu na matu, myi kyaw ai ni myi bai mu na matu, zingri zingrat hkrum ai ni dat dat hkrum na matu, Madu a sharawng awng ai shaning hkaw tsun dan na matu du sa ai re ngu, shinggyim masha ni a lawt ra ai lam ni yawng kaw na
shalawt na du sa ai ngu Yesu tsun ai re. Yesu gaw kaji hutm ai ni, gai dawng gai da ni, jahkrai ni, kaw si hpang gara hkrum nga ai ni, jasam hku shinggyim wuhpawng a shinggan de masat da kau hkrum ai ni, machyi makaw hkrum ai ni, n tara ai hku dip sha roi sha hkrum ai ni, shinggyim wuhpawng kaw na matsat kau hkrum ai ni, n kaw n law di hkrum ai ni yawng hpe shalawt la nga ai re. Yesu hpe kam sham ai ni Karai Kasang a shalawt la ai chyeju hpe mu mada hkam sha lu shangun nga ai.
Ga shaka dingsa na Israela ni a labau hta mung Karai Kasang gaw Israela ni hpe ru yak jam jau, tsin yam tsin dam amyu myu kaw na hkye mawoi la ai re. Shi hpe shagroi gara ai myit masin hte hpyi jahtau ai shaloi, Israela myu ni hpe shi a hpung shingkang hte mau hpa amu hku shamai shatsai ya ai lam ni, jahkru shakat ai lam ni, hpyen ni hpe awng dang lu ai lam ni, mungdan lu ai amyu tai shangun ai lam ni, kaga myu sha ni yu mangoi ai amyu tai shangun ai lam ni hte awng padang lam jaw lai wa sai re. Israela ni a lak nak, n’gun lagaw atsam marai, hpaji machye machyang, ja gumhpraw arawng sadang hte n rai, Karai Kasang a daru magam hpung shingkang hte dai ni du hkra Israela myu ni hpe mungkan hta grin nga shangun ai re.
Karai Kasang gaw anhte myu W.P sha ni hpe mung n hkaw n tai, kaji kadun, n chye n chyang ai kaw na shi hpe kam sham ai a marang e, dai ni du hkra mungkan ntsa grin nga shangun ai hte ndai madang du hkra shagrau shatsaw la nga ai re. Anhte a lak nak, n’gun lagaw atsam marai, hpaji machye machyang, ja gumhpraw arawng sadang hte n rai, Karai Kasang a daru magam hpung shingkang hte, amyu langai hku grin nga shangun ai sha n-ga, rawt jat galu kaba wa shangun nga ai re.
Ga Hpung Dim
Yehowa Karai Kasang gaw shi hpe nawku kam sham ai ni hpe grit nem mat, kaji kadun mat, chyana nan mat, htum mat shangun mayu ai Karai Kasang n re. Galoi mung shi a daru magam hpung shingkang hte chyeju jaw let, awng dang lam de lakawn la nga ai Karai Kasang re. Lamu madu, ga madu, gumhpraw madu, ja lungseng madu, arawng sadang jaw ya lu ai madu, hpaji byeng-ya jaw ya lu ai madu, mungkan ting hpe madu ai madu re. Tengman ai makam masham hte shi hpe nawku daw jau let asak hkrung jang Abraham, Isak, Yaku ni hpe jaw da ai ga sadi anhte a ntsa e mung Karai Kasang shadik ya na re. Israela ni hpe nawng hkyeng hpe rap shalawt nna hkye la ai zawn, Yawdan hka hpe jahkyet kau ya nna ga sadi lamu ga de du shang wa shangun ai zawn, anhte myu W.P sha ni hpe mung htani htana asak sha jaw ai n rai, dai ni na mung masa, sut masa, shinggyim nga pra masa a majan yawng kaw na mung awng padang lam jaw na re. Amyu kaba ni hpe kam ai hku n rai, tinang a hpaji machye machyang hta kam ai hku n rai, tinang lu ai chyu pala lak nak hpe kam ai hku n rai, tinang a n’gun lagaw atsam marai hta kam ai hku n rai; Karai Kasang hpe kam sham ai hte Shi a ga shaka hkan nang ai hku nna, masha amyu nlang hte hta na anhte Karai Kasang a Sali wunli tai na ga ai. Kasai Kasang a matu hkinjawng mungdan hte chyoi pra ai amyu anhte myu W.P sha ni tai na ga ai law (Pru 19:5-6).
Jai Lang Ai Laika ni,
1 Franklyn J. Balasundaram, Contemporary Asain Christian Theology (Bangalore, India: The United Theological College, 1995).
3 William Barclay, The Letters to The Corinthians (Bangalore, India: Theological Publications,1994).
Ginlen Shalai Ai:
Rev.Dr. Lahpai Awng Li MIT, Insein. Nhtoi 5 March, 2017.
