Handout 2-Diin (3).pdf

Paaralang De La Salle Santiago Zobel FILIPINO 5

HANDOUT BLG. 2

UNANG TERMINO 2015-2016

Diin – antas ng lakas nang bigkas ng salita o bahagi ng salita Tuldik – isang hudyat na idinagdag sa isang titik upang mapalitan ang pagbigkas o malaman ang pagkakaiba nito sa pagitan ng

magkakatulad na mga salita.

Uri ng Diin:

1.MALUMAY- binibigkas ito nang dahan-dahan at may diin sa pagbigkas sa ikalawang pantig buhat sa hulihan. Ito ay hindi ginagamitan ng tuldik o palatandaan. Maaaring magtapos ang salitang malumay sa patinig o katinig.

Hal:

buhay kubo kulay dahon

malumay baka babae apat

2.MALUMI- ang bigkas sa malumi ay tulad sa bigkas ng mga salitang malumay. Ito ay binibigkas nang dahan-dahan at may diin sa ikalawang pantig buhat sa hulihan subalit ang malumi ay may impit na tunog sa dulo ng mga salita. Palaging nagtatapos sa tunog patinig. Ginagamitan ito ng tuldik na paiwa(\).

Hal:

barò batà tamò lahì luhà lupà

panlapì mayumì

3. MABILIS- binibigkas ito nang tuloy-tuloy na ang diin ay nasa huling pantig, wala itong impit na tunog. Maaaring magtapos ang mga salitang binibigkas nang mabilis sa katinig o patinig.

Ginagamitan ito ng tuldik na pahilis (/) na inilalagay sa ibabaw ng huling patinig ng salita.

Hal:

diláw pitó kahón bulaklák hulí sapín buwán rebolusyón

4.MARAGSA- binibigkas ito nang tuloy-tuloy na tulad ng mga salitang binibigkas ng mabilis, subalit ito ay may impit o pasarang tunog sa hulihan. Tulad ng malumi, ito ay palagiang nagtatapos sa tunog na patinig. Ginagamit dito ang tuldik na pakupya (/\) na inilalagay sa ibabaw ng huling patinig ng salita.

Hal:

dagâ wastô pasâ tumulâ

hindî kumulô humulâ ginawâ

_____________________________________________________

Pagsasanay:

(http://lessons.ph/studyaids/allschools/grade5/wika5/f5a0003a.htm)

Panuto:

Isulat ang Y kung malumay, I kung malumi, A kung maragsa at S kung mabilis ang pagbigkas sa mga sumusunod na salita.

Pagbigkas

Gap-fill exercise

siya

dusa

munti

umaga

maganda

ginamit

hiya

kunwari

salita

dagli

sumaya

ligaya

pakikisama

natatangi

ito

(http://www.scribd.com/doc/84094434/LSM-Grade-5-Filipino-3rd-Trim-Exam-SY-2011- 2012)

B. Isulat sa patlang kung anong uri ng diin ang mga sumusunod na salita. Lagyan ito ng tuldik.

________ 1. daga _________6. tumula ________ 2. huli _________7. mayumi ________ 3. kubo _________8. buhay ________ 4. luha _________9. babae ________ 5. bulaklak _________10. hindi