Anggitan SANG BEGAWAN SIRNADIRASA 1. "Adeg Adeg"
Lamun jalma kudu NGAGUGU kabéh kana KAHAYANG batur, tangtu RIPUH nu ngagugu, NGEUNAH nu DIGUGU.
Lamun jalma EMBUNG ngagugu kana KAHAYANG batur, tangtu RIPUH anu HAYANG digugu, NGEUNAH anu EMBUNG NGAGUGU.
Anu matak RAPIHNA lamun SILIH GUGU, satengah jeung satengah, sakadar HENTEU matak ripuh salah-saurang.
2. BENER jeung SALAH
Mana anu BENER? naha cék pribadi atawa cék batur?
• Teu beunang disebut BENER jalma ngarasa bener cék PRIBADI, sanajan SALAH cék batur. – sabab ieu jalma beurat teuing ku AHÉRAT, nyaah teuing ku pribadi, kajeun dipikaceuceub batur.
• Teu beunang disebut BENER, jalma rasana anu bener cek batur, sanajan salah cek pibadi. – sabab ieu jalma beurat teuning ku DUNYA, henteu nyaah ka awak pribadi, lamo ngeunah batur.
Tah anu matak GUYUR baé saumur-umur jeung pada batur marebutkeun perkara ieu, loba nu CILAKA dunya-ahérat, sakur anu GORÉNG timbanganana. Nu matak saumur-umur taya pegatna “marebutkeun bener”; EUWEUH anu mertélakeun TEPI KA YAOMAL-KIYAMAH. Saha nu geus yaomal kiyamah, tangtu BISAEUN NYARITA.
Ari jalma AYA SALAHNA?
Jawabna: EUWEUH! Nu aya nga MISALAHNA jeung karep anu HENTEU panujueun. Ari jalma AYA BENERNA?
Jawabna: EUWEUH! Nu aya ogé KABENERANANA jeung anu PANUJUEUN.
