ROSARYO SA MGA KALULUWA
Purihin natin at sambahin ang ngalan ng Panginoon. Antanda ng Santa Krus , ipag-adya mo kami Panginoon naming Dios sa mga kaaway namin, Sa ngalan nang Ama, ng Anak at ng Dios Espiritu Santo. Amen.
Pagsisisi
Panginoon kong Jesus Cristo, Dios na totoo at tao namang totoo. gumawa at sumakop sa akin, pinagsisisihan kong masakit na masakit sa tanang loob ko ang dilang pagkakasala ko saiyo, ikaw nga po ang Dios ko, Panginoon ko’t Ama ko, na iniibig ko ng lalo sa lahat, nagtitika naman akong matibay na matibay na di na muling magkakasala sa iyo, lalayuan ko na at pangi-ngilagan baling
makababakla ng loob ko sa masama at makalilibat nang dating sakit nang kaluluwa ko, nagtitika naman akong magkumpisal ng dilang kasalana ko, umaasa akong patatawarin mo rin alang-alang sa inyong mahal na pasyon at pagkamatay mo sa krus dahilan sa akin at sa lahat nang tao. Siya nawa.
PANALANGIN:
Buksan mo Panginoon ko ang mga labi namin pakalinisin sa walang mahahalay at likong walang akala. Liwanagin mo ang aming mga bait, papagningasin ang aming mga puso nang magunam-gunam naming mataimtin ang kamatayan sampu ng kapait-paitang dinaralita ng iyong marangal na Ina, at maging dapat kaming dinggin sa harapan ng iyong matingkalang kapangyarihan, nabubuhay ka po at
naghahari magpasa walang hanggan. Siya nawa.
Lubhang maawaing Jesus ko, ay lingapin mo po, ng iyong matang mahabagin ang kaluluwa nitong bininyagan namatay na aming ________.
Sagot: Na dahil sa kanya ay nagpakasakit ka at nagpakamatay ka sa krus
(Sagot sa 1-10: Kaawaan mo’t patawarin sa kasalanan ang kaluluwa nitong aming pinag-rorosaryo.)
1. Jesus ko alang-alang sa masaganang dugo na iyong ipinawis nang manalangin ka sa halamanan.
2. Jesus ko alang-alang sa tampal na tinanggap ng iyong kagalang-galang na mukha.
3. Jesus ko alang-alang sa masasakit na hampas na iyong tiniis. 4. Jesus ko alang-alang sa koronang tinik na nagsitimo sa kasantu-santusang mong ulo.
5. Jesus ko alang-alang sa paglakad mo sa langsangan ng kapaitan ng krus ay iyong kababaw-babaw.
6. Jesus ko alang-alang sa kasantu-santusang mong mukha na naliligo sa dugo at iyong binayaang malarawan sa birang ni Veronica.
7. Jesus ko alang-alang sa damit mong natigmak ng dugo na biglang pinaknit at hinubad sa iyong katawan nang mga tampalasan. 8. Jesus ko alang-alang sa kasantu-santusan mong katawan na napako sa krus.
9. Jesus ko alang-alang sa kasantu-santusang paa at kamay na pinakuan ng mga pakong ipinagdalita mong masakit.
10. Jesus ko alang-alang sa tagiliran mong nabuksan sa saksak ng isang matalim na sibat at binukalan ng dugo at tubig.
R. Magbigay siya nang liwanag at ilaw na walang katapusan. V. Mapanatag nawa siya sa kapayapaan.
(Sagot: Siya Nawa) Paghahain
Katamis-tamisang Jesus ko na sa pagsakop sa sangkatauhan at iniibig mong ikaw ay ipanganak, tumulo ang iyong mahalagang dugo sa pagtutuli, inalipusta ng mga Judio, napasa kamay ng mga tampalasan sa paghalik ni Judas, ginapos ng mga lubid, dinala sa pagpaparipahan saiyo, tulad sa corderong walang sala, iniharap kay Anas, kay Cayfas, kay Pilato at kay Herodes, niluran, pinaratangan at pinatutohanan ng mga saksing sinungaling, tinampal, naging alimura, natadtad ng sugat ang buo mong katawan sa hampas ng suplina, pinatungan ng
koronang tinik, natakpan ang iyong mukha ng isang purpura, sa pagpapalibhasa saiyo, nalagay sa isang pagkabuhong kahiya-hiya, napako sa Krus, at natinding sa kaniya napagitna sa dalawang
magnanakaw na parang isa sa kanila, pinainom ng apdong linahukan ng suka, at ang iyong tagiliran ay silain ng isang sibat. Hanguin mo na po Panginoon ko alang-alang doon sa madlang sakit na lubhang mapait para dalitain mo ang kaluluwa sa Purgatorio ng aming (kapatid,magulang) na sa pagdurusa niya ay iakyat mo siya sa langit ng matiwasay sa iyong kaluwahatian, iligtas mo siya alang-alang sa mga karapatan ng iyong kasanto-santosang pagpapa-kasakit at
pagkamatay mo sa Krus, sa mga hirap sa infierno, nang siya ay maging dapat pumasok sa payapang kaharian ng iyong pinagdalhan sa
mapalad na magnanakaw na nakisama sa iyong naripa sa Krus, nabubuhay ka nga po at naghahari na kasama ng Diyos Ama at ng Diyos Espiritu Santo magpasawalang hanggan. Siya nawa.
V. Pagkalooban mo po siya ng kapayapaang walang hanggan.
R. Magbigay siya ng liwanag at ilaw na walang katapusan. V. Mapanatag nawa sa kapayapaan. (Siya Nawa)
Letania. Kyrie Leson Kristie Leson
Kristo, pakinggan mo kami Kristo, pakapakinggan mo kami
Diyos Ama sa langit. (Maawa ka sa kanya)
Diyos Anak na tumubos ng sanglibutan (Maawa ka sa kanya) Diyos Espiritu Santo (Maawa ka sa kanya)
Santisima Trinidad na tatlong persona sa iisang Diyos. Santa Maria Sagot: Ipanalangin mo sila o’ kami. Santang Ina ng Dios
Santang Virigen ng mga Virgines Ina ni Kristo
Ina ng grasia ng Dios Inang kasakdal sakdalan Inang kalinislinisan Ina ng kaibig-ibig Ina ng kataka-taka Ina ng may gawa sa lahat Ina ng mapag-adya
Birheng kapaham-pahaman Birheng dapat igalang Birheng dapat ipagbantog Birheng maawain
Birheng makapangyayari
Birheng matibay na loob sa magaling Salamin ng katuwiran
Mula ng tuwa namin Sisidlan ng kabanalan Sisidlang bunyi at bantog
Sisidlang bukod na makusaing sumunod sa Panginoong Diyos Rosang bulaklak na di mapuspos ng bait ng taong halaga Torre ni David Toreng Gareng Bahay na ginto Kaban ng tipan Pinto sa langit Talang maliwanag
Mapag-pagaling sa mga may sakit
Pagsasak-dalan ng mga taong makasalanan Mapang-aliw sa nagda-dalamhati
Mapag-ampon sa mga Kristianos Reyna ng mga Angeles
Reyna ng mga Patriarkas Reyna ng mga Profetas Reyna ng mga Apostoles Reyna ng mga Martires Reyna ng mga Confesores Reyna ng mga Virgenes Reyna ng lahat ng Santos
Reyna ng kasanto-santosang Rosario
Reyna na ipinaglihi na di nagmana ng salang original Reyna ng kapayapaan
Kordero ng Diyos, na nakawawala ng mga kasalanan ng sanglibutan Sagot: Patawarin mo po kami Panginoon
Kordero ng Diyos na nakawawala ng mga kasalanan ng sandaig-digan Sagot: Pakapakinggan mo po kami Panginoon namin.
Kordero ng Diyos na nag-aalis ng kasalanan ng sangtinakpang langit. Sagot: Kaawaan mo po kami.
Sa ilalim ng iyong pagkakandili, oh Santang Ina ng Diyos, kami ay lumililong, huwag mong talikdan ang aming pag-aamo-amo, kung dinaratnan ng kasalatan, bagkus iyong iadya kami sa dilang panganib. Birheng mahal at maluwalhati.
Leader: Ipanalangin mo kami Santang Ina ng Diyos.
Sagot: Nang kami ay maging dapat makinabang sa mga pangako ni Hesukristong Panginoon.
V. Panginoon namin, dinggin mo pong malugod ang aming pagaamo-amo. (3X)
R. At dumating nawa sa iyong tainga ang aming pagdaing.
Ipanagtatagubilin namin sa inyo Panginoon naming Diyos, ang kaluluwa nitong bininyagang namatay na aming (kapatid/magulang) sapagkat siya ay pumanaw na dito sa ibabaw ng lupa, ay mangyaring ipatawad ang awa mong walang hanggan sa kaniyang nagawang kasalanan at laging mabuhay saiyo magpasa walang hanggan. Siiya nawa.
Ama namin sumasalangit ka sambahin ang ngalan mo, mapasa-amin ang kaharian mo sundin ang loob mo dito sa lupa para nang sa langit. Bigyan mo po kami ngayon ng aming kakanin sa araw-araw. At
patawarin mo kami sa aming mga sala, para nang pagpapatawad nami sa nagkakasala sa amin at huwag mo kaming ipahintulot sa tukso at iadya mo kami sa lahat ng masama. Amen.
Aba Ginoong Maria, napupuno ka ng grasya, ang Panginoong Diyos ay sumasaiyo, bukod kang pinagpala sa babaeng lahat, at pinagpala ka naman ng iyong anak na si Jesus. Santa Maria Ina ng Diyos,
ipanalangin mo kaming mga makasalanan ngayon at kung kami ay mamamatay. Amen.
Pagkalooban mo po siya ng kapayapaang walang hanggan. Mapanatag nawa siya sa kapayapaan. (Siya Nawa)
Ipinag-tatagubilin namin sa inyo Panginoon naming Diyos ang kalahat-lahatang kaluluwa na nagkakasakit sa purgatorio at sa kaluluwa ng walang nakaka-ala-ala, sa kaluluwa ng aming (____magulang, ____ kapatid), ay kung baga’y nasa purgatorio ang kanilang kaluluwa ay mahango at matimawa sa hirap, kaawaan mo silang mpasama sa buhay na walang hanggan. (Siya Nawa)
Ama Namin sumasalangit ka sambanhin ang ngalan mo mapasa amin ang kaharian mo sundin ang loob mo dito sa lupa para nang nasa langit. Bigyan mo kami ngayon ng aming kakanin sa araw-araw at patawain mo kami sa aming mga sala para ng pagpapatawad namin sa nagkakasala sa amin, at huwag mo kaming ipahintulot sa tukso at iadya mo kami sa lahat ng masasama. Amen.
Aba Ginoong Maria, napupuno ka ng grasya, ang Panginoong Diyos ay sumasaiyo, bukod kang pinagpala sa babaeng lahat, at pinagpala ka naman ng iyong anak na si Jesus.
Santa Maria Ina ng Diyos, ipanalangin mo kaming mga makasalanan ngayon at kung kami ay mamamatay. Amen.
Pagkalooban mo po siya ng kapayapaan at walang hanggan. Mapanatag nawa siya sa kapayapaan (Siya Nawa)
Panginoon kong Jesukristo, Amang katamis-tamisan, pakundangan sa pagkaligaya ng iyong iniibig na Ina nang ikaw ay pakita sa kaniya niyong gabing mabuhay kang mag-uli, at ikaw ay makitang punong-puno ng kaluwalhatian, alang-alang sa iyong pagka Diyos, idinaraing ko sa iyo na ako ay liwanagan mo ng mga biyaya ng Diyos Espirito Santo nang sa mga araw-araw, samantalang ako ay buhay
mangyaring matupad ko ang loob mo, nabubuhay ka nga at nag naghahari magpawalang hanggan. Siya nawa.
Pagkalooban mo po siya ng kapayapaang walang hanggan. Mapanatag nawa siya sa kapayapaan. (Siya Nawa)
O maawaing Hesus na totoong nag-aalab sa pagsinta sa kaluluwa alang-alang sa hapis ng kamahal-mahalang puso mo, nang
maghingalo ka sa Krus sa mga kasakitan ng kalinis-linisang Ina mo, ay iniaamo ko sainyo na hugasan mo ng iyong mahalagang dugo, patawarin mo ang lahat ng makasalanan na naghihingalo at
namamatay ngayong (gabi/araw) ito na sila ay pagkalooban ng tunay na pagsisisi sa kanilang nagawang kasalanan, yamang sila’y papasok na sa buhay na walang hanggan. (Siya Nawa)
Santong Diyos, Santong makapangyarihan, Santong walang kamatayan, siya po ay kaawaan. (3x)
Bendito y alabado, Santisimo Sacramento, Diyos Padre, Diyos iho, Diyos Espiritu, El Santisismo Sacramento de la altar e la purisima, en maculada Concepcion de la Birhen Maria, Madre De Diyos, Senora Nuestra, consebida senmansa depecado orihinal, en el primer instante de secer natural por siempre hamas, Amen.
Viva Jesus, Maria y Jose..Jesus ko kami a y paalam ngunit bago namin iwan, kaawaan mo po kami at bendisyunan, huwag mo po kaming pababayaan, O Mariang Ina ni Jesus, Inang Birheng mapagkupkop, kaming alipin mo’t lingkod, paalam sainyo, Adios.
Ave Maria Purisima... Simpicado concevida. Sa ngalan ng Ama, ng Anak, ng Diyos Espiritu Santo. AMEN!
