S BD 1105451 Chapter3

(1)

Rahmalia Ulfah, 2015

Kalimah impositif dina novel baruang ka nu ngarora karangan D.K. Ardiwinata Universitas Pendidikan Indonesia | repository.upi.edu | perpustakaan.upi.edu

BAB III

MÉTODE PANALUNGTIKAN

3.1 Desain Panalungtikan

Desain panalungtikan mangrupa bagan guluyuran tahap panalungtikan anu

ngagambarkeun léngkah-léngkah panalungtikan. Dina ieu desain ngawengku

métode panalungtikan. Métode panalungtikan nya éta cara anu digunakeun ku nu

nalungtik pikeun ngumpulkeun data panalungtikan (Arikunto, 2006, kc. 160).

Desain ieu panalungtikan nyoko kana desain kualitatif kalayan ngagunakeun

métode déskriptif. Métode déskriptif nya éta métode panalungtikan anu maksudna

pikeun ngungkulan jeung ngaréngsékeun pasualan-pasualan aktual ku cara

ngumpulkeun data, nyusun papasingan, nganalisis, sarta nafsirkeun data

(Arikunto, 2006, kc. 239). Anu didéskripsikeun dina ieu panalungtikan nya éta data adegan, ma’na, jeung maksim kasopanan kalimah impositif dina novél Baruang ka nu Ngarora karangan D.K. Ardiwinata. Ieu métode dipiharep bisa

ngaréngsékeun pasualan kalimah impositif anu aktual ku cara papasingan,

nganalisis, sarta nafsirkeun data kalimah impositif.

Dina desain panalungtikan, tahapan awal panalungtik néangan jeung nyusun

masalah dumasar pasualan anu bakal ditalungtik, saenggeus nangtukeun masalah

tahapan kadua nya éta ngumpulkeun data tina objék nu ditalungtik, ari dina

ngumpulkeun data pikeun meunangkeun hasil ngagunakeun instrumén

panalungtikan nya éta kartu data, tahapan katilu nya éta data hasil ngumpulkeun,

(2)

26

Tina déskripsi di luhur, bisa katitén desain pikeun ieu panalungtikan nu

kagambar sakumaha bagan di handap.

Bagan 3.1 Desain Panalungtikan

Masalah:

1) Naon waé kalimah impositif nu kapanggih?

2) Kumaha adegan pragmatis kalimah impositif?

3) Kumaha ma’na pragmatis kalimah impositif?

4) Kumaha maksim kasopanan kalimah impositif?

Nyieun kacindekan

Instrumén panalungtikan: Kartu data

Déskripsi data:

1) Adegan kalimah impositif

2) Ma’na kalimah impositif

3) Maksim kasopanan kalimah impositif

(3)

27

3.2 Data jeung Sumber Data Panalungtikan

Data dina ieu panalungtikan nya éta kalimah impositif nu disusun tina adegan, ma’na, jeung maksim kasopanan. Data kalimah impositif dicokot tina sumber data.

Sumber data panalungtikan mangrupa subjék ti mana data dimeunangkeun.

Ieu panalungtikan digunakeun ragam basa tulis tina karangan sastra minangka sumber datana. Sumber datana nya éta novél “Baruang ka nu Ngarora” karangan D.K. Ardiwinata. Ari datana Sakabéh klausa atawa kalimah anu ngandung

kalimah impositif dina novél Baruang ka nu Ngarora.

Novél Baruang ka nu Ngarora mangrupa novél Sunda anu munggaran, anu

medal ti taun 1914, ayeuna dikaluarkeun ku Kiblat Buku Utama nu perenahna di

jalan Gumuruh Bandung. Ieu novél kandelna 107 kaca, jeung ukuranana 22 cm x

15 cm x 1 cm. Eusina aya salapan épisode.

Ieu novél nyaritakeun ngeunaan kahirupan asmara budak ngora. Kawinna

Nyi Rapiah jeung Ujang Kusén anu pada-pada geulis jeung kasép, kacida bagjana

pangantén anyar, tapi éta kabagjaan teu lila, dilantaranan ayana gogoda ti Aom

Usman anu bogoh ka Nyi Rapiah. Rasa bogoh Aom Usman ka Nyi Rapiah anu

gedé nyababkeun rumah tangga Ujang Kusén jeung Nyi Rapiah burantak nepi ka

pipisahanana. Ahirna Nyi Rapiah jeung Aom Usman kawin, sanajan kulawarga

Aom Usman henteu panuju lantaran nganggap status Nyi Rapiah henteu sapantar

jeung kolotna Aom Usman anu golongan ménak.

3.3 Ngumpulkeun Data

3.3.1 Instrumén Ngumpulkeun Data

Instrumén panalungtikan nya éta alat anu digunakeun ku panalungtik pikeun

ngumpulkeun data sangkan panalungtikan leuwih gampang jeung hasil anu hadé,

dina harti lengkep jeung sistematis nepi ka gampang diolah (Arikunto, 2006, kc.

(4)

28

Ieu panalungtikan ngagunakeun kartu data salaku alat atawa instrumén

panalungtikan. Eusi dina kartu data nya éta cutatan data kalimah impositif dina

novél Baruang ka nu Ngarora karangan D.K. Ardiwinata, saterusna dibéré nomer

jeung kodeu anu aya disajeroeun tanda kurung (....) nya éta nomer urut data anu

ngawengku judul novél, kaca, jeung no pada, kalimah impositif nu aya dina

novél.

KARTU DATA

Ari satadina maksud kuring montong popoharaan kitu, (BKNN/6/5)

Adegan : Pola 1: Kal Imp S J – C – K + In Fi: 222

Ma’na : Kal impositif nyarék Maksim Kasopanan: Maksim kawijaksanaan

Katerangan kartu data:

Téhnik anu dipaké pikeun ngumpulkeun data dina ieu panalungtikan, nya éta

téhnik studi pustaka. Téhnik studi pustaka dipaké pikeun meunangkeun informasi

dina néangan jeung ngumpulkeun data anu mangrupa buku, nya éta karya sastra

novél nu judulna Baruang ka nu Ngarora karangan D.K. Ardiwinata.

Léngkah-léngkah pikeun ngumpulkeun data anu dibutuhkeun, dilakukeun

ngaliwatan sababaraha tahapan di handap.

1) Maca buku anu rék ditalungtik, nya éta novél Baruang ka nu Ngarora

karangan D.K. Ardiwinata.

(5)

29

3) Nyalin kalimah impositif kana kartu data.

4) Nyusun kartu data dumasar alfabétis.

5) Nalaah kalimah impositif dumasar adegan, ma’na, jeung maksim kasopanan.

6) Nyieun papasingan kalimah dumasar kana adegan, ma’na, jeung maksim

kasopanan kalimah impositif.

3.4 Analisis Data

Téhnik anu dipaké pikeun analisis data dina ieu panalungtikan nya éta téhnik

analisis unsur sacara langsung. Téhnik analisis unsur langsung dipaké lantaran

sumber data panalungtikan mangrupa data tinulis, udaganana pikeun ngolah data

anu patali jeung déskripsi adegan, ma’na, jeung maksim kasopanan kalimah

impositif dina novél Baruang ka nu Ngarora karangan D. K. Ardiwinata.

Téhnik ngolah jeung nganalisis anu dipaké dina ieu panalungtikan ngaliwatan

sababaraha tahapan anu ditétélakeun di handap.

1) Mariksa deui sakabéh data kalimah impositif anu geus disusun sacara alfabétis.

2) Nangtukeun papasingan kalimah impositif.

3) Nganalisis data tina papasingan kalimah impositif.

4) Ngitung persentase papasingan kalimah impositif.

5) Ngadéskripsikeun kalimah impositif dumasar adegan, ma’na, jeung maksim

kasopanan dina kalimah basa Sunda.